Sarga 39

Verse 1

विलपन्तीं तथा तां तु कौसल्यां प्रमदोत्तमाम् । इदं धर्मे स्थिता धर्म्यं सुमित्रा वाक्यम् अब्रवीत् ॥

vilapantīṃ tathā tāṃ tu kausalyāṃ pramadottamām | idaṃ dharme sthitā dharmyaṃ sumitrā vākyam abravīt

As Kausalya, best of women, lamented thus, the righteous Sumitra, firm in righteousness, spoke these fitting words:

इस प्रकार विलाप करती हुई स्त्रियों में श्रेष्ठ कौसल्या से, धर्म में स्थित सुमित्रा ने यह धर्मयुक्त वचन कहा—

Verse 2

तवार्ये सद्गुणैर् युक्तः पुत्रः स पुरुषोत्तमः । किं ते विलपितेनैवं कृपणं रुदितेन वा ॥

tavārye sadguṇair yuktaḥ putraḥ sa puruṣottamaḥ | kiṃ te vilapitenaivaṃ kṛpaṇaṃ ruditena vā

"Your son, O noble lady, is endowed with every excellence, that best of men; what avails you this lamenting and this wretched weeping?

"आर्ये! तुम्हारा वह पुत्र सद्गुणों से युक्त पुरुषोत्तम है; तुम्हें इस प्रकार विलाप करने और दीनतापूर्वक रोने से क्या लाभ?

Verse 3

यस् तवार्ये गतः पुत्रस् त्यक्त्वा राज्यं महाबलः । साधु कुर्वन् महात्मानं पितरं सत्यवादिनाम् ॥

yas tavārye gataḥ putras tyaktvā rājyaṃ mahābalaḥ | sādhu kurvan mahātmānaṃ pitaraṃ satyavādinām

He who, your son, O noble lady, has gone forth renouncing the kingdom, that one of great strength—doing good, making true his great-souled and truthful father—

आर्ये! तुम्हारा जो महाबली पुत्र राज्य को त्यागकर वन चला गया है, वह अपने महात्मा सत्यवादी पिता की बात को सत्य करके भला ही कर रहा है—

Verse 4

शिष्टैर् आचरिते सम्यक् शश्वत् प्रेत्य फलोदये । रामो धर्मे स्थितः श्रेष्ठो न स शोच्यः कदा चन ॥

śiṣṭair ācarite samyak śaśvat pretya phalodaye | rāmo dharme sthitaḥ śreṣṭho na sa śocyaḥ kadā cana

Rama, firm in the righteousness rightly practised by the good, ever bringing its fruit hereafter, the most excellent—he is never to be grieved for.

सत्पुरुषों के द्वारा भली-भाँति आचरित, परलोक में सदा फल देने वाले धर्म में स्थित वह श्रेष्ठ राम कभी शोक करने योग्य नहीं है।

Verse 5

वर्तते चोत्तमां वृत्तिं लक्ष्मणो ऽस्मिन् सदानघः । दयावान् सर्वभूतेषु लाभस् तस्य महात्मनः ॥

vartate cottamāṃ vṛttiṃ lakṣmaṇo 'smin sadānaghaḥ | dayāvān sarvabhūteṣu lābhas tasya mahātmanaḥ

And Lakshmana, ever sinless, maintains the highest conduct toward him, compassionate to all creatures; this is the gain of that great soul.

और सदा निष्पाप लक्ष्मण उसके प्रति उत्तम आचरण रखते हैं, वे समस्त प्राणियों पर दया करने वाले हैं; यही उस महात्मा की उपलब्धि है।

Verse 6

अरण्यवासे यद् दुःखं जानती वै सुखोचिता । अनुगच्छति वैदेही धर्मात्मानं तवात्मजम् ॥

araṇyavāse yad duḥkhaṃ jānatī vai sukhocitā | anugacchati vaidehī dharmātmānaṃ tavātmajam

Vaidehi, knowing well the sorrow of life in the wilderness, though used to comfort, follows the righteous one, your son.

सुख भोगने योग्य होते हुए भी वनवास के दुःख को भली-भाँति जानती हुई वैदेही तुम्हारे धर्मात्मा पुत्र के पीछे-पीछे जा रही हैं।

Verse 7

कीर्तिभूतां पताकां यो लोके भ्रामयति प्रभुः । दमसत्यव्रतपरः किं न प्राप्तस् तवात्मजः ॥

kīrtibhūtāṃ patākāṃ yo loke bhrāmayati prabhuḥ | damasatyavrataparaḥ kiṃ na prāptas tavātmajaḥ

Your son, who waves aloft in the world the banner of his glory, devoted to self-restraint and the vow of truth—what has he not attained?

संयम और सत्यव्रत में तत्पर, जो प्रभु संसार में अपनी कीर्ति की पताका फहराता है, ऐसे तुम्हारे पुत्र ने क्या नहीं पा लिया?

Verse 8

व्यक्तं रामस्य विज्ञाय शौचं माहात्म्यम् उत्तमम् । न गात्रम् अंशुभिः सूर्यः संतापयितुम् अर्हति ॥

vyaktaṃ rāmasya vijñāya śaucaṃ māhātmyam uttamam | na gātram aṃśubhiḥ sūryaḥ saṃtāpayitum arhati

Knowing clearly the purity and surpassing greatness of soul of Rama, the sun will not venture to scorch his body with his beams.

राम की पवित्रता और उत्तम महानता को भली-भाँति जानकर सूर्य उनके शरीर को अपनी किरणों से संतप्त करने का साहस नहीं करेगा।

Verse 9

शिवः सर्वेषु कालेषु काननेभ्यो विनिःसृतः । राघवं युक्तशीतोष्णः सेविष्यति सुखो ऽनिलः ॥

śivaḥ sarveṣu kāleṣu kānanebhyo viniḥsṛtaḥ | rāghavaṃ yuktaśītoṣṇaḥ seviṣyati sukho 'nilaḥ

Auspicious at all seasons, issuing from the woodlands, the breeze, tempered of heat and cold, will wait upon Raghava with comfort.

वनों से निकलकर, सब ऋतुओं में कल्याणकारी, शीत और उष्ण से समतुल, सुखद वायु राघव की सेवा करेगी।

Verse 10

शयानम् अनघं रात्रौ पितेवाभिपरिष्वजन् । रश्मिभिः संस्पृशञ् शीतैश् चन्द्रमा ह्लादयिष्यति ॥

śayānam anaghaṃ rātrau pitevābhipariṣvajan | raśmibhiḥ saṃspṛśañ śītaiś candramā hlādayiṣyati

As he lies at night, sinless, the moon, embracing him like a father, touching him with cool rays, will bring him delight.

रात में सोते हुए उन निष्पाप को पिता के समान आलिंगन करता हुआ चंद्रमा अपनी शीतल किरणों से स्पर्श करके उन्हें आह्लादित करेगा।

Verse 11

ददौ चास्त्राणि दिव्यानि यस्मै ब्रह्मा महौजसे । दानवेन्द्रं हतं दृष्ट्वा तिमिध्वजसुतं रणे ॥

dadau cāstrāṇi divyāni yasmai brahmā mahaujase | dānavendraṃ hataṃ dṛṣṭvā timidhvajasutaṃ raṇe

He to whom Brahma gave celestial weapons—to that one of mighty valour, when he beheld the lord of the danavas, the son of Timidhvaja, slain in battle—

रण में तिमिध्वज के पुत्र दानवेंद्र को मारा हुआ देखकर, महातेजस्वी उस राम को जिसे ब्रह्मा ने दिव्य अस्त्र प्रदान किए थे—

Verse 12

पृथिव्या सह वैदेह्या श्रिया च पुरुषर्षभः । क्षिप्रं तिसृभिर् एताभिः सह रामो ऽभिषेक्ष्यते ॥

pṛthivyā saha vaidehyā śriyā ca puruṣarṣabhaḥ | kṣipraṃ tisṛbhir etābhiḥ saha rāmo 'bhiṣekṣyate

that bull among men, Rama, will soon be anointed together with these three: with the earth, with Vaidehi, and with Royal Fortune.

वह पुरुषश्रेष्ठ राम शीघ्र ही इन तीनों के साथ—पृथ्वी, वैदेही और राजलक्ष्मी के साथ—अभिषिक्त होगा।

Verse 13

दुःखजं विसृजन्त्य् अस्रं निष्क्रामन्तम् उदीक्ष्य यम् । समुत्स्रक्ष्यसि नेत्राभ्यां क्षिप्रम् आनन्दजं पयः ॥

duḥkhajaṃ visṛjanty asraṃ niṣkrāmantam udīkṣya yam | samutsrakṣyasi netrābhyāṃ kṣipram ānandajaṃ payaḥ

When you beheld him departing, shedding tears born of grief—soon from your two eyes you will pour forth instead the water born of joy.

जिसे वन जाते समय देखकर तुमने दुःख से उपजे आँसू बहाए थे, उसी को देखकर शीघ्र ही अपने दोनों नेत्रों से तुम आनंद के आँसू बहाओगी।

Verse 14

अभिवादयमानं तं दृष्ट्वा ससुहृदं सुतम् । मुदाश्रु मोक्ष्यसे क्षिप्रं मेघलेकेव वार्षिकी ॥

abhivādayamānaṃ taṃ dṛṣṭvā sasuhṛdaṃ sutam | mudāśru mokṣyase kṣipraṃ meghalekeva vārṣikī

Beholding your son returned and saluting you with his friends, you will quickly let fall tears of gladness, like a streak of cloud in the rainy season.

सुहृदों सहित लौटकर प्रणाम करते हुए अपने पुत्र को देखकर तुम शीघ्र ही वर्षा-ऋतु की मेघमाला के समान हर्ष के आँसू बहाओगी।

Verse 15

पुत्रस् ते वरदः क्षिप्रम् अयोध्यां पुनर् आगतः । कराभ्यां मृदुपीनाभ्यां चरणौ पीडयिष्यति ॥

putras te varadaḥ kṣipram ayodhyāṃ punar āgataḥ | karābhyāṃ mṛdupīnābhyāṃ caraṇau pīḍayiṣyati

Your son, the giver of boons, soon come back to Ayodhya, will press your feet with his soft and well-filled hands.

वरदाता तुम्हारा पुत्र शीघ्र ही अयोध्या लौट आकर अपने कोमल और पुष्ट हाथों से तुम्हारे चरण दबाएगा।

Verse 16

निशम्य तल् लक्ष्मणमातृवाक्यं; रामस्य मातुर् नरदेवपत्न्याः । सद्यः शरीरे विननाश शोकः; शरद्गतो मेघ इवाल्पतोयः ॥

niśamya tal lakṣmaṇamātṛvākyaṃ; rāmasya mātur naradevapatnyāḥ | sadyaḥ śarīre vinanāśa śokaḥ; śaradgato megha ivālpatoyaḥ

Hearing those words of the mother of Lakshmana, the grief straightway vanished from the body of Rama's mother, the king's consort, as a cloud of little water vanishes when autumn has come.

लक्ष्मण की माता के उन वचनों को सुनकर राम की माता, राजपत्नी कौसल्या के शरीर से शोक तत्काल वैसे ही विलीन हो गया, जैसे शरद् ऋतु आने पर अल्प जल वाला मेघ विलीन हो जाता है।