Sarga 95

Verse 1

रामस्य वचनं श्रुत्वा भरतः प्रत्युवाच ह । किं मे धर्माद् विहीनस्य राजधर्मः करिष्यति ॥

rāmasya vacanaṃ śrutvā bharataḥ pratyuvāca ha | kiṃ me dharmād vihīnasya rājadharmaḥ kariṣyati

Having heard Rāma's words, Bharata replied: "What will the duties of kingship do for me, who am bereft of the right to them?

राम के वचन सुनकर भरत ने उत्तर दिया — "राज्य के अधिकार से रहित मुझ-जैसे के लिए राजधर्म भला क्या करेगा?"

Verse 2

शाश्वतो ऽयं सदा धर्मः स्थितो ऽस्मासु नरर्षभ । ज्येष्ठ पुत्रे स्थिते राजन् न कनीयान् भवेन् नृपः ॥

śāśvato 'yaṃ sadā dharmaḥ sthito 'smāsu nararṣabha | jyeṣṭha putre sthite rājan na kanīyān bhaven nṛpaḥ

This is the eternal dharma, ever established among us, O bull among men: while the eldest son lives, O king, the younger may not be king.

"हे नरश्रेष्ठ! हमारे कुल में यह शाश्वत धर्म सदा से स्थित है, हे राजन्! कि ज्येष्ठ पुत्र के रहते छोटा राजा नहीं हो सकता।"

Verse 3

स समृद्धां मया सार्धम् अयोध्यां गच्छ राघव । अभिषेचय चात्मानं कुलस्यास्य भवाय नः ॥

sa samṛddhāṃ mayā sārdham ayodhyāṃ gaccha rāghava | abhiṣecaya cātmānaṃ kulasyāsya bhavāya naḥ

Come with me to prosperous Ayodhyā, O Rāghava, and consecrate yourself, for the welfare of this our line.

"हे राघव! अतः आप मेरे साथ समृद्ध अयोध्या चलें, और हमारे इस कुल के कल्याण के लिए अपना अभिषेक कराएँ।"

Verse 4

राजानं मानुषं प्राहुर् देवत्वे संमतो मम । यस्य धर्मार्थसहितं वृत्तम् आहुर् अमानुषम् ॥

rājānaṃ mānuṣaṃ prāhur devatve saṃmato mama | yasya dharmārthasahitaṃ vṛttam āhur amānuṣam

They call a king a man; but in my view he is held of divine nature, whose conduct, joined with dharma and artha, they call superhuman.

"राजा को (लोग) मनुष्य कहते हैं; पर मेरे विचार में तो वह दिव्य स्वरूप माना जाता है, जिसका आचरण धर्म और अर्थ से युक्त, मनुष्य से परे (अलौकिक) कहा जाता है।"

Verse 5

केकयस्थे च मयि तु त्वयि चारण्यम् आश्रिते । दिवम् आर्य गतो राजा यायजूकः सतां मतः ॥

kekayasthe ca mayi tu tvayi cāraṇyam āśrite | divam ārya gato rājā yāyajūkaḥ satāṃ mataḥ

While I was in the land of the Kekayas and you were dwelling in the forest, the king — a performer of many sacrifices, esteemed by the good — has gone to heaven, O noble one."

"हे आर्य! जब मैं केकय देश में था और आप वन में निवास कर रहे थे, तब सत्पुरुषों द्वारा सम्मानित, अनेक यज्ञ करने वाले राजा स्वर्ग सिधार गए।"

Verse 6

उत्तिष्ठ पुरुषव्याघ्र क्रियताम् उदकं पितुः । अहं चायं च शत्रुघ्नः पूर्वम् एव कृतोदकौ ॥

uttiṣṭha puruṣavyāghra kriyatām udakaṃ pituḥ | ahaṃ cāyaṃ ca śatrughnaḥ pūrvam eva kṛtodakau

"Rise, O tiger among men; let the water-offering be made for our father. I and this Śatrughna have already made ours.

"हे नरश्रेष्ठ! उठिए, पिता के लिए जलांजलि दीजिए; मैंने और इन शत्रुघ्न ने तो पहले ही जलदान कर लिया है।"

Verse 7

प्रियेण किल दत्तं हि पितृलोकेषु राघव । अक्षय्यं भवतीत्य् आहुर् भवांश् चैव पितुः प्रियः ॥

priyeṇa kila dattaṃ hi pitṛlokeṣu rāghava | akṣayyaṃ bhavatīty āhur bhavāṃś caiva pituḥ priyaḥ

For what is given with love, they say, becomes imperishable in the ancestors' worlds, O Rāghava; and you are dear to our father."

"हे राघव! कहते हैं कि प्रेम से दिया हुआ (जल) पितृलोकों में अक्षय हो जाता है; और आप तो पिता के परम प्रिय हैं।"

Verse 8

तां श्रुत्वा करुणां वाचं पितुर् मरणसंहिताम् । राघवो भरतेनोक्तां बभूव गतचेतनः ॥

tāṃ śrutvā karuṇāṃ vācaṃ pitur maraṇasaṃhitām | rāghavo bharatenoktāṃ babhūva gatacetanaḥ

Hearing that piteous speech, touching his father's death, spoken by Bharata, Rāghava became bereft of consciousness.

भरत द्वारा कही गई पिता की मृत्यु से सम्बद्ध उस करुण वाणी को सुनकर राघव अचेत हो गए।

Verse 9

वाग्वज्रं भरतेनोक्तम् अमनोज्ञं परंतपः । प्रगृह्य बाहू रामो वै पुष्पिताग्रो यथा द्रुमः । वने परशुना कृत्तस् तथा भुवि पपात ह ॥

vāgvajraṃ bharatenoktam amanojñaṃ paraṃtapaḥ | pragṛhya bāhū rāmo vai puṣpitāgro yathā drumaḥ | vane paraśunā kṛttas tathā bhuvi papāta ha

At that word — a thunderbolt of speech, unwelcome, spoken by Bharata — Rāma, the scorcher of foes, having raised his arms, fell to the ground like a flower-crowned tree felled by the axe in the forest.

भरत द्वारा कहे गए उस अप्रिय वज्र-जैसे वचन से शत्रुओं को संतप्त करने वाले राम दोनों भुजाएँ ऊपर उठाकर वैसे ही भूमि पर गिर पड़े, जैसे वन में कुल्हाड़ी से काटा हुआ फूलों से लदा वृक्ष गिरता है।

Verse 10

तथा हि पतितं रामं जगत्यां जगतीपतिम् । कूलघातपरिश्रान्तं प्रसुप्तम् इव कुञ्जरम् ॥

tathā hi patitaṃ rāmaṃ jagatyāṃ jagatīpatim | kūlaghātapariśrāntaṃ prasuptam iva kuñjaram

At Rāma so fallen upon the earth — the lord of the earth, like an elephant worn out with battering a riverbank and lying asleep —

इस प्रकार पृथ्वी पर गिरे हुए पृथ्वीपति राम को, जो किनारे को तोड़ते-तोड़ते थककर सोए हुए हाथी के समान थे —

Verse 11

भ्रातरस् ते महेष्वासं सर्वतः शोककर्शितम् । रुदन्तः सह वैदेह्या सिषिचुः सलिलेन वै ॥

bhrātaras te maheṣvāsaṃ sarvataḥ śokakarśitam | rudantaḥ saha vaidehyā siṣicuḥ salilena vai

his brothers, those great archers, worn utterly with grief, weeping together with Vaidehī, sprinkled him with water.

उनके वे महाधनुर्धर भाई, सब ओर से शोक से क्षीण होकर, वैदेही सहित रोते हुए जल से सींचने लगे।

Verse 12

स तु संज्ञां पुनर् लब्ध्वा नेत्राभ्याम् आस्रम् उत्सृजन् । उपाक्रामत काकुत्स्थः कृपणं बहुभाषितुम् ॥

sa tu saṃjñāṃ punar labdhvā netrābhyām āsram utsṛjan | upākrāmata kākutsthaḥ kṛpaṇaṃ bahubhāṣitum

But he, regaining his senses, shedding tears from both eyes, Kākutstha began piteously to speak much:

किन्तु वे काकुत्स्थ राम फिर से होश में आकर, दोनों नेत्रों से आँसू बहाते हुए, करुण स्वर में बहुत कुछ कहने लगे —

Verse 13

किं नु तस्य मया कार्यं दुर्जातेन महात्मना । यो मृतो मम शोकेन न मया चापि संस्कृतः ॥

kiṃ nu tasya mayā kāryaṃ durjātena mahātmanā | yo mṛto mama śokena na mayā cāpi saṃskṛtaḥ

"What now must I do for him, that great soul so ill-fated in death, who has died of grief for me, and whom I did not even bring to the rites?

"उन महात्मा के लिए अब मैं क्या करूँ, जो इतने अभागे मरण को प्राप्त हुए, जो मेरे शोक से मर गए और जिनका मैंने संस्कार तक नहीं किया?"

Verse 14

अहो भरत सिद्धार्थो येन राजा त्वयानघ । शत्रुघेण च सर्वेषु प्रेतकृत्येषु सत्कृतः ॥

aho bharata siddhārtho yena rājā tvayānagha | śatrugheṇa ca sarveṣu pretakṛtyeṣu satkṛtaḥ

Ah, Bharata, you are one whose purpose is fulfilled, by whom, O sinless one, together with Śatrughna, the king has been honored in all the funeral rites.

"अहो भरत! तुम कृतार्थ हो, हे निष्पाप! जिसने शत्रुघ्न सहित सब प्रेतकृत्यों में राजा का सत्कार किया।"

Verse 15

निष्प्रधानाम् अनेकाग्रं नरेन्द्रेण विनाकृताम् । निवृत्तवनवासो ऽपि नायोध्यां गन्तुम् उत्सहे ॥

niṣpradhānām anekāgraṃ narendreṇa vinākṛtām | nivṛttavanavāso 'pi nāyodhyāṃ gantum utsahe

Though my forest-dwelling is ended, I have no heart to go to Ayodhyā — bereft of its chief, no longer single-minded, robbed of the lord of men.

"मेरा वनवास समाप्त हो जाने पर भी, प्रधान (राजा) से रहित, एकाग्रता खो चुकी, नरेन्द्र से वंचित उस अयोध्या को जाने का मेरा मन नहीं करता।"

Verse 16

समाप्तवनवासं माम् अयोध्यायां परंतप । को नु शासिष्यति पुनस् ताते लोकान्तरं गते ॥

samāptavanavāsaṃ mām ayodhyāyāṃ paraṃtapa | ko nu śāsiṣyati punas tāte lokāntaraṃ gate

When my exile is completed, O scorcher of foes, who now will guide me in Ayodhyā, now that our father has gone to the other world?

"हे शत्रुसूदन! मेरा वनवास पूरा हो जाने पर अब अयोध्या में, पिता के परलोकगमन के बाद, भला मुझे कौन शिक्षा (मार्गदर्शन) देगा?"

Verse 17

पुरा प्रेक्ष्य सुवृत्तं मां पिता यान्य् आह सान्त्वयन् । वाक्यानि तानि श्रोष्यामि कुतः कर्णसुखान्य् अहम् ॥

purā prekṣya suvṛttaṃ māṃ pitā yāny āha sāntvayan | vākyāni tāni śroṣyāmi kutaḥ karṇasukhāny aham

Those words my father spoke of old, consoling me, beholding my good conduct — whence now shall I hear them, sweet to the ear?"

"पहले मेरे सदाचार को देखकर पिता जो सान्त्वना के वचन कहते थे, कानों को सुखद वे वचन अब मैं कहाँ सुनूँगा?"

Verse 18

एवम् उक्त्वा स भरतं भार्याम् अभ्येत्य राघवः । उवाच शोकसंतप्तः पूर्णचन्द्रनिभाननाम् ॥

evam uktvā sa bharataṃ bhāryām abhyetya rāghavaḥ | uvāca śokasaṃtaptaḥ pūrṇacandranibhānanām

Having spoken thus to Bharata, Rāghava, scorched with grief, came to his wife, whose face was like the full moon, and said:

भरत से ऐसा कहकर शोक से संतप्त राघव अपनी पत्नी के पास आकर, पूर्ण चन्द्रमा के समान मुख वाली उस (सीता) से बोले —

Verse 19

सीते मृतस् ते श्वशुरः पित्रा हीनो ऽसि लक्ष्मण । भरतो दुःखम् आचष्टे स्वर्गतं पृथिवीपतिम् ॥

sīte mṛtas te śvaśuraḥ pitrā hīno 'si lakṣmaṇa | bharato duḥkham ācaṣṭe svargataṃ pṛthivīpatim

"Sītā, your father-in-law is dead; you, Lakṣmaṇa, are bereft of a father; Bharata brings the sorrowful word — the lord of the earth has gone to heaven."

"हे सीते! तुम्हारे श्वशुर का देहान्त हो गया; हे लक्ष्मण! तुम पिता से वंचित हो गए; भरत यह दुःखद समाचार सुना रहे हैं — पृथ्वीपति स्वर्ग सिधार गए।"

Verse 20

सान्त्वयित्वा तु तां रामो रुदन्तीं जनकात्मजाम् । उवाच लक्ष्मणं तत्र दुःखितो दुःखितं वचः ॥

sāntvayitvā tu tāṃ rāmo rudantīṃ janakātmajām | uvāca lakṣmaṇaṃ tatra duḥkhito duḥkhitaṃ vacaḥ

Having consoled her, Janaka's weeping daughter, Rāma there spoke to Lakṣmaṇa — himself grieving — these grieving words:

रोती हुई जनककुमारी सीता को सान्त्वना देकर, वहाँ दुखी राम ने दुखी लक्ष्मण से यह वचन कहा —

Verse 21

आनयेङ्गुदिपिण्याकं चीरम् आहर चोत्तरम् । जलक्रियार्थं तातस्य गमिष्यामि महात्मनः ॥

ānayeṅgudipiṇyākaṃ cīram āhara cottaram | jalakriyārthaṃ tātasya gamiṣyāmi mahātmanaḥ

"Bring the ingudi-paste, and fetch the bark upper-garment; I shall go for the water-rite of our great-souled father.

"इंगुदी की लुगदी (पिण्याक) ले आओ, और वल्कल का उत्तरीय लाओ; मैं महात्मा पिता की जलक्रिया के लिए जाऊँगा।"

Verse 22

सीता पुरस्ताद् व्रजतु त्वम् एनाम् अभितो व्रज । अहं पश्चाद् गमिष्यामि गतिर् ह्य् एषा सुदारुणा ॥

sītā purastād vrajatu tvam enām abhito vraja | ahaṃ paścād gamiṣyāmi gatir hy eṣā sudāruṇā

Let Sītā go in front; you walk close beside her; I shall go behind — for this path of mourning is most grievous."

"सीता आगे चलें, तुम इनके पास-पास चलो; मैं पीछे जाऊँगा — क्योंकि यह (शोक का) मार्ग अत्यन्त कठोर है।"

Verse 23

ततो नित्यानुगस् तेषां विदितात्मा महामतिः । मृदुर् दान्तश् च शान्तश् च रामे च दृढ भक्तिमान् ॥

tato nityānugas teṣāṃ viditātmā mahāmatiḥ | mṛdur dāntaś ca śāntaś ca rāme ca dṛḍha bhaktimān

Then their ever-attendant, high-minded Sumantra — gentle, controlled, calm, and firmly devoted to Rāma, of self-possessed soul —

फिर उनके सदा साथ रहने वाले, आत्मज्ञानी, महाबुद्धिमान, कोमल, संयमी और शान्त, राम में दृढ़ भक्ति रखने वाले —

Verse 24

सुमन्त्रस् तैर् नृपसुतैः सार्धम् आश्वास्य राघवम् । अवातारयद् आलम्ब्य नदीं मन्दाकिनीं शिवाम् ॥

sumantras tair nṛpasutaiḥ sārdham āśvāsya rāghavam | avātārayad ālambya nadīṃ mandākinīṃ śivām

having consoled Rāghava along with those princes, led them down, supporting them, to the auspicious river Mandākinī.

सुमन्त्र ने उन राजकुमारों सहित राघव को सान्त्वना देकर, सहारा देकर, उन्हें मंगलमयी मन्दाकिनी नदी तक उतारा।

Verse 25

ते सुतीर्थां ततः कृच्छ्राद् उपागम्य यशस्विनः । नदीं मन्दाकिनीं रम्यां सदा पुष्पितकाननाम् ॥

te sutīrthāṃ tataḥ kṛcchrād upāgamya yaśasvinaḥ | nadīṃ mandākinīṃ ramyāṃ sadā puṣpitakānanām

Then those illustrious ones, coming with difficulty to a fair ford of the lovely Mandākinī, its groves ever in blossom,

फिर वे यशस्वी कठिनाई से सुन्दर घाट वाली, सदा पुष्पित काननों वाली रमणीय मन्दाकिनी नदी के पास पहुँचकर —

Verse 26

शीघ्रस्रोतसम् आसाद्य तीर्थं शिवम् अकर्दमम् । सिषिचुस् तूदकं राज्ञे तत एतद् भवत्व् इति ॥

śīghrasrotasam āsādya tīrthaṃ śivam akardamam | siṣicus tūdakaṃ rājñe tata etad bhavatv iti

reaching the swift-flowing stream at an auspicious, mud-free ford, poured out the water for the king, saying, "Let this be for you."

तीव्र धारा वाले, मंगलमय, कीचड़रहित घाट पर पहुँचकर राजा के लिए जल सींचते हुए बोले — "यह आपको प्राप्त हो।"

Verse 27

प्रगृह्य च महीपालो जलपूरितम् अञ्जलिम् । दिशं याम्याम् अभिमुखो रुदन् वचनम् अब्रवीत् ॥

pragṛhya ca mahīpālo jalapūritam añjalim | diśaṃ yāmyām abhimukho rudan vacanam abravīt

And the lord of the earth, taking up a cupped handful filled with water, facing the southern (Yama's) quarter, weeping, spoke these words:

और पृथ्वीपति राम जल से भरी अंजलि लेकर, दक्षिण (यम की) दिशा की ओर मुख किए, रोते हुए यह वचन बोले —

Verse 28

एतत् ते राजशार्दूल विमलं तोयम् अक्षयम् । पितृलोकगतस्याद्य मद्दत्तम् उपतिष्ठतु ॥

etat te rājaśārdūla vimalaṃ toyam akṣayam | pitṛlokagatasyādya maddattam upatiṣṭhatu

"This clear, imperishable water, O tiger among kings, offered by me today, may it reach you, now gone to the ancestors' world."

"हे राजसिंह! मेरे द्वारा आज दिया हुआ यह निर्मल, अक्षय जल पितृलोक को गए हुए आपको प्राप्त हो।"

Verse 29

ततो मन्दाकिनी तीरात् प्रत्युत्तीर्य स राघवः । पितुश् चकार तेजस्वी निवापं भ्रातृभिः सह ॥

tato mandākinī tīrāt pratyuttīrya sa rāghavaḥ | pituś cakāra tejasvī nivāpaṃ bhrātṛbhiḥ saha

Then, coming up again from the bank of the Mandākinī, the splendid Rāghava made the offering for his father, together with his brothers.

फिर मन्दाकिनी के तट से ऊपर आकर तेजस्वी राघव ने भाइयों सहित पिता के लिए पिण्डदान (निवाप) किया।

Verse 30

ऐङ्गुदं बदरीमिश्रं पिण्याकं दर्भसंस्तरे । न्यस्य रामः सुदुःखार्तो रुदन् वचनम् अब्रवीत् ॥

aiṅgudaṃ badarīmiśraṃ piṇyākaṃ darbhasaṃstare | nyasya rāmaḥ suduḥkhārto rudan vacanam abravīt

Laying upon the darbha-spread the ingudi-paste mixed with jujube, Rāma, sore stricken with grief, weeping, spoke these words:

दर्भ के बिछौने पर बेर मिली इंगुदी की लुगदी (पिण्याक) रखकर अत्यन्त दुःख से व्याकुल राम रोते हुए यह वचन बोले —

Verse 31

इदं भुङ्क्ष्व महाराजप्रीतो यद् अशना वयम् । यदन्नः पुरुषो भवति तदन्नास् तस्य देवताः ॥

idaṃ bhuṅkṣva mahārājaprīto yad aśanā vayam | yadannaḥ puruṣo bhavati tadannās tasya devatāḥ

"Partake of this, O great king, and be pleased with that whereon we feed; for of whatever food a man partakes, of that same food are his deities (the manes)."

"हे महाराज! जो हम खाते हैं, उसी को आप प्रसन्न होकर ग्रहण कीजिए; क्योंकि मनुष्य जिस अन्न का भोजन करता है, उसके देवता (पितर) भी उसी अन्न वाले होते हैं।"

Verse 32

ततस् तेनैव मार्गेण प्रत्युत्तीर्य नदीतटात् । आरुरोह नरव्याघ्रो रम्यसानुं महीधरम् ॥

tatas tenaiva mārgeṇa pratyuttīrya nadītaṭāt | āruroha naravyāghro ramyasānuṃ mahīdharam

Then by that same path, coming up again from the river-bank, the tiger among men climbed the mountain with its lovely slopes.

फिर उसी मार्ग से नदीतट से ऊपर आकर नरश्रेष्ठ राम रमणीय ढलानों वाले उस पर्वत पर चढ़े।

Verse 33

ततः पर्णकुटीद्वारम् आसाद्य जगतीपतिः । परिजग्राह पाणिभ्याम् उभौ भरतलक्ष्मणौ ॥

tataḥ parṇakuṭīdvāram āsādya jagatīpatiḥ | parijagrāha pāṇibhyām ubhau bharatalakṣmaṇau

Then, reaching the door of the leaf-hut, the lord of the earth clasped in both his arms the two, Bharata and Lakṣmaṇa.

फिर पर्णकुटी के द्वार पर पहुँचकर पृथ्वीपति राम ने दोनों — भरत और लक्ष्मण — को अपनी दोनों भुजाओं में भर लिया।

Verse 34

तेषां तु रुदतां शब्दात् प्रतिश्रुत्काभवद् गिरौ । भ्रातॄणां सह वैदेह्या सिंहानां नर्दताम् इव ॥

teṣāṃ tu rudatāṃ śabdāt pratiśrutkābhavad girau | bhrātṝṇāṃ saha vaidehyā siṃhānāṃ nardatām iva

From the sound of their weeping — the brothers' together with Vaidehī's — there arose an echo in the mountain, as of roaring lions.

वैदेही सहित उन भाइयों के रोने के शब्द से पर्वत में वैसी ही प्रतिध्वनि गूँज उठी, जैसी गरजते हुए सिंहों से होती है।

Verse 35

विज्ञाय तुमुलं शब्दं त्रस्ता भरतसैनिकाः । अब्रुवंश् चापि रामेण भरतः संगतो ध्रुवम् । तेषाम् एव महाञ् शब्दः शोचतां पितरं मृतम् ॥

vijñāya tumulaṃ śabdaṃ trastā bharatasainikāḥ | abruvaṃś cāpi rāmeṇa bharataḥ saṃgato dhruvam | teṣām eva mahāñ śabdaḥ śocatāṃ pitaraṃ mṛtam

Hearing that tumultuous sound, Bharata's soldiers were struck with fear and said, "Surely Bharata has met with Rāma; this great sound is of them, grieving for their dead father."

उस तुमुल शब्द को सुनकर भरत के सैनिक भयभीत हो गए और कहने लगे — "निश्चय ही भरत राम से मिल गए; यह महान शब्द उन्हीं का है, जो अपने मृत पिता के लिए शोक कर रहे हैं।"

Verse 36

अथ वासान् परित्यज्य तं सर्वे ऽभिमुखाः स्वनम् । अप्य् एक मनसो जग्मुर् यथास्थानं प्रधाविताः ॥

atha vāsān parityajya taṃ sarve 'bhimukhāḥ svanam | apy eka manaso jagmur yathāsthānaṃ pradhāvitāḥ

Then, abandoning their quarters, all of them, turned toward that sound, went as if of one mind, each hastening from his place.

फिर अपने डेरे छोड़कर वे सब उस शब्द की ओर मुख किए, मानो एकचित्त होकर, अपने-अपने स्थान से दौड़ पड़े।

Verse 37

हयैर् अन्ये गजैर् अन्ये रथैर् अन्ये स्वलंकृतैः । सुकुमारास् तथैवान्ये पद्भिर् एव नरा ययुः ॥

hayair anye gajair anye rathair anye svalaṃkṛtaiḥ | sukumārās tathaivānye padbhir eva narā yayuḥ

Some by horses, some by elephants, some by well-adorned chariots, and others — the delicate ones — the men went on foot alone.

कुछ घोड़ों से, कुछ हाथियों से, कुछ भली-भाँति सजे रथों से, और इसी प्रकार दूसरे सुकुमार लोग पैदल ही चल पड़े।

Verse 38

अचिरप्रोषितं रामं चिरविप्रोषितं यथा । द्रष्टुकामो जनः सर्वो जगाम सहसाश्रमम् ॥

aciraproṣitaṃ rāmaṃ ciraviproṣitaṃ yathā | draṣṭukāmo janaḥ sarvo jagāma sahasāśramam

All the people, longing to see Rāma — but a short while gone, yet as though long absent — went at once to the hermitage.

थोड़ी ही देर पहले गए राम को मानो चिरकाल से बिछुड़े हुए की तरह देखने की इच्छा से सब लोग तुरन्त आश्रम की ओर चल पड़े।

Verse 39

भ्रातॄणां त्वरितास् ते तु द्रष्टुकामाः समागमम् । ययुर् बहुविधैर् यानैः खुरनेमिसमाकुलैः ॥

bhrātṝṇāṃ tvaritās te tu draṣṭukāmāḥ samāgamam | yayur bahuvidhair yānaiḥ khuranemisamākulaiḥ

Eager to behold the brothers' meeting, they hastened in vehicles of many kinds, thick with the din of hooves and wheel-rims.

भाइयों के मिलन को देखने के इच्छुक वे लोग खुरों और पहियों की गड़गड़ाहट से भरे नाना प्रकार के वाहनों से शीघ्रता से चले।

Verse 40

सा भूमिर् बहुभिर् यानैः खुरनेमिसमाहता । मुमोच तुमुलं शब्दं द्यौर् इवाभ्रसमागमे ॥

sā bhūmir bahubhir yānaiḥ khuranemisamāhatā | mumoca tumulaṃ śabdaṃ dyaur ivābhrasamāgame

That ground, struck by the many vehicles' hooves and wheel-rims, let forth a tumultuous sound, as the sky does at the gathering of clouds.

बहुत-से वाहनों के खुरों और पहियों की धारों से आहत वह भूमि वैसा ही तुमुल शब्द छोड़ने लगी, जैसा मेघों के मिलन के समय आकाश।

Verse 41

तेन वित्रासिता नागाः करेणुपरिवारिताः । आवासयन्तो गन्धेन जग्मुर् अन्यद् वनं ततः ॥

tena vitrāsitā nāgāḥ kareṇuparivāritāḥ | āvāsayanto gandhena jagmur anyad vanaṃ tataḥ

Terrified by it, the elephants, surrounded by their cow-elephants, scenting the air with their fragrance, went thence to another wood.

उससे भयभीत होकर हथिनियों से घिरे हाथी अपनी गन्ध से (वन को) सुगन्धित करते हुए वहाँ से दूसरे वन को चले गए।

Verse 42

वराहमृगसिंहाश् च महिषाः सर्क्षवानराः । व्याघ्र गोकर्णगवया वित्रेषुः पृषतैः सह ॥

varāhamṛgasiṃhāś ca mahiṣāḥ sarkṣavānarāḥ | vyāghra gokarṇagavayā vitreṣuḥ pṛṣataiḥ saha

Boars, deer, and lions, buffaloes with bears and monkeys, tigers, gokarṇas, and gavayas took fright along with the spotted deer.

सूअर, हरिण और सिंह, भैंसे, भालू और वानर, व्याघ्र, गोकर्ण और गवय — चीतलों सहित भयभीत हो गए।

Verse 43

रथाङ्गसाह्वा नत्यूहा हंसाः कारण्डवाः प्लवाः । तथा पुंस्कोकिलाः क्रौञ्चा विसंज्ञा भेजिरे दिशः ॥

rathāṅgasāhvā natyūhā haṃsāḥ kāraṇḍavāḥ plavāḥ | tathā puṃskokilāḥ krauñcā visaṃjñā bhejire diśaḥ

The cakravākas (rathāṅga-named), the waterfowl, swans, karaṇḍavas, and coots, and likewise the cuckoos and curlews, bewildered, fled to every quarter.

चक्रवाक (रथांग-नामधारी), जलमुर्गे, हंस, कारण्डव और जलपक्षी, तथा नर कोयल और क्रौंच पक्षी — विकल होकर दिशाओं में भाग गए।

Verse 44

तेन शब्देन वित्रस्तैर् आकाशं पक्षिभिर् वृतम् । मनुष्यैर् आवृता भूमिर् उभयं प्रबभौ तदा ॥

tena śabdena vitrastair ākāśaṃ pakṣibhir vṛtam | manuṣyair āvṛtā bhūmir ubhayaṃ prababhau tadā

With birds terrified by that sound the sky was covered, and with men the earth; and both then shone resplendent.

उस शब्द से भयभीत पक्षियों से आकाश ढक गया, और मनुष्यों से भूमि — तब ये दोनों शोभायमान हो उठे।

Verse 45

तान् नरान् बाष्पपूर्णाक्षान् समीक्ष्याथ सुदुःखितान् । पर्यष्वजत धर्मज्ञः पितृवन् मातृवच् च सः ॥

tān narān bāṣpapūrṇākṣān samīkṣyātha suduḥkhitān | paryaṣvajata dharmajñaḥ pitṛvan mātṛvac ca saḥ

Seeing those men, their eyes brimming with tears and sore grieved, the knower of dharma embraced them, as a father and a mother would.

आँसुओं से भरे नेत्रों वाले, अत्यन्त दुखी उन मनुष्यों को देखकर धर्मज्ञ राम ने उन्हें पिता और माता के समान गले लगाया।

Verse 46

स तत्र कांश् चित् परिषस्वजे नरान्; नराश् च के चित् तु तम् अभ्यवादयन् । चकार सर्वान् सवयस्यबान्धवान्; यथार्हम् आसाद्य तदा नृपात्मजः ॥

sa tatra kāṃś cit pariṣasvaje narān; narāś ca ke cit tu tam abhyavādayan | cakāra sarvān savayasyabāndhavān; yathārham āsādya tadā nṛpātmajaḥ

There he embraced some of the men, and some of the men saluted him; and the prince, meeting them, treated them all, with their comrades and kinsmen, as each deserved.

वहाँ उन्होंने कुछ मनुष्यों को गले लगाया, और कुछ मनुष्यों ने उन्हें प्रणाम किया; तब उन राजकुमार ने मित्रों और बान्धवों सहित सबसे मिलकर यथायोग्य बर्ताव किया।

Verse 47

ततः स तेषां रुदतां महात्मनां; भुवं च खं चानुविनादयन् स्वनः । गुहा गिरीणां च दिशश् च संततं; मृदङ्गघोषप्रतिमो विशुश्रुवे ॥

tataḥ sa teṣāṃ rudatāṃ mahātmanāṃ; bhuvaṃ ca khaṃ cānuvinādayan svanaḥ | guhā girīṇāṃ ca diśaś ca saṃtataṃ; mṛdaṅgaghoṣapratimo viśuśruve

Then the sound of those great souls weeping, making earth and sky resound, re-echoing without cease through the caves of the mountains and the quarters, was heard like the roll of a mṛdaṅga drum.

फिर उन महात्माओं के रोने का वह शब्द, पृथ्वी और आकाश को गुँजाता हुआ, पर्वतों की गुफाओं और दिशाओं में निरन्तर गूँजता हुआ, मृदंग की ध्वनि के समान सुनाई देने लगा।