Sarga 59

Verse 1

अथ रात्र्यां प्रवृत्तायां शत्रुघ्नो भृगुनन्दनम् । पप्रच्छ च्यवनं विप्रं लवणस्य बलाबलम् ॥

atha rātryāṃ pravṛttāyāṃ śatrughno bhṛgunandanam | papraccha cyavanaṃ vipraṃ lavaṇasya balābalam

Now, when night had set in, Śatrughna questioned the brahmin Cyavana, the delight of Bhṛgu's line, about the strength and weakness of Lavaṇa.

जब रात्रि आरम्भ हुई, तब शत्रुघ्न ने भृगुकुल को आनन्दित करने वाले च्यवन नामक विप्र से लवण के बल-अबल के विषय में पूछा।

Verse 2

शूलस्य च बलं ब्रह्मन् के च पूर्वं निपातिताः । अनेन शूलमुखेन द्वन्द्वयुद्धम् उपागताः ॥

śūlasya ca balaṃ brahman ke ca pūrvaṃ nipātitāḥ | anena śūlamukhena dvandvayuddham upāgatāḥ

"And the power of the trident (śūla), O brahmin — who were they that formerly, coming to single combat, were struck down by the point of this trident?"

"और हे ब्रह्मन्! उस त्रिशूल की शक्ति कैसी है, तथा पहले वे कौन लोग थे जो इस त्रिशूल के अग्रभाग से द्वन्द्वयुद्ध में मारे गए?"

Verse 3

तस्य तद्भाषितं श्रुत्वा शत्रुघ्नस्य महात्मनः । प्रत्युवाच महातेजाश् च्यवनो रघुनन्दनम् ॥

tasya tadbhāṣitaṃ śrutvā śatrughnasya mahātmanaḥ | pratyuvāca mahātejāś cyavano raghunandanam

Hearing those words of the great-souled Śatrughna, the mightily radiant Cyavana answered the delight of the Raghus.

महात्मा शत्रुघ्न के उस वचन को सुनकर महातेजस्वी च्यवन ने रघुनन्दन को उत्तर दिया।

Verse 4

असंख्येयानि कर्माणि यान्य् अस्य पुरुषर्षभ । इक्ष्वाकुवंशप्रभवे यद् वृत्तं तच् छृणुष्व मे ॥

asaṃkhyeyāni karmāṇi yāny asya puruṣarṣabha | ikṣvākuvaṃśaprabhave yad vṛttaṃ tac chṛṇuṣva me

"Innumerable are his deeds, O bull among men. Hear from me what once befell a king born in the lineage of Ikṣvāku.

"हे पुरुषश्रेष्ठ! इस लवण के कर्म असंख्य हैं। इक्ष्वाकुवंश में उत्पन्न हुए एक राजा के साथ जो घटना घटी, उसे मुझसे सुनो।

Verse 5

अयोध्यायां पुरा राजा युवनाश्वसुतो बली । मान्धता इति विख्यातस् त्रिषु लोकेषु वीर्यवान् ॥

ayodhyāyāṃ purā rājā yuvanāśvasuto balī | māndhatā iti vikhyātas triṣu lokeṣu vīryavān

Long ago in Ayodhyā there was a mighty king, the son of Yuvanāśva, renowned as Māndhātā, valiant throughout the three worlds.

प्राचीन काल में अयोध्या में युवनाश्व का पुत्र, बलशाली और तीनों लोकों में विख्यात, पराक्रमी राजा माान्धाता था।

Verse 6

स कृत्वा पृथिवीं कृत्स्नां शासने पृथिवीपतिः । सुरलोकम् अथो जेतुम् उद्योगम् अकरोन् नृपः ॥

sa kṛtvā pṛthivīṃ kṛtsnāṃ śāsane pṛthivīpatiḥ | suralokam atho jetum udyogam akaron nṛpaḥ

That lord of the earth, having brought the whole earth under his sway, then set about an effort, the king, to conquer the world of the gods.

उस पृथ्वीपति राजा ने समस्त पृथ्वी को अपने शासन में करके फिर देवलोक को जीतने का उद्योग किया।

Verse 7

इन्द्रस्य तु भयं तीव्रं सुराणां च महात्मनाम् । मान्धातरि कृतोद्योगे देवलोकजिगीषया ॥

indrasya tu bhayaṃ tīvraṃ surāṇāṃ ca mahātmanām | māndhātari kṛtodyoge devalokajigīṣayā

Keen was the fear in Indra and in the great-souled gods when Māndhātā made his effort out of the wish to conquer the realm of the gods.

जब माान्धाता ने देवलोक को जीतने की इच्छा से उद्योग किया, तब इन्द्र को तथा महात्मा देवताओं को तीव्र भय हुआ।

Verse 8

अर्धासनेन शक्रस्य राज्यार्धेन च पार्थिवः । वन्द्यमानः सुरगणैः प्रतिज्ञाम् अध्यरोहत ॥

ardhāsanena śakrasya rājyārdhena ca pārthivaḥ | vandyamānaḥ suragaṇaiḥ pratijñām adhyarohata

Though honored by the hosts of gods with the offer of half of Śakra's seat and half his kingdom, the king held firm to his resolve.

देवगणों ने उस राजा को इन्द्र का आधा सिंहासन और आधा राज्य देने का प्रस्ताव करके उसकी वन्दना की, फिर भी वह राजा अपनी प्रतिज्ञा पर दृढ़ रहा।

Verse 9

तस्य पापम् अभिप्रायं विदित्वा पाकशासनः । सान्त्वपूर्वम् इदं वाक्यम् उवाच युवनाश्वजम् ॥

tasya pāpam abhiprāyaṃ viditvā pākaśāsanaḥ | sāntvapūrvam idaṃ vākyam uvāca yuvanāśvajam

Knowing his sinful intent, the Chastiser of Pāka (Indra) spoke these words, prefaced with conciliation, to the son of Yuvanāśva:

उसके पापपूर्ण अभिप्राय को जानकर पाकशासन इन्द्र ने युवनाश्व के पुत्र से सान्त्वनापूर्वक यह वचन कहा—

Verse 10

राजा त्वं मानुषं लोके न तावत् पुरुषर्षभ । अकृत्वा पृथिवीं वश्यां देवराज्यम् इहेच्छसि ॥

rājā tvaṃ mānuṣaṃ loke na tāvat puruṣarṣabha | akṛtvā pṛthivīṃ vaśyāṃ devarājyam ihecchasi

"You are but a king in the world of men, O bull among men; not having yet made the whole earth subject to you, you already covet the kingdom of the gods here.

"हे पुरुषश्रेष्ठ! तुम तो अभी मनुष्यलोक के ही राजा हो; समूची पृथ्वी को अपने वश में किए बिना ही तुम यहाँ देवराज्य की इच्छा करते हो।

Verse 11

यदि वीर समग्रा ते मेदिनी निखिला वशे । देवराज्यं कुरुष्वेह सभृत्यबलवाहनः ॥

yadi vīra samagrā te medinī nikhilā vaśe | devarājyaṃ kuruṣveha sabhṛtyabalavāhanaḥ

If, O hero, the entire earth in its whole extent is under your sway, then exercise the kingship of the gods here, with your servants, your forces, and your mounts."

हे वीर! यदि समस्त अखण्ड पृथ्वी तुम्हारे वश में हो, तो अपने सेवकों, सेना और वाहनों सहित यहाँ देवराज्य करो।"

Verse 12

इन्द्रम् एवं ब्रुवाणं तु मान्धाता वाक्यम् अब्रवीत् । क्व मे शक्रप्रतिहतं शासनं पृथिवीतले ॥

indram evaṃ bruvāṇaṃ tu māndhātā vākyam abravīt | kva me śakrapratihataṃ śāsanaṃ pṛthivītale

To Indra speaking thus, Māndhātā made reply: "Where upon the face of the earth is my command anywhere thwarted?"

इस प्रकार कहने वाले इन्द्र से माान्धाता ने यह वचन कहा—"इस पृथ्वीतल पर मेरा शासन कहाँ बाधित है?"

Verse 13

तम् उवाच सहस्राक्षो लवणो नाम राक्षसः । मधुपुत्रो मधुवने नाज्ञां ते कुरुते ऽनघ ॥

tam uvāca sahasrākṣo lavaṇo nāma rākṣasaḥ | madhuputro madhuvane nājñāṃ te kurute 'nagha

To him the Thousand-eyed (Indra) said: "There is a rākṣasa named Lavaṇa, the son of Madhu, in the Madhu forest, who does not carry out your command, O sinless one."

तब सहस्राक्ष इन्द्र ने उससे कहा—"हे निष्पाप! मधुवन में मधु का पुत्र लवण नामक राक्षस है, जो तुम्हारी आज्ञा का पालन नहीं करता।"

Verse 14

तच् छ्रुत्वा विप्रियं घोरं सहस्राक्षेण भाषितम् । व्रीडितो ऽवाङ्मुखो राजा व्याहर्तुं न शशाक ह ॥

tac chrutvā vipriyaṃ ghoraṃ sahasrākṣeṇa bhāṣitam | vrīḍito 'vāṅmukho rājā vyāhartuṃ na śaśāka ha

Hearing that harsh and terrible speech uttered by the Thousand-eyed, the king, abashed and with downcast face, was unable to say a word.

सहस्राक्ष द्वारा कहे गए उस अप्रिय और घोर वचन को सुनकर राजा लज्जित होकर नीचा मुख किए रह गया और कुछ भी कह न सका।

Verse 15

आमन्त्र्य तु सहस्राक्षं ह्रिया किं चिद् अवाङ्मुखः । पुनर् एवागमच् छ्रीमान् इमं लोकं नरेश्वरः ॥

āmantrya tu sahasrākṣaṃ hriyā kiṃ cid avāṅmukhaḥ | punar evāgamac chrīmān imaṃ lokaṃ nareśvaraḥ

Taking leave of the Thousand-eyed, his face somewhat lowered in shame, the illustrious lord of men came back once more to this world.

सहस्राक्ष इन्द्र से विदा लेकर, लज्जा से कुछ नीचा मुख किए हुए, वह श्रीमान् नरेश्वर पुनः इसी लोक में लौट आया।

Verse 16

स कृत्वा हृदये ऽमर्षं सभृत्यबलवाहनः । आजगाम मधोः पुत्रं वशे कर्तुम् अनिन्दितः ॥

sa kṛtvā hṛdaye 'marṣaṃ sabhṛtyabalavāhanaḥ | ājagāma madhoḥ putraṃ vaśe kartum aninditaḥ

Harboring indignation in his heart, with his servants, forces, and mounts, the blameless one marched against the son of Madhu to bring him under his sway.

हृदय में रोष धारण करके वह निष्कलंक राजा, अपने सेवकों, सेना और वाहनों सहित, मधु के पुत्र लवण को वश में करने के लिए चल पड़ा।

Verse 17

स काङ्क्षमाणो लवणं युद्धाय पुरुषर्षभः । दूतं संप्रेषयाम् आस सकाशं लवणस्य सः ॥

sa kāṅkṣamāṇo lavaṇaṃ yuddhāya puruṣarṣabhaḥ | dūtaṃ saṃpreṣayām āsa sakāśaṃ lavaṇasya saḥ

That bull among men, longing to engage Lavaṇa in battle, sent a messenger to the presence of Lavaṇa.

लवण के साथ युद्ध की इच्छा करते हुए उस पुरुषश्रेष्ठ ने लवण के पास एक दूत भेजा।

Verse 18

स गत्वा विप्रियाण्य् आह बहूनि मधुनः सुतम् । वदन्तम् एवं तं दूतं भक्षयाम् आस राक्षसः ॥

sa gatvā vipriyāṇy āha bahūni madhunaḥ sutam | vadantam evaṃ taṃ dūtaṃ bhakṣayām āsa rākṣasaḥ

Having gone, the messenger spoke many offensive words to the son of Madhu; and as the messenger spoke thus, the rākṣasa devoured him.

उस दूत ने जाकर मधु के पुत्र से अनेक अप्रिय बातें कहीं; और इस प्रकार बोलते हुए उस दूत को उस राक्षस ने खा लिया।

Verse 19

चिरायमाणे दूते तु राजा क्रोधसमन्वितः । अर्दयाम् आस तद् रक्षः शरवृष्ट्या समन्ततः ॥

cirāyamāṇe dūte tu rājā krodhasamanvitaḥ | ardayām āsa tad rakṣaḥ śaravṛṣṭyā samantataḥ

When the messenger delayed and did not return, the king, filled with wrath, assailed that rākṣasa on every side with a rain of arrows.

जब दूत के लौटने में बहुत देर हो गई, तब क्रोध से भरे राजा ने उस राक्षस को चारों ओर से बाणों की वर्षा से पीड़ित किया।

Verse 20

ततः प्रहस्य लवणः शूलं जग्राह पाणिना । वधाय सानुबन्धस्य मुमोचायुधम् उत्तमम् ॥

tataḥ prahasya lavaṇaḥ śūlaṃ jagrāha pāṇinā | vadhāya sānubandhasya mumocāyudham uttamam

Then Lavaṇa, with a laugh, took the trident in his hand and loosed that supreme weapon to slay the king together with his retinue.

तब लवण ने हँसकर हाथ में त्रिशूल लिया और अनुचरों सहित राजा का वध करने के लिए वह उत्तम आयुध छोड़ा।

Verse 21

तच् छूलं दीप्यमानं तु सभृत्यबलवाहनम् । भस्मीकृत्य नृपं भूयो लवणस्यागमत् करम् ॥

tac chūlaṃ dīpyamānaṃ tu sabhṛtyabalavāhanam | bhasmīkṛtya nṛpaṃ bhūyo lavaṇasyāgamat karam

That blazing trident, having reduced the king together with his servants, forces, and mounts to ashes, returned once more to Lavaṇa's hand.

वह प्रज्वलित त्रिशूल सेवकों, सेना और वाहनों सहित राजा को भस्म करके पुनः लवण के हाथ में लौट आया।

Verse 22

एवं स राजा सुमहान् हतः सबलवाहनः । शूलस्य च बलं वीर अप्रमेयम् अनुत्तमम् ॥

evaṃ sa rājā sumahān hataḥ sabalavāhanaḥ | śūlasya ca balaṃ vīra aprameyam anuttamam

Thus was that mighty king slain, together with his army and mounts. And the power of that trident, O hero, is beyond measure and unsurpassed.

इस प्रकार वह महान् राजा अपनी सेना और वाहनों सहित मारा गया। हे वीर! उस त्रिशूल की शक्ति अप्रमेय और अनुपम है।

Verse 23

श्वः प्रभाते तु लवणं वधिष्यसि न संशयः । अगृहीतायुधं क्षिप्रं ध्रुवो हि विजयस् तव ॥

śvaḥ prabhāte tu lavaṇaṃ vadhiṣyasi na saṃśayaḥ | agṛhītāyudhaṃ kṣipraṃ dhruvo hi vijayas tava

But tomorrow at dawn you shall slay Lavaṇa — of that there is no doubt — swiftly, while his weapon is not in his hand; for your victory is assured."

किन्तु कल प्रातःकाल, जब उसका आयुध हाथ में न होगा, तब तुम शीघ्र ही लवण का वध कर दोगे—इसमें संशय नहीं; तुम्हारी विजय निश्चित है।"