Sarga 51

Verse 1

कथयित्वा सुदुःखार्तः सुमन्त्रेण चिरं सह । रामे दक्षिण कूलस्थे जगाम स्वगृहं गुहः ॥

kathayitvā suduḥkhārtaḥ sumantreṇa ciraṃ saha | rāme dakṣiṇa kūlasthe jagāma svagṛhaṃ guhaḥ

Having conversed long and in great sorrow with Sumantra, Guha went to his own home, Rama being now upon the southern bank.

राम के दक्षिणी तट पर पहुँच जाने पर, सुमंत्र के साथ बहुत देर तक अत्यंत दुःख से पीड़ित होकर बातें करके गुह अपने घर चले गए।

Verse 2

अनुज्ञातः सुमन्त्रो ऽथ योजयित्वा हयोत्तमान् । अयोध्याम् एव नगरीं प्रययौ गाढदुर्मनाः ॥

anujñātaḥ sumantro 'tha yojayitvā hayottamān | ayodhyām eva nagarīṃ prayayau gāḍhadurmanāḥ

Then Sumantra, taking leave, having yoked the excellent horses, went on to the city of Ayodhya, deeply downcast.

तब विदा पाकर सुमंत्र उत्तम घोड़ों को जोतकर अत्यंत खिन्न मन से अयोध्या नगरी की ओर ही चल पड़े।

Verse 3

स वनानि सुगन्धीनि सरितश् च सरांसि च । पश्यन्न् अतिययौ शीघ्रं ग्रामाणि नगराणि च ॥

sa vanāni sugandhīni saritaś ca sarāṃsi ca | paśyann atiyayau śīghraṃ grāmāṇi nagarāṇi ca

Beholding the fragrant woodlands, the rivers and the lakes, he passed swiftly on by villages and towns.

वे सुगंधित वनों, नदियों और सरोवरों को देखते हुए शीघ्र ही गाँवों और नगरों को पार करते गए।

Verse 4

ततः सायाह्नसमये तृतीये ऽहनि सारथिः । अयोध्यां समनुप्राप्य निरानन्दां ददर्श ह ॥

tataḥ sāyāhnasamaye tṛtīye 'hani sārathiḥ | ayodhyāṃ samanuprāpya nirānandāṃ dadarśa ha

Then at the hour of evening on the third day the charioteer, reaching Ayodhya, beheld her bereft of joy.

फिर तीसरे दिन संध्या के समय सारथि ने अयोध्या पहुँचकर उसे आनंदरहित देखा।

Verse 5

स शून्याम् इव निःशब्दां दृष्ट्वा परमदुर्मनाः । सुमन्त्रश् चिन्तयाम् आस शोकवेगसमाहतः ॥

sa śūnyām iva niḥśabdāṃ dṛṣṭvā paramadurmanāḥ | sumantraś cintayām āsa śokavegasamāhataḥ

Seeing her as if empty and silent, utterly downcast, Sumantra, smitten by the force of grief, fell to musing:

उसे मानो सूनी और नीरव देखकर अत्यंत खिन्न सुमंत्र शोक के वेग से आहत होकर सोचने लगे—

Verse 6

कच्चिन् न सगजा साश्वा सजना सजनाधिपा । राम संतापदुःखेन दग्धा शोकाग्निना पुरी । इति चिन्तापरः सूतस् त्वरितः प्रविवेश ह ॥

kaccin na sagajā sāśvā sajanā sajanādhipā | rāma saṃtāpaduḥkhena dagdhā śokāgninā purī | iti cintāparaḥ sūtas tvaritaḥ praviveśa ha

"Is the city, with its elephants and horses, its people and their lord, burnt up with the fire of grief, by the sorrow and anguish for Rama?"—so musing, the charioteer entered in haste.

"कहीं हाथियों, घोड़ों, लोगों और उनके स्वामी सहित यह पुरी राम के लिए संताप के दुःख से, शोक की अग्नि से जल तो नहीं गई?"—इस प्रकार चिंता में डूबे सूत ने शीघ्रता से नगर में प्रवेश किया।

Verse 7

सुमन्त्रम् अभियान्तं तं शतशो ऽथ सहस्रशः । क्व राम इति पृच्छन्तः सूतम् अभ्यद्रवन् नराः ॥

sumantram abhiyāntaṃ taṃ śataśo 'tha sahasraśaḥ | kva rāma iti pṛcchantaḥ sūtam abhyadravan narāḥ

As Sumantra came on, men by hundreds and by thousands, asking "Where is Rama?", ran up to the charioteer.

आते हुए उस सुमंत्र के पास सैकड़ों, हजारों मनुष्य "राम कहाँ हैं?" पूछते हुए दौड़ पड़े।

Verse 8

तेषां शशंस गङ्गायाम् अहम् आपृच्छ्य राघवम् । अनुज्ञातो निवृत्तो ऽस्मि धार्मिकेण महात्मना ॥

teṣāṃ śaśaṃsa gaṅgāyām aham āpṛcchya rāghavam | anujñāto nivṛtto 'smi dhārmikeṇa mahātmanā

To them he said: "Having taken leave of Raghava at the Ganga, I am come back, dismissed by that righteous great soul."

उनसे उन्होंने कहा—"गंगा पर राघव से विदा लेकर, उन धर्मात्मा महात्मा के द्वारा अनुमति पाकर मैं लौट आया हूँ।"

Verse 9

ते तीर्णा इति विज्ञाय बाष्पपूर्णमुखा जनाः । अहो धिग् इति निःश्वस्य हा रामेति च चुक्रुशुः ॥

te tīrṇā iti vijñāya bāṣpapūrṇamukhā janāḥ | aho dhig iti niḥśvasya hā rāmeti ca cukruśuḥ

Knowing them crossed over, the people, their faces full of tears, sighing "Alas, shame!" and crying "Alas, Rama!"

उन्हें पार गया जानकर आँसुओं से भरे मुख वाले लोग "हाय, धिक्कार है!" कहकर लंबी साँसें भरते हुए "हा राम!" कहकर चीख उठे।

Verse 10

शुश्राव च वचस् तेषां वृन्दं वृन्दं च तिष्ठताम् । हताः स्म खलु ये नेह पश्याम इति राघवम् ॥

śuśrāva ca vacas teṣāṃ vṛndaṃ vṛndaṃ ca tiṣṭhatām | hatāḥ sma khalu ye neha paśyāma iti rāghavam

And he heard the words of those who stood in troop after troop: "Slain indeed are we, who shall not behold Raghava here—

और उन्होंने झुंड-के-झुंड खड़े उन लोगों के ये वचन सुने—"हम तो निश्चय ही मारे गए, जो राघव को यहाँ नहीं देख पाएँगे—

Verse 11

दानयज्ञविवाहेषु समाजेषु महत्सु च । न द्रक्ष्यामः पुनर् जातु धार्मिकं रामम् अन्तरा ॥

dānayajñavivāheṣu samājeṣu mahatsu ca | na drakṣyāmaḥ punar jātu dhārmikaṃ rāmam antarā

at giving of gifts, at sacrifices, at marriages, and at great assemblies—nevermore shall we see the righteous Rama among us."

दान, यज्ञ, विवाह और महान सभाओं में हम धर्मात्मा राम को फिर कभी अपने बीच नहीं देख सकेंगे।"

Verse 12

किं समर्थं जनस्यास्य किं प्रियं किं सुखावहम् । इति रामेण नगरं पितृवत् परिपालितम् ॥

kiṃ samarthaṃ janasyāsya kiṃ priyaṃ kiṃ sukhāvaham | iti rāmeṇa nagaraṃ pitṛvat paripālitam

"What is fitting for this folk? what dear to them? what brings them comfort?"—so by Rama had the city been cherished, like a father.

"इस जन के लिए क्या उपयुक्त है, क्या प्रिय है, क्या सुखकारी है"—इस प्रकार राम ने इस नगर को पिता के समान पालित किया था।

Verse 13

वातायनगतानां च स्त्रीणाम् अन्वन्तरापणम् । रामशोकाभितप्तानां शुश्राव परिदेवनम् ॥

vātāyanagatānāṃ ca strīṇām anvantarāpaṇam | rāmaśokābhitaptānāṃ śuśrāva paridevanam

And from the women set at their windows along the row of shops, afflicted with grief for Rama, he heard lamentation.

और बाजार की पंक्ति में खिड़कियों पर बैठी, राम के शोक से संतप्त स्त्रियों का विलाप भी उन्होंने सुना।

Verse 14

स राजमार्गमध्येन सुमन्त्रः पिहिताननः । यत्र राजा दशरथस् तद् एवोपययौ गृहम् ॥

sa rājamārgamadhyena sumantraḥ pihitānanaḥ | yatra rājā daśarathas tad evopayayau gṛham

Sumantra, his face veiled, by the middle of the royal highway, went on to that very house where King Dasharatha was.

अपना मुख ढके हुए सुमंत्र राजमार्ग के बीच से होते हुए उसी भवन की ओर गए, जहाँ राजा दशरथ थे।

Verse 15

सो ऽवतीर्य रथाच् छीघ्रं राजवेश्म प्रविश्य च । कक्ष्याः सप्ताभिचक्राम महाजनसमाकुलाः ॥

so 'vatīrya rathāc chīghraṃ rājaveśma praviśya ca | kakṣyāḥ saptābhicakrāma mahājanasamākulāḥ

Alighting quickly from the chariot and entering the royal dwelling, he passed through the seven courtyards thronged with a great multitude.

रथ से शीघ्र उतरकर और राजभवन में प्रवेश करके वे महान जनसमूह से भरे सातों कक्षों (प्रांगणों) को पार कर गए।

Verse 16

ततो दशरथस्त्रीणां प्रासादेभ्यस् ततस् ततः । रामशोकाभितप्तानां मन्दं शुश्राव जल्पितम् ॥

tato daśarathastrīṇāṃ prāsādebhyas tatas tataḥ | rāmaśokābhitaptānāṃ mandaṃ śuśrāva jalpitam

Then from the palaces here and there of the women of Dasharatha, afflicted with grief for Rama, he heard low murmuring:

तब दशरथ की स्त्रियों के यहाँ-वहाँ के प्रासादों से, राम के शोक से संतप्त उन स्त्रियों की धीमी-धीमी बातें उन्होंने सुनीं—

Verse 17

सह रामेण निर्यातो विना रामम् इहागतः । सूतः किं नाम कौसल्यां शोचन्तीं प्रतिवक्ष्यति ॥

saha rāmeṇa niryāto vinā rāmam ihāgataḥ | sūtaḥ kiṃ nāma kausalyāṃ śocantīṃ prativakṣyati

"He who set forth with Rama is come back here without Rama; what then will the charioteer answer to the grieving Kausalya?

"जो राम के साथ गया था, वह यहाँ राम के बिना लौट आया है; सूत शोक करती हुई कौसल्या को भला क्या उत्तर देगा?

Verse 18

यथा च मन्ये दुर्जीवम् एवं न सुकरं ध्रुवम् । आच्छिद्य पुत्रे निर्याते कौसल्या यत्र जीवति ॥

yathā ca manye durjīvam evaṃ na sukaraṃ dhruvam | ācchidya putre niryāte kausalyā yatra jīvati

As I think it, hard is it to live, yet surely not easy, there where Kausalya lives on, her son torn from her and gone."

जैसा मैं समझती हूँ, जीना कठिन तो है, पर निश्चय ही सरल भी नहीं, जहाँ पुत्र के छिन जाने और चले जाने पर भी कौसल्या जीवित रह रही है।"

Verse 19

सत्य रूपं तु तद्वाक्यं राज्ञः स्त्रीणां निशामयन् । प्रदीप्तम् इव शोकेन विवेश सहसा गृहम् ॥

satya rūpaṃ tu tadvākyaṃ rājñaḥ strīṇāṃ niśāmayan | pradīptam iva śokena viveśa sahasā gṛham

Hearing those true-seeming words of the king's women, as if ablaze with grief, he entered the dwelling in haste.

राजा की स्त्रियों के उन सच्चे-से जान पड़ते वचनों को सुनकर शोक से मानो जलते हुए वे सहसा भवन में प्रविष्ट हुए।

Verse 20

स प्रविश्याष्टमीं कक्ष्यां राजानं दीनम् आतुलम् । पुत्रशोकपरिद्यूनम् अपश्यत् पाण्डरे गृहे ॥

sa praviśyāṣṭamīṃ kakṣyāṃ rājānaṃ dīnam ātulam | putraśokaparidyūnam apaśyat pāṇḍare gṛhe

Entering the eighth courtyard, he beheld in the pale mansion the king, dejected, pitiable, worn with grief for his son.

आठवें प्रांगण में प्रवेश करके उन्होंने उस पांडुर भवन में राजा को दीन, आतुर और पुत्र-शोक से कृश देखा।

Verse 21

अभिगम्य तम् आसीनं नरेन्द्रम् अभिवाद्य च । सुमन्त्रो रामवचनं यथोक्तं प्रत्यवेदयत् ॥

abhigamya tam āsīnaṃ narendram abhivādya ca | sumantro rāmavacanaṃ yathoktaṃ pratyavedayat

Approaching the enthroned lord of men and saluting him, Sumantra reported Rama's words just as they were spoken.

बैठे हुए उन नरेंद्र के पास जाकर और उन्हें प्रणाम करके सुमंत्र ने राम का वचन, जैसा कहा गया था वैसा ही, निवेदन किया।

Verse 22

स तूष्णीम् एव तच् छ्रुत्वा राजा विभ्रान्त चेतनः । मूर्छितो न्यपतद् भूमौ रामशोकाभिपीडितः ॥

sa tūṣṇīm eva tac chrutvā rājā vibhrānta cetanaḥ | mūrchito nyapatad bhūmau rāmaśokābhipīḍitaḥ

The king, hearing it in silence, his mind reeling, fell swooning to the ground, stricken with grief for Rama.

उसे चुपचाप सुनकर राजा की चेतना भ्रमित हो गई और राम के शोक से पीड़ित होकर वे मूर्छित होकर भूमि पर गिर पड़े।

Verse 23

ततो ऽन्तःपुरम् आविद्धं मूर्छिते पृथिवीपतौ । उद्धृत्य बाहू चुक्रोश नृपतौ पतिते क्षितौ ॥

tato 'ntaḥpuram āviddhaṃ mūrchite pṛthivīpatau | uddhṛtya bāhū cukrośa nṛpatau patite kṣitau

Then the inner household was thrown into tumult, the lord of the earth lying in a swoon; raising their arms, they cried aloud, the king fallen upon the earth.

तब पृथ्वीपति के मूर्छित होने पर अंतःपुर में हलचल मच गई; राजा के भूमि पर गिरने पर वे भुजाएँ उठाकर चीख उठीं।

Verse 24

सुमित्रया तु सहिता कौसल्या पतितं पतिम् । उत्थापयाम् आस तदा वचनं चेदम् अब्रवीत् ॥

sumitrayā tu sahitā kausalyā patitaṃ patim | utthāpayām āsa tadā vacanaṃ cedam abravīt

Kausalya, together with Sumitra, raised up her fallen husband, and then spoke these words:

तब कौसल्या ने सुमित्रा के साथ मिलकर गिरे हुए अपने पति को उठाया और यह वचन कहा—

Verse 25

इमं तस्य महाभाग दूतं दुष्करकारिणः । वनवासाद् अनुप्राप्तं कस्मान् न प्रतिभाषसे ॥

imaṃ tasya mahābhāga dūtaṃ duṣkarakāriṇaḥ | vanavāsād anuprāptaṃ kasmān na pratibhāṣase

"Why, O greatly blessed one, do you not answer this messenger of your son, who has done so hard a deed and is now come back from the forest?

"महाभाग! दुष्कर कार्य करने वाले अपने पुत्र के इस दूत को, जो वनवास से लौटकर आया है, आप उत्तर क्यों नहीं देते?

Verse 26

अद्येमम् अनयं कृत्वा व्यपत्रपसि राघव । उत्तिष्ठ सुकृतं ते ऽस्तु शोके न स्यात् सहायता ॥

adyemam anayaṃ kṛtvā vyapatrapasi rāghava | uttiṣṭha sukṛtaṃ te 'stu śoke na syāt sahāyatā

Having today wrought this wrong, are you ashamed, O Raghava? Rise; may it be well with you; grief brings no help.

राघव! आज यह अन्याय करके क्या आप लज्जित हैं? उठिए; आपका कल्याण हो; शोक से कोई सहायता नहीं मिलती।

Verse 27

देव यस्या भयाद् रामं नानुपृच्छसि सारथिम् । नेह तिष्ठति कैकेयी विश्रब्धं प्रतिभाष्यताम् ॥

deva yasyā bhayād rāmaṃ nānupṛcchasi sārathim | neha tiṣṭhati kaikeyī viśrabdhaṃ pratibhāṣyatām

O lord, you ask not the charioteer for news of Rama, for fear of her, of Kaikeyi; here she is not; let him be answered freely."

देव! जिसके भय से आप सारथि से राम का समाचार नहीं पूछते, वह कैकेयी यहाँ नहीं है; निःशंक होकर इससे उत्तर पाया जाए।"

Verse 28

सा तथोक्त्वा महाराजं कौसल्या शोकलालसा । धरण्यां निपपाताशु बाष्पविप्लुतभाषिणी ॥

sā tathoktvā mahārājaṃ kausalyā śokalālasā | dharaṇyāṃ nipapātāśu bāṣpaviplutabhāṣiṇī

Having thus spoken to the great king, Kausalya, overcome with grief, fell straightway to the ground, her speech drowned in tears.

महाराज से इस प्रकार कहकर शोक में डूबी कौसल्या, आँसुओं में बहते वचन कहती हुई, तुरंत धरती पर गिर पड़ीं।

Verse 29

एवं विलपतीं दृष्ट्वा कौसल्यां पतितां भुवि । पतिं चावेक्ष्य ताः सर्वाः सस्वरं रुरुदुः स्त्रियः ॥

evaṃ vilapatīṃ dṛṣṭvā kausalyāṃ patitāṃ bhuvi | patiṃ cāvekṣya tāḥ sarvāḥ sasvaraṃ ruruduḥ striyaḥ

Seeing Kausalya lamenting thus, fallen upon the earth, and looking upon her husband, all the women wept aloud with loud voices.

इस प्रकार विलाप करती हुई कौसल्या को भूमि पर गिरी देखकर और अपने पति को देखकर वे सब स्त्रियाँ ऊँचे स्वर में रोने लगीं।

Verse 30

ततस् तम् अन्तःपुरनादम् उत्थितं; समीक्ष्य वृद्धास् तरुणाश् च मानवाः । स्त्रियश् च सर्वा रुरुदुः समन्ततः; पुरं तदासीत् पुनर् एव संकुलम् ॥

tatas tam antaḥpuranādam utthitaṃ; samīkṣya vṛddhās taruṇāś ca mānavāḥ | striyaś ca sarvā ruruduḥ samantataḥ; puraṃ tadāsīt punar eva saṃkulam

Then, beholding that cry risen up in the inner apartments, the old men and the young, and all the women, wept on every side; and the city then was once more thrown into confusion.

तब अंतःपुर में उठे उस आर्तनाद को देखकर वृद्ध और तरुण मनुष्य तथा सब स्त्रियाँ चारों ओर रोने लगीं; और वह नगर तब फिर से व्याकुल हो उठा।