Sarga 45

Verse 1

गतेषु वानरेन्द्रेषु रामः सुग्रीवम् अब्रवीत् । कथं भवान् विनाजीते सर्वं वै मण्डलं भुवः ॥

gateṣu vānarendreṣu rāmaḥ sugrīvam abravīt | kathaṃ bhavān vinājīte sarvaṃ vai maṇḍalaṃ bhuvaḥ

When the lords of the vānaras had departed, Rāma said to Sugrīva: "How is it that you know the whole circle of the earth?"

वानरेंद्रों के चले जाने पर राम ने सुग्रीव से कहा — "आप पृथ्वी के समस्त मंडल को किस प्रकार जानते हैं?"

Verse 2

सुग्रीवस् तु ततो रामम् उवाच प्रणतात्मवान् । श्रूयतां सर्वम् आख्यास्ये विस्तरेण नरर्षभ ॥

sugrīvas tu tato rāmam uvāca praṇatātmavān | śrūyatāṃ sarvam ākhyāsye vistareṇa nararṣabha

Then Sugrīva, humble of spirit, said to Rāma: "Let it be heard; I shall recount it all at length, O bull among men."

तब विनम्र चित्त वाले सुग्रीव ने राम से कहा — "हे नरश्रेष्ठ! सुनिए, मैं सब कुछ विस्तार से बताता हूँ।"

Verse 3

यदा तु दुन्दुभिं नाम दानवं महिषाकृतिम् । परिकालयते वाली मलयं प्रति पर्वतम् ॥

yadā tu dundubhiṃ nāma dānavaṃ mahiṣākṛtim | parikālayate vālī malayaṃ prati parvatam

"When Vālī was driving before him the dānava named Dundubhi, who had the form of a buffalo, toward the Malaya mountain,"

"जब वाली भैंसे के रूप वाले दुन्दुभि नामक दानव को मलय पर्वत की ओर खदेड़ रहा था,"

Verse 4

तदा विवेश महिषो मलयस्य गुहां प्रति । विवेश वाली तत्रापि मलयं तज्जिघांसया ॥

tadā viveśa mahiṣo malayasya guhāṃ prati | viveśa vālī tatrāpi malayaṃ tajjighāṃsayā

"then that buffalo entered a cave of the Malaya mountain; and Vālī too entered there, upon that mountain, wishing to slay him."

"तब वह भैंसा मलय पर्वत की एक गुफा में घुस गया; और वाली भी उसे मारने की इच्छा से उस पर्वत पर उसी गुफा में घुस गया।"

Verse 5

ततो ऽहं तत्र निक्षिप्तो गुहाद् वारिविनीतवत् । न च निष्क्रमते वाली तदा संवत्सरे गते ॥

tato 'haṃ tatra nikṣipto guhād vārivinītavat | na ca niṣkramate vālī tadā saṃvatsare gate

"Then I was posted there at the cave, as a guard over the water; and when a year had passed, Vālī did not come out."

"तब मैं वहाँ गुफा के द्वार पर पहरेदार के रूप में तैनात किया गया; और एक वर्ष बीत जाने पर भी वाली बाहर नहीं निकला।"

Verse 6

ततः क्षतजवेगेन आपुपूरे तदा बिलम् । तद् अहं विस्मितो दृष्ट्वा भ्रातृशोकविषार्दितः ॥

tataḥ kṣatajavegena āpupūre tadā bilam | tad ahaṃ vismito dṛṣṭvā bhrātṛśokaviṣārditaḥ

"Then the cavern was filled up with a surge of blood; seeing this, I was astonished and afflicted with the grief and poison of a brother's loss."

"तब वह गुफा रक्त के प्रवाह से भर गई; यह देखकर मैं विस्मित हो गया और भाई के शोक रूपी विष से पीड़ित हो उठा।"

Verse 7

अथाहं कृतबुद्धिस् तु सुव्यक्तं निहतो गुरुः । शिलापर्वतसंकाशा बिलद्वारि मया कृता । अशक्नुवन् निष्क्रमितुं महिषो विनशेद् इति ॥

athāhaṃ kṛtabuddhis tu suvyaktaṃ nihato guruḥ | śilāparvatasaṃkāśā biladvāri mayā kṛtā | aśaknuvan niṣkramituṃ mahiṣo vinaśed iti

"Then I made up my mind: 'Quite clearly my elder is slain.' So I set at the mouth of the cave a boulder like a mountain, thinking, 'Unable to come out, the buffalo will perish.'"

"तब मैंने निश्चय किया — 'स्पष्ट है कि मेरे बड़े भाई मारे गए।' अतः मैंने गुफा के द्वार पर पर्वत-सदृश एक शिला रख दी, यह सोचकर कि 'बाहर न निकल पाने के कारण वह भैंसा नष्ट हो जाएगा।'"

Verse 8

ततो ऽहम् आगां किष्किन्धां निराशस् तस्य जीविते । राज्यं च सुमहत् प्राप्तं तारा च रुमया सह । मित्रैश् च सहितस् तत्र वसामि विगतज्वरः ॥

tato 'ham āgāṃ kiṣkindhāṃ nirāśas tasya jīvite | rājyaṃ ca sumahat prāptaṃ tārā ca rumayā saha | mitraiś ca sahitas tatra vasāmi vigatajvaraḥ

"Then I came away to Kiṣkindhā, despairing of his life. And a very great kingdom came to me, with Tārā and with Rumā; and, surrounded by my friends, I dwelt there free of fever."

"तब उनके जीवन से निराश होकर मैं किष्किंधा लौट आया। और मुझे एक अत्यंत विशाल राज्य प्राप्त हुआ, तारा और रुमा के साथ; और मित्रों से घिरा हुआ मैं वहाँ निश्चिंत होकर रहने लगा।"

Verse 9

आजगाम ततो वाली हत्वां तं दानवर्षभम् । ततो ऽहम् अददां राज्यं गौरवाद् भययन्त्रितः ॥

ājagāma tato vālī hatvāṃ taṃ dānavarṣabham | tato 'ham adadāṃ rājyaṃ gauravād bhayayantritaḥ

"Then Vālī returned, having slain that bull among dānavas; and thereupon, out of respect and constrained by fear, I gave him back the kingdom."

"तब उस दानवश्रेष्ठ का वध करके वाली लौट आया; और तब मैंने आदरवश तथा भय से विवश होकर उसे राज्य लौटा दिया।"

Verse 10

स मां जिघांसुर् दुष्टात्मा वाली प्रव्यथितेन्द्रियः । परिलाकयते क्रोधाद् धावन्तं सचिवैः सह ॥

sa māṃ jighāṃsur duṣṭātmā vālī pravyathitendriyaḥ | parilākayate krodhād dhāvantaṃ sacivaiḥ saha

"That evil-souled Vālī, his senses distraught, wishing to slay me, in his wrath drove me running before him, together with my ministers."

"वह दुष्टात्मा वाली, जिसकी इंद्रियाँ क्रोध से विचलित थीं, मुझे मारने की इच्छा से क्रोधपूर्वक मेरे मंत्रियों सहित मुझे दौड़ाता रहा।"

Verse 11

ततो ऽहं वालिना तेन सानुबन्धः प्रधावितः । नदीश् च विविधाः पश्यन् वनानि नगराणि च ॥

tato 'haṃ vālinā tena sānubandhaḥ pradhāvitaḥ | nadīś ca vividhāḥ paśyan vanāni nagarāṇi ca

"Then, pursued by that Vālī together with my followers, I fled, beholding rivers of many kinds, and forests, and cities."

"तब उस वाली द्वारा अपने अनुयायियों सहित खदेड़ा गया मैं नाना प्रकार की नदियों, वनों और नगरों को देखता हुआ भागता रहा।"

Verse 12

आदर्शतलसंकाशा ततो वै पृथिवी मया । अलातचक्रप्रतिमा दृष्टा गोष्पदवत् तदा ॥

ādarśatalasaṃkāśā tato vai pṛthivī mayā | alātacakrapratimā dṛṣṭā goṣpadavat tadā

"Then the earth appeared to me like the surface of a mirror, like a whirling firebrand's circle, like a cow's hoofprint."

"तब मुझे पृथ्वी दर्पण के तल के समान, घूमते हुए अलातचक्र (जलती लकड़ी के घेरे) के समान और गाय के खुर के चिह्न के समान दिखाई दी।"

Verse 13

ततः पूर्वम् अहं गत्वा दक्षिणाम् अहम् आश्रितः । दिशं च पश्चिमां भूयो गतो ऽस्मि भयशङ्कितः । उत्तरां तु दिशं यान्तं हनुमान् माम् अथाब्रवीत् ॥

tataḥ pūrvam ahaṃ gatvā dakṣiṇām aham āśritaḥ | diśaṃ ca paścimāṃ bhūyo gato 'smi bhayaśaṅkitaḥ | uttarāṃ tu diśaṃ yāntaṃ hanumān mām athābravīt

"Thus I went first to the east, then took refuge in the south, and then again, apprehensive with fear, I went to the western quarter; and as I was making for the northern quarter, Hanumān then said to me:"

"इस प्रकार मैं पहले पूर्व दिशा में गया, फिर दक्षिण दिशा में शरण ली, और फिर भय से शंकित होकर पश्चिम दिशा में गया; और जब मैं उत्तर दिशा की ओर जा रहा था, तब हनुमान ने मुझसे कहा —"

Verse 14

इदानीं मे स्मृतं राजन् यथा वाली हरीश्वरः । मतङ्गेन तदा शप्तो ह्य् अस्मिन्न् आश्रममण्डले ॥

idānīṃ me smṛtaṃ rājan yathā vālī harīśvaraḥ | mataṅgena tadā śapto hy asminn āśramamaṇḍale

"'Now I have remembered, O king, how Vālī, the lord of monkeys, was once cursed by Mataṅga in this circle of his hermitage —"

"'हे राजन! अब मुझे स्मरण हुआ कि किस प्रकार वानरेश्वर वाली इस आश्रममंडल में मतंग ऋषि द्वारा शापित हुआ था —"

Verse 15

प्रविशेद् यदि वा वाली मूर्धास्य शतधा भवेत् । तत्र वासः सुखो ऽस्माकं निरुद्विग्नो भविष्यति ॥

praviśed yadi vā vālī mūrdhāsya śatadhā bhavet | tatra vāsaḥ sukho 'smākaṃ nirudvigno bhaviṣyati

"'that if Vālī should enter here, his head would burst into a hundred pieces. There our dwelling shall be happy, free of all disquiet.'"

"'कि यदि वाली यहाँ प्रवेश करेगा, तो उसका सिर सौ टुकड़ों में फट जाएगा। अतः वहाँ हमारा निवास सुखद और समस्त उद्वेग से रहित होगा।'"

Verse 16

ततः पर्वतम् आसाद्य ऋश्यमूकं नृपात्मज । न विवेश तदा वाली मतङ्गस्य भयात् तदा ॥

tataḥ parvatam āsādya ṛśyamūkaṃ nṛpātmaja | na viveśa tadā vālī mataṅgasya bhayāt tadā

"Then, O prince, having reached the mountain Ṛśyamūka, Vālī did not enter there at that time, for fear of Mataṅga."

"तब, हे राजकुमार! ऋष्यमूक पर्वत पर पहुँचकर वाली उस समय मतंग के भय से वहाँ प्रवेश नहीं कर सका।"

Verse 17

एवं मया तदा राजन् प्रत्यक्षम् उपलक्षितम् । पृथिवीमण्डलं कृत्स्नं गुहाम् अस्म्य् आगतस् ततः ॥

evaṃ mayā tadā rājan pratyakṣam upalakṣitam | pṛthivīmaṇḍalaṃ kṛtsnaṃ guhām asmy āgatas tataḥ

"Thus, O king, the entire circle of the earth was then surveyed by me with my own eyes; and afterwards I came to this cave."

"इस प्रकार, हे राजन! मैंने उस समय समस्त पृथ्वीमंडल को अपनी आँखों से प्रत्यक्ष देख लिया था; और उसके पश्चात मैं इस गुफा में आ गया।"