Sarga 86

Verse 1

रामो बहून्य् अहान्य् एव तद् गीतं परमाद्भुतम् । शुश्राव मुनिभिः सार्धं राजभिः सह वानरैः ॥

rāmo bahūny ahāny eva tad gītaṃ paramādbhutam | śuśrāva munibhiḥ sārdhaṃ rājabhiḥ saha vānaraiḥ

Rāma, for many days, heard that supremely wondrous song, together with the sages, with the kings, and with the vānaras.

राम ने अनेक दिनों तक मुनियों, राजाओं तथा वानरों के साथ उस परम अद्भुत गीत को सुना।

Verse 2

तस्मिन् गीते तु विज्ञाय सीतापुत्रौ कुशीलवौ । तस्याः परिषदो मध्ये रामो वचनम् अब्रवीत् ॥

tasmin gīte tu vijñāya sītāputrau kuśīlavau | tasyāḥ pariṣado madhye rāmo vacanam abravīt

Recognizing in that song the two singers to be the sons of Sītā, Kuśa and Lava, Rāma, in the midst of that assembly, said these words:

उस गीत में उन दोनों गायकों—कुश और लव—को सीता के पुत्र जानकर राम ने उस सभा के मध्य यह वचन कहा—

Verse 3

मद्वचो ब्रूत गच्छध्वम् इति भगवतो ऽन्तिकम् ॥

madvaco brūta gacchadhvam iti bhagavato 'ntikam

"Convey my word; go to the presence of the revered one (Vālmīki):

"मेरा वचन कहो; भगवान् (वाल्मीकि) के पास जाओ—

Verse 4

यदि शुद्धसमाचारा यदि वा वीतकल्मषा । करोत्व् इहात्मनः शुद्धिम् अनुमान्य महामुनिम् ॥

yadi śuddhasamācārā yadi vā vītakalmaṣā | karotv ihātmanaḥ śuddhim anumānya mahāmunim

'If she is of pure conduct, or if she is free of sin, let her here perform the purification of herself, with the sanction of the great sage.'

'यदि वे शुद्ध आचरण वाली हैं, अथवा यदि निष्पाप हैं, तो महामुनि की अनुमति लेकर वे यहाँ अपनी शुद्धि (का प्रमाण) दें।'

Verse 5

छन्दं मुनेस् तु विज्ञाय सीतायाश् च मनोगतम् । प्रत्ययं दातुकामायास् ततः शंसत मे लघु ॥

chandaṃ munes tu vijñāya sītāyāś ca manogatam | pratyayaṃ dātukāmāyās tataḥ śaṃsata me laghu

And having learned the wish of the sage, and what is in the mind of Sītā, who desires to give proof [of her purity], tell me then quickly.

और मुनि की इच्छा तथा प्रमाण देने की इच्छुक सीता के मन की बात जानकर फिर शीघ्र मुझे बताओ।

Verse 6

श्वः प्रभाते तु शपथं मैथिली जनकात्मजा । करोतु परिषन्मध्ये शोधनार्थं ममेह च ॥

śvaḥ prabhāte tu śapathaṃ maithilī janakātmajā | karotu pariṣanmadhye śodhanārthaṃ mameha ca

Tomorrow at dawn let the Maithilī, the daughter of Janaka, perform the oath in the midst of the assembly, for her purification and for mine here."

कल प्रातःकाल जनककुमारी मैथिली अपनी तथा मेरी शुद्धि के लिए यहाँ सभा के मध्य शपथ करें।"

Verse 7

श्रुत्वा तु राघवस्यैतद् वचः परमम् अद्भुतम् । दूताः संप्रययुर् वाटं यत्रास्ते मुनिपुंगवः ॥

śrutvā tu rāghavasyaitad vacaḥ paramam adbhutam | dūtāḥ saṃprayayur vāṭaṃ yatrāste munipuṃgavaḥ

Hearing this supremely wondrous word of Rāghava, the messengers went to the enclosure where that bull among sages was.

राघव के इस परम अद्भुत वचन को सुनकर दूत उस कुटी (वाट) की ओर गए जहाँ वे मुनिश्रेष्ठ विराजमान थे।

Verse 8

ते प्रणम्य महात्मानं ज्वलन्तम् अमितप्रभम् । ऊचुस् ते राम वाक्यानि मृदूनि मधुराणि च ॥

te praṇamya mahātmānaṃ jvalantam amitaprabham | ūcus te rāma vākyāni mṛdūni madhurāṇi ca

Bowing to that great soul, blazing with boundless splendor, they spoke to him the words of Rāma, soft and sweet.

अमित तेजस्वी, प्रज्वलित उन महात्मा को प्रणाम करके उन्होंने राम के कोमल और मधुर वचन कहे।

Verse 9

तेषां तद् भाषितं श्रुत्वा रामस्य च मनोगतम् । विज्ञाय सुमहातेजा मुनिर् वाक्यम् अथाब्रवीत् ॥

teṣāṃ tad bhāṣitaṃ śrutvā rāmasya ca manogatam | vijñāya sumahātejā munir vākyam athābravīt

Hearing that speech of theirs, and knowing what was in Rāma's mind, the greatly radiant sage then said these words:

उनका वह वचन सुनकर और राम के मन की बात जानकर सुमहातेजस्वी मुनि ने यह वचन कहा—

Verse 10

एवं भवतु भद्रं वो यथा तुष्यति राघवः । तथा करिष्यते सीता दैवतं हि पतिः स्त्रियाः ॥

evaṃ bhavatu bhadraṃ vo yathā tuṣyati rāghavaḥ | tathā kariṣyate sītā daivataṃ hi patiḥ striyāḥ

"So be it; blessings upon you; as Rāghava is satisfied, so shall Sītā do; for the husband is the deity of a woman."

"ऐसा ही हो; तुम्हारा कल्याण हो; जैसे राघव संतुष्ट हों, वैसे ही सीता करेंगी; क्योंकि स्त्री का पति ही (उसका) देवता है।"

Verse 11

तथोक्ता मुनिना सर्वे रामदूता महौजसः । प्रत्येत्य राघवं सर्वे मुनिवाक्यं बभाषिरे ॥

tathoktā muninā sarve rāmadūtā mahaujasaḥ | pratyetya rāghavaṃ sarve munivākyaṃ babhāṣire

Thus addressed by the sage, all the messengers of Rāma, of great might, returning to Rāghava, all spoke the sage's word.

मुनि के इस प्रकार कहने पर वे सब महाबली रामदूत लौटकर राघव से मुनि का वचन कह सुनाए।

Verse 12

ततः प्रहृष्टः काकुत्स्थः श्रुत्वा वाक्यं महात्मनः । ऋषींस् तत्र समेतांश् च राज्ञश् चैवाभ्यभाषत ॥

tataḥ prahṛṣṭaḥ kākutsthaḥ śrutvā vākyaṃ mahātmanaḥ | ṛṣīṃs tatra sametāṃś ca rājñaś caivābhyabhāṣata

Then, delighted, Kākutstha, hearing the word of that great soul, addressed the sages gathered there, and the kings:

तब उस महात्मा का वचन सुनकर प्रसन्न होकर काकुत्स्थ ने वहाँ एकत्र ऋषियों तथा राजाओं से कहा—

Verse 13

भगवन्तः सशिष्या वै सानुगश् च नराधिपाः । पश्यन्तु सीताशपथं यश् चैवान्यो ऽभिकाङ्क्षते ॥

bhagavantaḥ saśiṣyā vai sānugaś ca narādhipāḥ | paśyantu sītāśapathaṃ yaś caivānyo 'bhikāṅkṣate

"Let the revered ones, with their pupils, and the lords of men with their retinues, behold Sītā's oath — and whosoever else desires [to see it]."

"भगवान् ऋषिगण अपने शिष्यों सहित, और नराधिप अपने अनुचरों सहित, तथा और जो कोई भी इच्छुक हो—सब सीता की शपथ देखें।"

Verse 14

तस्य तद्वचनं श्रुत्वा राघवस्य महात्मनः । सर्वेषम् ऋषिमुख्यानां साधुवादो महान् अभूत् ॥

tasya tadvacanaṃ śrutvā rāghavasya mahātmanaḥ | sarveṣam ṛṣimukhyānāṃ sādhuvādo mahān abhūt

Hearing that word of Rāghava, the great soul, there arose a great cry of approval from all the chief sages.

महात्मा राघव के उस वचन को सुनकर समस्त ऋषिमुख्यों में महान् साधुवाद (प्रशंसाध्वनि) उठा।

Verse 15

राजानश् च महात्मानः प्रशंसन्ति स्म राघवम् । उपपन्नं नरश्रेष्ठ त्वय्य् एव भुवि नान्यतः ॥

rājānaś ca mahātmānaḥ praśaṃsanti sma rāghavam | upapannaṃ naraśreṣṭha tvayy eva bhuvi nānyataḥ

And the great-souled kings praised Rāghava: "This is fitting, O best of men, in you alone upon earth, and nowhere else."

और महात्मा राजाओं ने राघव की प्रशंसा की—"हे नरश्रेष्ठ! यह पृथ्वी पर आप में ही शोभा देता है, और किसी में नहीं।"

Verse 16

एवं विनिश्चयं कृत्वा श्वोभूत इति राघवः । विसर्जयाम् आस तदा सर्वांस् ताञ् शत्रुसूदनः ॥

evaṃ viniścayaṃ kṛtvā śvobhūta iti rāghavaḥ | visarjayām āsa tadā sarvāṃs tāñ śatrusūdanaḥ

Having thus made his decision, [saying] "[It shall be] tomorrow," Rāghava, the slayer of foes, then dismissed all those assembled.

इस प्रकार "कल ही" ऐसा निश्चय करके शत्रुसूदन राघव ने तब उन सब एकत्र हुए लोगों को विदा किया।