Sarga 83

Verse 1

व्युष्य रात्रिं तु तत्रैव गङ्गाकूले स राघवः । भरतः काल्यम् उत्थाय शत्रुघ्नम् इदम् अब्रवीत् ॥

vyuṣya rātriṃ tu tatraiva gaṅgākūle sa rāghavaḥ | bharataḥ kālyam utthāya śatrughnam idam abravīt

Having passed the night there on the bank of the Ganga, Raghava's son Bharata rose at dawn and said to Shatrughna:

उस गंगातट पर ही रात बिताकर राघवनन्दन भरत प्रातःकाल उठकर शत्रुघ्न से यह बोले —

Verse 2

शत्रुघोत्तिष्ठ किं शेषे निषादाधिपतिं गुहम् । शीघ्रम् आनय भद्रं ते तारयिष्यति वाहिनीम् ॥

śatrughottiṣṭha kiṃ śeṣe niṣādādhipatiṃ guham | śīghram ānaya bhadraṃ te tārayiṣyati vāhinīm

"Shatrughna, rise; why do you lie there? Bring quickly Guha, lord of the Nishadas — blessings upon you — he will ferry the army across."

"हे शत्रुघ्न! उठो, तुम पड़े क्यों हो? तुम्हारा कल्याण हो, निषादपति गुह को शीघ्र बुला लाओ — वह सेना को पार करा देगा।"

Verse 3

जागर्मि नाहं स्वपिमि तथैवार्यं विचिन्तयन् । इत्य् एवम् अब्रवीद् भ्रात्रा शत्रुघ्नो ऽपि प्रचोदितः ॥

jāgarmi nāhaṃ svapimi tathaivāryaṃ vicintayan | ity evam abravīd bhrātrā śatrughno 'pi pracoditaḥ

"I am awake, I do not sleep, thinking ever of the noble one" — thus did Shatrughna answer, roused by his brother.

"मैं जाग रहा हूँ, सो नहीं रहा; मैं भी वैसे ही आर्य राम का चिन्तन कर रहा हूँ" — भाई के प्रेरित करने पर शत्रुघ्न ने इस प्रकार उत्तर दिया।

Verse 4

इति संवदतोर् एवम् अन्योन्यं नरसिंहयोः । आगम्य प्राञ्जलिः काले गुहो भरतम् अब्रवीत् ॥

iti saṃvadator evam anyonyaṃ narasiṃhayoḥ | āgamya prāñjaliḥ kāle guho bharatam abravīt

As those two lions among men were conversing thus with one another, Guha came in good time with joined hands and said to Bharata:

इस प्रकार वे दोनों नरश्रेष्ठ आपस में बातें कर ही रहे थे कि गुह उचित समय पर हाथ जोड़े आकर भरत से बोला —

Verse 5

कच्चित् सुखं नदीतीरे ऽवात्सीः काकुत्स्थ शर्वरीम् । कच्चिच् च सह सैन्यस्य तव सर्वम् अनामयम् ॥

kaccit sukhaṃ nadītīre 'vātsīḥ kākutstha śarvarīm | kaccic ca saha sainyasya tava sarvam anāmayam

"Did you pass the night in comfort on the river-bank, Kakutstha? And is all well with you and with your army?"

"हे काकुत्स्थ! क्या आपने नदीतट पर सुखपूर्वक रात बिताई? और क्या आप तथा आपकी सेना — सब कुशल से हैं?"

Verse 6

गुहस्य तत् तु वचनं श्रुत्वा स्नेहाद् उदीरितम् । रामस्यानुवशो वाक्यं भरतो ऽपीदम् अब्रवीत् ॥

guhasya tat tu vacanaṃ śrutvā snehād udīritam | rāmasyānuvaśo vākyaṃ bharato 'pīdam abravīt

Hearing that word of Guha's, uttered out of affection, Bharata too, loyal to Rama, said this:

स्नेहवश कहे गए गुह के उस वचन को सुनकर, राम के प्रति अनुरक्त भरत ने भी यह कहा —

Verse 7

सुखा नः शर्वरी राजन् पूजिताश् चापि ते वयम् । गङ्गां तु नौभिर् बह्वीभिर् दाशाः संतारयन्तु नः ॥

sukhā naḥ śarvarī rājan pūjitāś cāpi te vayam | gaṅgāṃ tu naubhir bahvībhir dāśāḥ saṃtārayantu naḥ

"Comfortable was our night, O king, and we were honoured by you; now let the fishermen ferry us across the Ganga in many boats."

"हे राजन्! हमारी रात सुखपूर्वक बीती, और आपके द्वारा हमारा सत्कार भी हुआ; अब मछुआरे अनेक नावों से हमें गंगा पार करा दें।"

Verse 8

ततो गुहः संत्वरितः श्रुत्वा भरतशासनम् । प्रतिप्रविश्य नगरं तं ज्ञातिजनम् अब्रवीत् ॥

tato guhaḥ saṃtvaritaḥ śrutvā bharataśāsanam | pratipraviśya nagaraṃ taṃ jñātijanam abravīt

Then Guha, in haste, hearing Bharata's command, went back into the town and said to his kinsmen:

तब गुह शीघ्रता से भरत की आज्ञा सुनकर नगर में लौटकर अपने बन्धुजनों से बोला —

Verse 9

उत्तिष्ठत प्रबुध्यध्वं भद्रम् अस्तु हि वः सदा । नावः समनुकर्षध्वं तारयिष्याम वाहिनीम् ॥

uttiṣṭhata prabudhyadhvaṃ bhadram astu hi vaḥ sadā | nāvaḥ samanukarṣadhvaṃ tārayiṣyāma vāhinīm

"Rise, awake; blessings be ever upon you; draw up the boats; we shall ferry the army across."

"उठो, जागो; तुम्हारा सदा कल्याण हो; नावें खींच लाओ — हम सेना को पार कराएँगे।"

Verse 10

ते तथोक्ताः समुत्थाय त्वरिता राजशासनात् । पञ्च नावां शतान्य् एव समानिन्युः समन्ततः ॥

te tathoktāḥ samutthāya tvaritā rājaśāsanāt | pañca nāvāṃ śatāny eva samāninyuḥ samantataḥ

Thus addressed, they rose and, in haste at the king's command, brought together five hundred boats from every side.

ऐसा कहे जाने पर वे राजाज्ञा से शीघ्रता से उठकर सब ओर से पाँच सौ नावें ले आए।

Verse 11

अन्याः स्वस्तिकविज्ञेया महाघण्डा धरा वराः । शोभमानाः पताकिन्यो युक्तवाताः सुसंहताः ॥

anyāḥ svastikavijñeyā mahāghaṇḍā dharā varāḥ | śobhamānāḥ patākinyo yuktavātāḥ susaṃhatāḥ

Others, fine craft marked with the svastika, bearing great bells, splendid, with banners, well caulked, their sails set to the wind,

स्वस्तिक-चिह्न से पहचानी जाने वाली, बड़ी-बड़ी घण्टियों वाली, श्रेष्ठ, शोभायमान, पताकाओं से युक्त, हवा के अनुकूल पाल वाली और भली-भाँति जुड़ी हुई अन्य नावें भी (आईं)।

Verse 12

ततः स्वस्तिकविज्ञेयां पाण्डुकम्बलसंवृताम् । सनन्दिघोषां कल्याणीं गुहो नावम् उपाहरत् ॥

tataḥ svastikavijñeyāṃ pāṇḍukambalasaṃvṛtām | sanandighoṣāṃ kalyāṇīṃ guho nāvam upāharat

then Guha brought up a svastika-marked boat, covered with white blankets, auspicious, sounding with joyful din.

फिर गुह ने एक स्वस्तिक-चिह्न वाली, श्वेत कम्बलों से ढकी, मंगलमयी, आनन्दमय मंगल-घोष से गूँजती नाव आगे लायी।

Verse 13

ताम् आरुरोह भरतः शत्रुघ्नश् च महाबलः । कौसल्या च सुमित्रा च याश् चान्या राजयोषितः ॥

tām āruroha bharataḥ śatrughnaś ca mahābalaḥ | kausalyā ca sumitrā ca yāś cānyā rājayoṣitaḥ

Onto it mounted Bharata and the mighty Shatrughna, and Kausalya and Sumitra and the other royal women.

उस पर भरत और महाबली शत्रुघ्न, तथा कौसल्या, सुमित्रा और अन्य राजस्त्रियाँ सवार हुईं।

Verse 14

पुरोहितश् च तत् पूर्वं गुरवे ब्राह्मणाश् च ये । अनन्तरं राजदारास् तथैव शकटापणाः ॥

purohitaś ca tat pūrvaṃ gurave brāhmaṇāś ca ye | anantaraṃ rājadārās tathaiva śakaṭāpaṇāḥ

And first the chaplain, out of respect for the elder, and the brahmins; then the royal wives, and likewise the carts and the wares.

और सबसे पहले गुरुजन के प्रति आदरवश पुरोहित तथा जो ब्राह्मण थे (चढ़े); उसके बाद राजरानियाँ, तथा गाड़ियाँ और सामान।

Verse 15

आवासम् आदीपयतां तीर्थं चाप्य् अवगाहताम् । भाण्डानि चाददानानां घोषस् त्रिदिवम् अस्पृशत् ॥

āvāsam ādīpayatāṃ tīrthaṃ cāpy avagāhatām | bhāṇḍāni cādadānānāṃ ghoṣas tridivam aspṛśat

As they fired the camp and plunged into the crossing-place and took up the baggage, the clamour touched the heavens.

शिविर में आग लगाते, घाट में उतरते और सामान उठाते हुए लोगों का कोलाहल आकाश को छूने लगा।

Verse 16

पताकिन्यस् तु ता नावः स्वयं दाशैर् अधिष्ठिताः । वहन्त्यो जनम् आरूढं तदा संपेतुर् आशुगाः ॥

patākinyas tu tā nāvaḥ svayaṃ dāśair adhiṣṭhitāḥ | vahantyo janam ārūḍhaṃ tadā saṃpetur āśugāḥ

Those boats with banners, themselves manned by the fishermen, bearing the people embarked upon them, then sped across swiftly.

पताकाओं वाली वे नावें, जिन्हें स्वयं मछुआरे चला रहे थे, अपने ऊपर चढ़े लोगों को लेकर तब वेग से पार दौड़ चलीं।

Verse 17

नारीणाम् अभिपूर्णास् तु काश् चित् काश् चित् तु वाजिनाम् । कश् चित् तत्र वहन्ति स्म यानयुग्यं महाधनम् ॥

nārīṇām abhipūrṇās tu kāś cit kāś cit tu vājinām | kaś cit tatra vahanti sma yānayugyaṃ mahādhanam

Some were filled with women, some with horses, and some there bore carriages and teams of great worth.

कुछ नावें स्त्रियों से भरी थीं, कुछ घोड़ों से; और कुछ वहाँ बहुमूल्य गाड़ियाँ और जुड़े हुए रथ-समूह ले जा रही थीं।

Verse 18

ताः स्म गत्वा परं तीरम् अवरोप्य च तं जनम् । निवृत्ताः काण्डचित्राणि क्रियन्ते दाशबन्धुभिः ॥

tāḥ sma gatvā paraṃ tīram avaropya ca taṃ janam | nivṛttāḥ kāṇḍacitrāṇi kriyante dāśabandhubhiḥ

They, having gone to the farther bank and set down the people, returned; and gaily painted patterns were made by the fishermen's folk.

"kāṇḍacitra" is obscure; rendered as decorative painting; readings vary.

वे नावें पार के तट पर जाकर उन लोगों को उतारकर लौट आतीं; और मछुआरों के बन्धुओं द्वारा (जल पर) रंग-बिरंगे आकार (की लहरें) बनती रहीं।

Verse 19

सवैजयन्तास् तु गजा गजारोहैः प्रचोदिताः । तरन्तः स्म प्रकाशन्ते सध्वजा इव पर्वताः ॥

savaijayantās tu gajā gajārohaiḥ pracoditāḥ | tarantaḥ sma prakāśante sadhvajā iva parvatāḥ

The elephants, with their banners, urged on by their riders, as they crossed, shone like mountains with their standards.

ध्वजाओं से युक्त हाथी, महावतों द्वारा प्रेरित होकर, पार करते हुए ध्वजाओं सहित पर्वतों के समान शोभा पा रहे थे।

Verse 20

नावश् चारुरुहुस् त्व् अन्ये प्लवैस् तेरुस् तथापरे । अन्ये कुम्भघटैस् तेरुर् अन्ये तेरुश् च बाहुभिः ॥

nāvaś cāruruhus tv anye plavais terus tathāpare | anye kumbhaghaṭais terur anye teruś ca bāhubhiḥ

Some mounted the boats, others crossed by rafts; others crossed by jars and pots, and others crossed by their arms.

कुछ लोग नावों पर चढ़े, तो कुछ अन्य बेड़ों से पार हुए; कुछ घड़ों और कलशों से पार हुए और कुछ अपनी भुजाओं से तैरकर।

Verse 21

सा पुण्या ध्वजिनी गङ्गां दाशैः संतारिता स्वयम् । मैत्रे मुहूर्ते प्रययौ प्रयागवनम् उत्तमम् ॥

sā puṇyā dhvajinī gaṅgāṃ dāśaiḥ saṃtāritā svayam | maitre muhūrte prayayau prayāgavanam uttamam

That blessed banner-bearing host, ferried across the Ganga by the fishermen themselves, set forth at the auspicious hour of Maitra toward the excellent Prayaga forest.

स्वयं मछुआरों द्वारा गंगा पार करायी गई वह पवित्र ध्वजिनी सेना मैत्र नामक शुभ मुहूर्त में उत्तम प्रयागवन की ओर चल पड़ी।

Verse 22

आश्वासयित्वा च चमूं महात्मा; निवेशयित्वा च यथोपजोषम् । द्रष्टुं भरद्वाजम् ऋषिप्रवर्यम्; ऋत्विग् वृतः सन् भरतः प्रतस्थे ॥

āśvāsayitvā ca camūṃ mahātmā; niveśayitvā ca yathopajoṣam | draṣṭuṃ bharadvājam ṛṣipravaryam; ṛtvig vṛtaḥ san bharataḥ pratasthe

Having set his army at ease and encamped it at its pleasure, the great-souled Bharata, surrounded by the ritual-priests, set out to see Bharadvaja, foremost of sages.

अपनी सेना को विश्राम देकर और उसे उसकी इच्छानुसार ठहराकर महात्मा भरत ऋषिश्रेष्ठ भरद्वाज के दर्शन के लिए, ऋत्विजों से घिरे हुए, प्रस्थान कर गए।