Sarga 76

Verse 1

ताम् आर्यगणसंपूर्णां भरतः प्रग्रहां सभाम् । ददर्श बुद्धिसंपन्नः पूर्णचन्द्रां निशाम् इव ॥

tām āryagaṇasaṃpūrṇāṃ bharataḥ pragrahāṃ sabhām | dadarśa buddhisaṃpannaḥ pūrṇacandrāṃ niśām iva

Bharata, endowed with wisdom, beheld that hall thronged with noble men and splendid, like the night of the full moon.

बुद्धिसंपन्न भरत ने आर्यजनों से भरी, तेजस्वी उस सभा को पूर्ण चंद्रमा वाली रात्रि के समान देखा।

Verse 2

आसनानि यथान्यायम् आर्याणां विशतां तदा । अदृश्यत घनापाये पूर्णचन्द्रेव शर्वरी ॥

āsanāni yathānyāyam āryāṇāṃ viśatāṃ tadā | adṛśyata ghanāpāye pūrṇacandreva śarvarī

As the noble ones entered and took their seats in due order, it appeared like the night, with the full moon, at the passing of the clouds.

जब आर्यजन प्रवेश करके यथाक्रम अपने आसनों पर बैठे, तब वह सभा बादलों के छँट जाने पर पूर्ण चंद्रमा वाली रात्रि के समान जान पड़ी।

Verse 3

राज्ञस् तु प्रकृतीः सर्वाः समग्राः प्रेक्ष्य धर्मवित् । इदं पुरोहितो वाक्यं भरतं मृदु चाब्रवीत् ॥

rājñas tu prakṛtīḥ sarvāḥ samagrāḥ prekṣya dharmavit | idaṃ purohito vākyaṃ bharataṃ mṛdu cābravīt

Seeing all the king's subjects gathered in full, the chaplain, knower of righteousness, spoke this gentle word to Bharata:

राजा की समस्त प्रजा को पूरी एकत्र देखकर धर्मज्ञ पुरोहित ने भरत से यह कोमल वचन कहा—

Verse 4

तात राजा दशरथः स्वर्गतो धर्मम् आचरन् । धन धान्यवतीं स्फीतां प्रदाय पृथिवीं तव ॥

tāta rājā daśarathaḥ svargato dharmam ācaran | dhana dhānyavatīṃ sphītāṃ pradāya pṛthivīṃ tava

"Dear child, King Dasharatha, following righteousness, is gone to heaven, having given over to you the earth, prosperous and rich in wealth and grain."

"तात! धर्म का आचरण करते हुए राजा दशरथ धन-धान्य से संपन्न, समृद्ध पृथ्वी तुम्हें सौंपकर स्वर्ग सिधार गए।

Verse 5

रामस् तथा सत्यधृतिः सतां धर्मम् अनुस्मरन् । नाजहात् पितुर् आदेशं शशी ज्योत्स्नाम् इवोदितः ॥

rāmas tathā satyadhṛtiḥ satāṃ dharmam anusmaran | nājahāt pitur ādeśaṃ śaśī jyotsnām ivoditaḥ

"And Rama, firm in truth, mindful of the righteousness of the good, forsook not his father's command, like the risen moon that forsakes not its light."

और सत्यधृति राम ने सत्पुरुषों के धर्म का स्मरण करते हुए पिता के आदेश का वैसे ही त्याग नहीं किया, जैसे उदित चंद्रमा अपनी चाँदनी का।

Verse 6

पित्रा भ्रात्रा च ते दत्तं राज्यं निहतकण्टकम् । तद् भुङ्क्ष्व मुदितामात्यः क्षिप्रम् एवाभिषेचय ॥

pitrā bhrātrā ca te dattaṃ rājyaṃ nihatakaṇṭakam | tad bhuṅkṣva muditāmātyaḥ kṣipram evābhiṣecaya

"The kingdom, freed of thorns, has been given to you by your father and your brother; enjoy it then with glad ministers, and swiftly consecrate yourself."

पिता और भाई के द्वारा तुम्हें कंटकरहित राज्य दिया गया है; उसे प्रसन्न मंत्रियों के साथ भोगो और शीघ्र ही अपना अभिषेक कराओ।

Verse 7

उदीच्याश् च प्रतीच्याश् च दाक्षिणात्याश् च केवलाः । कोट्यापरान्ताः सामुद्रा रत्नान्य् अभिहरन्तु ते ॥

udīcyāś ca pratīcyāś ca dākṣiṇātyāś ca kevalāḥ | koṭyāparāntāḥ sāmudrā ratnāny abhiharantu te

"Let the men of the north and the west, and those of the south entire, and the dwellers on the sea-coasts to the farthest bounds, bring you their jewels."

उत्तर, पश्चिम और समूचे दक्षिण के लोग तथा दूरतम सीमाओं तक समुद्रतटवासी तुम्हारे लिए रत्न ले आएँ।"

Verse 8

तच् छ्रुत्वा भरतो वाक्यं शोकेनाभिपरिप्लुतः । जगाम मनसा रामं धर्मज्ञो धर्मकाङ्क्षया ॥

tac chrutvā bharato vākyaṃ śokenābhipariplutaḥ | jagāma manasā rāmaṃ dharmajño dharmakāṅkṣayā

Hearing that word, Bharata, overwhelmed with grief, knower of righteousness, went in mind to Rama out of longing for righteousness.

वह वचन सुनकर शोक में डूबे धर्मज्ञ भरत धर्म की इच्छा से मन-ही-मन राम के पास चले गए।

Verse 9

स बाष्पकलया वाचा कलहंसस्वरो युवा । विललाप सभामध्ये जगर्हे च पुरोहितम् ॥

sa bāṣpakalayā vācā kalahaṃsasvaro yuvā | vilalāpa sabhāmadhye jagarhe ca purohitam

That youth, with voice like the cry of a swan, now choked with tears, lamented in the midst of the hall and reproached the chaplain:

हंस के समान स्वर वाले वे युवक आँसुओं से रुँधी वाणी से सभा के बीच विलाप करने लगे और पुरोहित को उलाहना देने लगे—

Verse 10

चरितब्रह्मचर्यस्य विद्या स्नातस्य धीमतः । धर्मे प्रयतमानस्य को राज्यं मद्विधो हरेत् ॥

caritabrahmacaryasya vidyā snātasya dhīmataḥ | dharme prayatamānasya ko rājyaṃ madvidho haret

"How should one like me rob of the kingdom him who has lived the life of chastity, bathed in learning, wise, striving after righteousness?"

"जिसने ब्रह्मचर्य का पालन किया, जो विद्या में स्नातक, बुद्धिमान और धर्म में प्रयत्नशील है, उसका राज्य मुझ-जैसा कोई कैसे हर सकता है?

Verse 11

कथं दशरथाज् जातो भवेद् राज्यापहारकः । राज्यं चाहं च रामस्य धर्मं वक्तुम् इहार्हसि ॥

kathaṃ daśarathāj jāto bhaved rājyāpahārakaḥ | rājyaṃ cāhaṃ ca rāmasya dharmaṃ vaktum ihārhasi

"How should one born of Dasharatha be a seizer of the kingdom? The kingdom is Rama's, and I am his; here you ought to declare the right."

दशरथ से उत्पन्न कोई राज्य-अपहारक कैसे हो सकता है? राज्य राम का है और मैं भी राम का हूँ; यहाँ आपको धर्म की बात कहनी चाहिए।

Verse 12

ज्येष्ठः श्रेष्ठश् च धर्मात्मा दिलीपनहुषोपमः । लब्धुम् अर्हति काकुत्स्थो राज्यं दशरथो यथा ॥

jyeṣṭhaḥ śreṣṭhaś ca dharmātmā dilīpanahuṣopamaḥ | labdhum arhati kākutstho rājyaṃ daśaratho yathā

"The eldest, the best, the righteous soul, like unto Dilipa and Nahusha — the Kakutstha deserves to obtain the kingdom, as Dasharatha did."

ज्येष्ठ, श्रेष्ठ, धर्मात्मा, दिलीप और नहुष के समान वे काकुत्स्थ राम ही राज्य पाने के योग्य हैं, जैसे दशरथ थे।

Verse 13

अनार्यजुष्टम् अस्वर्ग्यं कुर्यां पापम् अहं यदि । इक्ष्वाकूणाम् अहं लोके भवेयं कुलपांसनः ॥

anāryajuṣṭam asvargyaṃ kuryāṃ pāpam ahaṃ yadi | ikṣvākūṇām ahaṃ loke bhaveyaṃ kulapāṃsanaḥ

"If I were to do a sin, resorted to by the ignoble and barring heaven, I should become in the world a stain upon the line of the Ikshvakus."

यदि मैं अनार्यों के द्वारा सेवित, स्वर्ग से वंचित करने वाला पाप करूँ, तो संसार में इक्ष्वाकुओं के कुल को कलंकित करने वाला बन जाऊँगा।

Verse 14

यद् धि मात्रा कृतं पापं नाहं तद् अभिरोचये । इहस्थो वनदुर्गस्थं नमस्यामि कृताञ्जलिः ॥

yad dhi mātrā kṛtaṃ pāpaṃ nāhaṃ tad abhirocaye | ihastho vanadurgasthaṃ namasyāmi kṛtāñjaliḥ

"For the sin that was wrought by my mother — that I do not approve; standing here, I bow with joined hands to him who abides in the fastness of the forest."

मेरी माता ने जो पाप किया, उसका मैं अनुमोदन नहीं करता; यहाँ खड़ा मैं वन के दुर्गम प्रदेश में स्थित उन (राम) को हाथ जोड़कर प्रणाम करता हूँ।

Verse 15

रामम् एवानुगच्छामि स राजा द्विपदां वरः । त्रयाणाम् अपि लोकानां राघवो राज्यम् अर्हति ॥

rāmam evānugacchāmi sa rājā dvipadāṃ varaḥ | trayāṇām api lokānāṃ rāghavo rājyam arhati

"Rama alone do I follow; he is the king, the best of two-footed beings; Raghava deserves the kingship even of the three worlds."

मैं राम का ही अनुसरण करता हूँ; वही राजा हैं, दो पैर वालों में श्रेष्ठ; राघव तीनों लोकों के राज्य के भी योग्य हैं।"

Verse 16

तद् वाक्यं धर्मसंयुक्तं श्रुत्वा सर्वे सभासदः । हर्षान् मुमुचुर् अश्रूणि रामे निहितचेतसः ॥

tad vākyaṃ dharmasaṃyuktaṃ śrutvā sarve sabhāsadaḥ | harṣān mumucur aśrūṇi rāme nihitacetasaḥ

Hearing that word joined to righteousness, all the members of the assembly, their hearts fixed on Rama, shed tears of joy.

धर्म से युक्त उस वचन को सुनकर राम में मन लगाए सभी सभासद हर्ष से आँसू बहाने लगे।

Verse 17

यदि त्व् आर्यं न शक्ष्यामि विनिवर्तयितुं वनात् । वने तत्रैव वत्स्यामि यथार्यो लक्ष्मणस् तथा ॥

yadi tv āryaṃ na śakṣyāmi vinivartayituṃ vanāt | vane tatraiva vatsyāmi yathāryo lakṣmaṇas tathā

"But if I cannot bring the noble one back from the forest, then there in the forest will I dwell, even as the noble Lakshmana does."

"किंतु यदि मैं आर्य को वन से लौटा न सका, तो वहीं वन में निवास करूँगा, जैसे आर्य लक्ष्मण कर रहे हैं।

Verse 18

सर्वोपायं तु वर्तिष्ये विनिवर्तयितुं बलात् । समक्षम् आर्य मिश्राणां साधूनां गुणवर्तिनाम् ॥

sarvopāyaṃ tu vartiṣye vinivartayituṃ balāt | samakṣam ārya miśrāṇāṃ sādhūnāṃ guṇavartinām

"By every means will I strive to bring him back by force, in the presence of the noble, the good, those of virtuous conduct."

आर्य, सज्जन और सदाचारी लोगों के समक्ष मैं सब उपायों से यत्न करूँगा कि उन्हें बलपूर्वक लौटा लाऊँ।"

Verse 19

एवम् उक्त्वा तु धर्मात्मा भरतो भ्रातृवत्सलः । समीपस्थम् उवाचेदं सुमन्त्रं मन्त्रकोविदम् ॥

evam uktvā tu dharmātmā bharato bhrātṛvatsalaḥ | samīpastham uvācedaṃ sumantraṃ mantrakovidam

Having spoken thus, the righteous Bharata, loving his brother, said this to Sumantra, skilled in counsel, who stood near:

इस प्रकार कहकर भाईप्रेमी धर्मात्मा भरत ने पास ही खड़े मंत्रज्ञ सुमंत्र से यह कहा—

Verse 20

तूर्णम् उत्थाय गच्छ त्वं सुमन्त्र मम शासनात् । यात्राम् आज्ञापय क्षिप्रं बलं चैव समानय ॥

tūrṇam utthāya gaccha tvaṃ sumantra mama śāsanāt | yātrām ājñāpaya kṣipraṃ balaṃ caiva samānaya

"Rise quickly and go, Sumantra, at my command; order the march at once, and bring up the army."

"सुमंत्र! मेरी आज्ञा से तुम शीघ्र उठकर जाओ; यात्रा की आज्ञा शीघ्र दो और सेना को भी एकत्र करो।"

Verse 21

एवम् उक्तः सुमन्त्रस् तु भरतेन महात्मना । प्रहृष्टः सो ऽदिशत् सर्वं यथा संदिष्टम् इष्टवत् ॥

evam uktaḥ sumantras tu bharatena mahātmanā | prahṛṣṭaḥ so 'diśat sarvaṃ yathā saṃdiṣṭam iṣṭavat

Thus addressed by the great-souled Bharata, Sumantra, rejoiced, ordered all as it had been bidden, gladly.

महात्मा भरत के इस प्रकार कहने पर हर्षित सुमंत्र ने, जैसा आदेश दिया गया था, वैसा ही सब कुछ सहर्ष कराया।

Verse 22

ताः प्रहृष्टाः प्रकृतयो बलाध्यक्षा बलस्य च । श्रुत्वा यात्रां समाज्ञप्तां राघवस्य निवर्तने ॥

tāḥ prahṛṣṭāḥ prakṛtayo balādhyakṣā balasya ca | śrutvā yātrāṃ samājñaptāṃ rāghavasya nivartane

Those subjects, and the commanders of the army, rejoiced to hear the march ordered for the bringing back of Raghava.

राघव को लौटा लाने के लिए यात्रा का आदेश सुनकर वे प्रजाजन और सेना के सेनापति हर्षित हुए।

Verse 23

ततो योधाङ्गनाः सर्वा भर्तॄन् सर्वान् गृहेगृहे । यात्रा गमनम् आज्ञाय त्वरयन्ति स्म हर्षिताः ॥

tato yodhāṅganāḥ sarvā bhartṝn sarvān gṛhegṛhe | yātrā gamanam ājñāya tvarayanti sma harṣitāḥ

Then all the wives of the warriors, in house after house, learning of the setting out upon the march, gladly urged on all their husbands.

तब योद्धाओं की सब स्त्रियाँ घर-घर में यात्रा के प्रस्थान को जानकर हर्षित होकर अपने-अपने पतियों को शीघ्रता के लिए प्रेरित करने लगीं।

Verse 24

ते हयैर् गोरथैः शीघ्रैः स्यन्दनैश् च मनोजवैः । सह योधैर् बलाध्यक्षा बलं सर्वम् अचोदयन् ॥

te hayair gorathaiḥ śīghraiḥ syandanaiś ca manojavaiḥ | saha yodhair balādhyakṣā balaṃ sarvam acodayan

The commanders of the army, with the warriors, urged on the whole force with swift horses, ox-carts, and chariots fleet as thought.

सेनापतियों ने योद्धाओं सहित तेज घोड़ों, बैलगाड़ियों और मन के समान वेगवान रथों से समूची सेना को प्रेरित किया।

Verse 25

सज्जं तु तद् बलं दृष्ट्वा भरतो गुरुसंनिधौ । रथं मे त्वरयस्वेति सुमन्त्रं पार्श्वतो ऽब्रवीत् ॥

sajjaṃ tu tad balaṃ dṛṣṭvā bharato gurusaṃnidhau | rathaṃ me tvarayasveti sumantraṃ pārśvato 'bravīt

Seeing that army made ready, Bharata, in the presence of his elder, said to Sumantra at his side: "Make ready my chariot in haste."

उस सेना को तैयार देखकर भरत ने गुरु (वसिष्ठ) के समीप, अपने पास खड़े सुमंत्र से कहा—"मेरा रथ शीघ्र तैयार कराओ।"

Verse 26

भरतस्य तु तस्याज्ञां प्रतिगृह्य प्रहर्षितः । रथं गृहीत्वा प्रययौ युक्तं परमवाजिभिः ॥

bharatasya tu tasyājñāṃ pratigṛhya praharṣitaḥ | rathaṃ gṛhītvā prayayau yuktaṃ paramavājibhiḥ

Receiving Bharata's command, rejoiced, Sumantra took a chariot yoked with excellent horses and came forth.

भरत की उस आज्ञा को पाकर हर्षित सुमंत्र उत्तम घोड़ों से जुता हुआ रथ लेकर आए।

Verse 27

स राघवः सत्यधृतिः प्रतापवान्; ब्रुवन् सुयुक्तं दृढसत्यविक्रमः । गुरुं महारण्यगतं यशस्विनं; प्रसादयिष्यन् भरतो ऽब्रवीत् तदा ॥

sa rāghavaḥ satyadhṛtiḥ pratāpavān; bruvan suyuktaṃ dṛḍhasatyavikramaḥ | guruṃ mahāraṇyagataṃ yaśasvinaṃ; prasādayiṣyan bharato 'bravīt tadā

That Raghava, firm in truth, mighty, of steadfast and true valour, speaking what was fitting, intending to win back by his pleading his illustrious elder gone to the great forest — Bharata then spoke:

सत्यधृति, प्रतापी, दृढ़ और सच्चे पराक्रम वाले वे राघव भरत, उचित वचन कहते हुए, महान वन में गए अपने यशस्वी गुरुजन (राम) को प्रसन्न करने की इच्छा से तब बोले—

Verse 28

तूण समुत्थाय सुमन्त्र गच्छ; बलस्य योगाय बलप्रधानान् । आनेतुम् इच्छामि हि तं वनस्थं; प्रसाद्य रामं जगतो हिताय ॥

tūṇa samutthāya sumantra gaccha; balasya yogāya balapradhānān | ānetum icchāmi hi taṃ vanasthaṃ; prasādya rāmaṃ jagato hitāya

"Rise quickly, Sumantra, and go to make ready the army, with its chief commanders; for I wish to bring back him who abides in the forest, having won Rama's grace, for the good of the world."

"सुमंत्र! शीघ्र उठकर जाओ और प्रमुख सेनापतियों सहित सेना को तैयार कराओ; क्योंकि मैं वन में स्थित उन राम को प्रसन्न करके, जगत के हित के लिए लौटा लाना चाहता हूँ।"

Verse 29

स सूतपुत्रो भरतेन सम्यग्; आज्ञापितः संपरिपूर्णकामः । शशास सर्वान् प्रकृतिप्रधानान्; बलस्य मुख्यांश् च सुहृज्जनं च ॥

sa sūtaputro bharatena samyag; ājñāpitaḥ saṃparipūrṇakāmaḥ | śaśāsa sarvān prakṛtipradhānān; balasya mukhyāṃś ca suhṛjjanaṃ ca

That son of the charioteer, duly commanded by Bharata, his wish fulfilled, gave his orders to all the chief subjects, the leaders of the army, and the well-wishers.

भरत के द्वारा भली-भाँति आज्ञा पाकर, अपनी कामना पूर्ण हुए उस सूतपुत्र ने समस्त प्रमुख प्रजाजनों, सेना के मुख्य लोगों और सुहृज्जनों को आदेश दिया।

Verse 30

ततः समुत्थाय कुले कुले ते; राजन्यवैश्या वृषलाश् च विप्राः । अयूयुजन्न् उष्ट्ररथान् खरांश् च; नागान् हयांश् चैव कुलप्रसूतान् ॥

tataḥ samutthāya kule kule te; rājanyavaiśyā vṛṣalāś ca viprāḥ | ayūyujann uṣṭrarathān kharāṃś ca; nāgān hayāṃś caiva kulaprasūtān

Then, rising up in household after household, warriors and merchants, servants and brahmins yoked their camel-carts and donkeys, their elephants and horses bred of good stock.

तब घर-घर में उठकर क्षत्रिय, वैश्य, शूद्र और ब्राह्मण अपनी ऊँट-गाड़ियों, गधों, हाथियों और कुलीन घोड़ों को जोतने लगे।