Sarga 58

Verse 1

तद् अज्ञानान् महत् पापं कृत्वा संकुलितेन्द्रियः । एकस् त्व् अचिन्तयं बुद्ध्या कथं नु सुकृतं भवेत् ॥

tad ajñānān mahat pāpaṃ kṛtvā saṃkulitendriyaḥ | ekas tv acintayaṃ buddhyā kathaṃ nu sukṛtaṃ bhavet

"Having through ignorance committed that grievous sin, my senses all in turmoil, I pondered alone within my mind: how might amends be made?

"अज्ञानवश वह महान पाप करके, इंद्रियाँ क्षुब्ध हो उठने पर, मैं अकेला बुद्धि से विचार करने लगा कि इसका प्रायश्चित कैसे हो।

Verse 2

ततस् तं घटम् आदय पूर्णं परमवारिणा । आश्रमं तम् अहं प्राप्य यथाख्यातपथं गतः ॥

tatas taṃ ghaṭam ādaya pūrṇaṃ paramavāriṇā | āśramaṃ tam ahaṃ prāpya yathākhyātapathaṃ gataḥ

Then, taking up that jar filled with the purest water, I came to the hermitage and went along the path just as it had been described to me.

तब उस घड़े को परम शुद्ध जल से भरकर मैं उस आश्रम में पहुँचा और बताए हुए मार्ग से ही गया।

Verse 3

तत्राहं दुर्बलाव् अन्धौ वृद्धाव् अपरिणायकौ । अपश्यं तस्य पितरौ लूनपक्षाव् इव द्विजौ ॥

tatrāhaṃ durbalāv andhau vṛddhāv apariṇāyakau | apaśyaṃ tasya pitarau lūnapakṣāv iva dvijau

There I beheld his parents, feeble and blind, aged and without a guide, like two birds whose wings had been shorn away.

वहाँ मैंने उसके दुर्बल, अंधे, वृद्ध और बिना किसी सहारे वाले माता-पिता को देखा, जो पंख कटे हुए दो पक्षियों के समान थे।

Verse 4

तन्निमित्ताभिर् आसीनौ कथाभिर् अपरिक्रमौ । ताम् आशां मत्कृते हीनाव् उदासीनाव् अनाथवत् ॥

tannimittābhir āsīnau kathābhir aparikramau | tām āśāṃ matkṛte hīnāv udāsīnāv anāthavat

They sat conversing of matters concerning him, unable to stir abroad; bereft of that one hope they had placed in me, they were listless and forlorn, like folk who have no protector.

वे उसी की चर्चा में लगे बैठे थे, कहीं जाने-आने में असमर्थ; मुझ पर टिकी उस एक आशा से रहित होकर वे अनाथ के समान उदासीन बैठे थे।

Verse 5

पदशब्दं तु मे श्रुत्वा मुनिर् वाक्यम् अभाषत । किं चिरायसि मे पुत्र पानीयं क्षिप्रम् आनय ॥

padaśabdaṃ tu me śrutvā munir vākyam abhāṣata | kiṃ cirāyasi me putra pānīyaṃ kṣipram ānaya

Hearing the sound of my footsteps, the sage spoke these words: 'Why do you tarry, my son? Bring me water at once.'

मेरे पगों की आहट सुनकर मुनि यह वचन बोले—'पुत्र! देर क्यों कर रहे हो? शीघ्र जल ले आओ।'

Verse 6

यन्निमित्तम् इदं तात सलिले क्रीडितं त्वया । उत्कण्ठिता ते मातेयं प्रविश क्षिप्रम् आश्रमम् ॥

yannimittam idaṃ tāta salile krīḍitaṃ tvayā | utkaṇṭhitā te māteyaṃ praviśa kṣipram āśramam

'For what cause, dear child, have you been sporting so long in the water? Your mother here is anxious for you; come swiftly into the hermitage.'

'तात! किस कारण तुम इतनी देर जल में क्रीड़ा करते रहे? तुम्हारी यह माता तुम्हारे लिए उत्कंठित है; शीघ्र आश्रम में आओ।'

Verse 7

यद् व्यलीकं कृतं पुत्र मात्रा ते यदि वा मया । न तन् मनसि कर्तव्यं त्वया तात तपस्विना ॥

yad vyalīkaṃ kṛtaṃ putra mātrā te yadi vā mayā | na tan manasi kartavyaṃ tvayā tāta tapasvinā

'If any slight has been done to you, my son, whether by your mother or by me, you must not take it to heart, dear child, being an ascetic.'

'पुत्र! यदि तुम्हारी माता ने अथवा मैंने तुम्हें कोई कष्ट दिया हो, तो तात! तपस्वी होकर तुम्हें उसे मन में नहीं लाना चाहिए।'

Verse 8

त्वं गतिस् त्व् अगतीनां च चक्षुस् त्वं हीनचक्षुषाम् । समासक्तास् त्वयि प्राणाः किं चिन् नौ नाभिभाषसे ॥

tvaṃ gatis tv agatīnāṃ ca cakṣus tvaṃ hīnacakṣuṣām | samāsaktās tvayi prāṇāḥ kiṃ cin nau nābhibhāṣase

'You are the refuge of us who are helpless, and the eyes of us who have lost our sight; our very lives are bound up in you. Why do you not speak to us at all?'

'हम असहायों के तुम ही आश्रय हो, दृष्टिहीनों के तुम ही नेत्र हो; हमारे प्राण तुममें ही बँधे हैं; हमसे कुछ भी क्यों नहीं बोलते?'

Verse 9

मुनिम् अव्यक्तया वाचा तम् अहं सज्जमानया । हीनव्यञ्जनया प्रेक्ष्य भीतो भीत इवाब्रुवम् ॥

munim avyaktayā vācā tam ahaṃ sajjamānayā | hīnavyañjanayā prekṣya bhīto bhīta ivābruvam

Beholding the sage, I, faltering and halting, with faint and broken syllables, spoke to him, fearful as a frightened creature.

उन मुनि को देखकर मैं अस्पष्ट, लड़खड़ाती और टूटे-फूटे अक्षरों वाली वाणी से, भयभीत प्राणी के समान डरते-डरते बोला।

Verse 10

मनसः कर्म चेष्टाभिर् अभिसंस्तभ्य वाग्बलम् । आचचक्षे त्व् अहं तस्मै पुत्रव्यसनजं भयम् ॥

manasaḥ karma ceṣṭābhir abhisaṃstabhya vāgbalam | ācacakṣe tv ahaṃ tasmai putravyasanajaṃ bhayam

Steadying by the effort of my mind the power of my speech, I made known to him the terror born of the slaying of his son.

मन के प्रयत्न से अपनी वाणी के बल को स्थिर करके मैंने उनसे पुत्र के वध से उत्पन्न वह भय-समाचार कह सुनाया।

Verse 11

क्षत्रियो ऽहं दशरथो नाहं पुत्रो महात्मनः । सज्जनावमतं दुःखम् इदं प्राप्तं स्वकर्मजम् ॥

kṣatriyo 'haṃ daśaratho nāhaṃ putro mahātmanaḥ | sajjanāvamataṃ duḥkham idaṃ prāptaṃ svakarmajam

'A warrior am I, Dasharatha by name; I am not your son, O great-souled one. This sorrow, despised by the virtuous, has come upon me, born of my own deed.'

'महात्मन्! मैं क्षत्रिय दशरथ हूँ, आपका पुत्र नहीं; सज्जनों से निंदित यह दुःख मुझ पर अपने ही कर्म से उत्पन्न होकर आ पड़ा है।'

Verse 12

भगवंश् चापहस्तो ऽहं सरयूतीरम् आगतः । जिघांसुः श्वापदं किं चिन् निपाने वागतं गजम् ॥

bhagavaṃś cāpahasto 'haṃ sarayūtīram āgataḥ | jighāṃsuḥ śvāpadaṃ kiṃ cin nipāne vāgataṃ gajam

'Reverend sir, bow in hand, I had come to the bank of the Sarayu, wishing to kill some beast of prey, or an elephant that might come down to the watering-place.'

'भगवन्! हाथ में धनुष लिए मैं सरयू के तट पर आया था, किसी हिंसक पशु को अथवा जलाशय पर आए हाथी को मारने की इच्छा से।'

Verse 13

तत्र श्रुतो मया शब्दो जले कुम्भस्य पूर्यतः । द्विपो ऽयम् इति मत्वा हि बाणेनाभिहतो मया ॥

tatra śruto mayā śabdo jale kumbhasya pūryataḥ | dvipo 'yam iti matvā hi bāṇenābhihato mayā

'There I heard the sound of a jar being filled with water, and, thinking it was an elephant, I struck at it with an arrow.'

'वहाँ मैंने जल में घड़े के भरे जाने की ध्वनि सुनी और उसे हाथी समझकर मैंने बाण से मार डाला।'

Verse 14

गत्वा नद्यास् ततस् तीरम् अपश्यम् इषुणा हृदि । विनिर्भिन्नं गतप्राणं शयानं भुवि तापसं ॥

gatvā nadyās tatas tīram apaśyam iṣuṇā hṛdi | vinirbhinnaṃ gataprāṇaṃ śayānaṃ bhuvi tāpasaṃ

'Then, going to the river's bank, I saw an ascetic, pierced through the heart by the shaft, his life ebbing away, lying upon the ground.'

'तब नदी के तट पर जाकर मैंने बाण से हृदय में बिंधे, प्राण खोते, भूमि पर पड़े एक तपस्वी को देखा।'

Verse 15

भगवञ् शब्दम् आलक्ष्य मया गजजिघांसुना । विसृष्टो ऽम्भसि नाराचस् तेन ते निहतः सुतः ॥

bhagavañ śabdam ālakṣya mayā gajajighāṃsunā | visṛṣṭo 'mbhasi nārācas tena te nihataḥ sutaḥ

'Reverend sir, taking aim by the sound, intending to kill an elephant, I loosed an iron arrow into the water, and by it your son was slain.'

'भगवन्! हाथी को मारने की इच्छा से ध्वनि का लक्ष्य करके मैंने जल में एक लोहमय बाण छोड़ा, और उसी से आपका पुत्र मारा गया।'

Verse 16

स चोद्धृतेन बाणेन तत्रैव स्वर्गम् आस्थितः । भगवन्ताव् उभौ शोचन्न् अन्धाव् इति विलप्य च ॥

sa coddhṛtena bāṇena tatraiva svargam āsthitaḥ | bhagavantāv ubhau śocann andhāv iti vilapya ca

'And when the arrow was drawn out, he ascended thence to heaven, lamenting and grieving for you both, crying, "My parents are blind!"'

'और बाण निकाले जाने पर वह वहीं से स्वर्ग को चला गया, आप दोनों अंधों के लिए शोक करता और "मेरे माता-पिता अंधे हैं" कहकर विलाप करता हुआ।'

Verse 17

अज्ञानाद् भवतः पुत्रः सहसाभिहतो मया । शेषम् एवंगते यत् स्यात् तत् प्रसीदतु मे मुनिः ॥

ajñānād bhavataḥ putraḥ sahasābhihato mayā | śeṣam evaṃgate yat syāt tat prasīdatu me muniḥ

'Through ignorance was your son suddenly struck down by me. Let the sage be gracious to me as to whatever may now remain to be done.'

'अज्ञानवश आपका पुत्र मेरे द्वारा सहसा मारा गया; इस स्थिति में अब जो कुछ शेष करना हो, उसके विषय में मुनि मुझ पर प्रसन्न हों।'

Verse 18

स तच् छ्रुत्वा वचः क्रूरं निःश्वसञ् शोककर्शितः । माम् उवाच महातेजाः कृताञ्जलिम् उपस्थितम् ॥

sa tac chrutvā vacaḥ krūraṃ niḥśvasañ śokakarśitaḥ | mām uvāca mahātejāḥ kṛtāñjalim upasthitam

Hearing that cruel speech, sighing and wasted with grief, that sage of mighty splendour said to me, who stood before him with hands joined in reverence:

वह कठोर वचन सुनकर, लंबी साँसें भरते और शोक से कृश होकर, महातेजस्वी वे मुझ हाथ जोड़े खड़े से बोले—

Verse 19

यद्य् एतद् अशुभं कर्म न स्म मे कथयेः स्वयम् । फलेन् मूर्धा स्म ते राजन् सद्यः शतसहस्रधा ॥

yady etad aśubhaṃ karma na sma me kathayeḥ svayam | phalen mūrdhā sma te rājan sadyaḥ śatasahasradhā

'Had you not of your own accord told me of this unhallowed deed, your head, O king, would that instant have burst asunder into a hundred thousand pieces.'

'राजन्! यदि तुम स्वयं यह अशुभ कर्म मुझसे न बताते, तो तुम्हारा सिर उसी क्षण लाख-लाख टुकड़ों में फट जाता।'

Verse 20

क्षत्रियेण वधो राजन् वानप्रस्थे विशेषतः । ज्ञानपूर्वं कृतः स्थानाच् च्यावयेद् अपि वज्रिणम् ॥

kṣatriyeṇa vadho rājan vānaprasthe viśeṣataḥ | jñānapūrvaṃ kṛtaḥ sthānāc cyāvayed api vajriṇam

'A hermit of the forest slain by a warrior knowingly, O king — such a deed would cast down even the Wielder of the Thunderbolt from his place.'

'राजन्! क्षत्रिय के द्वारा वानप्रस्थ का—और वह भी जानबूझकर किया गया—वध तो वज्रधारी इंद्र को भी उसके स्थान से गिरा दे।'

Verse 21

अज्ञानाद् धि कृतं यस्माद् इदं तेनैव जीवसि । अपि ह्य् अद्य कुलं नस्याद् राघवाणां कुतो भवान् ॥

ajñānād dhi kṛtaṃ yasmād idaṃ tenaiva jīvasi | api hy adya kulaṃ nasyād rāghavāṇāṃ kuto bhavān

'But because this was done in ignorance, for that very reason you live on. Else this very day the whole line of the Raghavas would perish — how then should you survive?'

'किंतु यह अज्ञानवश किया गया, इसी से तुम जीवित हो; अन्यथा आज ही रघुवंशियों का कुल नष्ट हो जाता—फिर तुम कहाँ बचते?'

Verse 22

नय नौ नृप तं देशम् इति मां चाभ्यभाषत । अद्य तं द्रष्टुम् इच्छावः पुत्रं पश्चिमदर्शनम् ॥

naya nau nṛpa taṃ deśam iti māṃ cābhyabhāṣata | adya taṃ draṣṭum icchāvaḥ putraṃ paścimadarśanam

'Lead us, O king, to that place,' he said to me. 'Today we wish to behold our son, for the last looking upon him.'

'राजन्! हमें उस स्थान पर ले चलो'—ऐसा उन्होंने मुझसे कहा—'आज हम अपने पुत्र का अंतिम दर्शन करना चाहते हैं।'

Verse 23

रुधिरेणावसिताङ्गं प्रकीर्णाजिनवाससं । शयानं भुवि निःसंज्ञं धर्मराजवशं गतम् ॥

rudhireṇāvasitāṅgaṃ prakīrṇājinavāsasaṃ | śayānaṃ bhuvi niḥsaṃjñaṃ dharmarājavaśaṃ gatam

'His limbs smeared with blood, his garment of deerskin scattered, lying senseless upon the ground, passed into the dominion of the King of Righteousness.'

'रक्त से सने अंगों वाले, बिखरे मृगचर्म-वस्त्र वाले, भूमि पर अचेत पड़े, धर्मराज के वश में गए हुए उसको।'

Verse 24

अथाहम् एकस् तं देशं नीत्वा तौ भृशदुःखितौ । अस्पर्शयम् अहं पुत्रं तं मुनिं सह भार्यया ॥

athāham ekas taṃ deśaṃ nītvā tau bhṛśaduḥkhitau | asparśayam ahaṃ putraṃ taṃ muniṃ saha bhāryayā

Then I alone, leading those two sorely stricken ones to that place, caused the sage, together with his wife, to touch their son.

तब मैं अकेला उन अत्यंत दुःखी दोनों को उस स्थान पर ले जाकर, भार्या सहित उन मुनि को उस पुत्र का स्पर्श करा दिया।

Verse 25

तौ पुत्रम् आत्मनः स्पृष्ट्वा तम् आसाद्य तपस्विनौ । निपेततुः शरीरे ऽस्य पिता चास्येदम् अब्रवीत् ॥

tau putram ātmanaḥ spṛṣṭvā tam āsādya tapasvinau | nipetatuḥ śarīre 'sya pitā cāsyedam abravīt

Those two ascetics, having come near and touched their son's body, fell down upon it; and his father spoke thus:

वे दोनों तपस्वी अपने पुत्र के पास पहुँचकर और उसे स्पर्श करके उसके शरीर पर गिर पड़े; और उसके पिता ने यह कहा—

Verse 26

न न्व् अहं ते प्रियः पुत्र मातरं पश्य धार्मिक । किं नु नालिङ्गसे पुत्र सुकुमार वचो वद ॥

na nv ahaṃ te priyaḥ putra mātaraṃ paśya dhārmika | kiṃ nu nāliṅgase putra sukumāra vaco vada

'Am I then not dear to you, my son? Look upon your mother, O righteous one. Why do you not embrace me, my tender child? Speak a word.'

'पुत्र! क्या मैं तुम्हें प्रिय नहीं? धार्मिक! अपनी माता की ओर देखो; सुकुमार पुत्र! तुम मुझे आलिंगन क्यों नहीं करते? एक वचन तो बोलो।'

Verse 27

कस्य वापररात्रे ऽहं श्रोष्यामि हृदयंगमम् । अधीयानस्य मधुरं शास्त्रं वान्यद् विशेषतः ॥

kasya vāpararātre 'haṃ śroṣyāmi hṛdayaṃgamam | adhīyānasya madhuraṃ śāstraṃ vānyad viśeṣataḥ

'Whose sweet recitation shall I hear in the latter part of the night, reciting the scriptures, going straight to the heart — or some other lore besides?'

'रात के पिछले पहर में मैं किसके हृदयग्राही, मधुर शास्त्र-पाठ को, अथवा विशेष रूप से किसी अन्य विद्या को सुनूँगा?'

Verse 28

को मां संध्याम् उपास्यैव स्नात्वा हुतहुताशनः । श्लाघयिष्यत्य् उपासीनः पुत्रशोकभयार्दितम् ॥

ko māṃ saṃdhyām upāsyaiva snātvā hutahutāśanaḥ | ślāghayiṣyaty upāsīnaḥ putraśokabhayārditam

'Who, having worshipped the twilight and bathed and offered oblation into the fire, will sit beside me and comfort me, tormented by grief and dread for my son?'

'कौन संध्या की उपासना और स्नान करके, अग्नि में आहुति देकर, पुत्र-शोक के भय से पीड़ित मेरे पास बैठकर मुझे सांत्वना देगा?'

Verse 29

कन्दमूलफलं हृत्वा को मां प्रियम् इवातिथिम् । भोजयिष्यत्य् अकर्मण्यम् अप्रग्रहम् अनायकम् ॥

kandamūlaphalaṃ hṛtvā ko māṃ priyam ivātithim | bhojayiṣyaty akarmaṇyam apragraham anāyakam

'Who will bring me roots and fruits and feed me, as a dear guest, now that I am unfit for work, without a stay, without a guide?'

'कौन कंद, मूल और फल लाकर मुझ-जैसे अकर्मण्य, बिना सहारे, बिना मार्गदर्शक को प्रिय अतिथि के समान भोजन कराएगा?'

Verse 30

इमाम् अन्धां च वृद्धां च मातरं ते तपस्विनीम् । कथं पुत्र भरिष्यामि कृपणां पुत्रगर्धिनीम् ॥

imām andhāṃ ca vṛddhāṃ ca mātaraṃ te tapasvinīm | kathaṃ putra bhariṣyāmi kṛpaṇāṃ putragardhinīm

'And this your mother, blind and aged, an ascetic woman — how, my son, shall I sustain her, wretched and longing for her child?'

'पुत्र! इस अंधी, वृद्ध, तपस्विनी, तुम्हारे लिए तरसती बेचारी तुम्हारी माता का भरण मैं कैसे करूँगा?'

Verse 31

तिष्ठ मा मा गमः पुत्र यमस्य सदनं प्रति । श्वो मया सह गन्तासि जनन्या च समेधितः ॥

tiṣṭha mā mā gamaḥ putra yamasya sadanaṃ prati | śvo mayā saha gantāsi jananyā ca samedhitaḥ

'Stay, do not go, my son, do not go toward the abode of Yama. Tomorrow you shall go together with me and your mother.'

'ठहरो, पुत्र! मत जाओ, यमलोक की ओर मत जाओ; कल तुम मेरे और अपनी माता के साथ चलना।'

Verse 32

उभाव् अपि च शोकार्ताव् अनाथौ कृपणौ वने । क्षिप्रम् एव गमिष्यावस् त्वया हीनौ यमक्षयम् ॥

ubhāv api ca śokārtāv anāthau kṛpaṇau vane | kṣipram eva gamiṣyāvas tvayā hīnau yamakṣayam

'The two of us, stricken with grief, helpless and forlorn in the forest, bereft of you, shall soon go to the realm of Yama.'

'शोक से पीड़ित, वन में अनाथ और बेचारे हम दोनों भी तुमसे रहित होकर शीघ्र ही यमलोक को चले जाएँगे।'

Verse 33

ततो वैवस्वतं दृष्ट्वा तं प्रवक्ष्यामि भारतीम् । क्षमतां धर्मराजो मे बिभृयात् पितराव् अयम् ॥

tato vaivasvataṃ dṛṣṭvā taṃ pravakṣyāmi bhāratīm | kṣamatāṃ dharmarājo me bibhṛyāt pitarāv ayam

'Then, beholding the son of Vivasvat, I shall speak this word: let the King of Righteousness forgive me; let him grant that this one may still support his parents.'

'तब विवस्वान के पुत्र यमराज को देखकर मैं यह वाणी कहूँगा—धर्मराज मुझे क्षमा करें; वे ऐसा करें कि यह पुत्र अपने माता-पिता का भरण-पोषण कर सके।'

Verse 34

अपापो ऽसि यथा पुत्र निहतः पापकर्मणा । तेन सत्येन गच्छाशु ये लोकाः शस्त्रयोधिनाम् ॥

apāpo 'si yathā putra nihataḥ pāpakarmaṇā | tena satyena gacchāśu ye lokāḥ śastrayodhinām

'As you are sinless, my son, though slain by one who did an evil deed, by that truth go swiftly to the worlds that belong to those who wield weapons.'

'पुत्र! जैसे तुम निष्पाप होकर भी पापकर्मी के द्वारा मारे गए हो, उस सत्य के प्रभाव से तुम शीघ्र उन लोकों को प्राप्त करो, जो शस्त्रधारी योद्धाओं के हैं।'

Verse 35

यान्ति शूरा गतिं यां च संग्रामेष्व् अनिवर्तिनः । हतास् त्व् अभिमुखाः पुत्र गतिं तां परमां व्रज ॥

yānti śūrā gatiṃ yāṃ ca saṃgrāmeṣv anivartinaḥ | hatās tv abhimukhāḥ putra gatiṃ tāṃ paramāṃ vraja

'To that goal which heroes attain who never turn back in battle, slain with their faces to the foe — to that highest goal, my son, do you go.'

'संग्राम में पीठ न दिखाने वाले शूर जिस गति को पाते हैं, पुत्र! शत्रु के सम्मुख होकर मारे गए वीर जिस परम गति को पाते हैं, उसी गति को तुम प्राप्त करो।'

Verse 36

यां गतिं सगरः शैब्यो दिलीपो जनमेजयः । नहुषो धुन्धुमारश् च प्राप्तास् तां गच्छ पुत्रक ॥

yāṃ gatiṃ sagaraḥ śaibyo dilīpo janamejayaḥ | nahuṣo dhundhumāraś ca prāptās tāṃ gaccha putraka

'To that goal which Sagara attained, and Shaibya, Dilipa, Janamejaya, Nahusha and Dhundhumara — to that go, my little son.'

'सगर, शैब्य, दिलीप, जनमेजय, नहुष और धुंधुमार ने जिस गति को प्राप्त किया, हे पुत्रक! तुम उसी गति को प्राप्त करो।'

Verse 37

या गतिः सर्वसाधूनां स्वाध्यायात् पतसश् च या । भूमिदस्याहिताग्नेश् च एकपत्नीव्रतस्य च ॥

yā gatiḥ sarvasādhūnāṃ svādhyāyāt patasaś ca yā | bhūmidasyāhitāgneś ca ekapatnīvratasya ca

'The goal of all the virtuous, and of him who studies the sacred lore, of the giver of land, of him who keeps the sacred fires, of him who is faithful to one wife;'

'समस्त साधुओं की जो गति है, स्वाध्याय करने वाले की जो है, भूमिदान करने वाले की, अग्निहोत्री की और एकपत्नीव्रती की जो गति है;'

Verse 38

गोसहस्रप्रदातॄणां या या गुरुभृताम् अपि । देहन्यासकृतां या च तां गतिं गच्छ पुत्रक । न हि त्व् अस्मिन् कुले जातो गच्छत्य् अकुशलां गतिम् ॥

gosahasrapradātṝṇāṃ yā yā gurubhṛtām api | dehanyāsakṛtāṃ yā ca tāṃ gatiṃ gaccha putraka | na hi tv asmin kule jāto gacchaty akuśalāṃ gatim

'the goal of those who give away a thousand cows, and of those who tend their elders, and of those who lay down the body in sacrifice — to that goal go, my little son; for none born in this line goes to any ill destiny.'

'सहस्र गौओं के दानी की, गुरुजनों की सेवा करने वालों की, और यज्ञ में देह-त्याग करने वालों की जो गति है—हे पुत्रक! उसी गति को प्राप्त करो; क्योंकि इस कुल में उत्पन्न कोई भी अशुभ गति को नहीं जाता।'

Verse 39

एवं स कृपणं तत्र पर्यदेवयतासकृत् । ततो ऽस्मै कर्तुम् उदकं प्रवृत्तः सह भार्यया ॥

evaṃ sa kṛpaṇaṃ tatra paryadevayatāsakṛt | tato 'smai kartum udakaṃ pravṛttaḥ saha bhāryayā

Thus did he lament piteously there again and again. Then, together with his wife, he set about making the water-offering for him.

इस प्रकार वहाँ बार-बार वे करुणापूर्वक विलाप करते रहे; फिर भार्या सहित उसके लिए जल-तर्पण करने में प्रवृत्त हुए।

Verse 40

स तु दिव्येन रूपेण मुनिपुत्रः स्वकर्मभिः । आश्वास्य च मुहूर्तं तु पितरौ वाक्यम् अब्रवीत् ॥

sa tu divyena rūpeṇa muniputraḥ svakarmabhiḥ | āśvāsya ca muhūrtaṃ tu pitarau vākyam abravīt

Then that son of the sage, in a divine form, won by his own good deeds, having comforted them a moment, spoke these words to his parents:

तब अपने शुभ कर्मों से दिव्य रूप पाया हुआ वह मुनिपुत्र एक मुहूर्त तक माता-पिता को सांत्वना देकर यह वचन बोला—

Verse 41

स्थानम् अस्मि महत् प्राप्तो भवतोः परिचारणात् । भवन्ताव् अपि च क्षिप्रं मम मूलम् उपैष्यतः ॥

sthānam asmi mahat prāpto bhavatoḥ paricāraṇāt | bhavantāv api ca kṣipraṃ mama mūlam upaiṣyataḥ

'By my attendance upon you both I have attained an exalted station; and you two also shall soon come to be near me.'

'आप दोनों की सेवा से मैं महान स्थान को प्राप्त हुआ हूँ; और आप दोनों भी शीघ्र ही मेरे समीप आ जाएँगे।'

Verse 42

एवम् उक्त्वा तु दिव्येन विमानेन वपुष्मता । आरुरोह दिवं क्षिप्रं मुनिपुत्रो जितेन्द्रियः ॥

evam uktvā tu divyena vimānena vapuṣmatā | āruroha divaṃ kṣipraṃ muniputro jitendriyaḥ

Having spoken thus, the son of the sage, master of his senses, in a divine and radiant celestial car, swiftly ascended to heaven.

ऐसा कहकर जितेंद्रिय वह मुनिपुत्र तेजस्वी दिव्य विमान पर चढ़कर शीघ्र ही स्वर्ग को चला गया।

Verse 43

स कृत्वा तूदकं तूर्णं तापसः सह भार्यया । माम् उवाच महातेजाः कृताञ्जलिम् उपस्थितम् ॥

sa kṛtvā tūdakaṃ tūrṇaṃ tāpasaḥ saha bhāryayā | mām uvāca mahātejāḥ kṛtāñjalim upasthitam

Then that ascetic, having quickly made the water-offering together with his wife, said to me, who stood before him with hands joined, that one of great splendour:

तब भार्या सहित शीघ्र जल-तर्पण करके वे महातेजस्वी तपस्वी मुझ हाथ जोड़े खड़े से बोले—

Verse 44

अद्यैव जहि मां राजन् मरणे नास्ति मे व्यथा । यच् छरेणैकपुत्रं मां त्वम् अकार्षीर् अपुत्रकम् ॥

adyaiva jahi māṃ rājan maraṇe nāsti me vyathā | yac chareṇaikaputraṃ māṃ tvam akārṣīr aputrakam

'Kill me this very day, O king; in dying I feel no pain, since with your arrow you have made me, who had but one son, a sonless man.'

'राजन्! आज ही तुम मुझे मार डालो; मरने में मुझे कोई व्यथा नहीं, क्योंकि बाण से तुमने मुझ एकमात्र पुत्र वाले को पुत्रहीन कर दिया।'

Verse 45

त्वया तु यद् अविज्ञानान् निहतो मे सुतः शुचिः । तेन त्वाम् अभिशप्स्यामि सुदुःखम् अतिदारुणम् ॥

tvayā tu yad avijñānān nihato me sutaḥ śuciḥ | tena tvām abhiśapsyāmi suduḥkham atidāruṇam

'But because through heedlessness my pure son was slain by you, for that I shall lay upon you a curse most grievous and exceedingly terrible.'

'किंतु तुम्हारे द्वारा असावधानी से मेरा पवित्र पुत्र मारा गया है, इसलिए मैं तुम्हें अत्यंत दुःखदायी, परम दारुण शाप देता हूँ—'

Verse 46

पुत्रव्यसनजं दुःखं यद् एतन् मम साम्प्रतम् । एवं त्वं पुत्रशोकेन राजन् कालं करिष्यसि ॥

putravyasanajaṃ duḥkhaṃ yad etan mama sāmpratam | evaṃ tvaṃ putraśokena rājan kālaṃ kariṣyasi

'This grief that is mine now, born of the loss of a son — even so, O king, shall you too meet your end through sorrow for a son.'

'पुत्र के वियोग से उत्पन्न यह दुःख जो इस समय मुझे है, उसी प्रकार, राजन्! तुम भी पुत्र-शोक से अपने प्राण त्यागोगे।'

Verse 47

तस्मान् माम् आगतं भद्रे तस्योदारस्य तद्वचः । यद् अहं पुत्रशोकेन संत्यक्ष्याम्य् अद्य जीवितम् ॥

tasmān mām āgataṃ bhadre tasyodārasya tadvacaḥ | yad ahaṃ putraśokena saṃtyakṣyāmy adya jīvitam

"Therefore has it come upon me, fair lady, this word of that noble one: that I shall today give up my life through sorrow for my son."

"भद्रे! इसी से उस उदार मुनि का वह वचन मुझ पर आ पड़ा है, कि मैं आज पुत्र-शोक से अपने प्राण त्याग दूँगा।

Verse 48

यदि मां संस्पृशेद् रामः सकृद् अद्यालभेत वा । न तन् मे सदृशं देवि यन् मया राघवे कृतम् ॥

yadi māṃ saṃspṛśed rāmaḥ sakṛd adyālabheta vā | na tan me sadṛśaṃ devi yan mayā rāghave kṛtam

"If only Rama might touch me, or once this day embrace me — but that is not possible for me, O queen, because of what I have done to Raghava."

देवी! यदि राम मुझे स्पर्श कर लेते, अथवा आज एक बार भी आलिंगन कर लेते—किंतु राघव के प्रति मैंने जो किया है, उसके कारण यह मेरे लिए संभव नहीं।

Verse 49

चक्षुषा त्वां न पश्यामि स्मृतिर् मम विलुप्यते । दूता वैवस्वतस्यैते कौसल्ये त्वरयन्ति माम् ॥

cakṣuṣā tvāṃ na paśyāmi smṛtir mama vilupyate | dūtā vaivasvatasyaite kausalye tvarayanti mām

"With my eyes I no longer see you; my memory is slipping away. These are the messengers of Vivasvat's son, Kausalya, who hasten me on."

कौसल्ये! मैं नेत्रों से तुम्हें नहीं देख पा रहा; मेरी स्मृति लुप्त होती जा रही है; ये यमराज के दूत मुझे उतावला कर रहे हैं।

Verse 50

अतस् तु किं दुःखतरं यद् अहं जीवितक्षये । न हि पश्यामि धर्मज्ञं रामं सत्यपराक्यमम् ॥

atas tu kiṃ duḥkhataraṃ yad ahaṃ jīvitakṣaye | na hi paśyāmi dharmajñaṃ rāmaṃ satyaparākyamam

"What sorrow can there be greater than this, that at the ebbing of my life I do not see Rama, knower of righteousness, whose valour is truth?"

इससे बढ़कर दुःख क्या होगा कि जीवन के इस अंत-समय में मैं धर्मज्ञ, सत्यपराक्रमी राम को नहीं देख पा रहा?

Verse 51

न ते मनुष्या देवास् ते ये चारुशुभकुण्डलम् । मुखं द्रक्ष्यन्ति रामस्य वर्षे पञ्चदशे पुनः ॥

na te manuṣyā devās te ye cāruśubhakuṇḍalam | mukhaṃ drakṣyanti rāmasya varṣe pañcadaśe punaḥ

"Not men but gods are they who shall look again, in the fifteenth year, upon the face of Rama with its lovely bright earrings."

जो लोग पंद्रहवें वर्ष में सुंदर, उज्ज्वल कुंडलों वाले राम के मुख को फिर देखेंगे, वे मनुष्य नहीं, देवता हैं।

Verse 52

पद्मपत्रेक्षणं सुभ्रु सुदंष्ट्रं चारुनासिकम् । धन्या द्रक्ष्यन्ति रामस्य ताराधिपनिभं मुखम् ॥

padmapatrekṣaṇaṃ subhru sudaṃṣṭraṃ cārunāsikam | dhanyā drakṣyanti rāmasya tārādhipanibhaṃ mukham

"Blessed are they who shall behold the face of Rama, with eyes like lotus-petals, fair of brow, with beautiful teeth and comely nose, radiant as the lord of stars."

कमल-दल के समान नेत्रों वाले, सुंदर भौंहों वाले, सुंदर दाँतों और मनोहर नासिका वाले, तारापति चंद्रमा के समान राम के मुख को जो देखेंगे, वे धन्य हैं।

Verse 53

सदृशं शारदस्येन्दोः फुल्लस्य कमलस्य च । सुगन्धि मम नाथस्य धन्या द्रक्ष्यन्ति तन्मुखम् ॥

sadṛśaṃ śāradasyendoḥ phullasya kamalasya ca | sugandhi mama nāthasya dhanyā drakṣyanti tanmukham

"Fragrant, like the autumn moon and like a blossoming lotus — blessed are they who shall behold that face of my lord."

शरद ऋतु के चंद्रमा और खिले हुए कमल के समान, सुगंधित मेरे स्वामी के उस मुख को जो देखेंगे, वे धन्य हैं।

Verse 54

निवृत्तवनवासं तम् अयोध्यां पुनर् आगतम् । द्रक्ष्यन्ति सुखिनो रामं शुक्रं मार्गगतं यथा ॥

nivṛttavanavāsaṃ tam ayodhyāṃ punar āgatam | drakṣyanti sukhino rāmaṃ śukraṃ mārgagataṃ yathā

"His forest-dwelling ended, come back again to Ayodhya — happy are they who shall behold Rama, like Venus returned to its course."

वनवास समाप्त कर अयोध्या लौट आए राम को जो देखेंगे, वे सुखी जन धन्य हैं, मानो अपने मार्ग पर लौट आए शुक्र (ग्रह) को देख रहे हों।

Verse 55

अयम् आत्मभवः शोको माम् अनाथम् अचेतनम् । संसादयति वेगेन यथा कूलं नदीरयः ॥

ayam ātmabhavaḥ śoko mām anātham acetanam | saṃsādayati vegena yathā kūlaṃ nadīrayaḥ

"This sorrow, sprung from my own doing, bears me down with its force, helpless and senseless as I am, as the river's current bears away its bank."

अपने ही किए से उत्पन्न यह शोक मुझ अनाथ, अचेत को अपने वेग से वैसे ही बहाए लिए जा रहा है, जैसे नदी का प्रवाह तट को।

Verse 56

हा राघव महाबाहो हा ममायास नाशन । राजा दशरथः शोचञ् जीवितान्तम् उपागमत् ॥

hā rāghava mahābāho hā mamāyāsa nāśana | rājā daśarathaḥ śocañ jīvitāntam upāgamat

"Alas, Raghava, mighty-armed! Alas, dispeller of my toil!" Thus lamenting, King Dasharatha came to the end of his life.

'हा महाबाहु राघव! हा मेरे श्रम को दूर करने वाले!'—इस प्रकार शोक करते हुए राजा दशरथ अपने जीवन के अंत को प्राप्त हुए।

Verse 57

तथा तु दीनं कथयन् नराधिपः; प्रियस्य पुत्रस्य विवासनातुरः । गते ऽर्धरात्रे भृशदुःखपीडितस्; तदा जहौ प्राणम् उदारदर्शनः ॥

tathā tu dīnaṃ kathayan narādhipaḥ; priyasya putrasya vivāsanāturaḥ | gate 'rdharātre bhṛśaduḥkhapīḍitas; tadā jahau prāṇam udāradarśanaḥ

Thus speaking so piteously, that lord of men, anguished at the banishment of his beloved son, when half the night was gone, overwhelmed with grief, then gave up his life — he of noble aspect.

इस प्रकार अत्यंत दीन होकर कहते हुए, प्रिय पुत्र के निर्वासन से व्याकुल वे उदार-दर्शन नरेश अर्धरात्रि बीत जाने पर, अत्यंत दुःख से पीड़ित होकर, तब प्राण त्याग गए।