Sarga 53

Verse 1

संदीप्यमानां विध्वस्तां त्रस्तरक्षो गणां पुरीम् । अवेक्ष्य हानुमांल् लङ्कां चिन्तयाम् आस वानरः ॥

saṃdīpyamānāṃ vidhvastāṃ trastarakṣo gaṇāṃ purīm | avekṣya hānumāṃl laṅkāṃ cintayām āsa vānaraḥ

Beholding Laṅkā ablaze, laid waste, its rākṣasa hosts terrified, the monkey Hanumān fell to thought.

जलती हुई, विध्वस्त और भयभीत राक्षसगणों वाली लंका नगरी को देखकर वानर हनुमान विचार करने लगा।

Verse 2

तस्याभूत् सुमहांस् त्रासः कुत्सा चात्मन्य् अजायत । लङ्कां प्रदहता कर्म किंस्वित् कृतम् इदं मया ॥

tasyābhūt sumahāṃs trāsaḥ kutsā cātmany ajāyata | laṅkāṃ pradahatā karma kiṃsvit kṛtam idaṃ mayā

There arose in him a very great dread, and self-reproach was born within: "What deed, alas, is this that I have done in burning Laṅkā!"

उसे बड़ा भय हुआ और मन में आत्म-निंदा उत्पन्न हुई — "लंका को जलाकर मैंने यह क्या कर्म कर डाला!"

Verse 3

धन्यास् ते पुरुषश्रेष्ठ ये बुद्ध्या कोपम् उत्थितम् । निरुन्धन्ति महात्मानो दीप्तम् अग्निम् इवाम्भसा ॥

dhanyās te puruṣaśreṣṭha ye buddhyā kopam utthitam | nirundhanti mahātmāno dīptam agnim ivāmbhasā

"Blessed are those best of men, the great-souled, who with their understanding restrain rising anger, as one [quenches] a blazing fire with water."

"धन्य हैं वे पुरुषश्रेष्ठ महात्मा, जो उठते हुए क्रोध को बुद्धि से वैसे ही रोक लेते हैं, जैसे जल से प्रज्वलित अग्नि को।"

Verse 4

यदि दग्धा त्व् इयं लङ्का नूनम् आर्यापि जानकी । दग्धा तेन मया भर्तुर् हतं कार्यम् अजानता ॥

yadi dagdhā tv iyaṃ laṅkā nūnam āryāpi jānakī | dagdhā tena mayā bhartur hataṃ kāryam ajānatā

"If this Laṅkā is burned, then surely the noble Jānakī too is burned; and by me, not knowing it, my lord's purpose has been destroyed."

"यदि यह लंका जल गई, तो निश्चय ही आर्या जानकी भी जल गईं; और इस प्रकार अनजाने में मैंने अपने स्वामी का कार्य नष्ट कर दिया।"

Verse 5

यद् अर्थम् अयम् आरम्भस् तत् कार्यम् अवसादितम् । मया हि दहता लङ्कां न सीता परिरक्षिता ॥

yad artham ayam ārambhas tat kāryam avasāditam | mayā hi dahatā laṅkāṃ na sītā parirakṣitā

"The very purpose for which this undertaking was made has been undone; for I, in burning Laṅkā, have not safeguarded Sītā."

"जिस प्रयोजन के लिए यह सारा उपक्रम था, वही कार्य नष्ट हो गया; क्योंकि लंका को जलाते हुए मैंने सीता की रक्षा नहीं की।"

Verse 6

ईषत्कार्यम् इदं कार्यं कृतम् आसीन् न संशयः । तस्य क्रोधाभिभूतेन मया मूलक्षयः कृतः ॥

īṣatkāryam idaṃ kāryaṃ kṛtam āsīn na saṃśayaḥ | tasya krodhābhibhūtena mayā mūlakṣayaḥ kṛtaḥ

"This task was all but accomplished — no doubt of it; yet I, overcome by wrath, have wrought its ruin at the root."

"यह कार्य तो प्रायः पूर्ण ही हो चुका था, इसमें संदेह नहीं; किंतु क्रोध से अभिभूत मैंने इसका मूल ही नष्ट कर डाला।"

Verse 7

विनष्टा जानकी व्यक्तं न ह्य् अदग्धः प्रदृश्यते । लङ्कायाः कश् चिद् उद्देशः सर्वा भस्मीकृता पुरी ॥

vinaṣṭā jānakī vyaktaṃ na hy adagdhaḥ pradṛśyate | laṅkāyāḥ kaś cid uddeśaḥ sarvā bhasmīkṛtā purī

"Jānakī is plainly destroyed, for no spot of Laṅkā is seen unburned; the whole city has been reduced to ashes."

"जानकी स्पष्ट ही नष्ट हो गईं, क्योंकि लंका का कोई भाग बिना जला नहीं दिखता; सारी नगरी भस्म कर दी गई।"

Verse 8

यदि तद् विहतं कार्यं मया प्रज्ञाविपर्ययात् । इहैव प्राणसंन्यासो ममापि ह्य् अतिरोचते ॥

yadi tad vihataṃ kāryaṃ mayā prajñāviparyayāt | ihaiva prāṇasaṃnyāso mamāpi hy atirocate

"If that task has been foiled by me through a perversion of wisdom, then the laying down of my own life-breath, here and now, is most pleasing to me."

"यदि बुद्धि के विपर्यय से मैंने वह कार्य नष्ट कर दिया, तो यहीं अपने प्राण त्याग देना ही मुझे सर्वाधिक रुचता है।"

Verse 9

किम् अग्नौ निपताम्य् अद्य आहोस्विद् वडवामुखे । शरीरम् आहो सत्त्वानां दद्मि सागरवासिनाम् ॥

kim agnau nipatāmy adya āhosvid vaḍavāmukhe | śarīram āho sattvānāṃ dadmi sāgaravāsinām

"Shall I cast myself today into the fire, or into the mare's-mouth (the submarine fire)? Or shall I give my body to the creatures that dwell in the ocean?"

"क्या मैं आज अग्नि में कूद पड़ूँ, या बड़वानल में? अथवा अपना शरीर समुद्र में रहने वाले प्राणियों को दे दूँ?"

Verse 10

कथं हि जीवता शक्यो मया द्रष्टुं हरीश्वरः । तौ वा पुरुषशार्दूलौ कार्यसर्वस्वघातिना ॥

kathaṃ hi jīvatā śakyo mayā draṣṭuṃ harīśvaraḥ | tau vā puruṣaśārdūlau kāryasarvasvaghātinā

"For how, living, can I behold the lord of the monkeys, or those two tigers among men — I who have destroyed the whole of the enterprise?"

"समस्त कार्य को नष्ट कर देने वाला मैं जीवित रहकर वानरराज सुग्रीव को, अथवा उन दोनों पुरुषश्रेष्ठों (राम-लक्ष्मण) को, कैसे देख सकूँगा?"

Verse 11

मया खलु तद् एवेदं रोषदोषात् प्रदर्शितम् । प्रथितं त्रिषु लोकेषु कपितम् अनवस्थितम् ॥

mayā khalu tad evedaṃ roṣadoṣāt pradarśitam | prathitaṃ triṣu lokeṣu kapitam anavasthitam

"Surely this [folly] of mine has been displayed through the fault of wrath — the monkey-fickleness, unsteady, famed through the three worlds."

"निश्चय ही मैंने यह क्रोध के दोष से प्रकट कर दिया — तीनों लोकों में प्रसिद्ध, अस्थिर वानर-चपलता।"

Verse 12

धिग् अस्तु राजसं भावम् अनीशम् अनवस्थितम् । ईश्वरेणापि यद् रागान् मया सीता न रक्षिता ॥

dhig astu rājasaṃ bhāvam anīśam anavasthitam | īśvareṇāpi yad rāgān mayā sītā na rakṣitā

"Fie upon the rajas-born temperament, uncontrolled and unsteady, through which I, though master of myself, out of passion did not protect Sītā!"

"धिक्कार है उस अनियंत्रित, अस्थिर राजस स्वभाव को, जिसके कारण आत्मसंयमी होते हुए भी, आवेश में आकर मैंने सीता की रक्षा नहीं की!"

Verse 13

विनष्टायां तु सीतायां ताव् उभौ विनशिष्यतः । तयोर् विनाशे सुग्रीवः सबन्धुर् विनशिष्यति ॥

vinaṣṭāyāṃ tu sītāyāṃ tāv ubhau vinaśiṣyataḥ | tayor vināśe sugrīvaḥ sabandhur vinaśiṣyati

"If Sītā is destroyed, those two (Rāma and Lakṣmaṇa) will both perish; and at their destruction, Sugrīva with his kinsmen will perish."

"सीता के नष्ट हो जाने पर वे दोनों (राम और लक्ष्मण) नष्ट हो जाएँगे; और उनके नाश पर बंधु-बांधवों सहित सुग्रीव भी नष्ट हो जाएगा।"

Verse 14

एतद् एव वचः श्रुत्वा भरतो भ्रातृवत्सलः । धर्मात्मा सहशत्रुघ्नः कथं शक्ष्यति जीवितुम् ॥

etad eva vacaḥ śrutvā bharato bhrātṛvatsalaḥ | dharmātmā sahaśatrughnaḥ kathaṃ śakṣyati jīvitum

"Hearing this very news, how shall Bharata, loving his brother, the righteous-souled, together with Śatrughna, be able to live?"

"यही समाचार सुनकर भाई-वत्सल, धर्मात्मा भरत शत्रुघ्न सहित कैसे जीवित रह सकेंगे?"

Verse 15

इक्ष्वाकुवंशे धर्मिष्ठे गते नाशम् असंशयम् । भविष्यन्ति प्रजाः सर्वाः शोकसंतापपीडिताः ॥

ikṣvākuvaṃśe dharmiṣṭhe gate nāśam asaṃśayam | bhaviṣyanti prajāḥ sarvāḥ śokasaṃtāpapīḍitāḥ

"The righteous line of Ikṣvāku being come to ruin — no doubt of it — all the folk will be afflicted, scorched with grief."

"परम धार्मिक इक्ष्वाकुवंश के विनाश को प्राप्त होने पर, निःसंदेह समस्त प्रजा शोक-संताप से पीड़ित हो जाएगी।"

Verse 16

तद् अहं भाग्यरहितो लुप्तधर्मार्थसंग्रहः । रोषदोषपरीतात्मा व्यक्तं लोकविनाशनः ॥

tad ahaṃ bhāgyarahito luptadharmārthasaṃgrahaḥ | roṣadoṣaparītātmā vyaktaṃ lokavināśanaḥ

"Thus am I bereft of all fortune, having undone the gathering of dharma and artha, my soul beset by the fault of wrath — plainly a destroyer of the world."

"इस प्रकार धर्म और अर्थ के संचय को नष्ट कर, क्रोध के दोष से ग्रस्त आत्मा वाला, भाग्यहीन मैं स्पष्ट ही लोक का विनाशक हूँ।"

Verse 17

इति चिन्तयतस् तस्य निमित्तान्य् उपपेदिरे । पूरम् अप्य् उपलब्धानि साक्षात् पुनर् अचिन्तयत् ॥

iti cintayatas tasya nimittāny upapedire | pūram apy upalabdhāni sākṣāt punar acintayat

As he was thinking thus, favorable omens presented themselves; and recalling what had before been apprehended, he reflected again, now with the matter before his very eyes:

इस प्रकार विचार करते हुए उसके समक्ष शुभ शकुन प्रकट होने लगे; और पहले जो जाना था उसका स्मरण कर, अब साक्षात् विषय को सामने रखकर उसने फिर विचार किया —

Verse 18

अथ वा चारुसर्वाङ्गी रक्षिता स्वेन तेजसा । न नशिष्यति कल्याणी नाग्निर् अग्नौ प्रवर्तते ॥

atha vā cārusarvāṅgī rakṣitā svena tejasā | na naśiṣyati kalyāṇī nāgnir agnau pravartate

"Or rather — she of fair limbs in every part, guarded by her own splendor, the auspicious one, will not perish; fire does not act upon fire."

"अथवा — समस्त अंगों में सुंदर, अपने तेज से रक्षित वह कल्याणी नष्ट नहीं होगी; अग्नि अग्नि पर प्रभाव नहीं करती।"

Verse 19

न हि धर्मान् मनस् तस्य भार्याम् अमिततेजसः । स्वचारित्राभिगुप्तां तां स्प्रष्टुम् अर्हति पावकः ॥

na hi dharmān manas tasya bhāryām amitatejasaḥ | svacāritrābhiguptāṃ tāṃ spraṣṭum arhati pāvakaḥ

"For the mind of the upholder of dharma — the fire of measureless splendor — would not deign to touch her, the wife of Rāma, shielded by her own [chaste] conduct."

"क्योंकि धर्मात्मा राम की, अमित तेजस्वी की पत्नी को, जो अपने सदाचार से रक्षित है, अग्नि छूने का साहस नहीं करेगी।"

Verse 20

नूनं रामप्रभावेन वैदेह्याः सुकृतेन च । यन् मां दहनकर्मायं नादहद् धव्यवाहनः ॥

nūnaṃ rāmaprabhāvena vaidehyāḥ sukṛtena ca | yan māṃ dahanakarmāyaṃ nādahad dhavyavāhanaḥ

"Surely it is through Rāma's power and the good deeds of Vaidehī that this fire, whose office is to consume, has not consumed me."

"निश्चय ही राम के प्रभाव से और वैदेही के पुण्य से ही यह दहन करने वाली अग्नि मुझे नहीं जला सकी।"

Verse 21

त्रयाणां भरतादीनां भ्रातॄणां देवता च या । रामस्य च मनःकान्ता सा कथं विनशिष्यति ॥

trayāṇāṃ bharatādīnāṃ bhrātṝṇāṃ devatā ca yā | rāmasya ca manaḥkāntā sā kathaṃ vinaśiṣyati

"She who is the very deity of the three brothers, Bharata and the rest, and the beloved of Rāma's heart — how should she perish?"

"जो भरत आदि तीनों भाइयों की आराध्य देवी हैं और राम के हृदय की प्रिया हैं, वह भला कैसे नष्ट होंगी?"

Verse 22

यद् वा दहनकर्मायं सर्वत्र प्रभुर् अव्ययः । न मे दहति लाङ्गूलं कथम् आर्यां प्रधक्ष्यति ॥

yad vā dahanakarmāyaṃ sarvatra prabhur avyayaḥ | na me dahati lāṅgūlaṃ katham āryāṃ pradhakṣyati

"Or — this fire, whose office is to consume, the imperishable lord everywhere, does not burn my tail; how then should it burn the noble lady?"

"अथवा — सर्वत्र व्याप्त, अव्यय, दहन-कर्म वाली यह अग्नि जब मेरी पूँछ को नहीं जलाती, तो उस आर्या को कैसे जलाएगी?"

Verse 23

तपसा सत्यवाक्येन अनन्यत्वाच् च भर्तरि । अपि सा निर्दहेद् अग्निं न ताम् अग्निः प्रधक्ष्यति ॥

tapasā satyavākyena ananyatvāc ca bhartari | api sā nirdahed agniṃ na tām agniḥ pradhakṣyati

"By her austerity, by her truthful speech, and by her single devotion to her husband, she might rather burn up the fire; the fire shall not burn her."

"तपस्या से, सत्यवचन से, और पति के प्रति अनन्यभाव से, वह तो अग्नि को ही भस्म कर सकती हैं; अग्नि उन्हें नहीं जला सकेगी।"

Verse 24

स तथा चिन्तयंस् तत्र देव्या धर्मपरिग्रहम् । शुश्राव हनुमान् वाक्यं चारणानां महात्मनाम् ॥

sa tathā cintayaṃs tatra devyā dharmaparigraham | śuśrāva hanumān vākyaṃ cāraṇānāṃ mahātmanām

As Hanumān was thus pondering upon the queen's store of dharma, he heard the speech of the great-souled cāraṇas:

इस प्रकार वहाँ देवी के धर्म-संचय पर विचार करते हुए हनुमान ने महात्मा चारणों का वचन सुना —

Verse 25

अहो खलु कृतं कर्म दुर्विषह्यं हनूमता । अग्निं विसृजताभीक्ष्णं भीमं राक्षससद्मनि ॥

aho khalu kṛtaṃ karma durviṣahyaṃ hanūmatā | agniṃ visṛjatābhīkṣṇaṃ bhīmaṃ rākṣasasadmani

"Ah, truly a deed hard to endure has been done by Hanumān — loosing fire, fierce and unceasing, upon the dwellings of the rākṣasas."

"अहो! हनुमान ने सचमुच एक दुःसह कर्म कर डाला — राक्षसों के भवनों में निरंतर भयंकर अग्नि छोड़कर।"

Verse 26

दग्धेयं नगरी लङ्का साट्टप्राकारतोरणा । जानकी न च दग्धेति विस्मयो ऽद्भुत एव नः ॥

dagdheyaṃ nagarī laṅkā sāṭṭaprākāratoraṇā | jānakī na ca dagdheti vismayo 'dbhuta eva naḥ

"This city of Laṅkā is burned, with its mansions, ramparts, and gateways; yet Jānakī is not burned — this is to us a wonder, marvelous indeed!"

"अट्टालिकाओं, प्राचीरों और तोरणों सहित यह लंका नगरी जल गई; फिर भी जानकी नहीं जलीं — यह हमारे लिए अद्भुत आश्चर्य है!"

Verse 27

स निमित्तैश् च दृष्टार्थैः कारणैश् च महागुणैः । ऋषिवाक्यैश् च हनुमान् अभवत् प्रीतमानसः ॥

sa nimittaiś ca dṛṣṭārthaiḥ kāraṇaiś ca mahāguṇaiḥ | ṛṣivākyaiś ca hanumān abhavat prītamānasaḥ

Then Hanumān, by those omens of manifest meaning, by causes of great virtue, and by the words of the sages, became glad at heart.

तब स्पष्ट अर्थ वाले उन शकुनों से, महान गुण वाले कारणों से, और ऋषियों के वचनों से हनुमान प्रसन्नचित्त हो गया।

Verse 28

ततः कपिः प्राप्तमनोरथार्थस्; ताम् अक्षतां राजसुतां विदित्वा । प्रत्यक्षतस् तां पुनर् एव दृष्ट्वा; प्रतिप्रयाणाय मतिं चकार ॥

tataḥ kapiḥ prāptamanorathārthas; tām akṣatāṃ rājasutāṃ viditvā | pratyakṣatas tāṃ punar eva dṛṣṭvā; pratiprayāṇāya matiṃ cakāra

Then the monkey, the object of his longing attained, knowing the princess unharmed, and beholding her once more before his eyes, made up his mind for the return journey.

तब अपना मनोरथ पूर्ण कर चुके उस कपि ने राजपुत्री को अक्षत (सुरक्षित) जानकर, और उसे पुनः प्रत्यक्ष देखकर, लौटने का निश्चय किया।