Sarga 82

Verse 1

तच् छ्रुत्वा निपुणं सर्वं भरतः सह मन्त्रिभिः । इङ्गुदीमूलम् आगम्य रामशय्याम् अवेक्ष्य ताम् ॥

tac chrutvā nipuṇaṃ sarvaṃ bharataḥ saha mantribhiḥ | iṅgudīmūlam āgamya rāmaśayyām avekṣya tām

Hearing all that in detail, Bharata, with his ministers, came to the foot of the ingudi tree and beheld that bed of Rama's.

वह सब विस्तार से सुनकर भरत अपने मन्त्रियों सहित इंगुदी वृक्ष की जड़ के पास आए और राम की उस शय्या को देखा।

Verse 2

अब्रवीज् जननीः सर्वा इह तेन महात्मना । शर्वरी शयिता भूमाव् इदम् अस्य विमर्दितम् ॥

abravīj jananīḥ sarvā iha tena mahātmanā | śarvarī śayitā bhūmāv idam asya vimarditam

He said to all his mothers: "Here that great soul slept the night upon the ground; this is the grass he pressed."

उन्होंने अपनी सब माताओं से कहा — "यहाँ उन महात्मा ने भूमि पर रात बिताई; यही वह तृण है जिसे उन्होंने दबाया था।"

Verse 3

महाभागकुलीनेन महाभागेन धीमता । जातो दशरथेनोर्व्यां न रामः स्वप्तुम् अर्हति ॥

mahābhāgakulīnena mahābhāgena dhīmatā | jāto daśarathenorvyāṃ na rāmaḥ svaptum arhati

"Born upon the earth of the wise and greatly blessed Dasharatha, of a greatly blessed line, Rama ought not to sleep thus."

"महान भाग्यशाली एवं बुद्धिमान दशरथ के, जो महाभाग्यशाली कुल में उत्पन्न थे, पुत्र राम को पृथ्वी पर इस प्रकार सोना शोभा नहीं देता।"

Verse 4

अजिनोत्तरसंस्तीर्णे वरास्तरणसंचये । शयित्वा पुरुषव्याघ्रः कथं शेते महीतले ॥

ajinottarasaṃstīrṇe varāstaraṇasaṃcaye | śayitvā puruṣavyāghraḥ kathaṃ śete mahītale

"He who used to lie upon heaps of fine coverings spread over with deerskin — how does that tiger among men now lie upon the ground?"

"जो मृगचर्म से ढकी, श्रेष्ठ बिछौनों के ढेर पर लेटा करते थे, वे पुरुषश्रेष्ठ राम भला भूमितल पर कैसे सोते हैं?"

Verse 5

प्रासादाग्र विमानेषु वलभीषु च सर्वदा । हैमराजतभौमेषु वरास्तरणशालिषु ॥

prāsādāgra vimāneṣu valabhīṣu ca sarvadā | haimarājatabhaumeṣu varāstaraṇaśāliṣu

"In the upper chambers of palaces and in pavilions and on terraces, ever, floored with gold and silver, graced with fine coverings,

"जो सदा प्रासादों के ऊपरी कक्षों, विमानों और छज्जों पर, सोने और चाँदी से मढ़े, श्रेष्ठ बिछौनों से सुशोभित,"

Verse 6

पुष्पसंचयचित्रेषु चन्दनागरुगन्धिषु । पाण्डुराभ्रप्रकाशेषु शुकसंघरुतेषु च ॥

puṣpasaṃcayacitreṣu candanāgarugandhiṣu | pāṇḍurābhraprakāśeṣu śukasaṃgharuteṣu ca

"bright with heaps of flowers, fragrant with sandal and aloe, white as a fair cloud, loud with the cries of parrots,"

"फूलों के ढेरों से चित्रित, चन्दन और अगर की सुगन्ध से भरे, श्वेत मेघ के समान उज्ज्वल, तोतों के झुंडों की बोली से गूँजते (भवनों में सोते थे),"

Verse 7

गीतवादित्रनिर्घोषैर् वराभरणनिःस्वनैः । मृदङ्गवरशब्दैश् च सततं प्रतिबोधितः ॥

gītavāditranirghoṣair varābharaṇaniḥsvanaiḥ | mṛdaṅgavaraśabdaiś ca satataṃ pratibodhitaḥ

"ever awakened by the sound of song and instruments, by the ringing of fine ornaments, and by the excellent beat of drums —"

"गीत-वाद्यों की ध्वनि से, श्रेष्ठ आभूषणों की झंकार से, और मृदंग की उत्तम ध्वनि से जो निरन्तर जगाए जाते थे,"

Verse 8

बन्दिभिर् वन्दितः काले बहुभिः सूतमागधैः । गाथाभिर् अनुरूपाभिः स्तुतिभिश् च परंतपः ॥

bandibhir vanditaḥ kāle bahubhiḥ sūtamāgadhaiḥ | gāthābhir anurūpābhiḥ stutibhiś ca paraṃtapaḥ

"praised in due season by many bards, panegyrists, and minstrels, with fitting verses and eulogies — that scorcher of foes."

"जो शत्रुओं को संतप्त करने वाले उचित समय पर अनेक बन्दीजनों, सूतों और मागधों द्वारा अनुरूप गाथाओं और स्तुतियों से प्रशंसित होते थे —"

Verse 9

अश्रद्धेयम् इदं लोके न सत्यं प्रतिभाति मा । मुह्यते खलु मे भावः स्वप्नो ऽयम् इति मे मतिः ॥

aśraddheyam idaṃ loke na satyaṃ pratibhāti mā | muhyate khalu me bhāvaḥ svapno 'yam iti me matiḥ

"This is beyond belief in the world; it does not seem true to me. My mind indeed is bewildered; it is my thought that this is a dream."

"यह बात संसार में अविश्वसनीय है; मुझे यह सत्य प्रतीत नहीं होती। सचमुच मेरा मन मोहित हो रहा है; मेरा विचार है कि यह कोई स्वप्न है।"

Verse 10

न नूनं दैवतं किं चित् कालेन बलवत्तरम् । यत्र दाशरथी रामो भूमाव् एवं शयीत सः ॥

na nūnaṃ daivataṃ kiṃ cit kālena balavattaram | yatra dāśarathī rāmo bhūmāv evaṃ śayīta saḥ

"Surely there is no divinity mightier than Time, since the son of Dasharatha, Rama, could lie thus upon the ground."

"निश्चय ही काल से बढ़कर कोई देवता (बलवान) नहीं, जिसके कारण दशरथनन्दन राम इस प्रकार भूमि पर सो सके।"

Verse 11

विदेहराजस्य सुता सीता च प्रियदर्शना । दयिता शयिता भूमौ स्नुषा दशरथस्य च ॥

videharājasya sutā sītā ca priyadarśanā | dayitā śayitā bhūmau snuṣā daśarathasya ca

"And Sita, the daughter of the king of Videha, fair to behold, the beloved, has lain upon the ground — she, the daughter-in-law of Dasharatha."

"और विदेहराज की पुत्री, प्रियदर्शना, प्रिय सीता भी भूमि पर सोईं — वही, जो दशरथ की पुत्रवधू हैं।"

Verse 12

इयं शय्या मम भ्रातुर् इदं हि परिवर्तितम् । स्थण्डिले कठिने सर्वं गात्रैर् विमृदितं तृणम् ॥

iyaṃ śayyā mama bhrātur idaṃ hi parivartitam | sthaṇḍile kaṭhine sarvaṃ gātrair vimṛditaṃ tṛṇam

"This is my brother's bed; here he turned about; upon the hard bare ground all the grass is crushed by their bodies."

"यह मेरे भाई की शय्या है; यहाँ वे करवटें बदलते रहे; इस कठोर खुली भूमि पर सब तृण उन दोनों के शरीरों से कुचले हुए हैं।"

Verse 13

मन्ये साभरणा सुप्ता सीतास्मिञ् शयने तदा । तत्र तत्र हि दृश्यन्ते सक्ताः कनकबिन्दवः ॥

manye sābharaṇā suptā sītāsmiñ śayane tadā | tatra tatra hi dṛśyante saktāḥ kanakabindavaḥ

"I think Sita lay with her ornaments on upon this bed then; for here and there are seen clinging specks of gold."

"मैं समझता हूँ कि तब सीता आभूषण पहने ही इस शय्या पर सोईं; क्योंकि यहाँ-वहाँ चिपके हुए सोने के कण दिखाई दे रहे हैं।"

Verse 14

उत्तरीयम् इहासक्तं सुव्यक्तं सीतया तदा । तथा ह्य् एते प्रकाशन्ते सक्ताः कौशेयतन्तवः ॥

uttarīyam ihāsaktaṃ suvyaktaṃ sītayā tadā | tathā hy ete prakāśante saktāḥ kauśeyatantavaḥ

"An upper garment caught here, plainly Sita's then; for see how these threads of silk show, clinging fast."

"यहाँ अटका हुआ उत्तरीय स्पष्ट ही तब सीता का था; तभी तो चिपके हुए ये रेशमी तन्तु दिखाई दे रहे हैं।"

Verse 15

मन्ये भर्तुः सुखा शय्या येन बाला तपस्विनी । सुकुमारी सती दुःखं न विजानाति मैथिली ॥

manye bhartuḥ sukhā śayyā yena bālā tapasvinī | sukumārī satī duḥkhaṃ na vijānāti maithilī

"I think a husband's bed is a soft bed, since the tender and virtuous girl, that ascetic maiden of Mithila, knows no distress."

"मैं समझता हूँ कि पति के साथ की शय्या सुखद होती है, तभी वह कोमल, सती, तपस्विनी मिथिलेशकुमारी बालिका कोई कष्ट नहीं जानती।"

Verse 16

सार्वभौम कुले जातः सर्वलोकसुखावहः । सर्वलोकप्रियस् त्यक्त्वा राज्यं प्रियम् अनुत्तमम् ॥

sārvabhauma kule jātaḥ sarvalokasukhāvahaḥ | sarvalokapriyas tyaktvā rājyaṃ priyam anuttamam

"Born in a line of universal sovereigns, bringer of joy to all the world, dear to all the world — having given up a kingdom, dear and unsurpassed,"

"सार्वभौम सम्राटों के कुल में उत्पन्न, समस्त लोक को सुख पहुँचाने वाले, सब लोक के प्रिय राघव ने अपने परम प्रिय, अनुपम राज्य को त्यागकर —"

Verse 17

कथम् इन्दीवरश्यामो रक्ताक्षः प्रियदर्शनः । सुखभागी च दुःखार्हः शयितो भुवि राघवः ॥

katham indīvaraśyāmo raktākṣaḥ priyadarśanaḥ | sukhabhāgī ca duḥkhārhaḥ śayito bhuvi rāghavaḥ

"how is it that Raghava, dark as a blue lotus, with reddish eyes, fair to look upon, meant for ease, undeserving of sorrow, lies upon the ground?"

"नीलकमल के समान श्यामवर्ण, लाल नेत्रों वाले, प्रियदर्शन, सुख के भागी और दुःख के अयोग्य राघव भला भूमि पर कैसे सोए?"

Verse 18

सिद्धार्था खलु वैदेही पतिं यानुगता वनम् । वयं संशयिताः सर्वे हीनास् तेन महात्मना ॥

siddhārthā khalu vaidehī patiṃ yānugatā vanam | vayaṃ saṃśayitāḥ sarve hīnās tena mahātmanā

"Blessed indeed is the Vaidehi, who has followed her husband to the forest; but we are all in doubt, bereft of that great soul."

"धन्य हैं वैदेही, जो अपने पति के साथ वन चली गईं; पर हम सब संशय में पड़े हैं, उन महात्मा से वंचित।"

Verse 19

अकर्णधारा पृथिवी शून्येव प्रतिभाति मा । गते दशरथे स्वर्गे रामे चारण्यम् आश्रिते ॥

akarṇadhārā pṛthivī śūnyeva pratibhāti mā | gate daśarathe svarge rāme cāraṇyam āśrite

"The earth, now without a helmsman, appears to me as if empty, Dasharatha gone to heaven and Rama betaken to the forest."

"दशरथ के स्वर्गवासी होने और राम के वन चले जाने पर, कर्णधार-विहीन यह पृथ्वी मुझे शून्य-सी प्रतीत होती है।"

Verse 20

न च प्रार्थयते कश् चिन् मनसापि वसुंधराम् । वने ऽपि वसतस् तस्य बाहुवीर्याभिरक्षिताम् ॥

na ca prārthayate kaś cin manasāpi vasuṃdharām | vane 'pi vasatas tasya bāhuvīryābhirakṣitām

"Yet no one, even in thought, covets the earth, guarded though she is only by the strength of his arms while he dwells in the forest."

"फिर भी, वन में निवास करते हुए भी जिसकी रक्षा केवल उनकी भुजाओं के बल से हो रही है, उस पृथ्वी को कोई मन से भी नहीं चाहता।"

Verse 21

शून्यसंवरणारक्षाम् अयन्त्रितहयद्विपाम् । अपावृतपुरद्वारां राजधानीम् अरक्षिताम् ॥

śūnyasaṃvaraṇārakṣām ayantritahayadvipām | apāvṛtapuradvārāṃ rājadhānīm arakṣitām

"The capital with its enclosures and guards empty, its horses and elephants unchecked, its city gates thrown open, unprotected,"

"जिसके परकोटे और रक्षक सूने हैं, जिसके घोड़े और हाथी बेरोक हैं, जिसके नगर-द्वार खुले पड़े हैं, उस अरक्षित राजधानी को —"

Verse 22

अप्रहृष्टबलां न्यूनां विषमस्थाम् अनावृताम् । शत्रवो नाभिमन्यन्ते भक्ष्यान् विषकृतान् इव ॥

aprahṛṣṭabalāṃ nyūnāṃ viṣamasthām anāvṛtām | śatravo nābhimanyante bhakṣyān viṣakṛtān iva

"its forces unrejoicing, diminished, set in disorder, exposed — yet the foes do not covet it, as men shun food that has been poisoned."

"जिसकी सेना हर्षहीन, घटी हुई, अव्यवस्थित और असुरक्षित है, उसे भी शत्रु वैसे ही नहीं चाहते, जैसे लोग विष मिले भोजन को नहीं छूते।"

Verse 23

अद्य प्रभृति भूमौ तु शयिष्ये ऽहं तृणेषु वा । फलमूलाशनो नित्यं जटाचीराणि धारयन् ॥

adya prabhṛti bhūmau tu śayiṣye 'haṃ tṛṇeṣu vā | phalamūlāśano nityaṃ jaṭācīrāṇi dhārayan

"From this day forth I too shall sleep upon the ground or upon the grass, ever eating fruits and roots, wearing matted locks and bark."

"आज से मैं भी भूमि पर या तृणों पर सोऊँगा, सदा फल-मूल का आहार करता और जटा एवं वल्कल धारण करता हुआ।"

Verse 24

तस्यार्थम् उत्तरं कालं निवत्स्यामि सुखं वने । तं प्रतिश्रवम् आमुच्य नास्य मिथ्या भविष्यति ॥

tasyārtham uttaraṃ kālaṃ nivatsyāmi sukhaṃ vane | taṃ pratiśravam āmucya nāsya mithyā bhaviṣyati

"For his sake I shall dwell happily in the forest for the time to come; thus, taking up his pledge upon myself, it shall not prove false for him."

"उनके निमित्त शेष समय मैं सुखपूर्वक वन में निवास करूँगा; इस प्रकार उनकी प्रतिज्ञा अपने ऊपर लेकर, वह उनके लिए मिथ्या नहीं होगी।"

Verse 25

वसन्तं भ्रातुर् अर्थाय शत्रुघ्नो मानुवत्स्यति । लक्ष्मणेन सह त्व् आर्यो अयोध्यां पालयिष्यति ॥

vasantaṃ bhrātur arthāya śatrughno mānuvatsyati | lakṣmaṇena saha tv āryo ayodhyāṃ pālayiṣyati

"While I dwell there for my brother's sake, Shatrughna will dwell with me; and the noble one, together with Lakshmana, shall rule Ayodhya."

"भाई के लिए वन में निवास करते समय शत्रुघ्न मेरे साथ रहेंगे; और आर्य राम लक्ष्मण के साथ अयोध्या का पालन करेंगे।"

Verse 26

अभिषेक्ष्यन्ति काकुत्स्थम् अयोध्यायां द्विजातयः । अपि मे देवताः कुर्युर् इमं सत्यं मनोरथम् ॥

abhiṣekṣyanti kākutstham ayodhyāyāṃ dvijātayaḥ | api me devatāḥ kuryur imaṃ satyaṃ manoratham

"The twice-born shall consecrate Kakutstha in Ayodhya. May the gods bring this heart's desire of mine to be true."

"ब्राह्मण काकुत्स्थ राम का अयोध्या में अभिषेक करेंगे। देवता मेरे इस मनोरथ को सत्य करें।"

Verse 27

प्रसाद्यमानः शिरसा मया स्वयं; बहुप्रकारं यदि न प्रपत्स्यते । ततो ऽनुवत्स्यामि चिराय राघवं; वने वसन् नार्हति माम् उपेक्षितुम् ॥

prasādyamānaḥ śirasā mayā svayaṃ; bahuprakāraṃ yadi na prapatsyate | tato 'nuvatsyāmi cirāya rāghavaṃ; vane vasan nārhati mām upekṣitum

"If, though entreated by me in person, bowing my head, in many ways, he will not consent, then I shall dwell in the forest, following Raghava for long; he cannot disregard me."

"यदि मेरे द्वारा स्वयं सिर झुकाकर अनेक प्रकार से मनाए जाने पर भी वे न मानें, तो मैं चिरकाल तक राघव का अनुसरण करता हुआ वन में ही रहूँगा; वन में रहने वाले वे मेरी उपेक्षा नहीं कर सकते।"