Sukta 11

Rk 1

उपा॑स्मै गायता नरः॒ पव॑माना॒येन्द॑वे अ॒भि दे॒वाँ इय॑क्षते

Rk 2

अ॒भि ते॒ मधु॑ना॒ पयोऽथ॑र्वाणो अशिश्रयुः दे॒वं दे॒वाय॑ देव॒यु

Rk 3

स नः॑ पवस्व॒ शं गवे॒ शं जना॑य॒ शमर्व॑ते शं रा॑ज॒न्नोष॑धीभ्यः

Rk 4

ब॒भ्रवे॒ नु स्वत॑वसेऽरु॒णाय॑ दिवि॒स्पृशे॑ सोमा॑य गा॒थम॑र्चत

Rk 5

हस्त॑च्युतेभि॒रद्रि॑भिः सु॒तं सोमं॑ पुनीतन मधा॒वा धा॑वता॒ मधु॑

Rk 6

नम॒सेदुप॑ सीदत द॒ध्नेद॒भि श्री॑णीतन इन्दु॒मिन्द्रे॑ दधातन

Rk 7

अ॒मि॒त्र॒हा विच॑र्षणिः॒ पव॑स्व सोम॒ शं गवे॑ दे॒वेभ्यो॑ अनुकाम॒कृत्

Rk 8

इन्द्रा॑य सोम॒ पात॑वे॒ मदा॑य॒ परि॑ षिच्यसे म॒न॒श्चिन्मन॑स॒स्पतिः॑

Rk 9

पव॑मान सु॒वीर्यं॑ र॒यिं सो॑म रिरीहि नः इन्द॒विन्द्रे॑ण नो यु॒जा