Sukta 78
Mandala 8 · 10 rks
10 rks · free forever
Listen at your pace. New audio may take a moment to prepare. Narration settings
Rk 1
पु॒रो॒ळाशं॑ नो॒ अन्ध॑स॒ इन्द्र॑ स॒हस्र॒मा भ॑र श॒ता च॑ शूर॒ गोना॑म्
Rk 2
आ नो॑ भर॒ व्यञ्ज॑नं॒ गामश्व॑म॒भ्यञ्ज॑नम् सचा॑ म॒ना हि॑र॒ण्यया॑
Rk 3
उ॒त नः॑ कर्ण॒शोभ॑ना पु॒रूणि॑ धृष्ण॒वा भ॑र त्वं हि शृ॑ण्वि॒षे व॑सो
Rk 4
नकीं॑ वृधी॒क इ॑न्द्र ते॒ न सु॒षा न सु॒दा उ॒त नान्यस्त्वच्छू॑र वा॒घतः॑
Rk 5
नकी॒मिन्द्रो॒ निक॑र्तवे॒ न श॒क्रः परि॑शक्तवे विश्वं॑ शृणोति॒ पश्य॑ति
Rk 6
स म॒न्युं मर्त्या॑ना॒मद॑ब्धो॒ नि चि॑कीषते पु॒रा नि॒दश्चि॑कीषते
Rk 7
क्रत्व॒ इत्पू॒र्णमु॒दरं॑ तु॒रस्या॑स्ति विध॒तः वृ॒त्र॒घ्नः सो॑म॒पाव्नः॑
Rk 8
त्वे वसू॑नि॒ संग॑ता॒ विश्वा॑ च सोम॒ सौभ॑गा सु॒दात्वप॑रिह्वृता
Rk 9
त्वामिद्य॑व॒युर्मम॒ कामो॑ ग॒व्युर्हि॑रण्य॒युः त्वाम॑श्व॒युरेष॑ते
Rk 10
तवेदि॑न्द्रा॒हमा॒शसा॒ हस्ते॒ दात्रं॑ च॒ना द॑दे दि॒नस्य॑ वा मघव॒न्त्सम्भृ॑तस्य वा पू॒र्धि यव॑स्य का॒शिना॑