Sarga 28

Verse 1

समीक्ष्य विमलं व्योम गतविद्युद्बलाहकम् । सारसारवसंघुष्टं रम्यज्योत्स्नानुलेपनम् ॥

samīkṣya vimalaṃ vyoma gatavidyudbalāhakam | sārasāravasaṃghuṣṭaṃ ramyajyotsnānulepanam

Beholding the sky grown clear, its lightnings and clouds departed, resounding with the cries of cranes and anointed with lovely moonlight—

आकाश को निर्मल, बिजलियों और मेघों से रहित, सारस पक्षियों की ध्वनि से गूँजता और सुन्दर चाँदनी से मानो लीपा हुआ देखकर —

Verse 2

समृद्धार्थं च सुग्रीवं मन्दधर्मार्थसंग्रहम् । अत्यर्थम् असतां मार्गम् एकान्तगतमानसं ॥

samṛddhārthaṃ ca sugrīvaṃ mandadharmārthasaṃgraham | atyartham asatāṃ mārgam ekāntagatamānasaṃ

—and seeing Sugrīva, his aims fulfilled but slack in the pursuit of righteousness and gain, his mind wholly given over to the ways of the base—

— और सुग्रीव को अपने प्रयोजन में सम्पन्न किन्तु धर्म और अर्थ के संग्रह में शिथिल, अत्यधिक रूप से दुर्जनों के मार्ग पर, एकान्त में भोग में लगे मन वाला देखकर —

Verse 3

निवृत्तकार्यं सिद्धार्थं प्रमदाभिरतं सदा । प्राप्तवन्तम् अभिप्रेतान् सर्वान् एव मनोरथान् ॥

nivṛttakāryaṃ siddhārthaṃ pramadābhirataṃ sadā | prāptavantam abhipretān sarvān eva manorathān

—his task laid aside, his purpose attained, forever given to the delights of women, having won all his cherished desires—

— अपना कार्य छोड़े हुए, प्रयोजन सिद्ध कर चुके, सदा स्त्रियों के भोग में रत, अपने समस्त अभीष्ट मनोरथों को पा चुके —

Verse 4

स्वां च पात्नीम् अभिप्रेतां तारां चापि समीप्सिताम् । विहरन्तम् अहोरात्रं कृतार्थं विगतज्वलम् ॥

svāṃ ca pātnīm abhipretāṃ tārāṃ cāpi samīpsitām | viharantam ahorātraṃ kṛtārthaṃ vigatajvalam

—sporting day and night with his own longed-for wife, and with Tārā too, now won, his purpose achieved and his fever gone—

— अपनी अभीष्ट पत्नी रुमा और इच्छित तारा के साथ दिन-रात विहार करते, कृतकृत्य और सन्ताप से रहित —

Verse 5

क्रीडन्तम् इव देवेशं नन्दने ऽप्सरसां गणैः । मन्त्रिषु न्यस्तकार्यं च मन्त्रिणाम् अनवेक्षकम् ॥

krīḍantam iva deveśaṃ nandane 'psarasāṃ gaṇaiḥ | mantriṣu nyastakāryaṃ ca mantriṇām anavekṣakam

—like the lord of the gods disporting in Nandana with troops of apsarases, his duties laid upon his ministers and his ministers themselves no longer heeded—

— नन्दनवन में अप्सराओं के समूहों के साथ क्रीड़ा करते देवराज के समान, जिसने अपने सब कार्य मन्त्रियों पर डाल रखे थे और जो मन्त्रियों की भी सुध नहीं लेता था —

Verse 6

उत्सन्नराज्यसंदेशं कामवृत्तम् अवस्थितम् । निश्चितार्थो ऽर्थतत्त्वज्ञः कालधर्मविशेषवित् ॥

utsannarājyasaṃdeśaṃ kāmavṛttam avasthitam | niścitārtho 'rthatattvajñaḥ kāladharmaviśeṣavit

—the charge of his kingship fallen into neglect, and himself abiding in the indulgence of desire; then the son of the Wind, firm of purpose, knower of the truth of statecraft, versed in the special duties of the season,

— जिसके राज्य-कार्य का आदेश उपेक्षित पड़ा था और जो काम-भोग में लीन था; तब दृढ़निश्चयी, अर्थतत्त्व के ज्ञाता, काल के विशेष धर्मों के जानकार पवनपुत्र हनुमान ने —

Verse 7

प्रसाद्य वाक्यैर् मधुरैर् हेतुमद्भिर् मनोरमैः । वाक्यविद् वाक्यतत्त्वज्ञं हरीशं मारुतात्मजः ॥

prasādya vākyair madhurair hetumadbhir manoramaiḥ | vākyavid vākyatattvajñaṃ harīśaṃ mārutātmajaḥ

skilled in speech, having won over with sweet, reasoned, and pleasing words the lord of the monkeys, himself a knower of the import of speech,

— वाणी में निपुण होकर, मधुर, युक्तिसंगत और मनोरम वचनों से वाणी के मर्म को जानने वाले वानरेश्वर को प्रसन्न करके —

Verse 8

हितं तथ्यं च पथ्यं च सामधर्मार्थनीतिमत् । प्रणयप्रीतिसंयुक्तं विश्वासकृतनिश्चयम् । हरीश्वरम् उपागम्य हनुमान् वाक्यम् अब्रवीत् ॥

hitaṃ tathyaṃ ca pathyaṃ ca sāmadharmārthanītimat | praṇayaprītisaṃyuktaṃ viśvāsakṛtaniścayam | harīśvaram upāgamya hanumān vākyam abravīt

approaching that lord of the monkeys, spoke words beneficial, true, and wholesome, fraught with conciliation, righteousness, gain, and policy, joined with affection and goodwill, and framed to inspire trust:

— हितकर, सत्य, पथ्य, साम-धर्म-अर्थ-नीति से युक्त, प्रेम और स्नेह से भरे तथा विश्वास उत्पन्न करने वाले वचन, उस वानरेश्वर के पास जाकर कहे —

Verse 9

राज्यं प्राप्तं यशश् चैव कौली श्रीर् अभिवर्थिता । मित्राणां संग्रहः शेषस् तद् भवान् कर्तुम् अर्हति ॥

rājyaṃ prāptaṃ yaśaś caiva kaulī śrīr abhivarthitā | mitrāṇāṃ saṃgrahaḥ śeṣas tad bhavān kartum arhati

The kingdom is won, and fame as well; the ancestral fortune is increased. What remains is the gathering-in of allies, and this your lordship ought to do.

राज्य प्राप्त हुआ, यश भी मिला, कुल की लक्ष्मी बढ़ी; अब शेष रह गया मित्रों का संग्रह — और उसे आपको ही करना चाहिए।

Verse 10

यो हि मित्रेषु कालज्ञः सततं साधु वर्तते । तस्य राज्यं च कीर्तिश् च प्रतापश् चाभिवर्धते ॥

yo hi mitreṣu kālajñaḥ satataṃ sādhu vartate | tasya rājyaṃ ca kīrtiś ca pratāpaś cābhivardhate

He who, knowing the fit time, acts ever rightly toward his friends — his kingdom, his renown, and his majesty all increase.

जो समय को जानते हुए अपने मित्रों के प्रति सदा भली भाँति बर्ताव करता है, उसका राज्य, कीर्ति और प्रताप बढ़ता जाता है।

Verse 11

यस्य कोशश् च दण्डश् च मित्राण्य् आत्मा च भूमिप । समवेतानि सर्वाणि स राज्यं महद् अश्नुते ॥

yasya kośaś ca daṇḍaś ca mitrāṇy ātmā ca bhūmipa | samavetāni sarvāṇi sa rājyaṃ mahad aśnute

That lord of the earth whose treasury, army, allies, and own self are all gathered together — he enjoys a great kingdom.

हे भूमिपते! जिसके कोष, दण्ड (सेना), मित्र और स्वयं — ये सब एक साथ संगठित हों, वही महान राज्य का उपभोग करता है।

Verse 12

तद् भवान् वृत्तसंपन्नः स्थितः पथि निरत्यये । मित्रार्थम् अभिनीतार्थं यथावत् कर्तुम् अर्हति ॥

tad bhavān vṛttasaṃpannaḥ sthitaḥ pathi niratyaye | mitrārtham abhinītārthaṃ yathāvat kartum arhati

Therefore your lordship, endowed with good conduct and set upon the faultless path, ought duly to perform the service of your ally.

इसलिए सदाचार-सम्पन्न और निर्दोष मार्ग पर स्थित आपको, मित्र के लिए जो कार्य निर्धारित है, उसे यथोचित रूप से करना चाहिए।

Verse 13

यस् तु कालव्यतीतेषु मित्रकार्येषु वर्तते । स कृत्वा महतो ऽप्य् अर्थान् न मित्रार्थेन युज्यते ॥

yas tu kālavyatīteṣu mitrakāryeṣu vartate | sa kṛtvā mahato 'py arthān na mitrārthena yujyate

But he who busies himself with a friend's affairs when their proper times are past — though he accomplish great things, gains not the fruit of that friendship.

किन्तु जो मित्र के कार्यों में तब प्रवृत्त होता है जब उनका उचित समय बीत चुका हो, वह महान कार्य करके भी मित्रता के फल को नहीं पाता।

Verse 14

क्रियतां राघवस्यैतद् वैदेह्याः परिमार्गणम् । तद् इदं वीर कार्यं ते कालातीतम् अरिंदम ॥

kriyatāṃ rāghavasyaitad vaidehyāḥ parimārgaṇam | tad idaṃ vīra kāryaṃ te kālātītam ariṃdama

Let this be done — the search for Rāghava's Vaidehī. This task of yours, O hero, O subduer of foes, is already past its due hour.

हे वीर! हे शत्रुदमन! राघव की वैदेही की यह खोज अब की जाए; आपका यह कार्य तो अपने उचित समय से भी आगे निकल चुका है।

Verse 15

न च कालम् अतीतं ते निवेदयति कालवित् । त्वरमाणो ऽपि सन् प्राज्ञस् तव राजन् वशानुगः ॥

na ca kālam atītaṃ te nivedayati kālavit | tvaramāṇo 'pi san prājñas tava rājan vaśānugaḥ

And, knowing the time, he does not tell you that your time is overpast; though, even as a wise man who feels the urgency, he remains obedient to your will, O king.

हे राजन्! समय का ज्ञाता होकर भी राघव आपको यह नहीं कहता कि आपका समय बीत गया; वह बुद्धिमान स्वयं उतावला होते हुए भी आपके वश में चलता है।

Verse 16

कुलस्य केतुः स्फीतस्य दीर्घबन्धुश् च राघवः । अप्रमेयप्रभावश् च स्वयं चाप्रतिमो गुणैः ॥

kulasya ketuḥ sphītasya dīrghabandhuś ca rāghavaḥ | aprameyaprabhāvaś ca svayaṃ cāpratimo guṇaiḥ

Rāghava is the banner of a flourishing line and a steadfast ally, of immeasurable power, and himself matchless in his virtues.

राघव एक समृद्ध कुल की ध्वजा है और दृढ़ मित्र है, अपरिमेय प्रभाव वाला है, और स्वयं अपने गुणों में अनुपम है।

Verse 17

तस्य त्वं कुरु वै कार्यं पूर्वं तेन कृतं तव । हरीश्वर हरिश्रेष्ठान् आज्ञापयितुम् अर्हसि ॥

tasya tvaṃ kuru vai kāryaṃ pūrvaṃ tena kṛtaṃ tava | harīśvara hariśreṣṭhān ājñāpayitum arhasi

Do you indeed perform his task, since he first performed yours. O lord of the monkeys, you ought now to command the foremost of the monkeys.

उसने पहले आपका कार्य किया; अब आप उसका कार्य कीजिए। हे वानरेश्वर! आपको श्रेष्ठ वानरों को आज्ञा देनी चाहिए।

Verse 18

न हि तावद् भवेत् कालो व्यतीतश् चोदनाद् ऋते । चोदितस्य हि कार्यस्य भवेत् कालव्यतिक्रमः ॥

na hi tāvad bhavet kālo vyatītaś codanād ṛte | coditasya hi kāryasya bhavet kālavyatikramaḥ

For in truth the time is not reckoned past until a summons is given; only of a task once enjoined can there be a transgression of its time.

जब तक आज्ञा न दी जाए, तब तक समय बीता हुआ नहीं माना जाता; जो कार्य आदिष्ट कर दिया गया हो, उसी के समय का उल्लंघन होता है।

Verse 19

अकर्तुर् अपि कार्यस्य भवान् कर्ता हरीश्वर । किं पुनः प्रतिकर्तुस् ते राज्येन च धनेन च ॥

akartur api kāryasya bhavān kartā harīśvara | kiṃ punaḥ pratikartus te rājyena ca dhanena ca

O lord of the monkeys, you would act even in a cause not your own; how much more in one that repays a kindness, now that through it you have gained kingdom and wealth.

हे वानरेश्वर! आप तो अपने न होने वाले कार्य के भी कर्ता हैं; फिर उस कार्य की तो बात ही क्या, जो उपकार का बदला चुकाता है और जिससे आपने राज्य और धन पाया है।

Verse 20

शक्तिमान् असि विक्रान्तो वानरर्ष्क गणेश्वर । कर्तुं दाशरथेः प्रीतिम् आज्ञायां किं नु सज्जसे ॥

śaktimān asi vikrānto vānararṣka gaṇeśvara | kartuṃ dāśaratheḥ prītim ājñāyāṃ kiṃ nu sajjase

You are mighty and valorous, O lord of the hosts of monkeys and bears; in doing the pleasure of Daśaratha's son, why then do you tarry over his bidding?

हे वानरों और रीछों के समूहों के स्वामी! आप शक्तिमान और पराक्रमी हैं; दशरथपुत्र का प्रिय करने में, उनकी आज्ञा पालन में आप भला क्यों विलम्ब कर रहे हैं?

Verse 21

कामं खलु शरैर् शक्तः सुरासुरमहोरगान् । वशे दाशरथिः कर्तुं त्वत्प्रतिज्ञां तु काङ्क्षते ॥

kāmaṃ khalu śarair śaktaḥ surāsuramahoragān | vaśe dāśarathiḥ kartuṃ tvatpratijñāṃ tu kāṅkṣate

Truly, though Daśaratha's son is able with his arrows to bring under his sway gods, asuras, and the great serpents, yet he awaits the fulfillment of your pledge.

यद्यपि दशरथपुत्र अपने बाणों से देवताओं, असुरों और महानागों को वश में करने में समर्थ हैं, तथापि वे आपकी प्रतिज्ञा की पूर्ति की प्रतीक्षा कर रहे हैं।

Verse 22

प्राणत्यागाविशङ्केन कृतं तेन तव प्रियम् । तस्य मार्गाम वैदेहीं पृथिव्याम् अपि चाम्बरे ॥

prāṇatyāgāviśaṅkena kṛtaṃ tena tava priyam | tasya mārgāma vaidehīṃ pṛthivyām api cāmbare

Reckless of the loss of his very life, he did you a good office; let us then seek out Vaidehī for him, upon the earth and in the sky.

प्राणों के त्याग की चिन्ता न करते हुए उन्होंने आपका प्रिय किया; अतः आइए, हम उनके लिए वैदेही को पृथ्वी पर और आकाश में भी ढूँढें।

Verse 23

न देवा न च गन्धर्वा नासुरा न मरुद्गणाः । न च यक्षा भयं तस्य कुर्युः किम् उत राक्षसाः ॥

na devā na ca gandharvā nāsurā na marudgaṇāḥ | na ca yakṣā bhayaṃ tasya kuryuḥ kim uta rākṣasāḥ

Neither gods nor gandharvas, neither asuras nor the hosts of the Maruts, nor the yakṣas could strike fear into him — how much less the rākṣasas?

न देवता, न गन्धर्व, न असुर, न मरुद्गण, और न यक्ष ही उन्हें भयभीत कर सकते हैं — फिर राक्षसों की तो बात ही क्या?

Verse 24

तद् एवं शक्तियुक्तस्य पूर्वं प्रियकृतस् तथा । रामस्यार्हसि पिङ्गेश कर्तुं सर्वात्मना प्रियम् ॥

tad evaṃ śaktiyuktasya pūrvaṃ priyakṛtas tathā | rāmasyārhasi piṅgeśa kartuṃ sarvātmanā priyam

Therefore, O lord of the tawny ones, to Rāma, so endowed with might and the former doer of your good, you ought with all your soul to render service.

इसलिए हे वानरेश्वर! इस प्रकार शक्ति से युक्त और पहले आपका प्रिय करने वाले राम का आपको सम्पूर्ण हृदय से प्रिय करना चाहिए।

Verse 25

नाधस्ताद् अवनौ नाप्सु गतिर् नोपरि चाम्बरे । कस्य चित् सज्जते ऽस्माकं कपीश्वर तवाज्ञया ॥

nādhastād avanau nāpsu gatir nopari cāmbare | kasya cit sajjate 'smākaṃ kapīśvara tavājñayā

There is no path below upon the earth, nor in the waters, nor above in the sky that is barred to any of us, O lord of the monkeys, at your command.

हे कपीश्वर! आपकी आज्ञा से हममें से किसी की गति न नीचे पृथ्वी पर, न जल में, और न ऊपर आकाश में ही कहीं रुकती है।

Verse 26

तद् आज्ञापय कः किं ते कृते वसतु कुत्र चित् । हरयो ह्य् अप्रधृष्यास् ते सन्ति कोट्यग्रतो ऽनघ ॥

tad ājñāpaya kaḥ kiṃ te kṛte vasatu kutra cit | harayo hy apradhṛṣyās te santi koṭyagrato 'nagha

Therefore give command: who is to do what, and where he is to be stationed. For yours, O sinless one, are unassailable monkeys, numbering more than a crore.

इसलिए आज्ञा दीजिए — कौन आपके लिए क्या करे और कहाँ ठहरे? हे निष्पाप! आपके पास तो एक करोड़ से भी अधिक अजेय वानर विद्यमान हैं।

Verse 27

तस्य तद्वचनं श्रुत्वा काले साधुनिवेदितम् । सुग्रीवः सत्त्वसंपन्नश् चकार मतिम् उत्तमाम् ॥

tasya tadvacanaṃ śrutvā kāle sādhuniveditam | sugrīvaḥ sattvasaṃpannaś cakāra matim uttamām

Hearing that speech of his, well spoken in season, Sugrīva, endowed with resolve, formed the best of resolutions.

समय पर भली भाँति कहे गए उसके उस वचन को सुनकर सत्त्वसम्पन्न सुग्रीव ने उत्तम निश्चय किया।

Verse 28

स संदिदेशाभिमतं नीलं नित्यकृतोद्यमम् । दिक्षु सर्वासु सर्वेषां सैन्यानाम् उपसंग्रहे ॥

sa saṃdideśābhimataṃ nīlaṃ nityakṛtodyamam | dikṣu sarvāsu sarveṣāṃ sainyānām upasaṃgrahe

He charged Nīla, ever diligent in effort, to muster all the armies in all the quarters:

उसने सदा उद्यमशील अपने प्रिय नील को सब दिशाओं में सब सेनाओं को एकत्र करने का आदेश दिया —

Verse 29

यथा सेना समग्रा मे यूथपालाश् च सर्वशः । समागच्छन्त्य् असंगेन सेनाग्राणि तथा कुरु ॥

yathā senā samagrā me yūthapālāś ca sarvaśaḥ | samāgacchanty asaṃgena senāgrāṇi tathā kuru

So order the vanguards of the host that my whole army and all the troop-leaders may assemble without hindrance.

ऐसी व्यवस्था करो कि मेरी समग्र सेना और सभी यूथपति बिना किसी रुकावट के एकत्र हो जाएँ; वैसे ही सेना के अग्रिम दलों की व्यवस्था करो।

Verse 30

ये त्व् अन्तपालाः प्लवगाः शीघ्रगा व्यवसायिनः । समानयन्तु ते सैन्यं त्वरिताः शासनान् मम । स्वयं चानन्तरं सैन्यं भवान् एवानुपश्यतु ॥

ye tv antapālāḥ plavagāḥ śīghragā vyavasāyinaḥ | samānayantu te sainyaṃ tvaritāḥ śāsanān mama | svayaṃ cānantaraṃ sainyaṃ bhavān evānupaśyatu

Let those swift-going, resolute monkeys who are the wardens of the frontiers bring in the army in haste at my command; and do you yourself thereafter oversee the host.

जो शीघ्रगामी और उद्यमी वानर सीमाओं के रक्षक हैं, वे मेरी आज्ञा से उतावली से सेना को एकत्र करके ले आएँ; और उसके पश्चात् तुम स्वयं सेना का निरीक्षण करो।

Verse 31

त्रिपञ्चरात्राद् ऊर्ध्वं यः प्राप्नुयान् नेह वानरः । तस्य प्राणान्तिको दण्डो नात्र कार्या विचारणा ॥

tripañcarātrād ūrdhvaṃ yaḥ prāpnuyān neha vānaraḥ | tasya prāṇāntiko daṇḍo nātra kāryā vicāraṇā

Whatever monkey arrives here beyond thrice five nights, for him the penalty is death — herein let there be no deliberation.

जो वानर पन्द्रह रातों (तीन पाँच रातों) के बाद यहाँ पहुँचे, उसके लिए प्राणदण्ड है — इसमें कोई विचार न किया जाए।

Verse 32

हरींश् च वृद्धान् उपयातु साङ्गदो; भवान् ममाज्ञाम् अधिकृत्य निश्चिताम् । इति व्यवस्थां हरिपुंगवेश्वरो; विधाय वेश्म प्रविवेश वीर्यवान् ॥

harīṃś ca vṛddhān upayātu sāṅgado; bhavān mamājñām adhikṛtya niścitām | iti vyavasthāṃ haripuṃgaveśvaro; vidhāya veśma praviveśa vīryavān

And let your lordship, together with Aṅgada, go to the elder monkeys, holding fast to my firm command. Having thus laid down the ordinance, the valorous lord of the bulls among monkeys entered his palace.

और आप अङ्गद के साथ वृद्ध वानरों के पास जाइए, मेरी इस निश्चित आज्ञा को शिरोधार्य करके। इस प्रकार व्यवस्था देकर पराक्रमी वानरश्रेष्ठों का स्वामी अपने भवन में प्रविष्ट हो गया।