Sarga 64

Verse 1

भरते ब्रुवति स्वप्नं दूतास् ते क्लान्तवाहनाः । प्रविश्यासह्यपरिखं रम्यं राजगृहं पुरम् ॥

bharate bruvati svapnaṃ dūtās te klāntavāhanāḥ | praviśyāsahyaparikhaṃ ramyaṃ rājagṛhaṃ puram

While Bharata was telling his dream, those messengers, their mounts wearied, entered the fair royal city with its impassable moat.

भरत के स्वप्न सुनाते समय ही वे थके हुए वाहनों वाले दूत अलंघ्य खाई वाली उस रमणीय राजधानी राजगृह में प्रविष्ट हुए।

Verse 2

समागम्य तु राज्ञा च राजपुत्रेण चार्चिताः । राज्ञः पादौ गृहीत्वा तु तम् ऊचुर् भरतं वचः ॥

samāgamya tu rājñā ca rājaputreṇa cārcitāḥ | rājñaḥ pādau gṛhītvā tu tam ūcur bharataṃ vacaḥ

Received and honoured by the king and by the prince, clasping the king's feet, they spoke these words to Bharata:

राजा और राजकुमार के द्वारा स्वागत और सत्कार पाकर, राजा के चरण पकड़कर उन्होंने भरत से ये वचन कहे—

Verse 3

पुरोहितस् त्वा कुशलं प्राह सर्वे च मन्त्रिणः । त्वरमाणश् च निर्याहि कृत्यम् आत्ययिकं त्वया ॥

purohitas tvā kuśalaṃ prāha sarve ca mantriṇaḥ | tvaramāṇaś ca niryāhi kṛtyam ātyayikaṃ tvayā

"The chaplain asks after your welfare, and so do all the ministers. Set out in haste; a pressing matter calls for you."

"पुरोहित आपकी कुशल पूछते हैं और सभी मंत्री भी; आप शीघ्रता करके चल पड़िए, एक अत्यावश्यक कार्य आपसे संबंधित है।"

Verse 4

अत्र विंशतिकोट्यस् तु नृपतेर् मातुलस्य ते । दशकोट्यस् तु संपूर्णास् तथैव च नृपात्मज ॥

atra viṃśatikoṭyas tu nṛpater mātulasya te | daśakoṭyas tu saṃpūrṇās tathaiva ca nṛpātmaja

"Here, moreover, are twenty crores from the king your uncle, and a full ten crores likewise, O prince."

"और राजकुमार! यहाँ आपके मामा राजा की ओर से बीस करोड़, और उसी प्रकार पूरे दस करोड़ (मुद्राएँ भेजी हैं)।"

Verse 5

प्रतिगृह्य च तत् सर्वं स्वनुरक्तः सुहृज्जने । दूतान् उवाच भरतः कामैः संप्रतिपूज्य तान् ॥

pratigṛhya ca tat sarvaṃ svanuraktaḥ suhṛjjane | dūtān uvāca bharataḥ kāmaiḥ saṃpratipūjya tān

Receiving all that, Bharata, devoted to his well-wishers, honoured the messengers with the things they desired and said to them:

वह सब ग्रहण करके, सुहृज्जनों में अनुरक्त भरत ने उन दूतों को मनचाही वस्तुओं से सम्मानित करके कहा—

Verse 6

कच्चित् सुकुशली राजा पिता दशरथो मम । कच्चिच् चारागता रामे लक्ष्मणे वा महात्मनि ॥

kaccit sukuśalī rājā pitā daśaratho mama | kaccic cārāgatā rāme lakṣmaṇe vā mahātmani

"Is the king my father Dasharatha quite well? Is all well with Rama and with the great-souled Lakshmana?"

"क्या मेरे पिता राजा दशरथ भली-भाँति कुशल हैं? क्या राम और महात्मा लक्ष्मण का सब कुशल है?

Verse 7

आर्या च धर्मनिरता धर्मज्ञा धर्मदर्शिनी । अरोगा चापि कौसल्या माता रामस्य धीमतः ॥

āryā ca dharmaniratā dharmajñā dharmadarśinī | arogā cāpi kausalyā mātā rāmasya dhīmataḥ

"And the noble Kausalya, devoted to righteousness, knowing and discerning righteousness, mother of the wise Rama — is she in health?"

और धर्मपरायण, धर्मज्ञ, धर्म को देखने वाली आर्या कौसल्या, बुद्धिमान राम की माता, निरोग तो हैं?

Verse 8

कच्चित् सुमित्रा धर्मज्ञा जननी लक्ष्मणस्य या । शत्रुघ्नस्य च वीरस्य सारोगा चापि मध्यमा ॥

kaccit sumitrā dharmajñā jananī lakṣmaṇasya yā | śatrughnasya ca vīrasya sārogā cāpi madhyamā

"Is Sumitra, knower of righteousness, mother of Lakshmana and of the valiant Shatrughna, the middle queen, also in health?"

क्या लक्ष्मण और वीर शत्रुघ्न की माता, धर्मज्ञ मध्यम रानी सुमित्रा भी निरोग हैं?

Verse 9

आत्मकामा सदा चण्डी क्रोधना प्राज्ञमानिनी । अरोगा चापि कैकेयी माता मे किम् उवाच ह ॥

ātmakāmā sadā caṇḍī krodhanā prājñamāninī | arogā cāpi kaikeyī mātā me kim uvāca ha

"And Kaikeyi, self-willed, ever fierce, prone to anger, who thinks herself wise — is my mother well? What did she say?"

और आत्मकामा, सदा उग्र, क्रोधी, स्वयं को प्राज्ञ मानने वाली मेरी माता कैकेयी भी निरोग हैं? उसने क्या कहा?"

Verse 10

एवम् उक्तास् तु ते दूता भरतेन महात्मना । ऊचुः संप्रश्रितं वाक्यम् इदं तं भरतं तदा । कुशलास् ते नरव्याघ्र येषां कुशलम् इच्छसि ॥

evam uktās tu te dūtā bharatena mahātmanā | ūcuḥ saṃpraśritaṃ vākyam idaṃ taṃ bharataṃ tadā | kuśalās te naravyāghra yeṣāṃ kuśalam icchasi

Thus questioned by the great-souled Bharata, those messengers spoke this respectful word to him then: "They are well, O tiger among men, those whose welfare you wish."

महात्मा भरत के इस प्रकार पूछने पर उन दूतों ने तब उस भरत से यह विनम्र वचन कहा—"नरव्याघ्र! जिनकी कुशल आप चाहते हैं, वे कुशल हैं।"

Verse 11

भरतश् चापि तान् दूतान् एवम् उक्तो ऽभ्यभाषत । आपृच्छे ऽहं महाराजं दूताः संत्वरयन्ति माम् ॥

bharataś cāpi tān dūtān evam ukto 'bhyabhāṣata | āpṛcche 'haṃ mahārājaṃ dūtāḥ saṃtvarayanti mām

And Bharata, thus addressed, said to those messengers: "I will take leave of the great king; the messengers urge me to make haste."

इस प्रकार कहे जाने पर भरत ने भी उन दूतों से कहा—"मैं महाराज (नाना) से विदा ले लूँ; दूत मुझे शीघ्रता के लिए प्रेरित कर रहे हैं।"

Verse 12

एवम् उक्त्वा तु तान् दूतान् भरतः पार्थिवात्मजः । दूतैः संचोदितो वाक्यं मातामहम् उवाच ह ॥

evam uktvā tu tān dūtān bharataḥ pārthivātmajaḥ | dūtaiḥ saṃcodito vākyaṃ mātāmaham uvāca ha

Having spoken thus to the messengers, Bharata, the king's son, urged on by them, said this to his maternal grandfather:

उन दूतों से ऐसा कहकर, दूतों के द्वारा प्रेरित राजपुत्र भरत ने अपने नाना से यह कहा—

Verse 13

राजन् पितुर् गमिष्यामि सकाशं दूतचोदितः । पुनर् अप्य् अहम् एष्यामि यदा मे त्वं स्मरिष्यसि ॥

rājan pitur gamiṣyāmi sakāśaṃ dūtacoditaḥ | punar apy aham eṣyāmi yadā me tvaṃ smariṣyasi

"O king, I shall go to my father, summoned by the messengers; and I shall come again when you remember me."

"राजन्! दूतों के प्रेरित करने पर मैं पिता के पास जाऊँगा; जब आप मुझे स्मरण करेंगे, तब मैं फिर आ जाऊँगा।"

Verse 14

भरतेनैवम् उक्तस् तु नृपो मातामहस् तदा । तम् उवाच शुभं वाक्यं शिरस्य् आघ्राय राघवम् ॥

bharatenaivam uktas tu nṛpo mātāmahas tadā | tam uvāca śubhaṃ vākyaṃ śirasy āghrāya rāghavam

Thus addressed by Bharata, the king his grandfather then, kissing the Raghava upon the head, spoke this gracious word to him:

भरत के इस प्रकार कहने पर उनके नाना राजा ने तब राघव का सिर सूँघकर उनसे यह शुभ वचन कहा—

Verse 15

गच्छ तातानुजाने त्वां कैकेयी सुप्रजास् त्वया । मातरं कुशलं ब्रूयाः पितरं च परंतप ॥

gaccha tātānujāne tvāṃ kaikeyī suprajās tvayā | mātaraṃ kuśalaṃ brūyāḥ pitaraṃ ca paraṃtapa

"Go, dear child, I give you leave; Kaikeyi is blessed in such a son as you. Give my greeting of welfare to your mother and to your father, O scorcher of foes;"

"जाओ तात, मैं तुम्हें आज्ञा देता हूँ; तुझ-जैसे पुत्र से कैकेयी धन्य है। शत्रुतापन! अपनी माता और पिता से मेरी कुशल-वार्ता कहना;

Verse 16

पुरोहितं च कुशलं ये चान्ये द्विजसत्तमाः । तौ च तात महेष्वासौ भ्रातरु रामलक्ष्मणौ ॥

purohitaṃ ca kuśalaṃ ye cānye dvijasattamāḥ | tau ca tāta maheṣvāsau bhrātaru rāmalakṣmaṇau

"and my greeting to the chaplain and to the other most excellent of the twice-born, and to those two mighty archers, dear child, your brothers Rama and Lakshmana."

और पुरोहित से तथा अन्य जो द्विजश्रेष्ठ हैं उनसे कुशल कहना, और तात! उन दोनों महाधनुर्धर भाइयों राम और लक्ष्मण से भी।"

Verse 17

तस्मै हस्त्युत्तमांश् चित्रान् कम्बलान् अजिनानि च । अभिसत्कृत्य कैकेयो भरताय धनं ददौ ॥

tasmai hastyuttamāṃś citrān kambalān ajināni ca | abhisatkṛtya kaikeyo bharatāya dhanaṃ dadau

To him the king of the Kekayas, having honoured him, gave as wealth to Bharata splendid elephants, embroidered cloaks, and deerskins.

केकयराज ने उसका सत्कार करके भरत को उत्तम चित्र-विचित्र हाथी, कंबल और मृगचर्म धन के रूप में दिए।

Verse 18

रुक्म निष्कसहस्रे द्वे षोडशाश्वशतानि च । सत्कृत्य कैकेयी पुत्रं केकयो धनम् आदिशत् ॥

rukma niṣkasahasre dve ṣoḍaśāśvaśatāni ca | satkṛtya kaikeyī putraṃ kekayo dhanam ādiśat

Two thousand gold ingots and sixteen hundred horses — thus did the Kekaya, honouring his son, bestow as wealth upon Bharata.

केकयराज ने अपने दौहित्र का सत्कार करके दो हजार स्वर्ण-निष्क और सोलह सौ घोड़े धन के रूप में प्रदान किए।

Verse 19

तथामात्यान् अभिप्रेतान् विश्वास्यांश् च गुणान्वितान् । ददाव् अश्वपतिः शीघ्रं भरतायानुयायिनः ॥

tathāmātyān abhipretān viśvāsyāṃś ca guṇānvitān | dadāv aśvapatiḥ śīghraṃ bharatāyānuyāyinaḥ

And Ashvapati swiftly gave to Bharata, to attend him, trusty ministers of approved worth, endowed with good qualities.

और अश्वपति ने भरत के साथ चलने के लिए विश्वासपात्र, गुणसंपन्न, प्रिय मंत्री शीघ्र ही दे दिए।

Verse 20

ऐरावतान् ऐन्द्रशिरान् नागान् वै प्रियदर्शनान् । खराञ् शीघ्रान् सुसंयुक्तान् मातुलो ऽस्मै धनं ददौ ॥

airāvatān aindraśirān nāgān vai priyadarśanān | kharāñ śīghrān susaṃyuktān mātulo 'smai dhanaṃ dadau

Elephants bred of the Airavata and Indrashira stocks, fair to behold, and swift donkeys well yoked — these his uncle gave him as wealth.

ऐरावत और इंद्रशिर कुल में उत्पन्न, देखने में सुंदर हाथी, तथा भली-भाँति जुते हुए तेज गधे मामा ने उसे धन के रूप में दिए।

Verse 21

अन्तःपुरे ऽतिसंवृद्धान् व्याघ्रवीर्यबलान्वितान् । दंष्ट्रायुधान् महाकायाञ् शुनश् चोपायनं ददौ ॥

antaḥpure 'tisaṃvṛddhān vyāghravīryabalānvitān | daṃṣṭrāyudhān mahākāyāñ śunaś copāyanaṃ dadau

And he gave as a gift dogs reared within the inner apartments, endowed with the might and valour of tigers, armed with fangs, of mighty frame.

और अंतःपुर में पले-बढ़े, व्याघ्र के समान बल-पराक्रम वाले, दाँतरूपी शस्त्र वाले, विशालकाय कुत्ते उसने भेंट के रूप में दिए।

Verse 22

स मातामहम् आपृच्छ्य मातुलं च युधाजितम् । रथम् आरुह्य भरतः शत्रुघ्नसहितो ययौ ॥

sa mātāmaham āpṛcchya mātulaṃ ca yudhājitam | ratham āruhya bharataḥ śatrughnasahito yayau

Taking leave of his grandfather and of his uncle Yudhajit, Bharata, together with Shatrughna, mounted his chariot and set forth.

अपने नाना से और मामा युधाजित से विदा लेकर भरत शत्रुघ्न के साथ रथ पर चढ़कर चल पड़े।

Verse 23

रथान् मण्डलचक्रांश् च योजयित्वा परःशतम् । उष्ट्रगोऽश्वखरैर् भृत्या भरतं यान्तम् अन्वयुः ॥

rathān maṇḍalacakrāṃś ca yojayitvā paraḥśatam | uṣṭrago'śvakharair bhṛtyā bharataṃ yāntam anvayuḥ

Harnessing more than a hundred chariots with rolling wheels, the servants followed Bharata as he went, with camels, oxen, horses, and donkeys.

गोल पहियों वाले सौ से अधिक रथों को जोतकर सेवकगण ऊँट, बैल, घोड़े और गधों सहित जाते हुए भरत के पीछे-पीछे चले।

Verse 24

बलेन गुप्तो भरतो महात्मा; सहार्यकस्यात्मसमैर् अमात्यैः । आदाय शत्रुघ्नम् अपेतशत्रुर्; गृहाद् ययौ सिद्ध इवेन्द्रलोकात् ॥

balena gupto bharato mahātmā; sahāryakasyātmasamair amātyaiḥ | ādāya śatrughnam apetaśatrur; gṛhād yayau siddha ivendralokāt

Guarded by his force, the great-souled Bharata, with ministers like unto his grandfather's own and equal to himself, taking Shatrughna, free of foes, went forth from the house like a perfected being from the world of Indra.

सेना से सुरक्षित, नाना के समान और स्वयं अपने समान मंत्रियों सहित, शत्रुघ्न को साथ लिए निःशत्रु महात्मा भरत उस घर से वैसे ही निकले, जैसे कोई सिद्ध इंद्रलोक से।