Sarga 31

Verse 1

ताम् अब्रवीन् महातेजा हनूमान् मारुतात्मजः । शिरस्य् अञ्जलिम् आधाय सीतां मधुरया गिरा ॥

tām abravīn mahātejā hanūmān mārutātmajaḥ | śirasy añjalim ādhāya sītāṃ madhurayā girā

To her the mighty Hanumān, son of the Wind, placing his joined palms upon his head, spoke in a sweet voice:

उससे महातेजस्वी पवनपुत्र हनुमान ने अपने सिर पर हाथ जोड़कर मधुर स्वर में सीता से कहा:

Verse 2

का नु पद्मपलाशाक्षी क्लिष्टकौशेयवासिनी । द्रुमस्य शाखाम् आलम्ब्य तिष्ठसि त्वम् अनिन्दिता ॥

kā nu padmapalāśākṣī kliṣṭakauśeyavāsinī | drumasya śākhām ālambya tiṣṭhasi tvam aninditā

"Who are you, O lady with eyes like lotus-petals, clad in a crumpled silken robe, who stand clinging to a branch of the tree, O blameless one?"

"हे निर्दोष देवी! कमल की पंखुड़ियों के समान नेत्रों वाली, मुड़े-तुड़े रेशमी वस्त्र पहने तुम कौन हो, जो वृक्ष की शाखा पकड़कर खड़ी हो?"

Verse 3

किमर्थं तव नेत्राभ्यां वारि स्रवति शोकजम् । पुण्डरीकपलाशाभ्यां विप्रकीर्णम् इवोदकम् ॥

kimarthaṃ tava netrābhyāṃ vāri sravati śokajam | puṇḍarīkapalāśābhyāṃ viprakīrṇam ivodakam

"Why does water born of grief stream from your eyes, like scattered dewdrops from the petals of a white lotus?"

"तुम्हारे नेत्रों से शोकजनित जल क्यों बह रहा है—जैसे श्वेत कमल की पंखुड़ियों से बिखरी हुई जल-बूँदें?"

Verse 4

सुराणाम् असुराणां च नागगन्धर्वरक्षसाम् । यक्षाणां किंनराणां च का त्वं भवसि शोभने ॥

surāṇām asurāṇāṃ ca nāgagandharvarakṣasām | yakṣāṇāṃ kiṃnarāṇāṃ ca kā tvaṃ bhavasi śobhane

"Among gods, or asuras, or nāgas, gandharvas and rākṣasas, among yakṣas or kiṃnaras—who are you, O lovely one?"

"हे शोभने! देवों, असुरों, नागों, गन्धर्वों, राक्षसों, यक्षों अथवा किन्नरों में से तुम कौन हो?"

Verse 5

का त्वं भवसि रुद्राणां मरुतां वा वरानने । वसूनां वा वरारोहे देवता प्रतिभासि मे ॥

kā tvaṃ bhavasi rudrāṇāṃ marutāṃ vā varānane | vasūnāṃ vā varārohe devatā pratibhāsi me

"Are you one of the Rudras, O fair-faced one, or of the Maruts, or of the Vasus, O shapely one? You seem to me a goddess."

"हे वरमुखी! क्या तुम रुद्रों में से हो, या मरुतों में से, या वसुओं में से, हे सुन्दरी? तुम मुझे कोई देवी प्रतीत होती हो।"

Verse 6

किं नु चन्द्रमसा हीना पतिता विबुधालयात् । रोहिणी ज्योतिषां श्रेष्ठा श्रेष्ठा सर्वगुणान्विता ॥

kiṃ nu candramasā hīnā patitā vibudhālayāt | rohiṇī jyotiṣāṃ śreṣṭhā śreṣṭhā sarvaguṇānvitā

"Can you be Rohiṇī, best of the stars, endowed with every excellence, fallen from the abode of the gods, parted from the moon?"

"क्या तुम समस्त गुणों से युक्त, ताराओं में श्रेष्ठ रोहिणी हो, जो चन्द्रमा से वियुक्त होकर देवलोक से गिर पड़ी हो?"

Verse 7

कोपाद् वा यदि वा मोहाद् भर्तारम् असितेक्षणा । वसिष्ठं कोपयित्वा त्वं नासि कल्याण्य् अरुन्धती ॥

kopād vā yadi vā mohād bhartāram asitekṣaṇā | vasiṣṭhaṃ kopayitvā tvaṃ nāsi kalyāṇy arundhatī

"Or, dark-eyed one, from anger or from error, having angered your husband Vasiṣṭha, are you not the blessed Arundhatī?"

"अथवा हे काले नेत्रों वाली! क्रोध से या भूलवश अपने पति वसिष्ठ को कुपित करके, हे कल्याणी, क्या तुम अरुन्धती तो नहीं हो?"

Verse 8

को नौ पुत्रः पिता भ्रात भर्ता वा ते सुमध्यमे । अस्माल् लोकाद् अमुं लोकं गतं त्वम् अनुशोचसि ॥

ko nau putraḥ pitā bhrāta bhartā vā te sumadhyame | asmāl lokād amuṃ lokaṃ gataṃ tvam anuśocasi

"Who is it—son, father, brother, or husband—O slender-waisted one, who has gone from this world to the other, that you grieve for him?"

"हे कृश कटि वाली! तुम्हारा कौन—पुत्र, पिता, भाई अथवा पति—इस लोक से परलोक को चला गया है, जिसके लिए तुम शोक कर रही हो?"

Verse 9

व्यञ्जनानि हि ते यानि लक्षणानि च लक्षये । महिषी भूमिपालस्य राजकन्यासि मे मता ॥

vyañjanāni hi te yāni lakṣaṇāni ca lakṣaye | mahiṣī bhūmipālasya rājakanyāsi me matā

"By the tokens that I mark, and the marks I observe, I judge you to be the queen of a king, a princess."

"तुम्हारे जो चिह्न और लक्षण मैं देख रहा हूँ, उनसे मैं तुम्हें किसी भूपाल की महिषी, एक राजकन्या मानता हूँ।"

Verse 10

रावणेन जनस्थानाद् बलाद् अपहृता यदि । सीता त्वम् असि भद्रं ते तन् ममाचक्ष्व पृच्छतः ॥

rāvaṇena janasthānād balād apahṛtā yadi | sītā tvam asi bhadraṃ te tan mamācakṣva pṛcchataḥ

"If you are Sītā, carried off by force from Janasthāna by Rāvaṇa, then tell me that, I ask you—blessings upon you."

"यदि तुम रावण द्वारा जनस्थान से बलपूर्वक हरी गई सीता हो, तो यह मुझ पूछने वाले को बता दो—तुम्हारा कल्याण हो।"

Verse 11

सा तस्य वचनं श्रुत्वा रामकीर्तनहर्षिता । उवाच वाक्यं वैदेही हनूमन्तं द्रुमाश्रितम् ॥

sā tasya vacanaṃ śrutvā rāmakīrtanaharṣitā | uvāca vākyaṃ vaidehī hanūmantaṃ drumāśritam

Hearing his words, Vaidehī, gladdened by the praise of Rāma, spoke these words to Hanumān who rested in the tree:

उसके वचन सुनकर, राम के कीर्तन से हर्षित होकर, वैदेही ने वृक्ष पर स्थित हनुमान से यह वचन कहा:

Verse 12

दुहिता जनकस्याहं वैदेहस्य महात्मनः । सीता च नाम नाम्नाहं भार्या रामस्य धीमतः ॥

duhitā janakasyāhaṃ vaidehasya mahātmanaḥ | sītā ca nāma nāmnāhaṃ bhāryā rāmasya dhīmataḥ

"I am the daughter of Janaka, the great-souled lord of Videha; and Sītā is my name; I am the wife of wise Rāma."

"मैं महात्मा विदेहराज जनक की पुत्री हूँ; और सीता मेरा नाम है; मैं बुद्धिमान राम की भार्या हूँ।"

Verse 13

समा द्वादश तत्राहं राघवस्य निवेशने । भुञ्जाना मानुषान् भोगान् सर्वकामसमृद्धिनी ॥

samā dvādaśa tatrāhaṃ rāghavasya niveśane | bhuñjānā mānuṣān bhogān sarvakāmasamṛddhinī

"For twelve years there in Rāghava's dwelling I enjoyed human pleasures, abounding in every desire fulfilled."

"वहाँ राघव के भवन में बारह वर्षों तक, समस्त कामनाओं की पूर्ति से समृद्ध होकर, मैंने मानवीय भोगों का उपभोग किया।"

Verse 14

ततस् त्रयोदशे वर्षे राज्येनेक्ष्वाकुनन्दनम् । अभिषेचयितुं राजा सोपाध्यायः प्रचक्रमे ॥

tatas trayodaśe varṣe rājyenekṣvākunandanam | abhiṣecayituṃ rājā sopādhyāyaḥ pracakrame

"Then in the thirteenth year the king, with his priests, set about consecrating the delight of the Ikṣvākus to the kingship."

"तब तेरहवें वर्ष में राजा ने अपने पुरोहितों सहित इक्ष्वाकुनन्दन राम का राज्य पर अभिषेक करने का आयोजन आरम्भ किया।"

Verse 15

तस्मिन् संभ्रियमाणे तु राघवस्याभिषेचने । कैकेयी नाम भर्तारं देवी वचनम् अब्रवीत् ॥

tasmin saṃbhriyamāṇe tu rāghavasyābhiṣecane | kaikeyī nāma bhartāraṃ devī vacanam abravīt

"But as that consecration of Rāghava was being made ready, a queen named Kaikeyī spoke to her husband these words:"

"किन्तु राघव के उस अभिषेक की तैयारी होते समय कैकेयी नामक रानी ने अपने पति से यह वचन कहा:"

Verse 16

न पिबेयं न खादेयं प्रत्यहं मम भोजनम् । एष मे जीवितस्यान्तो रामो यद्य् अभिषिच्यते ॥

na pibeyaṃ na khādeyaṃ pratyahaṃ mama bhojanam | eṣa me jīvitasyānto rāmo yady abhiṣicyate

"'I will not drink, I will not eat my daily food; this will be the end of my life, if Rāma is consecrated.'"

"'यदि राम का अभिषेक किया गया, तो मैं न पिऊँगी, न अपना प्रतिदिन का भोजन खाऊँगी; यही मेरे जीवन का अन्त होगा।'"

Verse 17

यत् तद् उक्तं त्वया वाक्यं प्रीत्या नृपतिसत्तम । तच् चेन् न वितथं कार्यं वनं गच्छतु राघवः ॥

yat tad uktaṃ tvayā vākyaṃ prītyā nṛpatisattama | tac cen na vitathaṃ kāryaṃ vanaṃ gacchatu rāghavaḥ

"'That word which you spoke to me in your love, O best of kings—if it is not to be made false, let Rāghava go to the forest.'"

Kaikeyī invokes the boons Daśaratha had earlier promised her.

"'हे नृपश्रेष्ठ! प्रेमवश आपने मुझसे जो वचन कहा था, यदि उसे झूठा नहीं करना है, तो राघव वन को चले जाएँ।'"

Verse 18

स राजा सत्यवाग् देव्या वरदानम् अनुस्मरन् । मुमोह वचनं श्रुत्वा कैकेय्याः क्रूरम् अप्रियम् ॥

sa rājā satyavāg devyā varadānam anusmaran | mumoha vacanaṃ śrutvā kaikeyyāḥ krūram apriyam

"That king, true of word, remembering the granting of the boon to the queen, swooned on hearing Kaikeyī's cruel and hateful speech."

"सत्यवादी वे राजा, रानी को दिए गए वरदान का स्मरण करते हुए, कैकेयी का वह क्रूर और अप्रिय वचन सुनकर मूर्च्छित हो गए।"

Verse 19

ततस् तु स्थविरो राजा सत्यधर्मे व्यवस्थितः । ज्येष्ठं यशस्विनं पुत्रं रुदन् राज्यम् अयाचत ॥

tatas tu sthaviro rājā satyadharme vyavasthitaḥ | jyeṣṭhaṃ yaśasvinaṃ putraṃ rudan rājyam ayācata

"Then the aged king, steadfast in truth and dharma, weeping, begged the kingship of his eldest, illustrious son."

"तब सत्य और धर्म में स्थित वे वृद्ध राजा रोते हुए अपने यशस्वी ज्येष्ठ पुत्र से राज्य (छोड़ देने) की याचना करने लगे।"

Verse 20

स पितुर् वचनं श्रीमान् अभिषेकात् परं प्रियम् । मनसा पूर्वम् आसाद्य वाचा प्रतिगृहीतवान् ॥

sa pitur vacanaṃ śrīmān abhiṣekāt paraṃ priyam | manasā pūrvam āsādya vācā pratigṛhītavān

"That glorious one accepted with his word his father's command—dearer to him than the consecration—having first embraced it in his heart."

"उन श्रीमान राम ने अपने पिता की आज्ञा—जो उन्हें अभिषेक से भी अधिक प्रिय थी—पहले मन से स्वीकार करके फिर वचन से भी ग्रहण कर लिया।"

Verse 21

दद्यान् न प्रतिगृह्णीयान् न ब्रूयत् किं चिद् अप्रियम् । अपि जीवितहेतोर् हि रामः सत्यपराक्रमः ॥

dadyān na pratigṛhṇīyān na brūyat kiṃ cid apriyam | api jīvitahetor hi rāmaḥ satyaparākramaḥ

"Rāma, true in valor, would give but not take, and would say nothing unwelcome, even for his life's sake."

"सत्यपराक्रमी राम देते अवश्य हैं, किन्तु लेते नहीं, और प्राणों की रक्षा के लिए भी कोई अप्रिय वचन नहीं कहते।"

Verse 22

स विहायोत्तरीयाणि महार्हाणि महायशाः । विसृज्य मनसा राज्यं जनन्यै मां समादिशत् ॥

sa vihāyottarīyāṇi mahārhāṇi mahāyaśāḥ | visṛjya manasā rājyaṃ jananyai māṃ samādiśat

"That one of great fame, laying aside his costly upper garments, renouncing the kingdom in his heart, entrusted me to his mother."

The text has Rāma commit Sītā to Kausalyā's care before departing; some read 'to his mother' as his taking leave.

"उन महायशस्वी ने अपने बहुमूल्य उत्तरीय वस्त्रों को उतारकर, मन से राज्य का त्याग करके, मुझे अपनी माता को सौंप दिया।"

Verse 23

साहं तस्याग्रतस् तूर्णं प्रस्थिता वनचारिणी । न हि मे तेन हीनाया वासः स्वर्गे ऽपि रोचते ॥

sāhaṃ tasyāgratas tūrṇaṃ prasthitā vanacāriṇī | na hi me tena hīnāyā vāsaḥ svarge 'pi rocate

"And I set out at once before him, to roam the forest; for to me, bereft of him, not even a dwelling in heaven is pleasing."

"और मैं तुरन्त उनके आगे-आगे वनचारिणी बनकर चल पड़ी; क्योंकि उनसे वियुक्त होकर मुझे स्वर्ग में निवास भी अच्छा नहीं लगता।"

Verse 24

प्राग् एव तु महाभागः सौमित्रिर् मित्रनन्दनः । पूर्वजस्यानुयात्रार्थे द्रुमचीरैर् अलंकृतः ॥

prāg eva tu mahābhāgaḥ saumitrir mitranandanaḥ | pūrvajasyānuyātrārthe drumacīrair alaṃkṛtaḥ

"And before all, the greatly blessed son of Sumitrā, the delight of his friends, adorned with tree-bark garments, went to attend upon his elder brother."

"और सबसे पहले ही महाभाग्यशाली, मित्रों के आनन्दवर्धक सुमित्रानन्दन लक्ष्मण, वृक्ष की छाल के वस्त्रों से सुसज्जित होकर, अपने अग्रज की सेवा के लिए (साथ) चल पड़े।"

Verse 25

ते वयं भर्तुर् आदेशं बहु मान्यदृढव्रताः । प्रविष्टाः स्म पुराद् दृष्टं वनं गम्भीरदर्शनम् ॥

te vayaṃ bhartur ādeśaṃ bahu mānyadṛḍhavratāḥ | praviṣṭāḥ sma purād dṛṣṭaṃ vanaṃ gambhīradarśanam

"We, honoring highly our lord's command and firm in our vow, having left the city, entered the forest, grave and deep to behold."

"अपने स्वामी की आज्ञा का अत्यधिक सम्मान करते हुए और अपने व्रत में दृढ़ रहकर हम नगर छोड़कर उस गम्भीर दर्शन वाले वन में प्रविष्ट हुए।"

Verse 26

वसतो दण्डकारण्ये तस्याहम् अमितौजसः । रक्षसापहृता भार्या रावणेन दुरात्मना ॥

vasato daṇḍakāraṇye tasyāham amitaujasaḥ | rakṣasāpahṛtā bhāryā rāvaṇena durātmanā

"As he of measureless might dwelt in the Daṇḍaka forest, I, his wife, was carried off by the rākṣasa, the evil-souled Rāvaṇa."

"जब वे अमित तेजस्वी दण्डकारण्य में निवास कर रहे थे, तब दुरात्मा राक्षस रावण ने मुझ उनकी भार्या का अपहरण कर लिया।"

Verse 27

द्वौ मासौ तेन मे कालो जीवितानुग्रहः कृतः । ऊर्ध्वं द्वाभ्यां तु मासाभ्यां ततस् त्यक्ष्यामि जीवितम् ॥

dvau māsau tena me kālo jīvitānugrahaḥ kṛtaḥ | ūrdhvaṃ dvābhyāṃ tu māsābhyāṃ tatas tyakṣyāmi jīvitam

"Two months as a term was granted me by him, a reprieve of my life; but after two months I shall then give up my life."

"उसने मुझे जीवन के अनुग्रह के रूप में दो मास की अवधि दी है; किन्तु दो मास के पश्चात मैं अपने प्राण त्याग दूँगी।"