Sarga 41

Verse 1

ततः स किंकरान् हत्वा हनूमान् ध्यानम् आस्थितः । वनं भग्नं मया चैत्यप्रासादो न विनाशितः । तस्मात् प्रासादम् अप्य् एवम् इमं विध्वंसयाम्य् अहम् ॥

tataḥ sa kiṃkarān hatvā hanūmān dhyānam āsthitaḥ | vanaṃ bhagnaṃ mayā caityaprāsādo na vināśitaḥ | tasmāt prāsādam apy evam imaṃ vidhvaṃsayāmy aham

Then, having slain the Kiṃkaras, Hanumān fell to pondering: "The grove has been broken by me, but the sanctuary-tower is not yet destroyed; therefore this tower too I shall lay waste in like manner."

तब किंकरों का वध करके हनुमान विचार में लीन हुए: "वन तो मैंने तोड़ डाला, किन्तु चैत्यप्रासाद (मन्दिर-भवन) अभी नष्ट नहीं हुआ; इसलिए इस प्रासाद को भी मैं इसी प्रकार ध्वस्त कर दूँगा।"

Verse 2

इति संचिन्त्य हनुमान् मनसा दर्शयन् बलम् । चैत्यप्रासादम् आप्लुत्य मेरुशृङ्गम् इवोन्नतम् । आरुरोह हरिश्रेष्ठो हनूमान् मारुतात्मजः ॥

iti saṃcintya hanumān manasā darśayan balam | caityaprāsādam āplutya meruśṛṅgam ivonnatam | āruroha hariśreṣṭho hanūmān mārutātmajaḥ

So pondering, Hanumān, displaying his might in his mind, leaped up upon the sanctuary-tower, lofty as a peak of Meru, and the best of monkeys, the son of the Wind, climbed it.

ऐसा विचार करके, मन में अपना बल प्रकट करते हुए, वानरश्रेष्ठ पवनपुत्र हनुमान मेरु के शिखर के समान ऊँचे उस चैत्यप्रासाद पर उछलकर चढ़ गए।

Verse 3

संप्रधृष्य च दुर्धर्षश् चैत्यप्रासादम् उन्नतम् । हनूमान् प्रज्वलंल् लक्ष्म्या पारियात्रोपमो ऽभवत् ॥

saṃpradhṛṣya ca durdharṣaś caityaprāsādam unnatam | hanūmān prajvalaṃl lakṣmyā pāriyātropamo 'bhavat

Having scaled that lofty sanctuary-tower, the invincible Hanumān, blazing with splendor, became like the Pāriyātra mountain.

उस ऊँचे चैत्यप्रासाद पर आरूढ़ होकर अजेय हनुमान श्री से देदीप्यमान होकर पारियात्र पर्वत के समान प्रतीत होने लगे।

Verse 4

स भूत्वा तु महाकायो हनूमान् मारुतात्मजः । धृष्टम् आस्फोटयाम् आस लङ्कां शब्देन पूरयन् ॥

sa bhūtvā tu mahākāyo hanūmān mārutātmajaḥ | dhṛṣṭam āsphoṭayām āsa laṅkāṃ śabdena pūrayan

Having become huge of body, Hanumān, son of the Wind, clapped his arms boldly, filling Laṅkā with the sound.

विशाल देह धारण करके पवनपुत्र हनुमान ने निर्भय होकर अपनी भुजाओं को ठोंका और लंका को ध्वनि से भर दिया।

Verse 5

तस्यास्फोटितशब्देन महता श्रोत्रघातिना । पेतुर् विहंगा गगनाद् उच्चैश् चेदम् अघोषयत् ॥

tasyāsphoṭitaśabdena mahatā śrotraghātinā | petur vihaṃgā gaganād uccaiś cedam aghoṣayat

At the great sound of his arm-clapping, ear-shattering, birds fell from the sky; and he proclaimed aloud this cry:

उसके भुजा ठोंकने की उस महान, कान फाड़ देने वाली ध्वनि से पक्षी आकाश से गिर पड़े; और उसने ऊँचे स्वर से यह घोषणा की:

Verse 6

जयत्य् अतिबलो रामो लक्ष्मणश् च महाबलः । राजा जयति सुग्रीवो राघवेणाभिपालितः ॥

jayaty atibalo rāmo lakṣmaṇaś ca mahābalaḥ | rājā jayati sugrīvo rāghaveṇābhipālitaḥ

"Victory to the exceedingly mighty Rāma, and to the mighty Lakṣmaṇa! Victory to King Sugrīva, protected by Rāghava!"

"अत्यन्त बलशाली राम की जय हो, और महाबली लक्ष्मण की जय हो! राघव द्वारा संरक्षित राजा सुग्रीव की जय हो!"

Verse 7

दासो ऽहं कोसलेन्द्रस्य रामस्याक्लिष्टकर्मणः । हनुमाञ् शत्रुसैन्यानां निहन्ता मारुतात्मजः ॥

dāso 'haṃ kosalendrasya rāmasyākliṣṭakarmaṇaḥ | hanumāñ śatrusainyānāṃ nihantā mārutātmajaḥ

"I am the servant of the lord of Kosala, Rāma of untroubled deeds—Hanumān, destroyer of the enemy's armies, the son of the Wind."

"मैं कोसलेन्द्र, निर्मल कर्म वाले राम का दास हूँ—शत्रुसेनाओं का संहारक, पवनपुत्र हनुमान।"

Verse 8

न रावणसहस्रं मे युद्धे प्रतिबलं भवेत् । शिलाभिस् तु प्रहरतः पादपैश् च सहस्रशः ॥

na rāvaṇasahasraṃ me yuddhe pratibalaṃ bhavet | śilābhis tu praharataḥ pādapaiś ca sahasraśaḥ

"Not a thousand Rāvaṇas would be a match for me in battle, as I strike with rocks and with trees by the thousand."

"जब मैं सहस्रों शिलाओं और वृक्षों से प्रहार करता हूँ, तब एक सहस्र रावण भी युद्ध में मेरे समकक्ष नहीं हो सकते।"

Verse 9

अर्दयित्वा पुरीं लङ्काम् अभिवाद्य च मैथिलीम् । समृद्धार्थो गमिष्यामि मिषतां सर्वरक्षसाम् ॥

ardayitvā purīṃ laṅkām abhivādya ca maithilīm | samṛddhārtho gamiṣyāmi miṣatāṃ sarvarakṣasām

"Having ravaged the city of Laṅkā and made obeisance to Maithilī, my purpose accomplished, I shall depart before the eyes of all the rākṣasas."

"लंका नगरी को ध्वस्त करके और मैथिली को प्रणाम करके, अपना प्रयोजन सिद्ध कर मैं समस्त राक्षसों के देखते-देखते चला जाऊँगा।"

Verse 10

एवम् उक्त्वा विमानस्थश् चैत्यस्थान् हरिपुंगवः । ननाद भीमनिर्ह्रादो रक्षसां जनयन् भयम् ॥

evam uktvā vimānasthaś caityasthān haripuṃgavaḥ | nanāda bhīmanirhrādo rakṣasāṃ janayan bhayam

Having spoken thus, that bull among monkeys, standing upon the sanctuary-tower, roared with a dreadful roar, striking fear into the rākṣasas who kept the shrine.

ऐसा कहकर चैत्यप्रासाद पर स्थित उस वानरश्रेष्ठ ने भयंकर गर्जना से मन्दिर की रक्षा करने वाले राक्षसों में भय उत्पन्न करते हुए गर्जना की।

Verse 11

तेन शब्देन महता चैत्यपालाः शतं ययुः । गृहीत्वा विविधान् अस्त्रान् प्रासान् खड्गान् परश्वधान् । विसृजन्तो महाक्षया मारुतिं पर्यवारयन् ॥

tena śabdena mahatā caityapālāḥ śataṃ yayuḥ | gṛhītvā vividhān astrān prāsān khaḍgān paraśvadhān | visṛjanto mahākṣayā mārutiṃ paryavārayan

At that great sound a hundred guards of the shrine came, taking varied weapons—javelins, swords and battle-axes—and, hurling them, those of great destructive power surrounded Māruti.

उस महान ध्वनि से चैत्य की रक्षा करने वाले सौ राक्षस नाना प्रकार के अस्त्र—भाले, खड्ग और फरसे—लेकर आए, और उन्हें फेंकते हुए उन महाविनाशकारी ने पवनपुत्र को घेर लिया।

Verse 12

आवर्त इव गङ्गायास् तोयस्य विपुलो महान् । परिक्षिप्य हरिश्रेष्ठं स बभौ रक्षसां गणः ॥

āvarta iva gaṅgāyās toyasya vipulo mahān | parikṣipya hariśreṣṭhaṃ sa babhau rakṣasāṃ gaṇaḥ

Like a great and wide whirlpool of the water of the Gaṅgā, that band of rākṣasas, encircling the best of monkeys, shone.

गंगा के जल के विशाल, महान भँवर के समान, वानरश्रेष्ठ को घेरकर वह राक्षस-समूह सुशोभित हुआ।

Verse 13

ततो वातात्मजः क्रुद्धो भीमरूपं समास्थितः ॥

tato vātātmajaḥ kruddho bhīmarūpaṃ samāsthitaḥ

Then the son of the Wind, enraged, assumed a dreadful form.

तब क्रुद्ध पवनपुत्र ने भयंकर रूप धारण किया।

Verse 14

प्रासादस्य महांस् तस्य स्तम्भं हेमपरिष्कृतम् । उत्पाटयित्वा वेगेन हनूमान् मारुतात्मजः । ततस् तं भ्रामयाम् आस शतधारं महाबलः ॥

prāsādasya mahāṃs tasya stambhaṃ hemapariṣkṛtam | utpāṭayitvā vegena hanūmān mārutātmajaḥ | tatas taṃ bhrāmayām āsa śatadhāraṃ mahābalaḥ

Wrenching up with force a great pillar of that palace, inlaid with gold, Hanumān, son of the Wind, of great might, then whirled it about—a pillar with a hundred edges.

उस प्रासाद के स्वर्णमण्डित एक महान स्तम्भ को वेग से उखाड़कर महाबली पवनपुत्र हनुमान ने तब उस सौ धार वाले स्तम्भ को घुमाया।

Verse 15

स राक्षसशतं हत्वा वज्रेणेन्द्र इवासुरान् । अन्तरिक्षस्थितः श्रीमान् इदं वचनम् अब्रवीत् ॥

sa rākṣasaśataṃ hatvā vajreṇendra ivāsurān | antarikṣasthitaḥ śrīmān idaṃ vacanam abravīt

Having slain the hundred rākṣasas, as Indra the demons with his thunderbolt, the glorious one, poised in the sky, spoke these words:

जैसे इन्द्र वज्र से असुरों को, वैसे ही उन सौ राक्षसों का वध करके आकाश में स्थित वह श्रीमान यह वचन बोला:

Verse 16

मादृशानां सहस्राणि विसृष्टानि महात्मनाम् । बलिनां वानरेन्द्राणां सुग्रीववशवर्तिनाम् ॥

mādṛśānāṃ sahasrāṇi visṛṣṭāni mahātmanām | balināṃ vānarendrāṇāṃ sugrīvavaśavartinām

"Thousands of great-souled ones like me have been sent forth—mighty monkey-lords, obedient to Sugrīva."

"मेरे समान सहस्रों महात्मा भेजे गए हैं—सुग्रीव के वश में रहने वाले बलशाली वानरेन्द्र।"

Verse 17

शतैः शतसहस्रैश् च कोटीभिर् अयुतैर् अपि । आगमिष्यति सुग्रीवः सर्वेषां वो निषूदनः ॥

śataiḥ śatasahasraiś ca koṭībhir ayutair api | āgamiṣyati sugrīvaḥ sarveṣāṃ vo niṣūdanaḥ

"With hundreds, with hundred-thousands, with tens of millions and myriads, Sugrīva will come, the destroyer of you all."

"सैकड़ों, लाखों, करोड़ों और अयुतों के साथ सुग्रीव आएँगे—तुम सबके संहारक।"

Verse 18

नेयम् अस्ति पुरी लङ्का न यूयं न च रावणः । यस्माद् इक्ष्वाकुनाथेन बद्धं वैरं महात्मना ॥

neyam asti purī laṅkā na yūyaṃ na ca rāvaṇaḥ | yasmād ikṣvākunāthena baddhaṃ vairaṃ mahātmanā

"This city of Laṅkā will be no more, nor you, nor Rāvaṇa—since enmity has been joined with the great-souled lord of the Ikṣvākus."

"न यह लंका नगरी रहेगी, न तुम, न रावण—क्योंकि महात्मा इक्ष्वाकुनाथ के साथ वैर बाँध लिया गया है।"