Sarga 3

Verse 1

अथ पुत्रः पुलस्त्यस्य विश्रवा मुनिपुंगवः । अचिरेणैव कालेन पितेव तपसि स्थितः ॥

atha putraḥ pulastyasya viśravā munipuṃgavaḥ | acireṇaiva kālena piteva tapasi sthitaḥ

Now the son of Pulastya, Viśravas, a bull among sages, in no long time stood firm in austerity like his father.

इसके पश्चात पुलस्त्य के पुत्र मुनिश्रेष्ठ विश्रवा थोड़े ही समय में अपने पिता के समान तप में स्थित हो गए।

Verse 2

सत्यवाञ् शीलवान् दक्षः स्वाध्यायनिरतः शुचिः । सर्वभोगेष्व् असंसक्तो नित्यं धर्मपरायणः ॥

satyavāñ śīlavān dakṣaḥ svādhyāyanirataḥ śuciḥ | sarvabhogeṣv asaṃsakto nityaṃ dharmaparāyaṇaḥ

Truthful, of good conduct, able, devoted to sacred study, pure, unattached to all enjoyments, ever intent on dharma;

सत्यवादी, सदाचारी, कुशल, स्वाध्याय में रत, पवित्र, समस्त भोगों में अनासक्त और नित्य धर्मपरायण थे।

Verse 3

ज्ञात्वा तस्य तु तद्वृत्तं भरद्वाजो महान् ऋषिः । ददौ विश्रवसे भार्यां स्वां सुतां देववर्णिनीम् ॥

jñātvā tasya tu tadvṛttaṃ bharadvājo mahān ṛṣiḥ | dadau viśravase bhāryāṃ svāṃ sutāṃ devavarṇinīm

Learning of that conduct of his, the great sage Bharadvāja gave to Viśravas his own daughter, of divine complexion, as wife.

उनके उस आचरण को जानकर महान ऋषि भरद्वाज ने अपनी देवोपम कांतिवाली पुत्री विश्रवा को पत्नी रूप में दी।

Verse 4

प्रतिगृह्य तु धर्मेण भरद्वाजसुतां तदा । मुदा परमया युक्तो विश्रवा मुनिपुंगवः ॥

pratigṛhya tu dharmeṇa bharadvājasutāṃ tadā | mudā paramayā yukto viśravā munipuṃgavaḥ

Having received the daughter of Bharadvāja in due rite, Viśravas, the bull among sages, was filled with the highest joy.

भरद्वाज की पुत्री को विधिपूर्वक ग्रहण करके मुनिश्रेष्ठ विश्रवा परम आनंद से युक्त हुए।

Verse 5

स तस्यां वीर्यसंपन्नम् अपत्यं परमाद्भुतम् । जनयाम् आस धर्मात्मा सर्वैर् ब्रह्मगुणैर् युतम् ॥

sa tasyāṃ vīryasaṃpannam apatyaṃ paramādbhutam | janayām āsa dharmātmā sarvair brahmaguṇair yutam

Upon her that righteous one begot an offspring endowed with valour, most wondrous, furnished with all brahminical virtues.

उन धर्मात्मा ने उसमें पराक्रम से संपन्न, परम अद्भुत और समस्त ब्रह्मगुणों से युक्त एक संतान उत्पन्न की।

Verse 6

तस्मिञ् जाते तु संहृष्टः स बभूव पितामहः । नाम चास्याकरोत् प्रीतः सार्धं देवर्षिभिस् तदा ॥

tasmiñ jāte tu saṃhṛṣṭaḥ sa babhūva pitāmahaḥ | nāma cāsyākarot prītaḥ sārdhaṃ devarṣibhis tadā

When he was born, Pulastya became a joyful grandsire; and well pleased, together with the divine sages, he then made a name for him.

उसके जन्म लेने पर पितामह पुलस्त्य अत्यंत हर्षित हुए; और प्रसन्न होकर उन्होंने तब देवर्षियों के साथ मिलकर उसका नामकरण किया।

Verse 7

यस्माद् विश्रवसो ऽपत्यं सादृश्याद् विश्रवा इव । तस्माद् वैश्रवणो नाम भविष्यत्य् एष विश्रुतः ॥

yasmād viśravaso 'patyaṃ sādṛśyād viśravā iva | tasmād vaiśravaṇo nāma bhaviṣyaty eṣa viśrutaḥ

"Since this offspring of Viśravas is, by his resemblance, like Viśravas himself, therefore he shall become renowned by the name Vaiśravaṇa."

"चूँकि विश्रवा की यह संतान समानता के कारण विश्रवा के ही समान है, इसलिए यह वैश्रवण नाम से विख्यात होगा।"

Verse 8

स तु वैश्रवणस् तत्र तपोवनगतस् तदा । अवर्धत महातेजा हुताहुतिर् इवानलः ॥

sa tu vaiśravaṇas tatra tapovanagatas tadā | avardhata mahātejā hutāhutir ivānalaḥ

That Vaiśravaṇa, dwelling there in the penance-grove, grew in great splendour like a fire fed with oblations.

वे वैश्रवण वहाँ तपोवन में रहते हुए, आहुति से पोषित अग्नि के समान महान तेज से बढ़ते गए।

Verse 9

तस्याश्रमपदस्थस्य बुद्धिर् जज्ञे महात्मनः । चरिष्ये नियतो धर्मं धर्मो हि परमा गतिः ॥

tasyāśramapadasthasya buddhir jajñe mahātmanaḥ | cariṣye niyato dharmaṃ dharmo hi paramā gatiḥ

To that great soul, abiding in the hermitage, this thought arose: "I shall practise dharma steadfastly, for dharma is the highest goal."

आश्रम में स्थित उन महात्मा के मन में यह विचार उठा — "मैं नियमपूर्वक धर्म का आचरण करूँगा, क्योंकि धर्म ही परम गति है।"

Verse 10

स तु वर्षसहस्राणि तपस् तप्त्वा महावने । पूर्णे वर्षसहस्रे तु तं तं विधिम् अवर्तत ॥

sa tu varṣasahasrāṇi tapas taptvā mahāvane | pūrṇe varṣasahasre tu taṃ taṃ vidhim avartata

He, having performed austerities for thousands of years in the great forest, when a thousand years were full, undertook each prescribed observance in turn.

वे महान वन में सहस्रों वर्षों तक तप करके, जब एक सहस्र वर्ष पूर्ण हो जाता, तो बारी-बारी से प्रत्येक विधि का आचरण करते।

Verse 11

जलाशी मारुताहारो निराहारस् तथैव च । एवं वर्षसहस्राणि जग्मुस् तान्य् एव वर्षवत् ॥

jalāśī mārutāhāro nirāhāras tathaiva ca | evaṃ varṣasahasrāṇi jagmus tāny eva varṣavat

Living on water, then feeding on air, and likewise fasting utterly — thus those thousands of years passed for him as though they were single years.

कभी केवल जल पीकर, कभी वायु का आहार करके, तथा वैसे ही पूर्णतः निराहार रहकर — इस प्रकार वे सहस्रों वर्ष उन्हें एक-एक वर्ष के समान बीत गए।

Verse 12

अथ प्रीतो महातेजाः सेन्द्रैः सुरगणैः सह । गत्वा तस्याश्रमपदं ब्रह्मेदं वाक्यम् अब्रवीत् ॥

atha prīto mahātejāḥ sendraiḥ suragaṇaiḥ saha | gatvā tasyāśramapadaṃ brahmedaṃ vākyam abravīt

Then Brahmā of great splendour, well pleased, together with Indra and the hosts of gods, went to his hermitage and spoke this word:

तब महातेजस्वी ब्रह्मा प्रसन्न होकर इंद्र सहित देवगणों के साथ उनके आश्रम में जाकर यह वचन बोले —

Verse 13

परितुष्टो ऽस्मि ते वत्स कर्मणानेन सुव्रत । वरं वृणीष्व भद्रं ते वरार्हस् त्वं हि मे मतः ॥

parituṣṭo 'smi te vatsa karmaṇānena suvrata | varaṃ vṛṇīṣva bhadraṃ te varārhas tvaṃ hi me mataḥ

"I am pleased with you, child, by this deed, O one of good vows; choose a boon, blessings upon you, for you are deemed worthy of a boon by me."

"हे वत्स! हे सुव्रत! इस कर्म से मैं तुमसे संतुष्ट हूँ; तुम्हारा कल्याण हो, वर माँगो, क्योंकि तुम मेरी दृष्टि में वर के योग्य हो।"

Verse 14

अथाब्रवीद् वैश्रवणः पितामहम् उपस्थितम् । भगवंल् लोकपालत्वम् इच्छेयं वित्तरक्षणम् ॥

athābravīd vaiśravaṇaḥ pitāmaham upasthitam | bhagavaṃl lokapālatvam iccheyaṃ vittarakṣaṇam

Then Vaiśravaṇa said to the Grandsire who stood before him: "Venerable one, I would wish for the guardianship of the worlds, the keeping of wealth."

तब वैश्रवण ने अपने सामने उपस्थित पितामह से कहा — "हे भगवन्! मैं लोकपालत्व और धन के रक्षण की इच्छा करता हूँ।"

Verse 15

ततो ऽब्रवीद् वैश्रवणं परितुष्टेन चेतसा । ब्रह्मा सुरगणैः सार्धं बाढम् इत्य् एव हृष्टवत् ॥

tato 'bravīd vaiśravaṇaṃ parituṣṭena cetasā | brahmā suragaṇaiḥ sārdhaṃ bāḍham ity eva hṛṣṭavat

Then Brahmā, with a well-pleased mind, together with the hosts of gods, said gladly to Vaiśravaṇa, "So be it."

तब ब्रह्मा ने देवगणों के साथ अत्यंत संतुष्ट चित्त से हर्षपूर्वक वैश्रवण से कहा — "बहुत अच्छा।"

Verse 16

अहं हि लोकपालानां चतुर्थं स्रष्टुम् उद्यतः । यमेन्द्रवरुणानां हि पदं यत् तव चेप्सितम् ॥

ahaṃ hi lokapālānāṃ caturthaṃ sraṣṭum udyataḥ | yamendravaruṇānāṃ hi padaṃ yat tava cepsitam

"For I am even now engaged in creating a fourth among the world-guardians (lokapālas); and the station of Yama, Indra, and Varuṇa is indeed what you desire."

"मैं लोकपालों में एक चौथे की सृष्टि के लिए उद्यत हूँ ही; और यम, इंद्र तथा वरुण का जो पद है, वही तो तुम्हें अभीष्ट है।"

Verse 17

तत्कृतं गच्छ धर्मज्ञ धनेशत्वम् अवाप्नुहि । यमेन्द्रवरुणानां हि चतुर्थो ऽद्य भविष्यसि ॥

tatkṛtaṃ gaccha dharmajña dhaneśatvam avāpnuhi | yamendravaruṇānāṃ hi caturtho 'dya bhaviṣyasi

"So be it done; go, O knower of dharma, and attain lordship of wealth (dhaneśatva); today you shall become the fourth beside Yama, Indra, and Varuṇa."

"अतः ऐसा ही हो; हे धर्मज्ञ! जाओ और धनेशत्व प्राप्त करो; आज तुम यम, इंद्र और वरुण के साथ चौथे लोकपाल हो जाओगे।"

Verse 18

एतच् च पुष्पकं नाम विमानं सूर्यसंनिभम् । प्रतिगृह्णीष्व यानार्थं त्रिदशैः समतां व्रज ॥

etac ca puṣpakaṃ nāma vimānaṃ sūryasaṃnibham | pratigṛhṇīṣva yānārthaṃ tridaśaiḥ samatāṃ vraja

"And accept this aerial car named Puṣpaka, resembling the sun, for your conveyance; attain equality with the gods."

"और सूर्य के समान कांतिवाले इस पुष्पक नामक विमान को अपने वाहन के लिए स्वीकार करो; देवताओं के साथ समानता को प्राप्त हो।"

Verse 19

स्वस्ति ते ऽस्तु गमिष्यामः सर्व एव यथागतम् । कृतकृत्या वयं तात दत्त्वा तव महावरम् ॥

svasti te 'stu gamiṣyāmaḥ sarva eva yathāgatam | kṛtakṛtyā vayaṃ tāta dattvā tava mahāvaram

"May it be well with you; we shall all go back as we came. We are fulfilled, dear one, having granted you this great boon."

"तुम्हारा कल्याण हो; हम सब जैसे आए थे वैसे ही लौट जाएँगे। हे तात! तुम्हें यह महान वर देकर हम कृतकृत्य हो गए।"

Verse 20

गतेषु ब्रह्मपूर्वेषु देवेष्व् अथ नभस्तलम् । धनेशः पितरं प्राह विनयात् प्रणतो वचः ॥

gateṣu brahmapūrveṣu deveṣv atha nabhastalam | dhaneśaḥ pitaraṃ prāha vinayāt praṇato vacaḥ

When the gods, led by Brahmā, had gone to the vault of heaven, the lord of wealth, bowing humbly, spoke these words to his father:

जब ब्रह्मा आदि देवगण आकाश को चले गए, तब धनेश ने विनय से झुककर अपने पिता से ये वचन कहे —

Verse 21

भगवंल् लब्धवान् अस्मि वरं कमलयोनितः । निवासं न तु मे देवो विदधे स प्रजापतिः ॥

bhagavaṃl labdhavān asmi varaṃ kamalayonitaḥ | nivāsaṃ na tu me devo vidadhe sa prajāpatiḥ

"Venerable one, I have obtained a boon from the lotus-born (Brahmā); but that god, the Prajāpati, appointed no dwelling for me."

"हे भगवन्! मैंने कमलयोनि (ब्रह्मा) से वर प्राप्त किया है; किंतु उन प्रजापति देव ने मेरे लिए कोई निवास नियत नहीं किया।"

Verse 22

तत् पश्य भगवन् कं चिद् देशं वासाय नः प्रभो । न च पीडा भवेद् यत्र प्राणिनो यस्य कस्य चित् ॥

tat paśya bhagavan kaṃ cid deśaṃ vāsāya naḥ prabho | na ca pīḍā bhaved yatra prāṇino yasya kasya cit

"So look out, venerable lord, for some region for our dwelling, O master, where there would be affliction to no living being whatsoever."

"इसलिए हे भगवन्! हे प्रभो! हमारे निवास के लिए कोई ऐसा प्रदेश देखिए, जहाँ किसी भी प्राणी को पीड़ा न हो।"

Verse 23

एवम् उक्तस् तु पुत्रेण विश्रवा मुनिपुंगवः । वचनं प्राह धर्मज्ञ श्रूयताम् इति धर्मवित् ॥

evam uktas tu putreṇa viśravā munipuṃgavaḥ | vacanaṃ prāha dharmajña śrūyatām iti dharmavit

Thus addressed by his son, Viśravas, the bull among sages and knower of dharma, spoke these words: "Let it be heard," said that knower of dharma.

पुत्र के इस प्रकार कहने पर धर्मज्ञ मुनिश्रेष्ठ विश्रवा ने ये वचन कहे — उन धर्मवेत्ता ने कहा, "सुनो।"

Verse 24

लङ्का नाम पुरी रम्या निर्मिता विश्वकर्मणा । राक्षसानां निवासार्थं यथेन्द्रस्यामरावती ॥

laṅkā nāma purī ramyā nirmitā viśvakarmaṇā | rākṣasānāṃ nivāsārthaṃ yathendrasyāmarāvatī

"There is a lovely city named Laṅkā, built by Viśvakarman for the dwelling of the rākṣasas, as Amarāvatī was for Indra."

"लंका नाम की एक रमणीय नगरी है, जिसे विश्वकर्मा ने राक्षसों के निवास के लिए बनाया था, जैसे इंद्र के लिए अमरावती।"

Verse 25

रमणीया पुरी सा हि रुक्मवैदूर्यतोरणा । राक्षसैः सा परित्यक्ता पुरा विष्णुभयार्दितैः । शून्या रक्षोगणैः सर्वै रसातलतलं गतैः ॥

ramaṇīyā purī sā hi rukmavaidūryatoraṇā | rākṣasaiḥ sā parityaktā purā viṣṇubhayārditaiḥ | śūnyā rakṣogaṇaiḥ sarvai rasātalatalaṃ gataiḥ

"That delightful city, with archways of gold and lapis lazuli (vaidūrya), was long ago forsaken by the rākṣasas, tormented by fear of Viṣṇu — left empty, all the rākṣasa hosts having gone down to the nether world (rasātala)."

"स्वर्ण और वैदूर्य के तोरणोंवाली वह रमणीय नगरी पहले विष्णु के भय से पीड़ित राक्षसों द्वारा छोड़ दी गई थी — सभी राक्षसगण रसातल को चले जाने से वह शून्य हो गई।"

Verse 26

स त्वं तत्र निवासाय रोचयस्व मतिं स्वकाम् । निर्दोषस् तत्र ते वासो न च बाधास्ति कस्य चित् ॥

sa tvaṃ tatra nivāsāya rocayasva matiṃ svakām | nirdoṣas tatra te vāso na ca bādhāsti kasya cit

"So do you set your mind upon dwelling there; faultless is your dwelling there, and there is affliction to none."

"अतः तुम वहाँ निवास के लिए अपना मन लगाओ; वहाँ तुम्हारा निवास निर्दोष है और किसी को कोई बाधा नहीं है।"

Verse 27

एतच् छ्रुत्वा तु धर्मात्मा धर्मिष्ठं वचनं पितुः । निवेशयाम् आस तदा लङ्कां पर्वतमूर्धनि ॥

etac chrutvā tu dharmātmā dharmiṣṭhaṃ vacanaṃ pituḥ | niveśayām āsa tadā laṅkāṃ parvatamūrdhani

Hearing this most righteous word of his father, the righteous one then settled himself in Laṅkā upon the mountain's summit.

पिता का यह परम धार्मिक वचन सुनकर उस धर्मात्मा ने तब पर्वत के शिखर पर स्थित लंका में अपना निवास बसाया।

Verse 28

नैरृतानां सहस्रैस् तु हृष्टैः प्रमुदितैः सदा । अचिरेणैककालेन संपूर्णा तस्य शासनात् ॥

nairṛtānāṃ sahasrais tu hṛṣṭaiḥ pramuditaiḥ sadā | acireṇaikakālena saṃpūrṇā tasya śāsanāt

By thousands of nairṛtas (rākṣasas), ever glad and joyful, it was in no long time wholly filled, at his command.

सदा हर्षित और प्रमुदित सहस्रों नैरृतों (राक्षसों) से वह नगरी उनकी आज्ञा से थोड़े ही समय में पूर्णतः भर गई।

Verse 29

अथ तत्रावसत् प्रीतो धर्मात्मा नैरृताधिपः । समुद्रपरिधानायां लङ्कायां विश्रवात्मजः ॥

atha tatrāvasat prīto dharmātmā nairṛtādhipaḥ | samudraparidhānāyāṃ laṅkāyāṃ viśravātmajaḥ

Then the righteous lord of the nairṛtas, the son of Viśravas, dwelt happily in Laṅkā, girdled by the sea.

इसके पश्चात विश्रवा के पुत्र, धर्मात्मा नैरृताधिप, समुद्र से घिरी हुई लंका में प्रसन्नतापूर्वक रहने लगे।

Verse 30

काले काले विनीतात्मा पुष्पकेण धनेश्वरः । अभ्यगच्छत् सुसंहृष्टः पितरं मातरं च सः ॥

kāle kāle vinītātmā puṣpakeṇa dhaneśvaraḥ | abhyagacchat susaṃhṛṣṭaḥ pitaraṃ mātaraṃ ca saḥ

From time to time, humble of soul, the lord of wealth would go, full of joy, in the Puṣpaka to his father and his mother.

विनम्र आत्मावाले वे धनेश्वर समय-समय पर पुष्पक विमान से अत्यंत हर्षित होकर अपने पिता और माता के पास जाते थे।

Verse 31

स देवगन्धर्वगणैर् अभिष्टुतस्; तथैव सिद्धैः सह चारणैर् अपि । गभस्तिभिः सूर्य इवौजसा वृतः; पितुः समीपं प्रययौ श्रिया वृतः ॥

sa devagandharvagaṇair abhiṣṭutas; tathaiva siddhaiḥ saha cāraṇair api | gabhastibhiḥ sūrya ivaujasā vṛtaḥ; pituḥ samīpaṃ prayayau śriyā vṛtaḥ

Praised by the hosts of gods and gandharvas, and likewise by the siddhas together with the cāraṇas, encircled by splendour like the sun girt by its rays through its own radiance, he journeyed, wrapped in glory, to his father's presence.

देव और गंधर्वगणों से, तथा वैसे ही सिद्धों और चारणों से स्तुति किए जाते हुए, अपने तेज से किरणों से घिरे सूर्य के समान, वे श्री से मंडित होकर अपने पिता के समीप गए।