Sukta 80
Mandala 8 · 10 rks
10 rks · free forever
Listen at your pace. New audio may take a moment to prepare. Narration settings
Rk 1
न॒ह्य१॒॑न्यं ब॒ळाक॑रं मर्डि॒तारं॑ शतक्रतो त्वं न॑ इन्द्र मृळय
Rk 2
यो नः॒ शश्व॑त्पु॒रावि॒थामृ॑ध्रो॒ वाज॑सातये स त्वं न॑ इन्द्र मृळय
Rk 3
किम॒ङ्ग र॑ध्र॒चोद॑नः सुन्वा॒नस्या॑वि॒तेद॑सि कु॒वित्स्वि॑न्द्र णः॒ शकः॑
Rk 4
इन्द्र॒ प्र णो॒ रथ॑मव प॒श्चाच्चि॒त्सन्त॑मद्रिवः पु॒रस्ता॑देनं मे कृधि
Rk 5
हन्तो॒ नु किमा॑ससे प्रथ॒मं नो॒ रथं॑ कृधि उ॒प॒मं वा॑ज॒यु श्रवः॑
Rk 6
अवा॑ नो वाज॒युं रथं॑ सु॒करं॑ ते॒ किमित्परि॑ अ॒स्मान्त्सु जि॒ग्युष॑स्कृधि
Rk 7
इन्द्र॒ दृह्य॑स्व॒ पूर॑सि भ॒द्रा त॑ एति निष्कृ॒तम् इ॒यं धीर्ऋ॒त्विया॑वती
Rk 8
मा सी॑मव॒द्य आ भा॑गु॒र्वी काष्ठा॑ हि॒तं धन॑म् अ॒पावृ॑क्ता अर॒त्नयः॑
Rk 9
तु॒रीयं॒ नाम॑ य॒ज्ञियं॑ य॒दा कर॒स्तदु॑श्मसि आदित्पति॑र्न ओहसे
Rk 10
अवी॑वृधद्वो अमृता॒ अम॑न्दीदेक॒द्यूर्दे॑वा उ॒त याश्च॑ देवीः तस्मा॑ उ॒ राधः॑ कृणुत प्रश॒स्तं प्रा॒तर्म॒क्षू धि॒याव॑सुर्जगम्यात्