Sarga 87

Verse 1

तया महत्या यायिन्या ध्वजिन्या वनवासिनः । अर्दिता यूथपा मत्ताः सयूथाः संप्रदुद्रुवुः ॥

tayā mahatyā yāyinyā dhvajinyā vanavāsinaḥ | arditā yūthapā mattāḥ sayūthāḥ saṃpradudruvuḥ

By that great marching banner-bearing host the forest-dwellers were harassed; the rutting herd-leaders with their herds fled away.

उस विशाल चलती हुई ध्वजिनी सेना से पीड़ित होकर वन में रहने वाले मदमत्त यूथपति अपने झुंडों सहित भाग खड़े हुए।

Verse 2

ऋक्षाः पृषतसंघाश् च रुरवश् च समन्ततः । दृश्यन्ते वनराजीषु गिरिष्व् अपि नदीषु च ॥

ṛkṣāḥ pṛṣatasaṃghāś ca ruravaś ca samantataḥ | dṛśyante vanarājīṣu giriṣv api nadīṣu ca

Bears and troops of spotted deer and antelopes were seen on every side, in the forest-tracts, upon the hills, and along the rivers.

भालू, चीतलों के झुंड और बारहसिंगे चारों ओर — वन-पंक्तियों में, पर्वतों पर और नदियों में भी — दिखाई देने लगे।

Verse 3

स संप्रतस्थे धर्मात्मा प्रीतो दशरथात्मजः । वृतो महत्या नादिन्या सेनया चतुरङ्गया ॥

sa saṃpratasthe dharmātmā prīto daśarathātmajaḥ | vṛto mahatyā nādinyā senayā caturaṅgayā

That righteous son of Dasharatha set forth, glad, surrounded by his great, resounding, four-membered army.

वे धर्मात्मा दशरथनन्दन, प्रसन्न होकर, गर्जना करती हुई अपनी विशाल चतुरंगिणी सेना से घिरे हुए प्रस्थान कर गए।

Verse 4

सागरौघनिभा सेना भरतस्य महात्मनः । महीं संछादयाम् आस प्रावृषि द्याम् इवाम्बुदः ॥

sāgaraughanibhā senā bharatasya mahātmanaḥ | mahīṃ saṃchādayām āsa prāvṛṣi dyām ivāmbudaḥ

The army of the great-souled Bharata, like the flood of the ocean, covered the earth as a cloud covers the sky in the rains.

महात्मा भरत की वह समुद्र की बाढ़ के समान सेना पृथ्वी को वैसे ही ढक लेने लगी, जैसे वर्षा ऋतु में मेघ आकाश को।

Verse 5

तुरंगौघैर् अवतता वारणैश् च महाजवैः । अनालक्ष्या चिरं कालं तस्मिन् काले बभूव भूः ॥

turaṃgaughair avatatā vāraṇaiś ca mahājavaiḥ | anālakṣyā ciraṃ kālaṃ tasmin kāle babhūva bhūḥ

Overspread with hosts of horses and with elephants of great speed, the earth at that time was for a long while not to be seen.

घोड़ों के समूहों और महान वेग वाले हाथियों से भरी हुई पृथ्वी उस समय बहुत देर तक दिखाई ही नहीं दे रही थी।

Verse 6

स यात्वा दूरम् अध्वानं सुपरिश्रान्त वाहनः । उवाच भरतः श्रीमान् वसिष्ठं मन्त्रिणां वरम् ॥

sa yātvā dūram adhvānaṃ supariśrānta vāhanaḥ | uvāca bharataḥ śrīmān vasiṣṭhaṃ mantriṇāṃ varam

Having gone a long way upon the road, his mounts sorely wearied, the glorious Bharata said to Vasishtha, best of counsellors:

बहुत दूर का मार्ग तय कर लेने पर, जब उनके वाहन अत्यन्त थक गए, तब श्रीमान भरत ने मन्त्रिश्रेष्ठ वसिष्ठ से कहा —

Verse 7

यादृशं लक्ष्यते रूपं यथा चैव श्रुतं मया । व्यक्तं प्राप्ताः स्म तं देशं भरद्वाजो यम् अब्रवीत् ॥

yādṛśaṃ lakṣyate rūpaṃ yathā caiva śrutaṃ mayā | vyaktaṃ prāptāḥ sma taṃ deśaṃ bharadvājo yam abravīt

"By the look of the place, and as I have heard it told, plainly we have reached the region that Bharadvaja spoke of."

"इस स्थान का जैसा रूप दिख रहा है और जैसा मैंने सुना था, उससे स्पष्ट है कि हम उसी प्रदेश में पहुँच गए हैं जिसके विषय में भरद्वाज ने बताया था।"

Verse 8

अयं गिरिश् चित्रकूटस् तथा मन्दाकिनी नदी । एतत् प्रकाशते दूरान् नीलमेघनिभं वनम् ॥

ayaṃ giriś citrakūṭas tathā mandākinī nadī | etat prakāśate dūrān nīlameghanibhaṃ vanam

"This is the mountain Chitrakuta, and that the river Mandakini; this forest, dark as a blue cloud, shines forth from afar."

"यह चित्रकूट पर्वत है, और वह मन्दाकिनी नदी; यह नीले मेघ के समान वन दूर से ही दिखाई दे रहा है।"

Verse 9

गिरेः सानूनि रम्याणि चित्रकूटस्य संप्रति । वारणैर् अवमृद्यन्ते मामकैः पर्वतोपमैः ॥

gireḥ sānūni ramyāṇi citrakūṭasya saṃprati | vāraṇair avamṛdyante māmakaiḥ parvatopamaiḥ

"Now the lovely slopes of Mount Chitrakuta are being trodden by my elephants, huge as mountains."

"इस समय चित्रकूट पर्वत के रमणीय शिखर पर्वतों के समान विशाल मेरे हाथियों द्वारा रौंदे जा रहे हैं।"

Verse 10

मुञ्चन्ति कुसुमान्य् एते नगाः पर्वतसानुषु । नीला इवातपापाये तोयं तोयधरा घनाः ॥

muñcanti kusumāny ete nagāḥ parvatasānuṣu | nīlā ivātapāpāye toyaṃ toyadharā ghanāḥ

"These trees upon the mountain-slopes shed their blossoms, like dark rain-clouds pouring water at the passing of the hot season."

"पर्वत के ढलानों पर खड़े ये वृक्ष वैसे ही फूल बरसा रहे हैं, जैसे ग्रीष्म के अन्त में नीले मेघ जल बरसाते हैं।"

Verse 11

किन्नराचरितोद्देशं पश्य शत्रुघ्न पर्वतम् । हयैः समन्ताद् आकीर्णं मकरैर् इव सागरम् ॥

kinnarācaritoddeśaṃ paśya śatrughna parvatam | hayaiḥ samantād ākīrṇaṃ makarair iva sāgaram

"See, Shatrughna, the mountain, its reaches ranged by kinnaras, overspread on every side with horses, as the sea with sea-monsters."

"हे शत्रुघ्न! इस पर्वत को देखो, जिसके प्रदेशों में किन्नर विचरते हैं, और जो चारों ओर से घोड़ों से वैसे ही भरा है जैसे समुद्र मगरमच्छों से।"

Verse 12

एते मृगगणा भान्ति शीघ्रवेगाः प्रचोदिताः । वायुप्रविद्धाः शरदि मेघराज्य इवाम्बरे ॥

ete mṛgagaṇā bhānti śīghravegāḥ pracoditāḥ | vāyupraviddhāḥ śaradi megharājya ivāmbare

"These herds of beasts, driven on, swift of speed, shine like a mass of clouds driven by the wind in the autumn sky."

"प्रेरित किए हुए, तीव्र वेग वाले ये पशु-समूह वैसे ही शोभा पा रहे हैं जैसे शरद ऋतु के आकाश में वायु से प्रेरित मेघों की पंक्ति।"

Verse 13

कुर्वन्ति कुसुमापीडाञ् शिरःसु सुरभीन् अमी । मेघप्रकाशैः फलकैर् दाक्षिणात्या यथा नराः ॥

kurvanti kusumāpīḍāñ śiraḥsu surabhīn amī | meghaprakāśaiḥ phalakair dākṣiṇātyā yathā narāḥ

"These make fragrant flower-crowns upon their heads, like the men of the south with their shields bright as clouds."

"ये पशु अपने सिरों पर सुगन्धित फूलों के मुकुट-से बनाए हुए हैं, जैसे दक्षिण देश के मनुष्य मेघ के समान चमकीली ढालों से (सुशोभित होते हैं)।"

Verse 14

निष्कूजम् इव भूत्वेदं वनं घोरप्रदर्शनम् । अयोध्येव जनाकीर्णा संप्रति प्रतिभाति मा ॥

niṣkūjam iva bhūtvedaṃ vanaṃ ghorapradarśanam | ayodhyeva janākīrṇā saṃprati pratibhāti mā

"This forest, once silent and fearful to behold, now appears to me crowded with folk, like Ayodhya."

"पहले नीरव और देखने में भयंकर रहा यह वन इस समय मुझे जनों से भरी अयोध्या के समान प्रतीत हो रहा है।"

Verse 15

खुरैर् उदीरितो रेणुर् दिवं प्रच्छाद्य तिष्ठति । तं वहत्य् अनिलः शीघ्रं कुर्वन्न् इव मम प्रियम् ॥

khurair udīrito reṇur divaṃ pracchādya tiṣṭhati | taṃ vahaty anilaḥ śīghraṃ kurvann iva mama priyam

"The dust raised by the hooves stands covering the sky; the wind bears it swiftly away, as if doing me a kindness."

"खुरों से उड़ी हुई धूल आकाश को ढककर खड़ी है; उसे वायु शीघ्र ही उड़ा ले जा रही है, मानो मेरा प्रिय कार्य कर रही हो।"

Verse 16

स्यन्दनांस् तुरगोपेतान् सूतमुख्यैर् अधिष्ठितान् । एतान् संपततः शीघ्रं पश्य शत्रुघ्न कानने ॥

syandanāṃs turagopetān sūtamukhyair adhiṣṭhitān | etān saṃpatataḥ śīghraṃ paśya śatrughna kānane

"See, Shatrughna, in the wood these chariots yoked with horses, driven by chief charioteers, speeding swiftly."

"हे शत्रुघ्न! इस वन में घोड़ों से जुते हुए, श्रेष्ठ सारथियों द्वारा हाँके जाते हुए, तेज़ी से दौड़ते इन रथों को देखो।"

Verse 17

एतान् वित्रासितान् पश्य बर्हिणः प्रियदर्शनान् । एतम् आविशतः शैलम् अधिवासं पतत्रिणाम् ॥

etān vitrāsitān paśya barhiṇaḥ priyadarśanān | etam āviśataḥ śailam adhivāsaṃ patatriṇām

"See these fair peacocks, frighted, entering the mountain, the dwelling-place of winged creatures."

"इन सुन्दर दिखने वाले मोरों को देखो, जो भयभीत होकर पक्षियों के निवासस्थान इस पर्वत में प्रवेश कर रहे हैं।"

Verse 18

अतिमात्रम् अयं देशो मनोज्ञः प्रतिभाति मा । तापसानां निवासो ऽयं व्यक्तं स्वर्गपथो यथा ॥

atimātram ayaṃ deśo manojñaḥ pratibhāti mā | tāpasānāṃ nivāso 'yaṃ vyaktaṃ svargapatho yathā

"This region appears to me exceedingly lovely; plainly this is a dwelling of ascetics, like the path to heaven."

"यह प्रदेश मुझे अत्यधिक मनोहर प्रतीत हो रहा है; स्पष्ट है कि यह तपस्वियों का निवास है, मानो स्वर्ग का मार्ग हो।"

Verse 19

मृगा मृगीभिः सहिता बहवः पृषता वने । मनोज्ञ रूपा लक्ष्यन्ते कुसुमैर् इव चित्रितः ॥

mṛgā mṛgībhiḥ sahitā bahavaḥ pṛṣatā vane | manojña rūpā lakṣyante kusumair iva citritaḥ

"Deer, with their does, many spotted antelopes in the forest, are seen of lovely form, as if painted with blossoms."

"वन में अपनी हरिणियों सहित बहुत-से हरिण और चीतल, मनोहर रूप वाले दिखाई दे रहे हैं, मानो फूलों से चित्रित हों।"

Verse 20

साधु सैन्याः प्रतिष्ठन्तां विचिन्वन्तु च काननम् । यथा तौ पुरुषव्याघ्रौ दृश्येते रामलक्ष्मणौ ॥

sādhu sainyāḥ pratiṣṭhantāṃ vicinvantu ca kānanam | yathā tau puruṣavyāghrau dṛśyete rāmalakṣmaṇau

"Let the soldiers halt and search the forest well, so that those two tigers among men, Rama and Lakshmana, may be seen."

"सैनिक भली-भाँति ठहर जाएँ और वन को छान डालें, जिससे वे दोनों नरश्रेष्ठ राम और लक्ष्मण दिखाई दें।"

Verse 21

भरतस्य वचः श्रुत्वा पुरुषाः शस्त्रपाणयः । विविशुस् तद् वनं शूरा धूमं च ददृशुस् ततः ॥

bharatasya vacaḥ śrutvā puruṣāḥ śastrapāṇayaḥ | viviśus tad vanaṃ śūrā dhūmaṃ ca dadṛśus tataḥ

Hearing Bharata's word, the men, weapons in hand, valiant, entered that forest, and then beheld smoke.

भरत का वचन सुनकर हाथों में शस्त्र लिए हुए वे शूरवीर उस वन में घुस गए, और तभी उन्हें धुआँ दिखाई दिया।

Verse 22

ते समालोक्य धूमाग्रम् ऊचुर् भरतम् आगताः । नामनुष्ये भवत्य् अग्निर् व्यक्तम् अत्रैव राघवौ ॥

te samālokya dhūmāgram ūcur bharatam āgatāḥ | nāmanuṣye bhavaty agnir vyaktam atraiva rāghavau

Seeing the top of the smoke, they came and said to Bharata: "Fire does not arise where there are no men; plainly the two Raghavas are here."

धुएँ का ऊपरी भाग देखकर वे लौटकर भरत के पास आकर बोले — "जहाँ मनुष्य न हों वहाँ अग्नि नहीं होती; स्पष्ट है कि दोनों राघव यहीं हैं।"

Verse 23

अथ नात्र नरव्याघ्रौ राजपुत्रौ परंतपौ । अन्ये रामोपमाः सन्ति व्यक्तम् अत्र तपस्विनः ॥

atha nātra naravyāghrau rājaputrau paraṃtapau | anye rāmopamāḥ santi vyaktam atra tapasvinaḥ

"Or if those two tigers among men, the princes, scorchers of foes, are not here, then surely there are other ascetics here, like unto Rama."

"अथवा यदि यहाँ वे दोनों नरश्रेष्ठ, शत्रुओं को संतप्त करने वाले राजकुमार न भी हों, तो निश्चय ही यहाँ राम के समान अन्य तपस्वी हैं।"

Verse 24

तच् छ्रुत्वा भरतस् तेषां वचनं साधु संमतम् । सैन्यान् उवाच सर्वांस् तान् अमित्रबलमर्दनः ॥

tac chrutvā bharatas teṣāṃ vacanaṃ sādhu saṃmatam | sainyān uvāca sarvāṃs tān amitrabalamardanaḥ

Hearing that well-judged word of theirs, Bharata, crusher of enemy hosts, said to all those soldiers:

उनका वह भली-भाँति सम्मत वचन सुनकर शत्रुसेना का मर्दन करने वाले भरत ने उन सब सैनिकों से कहा —

Verse 25

यत् ता भवन्तस् तिष्ठन्तु नेतो गन्तव्यम् अग्रतः । अहम् एव गमिष्यामि सुमन्त्रो गुरुर् एव च ॥

yat tā bhavantas tiṣṭhantu neto gantavyam agrataḥ | aham eva gamiṣyāmi sumantro gurur eva ca

"So let you all stand here; no further forward are you to go. I alone shall go, and Sumantra, and my elder too."

"guru" here denotes the chaplain/elder (Vasishtha) accompanying him.

"अतः आप सब यहीं ठहरें; यहाँ से आगे किसी को नहीं जाना है। मैं ही जाऊँगा, और सुमन्त्र तथा गुरुजन (वसिष्ठ)।"

Verse 26

एवम् उक्तास् ततः सर्वे तत्र तस्थुः समन्ततः । भरतो यत्र धूमाग्रं तत्र दृष्टिं समादधत् ॥

evam uktās tataḥ sarve tatra tasthuḥ samantataḥ | bharato yatra dhūmāgraṃ tatra dṛṣṭiṃ samādadhat

Thus addressed, all then stood there on every side; and Bharata fixed his gaze where the top of the smoke was.

ऐसा कहे जाने पर फिर वे सब वहीं चारों ओर ठहर गए; और भरत ने जहाँ धुएँ का ऊपरी भाग था, वहीं अपनी दृष्टि जमा दी।

Verse 27

व्यवस्थिता या भरतेन सा चमूर्; निरीक्षमाणापि च धूमम् अग्रतः । बभूव हृष्टा नचिरेण जानती; प्रियस्य रामस्य समागमं तदा ॥

vyavasthitā yā bharatena sā camūr; nirīkṣamāṇāpi ca dhūmam agrataḥ | babhūva hṛṣṭā nacireṇa jānatī; priyasya rāmasya samāgamaṃ tadā

That army, halted by Bharata, gazing at the smoke ahead, grew glad in but a little while, knowing that now would come the meeting with the beloved Rama.

भरत द्वारा ठहरायी गई वह सेना, आगे धुएँ को देखती हुई भी, शीघ्र ही हर्षित हो उठी — यह जानकर कि अब अपने प्रिय राम से मिलन होगा।