Sarga 64

Verse 1

निकुम्भो भ्रातरं दृष्ट्वा सुग्रीवेण निपातितम् । प्रदहन्न् इव कोपेन वानरेन्द्रम् अवैक्षत ॥

nikumbho bhrātaraṃ dṛṣṭvā sugrīveṇa nipātitam | pradahann iva kopena vānarendram avaikṣata

Nikumbha, seeing his brother struck down by Sugrīva, as if burning with wrath, gazed upon the lord of vānaras.

निकुम्भ अपने भाई को सुग्रीव द्वारा मार गिराया गया देखकर, क्रोध से मानो जलता हुआ, वानरेन्द्र की ओर ताकने लगा।

Verse 2

ततः स्रग्दामसंनद्धं दत्तपञ्चाङ्गुलं शुभम् । आददे परिघं वीरो नगेन्द्रशिखरोपमम् ॥

tataḥ sragdāmasaṃnaddhaṃ dattapañcāṅgulaṃ śubham | ādade parighaṃ vīro nagendraśikharopamam

Then the hero took up an auspicious iron bludgeon, bound with garland-wreaths and stamped with the mark of a hand, resembling the peak of a lordly mountain,

तब उस वीर ने मालाओं से बँधी, हाथ के चिह्न से अंकित, पर्वतराज के शिखर के समान एक शुभ परिघ उठाई,

Verse 3

हेमपट्टपरिक्षिप्तं वज्रविद्रुमभूषितम् । यमदण्डोपमं भीमं रक्षसां भयनाशनम् ॥

hemapaṭṭaparikṣiptaṃ vajravidrumabhūṣitam | yamadaṇḍopamaṃ bhīmaṃ rakṣasāṃ bhayanāśanam

bound round with plates of gold, adorned with diamond and coral, like the rod of Yama, terrible, the dispeller of the rākṣasas' fears.

जो स्वर्णपट्टों से मढ़ी हुई, वज्र और मूँगे से सजी, यम के दण्ड के समान भयंकर और राक्षसों का भय दूर करने वाली थी।

Verse 4

तम् आविध्य महातेजाः शक्रध्वजसमं रणे । विननाद विवृत्तास्यो निकुम्भो भीमविक्रमः ॥

tam āvidhya mahātejāḥ śakradhvajasamaṃ raṇe | vinanāda vivṛttāsyo nikumbho bhīmavikramaḥ

Whirling it, equal to the banner of Śakra, in the battle, the greatly splendid Nikumbha of fearsome valour, his mouth gaping wide, roared.

इन्द्रध्वज के समान उस परिघ को युद्ध में घुमाकर भयंकर पराक्रमी महातेजस्वी निकुम्भ ने मुख फाड़कर गर्जना की।

Verse 5

उरोगतेन निष्केण भुजस्थैर् अङ्गदैर् अपि । कुण्डलाभ्यां च मृष्टाभ्यां मालया च विचित्रया ॥

urogatena niṣkeṇa bhujasthair aṅgadair api | kuṇḍalābhyāṃ ca mṛṣṭābhyāṃ mālayā ca vicitrayā

With the niṣka upon his chest, and the armlets on his arms, with his two polished earrings and a variegated garland,

छाती पर पहने निष्क (स्वर्णहार) से, भुजाओं में पहने अंगदों से, अपने दो माँजे हुए कुण्डलों से और विचित्र माला से,

Verse 6

निकुम्भो भूषणैर् भाति तेन स्म परिघेण च । यथेन्द्रधनुषा मेघः सविद्युत्स्तनयित्नुमान् ॥

nikumbho bhūṣaṇair bhāti tena sma parigheṇa ca | yathendradhanuṣā meghaḥ savidyutstanayitnumān

Nikumbha shone with his ornaments and with that iron bludgeon, like a cloud charged with lightning and thunder, shining with the rainbow of Indra.

निकुम्भ अपने आभूषणों और उस परिघ से वैसे ही शोभित हो रहा था, जैसे इन्द्रधनुष से युक्त, बिजली और गर्जना वाला मेघ।

Verse 7

परिघाग्रेण पुस्फोट वातग्रन्थिर् महात्मनः । प्रजज्वाल सघोषश् च विधूम इव पावकः ॥

parighāgreṇa pusphoṭa vātagranthir mahātmanaḥ | prajajvāla saghoṣaś ca vidhūma iva pāvakaḥ

By the tip of the bludgeon the whirling of that great-souled one split the air with a crack; and it blazed with a roar, like smokeless fire.

उस महात्मा के परिघ के अग्रभाग से वायु कड़कड़ाकर फट पड़ी; और वह धूमरहित अग्नि के समान गर्जना के साथ प्रज्वलित हो उठी।

Verse 8

नगर्या विटपावत्या गन्धर्वभवनोत्तमैः । सह चैवामरावत्या सर्वैश् च भवनैः सह ॥

nagaryā viṭapāvatyā gandharvabhavanottamaiḥ | saha caivāmarāvatyā sarvaiś ca bhavanaiḥ saha

The city of Viṭapāvatī, with the finest mansions of the gandharvas, and Amarāvatī too, with all its dwellings,

गन्धर्वों के श्रेष्ठ भवनों वाली विटपावती नगरी, और अपने सभी भवनों वाली अमरावती भी,

Verse 9

सतारागणनक्षत्रं सचन्द्रं समहाग्रहम् । निकुम्भपरिघाघूर्णं भ्रमतीव नभस्तलम् ॥

satārāgaṇanakṣatraṃ sacandraṃ samahāgraham | nikumbhaparighāghūrṇaṃ bhramatīva nabhastalam

with its hosts of stars and constellations, the moon and the great planets — the vault of heaven, swept by Nikumbha's bludgeon, seemed to whirl about.

तारागणों और नक्षत्रों सहित, चन्द्रमा और महाग्रहों सहित आकाशमण्डल — निकुम्भ की परिघ से झकझोरा जाकर मानो घूमता हुआ प्रतीत होने लगा।

Verse 10

दुरासदश् च संजज्ञे परिघाभरणप्रभः । क्रोधेन्धनो निकुम्भाग्निर् युगान्ताग्निर् इवोत्थितः ॥

durāsadaś ca saṃjajñe parighābharaṇaprabhaḥ | krodhendhano nikumbhāgnir yugāntāgnir ivotthitaḥ

And he grew unassailable, of the splendour of his bludgeon-ornament; the fire that was Nikumbha, with wrath for its fuel, rose like the fire at the end of an age.

और वह परिघरूपी आभूषण की कान्ति वाला निकुम्भ दुर्जेय हो उठा; क्रोधरूपी ईंधन वाली निकुम्भरूपी वह अग्नि प्रलयकाल की अग्नि के समान प्रज्वलित हो उठी।

Verse 11

राक्षसा वानराश् चापि न शेकुः स्पन्दितुं भयात् । हनूमंस् तु विवृत्योरस् तस्थौ प्रमुखतो बली ॥

rākṣasā vānarāś cāpi na śekuḥ spandituṃ bhayāt | hanūmaṃs tu vivṛtyoras tasthau pramukhato balī

The rākṣasas and the vānaras too could not stir, for fear; but the mighty Hanumān, baring his breast, stood before him.

राक्षस और वानर भी भय से हिल तक न सके; किन्तु बलवान् हनुमान् अपनी छाती खोलकर उसके सामने खड़ा हो गया।

Verse 12

परिघोपमबाहुस् तु परिघं भास्करप्रभम् । बली बलवतस् तस्य पातयाम् आस वक्षसि ॥

parighopamabāhus tu parighaṃ bhāskaraprabham | balī balavatas tasya pātayām āsa vakṣasi

His arm like an iron bludgeon, the mighty Nikumbha brought down the sun-bright bludgeon upon the chest of that mighty one.

परिघ के समान भुजाओं वाले बलवान् निकुम्भ ने सूर्य के समान तेजस्वी वह परिघ उस महाबली (हनुमान्) की छाती पर दे मारी।

Verse 13

स्थिरे तस्योरसि व्यूढे परिघः शतधा कृतः । विशीर्यमाणः सहसा उल्का शतम् इवाम्बरे ॥

sthire tasyorasi vyūḍhe parighaḥ śatadhā kṛtaḥ | viśīryamāṇaḥ sahasā ulkā śatam ivāmbare

Upon his firm, broad chest the bludgeon was made into a hundred pieces, suddenly shattering, like a hundred meteors in the sky.

उसकी दृढ़ और विशाल छाती पर वह परिघ सौ टुकड़ों में टूट गई, और आकाश में सौ उल्काओं के समान सहसा बिखर गई।

Verse 14

स तु तेन प्रहारेण चचाल च महाकपिः । परिघेण समाधूतो यथा भूमिचले ऽचलः ॥

sa tu tena prahāreṇa cacāla ca mahākapiḥ | parigheṇa samādhūto yathā bhūmicale 'calaḥ

But by that blow the great ape reeled, shaken by the bludgeon, like a mountain in an earthquake.

किन्तु उस प्रहार से वह महाकपि डगमगा गया, परिघ से झकझोरा जाकर वैसे ही, जैसे भूकम्प में पर्वत।

Verse 15

स तथाभिहतस् तेन हनूमान् प्लवगोत्तमः । मुष्टिं संवर्तयाम् आस बलेनातिमहाबलः ॥

sa tathābhihatas tena hanūmān plavagottamaḥ | muṣṭiṃ saṃvartayām āsa balenātimahābalaḥ

Thus struck by him, Hanumān, best of the leaping monkeys, exceedingly mighty in strength, clenched his fist.

इस प्रकार उससे आहत होकर वानरश्रेष्ठ, अत्यन्त महाबली हनुमान् ने बलपूर्वक अपनी मुट्ठी भींच ली।

Verse 16

तम् उद्यम्य महातेजा निकुम्भोरसि वीर्यवान् । अभिचिक्षेप वेगेन वेगवान् वायुविक्रमः ॥

tam udyamya mahātejā nikumbhorasi vīryavān | abhicikṣepa vegena vegavān vāyuvikramaḥ

Raising it, the greatly splendid, valorous one, swift and of the Wind's prowess, hurled it with force upon Nikumbha's chest.

उसे उठाकर वेगवान्, वायु के समान पराक्रमी, पराक्रमी महातेजस्वी हनुमान् ने वेग से निकुम्भ की छाती पर प्रहार किया।

Verse 17

ततः पुस्फोट चर्मास्य प्रसुस्राव च शोणितम् । मुष्टिना तेन संजज्ञे ज्वाला विद्युद् इवोत्थिता ॥

tataḥ pusphoṭa carmāsya prasusrāva ca śoṇitam | muṣṭinā tena saṃjajñe jvālā vidyud ivotthitā

Then his skin burst, and blood flowed; and by that fist there arose a flame like risen lightning.

तब उसकी त्वचा फट गई और रक्त बह निकला; और उस मुट्ठी से उठी हुई बिजली के समान ज्वाला उत्पन्न हुई।

Verse 18

स तु तेन प्रहारेण निकुम्भो विचचाल ह । स्वस्थश् चापि निजग्राह हनूमन्तं महाबलम् ॥

sa tu tena prahāreṇa nikumbho vicacāla ha | svasthaś cāpi nijagrāha hanūmantaṃ mahābalam

But by that blow Nikumbha reeled; yet, recovering, he seized the mighty Hanumān.

किन्तु उस प्रहार से निकुम्भ डगमगा गया; फिर भी सँभलकर उसने महाबली हनुमान् को पकड़ लिया।

Verse 19

विचुक्रुशुस् तदा संख्ये भीमं लङ्कानिवासिनः । निकुम्भेनोद्धृतं दृष्ट्वा हनूमन्तं महाबलम् ॥

vicukruśus tadā saṃkhye bhīmaṃ laṅkānivāsinaḥ | nikumbhenoddhṛtaṃ dṛṣṭvā hanūmantaṃ mahābalam

Then the dwellers of Laṅkā cried out dreadfully in the battle, seeing the mighty Hanumān carried off by Nikumbha.

तब महाबली हनुमान् को निकुम्भ द्वारा उठाया गया देखकर लंकावासी युद्ध में भयंकर चीख उठे।

Verse 20

स तथा ह्रियमाणो ऽपि कुम्भकर्णात्मजेन हि । आजघानानिलसुतो वज्रवेगेन मुष्टिना ॥

sa tathā hriyamāṇo 'pi kumbhakarṇātmajena hi | ājaghānānilasuto vajravegena muṣṭinā

Though being carried off thus by the son of Kumbhakarṇa, the son of the Wind struck him with a fist of the force of the thunderbolt.

इस प्रकार कुम्भकर्णपुत्र द्वारा उठाए जाने पर भी पवनपुत्र ने वज्र के वेग वाली मुट्ठी से उस पर प्रहार किया।

Verse 21

आत्मानं मोचयित्वाथ क्षिताव् अभ्यवपद्यत । हनूमान् उन्ममथाशु निकुम्भं मारुतात्मजः ॥

ātmānaṃ mocayitvātha kṣitāv abhyavapadyata | hanūmān unmamathāśu nikumbhaṃ mārutātmajaḥ

Then, freeing himself, he descended to the earth; and Hanumān, son of the Wind, swiftly crushed Nikumbha.

फिर अपने को छुड़ाकर वह भूमि पर उतर आया; और पवनपुत्र हनुमान् ने शीघ्र ही निकुम्भ को कुचल डाला।

Verse 22

निक्षिप्य परमायत्तो निकुम्भं निष्पिपेष च । उत्पत्य चास्य वेगेन पपातोरसि वीर्यवान् ॥

nikṣipya paramāyatto nikumbhaṃ niṣpipeṣa ca | utpatya cāsya vegena papātorasi vīryavān

Pinning him down with utmost effort, he ground Nikumbha; and, springing up, the valorous one fell with force upon his chest.

पूरी शक्ति से निकुम्भ को पटककर उसने उसे मसल दिया; और उछलकर वह पराक्रमी वेग से उसकी छाती पर जा गिरा।

Verse 23

परिगृह्य च बाहुभ्यां परिवृत्य शिरोधराम् । उत्पाटयाम् आस शिरो भैरवं नदतो महत् ॥

parigṛhya ca bāhubhyāṃ parivṛtya śirodharām | utpāṭayām āsa śiro bhairavaṃ nadato mahat

And seizing him with his two arms and twisting the neck, he tore off the great head of that one who was roaring dreadfully.

और दोनों भुजाओं से पकड़कर, गर्दन को मरोड़कर, भयंकर गर्जना करते हुए उसके उस विशाल सिर को उखाड़ डाला।

Verse 24

अथ विनदति सादिते निकुम्भे; पवनसुतेन रणे बभूव युद्धम् । दशरथसुतराक्षसेन्द्रचम्वोर्; भृशतरम् आगतरोषयोः सुभीमम् ॥

atha vinadati sādite nikumbhe; pavanasutena raṇe babhūva yuddham | daśarathasutarākṣasendracamvor; bhṛśataram āgataroṣayoḥ subhīmam

Then, when Nikumbha, roaring, was struck down by the son of the Wind in the battle, a most terrible fight arose between the armies of Daśaratha's son and the lord of rākṣasas, their fury greatly risen.

तब गर्जना करते निकुम्भ के पवनपुत्र द्वारा युद्ध में मार गिराए जाने पर, अत्यधिक क्रोध से भरी दशरथपुत्र और राक्षसेन्द्र की सेनाओं के बीच अत्यन्त भयंकर युद्ध हुआ।