Sarga 70

Verse 1

तद् अद्भुततमं वाक्यं श्रुत्वागस्त्यस्य राघवः । गौरवाद् विस्मयाच् चैव भूयः प्रष्टुं प्रचक्रमे ॥

tad adbhutatamaṃ vākyaṃ śrutvāgastyasya rāghavaḥ | gauravād vismayāc caiva bhūyaḥ praṣṭuṃ pracakrame

Having heard that most wondrous speech of Agastya, Rāghava, out of reverence and amazement, began to ask again:

अगस्त्य का वह अत्यन्त अद्भुत वचन सुनकर राघव गौरव और विस्मय से पुनः पूछने लगे—

Verse 2

भगवंस् तद् वनं घोरं तपस् तप्यति यत्र सः । श्वेतो वैदर्भको राजा कथं तद् अमृगद्विजम् ॥

bhagavaṃs tad vanaṃ ghoraṃ tapas tapyati yatra saḥ | śveto vaidarbhako rājā kathaṃ tad amṛgadvijam

"Revered one, that terrible forest where he practiced austerity — Śveta, the king of Vidarbha — how was it bereft of beasts and birds?

"हे भगवन्! जिस घोर वन में वह विदर्भराज श्वेत तप करता था, वह वन मृगों और पक्षियों से रहित कैसे हो गया?

Verse 3

निःसत्त्वं च वनं जातं शून्यं मनुजवर्जितम् । तपश् चर्तुं प्रविष्टः स श्रोतुम् इच्छामि तत्त्वतः ॥

niḥsattvaṃ ca vanaṃ jātaṃ śūnyaṃ manujavarjitam | tapaś cartuṃ praviṣṭaḥ sa śrotum icchāmi tattvataḥ

And how did the forest become devoid of creatures, empty, bereft of men, that he entered it to practice austerity? I wish to hear the truth of it."

वह वन प्राणियों से रहित, शून्य और मनुष्यों से वर्जित कैसे हुआ, जहाँ वह तप करने के लिए प्रविष्ट हुआ? इसका यथार्थ मैं सुनना चाहता हूँ।"

Verse 4

रामस्य भाषितं श्रुत्वा कौतूहलसमन्वितम् । वाक्यं परमतेजस्वी वक्तुम् एवोपचक्रमे ॥

rāmasya bhāṣitaṃ śrutvā kautūhalasamanvitam | vākyaṃ paramatejasvī vaktum evopacakrame

Hearing Rāma's speech, filled with curiosity, the supremely radiant Agastya began to speak:

राम के कौतूहलपूर्ण वचन सुनकर परम तेजस्वी अगस्त्य कहने लगे—

Verse 5

पुरा कृतयुगे राम मनुर् दण्डधरः प्रभुः । तस्य पुत्रो महान् आसीद् इक्ष्वाकुः कुलवर्धनः ॥

purā kṛtayuge rāma manur daṇḍadharaḥ prabhuḥ | tasya putro mahān āsīd ikṣvākuḥ kulavardhanaḥ

"Of old, in the Kṛta age, O Rāma, Manu was the lord, the wielder of the rod of justice; his son was the great Ikṣvāku, the increaser of the line.

"हे राम! प्राचीन काल में कृतयुग में दण्डधारी प्रभु मनु थे; उनका महान् पुत्र इक्ष्वाकु था, जो कुल का वर्धन करने वाला था।

Verse 6

तं पुत्रं पूर्वके राज्ये निक्षिप्य भुवि दुर्जयम् । पृथिव्यां राजवंशानां भव कर्तेत्य् उवाच ह ॥

taṃ putraṃ pūrvake rājye nikṣipya bhuvi durjayam | pṛthivyāṃ rājavaṃśānāṃ bhava kartety uvāca ha

Setting that invincible son upon the earth in the ancestral kingdom, he said: 'Be the founder of royal dynasties on the earth.'

उस दुर्जय पुत्र को पैतृक राज्य में स्थापित करके मनु ने कहा—'पृथ्वी पर राजवंशों के प्रवर्तक बनो।'

Verse 7

तथेति च प्रतिज्ञातं पितुः पुत्रेण राघव । ततः परमसंहृष्टो मनुः पुनर् उवाच ह ॥

tatheti ca pratijñātaṃ pituḥ putreṇa rāghava | tataḥ paramasaṃhṛṣṭo manuḥ punar uvāca ha

And 'So be it' was promised to the father by the son, O Rāghava; thereupon, exceedingly pleased, Manu spoke again:

हे राघव! पुत्र ने पिता से 'ऐसा ही होगा' यह प्रतिज्ञा की; तब परम प्रसन्न होकर मनु ने फिर कहा—

Verse 8

प्रीतो ऽस्मि परमोदारकर्ता चासि न संशयः । दण्डेन च प्रजा रक्ष मा च दण्डम् अकारणे ॥

prīto 'smi paramodārakartā cāsi na saṃśayaḥ | daṇḍena ca prajā rakṣa mā ca daṇḍam akāraṇe

'I am pleased, and you are a doer of most noble deeds, no doubt; protect the subjects with the rod of justice, but do not wield the rod without cause.

'मैं प्रसन्न हूँ, और निःसंदेह तुम परम उदार कर्म करने वाले हो; दण्ड से प्रजा की रक्षा करना, किन्तु बिना कारण दण्ड न देना।

Verse 9

अपराधिषु यो दण्डः पात्यते मानवेषु वै । स दण्डो विधिवन् मुक्तः स्वर्गं नयति पार्थिवम् ॥

aparādhiṣu yo daṇḍaḥ pātyate mānaveṣu vai | sa daṇḍo vidhivan muktaḥ svargaṃ nayati pārthivam

The punishment that is inflicted upon offending men — that rod, applied according to rule, leads the king to heaven.

अपराधी मनुष्यों पर जो दण्ड दिया जाता है, वह विधिपूर्वक प्रयुक्त दण्ड राजा को स्वर्ग ले जाता है।

Verse 10

तस्माद् दण्डे महाबाहो यत्नवान् भव पुत्रक । धर्मो हि परमो लोके कुर्वतस् ते भविष्यति ॥

tasmād daṇḍe mahābāho yatnavān bhava putraka | dharmo hi paramo loke kurvatas te bhaviṣyati

Therefore, O mighty-armed one, be diligent in just punishment, my son; for the highest righteousness in the world shall come to you who act thus.'

इसलिए हे महाबाहो! हे पुत्रक! दण्ड (न्याय) के विषय में यत्नशील रहो; क्योंकि ऐसा करने वाले तुम्हें लोक में परम धर्म प्राप्त होगा।'

Verse 11

इति तं बहु संदिश्य मनुः पुत्रं समाधिना । जगाम त्रिदिवं हृष्टो ब्रह्मलोकम् अनुत्तमम् ॥

iti taṃ bahu saṃdiśya manuḥ putraṃ samādhinā | jagāma tridivaṃ hṛṣṭo brahmalokam anuttamam

Having thus instructed his son at length with concentrated mind, Manu, delighted, went to heaven, to the unsurpassed world of Brahmā.

इस प्रकार एकाग्रचित्त होकर अपने पुत्र को बहुत-सी शिक्षा देकर मनु प्रसन्नतापूर्वक स्वर्ग को—अनुपम ब्रह्मलोक को—चले गए।

Verse 12

प्रयाते त्रिदिवे तस्मिन्न् इक्ष्वाकुर् अमितप्रभः । जनयिष्ये कथं पुत्रान् इति चिन्तापरो ऽभवत् ॥

prayāte tridive tasminn ikṣvākur amitaprabhaḥ | janayiṣye kathaṃ putrān iti cintāparo 'bhavat

When he had departed to heaven, Ikṣvāku of boundless splendor became absorbed in the thought: 'How shall I beget sons?'

उनके स्वर्ग चले जाने पर अमित तेजस्वी इक्ष्वाकु इस चिन्ता में पड़ गए—'मैं पुत्रों को कैसे उत्पन्न करूँ?'

Verse 13

कर्मभिर् बहुरूपैश् च तैस् तैर् मनुसुतः सुतान् । जनयाम् आस धर्मात्मा शतं देवसुतोपमान् ॥

karmabhir bahurūpaiś ca tais tair manusutaḥ sutān | janayām āsa dharmātmā śataṃ devasutopamān

By rites of many and various kinds, the righteous son of Manu begot a hundred sons, like the sons of the gods.

तब धर्मात्मा मनुपुत्र इक्ष्वाकु ने नाना प्रकार के कर्मों से देवपुत्रों के समान सौ पुत्र उत्पन्न किए।

Verse 14

तेषाम् अवरजस् तात सर्वेषां रघुनन्दन । मूढश् चाकृतिविद्यश् च न शुश्रूषति पूर्वजान् ॥

teṣām avarajas tāta sarveṣāṃ raghunandana | mūḍhaś cākṛtividyaś ca na śuśrūṣati pūrvajān

The youngest of them all, O dear one, O delight of the Raghus, was dull and untutored, and would not serve his elders.

हे तात! हे रघुनन्दन! उन सबमें जो सबसे छोटा था, वह मूढ़ और अशिक्षित था, तथा अपने बड़ों की सेवा नहीं करता था।

Verse 15

नाम तस्य च दण्डेति पिता चक्रे ऽल्पतेजसः । अवश्यं दण्डपतनं शरीरे ऽस्य भविष्यति ॥

nāma tasya ca daṇḍeti pitā cakre 'lpatejasaḥ | avaśyaṃ daṇḍapatanaṃ śarīre 'sya bhaviṣyati

And his father gave that one of little splendor the name Daṇḍa (the Rod), [thinking] 'Inevitably the falling of the rod will come upon his body.'

अल्प तेज वाले उस पुत्र का नाम पिता ने 'दण्ड' रखा—[यह सोचकर कि] 'इसके शरीर पर अवश्य ही दण्ड का पतन होगा।'

Verse 16

स पश्यमानस् तं दोषं घोरं पुत्रस्य राघव । विन्ध्यशैवलयोर् मध्ये राज्यं प्रादाद् अरिंदम ॥

sa paśyamānas taṃ doṣaṃ ghoraṃ putrasya rāghava | vindhyaśaivalayor madhye rājyaṃ prādād ariṃdama

Seeing that dread fault in his son, O Rāghava, his father gave him a kingdom in the region between the Vindhya and the Śaivala mountains, O subduer of foes.

हे अरिंदम राघव! पुत्र के उस घोर दोष को देखकर पिता ने उसे विन्ध्य और शैवल पर्वतों के बीच का राज्य दे दिया।

Verse 17

स दण्डस् तत्र राजाभूद् रम्ये पर्वतरोधसि । पुरं चाप्रतिमं राम न्यवेशयद् अनुत्तमम् ॥

sa daṇḍas tatra rājābhūd ramye parvatarodhasi | puraṃ cāpratimaṃ rāma nyaveśayad anuttamam

There Daṇḍa became king, on the lovely slope of the mountains; and he founded there, O Rāma, a peerless and unsurpassed city.

हे राम! वहाँ पर्वतों की रमणीय तलहटी में दण्ड राजा हुआ; और उसने वहाँ एक अनुपम, अद्वितीय नगर बसाया।

Verse 18

पुरस्य चाकरोन् नाम मधुमन्तम् इति प्रभो । पुरोहितं चोशनसं वरयाम् आस सुव्रतम् ॥

purasya cākaron nāma madhumantam iti prabho | purohitaṃ cośanasaṃ varayām āsa suvratam

And he made the city's name Madhumanta, O lord; and he chose as his house-priest the virtuous Uśanas (Śukra).

हे प्रभो! उसने उस नगर का नाम 'मधुमन्त' रखा; और सुव्रत उशनस् (शुक्र) को उसने अपना पुरोहित चुना।

Verse 19

एवं स राजा तद् राज्यं कारयत् सपुरोहितः । प्रहृष्टमनुजाकीर्णं देवराज्यं यथा दिवि ॥

evaṃ sa rājā tad rājyaṃ kārayat sapurohitaḥ | prahṛṣṭamanujākīrṇaṃ devarājyaṃ yathā divi

Thus that king, with his house-priest, governed that kingdom, thronged with gladdened folk, like the kingdom of the gods in heaven."

इस प्रकार वह राजा अपने पुरोहित सहित उस राज्य को, स्वर्ग में देवराज्य के समान, प्रसन्न जनों से भरा हुआ चलाने लगा।"