Sarga 66

Verse 1

अपश्यंस् तु ततस् तत्र पितरं पितुर् आलये । जगाम भरतो द्रष्टुं मातरं मातुर् आलये ॥

apaśyaṃs tu tatas tatra pitaraṃ pitur ālaye | jagāma bharato draṣṭuṃ mātaraṃ mātur ālaye

Not seeing his father there in his father's dwelling, Bharata went to see his mother in his mother's dwelling.

पिता के भवन में वहाँ पिता को न देखकर भरत अपनी माता को देखने माता के भवन में गए।

Verse 2

अनुप्राप्तं तु तं दृष्ट्वा कैकेयी प्रोषितं सुतम् । उत्पपात तदा हृष्टा त्यक्त्वा सौवर्णमानसं ॥

anuprāptaṃ tu taṃ dṛṣṭvā kaikeyī proṣitaṃ sutam | utpapāta tadā hṛṣṭā tyaktvā sauvarṇamānasaṃ

Seeing her son arrived from abroad, Kaikeyi then sprang up in gladness, forsaking her golden seat.

प्रवास से लौटे हुए अपने पुत्र को देखकर कैकेयी तब हर्षित होकर अपने स्वर्णमय आसन को छोड़कर उठ पड़ीं।

Verse 3

स प्रविश्यैव धर्मात्मा स्वगृहं श्रीविवर्जितम् । भरतः प्रेक्ष्य जग्राह जनन्याश् चरणौ शुभौ ॥

sa praviśyaiva dharmātmā svagṛhaṃ śrīvivarjitam | bharataḥ prekṣya jagrāha jananyāś caraṇau śubhau

Entering his own home, now bereft of its splendour, Bharata, that righteous soul, beholding his mother, clasped her two fair feet.

श्रीहीन हुए अपने घर में प्रवेश करते ही धर्मात्मा भरत ने माता को देखकर उनके दोनों शुभ चरण पकड़ लिए।

Verse 4

तं मूर्ध्नि समुपाघ्राय परिष्वज्य यशस्विनम् । अङ्के भरतम् आरोप्य प्रष्टुं समुपचक्रमे ॥

taṃ mūrdhni samupāghrāya pariṣvajya yaśasvinam | aṅke bharatam āropya praṣṭuṃ samupacakrame

She, kissing the illustrious one upon the head and embracing him, and taking Bharata upon her lap, began to question him:

उस यशस्वी का सिर सूँघकर और आलिंगन करके, भरत को गोद में बैठाकर वह पूछने लगीं—

Verse 5

अद्य ते कति चिद् रात्र्यश् च्युतस्यार्यकवेश्मनः । अपि नाध्वश्रमः शीघ्रं रथेनापततस् तव ॥

adya te kati cid rātryaś cyutasyāryakaveśmanaḥ | api nādhvaśramaḥ śīghraṃ rathenāpatatas tava

"How many nights is it now since you left your grandfather's house? Does no fatigue of the road weigh upon you, come so swiftly by chariot?"

"नाना के घर से चले तुम्हें आज कितनी रातें हुईं? रथ से इतनी शीघ्र आते हुए तुम्हें मार्ग का श्रम तो नहीं हुआ?

Verse 6

आर्यकस् ते सुकुशलो युधाजिन् मातुलस् तव । प्रवासाच् च सुखं पुत्र सर्वं मे वक्तुम् अर्हसि ॥

āryakas te sukuśalo yudhājin mātulas tava | pravāsāc ca sukhaṃ putra sarvaṃ me vaktum arhasi

"Is your grandfather quite well, and your uncle Yudhajit? Of your sojourn abroad, and all its happiness, my son, you must tell me."

तुम्हारे नाना भली-भाँति कुशल हैं, और तुम्हारे मामा युधाजित? पुत्र! प्रवास का सब सुख-समाचार तुम्हें मुझे बताना चाहिए।"

Verse 7

एवं पृष्ठस् तु कैकेय्या प्रियं पार्थिवनन्दनः । आचष्ट भरतः सर्वं मात्रे राजीवलोचनः ॥

evaṃ pṛṣṭhas tu kaikeyyā priyaṃ pārthivanandanaḥ | ācaṣṭa bharataḥ sarvaṃ mātre rājīvalocanaḥ

Thus questioned by Kaikeyi, the lotus-eyed Bharata, delight of the king, told his mother all she wished to hear:

कैकेयी के इस प्रकार पूछने पर कमलनयन, राजनंदन भरत ने अपनी माता को वह सब, जो वह सुनना चाहती थीं, बताया—

Verse 8

अद्य मे सप्तमी रात्रिश् च्युतस्यार्यकवेश्मनः । अम्बायाः कुशली तातो युधाजिन् मातुलश् च मे ॥

adya me saptamī rātriś cyutasyāryakaveśmanaḥ | ambāyāḥ kuśalī tāto yudhājin mātulaś ca me

"This is my seventh night since I left my grandfather's house. My grandfather, your father, is well, and so is my uncle Yudhajit."

"नाना के घर से चले मुझे आज सातवीं रात है। माता! तुम्हारे पिता तात और मेरे मामा युधाजित कुशल हैं।

Verse 9

यन् मे धनं च रत्नं च ददौ राजा परंतपः । परिश्रान्तं पथ्य् अभवत् ततो ऽहं पूर्वम् आगतः ॥

yan me dhanaṃ ca ratnaṃ ca dadau rājā paraṃtapaḥ | pariśrāntaṃ pathy abhavat tato 'haṃ pūrvam āgataḥ

"The wealth and jewels that the king, that scorcher of foes, gave me grew wearisome upon the road; so I came on ahead of them."

शत्रुतापन राजा ने मुझे जो धन और रत्न दिए, वे मार्ग में भार-स्वरूप हो गए, इसलिए मैं उनसे पहले ही आ गया।

Verse 10

राजवाक्यहरैर् दूतैस् त्वर्यमाणो ऽहम् आगतः । यद् अहं प्रष्टुम् इच्छामि तद् अम्बा वक्तुम् अर्हसि ॥

rājavākyaharair dūtais tvaryamāṇo 'ham āgataḥ | yad ahaṃ praṣṭum icchāmi tad ambā vaktum arhasi

"I came urged on by messengers bearing the king's word. Now that which I wish to ask, mother, that you must tell me."

राजा का संदेश लाने वाले दूतों के द्वारा प्रेरित होकर मैं आया हूँ। अब जो मैं पूछना चाहता हूँ, माता! वह तुम्हें बताना चाहिए।

Verse 11

शून्यो ऽयं शयनीयस् ते पर्यङ्को हेमभूषितः । न चायम् इक्ष्वाकुजनः प्रहृष्टः प्रतिभाति मे ॥

śūnyo 'yaṃ śayanīyas te paryaṅko hemabhūṣitaḥ | na cāyam ikṣvākujanaḥ prahṛṣṭaḥ pratibhāti me

"This your couch, this bedstead adorned with gold, stands empty; and this folk of the Ikshvakus does not appear glad to me."

स्वर्ण से सुसज्जित तुम्हारी यह शय्या, यह पर्यंक सूना पड़ा है; और यह इक्ष्वाकुजन मुझे हर्षित प्रतीत नहीं होता।

Verse 12

राजा भवति भूयिष्ठ्गम् इहाम्बाया निवेशने । तम् अहं नाद्य पश्यामि द्रष्टुम् इच्छन्न् इहागतः ॥

rājā bhavati bhūyiṣṭhgam ihāmbāyā niveśane | tam ahaṃ nādya paśyāmi draṣṭum icchann ihāgataḥ

"The king is most often here in my mother's chamber; him I do not see today, though I came here wishing to behold him."

राजा प्रायः यहीं माता (तुम्हारे) के भवन में रहते हैं; उन्हें देखने की इच्छा से यहाँ आया मैं आज उन्हें नहीं देख रहा।

Verse 13

पितुर् ग्रहीष्ये चरणौ तं ममाख्याहि पृच्छतः । आहोस्विद् अम्ब ज्येष्ठायाः कौसल्याया निवेशने ॥

pitur grahīṣye caraṇau taṃ mamākhyāhi pṛcchataḥ | āhosvid amba jyeṣṭhāyāḥ kausalyāyā niveśane

"I would clasp my father's feet; tell me, for I ask, where is he? Or is he, mother, in the dwelling of the eldest queen, Kausalya?"

मैं पिता के चरण पकड़ूँगा; मेरे पूछने पर मुझे बताओ कि वे कहाँ हैं? अथवा, माता! क्या वे ज्येष्ठ रानी कौसल्या के भवन में हैं?"

Verse 14

तं प्रत्युवाच कैकेयी प्रियवद् घोरम् अप्रियम् । अजानन्तं प्रजानन्ती राज्यलोभेन मोहिता । या गतिः सर्वभूतानां तां गतिं ते पिता गतः ॥

taṃ pratyuvāca kaikeyī priyavad ghoram apriyam | ajānantaṃ prajānantī rājyalobhena mohitā | yā gatiḥ sarvabhūtānāṃ tāṃ gatiṃ te pitā gataḥ

To him Kaikeyi, deluded by greed for the kingdom, knowing while he knew not, spoke in loving tones a dreadful and unwelcome thing: "The goal of all living beings — to that goal your father has gone."

राज्य के लोभ से मोहित कैकेयी, जो जानती थी जबकि वह (भरत) नहीं जानते थे, उनसे प्रिय स्वर में वह घोर और अप्रिय बात बोलीं—"समस्त प्राणियों की जो गति है, उसी गति को तुम्हारे पिता प्राप्त हो गए।"

Verse 15

तच् छ्रुत्वा भरतो वाक्यं धर्माभिजनवाञ् शुचिः । पपात सहसा भूमौ पितृशोकबलार्दितः ॥

tac chrutvā bharato vākyaṃ dharmābhijanavāñ śuciḥ | papāta sahasā bhūmau pitṛśokabalārditaḥ

Hearing that word, Bharata, pure and nobly born, versed in righteousness, fell suddenly to the ground, overborne by grief for his father.

वह वचन सुनकर पवित्र, कुलीन, धर्मज्ञ भरत पिता के शोक के बल से पीड़ित होकर सहसा भूमि पर गिर पड़े।

Verse 16

ततः शोकेन संवीतः पितुर् मरणदुःखितः । विललाप महातेजा भ्रान्ताकुलितचेतनः ॥

tataḥ śokena saṃvītaḥ pitur maraṇaduḥkhitaḥ | vilalāpa mahātejā bhrāntākulitacetanaḥ

Then, wrapped in grief, stricken with sorrow at his father's death, that one of great splendour lamented, his senses bewildered and distraught:

तब शोक से घिरे हुए, पिता की मृत्यु से दुःखी वे महातेजस्वी भ्रमित और व्याकुल चेतना से विलाप करने लगे—

Verse 17

एतत् सुरुचिरं भाति पितुर् मे शयनं पुरा । तद् इदं न विभात्य् अद्य विहीनं तेन धीमता ॥

etat suruciraṃ bhāti pitur me śayanaṃ purā | tad idaṃ na vibhāty adya vihīnaṃ tena dhīmatā

"This couch of my father's shone most fair of old; now today it shines no more, bereft of that wise one."

"मेरे पिता की यह शय्या पहले अत्यंत सुंदर शोभा पाती थी; वही आज उस बुद्धिमान से रहित होकर शोभा नहीं पाती।"

Verse 18

तम् आर्तं देवसंकाशं समीक्ष्य पतितं भुवि । उत्थापयित्वा शोकार्तं वचनं चेदम् अब्रवीत् ॥

tam ārtaṃ devasaṃkāśaṃ samīkṣya patitaṃ bhuvi | utthāpayitvā śokārtaṃ vacanaṃ cedam abravīt

Seeing him, godlike, fallen to the ground in anguish, she raised him up, stricken with grief, and spoke this word:

देवतुल्य उस भरत को आर्त होकर भूमि पर गिरा देखकर, शोक से पीड़ित उन्हें उठाकर उसने यह वचन कहा—

Verse 19

उत्तिष्ठोत्तिष्ठ किं शेषे राजपुत्र महायशः । त्वद्विधा न हि शोचन्ति सन्तः सदसि संमताः ॥

uttiṣṭhottiṣṭha kiṃ śeṣe rājaputra mahāyaśaḥ | tvadvidhā na hi śocanti santaḥ sadasi saṃmatāḥ

"Rise up, rise up; why do you lie thus, O prince of great renown? Such as you, honoured among the good in the assembly, do not give way to grief."

"उठो, उठो; महायशस्वी राजकुमार! तुम ऐसे क्यों पड़े हो? सभा में सत्पुरुषों द्वारा सम्मानित तुम-जैसे लोग शोक नहीं करते।"

Verse 20

स रुदत्या चिरं कालं भूमौ विपरिवृत्य च । जननीं प्रत्युवाचेदं शोकैर् बहुभिर् आवृतः ॥

sa rudatyā ciraṃ kālaṃ bhūmau viparivṛtya ca | jananīṃ pratyuvācedaṃ śokair bahubhir āvṛtaḥ

Weeping a long while and rolling upon the ground, wrapped in griefs manifold, he answered his mother thus:

बहुत देर तक रोते हुए और भूमि पर लोटकर अनेक शोकों से घिरे हुए उन्होंने अपनी माता से यह उत्तर दिया—

Verse 21

अभिषेक्ष्यति रामं तु राजा यज्ञं नु यक्ष्यति । इत्य् अहं कृतसंकल्पो हृष्टो यात्राम् अयासिषम् ॥

abhiṣekṣyati rāmaṃ tu rājā yajñaṃ nu yakṣyati | ity ahaṃ kṛtasaṃkalpo hṛṣṭo yātrām ayāsiṣam

"'The king will consecrate Rama, or will perform a sacrifice' — in this belief, gladdened, did I set forth upon my journey."

"'राजा राम का अभिषेक करेंगे, अथवा कोई यज्ञ करेंगे'—इस निश्चय से हर्षित होकर मैं यात्रा पर चला था।

Verse 22

तद् इदं ह्य् अन्यथा भूतं व्यवदीर्णं मनो मम । पितरं यो न पश्यामि नित्यं प्रियहिते रतम् ॥

tad idaṃ hy anyathā bhūtaṃ vyavadīrṇaṃ mano mama | pitaraṃ yo na paśyāmi nityaṃ priyahite ratam

"But now all is turned otherwise, and my mind is rent in twain, in that I no longer see my father, ever devoted to my welfare and joy."

किंतु अब यह सब उलटा हो गया और मेरा मन फट गया है, क्योंकि सदा मेरे प्रिय और हित में तत्पर रहने वाले अपने पिता को मैं नहीं देख रहा।

Verse 23

अम्ब केनात्यगाद् राजा व्याधिना मय्य् अनागते । धन्या रामादयः सर्वे यैः पिता संस्कृतः स्वयम् ॥

amba kenātyagād rājā vyādhinā mayy anāgate | dhanyā rāmādayaḥ sarve yaiḥ pitā saṃskṛtaḥ svayam

"Mother, by what malady did the king pass away while I was away? Blessed are Rama and all the rest, by whom our father's last rites were performed with their own hands."

माता! मेरे न रहते राजा किस रोग से चल बसे? धन्य हैं राम आदि वे सब, जिन्होंने स्वयं अपने हाथों से पिता का संस्कार किया।

Verse 24

न नूनं मां महाराजः प्राप्तं जानाति कीर्तिमान् । उपजिघ्रेद् धि मां मूर्ध्नि तातः संनम्य सत्वरम् ॥

na nūnaṃ māṃ mahārājaḥ prāptaṃ jānāti kīrtimān | upajighred dhi māṃ mūrdhni tātaḥ saṃnamya satvaram

"Surely the illustrious great king does not know that I am come; else my father would hasten to bow and kiss me upon the head."

निश्चय ही कीर्तिमान महाराज नहीं जानते कि मैं आया हूँ; अन्यथा मेरे पिता झुककर, झटपट मेरा सिर सूँघते।

Verse 25

क्व स पाणिः सुखस्पर्शस् तातस्याक्लिष्टकर्मणः । येन मां रजसा ध्वस्तम् अभीक्ष्णं परिमार्जति ॥

kva sa pāṇiḥ sukhasparśas tātasyākliṣṭakarmaṇaḥ | yena māṃ rajasā dhvastam abhīkṣṇaṃ parimārjati

"Where is that hand, sweet to the touch, of my father of untiring deeds, with which he would again and again wipe me clean when I was soiled with dust?"

अनायास ही महान कर्म करने वाले मेरे पिता का वह सुखद स्पर्श वाला हाथ कहाँ है, जिससे वे धूल में सने मुझे बार-बार पोंछकर स्वच्छ करते थे?

Verse 26

यो मे भ्राता पिता बन्धुर् यस्य दासो ऽस्मि धीमतः । तस्य मां शीघ्रम् आख्याहि रामस्याक्लिष्ट कर्मणः ॥

yo me bhrātā pitā bandhur yasya dāso 'smi dhīmataḥ | tasya māṃ śīghram ākhyāhi rāmasyākliṣṭa karmaṇaḥ

"He who is my brother, father, kinsman, he whose slave I am, that wise one — tell me quickly of Rama of untiring deeds."

जो मेरा भाई, पिता और बंधु है, जिस बुद्धिमान का मैं दास हूँ, उस अनायास महान कर्म करने वाले राम का समाचार मुझे शीघ्र बताओ।

Verse 27

पिता हि भवति ज्येष्ठो धर्मम् आर्यस्य जानतः । तस्य पादौ ग्रहीष्यामि स हीदानीं गतिर् मम ॥

pitā hi bhavati jyeṣṭho dharmam āryasya jānataḥ | tasya pādau grahīṣyāmi sa hīdānīṃ gatir mama

"For to one who knows righteousness, an elder brother stands in a father's place. I will clasp his feet; he is now my refuge."

क्योंकि धर्म को जानने वाले के लिए ज्येष्ठ भाई पिता के समान होता है; मैं उनके चरण पकड़ूँगा, अब वही मेरी गति हैं।

Verse 28

आर्ये किम् अब्रवीद् राजा पिता मे सत्यविक्रमः । पश्चिमं साधुसंदेशम् इच्छामि श्रोतुम् आत्मनः ॥

ārye kim abravīd rājā pitā me satyavikramaḥ | paścimaṃ sādhusaṃdeśam icchāmi śrotum ātmanaḥ

"Noble lady, what did the king my father, of true valour, say? I wish to hear my own self his last good message."

आर्ये! सत्यपराक्रमी मेरे पिता ने क्या कहा? मैं अपने लिए उनका अंतिम शुभ संदेश सुनना चाहता हूँ।"

Verse 29

इति पृष्टा यथातत्त्वं कैकेयी वाक्यम् अब्रवीत् । रामेति राजा विलपन् हा सीते लक्ष्मणेति च । स महात्मा परं लोकं गतो गतिमतां वरः ॥

iti pṛṣṭā yathātattvaṃ kaikeyī vākyam abravīt | rāmeti rājā vilapan hā sīte lakṣmaṇeti ca | sa mahātmā paraṃ lokaṃ gato gatimatāṃ varaḥ

Thus questioned, Kaikeyi spoke the word according to truth: "The king, lamenting 'Rama! Alas, Sita! Lakshmana!' that great soul, best of those who go the good way, passed to the highest world."

इस प्रकार पूछे जाने पर कैकेयी ने यथातथ्य वचन कहा—"'राम! हा सीते! लक्ष्मण!' ऐसा विलाप करते हुए वे महात्मा, सद्गति पाने वालों में श्रेष्ठ राजा, परमलोक को चले गए।"

Verse 30

इमां तु पश्चिमां वाचं व्याजहार पिता तव । काल धर्मपरिक्षिप्तः पाशैर् इव महागजः ॥

imāṃ tu paścimāṃ vācaṃ vyājahāra pitā tava | kāla dharmaparikṣiptaḥ pāśair iva mahāgajaḥ

"This last word your father uttered, caught in the toils of the law of death like a great elephant in snares:"

"काल-धर्म के फंदों में फँसे महान गजराज के समान तुम्हारे पिता ने यह अंतिम वचन कहा—"

Verse 31

सिद्धार्थास् तु नरा रामम् आगतं सीतया सह । लक्ष्मणं च महाबाहुं द्रक्ष्यन्ति पुनर् आगतम् ॥

siddhārthās tu narā rāmam āgataṃ sītayā saha | lakṣmaṇaṃ ca mahābāhuṃ drakṣyanti punar āgatam

"'Fortunate are the men who shall behold Rama come again, with Sita, and the mighty-armed Lakshmana returned.'"

"'वे मनुष्य धन्य हैं, जो सीता सहित लौटे हुए राम को और लौटे हुए महाबाहु लक्ष्मण को देखेंगे।'"

Verse 32

तच् छ्रुत्वा विषसादैव द्वितीया प्रियशंसनात् । विषण्णवदनो भूत्वा भूयः पप्रच्छ मातरम् ॥

tac chrutvā viṣasādaiva dvitīyā priyaśaṃsanāt | viṣaṇṇavadano bhūtvā bhūyaḥ papraccha mātaram

Hearing that, he sank down utterly, now for a second blow dealt under guise of welcome tidings; and, with downcast face, he asked his mother again:

यह सुनकर, प्रिय समाचार के बहाने दिए गए इस दूसरे आघात से, वे बिलकुल बैठ गए; और विषण्ण मुख से उन्होंने फिर अपनी माता से पूछा—

Verse 33

क्व चेदानीं स धर्मात्मा कौसल्यानन्दवर्धनः । लक्ष्मणेन सह भ्रात्रा सीतया च समं गतः ॥

kva cedānīṃ sa dharmātmā kausalyānandavardhanaḥ | lakṣmaṇena saha bhrātrā sītayā ca samaṃ gataḥ

"Where now is that righteous one, the increaser of Kausalya's joy, gone, together with his brother Lakshmana and with Sita?"

"अब वह धर्मात्मा, कौसल्या के आनंद को बढ़ाने वाला राम अपने भाई लक्ष्मण और सीता के साथ कहाँ गया है?"

Verse 34

तथा पृष्टा यथातत्त्वम् आख्यातुम् उपचक्रमे । मातास्य युगपद् वाक्यं विप्रियं प्रियशङ्कया ॥

tathā pṛṣṭā yathātattvam ākhyātum upacakrame | mātāsya yugapad vākyaṃ vipriyaṃ priyaśaṅkayā

Thus questioned, his mother set about to tell him truly, but, under the guise of pleasant news, spoke at once a thing unwelcome:

इस प्रकार पूछे जाने पर उसकी माता यथातथ्य बताने लगी, किंतु प्रिय समाचार के बहाने उसने एक साथ ही एक अप्रिय बात कह दी—

Verse 35

स हि राजसुतः पुत्र चीरवासा महावनम् । दण्डकान् सह वैदेह्या लक्ष्मणानुचरो गतः ॥

sa hi rājasutaḥ putra cīravāsā mahāvanam | daṇḍakān saha vaidehyā lakṣmaṇānucaro gataḥ

"That prince, my son, clad in bark, has gone to the great forest of Dandaka, together with the Vaidehi, with Lakshmana following him."

"पुत्र! वह राजकुमार वल्कल पहने, वैदेही के साथ, लक्ष्मण को अनुचर बनाकर दंडक के महान वन को चला गया है।"

Verse 36

तच् छ्रुत्वा भरतस् त्रस्तो भ्रातुश् चारित्रशङ्कया । स्वस्य वंशस्य माहात्म्यात् प्रष्टुं समुपचक्रमे ॥

tac chrutvā bharatas trasto bhrātuś cāritraśaṅkayā | svasya vaṃśasya māhātmyāt praṣṭuṃ samupacakrame

Hearing that, Bharata, alarmed out of concern for his brother's conduct, began, out of regard for the greatness of his own house, to ask:

यह सुनकर भरत अपने भाई के आचरण की आशंका से भयभीत होकर, अपने वंश की महत्ता के कारण पूछने लगे—

Verse 37

कच्चिन् न ब्राह्मणवधं हृतं रामेण कस्य चित् । कच्चिन् नाढ्यो दरिद्रो वा तेनापापो विहिंसितः ॥

kaccin na brāhmaṇavadhaṃ hṛtaṃ rāmeṇa kasya cit | kaccin nāḍhyo daridro vā tenāpāpo vihiṃsitaḥ

"Surely Rama has not carried off some brahmin's wealth? Surely he has done no harm to some innocent man, rich or poor?"

"कहीं राम ने किसी का ब्राह्मण-धन तो नहीं हर लिया? कहीं किसी धनी अथवा निर्धन निरपराध की उन्होंने हिंसा तो नहीं की?

Verse 38

कच्चिन् न परदारान् वा राजपुत्रो ऽभिमन्यते । कस्मात् स दण्डकारण्ये भ्रूणहेव विवासितः ॥

kaccin na paradārān vā rājaputro 'bhimanyate | kasmāt sa daṇḍakāraṇye bhrūṇaheva vivāsitaḥ

"Surely the prince has not cast eyes upon another's wife? Why was he banished to the Dandaka forest, as if he had slain an unborn child?"

कहीं राजकुमार ने पराई स्त्रियों की ओर तो दृष्टि नहीं डाली? फिर किस कारण वे दंडकारण्य में भ्रूणहत्या करने वाले के समान निर्वासित किए गए?"

Verse 39

अथास्य चपला माता तत् स्वकर्म यथातथम् । तेनैव स्त्रीस्वभावेन व्याहर्तुम् उपचक्रमे ॥

athāsya capalā mātā tat svakarma yathātatham | tenaiva strīsvabhāvena vyāhartum upacakrame

Then his fickle mother, true to that very nature of woman, began to relate her own deed just as it was:

तब उनकी चंचल माता स्त्री के उसी स्वभाव के कारण अपने उस कर्म को यथातथ्य कहने लगी—

Verse 40

न ब्राह्मण धनं किंचिद् धृतं रामेण कस्य चित् । कश् चिन् नाढ्यो दरिद्रो वा तेनापापो विहिंसितः । न रामः परदारांश् च चक्षुर्भ्याम् अपि पश्यति ॥

na brāhmaṇa dhanaṃ kiṃcid dhṛtaṃ rāmeṇa kasya cit | kaś cin nāḍhyo daridro vā tenāpāpo vihiṃsitaḥ | na rāmaḥ paradārāṃś ca cakṣurbhyām api paśyati

"Rama has carried off no brahmin's wealth from anyone; no innocent man, rich or poor, has been harmed by him; nor does Rama look even with his eyes upon another's wife."

"राम ने किसी का कोई ब्राह्मण-धन नहीं हरा; किसी धनी अथवा निर्धन निरपराध की उसने हिंसा नहीं की; और न राम पराई स्त्रियों की ओर नेत्रों से भी देखते हैं।

Verse 41

मया तु पुत्र श्रुत्वैव रामस्यैवाभिषेचनम् । याचितस् ते पिता राज्यं रामस्य च विवासनम् ॥

mayā tu putra śrutvaiva rāmasyaivābhiṣecanam | yācitas te pitā rājyaṃ rāmasya ca vivāsanam

"But I, my son, hearing of the very consecration of Rama, asked of your father the kingdom for you, and the banishment of Rama."

किंतु पुत्र! राम के अभिषेक की बात सुनते ही मैंने तुम्हारे पिता से तुम्हारे लिए राज्य और राम के निर्वासन की याचना की।

Verse 42

स स्ववृत्तिं समास्थाय पिता ते तत् तथाकरोत् । रामश् च सहसौमित्रिः प्रेषितः सह सीतया ॥

sa svavṛttiṃ samāsthāya pitā te tat tathākarot | rāmaś ca sahasaumitriḥ preṣitaḥ saha sītayā

"Holding to his own way of truth, your father did even so; and Rama, together with the son of Sumitra, was sent away with Sita."

अपनी सत्यवृत्ति पर अडिग रहकर तुम्हारे पिता ने वैसा ही किया; और राम सौमित्रि तथा सीता सहित भेज दिए गए।

Verse 43

तम् अपश्यन् प्रियं पुत्रं महीपालो महायशाः । पुत्रशोकपरिद्यूनः पञ्चत्वम् उपपेदिवान् ॥

tam apaśyan priyaṃ putraṃ mahīpālo mahāyaśāḥ | putraśokaparidyūnaḥ pañcatvam upapedivān

"Not seeing his dear son, the illustrious lord of the earth, worn down by grief for his son, met his death."

अपने प्रिय पुत्र को न देखकर वे महायशस्वी पृथ्वीपति पुत्र-शोक से कृश होकर मृत्यु को प्राप्त हुए।

Verse 44

त्वया त्व् इदानीं धर्मज्ञ राजत्वम् अवलम्ब्यताम् । त्वत्कृते हि मया सर्वम् इदम् एवंविधं कृतम् ॥

tvayā tv idānīṃ dharmajña rājatvam avalambyatām | tvatkṛte hi mayā sarvam idam evaṃvidhaṃ kṛtam

"Now therefore, O knower of righteousness, do you take up the kingship; for it was for your sake that I did all this in this wise."

धर्मज्ञ! अब तुम राजपद ग्रहण करो; क्योंकि यह सब मैंने तुम्हारे ही लिए इस प्रकार किया है।

Verse 45

तत् पुत्र शीघ्रं विधिना विधिज्ञैर्; वसिष्ठमुख्यैः सहितो द्विजेन्द्रैः । संकाल्य राजानम् अदीनसत्त्वम्; आत्मानम् उर्व्याम् अभिषेचयस्व ॥

tat putra śīghraṃ vidhinā vidhijñair; vasiṣṭhamukhyaiḥ sahito dvijendraiḥ | saṃkālya rājānam adīnasattvam; ātmānam urvyām abhiṣecayasva

"So, my son, in due form, together with the lords of the twice-born headed by Vasishtha who know the rites, perform the king's obsequies, and, undaunted in spirit, consecrate yourself as king over the earth."

इसलिए पुत्र! विधि के ज्ञाता वसिष्ठ आदि द्विजश्रेष्ठों के साथ मिलकर विधिपूर्वक शीघ्र राजा का दाह-संस्कार करके, अदीन मन से अपने को पृथ्वी के राजा-पद पर अभिषिक्त करो।"