Sarga 101

Verse 1

जाबालेस् तु वचः श्रुत्वा रामः सत्यात्मनां वरः । उवाच परया युक्त्या स्वबुद्ध्या चाविपन्नया ॥

jābāles tu vacaḥ śrutvā rāmaḥ satyātmanāṃ varaḥ | uvāca parayā yuktyā svabuddhyā cāvipannayā

But hearing Jābāli's words, Rāma, best of the truthful-souled, replied, with supreme reasoning and with his own unfailing understanding:

किन्तु जाबालि के वचन सुनकर सत्यात्माओं में श्रेष्ठ राम ने परम युक्ति और अपनी अटल बुद्धि से उत्तर दिया —

Verse 2

भवान् मे प्रियकामार्थं वचनं यद् इहोक्तवान् । अकार्यं कार्यसंकाशम् अपथ्यं पथ्यसंमितम् ॥

bhavān me priyakāmārthaṃ vacanaṃ yad ihoktavān | akāryaṃ kāryasaṃkāśam apathyaṃ pathyasaṃmitam

"What you have here spoken, out of wish for my pleasure, is a thing-not-to-be-done wearing the semblance of a thing-to-be-done, unwholesome though it seem wholesome.

"आपने यहाँ मेरे प्रिय की कामना से जो वचन कहा, वह न करने योग्य होते हुए भी करने योग्य-सा, और अहितकर होते हुए भी हितकर-सा प्रतीत होता है।"

Verse 3

निर्मर्यादस् तु पुरुषः पापाचारसमन्वितः । मानं न लभते सत्सु भिन्नचारित्रदर्शनः ॥

nirmaryādas tu puruṣaḥ pāpācārasamanvitaḥ | mānaṃ na labhate satsu bhinnacāritradarśanaḥ

A man without bounds of conduct, given over to sinful ways, seen to be broken in character, wins no honor among the good.

"आचार की मर्यादा से रहित, पापाचार में लिप्त, चरित्रभ्रष्ट दिखने वाला पुरुष सज्जनों में सम्मान नहीं पाता।"

Verse 4

कुलीनम् अकुलीनं वा वीरं पुरुषमानिनम् । चारित्रम् एव व्याख्याति शुचिं वा यदि वाशुचिम् ॥

kulīnam akulīnaṃ vā vīraṃ puruṣamāninam | cāritram eva vyākhyāti śuciṃ vā yadi vāśucim

Whether a man be well-born or base-born, heroic or but self-conceited, pure or impure — his conduct alone proclaims him.

"पुरुष कुलीन हो या अकुलीन, वीर हो या केवल अपने को वीर मानने वाला, पवित्र हो या अपवित्र — उसका चरित्र ही उसका परिचय देता है।"

Verse 5

अनारय्स् त्व् आर्य संकाशः शौचाद् धीनस् तथा शुचिः । लक्षण्यवद् अलक्षण्यो दुःशीलः शीलवान् इव ॥

anārays tv ārya saṃkāśaḥ śaucād dhīnas tathā śuciḥ | lakṣaṇyavad alakṣaṇyo duḥśīlaḥ śīlavān iva

(By your doctrine) the ignoble would pass for the noble, the impure for the pure, the ill-marked for the auspicious, the ill-charactered for the virtuous.

"(आपके मत से तो) अनार्य आर्य-जैसा, अपवित्र पवित्र-जैसा, कुलक्षण सुलक्षण-जैसा, और दुश्चरित्र सच्चरित्र-जैसा (मान लिया जाएगा)।"

Verse 6

अधर्मं धर्मवेषेण यदीमं लोकसंकरम् । अभिपत्स्ये शुभं हित्वा क्रियाविधिविवर्जितम् ॥

adharmaṃ dharmaveṣeṇa yadīmaṃ lokasaṃkaram | abhipatsye śubhaṃ hitvā kriyāvidhivivarjitam

If, forsaking the good, I should embrace this unrighteousness clad in the garb of dharma — this confounder of the world, void of rite and rule —

"यदि मैं शुभ (धर्म) को त्यागकर धर्म के वेष में इस अधर्म को, जो लोक को भ्रष्ट करने वाला और क्रिया-विधि से रहित है, स्वीकार कर लूँ —"

Verse 7

कश् चेतयानः पुरुषः कार्याकार्यविचक्षणः । बहु मंस्यति मां लोके दुर्वृत्तं लोकदूषणम् ॥

kaś cetayānaḥ puruṣaḥ kāryākāryavicakṣaṇaḥ | bahu maṃsyati māṃ loke durvṛttaṃ lokadūṣaṇam

what thinking man, discerning the to-be-done from the not-to-be-done, would esteem me in the world — me of evil conduct, a defiler of the world?

"तो कार्य-अकार्य का विवेक रखने वाला कौन समझदार पुरुष संसार में मुझ दुराचारी, लोक को कलंकित करने वाले का सम्मान करेगा?"

Verse 8

कस्य यास्याम्य् अहं वृत्तं केन वा स्वर्गम् आप्नुयाम् । अनया वर्तमानो ऽहं वृत्त्या हीनप्रतिज्ञया ॥

kasya yāsyāmy ahaṃ vṛttaṃ kena vā svargam āpnuyām | anayā vartamāno 'haṃ vṛttyā hīnapratijñayā

Whose conduct should I then follow, or by what should I win heaven, were I to live by this course, with my pledge debased?

"अपनी प्रतिज्ञा को भ्रष्ट करके इस आचरण से जीवन बिताते हुए मैं किसके आचरण का अनुसरण करूँ, या किससे स्वर्ग प्राप्त करूँ?"

Verse 9

कामवृत्तस् त्व् अयं लोकः कृत्स्नः समुपवर्तते । यद्वृत्ताः सन्ति राजानस् तद्वृत्ताः सन्ति हि प्रजाः ॥

kāmavṛttas tv ayaṃ lokaḥ kṛtsnaḥ samupavartate | yadvṛttāḥ santi rājānas tadvṛttāḥ santi hi prajāḥ

This whole world, moreover, follows after its own desire (by the example set); for as the kings are in conduct, so too are the subjects.

"इसके अतिरिक्त यह समस्त संसार (राजा के उदाहरण से) अपनी ही इच्छा के अनुसार चलने लगता है; क्योंकि जैसे आचरण वाले राजा होते हैं, वैसी ही आचरण वाली प्रजा भी होती है।"

Verse 10

सत्यम् एवानृशंस्यं च राजवृत्तं सनातनम् । तस्मात् सत्यात्मकं राज्यं सत्ये लोकः प्रतिष्ठितः ॥

satyam evānṛśaṃsyaṃ ca rājavṛttaṃ sanātanam | tasmāt satyātmakaṃ rājyaṃ satye lokaḥ pratiṣṭhitaḥ

Truth and non-cruelty — that is the eternal conduct of kings; therefore the kingdom has truth for its soul, and the world is established upon truth.

"सत्य और अनृशंसता (निर्दयता का अभाव) ही राजाओं का सनातन आचरण है; इसीलिए राज्य सत्य को आत्मा मानता है, और लोक सत्य पर प्रतिष्ठित है।"

Verse 11

ऋषयश् चैव देवाश् च सत्यम् एव हि मेनिरे । सत्यवादी हि लोके ऽस्मिन् परमं गच्छति क्षयम् ॥

ṛṣayaś caiva devāś ca satyam eva hi menire | satyavādī hi loke 'smin paramaṃ gacchati kṣayam

The sages and the gods alike have esteemed truth alone; for a truth-speaker in this world attains the supreme imperishable state.

"ऋषियों और देवताओं ने भी सत्य को ही (श्रेष्ठ) माना है; क्योंकि इस लोक में सत्यवादी परम अक्षय पद को प्राप्त होता है।"

Verse 12

उद्विजन्ते यथा सर्पान् नराद् अनृतवादिनः । धर्मः सत्यं परो लोके मूलं स्वर्गस्य चोच्यते ॥

udvijante yathā sarpān narād anṛtavādinaḥ | dharmaḥ satyaṃ paro loke mūlaṃ svargasya cocyate

Men shrink from a liar as from serpents; dharma, that is truth, is supreme in the world, and is called the root of heaven.

"जैसे सर्पों से, वैसे ही मनुष्य असत्यवादी से डरते हैं; सत्यरूपी धर्म लोक में सर्वोपरि है और स्वर्ग का मूल कहा जाता है।"

Verse 13

सत्यम् एवेश्वरो लोके सत्यं पद्मा समाश्रिता । सत्यमूलानि सर्वाणि सत्यान् नास्ति परं पदम् ॥

satyam eveśvaro loke satyaṃ padmā samāśritā | satyamūlāni sarvāṇi satyān nāsti paraṃ padam

Truth is the lord in the world; upon truth does Padmā (Lakṣmī) rest; all things are rooted in truth; there is no state higher than truth.

"लोक में सत्य ही ईश्वर है; सत्य पर ही पद्मा (लक्ष्मी) आश्रित है; सब कुछ सत्यमूलक है; सत्य से बढ़कर कोई पद नहीं।"

Verse 14

दत्तम् इष्टं हुतं चैव तप्तानि च तपांसि च । वेदाः सत्यप्रतिष्ठानास् तस्मात् सत्यपरो भवेत् ॥

dattam iṣṭaṃ hutaṃ caiva taptāni ca tapāṃsi ca | vedāḥ satyapratiṣṭhānās tasmāt satyaparo bhavet

Gift, sacrifice, oblation, the austerities performed, and the Vedas — all are founded upon truth; therefore one should hold truth supreme.

"दान, यज्ञ, हवन, तपाए हुए तप, और वेद — सब सत्य पर प्रतिष्ठित हैं; इसलिए मनुष्य को सत्यपरायण होना चाहिए।"

Verse 15

एकः पालयते लोकम् एकः पालयते कुलम् । मज्जत्य् एको हि निरय एकः स्वर्गे महीयते ॥

ekaḥ pālayate lokam ekaḥ pālayate kulam | majjaty eko hi niraya ekaḥ svarge mahīyate

By truth one upholds the world, by truth one upholds his family; by it a man alone sinks into hell, or alone is exalted in heaven.

The verse turns on truth and its keeping as the single ground of weal and woe.

"सत्य से ही एक मनुष्य लोक का पालन करता है, सत्य से ही कुल का पालन करता है; सत्य से ही एक नरक में डूबता है और एक स्वर्ग में महिमा पाता है।"

Verse 16

सो ऽहं पितुर् निदेशं तु किमर्थं नानुपालये । सत्यप्रतिश्रवः सत्यं सत्येन समयीकृतः ॥

so 'haṃ pitur nideśaṃ tu kimarthaṃ nānupālaye | satyapratiśravaḥ satyaṃ satyena samayīkṛtaḥ

How then should I not keep my father's command — I who have pledged truth, bound in truth by truth to the truth?

"फिर मैं पिता के आदेश का किसलिए पालन न करूँ — मैं, जिसने सत्य की प्रतिज्ञा की है, जो सत्य द्वारा सत्य से सत्य में बँधा हुआ हूँ?"

Verse 17

नैव लोभान् न मोहाद् वा न चाज्ञानात् तमोऽन्वितः । सेतुं सत्यस्य भेत्स्यामि गुरोः सत्यप्रतिश्रवः ॥

naiva lobhān na mohād vā na cājñānāt tamo'nvitaḥ | setuṃ satyasya bhetsyāmi guroḥ satyapratiśravaḥ

Neither from greed, nor delusion, nor ignorance clouded by darkness, shall I break the dike of truth; I stand pledged in truth to my elder.

"न लोभ से, न मोह से, और न अन्धकार से ग्रस्त अज्ञान से — मैं सत्य के इस सेतु को नहीं तोड़ूँगा; मैं अपने गुरुजन (पिता) के प्रति सत्य से प्रतिज्ञाबद्ध हूँ।"

Verse 18

असत्यसंधस्य सतश् चलस्यास्थिरचेतसः । नैव देवा न पितरः प्रतीच्छन्तीति नः श्रुतम् ॥

asatyasaṃdhasya sataś calasyāsthiracetasaḥ | naiva devā na pitaraḥ pratīcchantīti naḥ śrutam

Of a man false to his pledge, fickle and unsteady of mind, neither the gods nor the ancestors accept the offerings — so have we heard.

"असत्य-प्रतिज्ञ, चंचल और अस्थिरचित्त पुरुष की (भेंट) न तो देवता और न पितर स्वीकार करते हैं — ऐसा हमने सुना है।"

Verse 19

प्रत्यगात्मम् इमं धर्मं सत्यं पश्याम्य् अहं स्वयम् । भारः सत्पुरुषाचीर्णस् तद् अर्थम् अभिनन्द्यते ॥

pratyagātmam imaṃ dharmaṃ satyaṃ paśyāmy ahaṃ svayam | bhāraḥ satpuruṣācīrṇas tad artham abhinandyate

This dharma — truth — I myself behold as the inmost self; the burden borne by good men is for that reason gladly welcomed.

"इस सत्यरूपी धर्म को मैं स्वयं अपने अन्तरात्मा के रूप में देखता हूँ; सत्पुरुषों द्वारा उठाया गया यह भार इसीलिए सहर्ष स्वीकार किया जाता है।"

Verse 20

क्षात्रं धर्मम् अहं त्यक्ष्ये ह्य् अधर्मं धर्मसंहितम् । क्षुद्रौर् नृशंसैर् लुब्धैश् च सेवितं पापकर्मभिः ॥

kṣātraṃ dharmam ahaṃ tyakṣye hy adharmaṃ dharmasaṃhitam | kṣudraur nṛśaṃsair lubdhaiś ca sevitaṃ pāpakarmabhiḥ

I would forsake even the kṣatriya's dharma, were it an unrighteousness clad as dharma, such as the base, the cruel, and the greedy, doers of sinful deeds, pursue.

"मैं क्षत्रिय-धर्म को भी त्याग दूँ, यदि वह धर्म के वेष में अधर्म हो — जैसा क्षुद्र, क्रूर, लोभी और पापकर्मी लोग सेवन करते हैं।"

Verse 21

कायेन कुरुते पापं मनसा संप्रधार्य च । अनृतं जिह्वया चाह त्रिविधं कर्म पातकम् ॥

kāyena kurute pāpaṃ manasā saṃpradhārya ca | anṛtaṃ jihvayā cāha trividhaṃ karma pātakam

By the body one does sin, having resolved it in the mind, and with the tongue one speaks untruth — threefold is the sinful deed.

"मनुष्य मन से निश्चय करके शरीर से पाप करता है, और जिह्वा से असत्य बोलता है — यह तीन प्रकार का पापकर्म है।"

Verse 22

भूमिः कीर्तिर् यशो लक्ष्मीः पुरुषं प्रार्थयन्ति हि । स्वर्गस्थं चानुबध्नन्ति सत्यम् एव भजेत तत् ॥

bhūmiḥ kīrtir yaśo lakṣmīḥ puruṣaṃ prārthayanti hi | svargasthaṃ cānubadhnanti satyam eva bhajeta tat

Land, renown, fame, and fortune do indeed seek out the man of truth, and attend him even in heaven; one should hold therefore to truth alone.

"भूमि, कीर्ति, यश और लक्ष्मी तो सत्यवादी पुरुष को ही खोजती हैं, और स्वर्ग में भी उसका अनुगमन करती हैं; इसलिए मनुष्य को सत्य का ही आश्रय लेना चाहिए।"

Verse 23

श्रेष्ठं ह्य् अनार्यम् एव स्याद् यद् भवान् अवधार्य माम् । आह युक्तिकरैर् वाक्यैर् इदं भद्रं कुरुष्व ह ॥

śreṣṭhaṃ hy anāryam eva syād yad bhavān avadhārya mām | āha yuktikarair vākyair idaṃ bhadraṃ kuruṣva ha

What you, after weighing me, have told me in reasoning words — 'do this, it is good' — would be most ignoble indeed (were I to follow it).

"आपने मुझे भली-भाँति विचारकर जो युक्तियुक्त वचनों में कहा — 'यह करो, यह कल्याणकारी है' — वह (मानना) तो अत्यन्त अनार्यता ही होगी।"

Verse 24

कथं ह्य् अहं प्रतिज्ञाय वनवासम् इमं गुरोः । भरतस्य करिष्यामि वचो हित्वा गुरोर् वचः ॥

kathaṃ hy ahaṃ pratijñāya vanavāsam imaṃ guroḥ | bharatasya kariṣyāmi vaco hitvā guror vacaḥ

For how, having promised this forest-dwelling to my elder, shall I do Bharata's word, casting aside my elder's word?

"क्योंकि गुरुजन (पिता) के समक्ष इस वनवास की प्रतिज्ञा करके मैं गुरुजन के वचन को त्यागकर भरत का वचन भला कैसे करूँ?"

Verse 25

स्थिरा मया प्रतिज्ञाता प्रतिज्ञा गुरुसंनिधौ । प्रहृष्टमानसा देवी कैकेयी चाभवत् तदा ॥

sthirā mayā pratijñātā pratijñā gurusaṃnidhau | prahṛṣṭamānasā devī kaikeyī cābhavat tadā

A firm pledge was pledged by me in my elder's presence; and Queen Kaikeyī then became glad of heart.

"गुरुजन के समक्ष मैंने जो दृढ़ प्रतिज्ञा की थी, उससे तब देवी कैकेयी भी प्रसन्नचित्त हो गई थीं।"

Verse 26

वनवासं वसन्न् एवं शुचिर् नियतभोजनः । मूलैः पुष्पैः फलैः पुण्यैः पितॄन् देवांश् च तर्पयन् ॥

vanavāsaṃ vasann evaṃ śucir niyatabhojanaḥ | mūlaiḥ puṣpaiḥ phalaiḥ puṇyaiḥ pitṝn devāṃś ca tarpayan

Dwelling thus in the forest, pure, of regulated fare, gratifying the ancestors and the gods with roots, flowers, and holy fruits,

"इस प्रकार वनवास में निवास करते हुए, पवित्र रहकर, नियमित भोजन करते हुए, मूल, फूल और पवित्र फलों से पितरों और देवताओं को तृप्त करते हुए,"

Verse 27

संतुष्टपञ्चवर्गो ऽहं लोकयात्रां प्रवर्तये । अकुहः श्रद्दधानः सन् कार्याकार्यविचक्षणः ॥

saṃtuṣṭapañcavargo 'haṃ lokayātrāṃ pravartaye | akuhaḥ śraddadhānaḥ san kāryākāryavicakṣaṇaḥ

content in the five senses, I shall carry on my course of life in the world — guileless, full of faith, discerning the to-be-done from the not-to-be-done.

"पाँचों इन्द्रियों (के विषयों) में सन्तुष्ट रहकर, निष्कपट, श्रद्धावान और कार्य-अकार्य का विवेक रखने वाला मैं अपनी लोकयात्रा चलाऊँगा।"

Verse 28

कर्मभूमिम् इमां प्राप्य कर्तव्यं कर्म यच् छुभम् । अग्निर् वायुश् च सोमश् च कर्मणां फलभागिनः ॥

karmabhūmim imāṃ prāpya kartavyaṃ karma yac chubham | agnir vāyuś ca somaś ca karmaṇāṃ phalabhāginaḥ

Having reached this field of action, one must do the deed that is auspicious; Agni, Vāyu, and Soma are sharers in the fruits of such deeds.

"इस कर्मभूमि को पाकर जो शुभ कर्म है वही करना चाहिए; अग्नि, वायु और सोम उन कर्मों के फल के भागी होते हैं।"

Verse 29

शतं क्रतूनाम् आहृत्य देवराट् त्रिदिवं गतः । तपांस्य् उग्राणि चास्थाय दिवं याता महर्षयः ॥

śataṃ kratūnām āhṛtya devarāṭ tridivaṃ gataḥ | tapāṃsy ugrāṇi cāsthāya divaṃ yātā maharṣayaḥ

Having performed a hundred sacrifices, the king of the gods went to the third heaven; and having undertaken fierce austerities, the great sages went to heaven.

"सौ यज्ञ करके देवराज इन्द्र स्वर्ग को गए; और उग्र तप करके महर्षि स्वर्ग को गए।"

Verse 30

सत्यं च धर्मं च पराक्रमं च; भूतानुकम्पां प्रियवादितां च । द्विजातिदेवातिथिपूजनं च; पन्थानम् आहुस् त्रिदिवस्य सन्तः ॥

satyaṃ ca dharmaṃ ca parākramaṃ ca; bhūtānukampāṃ priyavāditāṃ ca | dvijātidevātithipūjanaṃ ca; panthānam āhus tridivasya santaḥ

Truth, and dharma, and valor, and compassion for beings, and kindly speech, and the honoring of Brahmins, gods, and guests — this the good declare to be the path of heaven.

"सत्य, धर्म, पराक्रम, प्राणियों पर दया, मधुर वचन, तथा ब्राह्मणों, देवताओं और अतिथियों का पूजन — इसी को सज्जन स्वर्ग का मार्ग कहते हैं।"

Verse 31

धर्मे रताः सत्पुरुषैः समेतास्; तेजस्विनो दानगुणप्रधानाः । अहिंसका वीतमलाश् च लोके; भवन्ति पूज्या मुनयः प्रधानाः ॥

dharme ratāḥ satpuruṣaiḥ sametās; tejasvino dānaguṇapradhānāḥ | ahiṃsakā vītamalāś ca loke; bhavanti pūjyā munayaḥ pradhānāḥ

Devoted to dharma, in the fellowship of the good, splendid, pre-eminent in the virtue of giving, harmless and free of stain — such are the foremost sages, worthy of worship in the world."

"धर्म में रत, सत्पुरुषों की संगति में रहने वाले, तेजस्वी, दान के गुण में प्रधान, अहिंसक और निर्मल — ऐसे प्रधान मुनि लोक में पूज्य होते हैं।"