Sarga 85

Verse 1

तौ रजन्यां प्रभातायां स्नातौ हुतहुताशनौ । यथोक्तम् ऋषिणा पूर्वं तत्र तत्राभ्यगायताम् ॥

tau rajanyāṃ prabhātāyāṃ snātau hutahutāśanau | yathoktam ṛṣiṇā pūrvaṃ tatra tatrābhyagāyatām

The two, when night had brightened into dawn, having bathed and offered oblations into the sacred fire, sang here and there, as the sage had directed before.

रात्रि के प्रभात होने पर वे दोनों स्नान करके, अग्नि में हवन करके, ऋषि के पहले कहे अनुसार जहाँ-तहाँ गान करने लगे।

Verse 2

तां स शुश्राव काकुत्स्थः पूर्वचर्यां ततस् ततः । अपूर्वां पाठ्य जातिं च गेयेन समलंकृताम् ॥

tāṃ sa śuśrāva kākutsthaḥ pūrvacaryāṃ tatas tataḥ | apūrvāṃ pāṭhya jātiṃ ca geyena samalaṃkṛtām

Kākutstha heard that song from place to place — the earlier career [of Rāma] — a composition hitherto unknown, both a recited class [of verse] and adorned with melody.

काकुत्स्थ राम ने जहाँ-तहाँ वह गीत सुना—राम का पूर्व-वृत्तान्त—जो एक अपूर्व रचना था, पाठ्य-शैली वाला और गान से अलंकृत।

Verse 3

प्रमाणैर् बहुभिर् बद्धां तन्त्रीलयसमन्विताम् । बालाभ्यां राघवः श्रुत्वा कौतूहलपरो ऽभवत् ॥

pramāṇair bahubhir baddhāṃ tantrīlayasamanvitām | bālābhyāṃ rāghavaḥ śrutvā kautūhalaparo 'bhavat

Bound with many measures, endowed with string-music and rhythm — hearing it from the two boys, Rāghava was filled with curiosity.

अनेक छन्दों में रचे गए, तन्त्री और लय से युक्त उस गीत को उन दोनों बालकों से सुनकर राघव कौतूहल से भर गए।

Verse 4

अथ कर्मान्तरे राजा समानीय महामुनीन् । पार्थिवांश् च नरव्याघ्रः पण्डितान् नैगमांस् तथा ॥

atha karmāntare rājā samānīya mahāmunīn | pārthivāṃś ca naravyāghraḥ paṇḍitān naigamāṃs tathā

Then, in an interval of the rite, the tiger among men, the king, having assembled the great sages, and the kings, and the learned, and the townsmen likewise,

तब यज्ञकर्म के अवकाश में नरव्याघ्र राजा ने महामुनियों को, राजाओं को, विद्वानों को तथा नागरिकों को—

Verse 5

पौराणिकाञ् शब्दवितो ये च वृद्धा द्विजातयः । एतान् सर्वान् समानीय गातारौ समवेशयत् ॥

paurāṇikāñ śabdavito ye ca vṛddhā dvijātayaḥ | etān sarvān samānīya gātārau samaveśayat

the reciters of the ancient lore, those versed in [the science of] sound, and the aged twice-born — having assembled all these, he had the two singers seated.

पौराणिकों को, जो शब्दशास्त्र के ज्ञाता थे, तथा जो वृद्ध द्विज थे—इन सबको बुलाकर दोनों गायकों को (बीच में) बैठाया।

Verse 6

हृष्टा ऋषिगणास् तत्र पार्थिवाश् च महौजसः । पिबन्त इव चक्षुर्भ्यां राजानं गायकौ च तौ ॥

hṛṣṭā ṛṣigaṇās tatra pārthivāś ca mahaujasaḥ | pibanta iva cakṣurbhyāṃ rājānaṃ gāyakau ca tau

Delighted were the hosts of sages there, and the kings of great might, as if drinking in with their eyes both the king and those two singers.

वहाँ ऋषिगण और महाबली राजा प्रसन्न होकर, मानो आँखों से राजा को तथा उन दोनों गायकों को पी रहे हों, (बैठे थे)।

Verse 7

परस्परम् अथोचुस् ते सर्व एव समं ततः । उभौ रामस्य सदृशौ बिम्बाद् बिम्बम् इवोद्धृतौ ॥

parasparam athocus te sarva eva samaṃ tataḥ | ubhau rāmasya sadṛśau bimbād bimbam ivoddhṛtau

Then they all said to one another, alike: "These two are the very likeness of Rāma, as one image drawn from another.

तब वे सब एक साथ परस्पर कहने लगे—"ये दोनों राम के सदृश हैं, मानो एक प्रतिबिम्ब से निकाला गया दूसरा प्रतिबिम्ब।

Verse 8

जटिलौ यदि न स्यातां न वल्कलधरौ यदि । विशेषं नाधिगच्छामो गायतो राघवस्य च ॥

jaṭilau yadi na syātāṃ na valkaladharau yadi | viśeṣaṃ nādhigacchāmo gāyato rāghavasya ca

Were they not matted-haired, were they not wearers of bark-garments, we should find no difference between the two as they sing and Rāghava."

यदि ये जटाधारी न होते और यदि वल्कल न पहने होते, तो गाते हुए इन दोनों में और राघव में हमें कोई अन्तर न दिखता।"

Verse 9

तेषां संवदताम् एवं श्रोतॄणां हर्षवर्धनम् । गेयं प्रचक्रतुस् तत्र ताव् उभौ मुनिदारकौ ॥

teṣāṃ saṃvadatām evaṃ śrotṝṇāṃ harṣavardhanam | geyaṃ pracakratus tatra tāv ubhau munidārakau

As they conversed thus, [the song] heightening the joy of the listeners, those two boys of the sage began the singing there.

उनके इस प्रकार बातचीत करते समय श्रोताओं का हर्ष बढ़ाने वाला वह गीत उन दोनों मुनि-बालकों ने वहाँ आरम्भ किया।

Verse 10

ततः प्रवृत्तं मधुरं गान्धर्वम् अतिमानुषम् । न च तृप्तिं ययुः सर्वे श्रोतारो गेय संपदा ॥

tataḥ pravṛttaṃ madhuraṃ gāndharvam atimānuṣam | na ca tṛptiṃ yayuḥ sarve śrotāro geya saṃpadā

Then the sweet gāndharva music, more than human, began; and all the listeners did not come to satiety with the richness of the song.

तब मधुर, अतिमानुष गान्धर्व (संगीत) आरम्भ हुआ; और सब श्रोता उस गीत की सम्पदा से तृप्त नहीं हुए।

Verse 11

प्रवृत्तम् आदितः पूर्वं सर्गान् नारददर्शनात् । ततः प्रभृति सर्गांश् च यावद्विंशत्य् अगायताम् ॥

pravṛttam āditaḥ pūrvaṃ sargān nāradadarśanāt | tataḥ prabhṛti sargāṃś ca yāvadviṃśaty agāyatām

It began from the very beginning — the cantos from the sight of Nārada onward; and from that point on they sang the cantos, up to twenty.

वह आरम्भ से—नारद के दर्शन वाले सर्गों से—आरम्भ हुआ; और वहाँ से लेकर उन्होंने बीस सर्गों तक गान किया।

Verse 12

ततो ऽपराह्णसमये राघवः समभाषत । श्रुत्वा विंशतिसर्गांस् तान् भरतं भ्रातृवत्सलः ॥

tato 'parāhṇasamaye rāghavaḥ samabhāṣata | śrutvā viṃśatisargāṃs tān bharataṃ bhrātṛvatsalaḥ

Then, at the hour of afternoon, Rāghava, affectionate to his brothers, having heard those twenty cantos, said to Bharata:

तब अपराह्न के समय भाइयों के प्रति वत्सल राघव ने उन बीस सर्गों को सुनकर भरत से कहा—

Verse 13

अष्टादश सहस्राणि सुवर्णस्य महात्मनोः । ददस्व शीघ्रं काकुत्स्थ बालयोर् मा वृथा श्रमः ॥

aṣṭādaśa sahasrāṇi suvarṇasya mahātmanoḥ | dadasva śīghraṃ kākutstha bālayor mā vṛthā śramaḥ

"Eighteen thousand pieces of gold give quickly, O Kākutstha, to those two great souls; let their labor not be in vain."

"हे काकुत्स्थ! इन दोनों महात्मा बालकों को शीघ्र अठारह सहस्र स्वर्णमुद्राएँ दो; उनका परिश्रम व्यर्थ न जाए।"

Verse 14

दीयमानं सुवर्णं तन् नागृह्णीतां कुशीलवौ । ऊचतुश् च महात्मानौ किम् अनेनेति विस्मितौ ॥

dīyamānaṃ suvarṇaṃ tan nāgṛhṇītāṃ kuśīlavau | ūcatuś ca mahātmānau kim aneneti vismitau

That gold, being given, the two — Kuśa and Lava — did not accept; and the two great souls, amazed, said: "What [is to be done] with this?

वह दिया जाता हुआ स्वर्ण उन कुश-लव ने ग्रहण नहीं किया; और विस्मित होकर वे दोनों महात्मा बोले—"इससे क्या (प्रयोजन)?

Verse 15

वन्येन फलमूलेन निरतु स्वो वनौकसौ । सुवर्णेन हिरण्येन किं करिष्यावहे वने ॥

vanyena phalamūlena niratu svo vanaukasau | suvarṇena hiraṇyena kiṃ kariṣyāvahe vane

We two forest-dwellers are content with the forest's fruits and roots; what shall we do with gold and wrought gold in the forest?"

हम दोनों वनवासी वन के फल-मूल से ही संतुष्ट हैं; वन में स्वर्ण और गढ़े हुए सोने से हम क्या करेंगे?"

Verse 16

तथा तयोः प्रब्रुवतोः कौतूहलसमन्विताः । श्रोतारश् चैव रामश् च सर्व एव सुविस्मिताः ॥

tathā tayoḥ prabruvatoḥ kautūhalasamanvitāḥ | śrotāraś caiva rāmaś ca sarva eva suvismitāḥ

As the two spoke thus, filled with wonder, the listeners and Rāma — all of them — were greatly amazed.

उन दोनों के इस प्रकार कहने पर श्रोता तथा राम—वे सब ही कौतूहल से भरकर अत्यन्त विस्मित हुए।

Verse 17

तस्य चैवागमं रामः काव्यस्य श्रोतुम् उत्सुकः । पप्रच्छ तौ महातेजास् ताव् उभौ मुनिदारकौ ॥

tasya caivāgamaṃ rāmaḥ kāvyasya śrotum utsukaḥ | papraccha tau mahātejās tāv ubhau munidārakau

And Rāma, eager to hear the origin of that poem, the mightily radiant one, asked those two boys of the sage:

और उस काव्य की उत्पत्ति सुनने के लिए उत्सुक महातेजस्वी राम ने उन दोनों मुनि-बालकों से पूछा—

Verse 18

किंप्रमाणम् इदं काव्यं का प्रतिष्ठा महात्मनः । कर्ता काव्यस्य महतः को वासौ मुनिपुंगवः ॥

kiṃpramāṇam idaṃ kāvyaṃ kā pratiṣṭhā mahātmanaḥ | kartā kāvyasya mahataḥ ko vāsau munipuṃgavaḥ

"Of what extent is this poem, and what the standing of its great-souled [author]? Who is the maker of this great poem, and who is that bull among sages?"

"यह काव्य कितना बड़ा है? इसके महात्मा (रचयिता) की क्या प्रतिष्ठा (स्थिति) है? इस महान् काव्य का कर्ता कौन है, और वह मुनिश्रेष्ठ कौन है?"

Verse 19

पृच्छन्तं राघवं वाक्यम् ऊचतुर् मुनिदारकौ । वाल्मीकिर् भगवान् कर्ता संप्राप्तो यज्ञसंनिधिम् । येनेदं चरितं तुभ्यम् अशेषं संप्रदर्शितम् ॥

pṛcchantaṃ rāghavaṃ vākyam ūcatur munidārakau | vālmīkir bhagavān kartā saṃprāpto yajñasaṃnidhim | yenedaṃ caritaṃ tubhyam aśeṣaṃ saṃpradarśitam

To Rāghava, who asked thus, the two boys of the sage spoke: "The revered Vālmīki is the author; he has come to the vicinity of the sacrifice — he by whom this whole story has been shown to you in full.

इस प्रकार पूछने वाले राघव से उन दोनों मुनि-बालकों ने कहा—"भगवान् वाल्मीकि इसके रचयिता हैं; वे यज्ञ के समीप पधारे हुए हैं—जिन्होंने यह समूचा चरित आपको दिखा दिया है।

Verse 20

आदिप्रभृति राजेन्द्र पञ्चसर्ग शतानि च । प्रतिष्ठा जीवितं यावत् तावद् राजञ् शुभाशुभम् ॥

ādiprabhṛti rājendra pañcasarga śatāni ca | pratiṣṭhā jīvitaṃ yāvat tāvad rājañ śubhāśubham

From the very beginning, O lord of kings, [it runs to] five hundred cantos; [it tells] the whole course and life [of Rāma], as far as it extends, O king, both the fair and the foul.

हे राजेन्द्र! हे राजन्! यह आरम्भ से लेकर पाँच सौ सर्गों में है; इसमें आपका समस्त वृत्तान्त और जीवन—जितना है उतना शुभ और अशुभ—वर्णित है।

Verse 21

यदि बुद्धिः कृता राजञ् श्रवणाय महारथ । कर्मान्तरे क्षणी हूतस् तच् छृणुष्व सहानुजः ॥

yadi buddhiḥ kṛtā rājañ śravaṇāya mahāratha | karmāntare kṣaṇī hūtas tac chṛṇuṣva sahānujaḥ

If your resolve is made, O king, O great chariot-warrior, to hear it — being summoned in this interval of the rite, at your leisure, hear it, together with your younger brothers."

हे राजन्! हे महारथ! यदि इसे सुनने का आपका विचार हो, तो यज्ञकर्म के इस अवकाश में बुलाए जाने पर, अपने अनुजों सहित अवकाश पाकर इसे सुनिए।"

Verse 22

बाढम् इत्य् अब्रवीद् रामस् तौ चानुज्ञाप्य राघवम् । प्रहृष्टौ जग्मतुर् वासं यत्रासौ मुनिपुंगवः ॥

bāḍham ity abravīd rāmas tau cānujñāpya rāghavam | prahṛṣṭau jagmatur vāsaṃ yatrāsau munipuṃgavaḥ

"So be it," said Rāma; and the two, taking leave of Rāghava, went, delighted, to the dwelling where that bull among sages was.

राम ने "ऐसा ही हो" कहा; और वे दोनों राघव से विदा लेकर प्रसन्न होकर उस निवास की ओर गए जहाँ वे मुनिश्रेष्ठ थे।

Verse 23

रामो ऽपि मुनिभिः सार्धं पार्थिवैश् च महात्मभिः । श्रुत्वा तद् गीतमाधुर्यं कर्मशालाम् उपागमत् ॥

rāmo 'pi munibhiḥ sārdhaṃ pārthivaiś ca mahātmabhiḥ | śrutvā tad gītamādhuryaṃ karmaśālām upāgamat

And Rāma too, together with the sages and the great-souled kings, having heard the sweetness of that song, went to the hall of rites.

और राम भी मुनियों तथा महात्मा राजाओं के साथ उस गीत की मधुरता सुनकर यज्ञशाला में लौट आए।