Sarga 58

Verse 1

ततस् तद् अमृतास्वादं गृध्रराजेन भाषितम् । निशम्य वदतो हृष्टास् ते वचः प्लवगर्षभाः ॥

tatas tad amṛtāsvādaṃ gṛdhrarājena bhāṣitam | niśamya vadato hṛṣṭās te vacaḥ plavagarṣabhāḥ

Then, hearing those nectar-like words spoken by the king of vultures, those bulls among the leaping ones were delighted as he spoke.

तब गीधराज द्वारा कहे गए उन अमृत-सदृश वचनों को सुनकर वे प्लवगश्रेष्ठ उसके बोलते समय हर्षित हो उठे।

Verse 2

जाम्बवान् वै हरिश्रेष्ठः सह सर्वैः प्लवंगमैः । भूतलात् सहसोत्थाय गृध्रराजानम् अब्रवीत् ॥

jāmbavān vai hariśreṣṭhaḥ saha sarvaiḥ plavaṃgamaiḥ | bhūtalāt sahasotthāya gṛdhrarājānam abravīt

Jāmbavān, the best of monkeys, together with all the leaping ones, rising suddenly from the ground, said to the king of vultures:

वानरश्रेष्ठ जांबवान सभी प्लवगों के साथ भूमि से सहसा उठकर गीधराज से बोला —

Verse 3

क्व सीता केन वा दृष्टा को वा हरति मैथिलीम् । तद् आख्यातु भवान् सर्वं गतिर् भव वनौकसाम् ॥

kva sītā kena vā dṛṣṭā ko vā harati maithilīm | tad ākhyātu bhavān sarvaṃ gatir bhava vanaukasām

"Where is Sītā, and by whom was she seen, and who is carrying off Maithilī? Tell us all of it, and be the refuge of the forest-dwellers."

"सीता कहाँ है, किसने उसे देखा, और मैथिली को कौन हर ले गया? आप हमें यह सब बताइए और वनवासियों के आश्रय बनिए।"

Verse 4

को दाशरथिबाणानां वज्रवेगनिपातिनाम् । स्वयं लक्ष्मणम् उक्तानां न चिन्तयति विक्रमम् ॥

ko dāśarathibāṇānāṃ vajraveganipātinām | svayaṃ lakṣmaṇam uktānāṃ na cintayati vikramam

"Who is there that does not reckon with the prowess of the arrows of Daśaratha's son, falling with the speed of the thunderbolt — arrows that Lakṣmaṇa himself has named?"

"वज्र के वेग से गिरने वाले दशरथनंदन के उन बाणों के पराक्रम की, जिन्हें लक्ष्मण ने स्वयं नामांकित किया है, कौन परवाह नहीं करता?"

Verse 5

स हरीन् प्रीतिसंयुक्तान् सीता श्रुतिसमाहितान् । पुनर् आश्वासयन् प्रीत इदं वचनम् अब्रवीत् ॥

sa harīn prītisaṃyuktān sītā śrutisamāhitān | punar āśvāsayan prīta idaṃ vacanam abravīt

To the monkeys, filled with affection and attentive to hear of Sītā, he, well pleased, consoling them again, spoke these words:

स्नेह से भरे और सीता का वृत्तांत सुनने के लिए एकाग्र उन वानरों को वह प्रसन्न होकर फिर से सांत्वना देता हुआ ये वचन बोला —

Verse 6

श्रूयताम् इह वैदेह्या यथा मे हरणं श्रुतम् । येन चापि ममाख्यातं यत्र चायतलोचना ॥

śrūyatām iha vaidehyā yathā me haraṇaṃ śrutam | yena cāpi mamākhyātaṃ yatra cāyatalocanā

"Hear now how I came to learn of the carrying-off of Vaidehī, and by whom it was told to me, and where the long-eyed one is."

"अब सुनो, मैंने वैदेही के अपहरण के विषय में किस प्रकार सुना, और किसने मुझे यह बताया, और वह विशाल नेत्रों वाली कहाँ है।"

Verse 7

अहम् अस्मिन् गिरौ दुर्गे बहुयोजनम् आयते । चिरान् निपतितो वृद्धः क्षीणप्राणपराक्रमः ॥

aham asmin girau durge bahuyojanam āyate | cirān nipatito vṛddhaḥ kṣīṇaprāṇaparākramaḥ

"Long ago I fell upon this rugged mountain, stretching over many yojanas — old, my life-breath and prowess spent."

"बहुत पहले मैं इस दुर्गम पर्वत पर, जो अनेक योजन तक फैला है, गिर पड़ा — वृद्ध, जिसके प्राण और पराक्रम क्षीण हो चुके थे।"

Verse 8

तं माम् एवंगतं पुत्रः सुपार्श्वो नाम नामतः । आहारेण यथाकालं बिभर्ति पततां वरः ॥

taṃ mām evaṃgataṃ putraḥ supārśvo nāma nāmataḥ | āhāreṇa yathākālaṃ bibharti patatāṃ varaḥ

"Me in that plight my son, Supārśva by name, best of birds, sustains with food at the proper times."

"उस दशा में पड़े मुझ को मेरा पुत्र, सुपार्श्व नामक, पक्षियों में श्रेष्ठ, समय पर आहार से पोषित करता है।"

Verse 9

तीक्ष्णकामास् तु गन्धर्वास् तीक्ष्णकोपा भुजंगमाः । मृगाणां तु भयं तीक्ष्णं ततस् तीक्ष्णक्षुधा वयम् ॥

tīkṣṇakāmās tu gandharvās tīkṣṇakopā bhujaṃgamāḥ | mṛgāṇāṃ tu bhayaṃ tīkṣṇaṃ tatas tīkṣṇakṣudhā vayam

"Keen is the desire of the gandharvas, keen the wrath of the serpents, keen the fear of the deer; and keener than these was our hunger."

"गंधर्वों की कामना तीव्र होती है, सर्पों का क्रोध तीव्र होता है, हिरनों का भय तीव्र होता है; और इन सबसे तीव्र हमारी भूख थी।"

Verse 10

स कदा चित् क्षुधार्तस्य मम चाहारकाङ्क्षिणः । गतसूर्यो ऽहनि प्राप्तो मम पुत्रो ह्य् अनामिषः ॥

sa kadā cit kṣudhārtasya mama cāhārakāṅkṣiṇaḥ | gatasūryo 'hani prāpto mama putro hy anāmiṣaḥ

"Once, when I was afflicted with hunger and longing for food, my son came at the day's end, when the sun had set, without any flesh."

"एक बार, जब मैं भूख से व्याकुल और आहार का अभिलाषी था, तब दिन के अंत में, सूर्यास्त के समय, मेरा पुत्र बिना मांस के लौट आया।"

Verse 11

स मया वृद्धभावाच् च कोपाच् च परिभर्त्सितः । क्षुत्पिपासा परीतेन कुमारः पततां वरः ॥

sa mayā vṛddhabhāvāc ca kopāc ca paribhartsitaḥ | kṣutpipāsā parītena kumāraḥ patatāṃ varaḥ

"That prince, best of birds, was rebuked by me, both for my aged state and in anger, as I was beset with hunger and thirst."

"भूख-प्यास से व्याकुल मैंने अपनी वृद्धावस्था के कारण और क्रोध के कारण पक्षियों में श्रेष्ठ उस राजकुमार को फटकारा।"

Verse 12

स ममाहारसंरोधात् पीडितः प्रीतिवर्धनः । अनुमान्य यथातत्त्वम् इदं वचनम् अब्रवीत् ॥

sa mamāhārasaṃrodhāt pīḍitaḥ prītivardhanaḥ | anumānya yathātattvam idaṃ vacanam abravīt

"Pained at the withholding of my food, that increaser of my joy, having sought my pardon, spoke these words truly:"

"मेरे आहार में बाधा पड़ने से पीड़ित, मेरे आनंद को बढ़ाने वाले उस पुत्र ने क्षमा माँगकर यथार्थ रूप से ये वचन कहे —"

Verse 13

अहं तात यथाकालम् आमिषार्थी खम् आप्लुतः । महेन्द्रस्य गिरेर् द्वारम् आवृत्य च समास्थितः ॥

ahaṃ tāta yathākālam āmiṣārthī kham āplutaḥ | mahendrasya girer dvāram āvṛtya ca samāsthitaḥ

"'Father, at the proper time, desiring flesh, I flew up into the sky and settled, blocking the gateway of Mount Mahendra."

"'पिताजी! समय पर मांस की इच्छा से मैं आकाश में उड़ा और महेंद्र पर्वत के द्वार को रोककर वहाँ बैठ गया।"

Verse 14

तत्र सत्त्वसहस्राणां सागरान्तरचारिणाम् । पन्थानम् एको ऽध्यवसं संनिरोद्धुम् अवाङ्मुखः ॥

tatra sattvasahasrāṇāṃ sāgarāntaracāriṇām | panthānam eko 'dhyavasaṃ saṃniroddhum avāṅmukhaḥ

"'There, alone, I set myself to bar the path of the thousands of creatures that range within the sea, facing downward."

"'वहाँ अकेले ही मैंने नीचे की ओर मुख करके समुद्र के भीतर विचरण करने वाले सहस्रों प्राणियों के मार्ग को रोकने का निश्चय किया।"

Verse 15

तत्र कश् चिन् मया दृष्टः सूर्योदयसमप्रभाम् । स्त्रियम् आदाय गच्छन् वै भिन्नाञ्जनचयोपमः ॥

tatra kaś cin mayā dṛṣṭaḥ sūryodayasamaprabhām | striyam ādāya gacchan vai bhinnāñjanacayopamaḥ

"'There a certain one was seen by me, going along bearing a woman radiant as the rising sun — he himself like a heap of split collyrium."

"'वहाँ मैंने किसी को देखा जो उगते सूर्य के समान कांति वाली एक स्त्री को लिए जा रहा था — वह स्वयं पिसे हुए काजल के ढेर के समान (काला) था।"

Verse 16

सो ऽहम् अभ्यवहारार्थी तौ दृष्ट्वा कृतनिश्चयः । तेन साम्ना विनीतेन पन्थानम् अभियाचितः ॥

so 'ham abhyavahārārthī tau dṛṣṭvā kṛtaniścayaḥ | tena sāmnā vinītena panthānam abhiyācitaḥ

"'I, desiring food and seeing those two, had made up my mind; but with gentle, humble words he begged a path of me."

"'भोजन का अभिलाषी मैं उन दोनों को देखकर निश्चय कर चुका था; किंतु उसने कोमल, विनम्र वचनों से मुझसे मार्ग की याचना की।"

Verse 17

न हि सामोपपन्नानां प्रहर्ता विद्यते क्व चित् । नीचेष्व् अपि जनः कश् चित् किम् अङ्ग बत मद्विधः ॥

na hi sāmopapannānāṃ prahartā vidyate kva cit | nīceṣv api janaḥ kaś cit kim aṅga bata madvidhaḥ

"'For of those who approach with conciliation there is nowhere a striker — not any person, even among the base; how much less, alas, one like me?"

"'जो सामपूर्वक (मेल-भाव से) निकट आते हैं, उन पर प्रहार करने वाला कहीं नहीं होता — नीच लोगों में भी कोई नहीं, फिर मुझ जैसे की तो बात ही क्या!"

Verse 18

स यातस् तेजसा व्योम संक्षिपन्न् इव वेगतः । अथाहं खे चरैर् भूतैर् अभिगम्य सभाजितः ॥

sa yātas tejasā vyoma saṃkṣipann iva vegataḥ | athāhaṃ khe carair bhūtair abhigamya sabhājitaḥ

"'He went off through the sky with such speed and splendour as if he were swallowing space. Then I was approached and honoured by the beings that range the sky,"

"'वह ऐसे तेज और वेग से आकाश में चला गया मानो अंतरिक्ष को ही निगल रहा हो। तब आकाश में विचरने वाले प्राणियों ने मेरे पास आकर मेरा सम्मान किया,"

Verse 19

दिष्ट्या जीवसि तातेति अब्रुवन् मां महर्षयः । कथं चित् सकलत्रो ऽसौ गतस् ते स्वस्त्य् असंशयम् ॥

diṣṭyā jīvasi tāteti abruvan māṃ maharṣayaḥ | kathaṃ cit sakalatro 'sau gatas te svasty asaṃśayam

"'"By good fortune you live, dear one!" the great sages said to me; "somehow that one with his wife has gone by; it is your blessing, beyond doubt."'"

The sages are relieved that Supārśva was not harmed by the powerful rākṣasa; the one 'with his wife' is Rāvaṇa bearing Sītā.

"'महर्षियों ने मुझसे कहा — "हे तात! सौभाग्य से तुम जीवित हो! किसी प्रकार वह अपनी स्त्री सहित निकल गया; यह निःसंदेह तुम्हारा सौभाग्य है।"'"

Verse 20

एवम् उक्तस् ततो ऽहं तैः सिद्धैः परमशोभनैः । स च मे रावणो राजा रक्षसां प्रतिवेदितः ॥

evam uktas tato 'haṃ taiḥ siddhaiḥ paramaśobhanaiḥ | sa ca me rāvaṇo rājā rakṣasāṃ prativeditaḥ

"Thus addressed by those most splendid siddhas, I was told by them that it was King Rāvaṇa of the rākṣasas,"

"उन परम सुंदर सिद्धों द्वारा इस प्रकार कहे जाने पर, उन्होंने मुझे बताया कि वह राक्षसराज रावण था,"

Verse 21

हरन् दाशरथेर् भार्यां रामस्य जनकात्मजाम् । भ्रष्टाभरणकौशेयां शोकवेगपराजिताम् ॥

haran dāśarather bhāryāṃ rāmasya janakātmajām | bhraṣṭābharaṇakauśeyāṃ śokavegaparājitām

"carrying off the wife of Daśaratha's son Rāma, the daughter of Janaka, her silks and ornaments slipping away, overcome by the force of grief,"

"जो दशरथनंदन राम की पत्नी, जनककन्या को हर ले जा रहा था — जिसके आभूषण और रेशमी वस्त्र खिसक रहे थे, और जो शोक के वेग से पराजित थी,"

Verse 22

रामलक्ष्मणयोर् नाम क्रोशन्तीं मुक्तमूर्धजाम् । एष कालात्ययस् तावद् इति वाक्यविदां वरः ॥

rāmalakṣmaṇayor nāma krośantīṃ muktamūrdhajām | eṣa kālātyayas tāvad iti vākyavidāṃ varaḥ

"crying out the names of Rāma and Lakṣmaṇa, her hair unbound. 'This much, then, is the lapse of time,' [said Supārśva], best of those skilled in speech.

The phrase marks that much time has passed since the event Supārśva witnessed.

"जो राम और लक्ष्मण का नाम पुकारती हुई, बाल बिखेरे हुए थी। 'इतना ही समय अब बीता है' — ऐसा वाणी के ज्ञाताओं में श्रेष्ठ (सुपार्श्व ने कहा)।"

Verse 23

एतम् अर्थं समग्रं मे सुपार्श्वः प्रत्यवेदयत् । तच् छ्रुत्वापि हि मे बुद्धिर् नासीत् का चित् पराक्रमे ॥

etam arthaṃ samagraṃ me supārśvaḥ pratyavedayat | tac chrutvāpi hi me buddhir nāsīt kā cit parākrame

"This whole matter Supārśva reported to me; but even on hearing it, I had no resolve for any feat of valour."

"यह समूचा वृत्तांत सुपार्श्व ने मुझे बताया; किंतु इसे सुनकर भी मुझमें किसी पराक्रम के लिए कोई बुद्धि (सामर्थ्य) नहीं रही।"

Verse 24

अपक्षो हि कथं पक्षी कर्म किं चिद् उपक्रमेत् । यत् तु शक्यं मया कर्तुं वाग्बुद्धिगुणवर्तिना ॥

apakṣo hi kathaṃ pakṣī karma kiṃ cid upakramet | yat tu śakyaṃ mayā kartuṃ vāgbuddhiguṇavartinā

"For how could a wingless bird undertake any deed? Yet what I can do, abiding in the powers of speech and counsel —"

"क्योंकि पंखहीन पक्षी कोई कार्य कैसे आरंभ कर सकता है? फिर भी, वाणी और बुद्धि के गुणों में स्थित मैं जो कुछ कर सकता हूँ —"

Verse 25

श्रूयतां तत् प्रवक्ष्यामि भवतां पौरुषाश्रयम् । वाङ्मतिभ्यां हि सार्वेषां करिष्यामि प्रियं हि वः । यद् धि दाशरथेः कार्यं मम तन् नात्र संशयः ॥

śrūyatāṃ tat pravakṣyāmi bhavatāṃ pauruṣāśrayam | vāṅmatibhyāṃ hi sārveṣāṃ kariṣyāmi priyaṃ hi vaḥ | yad dhi dāśaratheḥ kāryaṃ mama tan nātra saṃśayaḥ

"hear it; I shall declare it, a thing resting upon your own manly effort. By speech and counsel I shall do a kindness to you all; for whatever is the task of Daśaratha's son, that is mine — no doubt of it."

"वह सुनो, मैं कहता हूँ — वह तुम्हारे अपने पुरुषार्थ पर आश्रित है। वाणी और बुद्धि से मैं तुम सबका प्रिय करूँगा; क्योंकि जो दशरथनंदन का कार्य है, वही मेरा है — इसमें संदेह नहीं।"

Verse 26

ते भवन्तो मतिश्रेष्ठा बलवन्तो मनस्विनः । सहिताः कपिराजेन देवैर् अपि दुरासदाः ॥

te bhavanto matiśreṣṭhā balavanto manasvinaḥ | sahitāḥ kapirājena devair api durāsadāḥ

"You who are here are supreme in counsel, strong, and resolute of mind; together with the monkey-king, you are unassailable even by the gods."

"तुम लोग, जो यहाँ हो, बुद्धि में श्रेष्ठ, बलवान और मनस्वी हो; वानरराज के साथ मिलकर तुम देवों के लिए भी दुर्धर्ष हो।"

Verse 27

रामलक्ष्मणबाणाश् च निशिताः कङ्कपत्रिणः । त्रयाणाम् अपि लोकानां पर्याप्तास् त्राणनिग्रहे ॥

rāmalakṣmaṇabāṇāś ca niśitāḥ kaṅkapatriṇaḥ | trayāṇām api lokānāṃ paryāptās trāṇanigrahe

"And the whetted, heron-feathered arrows of Rāma and Lakṣmaṇa are enough to protect or to subdue even the three worlds."

"और राम-लक्ष्मण के तीखे, बगुले के पंखों वाले बाण तीनों लोकों की भी रक्षा करने और उन्हें वश में करने के लिए पर्याप्त हैं।"

Verse 28

कामं खलु दशग्रीवस् तेजोबलसमन्वितः । भवतां तु समर्थानां न किं चिद् अपि दुष्करम् ॥

kāmaṃ khalu daśagrīvas tejobalasamanvitaḥ | bhavatāṃ tu samarthānāṃ na kiṃ cid api duṣkaram

"Granted that the ten-necked one (Rāvaṇa) is endowed with splendour and strength — yet for you who are able, nothing at all is hard to do."

"भले ही वह दशग्रीव (रावण) तेज और बल से संपन्न हो — फिर भी तुम समर्थ लोगों के लिए कुछ भी दुष्कर नहीं है।"

Verse 29

तद् अलं कालसंगेन क्रियतां बुद्धिनिश्चयः । न हि कर्मसु सज्जन्ते बुद्धिमन्तो भवद्विधाः ॥

tad alaṃ kālasaṃgena kriyatāṃ buddhiniścayaḥ | na hi karmasu sajjante buddhimanto bhavadvidhāḥ

"So, enough of delay; let your resolve be fixed; for the wise, such as you are, do not cling idly to their tasks."

"अतः विलंब बहुत हुआ; अपना निश्चय दृढ़ करो; क्योंकि तुम जैसे बुद्धिमान लोग अपने कार्यों में व्यर्थ ही आलस्य नहीं करते।"