Sarga 74

Verse 1

अथ भूमिप्रदेशज्ञाः सूत्रकर्मविशारदाः । स्वकर्माभिरताः शूराः खनका यन्त्रकास् तथा ॥

atha bhūmipradeśajñāḥ sūtrakarmaviśāradāḥ | svakarmābhiratāḥ śūrāḥ khanakā yantrakās tathā

Then those who knew the lie of the land, skilled in the work of the measuring-line, delighting in their craft, valiant diggers and makers of engines,

तब भूमि के प्रदेशों के ज्ञाता, मापने की डोरी के कार्य में निपुण, अपने काम में लगे शूरवीर खोदने वाले तथा यंत्र बनाने वाले,

Verse 2

कर्मान्तिकाः स्थपतयः पुरुषा यन्त्रकोविदाः । तथा वर्धकयश् चैव मार्गिणो वृक्षतक्षकाः ॥

karmāntikāḥ sthapatayaḥ puruṣā yantrakovidāḥ | tathā vardhakayaś caiva mārgiṇo vṛkṣatakṣakāḥ

workmen, master-builders, men versed in machinery, and carpenters too, road-makers and tree-hewers,

कारीगर, स्थपति, यंत्र-विद्या में निपुण पुरुष, तथा बढ़ई, मार्ग बनाने वाले और वृक्ष काटने वाले,

Verse 3

कूपकाराः सुधाकारा वंशकर्मकृतस् तथा । समर्था ये च द्रष्टारः पुरतस् ते प्रतस्थिरे ॥

kūpakārāḥ sudhākārā vaṃśakarmakṛtas tathā | samarthā ye ca draṣṭāraḥ puratas te pratasthire

well-diggers, plasterers, and workers in bamboo, and those skilled in surveying — all these set forth in advance.

कुआँ खोदने वाले, पलस्तर करने वाले और बाँस का काम करने वाले, तथा जो सर्वेक्षण में समर्थ थे—ये सब आगे-आगे चल पड़े।

Verse 4

स तु हर्षात् तम् उद्देशं जनौघो विपुलः प्रयान् । अशोभत महावेगः सागरस्येव पर्वणि ॥

sa tu harṣāt tam uddeśaṃ janaugho vipulaḥ prayān | aśobhata mahāvegaḥ sāgarasyeva parvaṇi

That vast throng of people, going gladly to the appointed place, moved in great surge like the swell of the ocean at the full moon.

वह विशाल जनसमूह हर्ष से उस नियत स्थान की ओर जाता हुआ, पूर्णिमा के समुद्र के समान, महान वेग से शोभा पाने लगा।

Verse 5

ते स्ववारं समास्थाय वर्त्मकर्माणि कोविदाः । करणैर् विविधोपेतैः पुरस्तात् संप्रतस्थिरे ॥

te svavāraṃ samāsthāya vartmakarmāṇi kovidāḥ | karaṇair vividhopetaiḥ purastāt saṃpratasthire

Each taking his own turn, those skilled in the work of road-making set forth in front with their various implements.

मार्ग-निर्माण में निपुण वे लोग अपनी-अपनी बारी लेकर, नाना प्रकार के उपकरणों के साथ आगे-आगे चल पड़े।

Verse 6

लतावल्लीश् च गुल्मांश् च स्थाणून् अश्मन एव च । जनास् ते चक्रिरे मार्गं छिन्दन्तो विविधान् द्रुमान् ॥

latāvallīś ca gulmāṃś ca sthāṇūn aśmana eva ca | janās te cakrire mārgaṃ chindanto vividhān drumān

Those men made the road, cutting away creepers and vines and thickets, tree-stumps and stones, and trees of many kinds.

उन लोगों ने लताओं, बेलों, झाड़ियों, ठूँठों और पत्थरों को तथा नाना प्रकार के वृक्षों को काटते हुए मार्ग बनाया।

Verse 7

अवृक्षेषु च देशेषु के चिद् वृक्षान् अरोपयन् । के चित् कुठारैष् टङ्कैश् च दात्रैश् छिन्दन् क्व चित् क्व चित् ॥

avṛkṣeṣu ca deśeṣu ke cid vṛkṣān aropayan | ke cit kuṭhāraiṣ ṭaṅkaiś ca dātraiś chindan kva cit kva cit

In treeless tracts some planted trees; others, here and there, cut away with axes, chisels, and sickles.

वृक्षरहित प्रदेशों में कुछ लोगों ने वृक्ष लगाए; और कुछ ने कहीं-कहीं कुल्हाड़ियों, टाँकियों और हँसियों से काटा।

Verse 8

अपरे वीरणस्तम्बान् बलिनो बलवत्तराः । विधमन्ति स्म दुर्गाणि स्थलानि च ततस् ततः ॥

apare vīraṇastambān balino balavattarāḥ | vidhamanti sma durgāṇi sthalāni ca tatas tataḥ

Others, strong and stronger yet, tore up the clumps of virana grass and levelled the rough places and the high grounds here and there.

दूसरे अत्यंत बलवान लोगों ने विरण घास के झुरमुटों को उखाड़ा और यहाँ-वहाँ के ऊबड़-खाबड़ तथा ऊँचे स्थानों को समतल किया।

Verse 9

अपरे ऽपूरयन् कूपान् पांसुभिः श्वभ्रम् आयतम् । निम्नभागांस् तथा के चित् समांश् चक्रुः समन्ततः ॥

apare 'pūrayan kūpān pāṃsubhiḥ śvabhram āyatam | nimnabhāgāṃs tathā ke cit samāṃś cakruḥ samantataḥ

Others filled up wells and broad pits with earth; and some made the low-lying portions level all around.

दूसरों ने कुओं और चौड़े गड्ढों को मिट्टी से भर दिया; और कुछ ने नीचे की जमीन को चारों ओर समतल कर दिया।

Verse 10

बबन्धुर् बन्धनीयांश् च क्षोद्यान् संचुक्षुदुस् तदा । बिभिदुर् भेदनीयांश् च तांस् तान् देशान् नरास् तदा ॥

babandhur bandhanīyāṃś ca kṣodyān saṃcukṣudus tadā | bibhidur bhedanīyāṃś ca tāṃs tān deśān narās tadā

They dammed up what should be dammed, pounded what should be pounded, and split what should be split, in place after place, those men.

उन लोगों ने तब बाँधने योग्य स्थानों को बाँधा, कूटने योग्य को कूटा और तोड़ने योग्य उन-उन स्थानों को तोड़ा।

Verse 11

अचिरेणैव कालेन परिवाहान् बहूदकान् । चक्रुर् बहुविधाकारान् सागरप्रतिमान् बहून् । उदपानान् बहुविधान् वेदिका परिमण्डितान् ॥

acireṇaiva kālena parivāhān bahūdakān | cakrur bahuvidhākārān sāgarapratimān bahūn | udapānān bahuvidhān vedikā parimaṇḍitān

In but a little while they made many channels of abundant water, of many shapes, many that resembled the sea, and wells of many kinds, adorned with railed platforms.

थोड़े ही समय में उन्होंने प्रचुर जल वाली, अनेक आकारों की, समुद्र के समान अनेक नहरें बनाईं, और वेदिकाओं से सुसज्जित नाना प्रकार के कुएँ बनाए।

Verse 12

ससुधाकुट्टिमतलः प्रपुष्पितमहीरुहः । मत्तोद्घुष्टद्विजगणः पताकाभिर् अलंकृतः ॥

sasudhākuṭṭimatalaḥ prapuṣpitamahīruhaḥ | mattodghuṣṭadvijagaṇaḥ patākābhir alaṃkṛtaḥ

With its floor of stucco pavement, its trees in full flower, its flocks of birds crying in rapture, decked with banners,

चूने के पक्के फर्श वाला, फूले हुए वृक्षों वाला, मतवाले पक्षियों के समूहों से गूँजता, पताकाओं से अलंकृत,

Verse 13

चन्दनोदकसंसिक्तो नानाकुसुमभूषितः । बह्व् अशोभत सेनायाः पन्थाः स्वर्गपथोपमः ॥

candanodakasaṃsikto nānākusumabhūṣitaḥ | bahv aśobhata senāyāḥ panthāḥ svargapathopamaḥ

sprinkled with sandal-water, adorned with blossoms of many kinds, the army's road shone forth in splendour, like the path to heaven.

चंदन-जल से सींचा हुआ, नाना फूलों से सजा हुआ सेना का वह मार्ग स्वर्ग के मार्ग के समान अत्यंत शोभा पाने लगा।

Verse 14

आज्ञाप्याथ यथाज्ञप्ति युक्तास् ते ऽधिकृता नराः । रमणीयेषु देशेषु बहुस्वादुफलेषु च ॥

ājñāpyātha yathājñapti yuktās te 'dhikṛtā narāḥ | ramaṇīyeṣu deśeṣu bahusvāduphaleṣu ca

Then the men set in charge, commanded as they were bidden, in pleasant regions rich with sweet fruits of many kinds,

फिर आज्ञानुसार आदेश पाकर उस कार्य में नियुक्त वे लोग रमणीय और अनेक प्रकार के सुस्वादु फलों वाले प्रदेशों में—

Verse 15

यो निवेशस् त्व् अभिप्रेतो भरतस्य महात्मनः । भूयस् तं शोभयाम् आसुर् भूषाभिर् भूषणोपमम् ॥

yo niveśas tv abhipreto bharatasya mahātmanaḥ | bhūyas taṃ śobhayām āsur bhūṣābhir bhūṣaṇopamam

the camp that was meant for the great-souled Bharata — that they adorned yet further with adornments, as one adorns a thing already fair.

महात्मा भरत के लिए जो शिविर नियत था, उसे उन्होंने सुंदर वस्तु को और सजाने के समान, आभूषणों से और भी अधिक सुशोभित किया।

Verse 16

नक्षत्रेषु प्रशस्तेषु मुहूर्तेषु च तद्विदः । निवेशं स्थापयाम् आसुर् भरतस्य महात्मनः ॥

nakṣatreṣu praśasteṣu muhūrteṣu ca tadvidaḥ | niveśaṃ sthāpayām āsur bharatasya mahātmanaḥ

Under favourable stars and auspicious hours, those who knew such things set up the camp for the great-souled Bharata.

शुभ नक्षत्रों और उत्तम मुहूर्तों में उन विशेषज्ञों ने महात्मा भरत के लिए शिविर स्थापित किया।

Verse 17

बहुपांसुचयाश् चापि परिखापरिवारिताः । तत्रेन्द्रकीलप्रतिमाः प्रतोलीवरशोभिताः ॥

bahupāṃsucayāś cāpi parikhāparivāritāḥ | tatrendrakīlapratimāḥ pratolīvaraśobhitāḥ

With their great mounds of earth and girt about with moats, there they rose like the peak of Mount Mandara, graced with excellent streets,

बहुत-से मिट्टी के टीलों वाले और खाइयों से घिरे वे शिविर वहाँ इंद्रकील (मंदराचल-शिखर) के समान, उत्तम गलियों से सुशोभित,

Verse 18

प्रासादमालासंयुक्ताः सौधप्राकारसंवृताः । पताका शोभिताः सर्वे सुनिर्मितमहापथाः ॥

prāsādamālāsaṃyuktāḥ saudhaprākārasaṃvṛtāḥ | patākā śobhitāḥ sarve sunirmitamahāpathāḥ

furnished with rows of mansions, enclosed by whitewashed ramparts, all adorned with banners, with great highways well laid out.

Here "Indrakila" (indrakīla) is taken as the mountain-pillar; manuscripts vary.

प्रासादों की पंक्तियों से युक्त, चूने से पुती प्राचीरों से घिरे, सब पताकाओं से सजे और सुंदर रूप से बने महामार्गों वाले थे।

Verse 19

विसर्पत्भिर् इवाकाशे विटङ्काग्रविमानकैः । समुच्छ्रितैर् निवेशास् ते बभुः शक्रपुरोपमाः ॥

visarpatbhir ivākāśe viṭaṅkāgravimānakaiḥ | samucchritair niveśās te babhuḥ śakrapuropamāḥ

With their turret-topped pavilions soaring, as if gliding through the sky, those camps shone forth, like the city of Indra.

आकाश में मानो उड़ते हुए-से, ऊँचे उठे हुए कँगूरों वाले विमानों से युक्त वे शिविर इंद्रपुरी के समान शोभा पाने लगे।

Verse 20

जाह्नवीं तु समासाद्य विविधद्रुम काननाम् । शीतलामलपानीयां महामीनसमाकुलाम् ॥

jāhnavīṃ tu samāsādya vividhadruma kānanām | śītalāmalapānīyāṃ mahāmīnasamākulām

Reaching the Jahnavi (Ganga), with her groves of trees of many kinds, her cool and clear water, teeming with great fishes —

नाना प्रकार के वृक्षों के वनों वाली, शीतल और निर्मल जल वाली, बड़ी मछलियों से भरी जाह्नवी (गंगा) तक पहुँचकर—

Verse 21

सचन्द्रतारागणमण्डितं यथा; नभःक्षपायाम् अमलं विराजते । नरेन्द्रमार्गः स तथा व्यराजत; क्रमेण रम्यः शुभशिल्पिनिर्मितः ॥

sacandratārāgaṇamaṇḍitaṃ yathā; nabhaḥkṣapāyām amalaṃ virājate | narendramārgaḥ sa tathā vyarājata; krameṇa ramyaḥ śubhaśilpinirmitaḥ

as the spotless sky shines on a night adorned with the host of moon and stars, so shone that royal road, lovely by degrees, fashioned by skilful craftsmen.

जैसे चंद्रमा और तारों के समूह से सुशोभित निर्मल आकाश रात में शोभा पाता है, वैसे ही सुंदर शिल्पियों के द्वारा बनाया वह रमणीय राजमार्ग क्रमशः शोभा पाने लगा।