Sarga 22

Verse 1

सापनीय तम् आयासम् उपस्पृश्य जलं शुचि । चकार माता रामस्य मङ्गलानि मनस्विनी ॥

sāpanīya tam āyāsam upaspṛśya jalaṃ śuci | cakāra mātā rāmasya maṅgalāni manasvinī

Having put away that distress [of hers] and touched pure water, the thoughtful mother of Rāma performed the auspicious rites:

उस (शोक की) थकान को दूर करके, पवित्र जल का आचमन करके, राम की मनस्विनी माता ने मांगलिक कृत्य किए।

Verse 2

स्वस्ति साध्याश् च विश्वे च मरुतश् च महर्षयः । स्वस्ति धाता विधाता च स्वस्ति पूषा भगो ऽर्यमा ॥

svasti sādhyāś ca viśve ca marutaś ca maharṣayaḥ | svasti dhātā vidhātā ca svasti pūṣā bhago 'ryamā

"Blessing! May the Sādhyas, the Viśve [gods], the Maruts, and the great sages [bless you]; blessing from Dhātṛ and Vidhātṛ; blessing from Pūṣan, Bhaga, and Aryaman."

"कल्याण हो! साध्यगण, विश्वेदेव, मरुद्गण और महर्षिगण — कल्याण करें! धाता और विधाता — कल्याण करें! पूषा, भग और अर्यमा —"

Verse 3

ऋतवश् चैव पक्षाश् च मासाः संवत्सराः क्षपाः । दिनानि च मुहूर्ताश् च स्वस्ति कुर्वन्तु ते सदा ॥

ṛtavaś caiva pakṣāś ca māsāḥ saṃvatsarāḥ kṣapāḥ | dināni ca muhūrtāś ca svasti kurvantu te sadā

"And the seasons, the fortnights, the months, the years, the nights, the days, and the hours — may they ever work blessing for you."

"ऋतुएँ, पक्ष, मास, वर्ष, रात्रियाँ, दिन और मुहूर्त — ये सब सदा तुम्हारा कल्याण करें।"

Verse 4

स्मृतिर् धृतिश् च धर्मश् च पान्तु त्वां पुत्र सर्वतः । स्कन्दश् च भगवान् देवः सोमश् च सबृहस्पतिः ॥

smṛtir dhṛtiś ca dharmaś ca pāntu tvāṃ putra sarvataḥ | skandaś ca bhagavān devaḥ somaś ca sabṛhaspatiḥ

"May memory, steadfastness, and dharma guard you on every side, my son; and the blessed god Skanda, and Soma with Bṛhaspati."

"हे पुत्र! स्मृति, धृति और धर्म तुम्हारी सब ओर से रक्षा करें; और भगवान देव स्कन्द तथा बृहस्पति सहित सोम —"

Verse 5

सप्तर्षयो नारदश् च ते त्वां रक्षन्तु सर्वतः । नक्षत्राणि च सर्वाणि ग्रहाश् च सहदेवताः । महावनानि चरतो मुनिवेषस्य धीमतः ॥

saptarṣayo nāradaś ca te tvāṃ rakṣantu sarvataḥ | nakṣatrāṇi ca sarvāṇi grahāś ca sahadevatāḥ | mahāvanāni carato muniveṣasya dhīmataḥ

"The seven sages and Nārada — may they guard you on every side; and all the lunar mansions, and the planets with their deities, [guarding] you, the wise one in a sage's guise, as you roam the great forests."

"सप्तर्षि और नारद तुम्हारी सब ओर से रक्षा करें; और समस्त नक्षत्र तथा देवताओं सहित ग्रह — मुनिवेश में महान वनों में विचरते हुए तुम बुद्धिमान की (रक्षा करें)।"

Verse 6

प्लवगा वृश्चिका दंशा मशकाश् चैव कानने । सरीसृपाश् च कीटाश् च मा भूवन् गहने तव ॥

plavagā vṛścikā daṃśā maśakāś caiva kānane | sarīsṛpāś ca kīṭāś ca mā bhūvan gahane tava

"May the leaping creatures, the scorpions, gadflies, and gnats in the forest, and the reptiles and insects, not be [a trouble] in your thicket."

"वन में मेंढक (कूदने वाले जीव), बिच्छू, डाँस और मच्छर, तथा रेंगने वाले जन्तु और कीड़े — वे गहन वन में तुम्हारे लिए (बाधक) न हों।"

Verse 7

महाद्विपाश् च सिंहाश् च व्याघ्रा ऋक्षाश् च दंष्ट्रिणः । महिषाः शृङ्गिणो रौद्रा न ते द्रुह्यन्तु पुत्रक ॥

mahādvipāś ca siṃhāś ca vyāghrā ṛkṣāś ca daṃṣṭriṇaḥ | mahiṣāḥ śṛṅgiṇo raudrā na te druhyantu putraka

"And the great elephants and lions and tigers and fanged bears, and the fierce horned buffaloes — let them not do you harm, my child."

"हे पुत्र! बड़े-बड़े हाथी, सिंह, व्याघ्र, दाढ़ों वाले भालू, और भयंकर सींग वाले भैंसे — वे तुम्हारा अनिष्ट न करें।"

Verse 8

नृमांसभोजना रौद्रा ये चान्ये सत्त्वजातयः । मा च त्वां हिंसिषुः पुत्र मया संपूजितास् त्व् इह ॥

nṛmāṃsabhojanā raudrā ye cānye sattvajātayaḥ | mā ca tvāṃ hiṃsiṣuḥ putra mayā saṃpūjitās tv iha

"The fierce man-eating [creatures], and the other kinds of beings — let them not harm you, my son, worshipped [as they are] by me here."

"हे पुत्र! नरमांस खाने वाले भयंकर (प्राणी) और जो अन्य प्राणि-जातियाँ हैं — वे तुम्हें हिंसा न पहुँचाएँ; मैंने यहाँ उन्हें भली-भाँति पूजा है।"

Verse 9

आगमास् ते शिवाः सन्तु सिध्यन्तु च पराक्रमाः । सर्वसंपत्तयो राम स्वस्तिमान् गच्छ पुत्रक ॥

āgamās te śivāḥ santu sidhyantu ca parākramāḥ | sarvasaṃpattayo rāma svastimān gaccha putraka

"May your journeyings be auspicious; may your [feats of] prowess succeed; [may] all good fortunes [be yours], Rāma; go blessed, my son."

"हे राम! तुम्हारी यात्राएँ शुभ हों, पराक्रम सिद्ध हों, और सब प्रकार की सम्पत्तियाँ (प्राप्त हों); हे पुत्र! कुशलपूर्वक जाओ।"

Verse 10

स्वस्ति ते ऽस्त्व् आन्तरिक्षेभ्यः पार्थिवेभ्यः पुनः पुनः । सर्वेभ्यश् चैव देवेभ्यो ये च ते परिपन्थिनः ॥

svasti te 'stv āntarikṣebhyaḥ pārthivebhyaḥ punaḥ punaḥ | sarvebhyaś caiva devebhyo ye ca te paripanthinaḥ

"Blessing be to you from the [beings] of the sky and from those of the earth, again and again, and from all the gods; and [may safety come] from those who [would] waylay you."

"अन्तरिक्ष के (प्राणियों) से, पृथ्वी के (प्राणियों) से, तथा समस्त देवताओं से बार-बार तुम्हारा कल्याण हो; और जो तुम्हारे शत्रु हैं (उनसे तुम्हारी रक्षा हो)।"

Verse 11

सर्वलोकप्रभुर् ब्रह्मा भूतभर्ता तथर्षयः । ये च शेषाः सुरास् ते त्वां रक्षन्तु वनवासिनम् ॥

sarvalokaprabhur brahmā bhūtabhartā tatharṣayaḥ | ye ca śeṣāḥ surās te tvāṃ rakṣantu vanavāsinam

"Brahmā, lord of all worlds, and the Sustainer of beings, and the sages, and whatever other gods there are — may they guard you, the forest-dweller."

"समस्त लोकों के प्रभु ब्रह्मा, भूतों के भरण-पोषक (विष्णु), तथा ऋषिगण, और जो शेष देवता हैं — वे वनवासी तुम्हारी रक्षा करें।"

Verse 12

इति माल्यैः सुरगणान् गन्धैश् चापि यशस्विनी । स्तुतिभिश् चानुरूपाभिर् आनर्चायतलोचना ॥

iti mālyaiḥ suragaṇān gandhaiś cāpi yaśasvinī | stutibhiś cānurūpābhir ānarcāyatalocanā

Thus the glorious, long-eyed [lady] honored the hosts of gods with garlands and with fragrances and with fitting hymns of praise:

इस प्रकार विशाल नेत्रों वाली यशस्विनी (कौसल्या) ने मालाओं, गन्धों और उपयुक्त स्तुतियों से देवगणों का अर्चन किया —

Verse 13

यन् मङ्गलं सहस्राक्षे सर्वदेवनमस्कृते । वृत्रनाशे समभवत् तत् ते भवतु मङ्गलम् ॥

yan maṅgalaṃ sahasrākṣe sarvadevanamaskṛte | vṛtranāśe samabhavat tat te bhavatu maṅgalam

"That blessing which came to pass for the thousand-eyed [Indra], saluted by all the gods, at the slaying of Vṛtra — may that blessing be yours."

"समस्त देवताओं से नमस्कृत सहस्राक्ष इन्द्र को वृत्र-वध के समय जो मंगल (सौभाग्य) प्राप्त हुआ, वही मंगल तुम्हें प्राप्त हो।"

Verse 14

यन् मङ्गलं सुपर्णस्य विनताकल्पयत् पुरा । अमृतं प्रार्थयानस्य तत् ते भवतु मङ्गलम् ॥

yan maṅgalaṃ suparṇasya vinatākalpayat purā | amṛtaṃ prārthayānasya tat te bhavatu maṅgalam

"That blessing which Vinatā of old wrought for Suparṇa (Garuḍa) as he sought the ambrosia — may that blessing be yours."

"अमृत की प्रार्थना करने वाले सुपर्ण (गरुड़) के लिए पूर्वकाल में विनता ने जो मंगल किया था, वही मंगल तुम्हें प्राप्त हो।"

Verse 15

ओषधीं चापि सिद्धार्थां विशल्यकरणीं शुभाम् । चकार रक्षां कौसल्या मन्त्रैर् अभिजजाप च ॥

oṣadhīṃ cāpi siddhārthāṃ viśalyakaraṇīṃ śubhām | cakāra rakṣāṃ kausalyā mantrair abhijajāpa ca

And the efficacious, auspicious herb [called] 'the drawer-out of darts' (viśalyakaraṇī) Kausalyā made [into] an amulet, and murmured over [it] with mantras.

कौसल्या ने शुभ सिद्धार्थ (श्वेत सरसों) नामक ओषधि और विशल्यकरणी (शल्य निकालने वाली) शुभ ओषधि से रक्षा-विधान किया और मन्त्रों से उसे अभिमन्त्रित किया।

Verse 16

आनम्य मूर्ध्नि चाघ्राय परिष्वज्य यशस्विनी । अवदत् पुत्र सिद्धार्थो गच्छ राम यथासुखम् ॥

ānamya mūrdhni cāghrāya pariṣvajya yaśasvinī | avadat putra siddhārtho gaccha rāma yathāsukham

Bowing [him] down, and smelling [him] upon the head, and embracing [him], the glorious [lady] said: "Your object accomplished, go, Rāma, in ease."

यशस्विनी (माता) ने उनका मस्तक झुकाकर, सिर सूँघकर और गले लगाकर कहा — "हे पुत्र राम! सिद्ध-प्रयोजन होकर सुखपूर्वक जाओ।"

Verse 17

अरोगं सर्वसिद्धार्थम् अयोध्यां पुनर् आगतम् । पश्यामि त्वां सुखं वत्स सुस्थितं राजवेश्मनि ॥

arogaṃ sarvasiddhārtham ayodhyāṃ punar āgatam | paśyāmi tvāṃ sukhaṃ vatsa susthitaṃ rājaveśmani

"Free of ailment, all your objects fulfilled, come again to Ayodhyā — may I [so] behold you, in ease, my child, well settled in the royal palace."

"हे वत्स! नीरोग, समस्त प्रयोजनों में सफल और अयोध्या लौट आए तुम्हें मैं राजभवन में सुखपूर्वक भली-भाँति स्थित देखूँ।"

Verse 18

मयार्चिता देवगणाः शिवादयो; महर्षयो भूतमहासुरोरगाः । अभिप्रयातस्य वनं चिराय ते; हितानि काङ्क्षन्तु दिशश् च राघव ॥

mayārcitā devagaṇāḥ śivādayo; maharṣayo bhūtamahāsuroragāḥ | abhiprayātasya vanaṃ cirāya te; hitāni kāṅkṣantu diśaś ca rāghava

"The hosts of gods, Śiva and the rest, the great sages, the beings, the great asuras, and the serpents — [all] worshipped by me — may they, and the quarters, long wish your welfare, as you set forth to the forest, O Rāghava."

"हे राघव! मैंने शिव आदि देवगणों, महर्षियों, भूतों, महान असुरों और नागों का अर्चन किया है; चिरकाल के लिए वन को प्रस्थान करते हुए तुम्हारे हित की दिशाएँ भी कामना करें।"

Verse 19

इतीव चाश्रुप्रतिपूर्णलोचना; समाप्य च स्वस्त्ययनं यथाविधि । प्रदक्षिणं चैव चकार राघवं; पुनः पुनश् चापि निपीड्य सस्वजे ॥

itīva cāśrupratipūrṇalocanā; samāpya ca svastyayanaṃ yathāvidhi | pradakṣiṇaṃ caiva cakāra rāghavaṃ; punaḥ punaś cāpi nipīḍya sasvaje

Thus, as it were, [her] eyes brimming with tears, and having completed the rite of blessing in due form, she made a circumambulation of Rāghava, and, again and again pressing [him close], embraced [him].

इस प्रकार आँसुओं से भरे नेत्रों वाली (माता) ने विधिपूर्वक स्वस्त्ययन समाप्त करके राघव की प्रदक्षिणा की, और बार-बार दबाकर (छाती से लगाकर) उन्हें आलिंगन किया।

Verse 20

तथा तु देव्या स कृतप्रदक्षिणो; निपीड्य मातुश् चरणौ पुनः पुनः । जगाम सीतानिलयं महायशाः; स राघवः प्रज्वलितः स्वया श्रिया ॥

tathā tu devyā sa kṛtapradakṣiṇo; nipīḍya mātuś caraṇau punaḥ punaḥ | jagāma sītānilayaṃ mahāyaśāḥ; sa rāghavaḥ prajvalitaḥ svayā śriyā

Thus honored with the circumambulation by the queen, and having pressed his mother's feet again and again, that greatly glorious Rāghava went to Sītā's dwelling, blazing with his own splendor.

इस प्रकार देवी द्वारा प्रदक्षिणा किए जाने पर, माता के चरणों को बार-बार दबाकर (स्पर्श कर), अपनी ही कान्ति से देदीप्यमान वे महायशस्वी राघव सीता के निवास को गए।