Sarga 52

Verse 1

एवम् उक्तः शुभं वाक्यं तापस्या धर्मसंहितम् । उवाच हनुमान् वाक्यं ताम् अनिन्दितचेष्टिताम् ॥

evam uktaḥ śubhaṃ vākyaṃ tāpasyā dharmasaṃhitam | uvāca hanumān vākyaṃ tām aninditaceṣṭitām

Thus addressed with that auspicious, righteous speech of the ascetic woman, Hanumān spoke these words to her of blameless deeds:

तपस्विनी के इस शुभ, धर्मयुक्त वचन से इस प्रकार संबोधित होकर हनुमान ने निर्दोष आचरण वाली उस तपस्विनी से ये वचन कहे —

Verse 2

शरणं त्वां प्रपन्नाः स्मः सर्वे वै धर्मचारिणि । यः कृतः समयो ऽस्माकं सुग्रीवेण महात्मना । स तु कालो व्यतिक्रान्तो बिले च परिवर्तताम् ॥

śaraṇaṃ tvāṃ prapannāḥ smaḥ sarve vai dharmacāriṇi | yaḥ kṛtaḥ samayo 'smākaṃ sugrīveṇa mahātmanā | sa tu kālo vyatikrānto bile ca parivartatām

"We have all come to you for refuge, O treader of the path of dharma. The term that was fixed for us by the great-souled Sugrīva has passed away while we turned about within the cavern."

"हे धर्माचारिणी! हम सब आपकी शरण में आए हैं। महात्मा सुग्रीव ने हमारे लिए जो अवधि नियत की थी, वह गुफा के भीतर घूमते-घूमते बीत गई।"

Verse 3

सा त्वम् अस्माद् बिलाद् घोराद् उत्तारयितुम् अर्हसि ॥

sā tvam asmād bilād ghorād uttārayitum arhasi

"Therefore you ought to lead us up out of this dreadful cavern."

"अतः आप हमें इस भयंकर गुफा से बाहर निकालने की कृपा करें।"

Verse 4

तस्मात् सुग्रीववचनाद् अतिक्रान्तान् गतायुषः । त्रातुम् अर्हसि नः सर्वान् सुग्रीवभयशङ्कितान् ॥

tasmāt sugrīvavacanād atikrāntān gatāyuṣaḥ | trātum arhasi naḥ sarvān sugrīvabhayaśaṅkitān

"Since, by Sugrīva's word, we have overstepped the term and are as good as dead, you ought to save us all, who dread Sugrīva's wrath."

"चूँकि सुग्रीव के आदेश की अवधि को हम लाँघ चुके हैं और मृतप्राय हो गए हैं, अतः सुग्रीव के कोप से भयभीत हम सबको आप बचाने की कृपा करें।"

Verse 5

महच् च कार्यम् अस्माभिः कर्तव्यं धर्मचारिणि । तच् चापि न कृतं कार्यम् अस्माभिर् इह वासिभिः ॥

mahac ca kāryam asmābhiḥ kartavyaṃ dharmacāriṇi | tac cāpi na kṛtaṃ kāryam asmābhir iha vāsibhiḥ

"A great task is to be accomplished by us, O treader of the path of dharma, and that task has not been accomplished by us who have dwelt here."

"हे धर्माचारिणी! हमें एक महान कार्य करना है, और यहाँ निवास करते हुए हम वह कार्य भी पूरा नहीं कर सके।"

Verse 6

एवम् उक्ता हनुमता तापसी वाक्यम् अब्रवीत् । जीवता दुष्करं मन्ये प्रविष्टेन निवर्तितुम् ॥

evam uktā hanumatā tāpasī vākyam abravīt | jīvatā duṣkaraṃ manye praviṣṭena nivartitum

Thus addressed by Hanumān, the ascetic woman spoke these words: "For one who has entered here alive, I think it hard to return."

हनुमान द्वारा इस प्रकार कहे जाने पर तपस्विनी ने कहा — "जो जीवित होकर यहाँ प्रविष्ट हुआ है, उसके लिए लौटना मैं कठिन मानती हूँ।"

Verse 7

तपसस् तु प्रभावेन नियमोपार्जितेन च । सर्वान् एव बिलाद् अस्माद् उद्धरिष्यामि वानरान् ॥

tapasas tu prabhāvena niyamopārjitena ca | sarvān eva bilād asmād uddhariṣyāmi vānarān

"Yet by the power of my austerity, won through my vows, I shall lead up out of this cavern all the monkeys."

"फिर भी अपने नियमों से अर्जित तपस्या के प्रभाव से मैं इन सभी वानरों को इस गुफा से बाहर निकाल दूँगी।"

Verse 8

निमीलयत चक्षूंषि सर्वे वानरपुंगवाः । न हि निष्क्रमितुं शक्यम् अनिमीलितलोचनैः ॥

nimīlayata cakṣūṃṣi sarve vānarapuṃgavāḥ | na hi niṣkramituṃ śakyam animīlitalocanaiḥ

"Close your eyes, all you bulls among monkeys; for it is not possible to come out with eyes unclosed."

"हे वानरपुंगवो! तुम सब अपनी आँखें मूँद लो; क्योंकि खुली आँखों से बाहर निकलना संभव नहीं है।"

Verse 9

ततः संमीलिताः सर्वे सुकुमाराङ्गुलैः करैः । सहसा पिदधुर् दृष्टिं हृष्टा गमनकाङ्क्षिणः ॥

tataḥ saṃmīlitāḥ sarve sukumārāṅgulaiḥ karaiḥ | sahasā pidadhur dṛṣṭiṃ hṛṣṭā gamanakāṅkṣiṇaḥ

Then all of them, delighted and longing to depart, closed their eyes and suddenly covered their sight with their delicate-fingered hands.

तब जाने के लिए उत्सुक, प्रसन्न वे सब वानर अपने कोमल अँगुलियों वाले हाथों से सहसा अपनी आँखें मूँदकर दृष्टि ढक लिए।

Verse 10

वानरास् तु महात्मानो हस्तरुद्धमुखास् तदा । निमेषान्तरमात्रेण बिलाद् उत्तारितास् तया ॥

vānarās tu mahātmāno hastaruddhamukhās tadā | nimeṣāntaramātreṇa bilād uttāritās tayā

Those great-souled monkeys, their faces then shut off by their hands, were led up out of the cavern by her in the mere space of the blinking of an eye.

हाथों से मुख ढके हुए उन महात्मा वानरों को उसने पलक झपकने मात्र के समय में गुफा से बाहर निकाल दिया।

Verse 11

ततस् तान् वानरान् सर्वांस् तापसी धर्मचारिणी । निःसृतान् विषमात् तस्मात् समाश्वास्येदम् अब्रवीत् ॥

tatas tān vānarān sarvāṃs tāpasī dharmacāriṇī | niḥsṛtān viṣamāt tasmāt samāśvāsyedam abravīt

Then, when all those monkeys had come forth from that difficult place, the ascetic woman who trod the path of dharma, consoling them, said this:

तब उस दुर्गम स्थान से बाहर निकले उन सभी वानरों को धर्माचारिणी तपस्विनी ने सांत्वना देकर यह कहा —

Verse 12

एष विन्ध्यो गिरिः श्रीमान् नानाद्रुमलतायुतः । एष प्रसवणः शैलः सागरो ऽयं महोदधिः ॥

eṣa vindhyo giriḥ śrīmān nānādrumalatāyutaḥ | eṣa prasavaṇaḥ śailaḥ sāgaro 'yaṃ mahodadhiḥ

"This is the glorious Vindhya mountain, set with trees and creepers of many kinds; this is the Prasravaṇa mountain; and this is the ocean, the great deep."

"यह नाना प्रकार के वृक्षों और लताओं से युक्त श्रीमान विंध्य पर्वत है; यह प्रस्रवण पर्वत है; और यह महान जलनिधि समुद्र है।"

Verse 13

स्वस्ति वो ऽस्तु गमिष्यामि भवनं वानरर्षभाः । इत्य् उक्त्वा तद् बिलं श्रीमत् प्रविवेश स्वयंप्रभा ॥

svasti vo 'stu gamiṣyāmi bhavanaṃ vānararṣabhāḥ | ity uktvā tad bilaṃ śrīmat praviveśa svayaṃprabhā

"May it be well with you; I shall go to my dwelling, O bulls among monkeys." Having said this, Svayamprabhā entered that glorious cavern.

"हे वानरश्रेष्ठो! तुम्हारा कल्याण हो; मैं अपने भवन को जाती हूँ।" यह कहकर स्वयंप्रभा उस श्रीमान गुफा में प्रविष्ट हो गई।

Verse 14

ततस् ते ददृशुर् घोरं सागरं वरुणालयम् । अपारम् अभिगर्जन्तं घोरैर् ऊर्मिभिर् आकुलम् ॥

tatas te dadṛśur ghoraṃ sāgaraṃ varuṇālayam | apāram abhigarjantaṃ ghorair ūrmibhir ākulam

Then they beheld the dreadful ocean, the abode of Varuṇa, shoreless, roaring, troubled with fearful waves.

तब उन्होंने वरुण के निवास भयंकर समुद्र को देखा — जो अपार था, गरजता हुआ था और भयंकर तरंगों से व्याकुल था।

Verse 15

मयस्य माया विहितं गिरिदुर्गं विचिन्वताम् । तेषां मासो व्यतिक्रान्तो यो राज्ञा समयः कृतः ॥

mayasya māyā vihitaṃ giridurgaṃ vicinvatām | teṣāṃ māso vyatikrānto yo rājñā samayaḥ kṛtaḥ

For those who had searched the mountain fastness fashioned by Maya's magic, the month that the king had set as their term had passed away.

मय की माया से रचे गए उस पर्वत-दुर्ग को खोजते हुए उन वानरों की वह अवधि, जो राजा ने नियत की थी, बीत गई।

Verse 16

विन्ध्यस्य तु गिरेः पादे संप्रपुष्पितपादपे । उपविश्य महाभागाश् चिन्ताम् आपेदिरे तदा ॥

vindhyasya tu gireḥ pāde saṃprapuṣpitapādape | upaviśya mahābhāgāś cintām āpedire tadā

At the foot of the Vindhya mountain, among the trees in full blossom, the greatly blessed ones sat down and then fell to brooding.

विंध्य पर्वत के मूल में, जहाँ वृक्ष पूर्ण रूप से पुष्पित थे, बैठकर वे महाभाग्यशाली वानर तब चिंता में पड़ गए।

Verse 17

ततः पुष्पातिभाराग्रांल् लताशतसमावृतान् । द्रुमान् वासन्तिकान् दृष्ट्वा बभूवुर् भयशङ्किताः ॥

tataḥ puṣpātibhārāgrāṃl latāśatasamāvṛtān | drumān vāsantikān dṛṣṭvā babhūvur bhayaśaṅkitāḥ

Then, beholding the trees of springtime, their tops heavy with an abundance of blossom and overspread with a hundred creepers, they grew apprehensive with fear.

तब फूलों के अत्यधिक भार से झुके हुए अग्रभाग वाले और सैकड़ों लताओं से ढके बसंत के वृक्षों को देखकर वे भय से शंकित हो उठे।

Verse 18

ते वसन्तम् अनुप्राप्तं प्रतिवेद्य परस्परम् । नष्टसंदेशकालार्था निपेतुर् धरणीतले ॥

te vasantam anuprāptaṃ prativedya parasparam | naṣṭasaṃdeśakālārthā nipetur dharaṇītale

Making known to one another that spring had come, and that the term of their errand was lost, they sank down upon the surface of the earth.

बसंत के आगमन को परस्पर एक-दूसरे को बताकर, अपने संदेश की अवधि समाप्त हो जाने के कारण वे भूमि पर गिर पड़े।

Verse 19

स तु सिंहर्षभ स्कन्धः पीनायतभुजः कपिः । युवराजो महाप्राज्ञ अङ्गदो वाक्यम् अब्रवीत् ॥

sa tu siṃharṣabha skandhaḥ pīnāyatabhujaḥ kapiḥ | yuvarājo mahāprājña aṅgado vākyam abravīt

Then that monkey with shoulders like a lion-bull's and long, thick arms, the greatly wise crown-prince Aṅgada, spoke these words:

तब सिंह और बैल के समान कंधों वाले, पुष्ट और लंबी भुजाओं वाले उस महाबुद्धिमान युवराज वानर अंगद ने ये वचन कहे —

Verse 20

शासनात् कपिराजस्य वयं सर्वे विनिर्गताः । मासः पूर्णो बिलस्थानां हरयः किं न बुध्यते ॥

śāsanāt kapirājasya vayaṃ sarve vinirgatāḥ | māsaḥ pūrṇo bilasthānāṃ harayaḥ kiṃ na budhyate

"By the command of the monkey-king we all set forth; the month is full for us who were in the cavern — do the monkeys not see it?"

"वानरराज के आदेश से हम सब निकले थे; गुफा में रहने वाले हमारे लिए मास पूरा हो गया — क्या वानर यह नहीं समझते?"

Verse 21

तस्मिन्न् अतीते काले तु सुग्रीवेण कृते स्वयम् । प्रायोपवेशनं युक्तं सर्वेषां च वनौकसाम् ॥

tasminn atīte kāle tu sugrīveṇa kṛte svayam | prāyopaveśanaṃ yuktaṃ sarveṣāṃ ca vanaukasām

"Now that the term is past, which Sugrīva himself fixed, a fast unto death is the fitting course for all us forest-dwellers."

"अब जबकि सुग्रीव द्वारा स्वयं नियत की गई वह अवधि बीत गई है, तब हम सब वनवासियों के लिए प्रायोपवेशन (आमरण अनशन) ही उचित है।"

Verse 22

तीक्ष्णः प्रकृत्या सुग्रीवः स्वामिभावे व्यवस्थितः । न क्षमिष्यति नः सर्वान् अपराधकृतो गतान् ॥

tīkṣṇaḥ prakṛtyā sugrīvaḥ svāmibhāve vyavasthitaḥ | na kṣamiṣyati naḥ sarvān aparādhakṛto gatān

"Sugrīva is harsh by nature and firmly set in his lordship; he will not forgive us all for coming back as offenders."

"सुग्रीव स्वभाव से कठोर है और अपने स्वामित्व में दृढ़ता से स्थित है; अपराधी होकर लौटे हम सबको वह क्षमा नहीं करेगा।"

Verse 23

अप्रवृत्तौ च सीतायाः पापम् एव करिष्यति । तस्मात् क्षमम् इहाद्यैव प्रायोपविशनं हि नः ॥

apravṛttau ca sītāyāḥ pāpam eva kariṣyati | tasmāt kṣamam ihādyaiva prāyopaviśanaṃ hi naḥ

"And at the failure to find Sītā he will do us some evil; therefore it is fitting for us even today, here, to fast unto death."

"और सीता का पता न चलने पर वह हमारे साथ अवश्य ही बुरा व्यवहार करेगा; अतः आज यहीं हमारा प्रायोपवेशन करना उचित है।"

Verse 24

त्यक्त्वा पुत्रांश् च दारांश् च धनानि च गृहाणि च । यावन् न घातयेद् राजा सर्वान् प्रतिगतान् इतः । वधेनाप्रतिरूपेण श्रेयान् मृत्युर् इहैव नः ॥

tyaktvā putrāṃś ca dārāṃś ca dhanāni ca gṛhāṇi ca | yāvan na ghātayed rājā sarvān pratigatān itaḥ | vadhenāpratirūpeṇa śreyān mṛtyur ihaiva naḥ

"Having renounced sons, wives, wealth, and homes — before the king can slay all of us who return from here with an unseemly death — a death here itself is better for us."

"पुत्रों, स्त्रियों, धन और घरों को त्यागकर — इससे पूर्व कि राजा यहाँ से लौटने वाले हम सबको किसी अनुचित वध से मरवा दे — हमारे लिए यहीं मृत्यु श्रेयस्कर है।"

Verse 25

न चाहं यौवराज्येन सुग्रीवेणाभिषेचितः । नरेन्द्रेणाभिषिक्तो ऽस्मि रामेणाक्लिष्टकर्मणा ॥

na cāhaṃ yauvarājyena sugrīveṇābhiṣecitaḥ | narendreṇābhiṣikto 'smi rāmeṇākliṣṭakarmaṇā

"For I was not consecrated to the heir-apparency by Sugrīva; I was consecrated by the lord of men, by Rāma of untiring deeds."

"मुझे युवराज-पद पर सुग्रीव ने अभिषिक्त नहीं किया; मुझे तो अनायास कर्म करने वाले नरेंद्र राम ने अभिषिक्त किया है।"

Verse 26

स पूर्वं बद्धवैरो मां राजा दृष्ट्वा व्यतिक्रमम् । घातयिष्यति दण्डेन तीक्ष्णेन कृतनिश्चयः ॥

sa pūrvaṃ baddhavairo māṃ rājā dṛṣṭvā vyatikramam | ghātayiṣyati daṇḍena tīkṣṇena kṛtaniścayaḥ

"That king, who bore an earlier enmity toward me, seeing my transgression, will have me slain with a sharp rod of punishment, his mind made up."

"वह राजा, जो पहले से मुझसे वैर बाँधे हुए है, मेरा यह अपराध देखकर दृढ़ निश्चय करके तीक्ष्ण दंड से मुझे मरवा डालेगा।"

Verse 27

किं मे सुहृद्भिर् व्यसनं पश्यद्भिर् जीवितान्तरे । इहैव प्रायम् आसिष्ये पुण्ये सागररोधसि ॥

kiṃ me suhṛdbhir vyasanaṃ paśyadbhir jīvitāntare | ihaiva prāyam āsiṣye puṇye sāgararodhasi

"What good are friends to me who would look on at my calamity in my last hour? Here itself, upon this holy shore of the ocean, I shall sit and fast unto death."

"जीवन के अंतिम क्षण में मेरे संकट को देखते रहने वाले मित्रों से मुझे क्या लाभ? मैं यहीं, समुद्र के इस पवित्र तट पर बैठकर प्रायोपवेशन करूँगा।"

Verse 28

एतच् छ्रुत्वा कुमारेण युवराजेन भाषितम् । सर्वे ते वानरश्रेष्ठाः करुणं वाक्यम् अब्रुवन् ॥

etac chrutvā kumāreṇa yuvarājena bhāṣitam | sarve te vānaraśreṣṭhāḥ karuṇaṃ vākyam abruvan

Hearing these words spoken by the prince, the crown-prince, all those best of monkeys uttered piteous speech.

राजकुमार युवराज द्वारा कहे गए ये वचन सुनकर वे सभी वानरश्रेष्ठ करुण वचन बोलने लगे —

Verse 29

तीक्ष्णः प्रकृत्या सुग्रीवः प्रियासक्तश् च राघवः । अदृष्टायां च वैदेह्यां दृष्ट्वास्मांश् च समागतान् ॥

tīkṣṇaḥ prakṛtyā sugrīvaḥ priyāsaktaś ca rāghavaḥ | adṛṣṭāyāṃ ca vaidehyāṃ dṛṣṭvāsmāṃś ca samāgatān

"Sugrīva is harsh by nature, and Rāghava is attached to his beloved; and since Vaidehī has not been found, seeing us returned,"

"सुग्रीव स्वभाव से कठोर है, और राघव अपनी प्रिया पर आसक्त हैं; और वैदेही के न मिलने पर, हमें लौटा हुआ देखकर,"

Verse 30

राघवप्रियकामार्थं घातयिष्यत्य् असंशयम् । न क्षमं चापराद्धानां गमनं स्वामिपार्श्वतः ॥

rāghavapriyakāmārthaṃ ghātayiṣyaty asaṃśayam | na kṣamaṃ cāparāddhānāṃ gamanaṃ svāmipārśvataḥ

"to please Rāghava he will without doubt have us slain; and it is not fitting for offenders to go to their master's side."

"राघव का प्रिय करने के लिए वह निःसंदेह हमें मरवा डालेगा; और अपराधियों का अपने स्वामी के पास जाना उचित नहीं है।"

Verse 31

प्लवंगमानां तु भयार्दितानां; श्रुत्वा वचस् तार इदं बभाषे । अलं विषादेन बिलं प्रविश्य; वसाम सर्वे यदि रोचते वः ॥

plavaṃgamānāṃ tu bhayārditānāṃ; śrutvā vacas tāra idaṃ babhāṣe | alaṃ viṣādena bilaṃ praviśya; vasāma sarve yadi rocate vaḥ

Hearing the words of the leaping ones afflicted with fear, Tāra spoke thus: "Enough of despair! Let us enter the cavern and dwell there, all of us, if it please you."

भय से पीड़ित उन वानरों के वचन सुनकर तार ने यह कहा — "विषाद छोड़ो! यदि तुम्हें रुचे, तो हम सब गुफा में प्रवेश करके वहीं निवास करें।"

Verse 32

इदं हि माया विहितं सुदुर्गमं; प्रभूतवृक्षोदकभोज्यपेयम् । इहास्ति नो नैव भयं पुरंदरान्; न राघवाद् वानरराजतो ऽपि वा ॥

idaṃ hi māyā vihitaṃ sudurgamaṃ; prabhūtavṛkṣodakabhojyapeyam | ihāsti no naiva bhayaṃ puraṃdarān; na rāghavād vānararājato 'pi vā

"This place fashioned by magic is very hard of access, with abundant trees, water, food, and drink; here we have no fear at all, neither from Purandara, nor from Rāghava, nor even from the monkey-king."

"माया से रचा गया यह स्थान अत्यंत दुर्गम है, प्रचुर वृक्षों, जल, भोज्य और पेय से युक्त है; यहाँ हमें कोई भय नहीं — न पुरंदर (इंद्र) से, न राघव से, और न वानरराज से भी।"

Verse 33

श्रुत्वाङ्गदस्यापि वचो ऽनुकूलम्; ऊचुश् च सर्वे हरयः प्रतीताः । यथा न हन्येम तथाविधानम्; असक्तम् अद्यैव विधीयतां नः ॥

śrutvāṅgadasyāpi vaco 'nukūlam; ūcuś ca sarve harayaḥ pratītāḥ | yathā na hanyema tathāvidhānam; asaktam adyaiva vidhīyatāṃ naḥ

Hearing Aṅgada's words too as agreeable, all the monkeys, convinced, said: "Let such arrangement be made for us this very day, without hindrance, that we be not slain."

अंगद के वचन को भी अनुकूल पाकर सभी वानर विश्वासपूर्वक बोले — "जिससे हम मारे न जाएँ, वैसी व्यवस्था आज ही, बिना किसी बाधा के, हमारे लिए कर दी जाए।"