Sarga 52

Verse 1

प्रत्याश्वस्तो यदा राजा मोहात् प्रत्यागतः पुनः । अथाजुहाव तं सूतं रामवृत्तान्तकारणात् ॥

pratyāśvasto yadā rājā mohāt pratyāgataḥ punaḥ | athājuhāva taṃ sūtaṃ rāmavṛttāntakāraṇāt

When the king, recovered from his swoon, had come to himself again, he summoned the charioteer to learn the tidings of Rama.

जब राजा मूर्छा से उबरकर फिर होश में आए, तब उन्होंने राम का समाचार जानने के लिए उस सूत को बुलाया।

Verse 2

वृद्धं परमसंतप्तं नवग्रहम् इव द्विपम् । विनिःश्वसन्तं ध्यायन्तम् अस्वस्थम् इव कुञ्जरम् ॥

vṛddhaṃ paramasaṃtaptaṃ navagraham iva dvipam | viniḥśvasantaṃ dhyāyantam asvastham iva kuñjaram

[He summoned] him who was aged and sorely afflicted, like an elephant newly seized by a planet in eclipse, sighing and brooding, like a sickly elephant.

वृद्ध और अत्यंत संतप्त, ग्रहण से नवग्रस्त हाथी के समान, लंबी साँसें भरते और ध्यानमग्न, रुग्ण गजराज के समान उस सूत को उन्होंने बुलाया।

Verse 3

राजा तु रजसा सूतं ध्वस्ताङ्गं समुपस्थितम् । अश्रु पूर्णमुखं दीनम् उवाच परमार्तवत् ॥

rājā tu rajasā sūtaṃ dhvastāṅgaṃ samupasthitam | aśru pūrṇamukhaṃ dīnam uvāca paramārtavat

The king said to the charioteer, who stood before him begrimed with dust, his face full of tears, wretched, in utmost distress:

धूल से सने अंगों वाले, आँसुओं से भरे मुख वाले, दीन और सामने खड़े उस सूत से राजा ने परम आर्त होकर कहा—

Verse 4

क्व नु वत्स्यति धर्मात्मा वृक्षमूलम् उपाश्रितः । सो ऽत्यन्तसुखितः सूत किम् अशिष्यति राघवः । भूमिपालात्मजो भूमौ शेते कथम् अनाथवत् ॥

kva nu vatsyati dharmātmā vṛkṣamūlam upāśritaḥ | so 'tyantasukhitaḥ sūta kim aśiṣyati rāghavaḥ | bhūmipālātmajo bhūmau śete katham anāthavat

"Where will the righteous one dwell, taking refuge at the foot of a tree? What will Raghava eat, that one so used to every comfort—a king's son, lying on the bare ground like one without a protector?

"वह धर्मात्मा वृक्ष की जड़ का आश्रय लेकर कहाँ रहेगा? सूत! अत्यंत सुखी रहने वाले वे राघव क्या खाएँगे? पृथ्वीपति का पुत्र भूमि पर अनाथ के समान कैसे सोएगा?

Verse 5

यं यान्तम् अनुयान्ति स्म पदाति रथकुञ्जराः । स वत्स्यति कथं रामो विजनं वनम् आश्रितः ॥

yaṃ yāntam anuyānti sma padāti rathakuñjarāḥ | sa vatsyati kathaṃ rāmo vijanaṃ vanam āśritaḥ

He whom, as he went, foot-soldiers, chariots and elephants used to follow—how will Rama dwell, betaken to the lonely forest?

जिसके जाते समय पैदल सैनिक, रथ और हाथी पीछे-पीछे चलते थे, वह राम निर्जन वन का आश्रय लेकर कैसे रहेगा?

Verse 6

व्यालैर् मृगैर् आचरितं कृष्णसर्पनिषेवितम् । कथं कुमारौ वैदेह्या सार्धं वनम् उपस्थितौ ॥

vyālair mṛgair ācaritaṃ kṛṣṇasarpaniṣevitam | kathaṃ kumārau vaidehyā sārdhaṃ vanam upasthitau

Ranged by serpents and beasts of prey, haunted by the black snake—how came the two princes to the forest, with Vaidehi?

सर्पों और हिंसक पशुओं से विचरित, काले साँपों से सेवित उस वन में दोनों राजकुमार वैदेही के साथ कैसे पहुँचे?

Verse 7

सुकुमार्या तपस्विन्या सुमन्त्र सह सीतया । राजपुत्रौ कथं पादैर् अवरुह्य रथाद् गतौ ॥

sukumāryā tapasvinyā sumantra saha sītayā | rājaputrau kathaṃ pādair avaruhya rathād gatau

With the tender and ascetic Sita, O Sumantra—how did the princes, stepping down from the chariot, go on foot?

सुमंत्र! सुकुमारी, तपस्विनी सीता के साथ वे दोनों राजकुमार रथ से उतरकर पैदल कैसे गए?

Verse 8

सिद्धार्थः खलु सूत त्वं येन दृष्टौ ममात्मजौ । वनान्तं प्रविशन्तौ ताव् अश्विनाव् इव मन्दरम् ॥

siddhārthaḥ khalu sūta tvaṃ yena dṛṣṭau mamātmajau | vanāntaṃ praviśantau tāv aśvināv iva mandaram

Fortunate indeed are you, Sumantra, by whom my two sons were seen entering the forest-tracts, like the two Ashvins entering Mandara.

सूत! तुम तो सचमुच धन्य हो, जिसने मेरे दोनों पुत्रों को वन में प्रवेश करते देखा, मानो दोनों अश्विनीकुमार मंदराचल में प्रवेश कर रहे हों।

Verse 9

किम् उवाच वचो रामः किम् उवाच च लक्ष्मणः । सुमन्त्र वनम् आसाद्य किम् उवाच च मैथिली । आसितं शयितं भुक्तं सूत रामस्य कीर्तय ॥

kim uvāca vaco rāmaḥ kim uvāca ca lakṣmaṇaḥ | sumantra vanam āsādya kim uvāca ca maithilī | āsitaṃ śayitaṃ bhuktaṃ sūta rāmasya kīrtaya

What words did Rama speak? What said Lakshmana? And what, Sumantra, reaching the forest, said Maithili? How Rama sat, how he lay, how he ate, O charioteer—tell it to me."

राम ने क्या कहा? लक्ष्मण ने क्या कहा? और सुमंत्र! वन में पहुँचकर मैथिली ने क्या कहा? सूत! राम कैसे बैठे, कैसे सोए, क्या खाया—यह सब मुझे बताओ।"

Verse 10

इति सूतो नरेन्द्रेण चोदितः सज्जमानया । उवाच वाचा राजानं सबाष्पपरिरब्धया ॥

iti sūto narendreṇa coditaḥ sajjamānayā | uvāca vācā rājānaṃ sabāṣpaparirabdhayā

Thus urged by the lord of men, the charioteer, with a voice faltering and choked with tears, said to the king:

नरेंद्र के इस प्रकार आग्रहपूर्वक प्रेरित करने पर सूत ने आँसुओं से रुँधी और लड़खड़ाती वाणी से राजा से कहा—

Verse 11

अब्रवीन् मां महाराज धर्मम् एवानुपालयन् । अञ्जलिं राघवः कृत्वा शिरसाभिप्रणम्य च ॥

abravīn māṃ mahārāja dharmam evānupālayan | añjaliṃ rāghavaḥ kṛtvā śirasābhipraṇamya ca

"Keeping ever to righteousness, Raghava said to me, O great king, with hands joined and bowing his head:

"महाराज! सदा धर्म का पालन करने वाले राघव ने हाथ जोड़कर और सिर झुकाकर प्रणाम करके मुझसे कहा—

Verse 12

सूत मद्वचनात् तस्य तातस्य विदितात्मनः । शिरसा वन्दनीयस्य वन्द्यौ पादौ महात्मनः ॥

sūta madvacanāt tasya tātasya viditātmanaḥ | śirasā vandanīyasya vandyau pādau mahātmanaḥ

'Charioteer, by my word, to that father of mine, of knowing soul, whose head is to be bowed to and whose feet are to be revered—make obeisance.'

'सूत! मेरी ओर से उन ज्ञानी पिता को, जो सिर झुकाकर वंदन करने योग्य और जिनके चरण पूजनीय हैं, उन महात्मा को प्रणाम करना।'

Verse 13

सर्वम् अन्तःपुरं वाच्यं सूत मद् वचनात् त्वया । आरोग्यम् अविशेषेण यथार्हं चाभिवादनम् ॥

sarvam antaḥpuraṃ vācyaṃ sūta mad vacanāt tvayā | ārogyam aviśeṣeṇa yathārhaṃ cābhivādanam

'And all the inner household is to be addressed, charioteer, by my word—greeting and salutation each according to their due, without distinction.'

'सूत! मेरी ओर से तुम समस्त अंतःपुर से कहना—सबको बिना भेदभाव के यथायोग्य कुशल और अभिवादन कहना।'

Verse 14

माता च मम कौसल्या कुशलं चाभिवादनम् । देवि देवस्य पादौ च देववत् परिपालय ॥

mātā ca mama kausalyā kuśalaṃ cābhivādanam | devi devasya pādau ca devavat paripālaya

'And to my mother Kausalya, health and salutation; and, O queen, guard the feet of the king as of a god.'

'और मेरी माता कौसल्या को कुशल और अभिवादन कहना; और देवी! देव-समान राजा के चरणों की देवता के समान सेवा करती रहना।'

Verse 15

भरतः कुशलं वाच्यो वाच्यो मद्वचनेन च । सर्वास्व् एव यथान्यायं वृत्तिं वर्तस्व मातृषु ॥

bharataḥ kuśalaṃ vācyo vācyo madvacanena ca | sarvāsv eva yathānyāyaṃ vṛttiṃ vartasva mātṛṣu

'Bharata too is to be greeted, and told, by my word: bear yourself rightly, each according to rule, toward all the mothers.'

'भरत से भी कुशल कहना, और मेरी ओर से यह कहना—तुम सब माताओं के प्रति यथान्याय समान आचरण करना।'

Verse 16

वक्तव्यश् च महाबाहुर् इक्ष्वाकुकुलनन्दनः । पितरं यौवराज्यस्थो राज्यस्थम् अनुपालय ॥

vaktavyaś ca mahābāhur ikṣvākukulanandanaḥ | pitaraṃ yauvarājyastho rājyastham anupālaya

'And let the mighty-armed one, the delight of the Ikshvaku line, be told: standing in the heir-apparency, guard your father who stands in the kingship.'"

'और महाबाहु इक्ष्वाकुकुलनंदन भरत से यह कहना—युवराज-पद पर स्थित होकर राज्य-पद पर स्थित अपने पिता की रक्षा करते रहना।'"

Verse 17

इत्य् एवं मां महाराज ब्रुवन्न् एव महायशाः । रामो राजीवताम्राक्षो भृशम् अश्रूण्य् अवर्तयत् ॥

ity evaṃ māṃ mahārāja bruvann eva mahāyaśāḥ | rāmo rājīvatāmrākṣo bhṛśam aśrūṇy avartayat

Thus speaking to me, O great king, the illustrious Rama, his eyes lotus-red and copper-hued, let fall abundant tears.

"महाराज! इस प्रकार मुझसे कहते-कहते ही कमल के समान ताम्र नेत्रों वाले महायशस्वी राम अत्यधिक आँसू बहाने लगे।

Verse 18

लक्ष्मणस् तु सुसंक्रुद्धो निःश्वसन् वाक्यम् अब्रवीत् । केनायम् अपराधेन राजपुत्रो विवासितः ॥

lakṣmaṇas tu susaṃkruddho niḥśvasan vākyam abravīt | kenāyam aparādhena rājaputro vivāsitaḥ

But Lakshmana, exceedingly wroth, sighing, spoke these words: "For what offence is this prince banished?

किंतु लक्ष्मण अत्यंत क्रुद्ध होकर, लंबी साँसें भरते हुए यह वचन बोले—'किस अपराध के कारण यह राजकुमार निर्वासित किया गया है?

Verse 19

यदि प्रव्राजितो रामो लोभकारणकारितम् । वरदाननिमित्तं वा सर्वथा दुष्कृतं कृतम् । रामस्य तु परित्यागे न हेतुम् उपलक्षये ॥

yadi pravrājito rāmo lobhakāraṇakāritam | varadānanimittaṃ vā sarvathā duṣkṛtaṃ kṛtam | rāmasya tu parityāge na hetum upalakṣaye

If Rama is banished—whether wrought by covetousness, or on account of the granting of a boon—in every way an evil deed has been done; but for the casting-off of Rama I see no cause.

यदि राम को—चाहे लोभवश किए कार्य से, अथवा वरदान देने के कारण—निर्वासित किया गया है, तो सब प्रकार से दुष्कर्म ही किया गया है; किंतु राम के परित्याग का मुझे कोई कारण दिखाई नहीं देता।

Verse 20

असमीक्ष्य समारब्धं विरुद्धं बुद्धिलाघवात् । जनयिष्यति संक्रोशं राघवस्य विवासनम् ॥

asamīkṣya samārabdhaṃ viruddhaṃ buddhilāghavāt | janayiṣyati saṃkrośaṃ rāghavasya vivāsanam

This banishment of Raghava, undertaken without reflection, contrary to right, out of lightness of mind, will beget universal outcry.

बिना विचारे आरंभ किया, न्याय के विरुद्ध, बुद्धि की चंचलता से किया गया राघव का यह निर्वासन सबमें हाहाकार उत्पन्न करेगा।

Verse 21

अहं तावन् महाराजे पितृत्वं नोपलक्षये । भ्राता भर्ता च बन्धुश् च पिता च मम राघवः ॥

ahaṃ tāvan mahārāje pitṛtvaṃ nopalakṣaye | bhrātā bhartā ca bandhuś ca pitā ca mama rāghavaḥ

In the great king I no longer recognize a father; brother and master and kinsman and father to me is Raghava."

मैं तो अब महाराज में पिता का भाव नहीं देखता; मेरे लिए तो राघव ही भाई, स्वामी, बंधु और पिता हैं।'"

Verse 22

सर्वलोकप्रियं त्यक्त्वा सर्वलोकहिते रतम् । सर्वलोको ऽनुरज्येत कथं त्वानेन कर्मणा ॥

sarvalokapriyaṃ tyaktvā sarvalokahite ratam | sarvaloko 'nurajyeta kathaṃ tvānena karmaṇā

"Forsaking him, the darling of all the world, who delights in the welfare of all the world—by this deed, how should all the world remain attached to you?"

"समस्त लोक के प्रिय, समस्त लोक के हित में तत्पर उस राम को त्यागकर, इस कर्म से भला समस्त लोक आप पर कैसे अनुरक्त रहेगा?"

Verse 23

जानकी तु महाराज निःश्वसन्ती तपस्विनी । भूतोपहतचित्तेव विष्ठिता वृष्मृता स्थिता ॥

jānakī tu mahārāja niḥśvasantī tapasvinī | bhūtopahatacitteva viṣṭhitā vṛṣmṛtā sthitā

But Janaki, O great king, sighing, the ascetic one, stood as one whose mind is possessed by a spirit, bewildered and transfixed.

"किंतु महाराज! तपस्विनी जानकी लंबी साँसें भरती हुई, मानो भूत से चित्त आविष्ट हो गया हो, बौराई-सी, स्तब्ध खड़ी रहीं।

Verse 24

अदृष्टपूर्वव्यसना राजपुत्री यशस्विनी । तेन दुःखेन रुदती नैव मां किं चिद् अब्रवीत् ॥

adṛṣṭapūrvavyasanā rājaputrī yaśasvinī | tena duḥkhena rudatī naiva māṃ kiṃ cid abravīt

The glorious princess, who had known no calamity before, weeping in that sorrow, said nothing at all to me.

जिसने पहले कभी संकट नहीं देखा था, वह यशस्विनी राजकुमारी उस दुःख से रोती हुई मुझसे कुछ भी न बोलीं।

Verse 25

उद्वीक्षमाणा भर्तारं मुखेन परिशुष्यता । मुमोच सहसा बाष्पं मां प्रयान्तम् उदीक्ष्य सा ॥

udvīkṣamāṇā bhartāraṃ mukhena pariśuṣyatā | mumoca sahasā bāṣpaṃ māṃ prayāntam udīkṣya sā

Gazing upon her husband, her face dried up with grief, she suddenly let fall her tears, looking upon me as I set out.

शोक से सूखे मुख वाली वे अपने पति की ओर ताकती हुईं, और प्रस्थान करते हुए मुझे देखकर सहसा आँसू बहाने लगीं।

Verse 26

तथैव रामो ऽश्रुमुखः कृताञ्जलिः; स्थितो ऽभवल् लक्ष्मणबाहुपालितः । तथैव सीता रुदती तपस्विनी; निरीक्षते राजरथं तथैव माम् ॥

tathaiva rāmo 'śrumukhaḥ kṛtāñjaliḥ; sthito 'bhaval lakṣmaṇabāhupālitaḥ | tathaiva sītā rudatī tapasvinī; nirīkṣate rājarathaṃ tathaiva mām

Even so Rama, his face full of tears, with hands joined, stood guarded by the arm of Lakshmana; and even so Sita, weeping, the ascetic one, gazed upon the royal chariot, and upon me, in the same wise.

इसी प्रकार आँसुओं से भरे मुख वाले राम हाथ जोड़े, लक्ष्मण की भुजा के आश्रय में खड़े रहे; और उसी प्रकार रोती हुई तपस्विनी सीता राजरथ को और वैसे ही मुझे निहारती रहीं।"