Sarga 73

Verse 1

ततः प्रभातसमये दिवसे ऽथ चतुर्दशे । समेत्य राजकर्तारो भरतं वाक्यम् अब्रुवन् ॥

tataḥ prabhātasamaye divase 'tha caturdaśe | sametya rājakartāro bharataṃ vākyam abruvan

Then, at daybreak on the fourteenth day, the king-makers assembled and spoke this word to Bharata:

तब चौदहवें दिन प्रातःकाल राजा के अभिषेककर्ता एकत्र होकर भरत से यह वचन बोले—

Verse 2

गतो दशरथः स्वर्गं यो नो गुरुतरो गुरुः । रामं प्रव्राज्य वै ज्येष्ठं लक्ष्मणं च महाबलम् ॥

gato daśarathaḥ svargaṃ yo no gurutaro guruḥ | rāmaṃ pravrājya vai jyeṣṭhaṃ lakṣmaṇaṃ ca mahābalam

"Dasharatha, who was our most venerable elder, is gone to heaven, having banished Rama, the eldest, and the mighty Lakshmana."

"हमारे परम गुरु दशरथ ज्येष्ठ राम और महाबली लक्ष्मण को निर्वासित करके स्वर्ग सिधार गए।

Verse 3

त्वम् अद्य भव नो राजा राजपुत्र महायशः । संगत्या नापराध्नोति राज्यम् एतद् अनायकम् ॥

tvam adya bhava no rājā rājaputra mahāyaśaḥ | saṃgatyā nāparādhnoti rājyam etad anāyakam

"Be you now our king, O illustrious prince; by good hap this leaderless kingdom has taken no hurt."

महायशस्वी राजकुमार! अब आप हमारे राजा बनें; सौभाग्य से यह नायकहीन राज्य कोई हानि नहीं उठा पाया।

Verse 4

आभिषेचनिकं सर्वम् इदम् आदाय राघव । प्रतीक्षते त्वां स्वजनः श्रेणयश् च नृपात्मज ॥

ābhiṣecanikaṃ sarvam idam ādāya rāghava | pratīkṣate tvāṃ svajanaḥ śreṇayaś ca nṛpātmaja

"Taking all this apparatus of consecration, your own people and the guilds await you, O prince."

राघव! राजकुमार! यह समस्त अभिषेक-सामग्री लेकर आपके स्वजन और श्रेणियाँ आपकी प्रतीक्षा कर रही हैं।

Verse 5

राज्यं गृहाण भरत पितृपैतामहं महत् । अभिषेचय चात्मानं पाहि चास्मान् नरर्षभ ॥

rājyaṃ gṛhāṇa bharata pitṛpaitāmahaṃ mahat | abhiṣecaya cātmānaṃ pāhi cāsmān nararṣabha

"Take up the kingdom, Bharata, the great realm of your fathers and forefathers; consecrate yourself and protect us, O bull among men."

नरश्रेष्ठ भरत! पिता-पितामहों के इस महान राज्य को ग्रहण कीजिए; अपने को अभिषिक्त कीजिए और हमारी रक्षा कीजिए।"

Verse 6

आभिषेचनिकं भाण्डं कृत्वा सर्वं प्रदक्षिणम् । भरतस् तं जनं सर्वं प्रत्युवाच धृतव्रतः ॥

ābhiṣecanikaṃ bhāṇḍaṃ kṛtvā sarvaṃ pradakṣiṇam | bharatas taṃ janaṃ sarvaṃ pratyuvāca dhṛtavrataḥ

Having made all the vessels of consecration circle him to the right, Bharata, firm in his vow, answered all that people:

समस्त अभिषेक-पात्रों की प्रदक्षिणा कराकर दृढ़व्रत भरत ने उन सब लोगों को उत्तर दिया—

Verse 7

ज्येष्ठस्य राजता नित्यम् उचिता हि कुलस्य नः । नैवं भवन्तो मां वक्तुम् अर्हन्ति कुशला जनाः ॥

jyeṣṭhasya rājatā nityam ucitā hi kulasya naḥ | naivaṃ bhavanto māṃ vaktum arhanti kuśalā janāḥ

"Kingship belongs always, by right, to the eldest of our line. You, who are wise folk, ought not to speak thus to me."

"हमारे कुल में राजपद सदा ज्येष्ठ का ही उचित है; आप कुशल जनों को मुझसे ऐसा कहना उचित नहीं।

Verse 8

रामः पूर्वो हि नो भ्राता भविष्यति महीपतिः । अहं त्व् अरण्ये वत्स्यामि वर्षाणि नव पञ्च च ॥

rāmaḥ pūrvo hi no bhrātā bhaviṣyati mahīpatiḥ | ahaṃ tv araṇye vatsyāmi varṣāṇi nava pañca ca

"Rama, our elder brother, shall be the lord of the earth; and I shall dwell in the forest for nine and five years."

हमारे बड़े भाई राम ही पृथ्वीपति होंगे; और मैं नौ और पाँच (चौदह) वर्ष वन में निवास करूँगा।

Verse 9

युज्यतां महती सेना चतुरङ्गमहाबला । आनयिष्याम्य् अहं ज्येष्ठं भ्रातरं राघवं वनात् ॥

yujyatāṃ mahatī senā caturaṅgamahābalā | ānayiṣyāmy ahaṃ jyeṣṭhaṃ bhrātaraṃ rāghavaṃ vanāt

"Let a great army be yoked, mighty with its four arms; I shall bring back my eldest brother Raghava from the forest."

चतुरंगिणी महाबलशालिनी विशाल सेना जोती जाए; मैं अपने ज्येष्ठ भाई राघव को वन से ले आऊँगा।

Verse 10

आभिषेचनिकं चैव सर्वम् एतद् उपस्कृतम् । पुरस्कृत्य गमिष्यामि रामहेतोर् वनं प्रति ॥

ābhiṣecanikaṃ caiva sarvam etad upaskṛtam | puraskṛtya gamiṣyāmi rāmahetor vanaṃ prati

"And all this apparatus of consecration, made ready — setting it before me, I shall go toward the forest for Rama's sake."

और यह सब तैयार की हुई अभिषेक-सामग्री को आगे रखकर मैं राम के लिए वन की ओर जाऊँगा।

Verse 11

तत्रैव तं नरव्याघ्रम् अभिषिच्य पुरस्कृतम् । आनेष्यामि तु वै रामं हव्यवाहम् इवाध्वरात् ॥

tatraiva taṃ naravyāghram abhiṣicya puraskṛtam | āneṣyāmi tu vai rāmaṃ havyavāham ivādhvarāt

"There I shall consecrate that tiger among men, set him before us, and bring Rama back, like the fire that bears the oblation, from the sacrifice."

वहीं उन पुरुषव्याघ्र राम का अभिषेक करके, उन्हें आगे करके, मैं राम को वैसे ही ले आऊँगा, जैसे यज्ञ से हव्यवाहक अग्नि को।

Verse 12

न सकामा करिष्यामि स्वम् इमां मातृगन्धिनीम् । वने वत्स्याम्य् अहं दुर्गे रामो राजा भविष्यति ॥

na sakāmā kariṣyāmi svam imāṃ mātṛgandhinīm | vane vatsyāmy ahaṃ durge rāmo rājā bhaviṣyati

"I shall not fulfil the desire of this woman who smells of a mother only in name; I shall dwell in the hard forest, and Rama shall be king."

केवल नाम की माता की गंध रखने वाली इस स्त्री की कामना मैं पूरी न होने दूँगा; मैं दुर्गम वन में निवास करूँगा और राम राजा होंगे।

Verse 13

क्रियतां शिल्पिभिः पन्थाः समानि विषमाणि च । रक्षिणश् चानुसंयान्तु पथि दुर्गविचारकाः ॥

kriyatāṃ śilpibhiḥ panthāḥ samāni viṣamāṇi ca | rakṣiṇaś cānusaṃyāntu pathi durgavicārakāḥ

"Let the artisans make the road, levelling the smooth and the rough; and let guards go along, men who search out the dangerous stretches of the way."

शिल्पी समतल और विषम भूमि को ठीक करके मार्ग बनाएँ; और मार्ग में दुर्गम स्थानों की जाँच करने वाले रक्षक साथ चलें।"

Verse 14

एवं संभाषमाणं तं रामहेतोर् नृपात्मजम् । प्रत्युवाच जनः सर्वः श्रीमद्वाक्यम् अनुत्तमम् ॥

evaṃ saṃbhāṣamāṇaṃ taṃ rāmahetor nṛpātmajam | pratyuvāca janaḥ sarvaḥ śrīmadvākyam anuttamam

To him, the prince, speaking thus for Rama's sake, all the people answered with this glorious and most excellent word:

राम के लिए इस प्रकार बोलते हुए उस राजकुमार को सब लोगों ने यह श्रीमान, परम उत्तम वचन उत्तर में कहा—

Verse 15

एवं ते भाषमाणस्य पद्मा श्रीर् उपतिष्ठताम् । यस् त्वं ज्येष्ठे नृपसुते पृथिवीं दातुम् इच्छसि ॥

evaṃ te bhāṣamāṇasya padmā śrīr upatiṣṭhatām | yas tvaṃ jyeṣṭhe nṛpasute pṛthivīṃ dātum icchasi

"May lotus-seated Fortune wait upon you who speak thus — you who wish to give the earth to the eldest of the king's sons."

"इस प्रकार कहने वाले आप पर कमलासना लक्ष्मी निवास करें, जो आप पृथ्वी को ज्येष्ठ राजपुत्र को देना चाहते हैं।"

Verse 16

अनुत्तमं तद् वचनं नृपात्मज; प्रभाषितं संश्रवणे निशम्य च । प्रहर्षजास् तं प्रति बाष्पबिन्दवो; निपेतुर् आर्यानननेत्रसंभवाः ॥

anuttamaṃ tad vacanaṃ nṛpātmaja; prabhāṣitaṃ saṃśravaṇe niśamya ca | praharṣajās taṃ prati bāṣpabindavo; nipetur āryānananetrasaṃbhavāḥ

Hearing that most excellent word spoken by the prince within their hearing, drops of tears born of joy fell from the eyes in the faces of those noble ones.

राजकुमार के द्वारा कहे गए उस परम उत्तम वचन को कान में सुनकर उन आर्यजनों के मुखों के नेत्रों से हर्ष के आँसुओं की बूँदें गिर पड़ीं।

Verse 17

ऊचुस् ते वचनम् इदं निशम्य हृष्टाः; सामात्याः सपरिषदो वियातशोकाः । पन्थानं नरवरभक्तिमाञ् जनश् च; व्यादिष्टस् तव वचनाच् च शिल्पिवर्गः ॥

ūcus te vacanam idaṃ niśamya hṛṣṭāḥ; sāmātyāḥ sapariṣado viyātaśokāḥ | panthānaṃ naravarabhaktimāñ janaś ca; vyādiṣṭas tava vacanāc ca śilpivargaḥ

Gladdened, hearing this word, their grief gone — the ministers with the assembly — they spoke thus; and the people, devoted to the best of men, and the body of artisans, were, at your word, set to the task of the road.

इस वचन को सुनकर हर्षित, शोकरहित मंत्री सहित सभासद यह वचन बोले; और नरश्रेष्ठ के प्रति भक्तिवाले लोग तथा शिल्पीगण आपकी (भरत की) आज्ञा से मार्ग बनाने के कार्य में लगा दिए गए।