Sarga 53

Verse 1

तथा ब्रुवति तारे तु ताराधिपतिवर्चसि । अथ मेने हृतं राज्यं हनुमान् अङ्गदेन तत् ॥

tathā bruvati tāre tu tārādhipativarcasi | atha mene hṛtaṃ rājyaṃ hanumān aṅgadena tat

As Tāra, radiant as the lord of stars (the moon), spoke thus, Hanumān judged that the kingdom had been as good as seized by Aṅgada.

नक्षत्रपति चंद्रमा के समान कांति वाले तार के इस प्रकार कहने पर हनुमान ने समझ लिया कि अंगद ने मानो राज्य ही हर लिया।

Verse 2

बुद्ध्या ह्य् अष्टाङ्गया युक्तं चतुर्बलसमन्वितम् । चतुर्दशगुणं मेने हनुमान् वालिनः सुतम् ॥

buddhyā hy aṣṭāṅgayā yuktaṃ caturbalasamanvitam | caturdaśaguṇaṃ mene hanumān vālinaḥ sutam

Hanumān deemed the son of Vālī endowed with the eightfold intelligence, possessed of the four kinds of power, and gifted with the fourteen qualities,

The 'eightfold intelligence,' 'four powers,' and 'fourteen qualities' are the standard categories of statecraft and character, named here in brief.

हनुमान ने वालिपुत्र अंगद को आठ प्रकार की बुद्धि से युक्त, चार प्रकार के बल से संपन्न और चौदह गुणों से विभूषित माना,

Verse 3

आपूर्यमाणं शश्वच् च तेजोबलपराक्रमैः । शशिनं शुक्लपक्षादौ वर्धमानम् इव श्रिया ॥

āpūryamāṇaṃ śaśvac ca tejobalaparākramaiḥ | śaśinaṃ śuklapakṣādau vardhamānam iva śriyā

ever waxing in splendour, strength, and prowess, like the moon in the first days of the bright fortnight, increasing in glory;

जो तेज, बल और पराक्रम से निरंतर बढ़ता जा रहा था — शुक्लपक्ष के आरंभ में श्री से बढ़ते हुए चंद्रमा के समान;

Verse 4

बृहस्पतिसमं बुद्ध्या विक्रमे सदृशं पितुः । शुश्रूषमाणं तारस्य शुक्रस्येव पुरंदरम् ॥

bṛhaspatisamaṃ buddhyā vikrame sadṛśaṃ pituḥ | śuśrūṣamāṇaṃ tārasya śukrasyeva puraṃdaram

equal to Bṛhaspati in intellect, like his father in prowess, obedient to Tāra as Purandara (Indra) is to Śukra.

The comparison is to the attendance of a pupil upon a preceptor; Tāra here is Aṅgada's counsellor-uncle.

बुद्धि में बृहस्पति के समान, पराक्रम में अपने पिता के समान, और तार की सेवा में इस प्रकार तत्पर जैसे पुरंदर (इंद्र) शुक्र (बृहस्पति) की।

Verse 5

भर्तुर् अर्थे परिश्रान्तं सर्वशास्त्रविशारदम् । अभिसंधातुम् आरेभे हनुमान् अङ्गदं ततः ॥

bhartur arthe pariśrāntaṃ sarvaśāstraviśāradam | abhisaṃdhātum ārebhe hanumān aṅgadaṃ tataḥ

Then Hanumān set about winning over Aṅgada — who was wearied for his master's sake and skilled in all the sciences.

तब स्वामी के कार्य के लिए थके हुए और समस्त शास्त्रों में निपुण उस अंगद को अपने पक्ष में करने के लिए हनुमान उद्यत हुआ।

Verse 6

स चतुर्णाम् उपायानां तृतीयम् उपवर्णयन् । भेदयाम् आस तान् सर्वान् वानरान् वाक्यसंपदा ॥

sa caturṇām upāyānāṃ tṛtīyam upavarṇayan | bhedayām āsa tān sarvān vānarān vākyasaṃpadā

Employing the third of the four expedients, he set all those monkeys at variance by the richness of his speech.

The 'four expedients' (upāyas) are conciliation, gift, dissension (bheda), and force; here Hanumān uses dissension.

चार उपायों में से तीसरे (भेद) का प्रयोग करते हुए उसने अपने वचन-कौशल से उन सभी वानरों में फूट डाल दी।

Verse 7

तेषु सर्वेषु भिन्नेषु ततो ऽभीषयद् अङ्गदम् । भीषणैर् बहुभिर् वाक्यैः कोपोपायसमन्वितैः ॥

teṣu sarveṣu bhinneṣu tato 'bhīṣayad aṅgadam | bhīṣaṇair bahubhir vākyaiḥ kopopāyasamanvitaiḥ

When they had all been set at variance, he then struck fear into Aṅgada with many terrifying words, employing the expedient of wrath.

जब वे सब आपस में विभक्त हो गए, तब उसने क्रोध रूपी उपाय से युक्त अनेक भयावने वचनों से अंगद को भयभीत किया।

Verse 8

त्वं समर्थतरः पित्रा युद्धे तारेय वै धुरम् । दृढं धारयितुं शक्तः कपिराज्यं यथा पिता ॥

tvaṃ samarthataraḥ pitrā yuddhe tāreya vai dhuram | dṛḍhaṃ dhārayituṃ śaktaḥ kapirājyaṃ yathā pitā

"You, son of Tāra, are even more able than your father to bear the yoke in battle, and able to hold the monkey-kingdom firmly, as your father did."

"हे तारेय (अंगद)! तुम युद्ध में अपने पिता से भी अधिक समर्थ हो, और अपने पिता की भाँति वानर-राज्य के भार को दृढ़ता से धारण करने में सक्षम हो।"

Verse 9

नित्यम् अस्थिरचित्ता हि कपयो हरिपुंगव । नाज्ञाप्यं विषहिष्यन्ति पुत्रदारान् विना त्वया ॥

nityam asthiracittā hi kapayo haripuṃgava | nājñāpyaṃ viṣahiṣyanti putradārān vinā tvayā

"Monkeys are ever fickle of mind, O bull among monkeys; they will not endure to be commanded while they are away from their sons and wives, without you."

"हे वानरपुंगव! वानर सदा चंचल मन वाले होते हैं; तुम्हारे बिना, अपने पुत्रों और स्त्रियों से दूर रहकर, वे आदेश सहन नहीं कर सकेंगे।"

Verse 10

त्वां नैते ह्य् अनुयुञ्जेयुः प्रत्यक्षं प्रवदामि ते । यथायं जाम्बवान् नीलः सुहोत्रश् च महाकपिः ॥

tvāṃ naite hy anuyuñjeyuḥ pratyakṣaṃ pravadāmi te | yathāyaṃ jāmbavān nīlaḥ suhotraś ca mahākapiḥ

"These here will not follow you — I tell you plainly — namely this Jāmbavān, Nīla, and the great monkey Suhotra."

"ये तुम्हारा अनुसरण नहीं करेंगे — मैं तुमसे स्पष्ट कहता हूँ — यह जांबवान, नील और महान वानर सुहोत्र।"

Verse 11

न ह्य् अहं त इमे सर्वे सामदानादिभिर् गुणैः । दण्डेन न त्वया शक्याः सुग्रीवाद् अपकर्षितुम् ॥

na hy ahaṃ ta ime sarve sāmadānādibhir guṇaiḥ | daṇḍena na tvayā śakyāḥ sugrīvād apakarṣitum

"For I, and all these here, cannot be drawn away from Sugrīva by you — not by the arts of conciliation, gift, and the rest, nor by force."

"क्योंकि मुझे और इन सबको तुम न साम, दान आदि गुणों से और न बल से सुग्रीव से विमुख कर सकते हो।"

Verse 12

विगृह्यासनम् अप्य् आहुर् दुर्बलेन बलीयसः । आत्मरक्षाकरस् तस्मान् न विगृह्णीत दुर्बलः ॥

vigṛhyāsanam apy āhur durbalena balīyasaḥ | ātmarakṣākaras tasmān na vigṛhṇīta durbalaḥ

"Even in a quarrel, they say, the weaker should make terms with the stronger; therefore let the weak one, mindful of his own safety, not enter into strife."

"कहते हैं कि झगड़े में भी दुर्बल को बलवान के साथ संधि कर लेनी चाहिए; अतः अपनी रक्षा करने वाले दुर्बल को विरोध नहीं करना चाहिए।"

Verse 13

यां चेमां मन्यसे धात्रीम् एतद् बिलम् इति श्रुतम् । एतल् लक्ष्मणबाणानाम् ईषत्कार्यं विदारणे ॥

yāṃ cemāṃ manyase dhātrīm etad bilam iti śrutam | etal lakṣmaṇabāṇānām īṣatkāryaṃ vidāraṇe

"And this which you take for a nursing shelter — this cavern you have heard of — this is but a trifling task for Lakṣmaṇa's arrows to rend asunder."

"और जिस गुफा को तुम आश्रय-स्थान मानते हो — यह जो तुमने सुनी है — इसका विदीर्ण करना तो लक्ष्मण के बाणों के लिए एक तुच्छ-सा कार्य है।"

Verse 14

स्वल्पं हि कृतम् इन्द्रेण क्षिपता ह्य् अशनिं पुरा । लक्ष्मणो निशितैर् बाणैर् भिन्द्यात् पत्रपुटं यथा । लक्ष्मणस्य च नाराचा बहवः सन्ति तद्विधाः ॥

svalpaṃ hi kṛtam indreṇa kṣipatā hy aśaniṃ purā | lakṣmaṇo niśitair bāṇair bhindyāt patrapuṭaṃ yathā | lakṣmaṇasya ca nārācā bahavaḥ santi tadvidhāḥ

"For small indeed was the feat of Indra when of old he hurled his thunderbolt; Lakṣmaṇa with his whetted arrows could split it as one splits a leaf-cup; and Lakṣmaṇa has many iron shafts of that kind."

"पूर्वकाल में वज्र फेंकते समय इंद्र ने जो किया, वह तो बहुत छोटा था; लक्ष्मण अपने तीखे बाणों से इसे ऐसे चीर सकते हैं जैसे कोई पत्ते का दोना चीर दे; और लक्ष्मण के पास वैसे अनेक नाराच (लौह बाण) हैं।"

Verse 15

अवस्थाने यदैव त्वम् आसिष्यसि परंतप । तदैव हरयः सर्वे त्यक्ष्यन्ति कृतनिश्चयाः ॥

avasthāne yadaiva tvam āsiṣyasi paraṃtapa | tadaiva harayaḥ sarve tyakṣyanti kṛtaniścayāḥ

"The very moment you sit here in fasting, O scorcher of foes, that very moment all the monkeys, their minds made up, will forsake you,"

"हे शत्रुतापन! जिस क्षण तुम यहाँ अनशन पर बैठोगे, उसी क्षण सभी वानर दृढ़ निश्चय करके तुम्हें त्याग देंगे,"

Verse 16

स्मरन्तः पुत्रदाराणां नित्योद्विग्ना बुभुक्षिताः । खेदिता दुःखशय्याभिस् त्वां करिष्यन्ति पृष्ठतः ॥

smarantaḥ putradārāṇāṃ nityodvignā bubhukṣitāḥ | kheditā duḥkhaśayyābhis tvāṃ kariṣyanti pṛṣṭhataḥ

"remembering their sons and wives, ever anxious and hungry, wearied by their beds of sorrow — they will leave you behind."

"अपने पुत्रों और स्त्रियों का स्मरण करते हुए, सदा उद्विग्न और भूखे, दुःख की शय्याओं से क्लांत होकर वे तुम्हें पीछे छोड़ देंगे।"

Verse 17

स त्वं हीनः सुहृद्भिश् च हितकामैश् च बन्धुभिः । तृणाद् अपि भृशोद्विग्नः स्पन्दमानाद् भविष्यसि ॥

sa tvaṃ hīnaḥ suhṛdbhiś ca hitakāmaiś ca bandhubhiḥ | tṛṇād api bhṛśodvignaḥ spandamānād bhaviṣyasi

"Then you, bereft of friends and of kinsmen who wish you well, will be made to tremble greatly even by a blade of grass that stirs."

"तब तुम, मित्रों से और हित चाहने वाले बंधुओं से रहित होकर, हिलते हुए तिनके से भी अत्यंत भयभीत हो जाओगे।"

Verse 18

न च जातु न हिंस्युस् त्वां घोरा लक्ष्मणसायकाः । अपवृत्तं जिघांसन्तो महावेगा दुरासदाः ॥

na ca jātu na hiṃsyus tvāṃ ghorā lakṣmaṇasāyakāḥ | apavṛttaṃ jighāṃsanto mahāvegā durāsadāḥ

"And the dreadful arrows of Lakṣmaṇa will surely not fail to strike you — those swift, unapproachable shafts, eager to slay you when you turn away."

"और लक्ष्मण के घोर बाण तुम्हें कभी नहीं छोड़ेंगे — वे अत्यंत वेगवान, दुर्धर्ष बाण, जो मुड़कर भागते हुए को मारने के लिए तत्पर रहते हैं।"

Verse 19

अस्माभिस् तु गतं सार्धं विनीतवद् उपस्थितम् । आनुपूर्व्यात् तु सुग्रीवो राज्ये त्वां स्थापयिष्यति ॥

asmābhis tu gataṃ sārdhaṃ vinītavad upasthitam | ānupūrvyāt tu sugrīvo rājye tvāṃ sthāpayiṣyati

"But if you come with us, presenting yourself in humility, Sugrīva will in due course establish you upon the throne."

"किंतु यदि तुम हमारे साथ चलकर विनयपूर्वक उपस्थित हो जाओ, तो सुग्रीव क्रमशः तुम्हें राज्य पर स्थापित कर देगा।"

Verse 20

धर्मकामः पितृव्यस् ते प्रीतिकामो दृढव्रतः । शुचिः सत्यप्रतिज्ञश् च ना त्वां जातु जिघांसति ॥

dharmakāmaḥ pitṛvyas te prītikāmo dṛḍhavrataḥ | śuciḥ satyapratijñaś ca nā tvāṃ jātu jighāṃsati

"Your uncle, who loves dharma, desires your affection, is firm in his vows, pure, and true to his promise, will never seek to slay you."

"धर्म का इच्छुक, तुम्हारा प्रेम चाहने वाला, दृढ़व्रत, पवित्र और सत्यप्रतिज्ञ तुम्हारा चाचा तुम्हें कभी नहीं मारना चाहेगा।"

Verse 21

प्रियकामश् च ते मातुस् तदर्थं चास्य जीवितम् । तस्यापत्यं च नास्त्य् अन्यत् तस्माद् अङ्गद गम्यताम् ॥

priyakāmaś ca te mātus tadarthaṃ cāsya jīvitam | tasyāpatyaṃ ca nāsty anyat tasmād aṅgada gamyatām

"He wishes the good of your mother, and for her sake his very life is lived; and he has no other offspring. Therefore, Aṅgada, let us go."

"वह तुम्हारी माता का प्रिय चाहता है और उसी के लिए उसका जीवन है; और उसकी कोई अन्य संतान नहीं है। अतः, हे अंगद! चलो।"