Sarga 81

Verse 1

गुहस्य वचनं श्रुत्वा भरतो भृशम् अप्रियम् । ध्यानं जगाम तत्रैव यत्र तच् छ्रुतम् अप्रियम् ॥

guhasya vacanaṃ śrutvā bharato bhṛśam apriyam | dhyānaṃ jagāma tatraiva yatra tac chrutam apriyam

Hearing Guha's word, exceedingly painful, Bharata sank into brooding, there on the very spot where that painful thing was heard.

गुह का अत्यन्त अप्रिय वचन सुनकर भरत उसी स्थान पर, जहाँ वह अप्रिय समाचार सुना था, गहरी चिन्ता में डूब गए।

Verse 2

सुकुमारो महासत्त्वः सिंहस्कन्धो महाभुजः । पुण्डरीक विशालाक्षस् तरुणः प्रियदर्शनः ॥

sukumāro mahāsattvaḥ siṃhaskandho mahābhujaḥ | puṇḍarīka viśālākṣas taruṇaḥ priyadarśanaḥ

Tender yet of great courage, with shoulders like a lion's and mighty arms, with wide eyes like lotus-petals, young and fair to look upon,

सुकुमार होते हुए भी महान पराक्रमी, सिंह के समान कन्धों और विशाल भुजाओं वाले, कमल की पंखुड़ियों-जैसे बड़े नेत्रों वाले, तरुण और प्रियदर्शन भरत —

Verse 3

प्रत्याश्वस्य मुहूर्तं तु कालं परमदुर्मनाः । पपात सहसा तोत्रैर् हृदि विद्ध इव द्विपः ॥

pratyāśvasya muhūrtaṃ tu kālaṃ paramadurmanāḥ | papāta sahasā totrair hṛdi viddha iva dvipaḥ

having recovered for a moment, in his utter dejection he fell suddenly, like an elephant pierced in the heart by goads.

एक क्षण के लिए सँभलकर, फिर अत्यन्त व्याकुल होकर, अंकुशों से हृदय में बिंधे हुए हाथी के समान सहसा गिर पड़े।

Verse 4

तदवस्थं तु भरतं शत्रुघ्नो ऽनन्तर स्थितः । परिष्वज्य रुरोदोच्चैर् विसंज्ञः शोककर्शितः ॥

tadavasthaṃ tu bharataṃ śatrughno 'nantara sthitaḥ | pariṣvajya rurodoccair visaṃjñaḥ śokakarśitaḥ

Shatrughna, standing close beside him, embracing Bharata in that state, wept aloud, out of his senses, wasted with grief.

उस अवस्था में पड़े भरत को पास ही खड़े शत्रुघ्न ने गले लगाकर, अचेत-से होकर, शोक से व्याकुल होकर ज़ोर से रोने लगे।

Verse 5

ततः सर्वाः समापेतुर् मातरो भरतस्य ताः । उपवास कृशा दीना भर्तृव्यसनकर्शिताः ॥

tataḥ sarvāḥ samāpetur mātaro bharatasya tāḥ | upavāsa kṛśā dīnā bhartṛvyasanakarśitāḥ

Then all those mothers of Bharata came up, wasted with fasting, wretched, worn by the calamity that had befallen their husband.

तभी भरत की वे सब माताएँ वहाँ आ पहुँचीं — उपवास से दुबली, दीन, पति पर आ पड़ी विपत्ति से क्षीण।

Verse 6

ताश् च तं पतितं भूमौ रुदन्त्यः पर्यवारयन् । कौसल्या त्व् अनुसृत्यैनं दुर्मनाः परिषस्वजे ॥

tāś ca taṃ patitaṃ bhūmau rudantyaḥ paryavārayan | kausalyā tv anusṛtyainaṃ durmanāḥ pariṣasvaje

Weeping, they gathered about him as he lay fallen upon the ground; and Kausalya, coming up to him, dejected, embraced him.

भूमि पर गिरे हुए उन भरत को रोती हुई उन माताओं ने घेर लिया; और कौसल्या ने उनके पास आकर, दुखी मन से, उन्हें गले लगा लिया।

Verse 7

वत्सला स्वं यथा वत्सम् उपगूह्य तपस्विनी । परिपप्रच्छ भरतं रुदन्ती शोकलालसा ॥

vatsalā svaṃ yathā vatsam upagūhya tapasvinī | paripapraccha bharataṃ rudantī śokalālasā

Loving, as a devoted mother embraces her own calf, that ascetic woman embraced Bharata and, weeping, abandoned to grief, questioned him:

जैसे कोई वत्सला गाय अपने बछड़े को गोद में भरती है, वैसे ही उस तपस्विनी ने भरत को गले लगाकर, रोते हुए, शोक में डूबकर पूछा —

Verse 8

पुत्रव्याधिर् न ते कच्चिच् छरीरं परिबाधते । अद्य राजकुलस्यास्य त्वदधीनं हि जीवितम् ॥

putravyādhir na te kaccic charīraṃ paribādhate | adya rājakulasyāsya tvadadhīnaṃ hi jīvitam

"No malady, my son, afflicts your body, does it? For today the life of this royal house depends upon you."

"हे पुत्र! कहीं कोई रोग तुम्हारे शरीर को तो नहीं सता रहा? आज इस राजकुल का जीवन तुम्हारे ही अधीन है।"

Verse 9

त्वां दृष्ट्वा पुत्र जीवामि रामे सभ्रातृके गते । वृत्ते दशरथे राज्ञि नाथ एकस् त्वम् अद्य नः ॥

tvāṃ dṛṣṭvā putra jīvāmi rāme sabhrātṛke gate | vṛtte daśarathe rājñi nātha ekas tvam adya naḥ

"Seeing you, my son, I live on, now that Rama is gone with his brother, and King Dasharatha is dead; you alone are our protector today."

"हे पुत्र! तुम्हें देखकर ही मैं जीवित हूँ, अब जब राम अपने भाई सहित वन चले गए और राजा दशरथ का देहान्त हो गया; आज तुम ही हमारे एकमात्र रक्षक हो।"

Verse 10

कच्चिन् न लक्ष्मणे पुत्र श्रुतं ते किं चिद् अप्रियम् । पुत्र वा ह्य् एकपुत्रायाः सहभार्ये वनं गते ॥

kaccin na lakṣmaṇe putra śrutaṃ te kiṃ cid apriyam | putra vā hy ekaputrāyāḥ sahabhārye vanaṃ gate

"Have you heard, my son, some ill news of Lakshmana, or of the son of her who had but one son, gone to the forest with his wife?"

"हे पुत्र! कहीं लक्ष्मण के विषय में तुमने कोई अप्रिय समाचार तो नहीं सुना? अथवा उस एकपुत्रा (सुमित्रा) के पुत्र के विषय में, जो अपनी पत्नी सहित वन गए हैं?"

Verse 11

स मुहूर्तं समाश्वस्य रुदन्न् एव महायशाः । कौसल्यां परिसान्त्व्येदं गुहं वचनम् अब्रवीत् ॥

sa muhūrtaṃ samāśvasya rudann eva mahāyaśāḥ | kausalyāṃ parisāntvyedaṃ guhaṃ vacanam abravīt

He, the illustrious one, having recovered for a moment, still weeping, consoling Kausalya, said this word to Guha:

वे महायशस्वी एक क्षण सँभलकर, रोते-रोते ही, कौसल्या को सान्त्वना देकर गुह से यह वचन बोले —

Verse 12

भ्राता मे क्वावसद् रात्रिं क्व सीता क्व च लक्ष्मणः । अस्वपच् छयने कस्मिन् किं भुक्त्वा गुह शंस मे ॥

bhrātā me kvāvasad rātriṃ kva sītā kva ca lakṣmaṇaḥ | asvapac chayane kasmin kiṃ bhuktvā guha śaṃsa me

"Where did my brother pass the night, and where Sita, and where Lakshmana? On what bed did he sleep, and having eaten what? Guha, tell me."

"मेरे भाई ने रात कहाँ बिताई, सीता कहाँ रहीं और लक्ष्मण कहाँ? वे किस शय्या पर सोए और क्या खाकर? हे गुह! मुझे बताओ।"

Verse 13

सो ऽब्रवीद् भरतं पृष्टो निषादाधिपतिर् गुहः । यद् विधं प्रतिपेदे च रामे प्रियहिते ऽतिथौ ॥

so 'bravīd bharataṃ pṛṣṭo niṣādādhipatir guhaḥ | yad vidhaṃ pratipede ca rāme priyahite 'tithau

Thus questioned, Guha, lord of the Nishadas, told Bharata in what manner he had received Rama, his dear and welcome guest:

इस प्रकार पूछे जाने पर निषादपति गुह ने भरत को बताया कि उसने अपने प्रिय एवं हितकारी अतिथि राम का किस प्रकार सत्कार किया था —

Verse 14

अन्नम् उच्चावचं भक्ष्याः फलानि विविधानि च । रामायाभ्यवहारार्थं बहुचोपहृतं मया ॥

annam uccāvacaṃ bhakṣyāḥ phalāni vividhāni ca | rāmāyābhyavahārārthaṃ bahucopahṛtaṃ mayā

"Food of high and low kinds, things to chew, and fruits of many sorts I brought in plenty for Rama to eat."

"ऊँच-नीच अनेक प्रकार का अन्न, खाने-योग्य वस्तुएँ और नाना प्रकार के फल मैंने राम के भोजन के लिए प्रचुर मात्रा में लाकर प्रस्तुत किए।"

Verse 15

तत् सर्वं प्रत्यनुज्ञासीद् रामः सत्यपराक्रमः । न हि तत् प्रत्यगृह्णात् स क्षत्रधर्मम् अनुस्मरन् ॥

tat sarvaṃ pratyanujñāsīd rāmaḥ satyaparākramaḥ | na hi tat pratyagṛhṇāt sa kṣatradharmam anusmaran

"All that Rama, whose valour is truth, declined; he did not accept it, mindful of a warrior's duty:"

"परन्तु सत्यपराक्रमी राम ने वह सब अस्वीकार कर दिया; क्षत्रिय-धर्म का स्मरण करते हुए उन्होंने उसे ग्रहण नहीं किया —"

Verse 16

न ह्य् अस्माभिः प्रतिग्राह्यं सखे देयं तु सर्वदा । इति तेन वयं राजन्न् अनुनीता महात्मना ॥

na hy asmābhiḥ pratigrāhyaṃ sakhe deyaṃ tu sarvadā | iti tena vayaṃ rājann anunītā mahātmanā

"'It is not for us to receive, friend, but ever to give' — thus were we won over, O king, by that great soul."

"'हे मित्र! हमें ग्रहण करना उचित नहीं, बल्कि सदा देना ही उचित है' — हे राजन्! इस प्रकार उन महात्मा ने हमें समझा दिया।"

Verse 17

लक्ष्मणेन समानीतं पीत्वा वारि महायशाः । औपवास्यं तदाकार्षीद् राघवः सह सीतया ॥

lakṣmaṇena samānītaṃ pītvā vāri mahāyaśāḥ | aupavāsyaṃ tadākārṣīd rāghavaḥ saha sītayā

"Drinking water brought by Lakshmana, the illustrious Raghava then kept a fast, together with Sita."

"लक्ष्मण द्वारा लाया हुआ जल पीकर महायशस्वी राघव ने तब सीता सहित उपवास किया।"

Verse 18

ततस् तु जलशेषेण लक्ष्मणो ऽप्य् अकरोत् तदा । वाग् यतास् ते त्रयः संध्याम् उपासत समाहिताः ॥

tatas tu jalaśeṣeṇa lakṣmaṇo 'py akarot tadā | vāg yatās te trayaḥ saṃdhyām upāsata samāhitāḥ

"Then Lakshmana too, with what water was left, did likewise; and those three, restraining their speech, worshipped the twilight, composed."

"फिर बचे हुए जल से लक्ष्मण ने भी वैसा ही किया; और वे तीनों वाणी को संयत कर, एकाग्रचित्त होकर संध्या की उपासना करने लगे।"

Verse 19

सौमित्रिस् तु ततः पश्चाद् अकरोत् स्वास्तरं शुभम् । स्वयम् आनीय बर्हींषि क्षिप्रं राघव कारणात् ॥

saumitris tu tataḥ paścād akarot svāstaraṃ śubham | svayam ānīya barhīṃṣi kṣipraṃ rāghava kāraṇāt

"Then the son of Sumitra, afterward, made a fair bed, himself bringing kusha grass quickly for Raghava's sake."

"इसके पश्चात सुमित्रानन्दन लक्ष्मण ने स्वयं शीघ्र ही कुश लाकर राघव के लिए एक सुन्दर शय्या बनाई।"

Verse 20

तस्मिन् समाविशद् रामः स्वास्तरे सह सीतया । प्रक्षाल्य च तयोः पादाव् अपचक्राम लक्ष्मणः ॥

tasmin samāviśad rāmaḥ svāstare saha sītayā | prakṣālya ca tayoḥ pādāv apacakrāma lakṣmaṇaḥ

"Upon it Rama lay down together with Sita; and Lakshmana, having washed the feet of those two, withdrew."

"उस शय्या पर राम सीता के साथ लेट गए; और लक्ष्मण उन दोनों के चरण धोकर एक ओर हट गए।"

Verse 21

एतत् तद् इङ्गुदीमूलम् इदम् एव च तत् तृणम् । यस्मिन् रामश् च सीता च रात्रिं तां शयिताव् उभौ ॥

etat tad iṅgudīmūlam idam eva ca tat tṛṇam | yasmin rāmaś ca sītā ca rātriṃ tāṃ śayitāv ubhau

"This is that very foot of the ingudi tree, and this the very grass whereon Rama and Sita both lay that night."

"यह वही इंगुदी वृक्ष की जड़ है, और यही वह तृण है, जिस पर उस रात राम और सीता दोनों सोए थे।"

Verse 22

नियम्य पृष्ठे तु तलाङ्गुलित्रवाञ्; शरैः सुपूर्णाव् इषुधी परंतपः । महद् धनुः सज्यम् उपोह्य लक्ष्मणो; निशाम् अतिष्ठत् परितो ऽस्य केवलम् ॥

niyamya pṛṣṭhe tu talāṅgulitravāñ; śaraiḥ supūrṇāv iṣudhī paraṃtapaḥ | mahad dhanuḥ sajyam upohya lakṣmaṇo; niśām atiṣṭhat parito 'sya kevalam

"With the finger-guard upon his hand bound at his back, his two quivers well filled with arrows, the scorcher of foes, Lakshmana, holding his great strung bow, stood through the night all around him, alone."

"हाथ में अँगुलित्राण (दस्ताना) बाँधकर, पीठ पर बाणों से भरे दो तरकश लटकाए, शत्रुओं को संतप्त करने वाले लक्ष्मण अपना महान धनुष चढ़ाए हुए रात भर अकेले ही इनके चारों ओर खड़े पहरा देते रहे।"

Verse 23

ततस् त्व् अहं चोत्तमबाणचापधृक्; स्थितो ऽभवं तत्र स यत्र लक्ष्मणः । अतन्द्रिभिर् ज्ञातिभिर् आत्तकार्मुकैर्; महेन्द्रकल्पं परिपालयंस् तदा ॥

tatas tv ahaṃ cottamabāṇacāpadhṛk; sthito 'bhavaṃ tatra sa yatra lakṣmaṇaḥ | atandribhir jñātibhir āttakārmukair; mahendrakalpaṃ paripālayaṃs tadā

"Then I too, bearing excellent bow and arrows, stood there where Lakshmana was, with my sleepless kinsmen, their bows taken up, guarding him who is like great Indra."

"तब मैं भी उत्तम धनुष-बाण धारण किए वहीं खड़ा रहा, जहाँ लक्ष्मण थे; अपने अथक, धनुष उठाए हुए बन्धुओं के साथ, महेन्द्र के समान उन (राम) की रक्षा करता रहा।"