Sarga 85

Verse 1

कृतबुद्धिं निवासाय तथैव स मुनिस् तदा । भरतं कैकयी पुत्रम् आतिथ्येन न्यमन्त्रयत् ॥

kṛtabuddhiṃ nivāsāya tathaiva sa munis tadā | bharataṃ kaikayī putram ātithyena nyamantrayat

When Bharata, son of Kaikeyi, had made up his mind to stay, the sage then invited him with hospitality.

जब कैकेयीपुत्र भरत ने ठहरने का निश्चय कर लिया, तब उन मुनि ने उन्हें आतिथ्य के लिए आमन्त्रित किया।

Verse 2

अब्रवीद् भरतस् त्व् एनं नन्व् इदं भवता कृतम् । पाद्यम् अर्घ्यं तथातिथ्यं वने यद् ऊपपद्यते ॥

abravīd bharatas tv enaṃ nanv idaṃ bhavatā kṛtam | pādyam arghyaṃ tathātithyaṃ vane yad ūpapadyate

But Bharata said to him: "Surely this is already done by you — water for the feet, the welcome-offering, and such hospitality as may be had in the forest."

किन्तु भरत ने उनसे कहा — "जो पाद्य, अर्घ्य और वन में सम्भव आतिथ्य है, वह तो आपने कर ही दिया।"

Verse 3

अथोवाच भरद्वाजो भरतं प्रहसन्न् इव । जाने त्वां प्रीति संयुक्तं तुष्येस् त्वं येन केन चित् ॥

athovāca bharadvājo bharataṃ prahasann iva | jāne tvāṃ prīti saṃyuktaṃ tuṣyes tvaṃ yena kena cit

Then Bharadvaja said to Bharata, smiling: "I know you are full of kindly feeling, and would be content with whatever is offered."

तब भरद्वाज ने मानो हँसते हुए भरत से कहा — "मैं जानता हूँ कि तुम प्रेमभाव से भरे हो और जिस किसी भी वस्तु से सन्तुष्ट हो जाओगे।"

Verse 4

सेनायास् तु तवैतस्याः कर्तुम् इच्छामि भोजनम् । मम प्रितिर् यथा रूपा त्वम् अर्हो मनुजर्षभ ॥

senāyās tu tavaitasyāḥ kartum icchāmi bhojanam | mama pritir yathā rūpā tvam arho manujarṣabha

"But I wish to provide a feast for this army of yours; as befits my love for you, so is it right, O bull among men."

"परन्तु मैं तुम्हारी इस सेना के लिए भोजन का आयोजन करना चाहता हूँ; जैसा मेरा स्नेह है, उसके अनुरूप — हे नरश्रेष्ठ! तुम इसके योग्य हो।"

Verse 5

किमर्थं चापि निक्षिप्य दूरे बलम् इहागतः । कस्मान् नेहोपयातो ऽसि सबलः पुरुषर्षभ ॥

kimarthaṃ cāpi nikṣipya dūre balam ihāgataḥ | kasmān nehopayāto 'si sabalaḥ puruṣarṣabha

"And why, leaving your force far off, have you come here? Why have you not come here with your army, O bull among men?"

"और तुमने अपनी सेना को इतनी दूर छोड़कर यहाँ क्यों आए? हे पुरुषश्रेष्ठ! तुम यहाँ सेना सहित क्यों नहीं आए?"

Verse 6

भरतः प्रत्युवाचेदं प्राञ्जलिस् तं तपोधनम् । ससैन्यो नोपयातो ऽस्मि भगवन् भगवद् भयात् ॥

bharataḥ pratyuvācedaṃ prāñjalis taṃ tapodhanam | sasainyo nopayāto 'smi bhagavan bhagavad bhayāt

Bharata answered that one rich in austerity, with joined hands: "I came not with my army, reverend sir, out of awe of your reverence."

भरत ने हाथ जोड़कर उन तपोधन को उत्तर दिया — "हे भगवन्! आपके भय (आदर) के कारण मैं सेना सहित नहीं आया।"

Verse 7

वाजि मुख्या मनुष्याश् च मत्ताश् च वर वारणाः । प्रच्छाद्य महतीं भूमिं भगवन्न् अनुयान्ति माम् ॥

vāji mukhyā manuṣyāś ca mattāś ca vara vāraṇāḥ | pracchādya mahatīṃ bhūmiṃ bhagavann anuyānti mām

"Chief horses and men, and rutting fine elephants, covering a great stretch of ground, follow me, reverend sir."

"हे भगवन्! श्रेष्ठ घोड़े और मनुष्य, तथा मदमत्त उत्तम हाथी — विशाल भूमि को ढकते हुए मेरे पीछे चलते हैं।"

Verse 8

ते वृक्षान् उदकं भूमिम् आश्रमेषूटजांस् तथा । न हिंस्युर् इति तेनाहम् एक एवागतस् ततः ॥

te vṛkṣān udakaṃ bhūmim āśrameṣūṭajāṃs tathā | na hiṃsyur iti tenāham eka evāgatas tataḥ

"Lest they harm the trees, the water, the ground, and the leaf-huts in the hermitages, I came here therefore alone."

"कहीं वे वृक्षों, जल, भूमि और आश्रमों की पर्णकुटियों को हानि न पहुँचाएँ — इसी से मैं यहाँ अकेला ही आया हूँ।"

Verse 9

आनीयताम् इतः सेनेत्य् आज्ञप्तः परमर्षिणा । तथा तु चक्रे भरतः सेनायाः समुपागमम् ॥

ānīyatām itaḥ senety ājñaptaḥ paramarṣiṇā | tathā tu cakre bharataḥ senāyāḥ samupāgamam

"Let the army be brought here," the great sage commanded; and so Bharata brought the army up.

"सेना को यहाँ बुला लो" — महर्षि के ऐसा आदेश देने पर भरत ने वैसा ही किया और सेना को वहाँ बुलवा लिया।

Verse 10

अग्निशालां प्रविश्याथ पीत्वापः परिमृज्य च । आतिथ्यस्य क्रियाहेतोर् विश्वकर्माणम् आह्वयत् ॥

agniśālāṃ praviśyātha pītvāpaḥ parimṛjya ca | ātithyasya kriyāhetor viśvakarmāṇam āhvayat

Then, entering the fire-hall, drinking water and rinsing himself, for the sake of performing the hospitality, he summoned Vishvakarman:

फिर अग्निशाला में प्रवेश कर, जल पीकर और आचमन करके, आतिथ्य करने के लिए उन्होंने विश्वकर्मा का आह्वान किया —

Verse 11

आह्वये विश्वकर्माणम् अहं त्वष्टारम् एव च । आतिथ्यं कर्तुम् इच्छामि तत्र मे संविधीयताम् ॥

āhvaye viśvakarmāṇam ahaṃ tvaṣṭāram eva ca | ātithyaṃ kartum icchāmi tatra me saṃvidhīyatām

"I call upon Vishvakarman and upon Tvashtar; I wish to make a hospitality; let that be arranged for me."

"मैं विश्वकर्मा और त्वष्टा का आह्वान करता हूँ; मैं आतिथ्य करना चाहता हूँ, उसकी व्यवस्था मेरे लिए कर दी जाए।"

Verse 12

प्राक् स्रोतसश् च या नद्यः प्रत्यक् स्रोतस एव च । पृथिव्याम् अन्तरिक्षे च समायान्त्व् अद्य सर्वशः ॥

prāk srotasaś ca yā nadyaḥ pratyak srotasa eva ca | pṛthivyām antarikṣe ca samāyāntv adya sarvaśaḥ

"Let all the rivers that flow eastward and those that flow westward, upon the earth and in the sky, come hither today from every side."

"पूर्व की ओर बहने वाली और पश्चिम की ओर बहने वाली जितनी नदियाँ हैं, वे पृथ्वी पर और अन्तरिक्ष में — सब आज चारों ओर से यहाँ आ जाएँ।"

Verse 13

अन्याः स्रवन्तु मैरेयं सुराम् अन्याः सुनिष्ठिताम् । अपराश् चोदकं शीतम् इक्षुकाण्डरसोपमम् ॥

anyāḥ sravantu maireyaṃ surām anyāḥ suniṣṭhitām | aparāś codakaṃ śītam ikṣukāṇḍarasopamam

"Let some flow with maireya wine, others with well-prepared sura; and others with cool water, sweet as the juice of sugar-cane."

"कुछ नदियाँ मैरेय मदिरा बहाएँ, कुछ भली-भाँति तैयार की गई सुरा, और कुछ अन्य गन्ने के रस के समान मीठा शीतल जल।"

Verse 14

आह्वये देवगन्धर्वान् विश्वावसुहहाहुहून् । तथैवाप्सरसो देवीर् गन्धर्वीश् चापि सर्वशः ॥

āhvaye devagandharvān viśvāvasuhahāhuhūn | tathaivāpsaraso devīr gandharvīś cāpi sarvaśaḥ

"I call upon the gods and gandharvas — Vishvavasu, Haha, Huhu — and likewise the Apsaras goddesses and the gandharva-women, all of them."

"मैं देवों और गन्धर्वों — विश्वावसु, हाहा, हूहू — का, तथा देवी अप्सराओं और गन्धर्व-स्त्रियों का भी, सब ओर से आह्वान करता हूँ।"

Verse 15

घृताचीम् अथ विश्वाचीं मिश्रकेशीम् अलम्बुसाम् । शक्रं याश् चोपतिष्ठन्ति ब्रह्माणं याश् च भामिनीः । सर्वास् तुम्बुरुणा सार्धम् आह्वये सपरिच्छदाः ॥

ghṛtācīm atha viśvācīṃ miśrakeśīm alambusām | śakraṃ yāś copatiṣṭhanti brahmāṇaṃ yāś ca bhāminīḥ | sarvās tumburuṇā sārdham āhvaye saparicchadāḥ

"Ghritachi and Vishvachi, Mishrakeshi and Alambusa, and the lovely ones who wait upon Shakra and upon Brahma — all these, together with Tumburu, I call, with their attendants."

"घृताची और विश्वाची, मिश्रकेशी और अलम्बुसा, तथा जो सुन्दरियाँ इन्द्र और ब्रह्मा की सेवा में रहती हैं — उन सबको, तुम्बुरु के साथ, अपने-अपने परिवार सहित मैं आह्वान करता हूँ।"

Verse 16

वनं कुरुषु यद् दिव्यं वासो भूषणपत्रवत् । दिव्यनारीफलं शश्वत् तत् कौबेरम् इहैव तु ॥

vanaṃ kuruṣu yad divyaṃ vāso bhūṣaṇapatravat | divyanārīphalaṃ śaśvat tat kauberam ihaiva tu

"That heavenly grove in the land of the Kurus, with leaves for garments and ornaments, ever bearing heavenly women for its fruit, that grove of Kubera — let it be here."

"कुरुदेश में जो वस्त्र और आभूषण के समान पत्तों वाला, सदा दिव्य नारियों को फल के रूप में धारण करने वाला दिव्य वन है — वह कुबेर का वन यहीं आ जाए।"

Verse 17

इह मे भगवान् सोमो विधत्ताम् अन्नम् उत्तमम् । भक्ष्यं भोज्यं च चोष्यं च लेह्यं च विविधं बहु ॥

iha me bhagavān somo vidhattām annam uttamam | bhakṣyaṃ bhojyaṃ ca coṣyaṃ ca lehyaṃ ca vividhaṃ bahu

"Here let the lord Soma provide for me the choicest food, of every kind in plenty — things to chew, to eat, to suck, and to lick."

"यहाँ भगवान सोम मेरे लिए उत्तम अन्न प्रस्तुत करें — चबाने, खाने, चूसने और चाटने योग्य नाना प्रकार का प्रचुर भोजन।"

Verse 18

विचित्राणि च माल्यानि पादपप्रच्युतानि च । सुरादीनि च पेयानि मांसानि विविधानि च ॥

vicitrāṇi ca mālyāni pādapapracyutāni ca | surādīni ca peyāni māṃsāni vividhāni ca

"and wondrous garlands fallen from the trees, and drinks headed by wine, and meats of many kinds."

"और वृक्षों से गिरी हुई विचित्र मालाएँ, सुरा आदि पेय पदार्थ, तथा नाना प्रकार के मांस भी।"

Verse 19

एवं समाधिना युक्तस् तेजसाप्रतिमेन च । शिक्षास्वरसमायुक्तं तपसा चाब्रवीन् मुनिः ॥

evaṃ samādhinā yuktas tejasāpratimena ca | śikṣāsvarasamāyuktaṃ tapasā cābravīn muniḥ

Thus endowed with concentration and with splendour unmatched, the sage spoke, by his austerity, with accents duly modulated.

इस प्रकार समाधि और अनुपम तेज से युक्त उन मुनि ने अपनी तपस्या से, शिक्षा के अनुसार उचित स्वर में युक्त वाणी से यह कहा।

Verse 20

मनसा ध्यायतस् तस्य प्राङ्मुखस्य कृताञ्जलेः । आजग्मुस् तानि सर्वाणि दैवतानि पृथक्पृथक् ॥

manasā dhyāyatas tasya prāṅmukhasya kṛtāñjaleḥ | ājagmus tāni sarvāṇi daivatāni pṛthakpṛthak

As he meditated in mind, facing east, with joined hands, all those divinities came, each severally.

पूर्व की ओर मुख किए, हाथ जोड़े मन-ही-मन ध्यान करते हुए उनके पास वे सब देवता पृथक्-पृथक् आ पहुँचे।

Verse 21

मलयं दुर्दुरं चैव ततः स्वेदनुदो ऽनिलः । उपस्पृश्य ववौ युक्त्या सुप्रियात्मा सुखः शिवः ॥

malayaṃ durduraṃ caiva tataḥ svedanudo 'nilaḥ | upaspṛśya vavau yuktyā supriyātmā sukhaḥ śivaḥ

Then the wind that takes away sweat, from Malaya and from Durdura, touching and refreshing them, blew fitly, gracious, pleasant, and kind.

तब पसीना दूर करने वाली वायु, मलय और दुर्दुर पर्वतों से आकर, स्पर्श कर और तृप्त कर, अत्यन्त प्रिय, सुखद एवं कल्याणकारी होकर उचित रूप से बहने लगी।

Verse 22

ततो ऽभ्यवर्तन्त घना दिव्याः कुसुमवृष्टयः । देवदुन्दुभिघोषश् च दिक्षु सर्वासु शुश्रुवे ॥

tato 'bhyavartanta ghanā divyāḥ kusumavṛṣṭayaḥ | devadundubhighoṣaś ca dikṣu sarvāsu śuśruve

Then came clouds, divine, raining down blossoms; and the sound of the gods' drums was heard in all the quarters.

फिर दिव्य मेघ आए और पुष्पों की वर्षा करने लगे; और देवों की दुन्दुभियों की ध्वनि सभी दिशाओं में सुनाई देने लगी।

Verse 23

प्रववुश् चोत्तमा वाता ननृतुश् चाप्सरोगणाः । प्रजगुर् देवगन्धर्वा वीणा प्रमुमुचुः स्वरान् ॥

pravavuś cottamā vātā nanṛtuś cāpsarogaṇāḥ | prajagur devagandharvā vīṇā pramumucuḥ svarān

Excellent breezes blew, the throngs of Apsaras danced, the gods and gandharvas sang, and the lute poured forth its notes.

उत्तम वायु बहने लगी, अप्सराओं के समूह नाचने लगे, देव और गन्धर्व गाने लगे, और वीणा स्वर बिखेरने लगी।

Verse 24

स शब्दो द्यां च भूमिं च प्राणिनां श्रवणानि च । विवेशोच्चारितः श्लक्ष्णः समो लयगुणान्वितः ॥

sa śabdo dyāṃ ca bhūmiṃ ca prāṇināṃ śravaṇāni ca | viveśoccāritaḥ ślakṣṇaḥ samo layaguṇānvitaḥ

That sound, uttered, smooth, even, endowed with rhythm, entered the heaven and the earth and the ears of living beings.

वह उच्चारित स्वर, कोमल, सम और लय-गुण से युक्त होकर, आकाश में, पृथ्वी पर और प्राणियों के कानों में प्रवेश कर गया।

Verse 25

तस्मिन्न् उपरते शब्दे दिव्ये श्रोत्रसुखे नृणाम् । ददर्श भारतं सैन्यं विधानं विश्वकर्मणः ॥

tasminn uparate śabde divye śrotrasukhe nṛṇām | dadarśa bhārataṃ sainyaṃ vidhānaṃ viśvakarmaṇaḥ

When that heavenly sound, sweet to the ears of men, had ceased, Bharata's army beheld the ordering wrought by Vishvakarman.

मनुष्यों के कानों को सुखद वह दिव्य स्वर जब शान्त हुआ, तब भरत की सेना ने विश्वकर्मा की की हुई व्यवस्था देखी।

Verse 26

बभूव हि समा भूमिः समन्तात् पञ्चयोजनम् । शाद्वलैर् बहुभिश् छन्ना नीलवैदूर्यसंनिभैः ॥

babhūva hi samā bhūmiḥ samantāt pañcayojanam | śādvalair bahubhiś channā nīlavaidūryasaṃnibhaiḥ

For the ground became level all round for five yojanas, covered with much green turf, like unto dark lapis lazuli.

क्योंकि चारों ओर पाँच योजन तक भूमि समतल हो गई, जो नीले वैदूर्य के समान बहुत-सी हरी घास से ढकी थी।

Verse 27

तस्मिन् बिल्वाः कपित्थाश् च पनसा बीजपूरकाः । आमलक्यो बभूवुश् च चूताश् च फलभूषणाः ॥

tasmin bilvāḥ kapitthāś ca panasā bījapūrakāḥ | āmalakyo babhūvuś ca cūtāś ca phalabhūṣaṇāḥ

Upon it grew bilva trees and wood-apples, breadfruits and citrons, myrobalans, and mangoes adorned with fruit.

उस पर बेल और कैथ के वृक्ष, कटहल और बिजौरे, आँवले, और फलों से सुशोभित आम के पेड़ उग आए।

Verse 28

उत्तरेभ्यः कुरुभ्यश् च वनं दिव्योपभोगवत् । आजगाम नदी दिव्या तीरजैर् बहुभिर् वृता ॥

uttarebhyaḥ kurubhyaś ca vanaṃ divyopabhogavat | ājagāma nadī divyā tīrajair bahubhir vṛtā

From the northern Kurus there came a divine grove of rich enjoyment, and a divine river girt about with many trees upon its banks.

उत्तर कुरुप्रदेश से दिव्य भोग-सामग्री वाला एक वन, और तट पर उगे बहुत-से वृक्षों से घिरी एक दिव्य नदी वहाँ आ गई।

Verse 29

चतुःशालानि शुभ्राणि शालाश् च गजवाजिनाम् । हर्म्यप्रासादसंघातास् तोरणानि शुभानि च ॥

catuḥśālāni śubhrāṇi śālāś ca gajavājinām | harmyaprāsādasaṃghātās toraṇāni śubhāni ca

Fair four-halled dwellings, and stables for elephants and horses, clusters of mansions and palaces, and fair arched gateways;

श्वेत चौहद्दी वाले भवन, हाथियों और घोड़ों के अस्तबल, हवेलियों और प्रासादों के समूह, और सुन्दर तोरण-द्वार (प्रकट हुए)।

Verse 30

सितमेघनिभं चापि राजवेश्म सुतोरणम् । शुक्लमाल्यकृताकारं दिव्यगन्धसमुक्षितम् ॥

sitameghanibhaṃ cāpi rājaveśma sutoraṇam | śuklamālyakṛtākāraṃ divyagandhasamukṣitam

and a royal dwelling, white as a cloud, with a fine gateway, fashioned with white garlands, sprinkled with heavenly fragrance,

और श्वेत मेघ के समान, सुन्दर तोरण वाला, श्वेत मालाओं से सजा हुआ, दिव्य गन्ध से सींचा हुआ एक राजभवन,

Verse 31

चतुरस्रम् असंबाधं शयनासनयानवत् । दिव्यैः सर्वरसैर् युक्तं दिव्यभोजनवस्त्रवत् ॥

caturasram asaṃbādhaṃ śayanāsanayānavat | divyaiḥ sarvarasair yuktaṃ divyabhojanavastravat

four-square, spacious, furnished with couches, seats, and carriages, provided with all heavenly savours, with heavenly food and raiment,

चौकोर, विस्तीर्ण, शय्याओं, आसनों और वाहनों से युक्त, सब दिव्य रसों से सम्पन्न, दिव्य भोजन और वस्त्रों से भरा हुआ,

Verse 32

उपकल्पित सर्वान्नं धौतनिर्मलभाजनम् । कॢप्तसर्वासनं श्रीमत् स्वास्तीर्णशयनोत्तमम् ॥

upakalpita sarvānnaṃ dhautanirmalabhājanam | kḷptasarvāsanaṃ śrīmat svāstīrṇaśayanottamam

with all manner of food prepared, with vessels washed and spotless, with all seats set out, splendid, with excellent beds well spread.

जिसमें सब प्रकार का अन्न तैयार था, धुले हुए निर्मल पात्र थे, सब आसन सजे हुए थे, जो श्रीसम्पन्न था और जिसमें भली-भाँति बिछी उत्तम शय्याएँ थीं।

Verse 33

प्रविवेश महाबाहुर् अनुज्ञातो महर्षिणा । वेश्म तद् रत्नसंपूर्णं भरतः कैकयीसुतः ॥

praviveśa mahābāhur anujñāto maharṣiṇā | veśma tad ratnasaṃpūrṇaṃ bharataḥ kaikayīsutaḥ

The mighty-armed Bharata, son of Kaikeyi, entered, by leave of the great sage, that dwelling filled with jewels.

महर्षि की आज्ञा पाकर महाबाहु कैकेयीपुत्र भरत ने रत्नों से भरे उस भवन में प्रवेश किया।

Verse 34

अनुजग्मुश् च तं सर्वे मन्त्रिणः सपुरोहिताः । बभूवुश् च मुदा युक्ता तं दृष्ट्वा वेश्म संविधिम् ॥

anujagmuś ca taṃ sarve mantriṇaḥ sapurohitāḥ | babhūvuś ca mudā yuktā taṃ dṛṣṭvā veśma saṃvidhim

And all the ministers with the chaplains followed him, and were filled with joy to see that ordering of the house.

और पुरोहितों सहित सभी मन्त्री उनके पीछे-पीछे गए, और उस भवन की व्यवस्था देखकर हर्ष से भर गए।

Verse 35

तत्र राजासनं दिव्यं व्यजनं छत्रम् एव च । भरतो मन्त्रिभिः सार्धम् अभ्यवर्तत राजवत् ॥

tatra rājāsanaṃ divyaṃ vyajanaṃ chatram eva ca | bharato mantribhiḥ sārdham abhyavartata rājavat

There a heavenly royal throne, a fan, and a parasol too — Bharata with his ministers drew near it, as befits a king.

वहाँ एक दिव्य राजसिंहासन, एक व्यजन (पंखा) और एक छत्र भी था — भरत मन्त्रियों के साथ राजा के समान उसके पास गए।

Verse 36

आसनं पूजयाम् आस रामायाभिप्रणम्य च । वालव्यजनम् आदाय न्यषीदत् सचिवासने ॥

āsanaṃ pūjayām āsa rāmāyābhipraṇamya ca | vālavyajanam ādāya nyaṣīdat sacivāsane

But he honoured the throne, bowing before it for Rama's sake, and, taking up the chowrie-fan, sat down upon the minister's seat.

किन्तु उन्होंने राम के निमित्त उस सिंहासन को प्रणाम करके उसका सम्मान किया, और चँवर लेकर मन्त्री के आसन पर बैठ गए।

Verse 37

आनुपूर्व्यान् निषेदुश् च सर्वे मन्त्रपुरोहिताः । ततः सेनापतिः पश्चात् प्रशास्ता च निषेदतुः ॥

ānupūrvyān niṣeduś ca sarve mantrapurohitāḥ | tataḥ senāpatiḥ paścāt praśāstā ca niṣedatuḥ

And all the ministers and chaplains sat down in order; then afterward the commander of the army and the governor took their seats.

और सभी मन्त्री एवं पुरोहित क्रमशः बैठ गए; फिर उनके बाद सेनापति और शासक (प्रशासक) बैठे।

Verse 38

ततस् तत्र मुहूर्तेन नद्यः पायसकर्दमाः । उपातिष्ठन्त भरतं भरद्वाजस्य शासनत् ॥

tatas tatra muhūrtena nadyaḥ pāyasakardamāḥ | upātiṣṭhanta bharataṃ bharadvājasya śāsanat

Then in a moment rivers, their mire of milk-rice, came up to Bharata at Bharadvaja's command.

फिर वहाँ एक ही क्षण में भरद्वाज की आज्ञा से खीर की कीचड़ वाली नदियाँ भरत के पास आ उपस्थित हुईं।

Verse 39

तासाम् उभयतः कूलं पाण्डुमृत्तिकलेपनाः । रम्याश् चावसथा दिव्या ब्रह्मणस् तु प्रसादजाः ॥

tāsām ubhayataḥ kūlaṃ pāṇḍumṛttikalepanāḥ | ramyāś cāvasathā divyā brahmaṇas tu prasādajāḥ

On both their banks were lovely heavenly dwellings plastered with pale earth, born of the grace of Brahma.

उन नदियों के दोनों किनारों पर पीली मिट्टी से लिपे हुए रमणीय दिव्य भवन थे, जो ब्रह्मा के प्रसाद से उत्पन्न हुए थे।

Verse 40

तेनैव च मुहूर्तेन दिव्याभरणभूषिताः । आगुर् विंशतिसाहस्रा ब्राह्मणा प्रहिताः स्त्रियः ॥

tenaiva ca muhūrtena divyābharaṇabhūṣitāḥ | āgur viṃśatisāhasrā brāhmaṇā prahitāḥ striyaḥ

And in that same moment there came twenty thousand women, decked with heavenly ornaments, sent by Brahma.

और उसी क्षण दिव्य आभूषणों से विभूषित बीस हज़ार स्त्रियाँ, ब्रह्मा द्वारा भेजी हुई, वहाँ आईं।

Verse 41

सुवर्णमणिमुक्तेन प्रवालेन च शोभिताः । आगुर् विंशतिसाहस्राः कुबेरप्रहिताः स्त्रियः ॥

suvarṇamaṇimuktena pravālena ca śobhitāḥ | āgur viṃśatisāhasrāḥ kuberaprahitāḥ striyaḥ

Adorned with gold and gems, with pearl and coral, there came twenty thousand women sent by Kubera.

सोने, मणि, मोती और मूँगे से सुशोभित बीस हज़ार स्त्रियाँ कुबेर द्वारा भेजी हुई आईं।

Verse 42

याभिर् गृहीतः पुरुषः सोन्माद इव लक्ष्यते । आगुर् विंशतिसाहस्रा नन्दनाद् अप्सरोगणाः ॥

yābhir gṛhītaḥ puruṣaḥ sonmāda iva lakṣyate | āgur viṃśatisāhasrā nandanād apsarogaṇāḥ

Those by whom a man, when seized, is seen as though mad with intoxication — twenty thousand throngs of Apsaras came from the Nandana grove.

जिनके वश में आया पुरुष मानो मद से उन्मत्त-सा दिखाई देता है, ऐसी बीस हज़ार अप्सराओं के समूह नन्दनवन से आए।

Verse 43

नारदस् तुम्बुरुर् गोपः पर्वतः सूर्यवर्चसः । एते गन्धर्वराजानो भरतस्याग्रतो जगुः ॥

nāradas tumburur gopaḥ parvataḥ sūryavarcasaḥ | ete gandharvarājāno bharatasyāgrato jaguḥ

Narada, Tumburu, Gopa, Parvata, and Suryavarchas — these kings of the gandharvas sang before Bharata.

नारद, तुम्बुरु, गोप, पर्वत और सूर्यवर्चस — ये गन्धर्वराज भरत के सामने गाने लगे।

Verse 44

अलम्बुसा मिश्रकेशी पुण्डरीकाथ वामना । उपानृत्यंस् तु भरतं भरद्वाजस्य शासनात् ॥

alambusā miśrakeśī puṇḍarīkātha vāmanā | upānṛtyaṃs tu bharataṃ bharadvājasya śāsanāt

Alambusa and Mishrakeshi, Pundarika, and Vamana danced before Bharata at Bharadvaja's command.

अलम्बुसा और मिश्रकेशी, पुण्डरीका और वामना — ये भरद्वाज की आज्ञा से भरत के सामने नृत्य करने लगीं।

Verse 45

यानि माल्यानि देवेषु यानि चैत्ररथे वने । प्रयागे तान्य् अदृश्यन्त भरद्वाजस्य शासनात् ॥

yāni mālyāni deveṣu yāni caitrarathe vane | prayāge tāny adṛśyanta bharadvājasya śāsanāt

Whatever garlands there are among the gods, and whatever in the grove of Chaitraratha, those appeared at Prayaga by Bharadvaja's command.

देवलोक में जो मालाएँ हैं और जो चैत्ररथ वन में हैं, वे भरद्वाज की आज्ञा से प्रयाग में दिखाई देने लगीं।

Verse 46

बिल्वा मार्दङ्गिका आसञ् शम्या ग्राहा बिभीतकाः । अश्वत्था नर्तकाश् चासन् भरद्वाजस्य तेजसा ॥

bilvā mārdaṅgikā āsañ śamyā grāhā bibhītakāḥ | aśvatthā nartakāś cāsan bharadvājasya tejasā

The bilva trees became drummers, the shami and bibhitaka cymbal-players, the pipal trees dancers, by Bharadvaja's power.

भरद्वाज के तेज से बेल के वृक्ष मृदंग बजाने वाले बन गए, शमी और बहेड़ा झाँझ बजाने वाले, और पीपल के वृक्ष नर्तक बन गए।

Verse 47

ततः सरलतालाश् च तिलका नक्तमालकाः । प्रहृष्टास् तत्र संपेतुः कुब्जाभूताथ वामनाः ॥

tataḥ saralatālāś ca tilakā naktamālakāḥ | prahṛṣṭās tatra saṃpetuḥ kubjābhūtātha vāmanāḥ

Then the sarala and tala trees, the tilakas and naktamalas, came hither gladly, turned into hunchbacks and dwarfs.

फिर सरल और ताड़ के वृक्ष, तिलक और करंज के पेड़ कुबड़े और बौने बनकर प्रसन्नतापूर्वक वहाँ आ पहुँचे।

Verse 48

शिंशपामलकी जम्बूर् याश् चान्याः कानने लताः । प्रमदा विग्रहं कृत्वा भरद्वाजाश्रमे ऽवसन् ॥

śiṃśapāmalakī jambūr yāś cānyāḥ kānane latāḥ | pramadā vigrahaṃ kṛtvā bharadvājāśrame 'vasan

The shimshapa, the amalaki, the jambu, and the other creepers of the forest took the form of fair women and dwelt in Bharadvaja's hermitage.

शीशम, आँवला, जामुन और वन की अन्य लताएँ सुन्दर स्त्रियों का रूप धारण कर भरद्वाज के आश्रम में निवास करने लगीं।

Verse 49

सुरां सुरापाः पिबत पायसं च बुभुक्शिताः । मांसनि च सुमेध्यानि भक्ष्यन्तां यावद् इच्छथ ॥

surāṃ surāpāḥ pibata pāyasaṃ ca bubhukśitāḥ | māṃsani ca sumedhyāni bhakṣyantāṃ yāvad icchatha

"You who drink wine, drink the wine; and you who hunger, the milk-rice; and let the well-purified meats be eaten, as much as you wish."

"जो मदिरा पीने वाले हों वे मदिरा पिएँ, और जो भूखे हों वे खीर खाएँ; और भली-भाँति शुद्ध किए गए मांस जितना चाहें उतना खाएँ।"

Verse 50

उत्साद्य स्नापयन्ति स्म नदीतीरेषु वल्गुषु । अप्य् एकम् एकं पुरुषं प्रमदाः सत्प चाष्ट च ॥

utsādya snāpayanti sma nadītīreṣu valguṣu | apy ekam ekaṃ puruṣaṃ pramadāḥ satpa cāṣṭa ca

On the lovely banks of the rivers the women rubbed and bathed each single man, six and eight at a time.

नदियों के सुन्दर तटों पर वे स्त्रियाँ एक-एक पुरुष का उबटन लगाकर छह-छह और आठ-आठ मिलकर स्नान कराने लगीं।

Verse 51

संवहन्त्यः समापेतुर् नार्यो रुचिरलोचनाः । परिमृज्य तथा न्यायं पाययन्ति वराङ्गनाः ॥

saṃvahantyaḥ samāpetur nāryo ruciralocanāḥ | parimṛjya tathā nyāyaṃ pāyayanti varāṅganāḥ

Attending them, the lovely-eyed women came up; and, rubbing them down duly, the fair ones gave them to drink.

सेवा करती हुई सुन्दर नेत्रों वाली वे स्त्रियाँ आईं; और उन्हें विधिपूर्वक मलकर वे सुन्दरियाँ पान कराने लगीं।

Verse 52

हयान् गजान् खरान् उष्ट्रांस् तथैव सुरभेः सुतान् । इक्षूंश् च मधुजालांश् च भोजयन्ति स्म वाहनान् । इक्ष्वाकुवरयोधानां चोदयन्तो महाबलाः ॥

hayān gajān kharān uṣṭrāṃs tathaiva surabheḥ sutān | ikṣūṃś ca madhujālāṃś ca bhojayanti sma vāhanān | ikṣvākuvarayodhānāṃ codayanto mahābalāḥ

Horses, elephants, donkeys, and camels, and the offspring of Surabhi, the mighty attendants fed with sugar-cane and clusters of honey as the mounts of the Ikshvaku warriors, urging them on.

वे महाबली सेवक इक्ष्वाकु-वंश के श्रेष्ठ योद्धाओं के वाहनों — घोड़ों, हाथियों, गधों, ऊँटों और सुरभि के बछड़ों — को गन्ना और मधु के पिंड खिलाने और उन्हें प्रेरित करने लगे।

Verse 53

नाश्वबन्धो ऽश्वम् आजानान् न गजं कुञ्जरग्रहः । मत्तप्रमत्तमुदिता चमूः सा तत्र संबभौ ॥

nāśvabandho 'śvam ājānān na gajaṃ kuñjaragrahaḥ | mattapramattamuditā camūḥ sā tatra saṃbabhau

No groom knew his own horse, no elephant-keeper his elephant; that army, rapt and glad with drink, shone forth there.

न तो किसी अश्वबन्धक (साईस) को अपना घोड़ा पहचान में आता था, न किसी महावत को अपना हाथी; मद से उन्मत्त और प्रसन्न वह सेना वहाँ सुशोभित हो रही थी।

Verse 54

तर्पिता सर्वकामैस् ते रक्तचन्दनरूषिताः । अप्सरोगणसंयुक्ताः सैन्या वाचम् उदैरयन् ॥

tarpitā sarvakāmais te raktacandanarūṣitāḥ | apsarogaṇasaṃyuktāḥ sainyā vācam udairayan

Gratified with all desires, anointed with red sandal, joined with throngs of Apsaras, the soldiers raised their voices:

सब कामनाओं से तृप्त, रक्तचन्दन से लिपटे हुए, अप्सराओं के समूहों से युक्त वे सैनिक यह वाणी कहने लगे —

Verse 55

नैवायोध्यां गमिष्यामो न गमिष्याम दण्डकान् । कुशलं भरतस्यास्तु रामस्यास्तु तथा सुखम् ॥

naivāyodhyāṃ gamiṣyāmo na gamiṣyāma daṇḍakān | kuśalaṃ bharatasyāstu rāmasyāstu tathā sukham

"We will not go to Ayodhya, nor will we go to the Dandaka; let it be well with Bharata, and happiness be with Rama."

"हम न अयोध्या जाएँगे, न दण्डकारण्य; भरत का कल्याण हो और राम का भी सुख हो।"

Verse 56

इति पादातयोधाश् च हस्त्यश्वारोहबन्धकाः । अनाथास् तं विधिं लब्ध्वा वाचम् एताम् उदैरयन् ॥

iti pādātayodhāś ca hastyaśvārohabandhakāḥ | anāthās taṃ vidhiṃ labdhvā vācam etām udairayan

Thus the foot-soldiers and the drivers of elephants and horses, masterless, having gained such entertainment, raised this cry.

इस प्रकार पैदल सैनिक और हाथी-घोड़ों के महावत-साईस, स्वामी से रहित-से होकर, ऐसा आतिथ्य पाकर यह वाणी कहने लगे।

Verse 57

संप्रहृष्टा विनेदुस् ते नरास् तत्र सहस्रशः । भरतस्यानुयातारः स्वर्गे ऽयम् इति चाब्रुवन् ॥

saṃprahṛṣṭā vinedus te narās tatra sahasraśaḥ | bharatasyānuyātāraḥ svarge 'yam iti cābruvan

Rejoicing, those men shouted there by the thousand, the followers of Bharata, and cried, "This is heaven!"

हर्ष से भरे भरत के वे अनुयायी हज़ारों की संख्या में वहाँ ज़ोर से चिल्लाने लगे और बोले — "यह तो स्वर्ग है!"

Verse 58

ततो भुक्तवतां तेषां तद् अन्नम् अमृतोपमम् । दिव्यान् उद्वीक्ष्य भक्ष्यांस् तान् अभवद् भक्षणे मतिः ॥

tato bhuktavatāṃ teṣāṃ tad annam amṛtopamam | divyān udvīkṣya bhakṣyāṃs tān abhavad bhakṣaṇe matiḥ

Then, when they had eaten that food like unto nectar, gazing upon those heavenly viands, their mind turned anew to eating.

फिर अमृत के समान वह अन्न खा लेने पर भी, उन दिव्य भक्ष्य पदार्थों को देखकर उनका मन फिर खाने को ही लगने लगा।

Verse 59

प्रेष्याश् चेट्यश् च वध्वश् च बलस्थाश् चापि सर्वशः । बभूवुस् ते भृशं तृप्ताः सर्वे चाहतवाससः ॥

preṣyāś ceṭyaś ca vadhvaś ca balasthāś cāpi sarvaśaḥ | babhūvus te bhṛśaṃ tṛptāḥ sarve cāhatavāsasaḥ

Menservants and maidservants and wives, and the soldiers too, all of them, were deeply satisfied, and all in fresh raiment.

सेवक, सेविकाएँ और वधुएँ, तथा सैनिक भी — सब ओर से वे सब भली-भाँति तृप्त हो गए और सब नवीन वस्त्रों से युक्त थे।

Verse 60

कुञ्जराश् च खरोष्ट्रश् च गोऽश्वाश् च मृगपक्षिणः । बभूवुः सुभृतास् तत्र नान्यो ह्य् अन्यम् अकल्पयत् ॥

kuñjarāś ca kharoṣṭraś ca go'śvāś ca mṛgapakṣiṇaḥ | babhūvuḥ subhṛtās tatra nānyo hy anyam akalpayat

Elephants and donkeys and camels, cattle and horses, beasts and birds, were there well fed; and none took another's portion.

हाथी, गधे और ऊँट, गौ और घोड़े, पशु और पक्षी — सब वहाँ भली-भाँति तृप्त हुए; कोई किसी दूसरे का भाग नहीं लेता था।

Verse 61

नाशुक्लवासास् तत्रासीत् क्षुधितो मलिनो ऽपि वा । रजसा ध्वस्तकेशो वा नरः कश् चिद् अदृश्यत ॥

nāśuklavāsās tatrāsīt kṣudhito malino 'pi vā | rajasā dhvastakeśo vā naraḥ kaś cid adṛśyata

There was no one there without white raiment, hungry, or soiled, nor any man seen with hair dusty with dirt.

वहाँ कोई भी श्वेत वस्त्र से रहित, भूखा या मैला नहीं था; न ही कोई मनुष्य धूल से मलिन केशों वाला दिखाई देता था।

Verse 62

आजैश् चापि च वाराहैर् निष्ठानवरसंचयैः । फलनिर्यूहसंसिद्धैः सूपैर् गन्धरसान्वितैः ॥

ājaiś cāpi ca vārāhair niṣṭhānavarasaṃcayaiḥ | phalaniryūhasaṃsiddhaiḥ sūpair gandharasānvitaiḥ

With goat's flesh and boar's flesh, and heaps of fine relishes, with soups made with fruit-juices and savoury broths,

बकरे और सूअर के मांस से, उत्तम व्यंजनों के ढेरों से, फलों के रस से बने और सुगन्धित रसों से युक्त दालों-शोरबों से —

Verse 63

पुष्पध्वजवतीः पूर्णाः शुक्लस्यान्नस्य चाभितः । ददृशुर् विस्मितास् तत्र नरा लौहीः सहस्रशः ॥

puṣpadhvajavatīḥ pūrṇāḥ śuklasyānnasya cābhitaḥ | dadṛśur vismitās tatra narā lauhīḥ sahasraśaḥ

the men beheld there in amazement, by the thousand, copper vessels bearing flowers and flags and full all round with white rice.

फूलों और ध्वजाओं से युक्त, श्वेत अन्न से चारों ओर भरे हुए हज़ारों ताँबे के पात्र वहाँ मनुष्यों ने विस्मित होकर देखे।

Verse 64

बभूवुर् वनपार्श्वेषु कूपाः पायसकर्दमाः । ताश् च कामदुघा गावो द्रुमाश् चासन् मधुश्च्युतः ॥

babhūvur vanapārśveṣu kūpāḥ pāyasakardamāḥ | tāś ca kāmadughā gāvo drumāś cāsan madhuścyutaḥ

On the skirts of the forest there were wells with mire of milk-rice; and there were wish-yielding cows, and trees dripping honey.

वन के किनारों पर खीर की कीचड़ वाले कूप बन गए; और वहाँ कामधेनु गौएँ थीं तथा मधु टपकाने वाले वृक्ष थे।

Verse 65

वाप्यो मैरेय पूर्णाश् च मृष्टमांसचयैर् वृताः । प्रतप्त पिठरैश् चापि मार्गमायूरकौक्कुटैः ॥

vāpyo maireya pūrṇāś ca mṛṣṭamāṃsacayair vṛtāḥ | pratapta piṭharaiś cāpi mārgamāyūrakaukkuṭaiḥ

And tanks full of maireya wine, surrounded by heaps of savoury meat, and hot pots of roasted peacock and fowl along the way.

और मैरेय मदिरा से भरी बावड़ियाँ थीं, जिनके चारों ओर स्वादिष्ट मांस के ढेर थे, और मार्ग में भुने हुए मोर और मुर्गे से भरे गरम पात्र थे।

Verse 66

पात्रीणां च सहस्राणि शातकुम्भमयानि च । स्थाल्यः कुम्भ्यः करम्भ्यश् च दधिपूर्णाः सुसंस्कृताः । यौवनस्थस्य गौरस्य कपित्थस्य सुगन्धिनः ॥

pātrīṇāṃ ca sahasrāṇi śātakumbhamayāni ca | sthālyaḥ kumbhyaḥ karambhyaś ca dadhipūrṇāḥ susaṃskṛtāḥ | yauvanasthasya gaurasya kapitthasya sugandhinaḥ

And thousands of platters, wrought of gold, and pots, jars, and bowls full of curds, well seasoned, of fresh, pale, fragrant wood-apple.

और सोने के बने हज़ारों थाल, तथा दही से भरी, भली-भाँति सँवारी हुई, ताज़े, गौरवर्ण, सुगन्धित कैथ-काष्ठ की थालियाँ, घड़े और कटोरे थे।

Verse 67

ह्रदाः पूर्णा रसालस्य दध्नः श्वेतस्य चापरे । बभूवुः पायसस्यान्ते शर्करायाश् च संचयाः ॥

hradāḥ pūrṇā rasālasya dadhnaḥ śvetasya cāpare | babhūvuḥ pāyasasyānte śarkarāyāś ca saṃcayāḥ

Lakes were there full of rasala, others of white curds; and beside the milk-rice were heaps of sugar.

कुछ कुण्ड आम के रस से भरे थे, कुछ अन्य श्वेत दही से; और खीर के पास शक्कर के ढेर थे।

Verse 68

कल्कांश् चूर्णकषायांश् च स्नानानि विविधानि च । ददृशुर् भाजनस्थानि तीर्थेषु सरितां नराः ॥

kalkāṃś cūrṇakaṣāyāṃś ca snānāni vividhāni ca | dadṛśur bhājanasthāni tīrtheṣu saritāṃ narāḥ

Pastes and scented powders and baths of many kinds the men beheld, set in vessels at the fords of the rivers.

उबटन, सुगन्धित चूर्ण और नाना प्रकार की स्नान-सामग्री — ये सब पात्रों में रखे हुए मनुष्यों ने नदियों के घाटों पर देखे।

Verse 69

शुक्लान् अंशुमतश् चापि दन्तधावनसंचयान् । शुक्लांश् चन्दनकल्कांश् च समुद्गेष्व् अवतिष्ठतः ॥

śuklān aṃśumataś cāpi dantadhāvanasaṃcayān | śuklāṃś candanakalkāṃś ca samudgeṣv avatiṣṭhataḥ

Bright, glistening heaps of tooth-sticks, and white pastes of sandal set out in caskets,

उज्ज्वल, चमकते हुए दातुन के ढेर, और श्वेत चन्दन की लुगदी डिब्बों में रखी हुई थी।

Verse 70

दर्पणान् परिमृष्टांश् च वाससां चापि संचयान् । पादुकोपानहां चैव युग्मान् यत्र सहस्रशः ॥

darpaṇān parimṛṣṭāṃś ca vāsasāṃ cāpi saṃcayān | pādukopānahāṃ caiva yugmān yatra sahasraśaḥ

and polished mirrors, and heaps of garments, and pairs of sandals and shoes there by the thousand,

और चमकाए हुए दर्पण, वस्त्रों के ढेर, तथा खड़ाऊँ और जूतों के जोड़े वहाँ हज़ारों की संख्या में थे।

Verse 71

आञ्जनीः कङ्कतान् कूर्चांश् छत्राणि च धनूंषि च । मर्मत्राणानि चित्राणि शयनान्य् आसनानि च ॥

āñjanīḥ kaṅkatān kūrcāṃś chatrāṇi ca dhanūṃṣi ca | marmatrāṇāni citrāṇi śayanāny āsanāni ca

collyrium-boxes, combs, and brushes, parasols and bows, wondrous armour for the vital parts, and beds and seats,

अंजन की डिबियाँ, कंघे और कूँची, छत्र और धनुष, मर्मस्थलों की रक्षा करने वाले विचित्र कवच, तथा शय्याएँ और आसन (रखे थे)।

Verse 72

प्रतिपानह्रदान् पूर्णान् खरोष्ट्रगजवाजिनाम् । अवगाह्य सुतीर्थांश् च ह्रदान् सोत्पल पुष्करान् ॥

pratipānahradān pūrṇān kharoṣṭragajavājinām | avagāhya sutīrthāṃś ca hradān sotpala puṣkarān

watering-lakes full for the donkeys, camels, elephants, and horses — having plunged into fair fords, and lakes with lotuses and lilies,

गधों, ऊँटों, हाथियों और घोड़ों के लिए पानी पीने के भरे हुए कुण्ड थे; और सुन्दर घाटों वाले, कमल और कुमुद से युक्त सरोवरों में उतरकर —

Verse 73

नीलवैदूर्यवर्णांश् च मृदून् यवससंचयान् । निर्वापार्थं पशूनां ते ददृशुस् तत्र सर्वशः ॥

nīlavaidūryavarṇāṃś ca mṛdūn yavasasaṃcayān | nirvāpārthaṃ paśūnāṃ te dadṛśus tatra sarvaśaḥ

and soft heaps of fodder the colour of dark lapis lazuli, for the refreshment of the beasts — all this they beheld there, on every side.

नीले वैदूर्य के रंग के कोमल घास-चारे के ढेर पशुओं की तृप्ति के लिए — यह सब उन्होंने वहाँ चारों ओर देखा।

Verse 74

व्यस्मयन्त मनुष्यास् ते स्वप्नकल्पं तद् अद्भुतम् । दृष्ट्वातिथ्यं कृतं तादृग् भरतस्य महर्षिणा ॥

vyasmayanta manuṣyās te svapnakalpaṃ tad adbhutam | dṛṣṭvātithyaṃ kṛtaṃ tādṛg bharatasya maharṣiṇā

Those men marvelled at that wonder, like a dream, beholding such hospitality done for Bharata by the great sage.

महर्षि द्वारा भरत के लिए किया गया वैसा आतिथ्य देखकर वे मनुष्य स्वप्न के समान उस अद्भुत दृश्य पर विस्मित हो गए।

Verse 75

इत्य् एवं रममाणानां देवानाम् इव नन्दने । भरद्वाजाश्रमे रम्ये सा रात्रिर् व्यत्यवर्तत ॥

ity evaṃ ramamāṇānāṃ devānām iva nandane | bharadvājāśrame ramye sā rātrir vyatyavartata

Thus, as they took their pleasure like gods in the Nandana grove, that night passed in the lovely hermitage of Bharadvaja.

इस प्रकार नन्दनवन में देवताओं के समान आनन्द मनाते हुए लोगों की वह रात भरद्वाज के रमणीय आश्रम में बीत गई।

Verse 76

प्रतिजग्मुश् च ता नद्यो गन्धर्वाश् च यथागतम् । भरद्वाजम् अनुज्ञाप्य ताश् च सर्वा वराङ्गनाः ॥

pratijagmuś ca tā nadyo gandharvāś ca yathāgatam | bharadvājam anujñāpya tāś ca sarvā varāṅganāḥ

And those rivers and gandharvas went back as they had come, taking leave of Bharadvaja, and so did all those fair women.

और वे नदियाँ तथा गन्धर्व, भरद्वाज से अनुमति लेकर, जैसे आए थे वैसे ही लौट गए, और वे सब सुन्दरियाँ भी।

Verse 77

तथैव मत्ता मदिरोत्कटा नरास्; तथैव दिव्यागुरुचन्दनोक्षिताः । तथैव दिव्या विविधाः स्रगुत्तमाः; पृथक्प्रकीर्णा मनुजैः प्रमर्दिताः ॥

tathaiva mattā madirotkaṭā narās; tathaiva divyāgurucandanokṣitāḥ | tathaiva divyā vividhāḥ sraguttamāḥ; pṛthakprakīrṇā manujaiḥ pramarditāḥ

Even so the men, drunk and heady with wine, even so anointed with heavenly aloe and sandal, and even so the heavenly garlands of many kinds, choicest of all, lay scattered here and there, crushed by the men.

वैसे ही मदिरा से मत्त एवं उन्मत्त मनुष्य, वैसे ही दिव्य अगर और चन्दन से सींचे हुए, और वैसे ही नाना प्रकार की उत्तम दिव्य मालाएँ — सब मनुष्यों द्वारा कुचली हुई इधर-उधर बिखरी पड़ी थीं।