Adhyaya 151

Verse 1

संजय उवाच तस्मिंस् तथा वर्तमाने कर्णराक्षसयोर् मृधे अलायुधो राक्षसेन्द्रो वीर्यवान् अभ्यवर्तत

saṃjaya uvāca tasmiṃs tathā vartamāne karṇarākṣasayor mṛdhe alāyudho rākṣasendro vīryavān abhyavartata

Sanjaya said: While that battle of Karṇa and the Rākṣasa (Ghaṭotkaca) was thus proceeding in the fray, the valorous lord of the Rākṣasas, Alāyudha, advanced.

संजय बोले — कर्ण और राक्षस (घटोत्कच) का वह युद्ध रणभूमि में इस प्रकार चल रहा था, तभी पराक्रमी राक्षसेन्द्र अलायुध आ पहुँचा।

Verse 2

महत्या सेनया युक्तः सुयोधनम् उपागमत् राक्षसानां विरूपाणां सहस्रैः परिवारितः नानारूपधरैर् वीरैः पूर्ववैरम् अनुस्मरन्

mahatyā senayā yuktaḥ suyodhanam upāgamat rākṣasānāṃ virūpāṇāṃ sahasraiḥ parivāritaḥ nānārūpadharair vīraiḥ pūrvavairam anusmaran

Joined with a great host, he approached Suyodhana (Duryodhana), surrounded by thousands of hideous Rākṣasas, heroes bearing various forms, remembering the old enmity.

एक विशाल सेना से युक्त, कुरूप राक्षसों के सहस्रों से घिरा हुआ, नाना रूप धारण किए वीरों से घिरा हुआ, पुराने वैर का स्मरण करते हुए वह सुयोधन (दुर्योधन) के पास आया।

Verse 3

तस्य ज्ञातिर् हि विक्रान्तो ब्राह्मणादो बको हतः किर्मीरश् च महातेजा हिडिम्बश् च सखा तथा

tasya jñātir hi vikrānto brāhmaṇādo bako hataḥ kirmīraś ca mahātejā hiḍimbaś ca sakhā tathā

For his kinsman, the valorous, brahmin-devouring Baka, had been slain, and the greatly energetic Kirmīra, and Hiḍimba his friend likewise.

क्योंकि उसका पराक्रमी ज्ञाति-बन्धु ब्राह्मणभक्षी बक मारा गया था, और महातेजस्वी किर्मीर, तथा उसका मित्र हिडिम्ब भी।

Verse 4

स दीर्घकालाध्युषितं पूर्ववैरम् अनुस्मरन् विज्ञायैतन् निशायुद्धं जिघांसुर् भीमम् आहवे

sa dīrghakālādhyuṣitaṃ pūrvavairam anusmaran vijñāyaitan niśāyuddhaṃ jighāṃsur bhīmam āhave

Remembering the enmity harboured for a long time, and learning of this night-battle, he wished to slay Bhīma in the fight.

दीर्घकाल से रखे पुराने वैर का स्मरण करते हुए, इस रात्रियुद्ध को जानकर, वह युद्ध में भीम को मारना चाहता था।

Verse 5

स मत्त इव मातङ्गः संक्रुद्ध इव चोरगः दुर्योधनम् इदं वाक्यम् अब्रवीद् युद्धलालसः

sa matta iva mātaṅgaḥ saṃkruddha iva coragaḥ duryodhanam idaṃ vākyam abravīd yuddhalālasaḥ

He, like a rutting elephant, like an enraged serpent, spoke these words to Duryodhana, eager for battle:

मतवाले हाथी के समान और क्रुद्ध सर्प के समान वह युद्ध का अभिलाषी दुर्योधन से यह वचन बोला:

Verse 6

विदितं ते महाराज यथा भीमेन राक्षसाः हिडिम्बबककिर्मीरा निहता मम बान्धवाः

viditaṃ te mahārāja yathā bhīmena rākṣasāḥ hiḍimbabakakirmīrā nihatā mama bāndhavāḥ

'It is known to thee, O great king, how by Bhīma my Rākṣasa kinsmen, Hiḍimba, Baka and Kirmīra, were slain.'

हे महाराज! आपको ज्ञात है कि किस प्रकार भीम द्वारा मेरे बन्धु राक्षस हिडिम्ब, बक और किर्मीर मारे गए।

Verse 7

परामर्शश् च कन्याया हिडिम्बायाः कृतः पुरा किम् अन्यद् राक्षसान् अन्यान् अस्मांश् च परिभूय ह

parāmarśaś ca kanyāyā hiḍimbāyāḥ kṛtaḥ purā kim anyad rākṣasān anyān asmāṃś ca paribhūya ha

'And the outrage upon the maiden Hiḍimbā was committed of old — what more (need be said), having despised the other Rākṣasas and us as well?'

और पूर्वकाल में हिडिम्बा कन्या का अपमान किया गया — और क्या (कहूँ), जब कि उसने अन्य राक्षसों और हमें भी तिरस्कृत किया?

Verse 8

तम् अहं सगणं राजन् सवाजिरथकुञ्जरम् हैडिम्बं च सहामात्यं हन्तुम् अभ्यागतः स्वयम्

tam ahaṃ sagaṇaṃ rājan savājirathakuñjaram haiḍimbaṃ ca sahāmātyaṃ hantum abhyāgataḥ svayam

'I have come, O king, myself to slay him with his troops, with his horses, chariots and elephants, and the son of Hiḍimbā (Ghaṭotkaca) with his counsellors.'

हे राजन्! मैं स्वयं उसे उसके गण, घोड़ों, रथों और हाथियों सहित, तथा हिडिम्बापुत्र (घटोत्कच) को उसके मन्त्रियों सहित मारने आया हूँ।

Verse 9

अद्य कुन्तीसुतान् सर्वान् वासुदेवपुरोगमान् हत्वा संभक्षयिष्यामि सर्वैर् अनुचरैः सह निवारय बलं सर्वं वयं योत्स्याम पाण्डवान्

adya kuntīsutān sarvān vāsudevapurogamān hatvā saṃbhakṣayiṣyāmi sarvair anucaraiḥ saha nivāraya balaṃ sarvaṃ vayaṃ yotsyāma pāṇḍavān

'This day, having slain all the sons of Kuntī, with Vāsudeva at their head, I shall devour them with all my followers; hold back the whole host; we shall fight the Pāṇḍavas.'

आज मैं वासुदेव को आगे रखनेवाले समस्त कुन्तीपुत्रों को मारकर, अपने समस्त अनुचरों सहित खा जाऊँगा; समस्त सेना को रोक लीजिए, हम पाण्डवों से युद्ध करेंगे।

Verse 10

तस्य तद् वचनं श्रुत्वा हृष्टो दुर्योधनस् तदा प्रतिपूज्याब्रवीद् वाक्यं भ्रातृभिः परिवारितः

tasya tad vacanaṃ śrutvā hṛṣṭo duryodhanas tadā pratipūjyābravīd vākyaṃ bhrātṛbhiḥ parivāritaḥ

Hearing that word of his, Duryodhana then, delighted, honouring him, spoke these words, surrounded by his brothers:

उसका वह वचन सुनकर तब दुर्योधन ने हर्षित होकर, उसका सत्कार करके, अपने भाइयों से घिरे हुए यह वचन कहा:

Verse 11

त्वां पुरस्कृत्य सगणं वयं योत्स्यामहे परान् न हि वैरान्तमनसः स्थास्यन्ति मम सैनिकाः

tvāṃ puraskṛtya sagaṇaṃ vayaṃ yotsyāmahe parān na hi vairāntamanasaḥ sthāsyanti mama sainikāḥ

'Placing thee with thy troops in the van, we shall fight the foes; for my soldiers, their minds set on the end of the enmity, will (now) stand firm.'

तुम्हें अपने गण सहित आगे रखकर हम शत्रुओं से युद्ध करेंगे; क्योंकि वैर के अन्त पर मन लगाए मेरे सैनिक अब डटे रहेंगे।

Verse 12

एवम् अस्त्व् इति राजानम् उक्त्वा राक्षसपुंगवः अभ्ययात् त्वरितो भीमं सहितः पुरुषाशनैः

evam astv iti rājānam uktvā rākṣasapuṃgavaḥ abhyayāt tvarito bhīmaṃ sahitaḥ puruṣāśanaiḥ

Saying 'So be it' to the king, that bull among Rākṣasas swiftly advanced against Bhīma, together with the man-eaters.

'ऐसा ही हो' कहकर राजा से (कहकर) वह राक्षसश्रेष्ठ, नरभक्षियों के साथ, शीघ्रता से भीम की ओर बढ़ा।

Verse 13

दीप्यमानेन वपुषा रथेनादित्यवर्चसा तादृशेनैव राजेन्द्र यादृशेन घटोत्कचः

dīpyamānena vapuṣā rathenādityavarcasā tādṛśenaiva rājendra yādṛśena ghaṭotkacaḥ

With a blazing body and a chariot of the splendour of the sun, O king of kings, of such a kind as was Ghaṭotkaca's,

हे राजेन्द्र! देदीप्यमान शरीर और सूर्य की कान्तिवाले रथ से — वैसे ही जैसा घटोत्कच का था —

Verse 14

तस्याप्य् अतुलनिर्घोषो बहुतोरणचित्रितः ऋक्षचर्मावनद्धाङ्गो नल्वमात्रो महारथः

tasyāpy atulanirghoṣo bahutoraṇacitritaḥ ṛkṣacarmāvanaddhāṅgo nalvamātro mahārathaḥ

his (chariot) too of matchless roar, variegated with many arches, its body covered with bear-skin, of the measure of a nalva, a great chariot;

उसका भी (रथ) अतुल घोषवाला, बहुत से तोरणों से चित्रित, भालू के चर्म से ढँके शरीरवाला, नल्व-प्रमाण एक महान रथ था;

Verse 15

तस्यापि तुरगाः शीघ्रा हस्तिकायाः खरस्वनाः शतं युक्ता महाकाया मांसशोणितभोजनाः

tasyāpi turagāḥ śīghrā hastikāyāḥ kharasvanāḥ śataṃ yuktā mahākāyā māṃsaśoṇitabhojanāḥ

his steeds too were swift, elephant-bodied, ass-voiced, a hundred yoked, huge-bodied, feeding on flesh and blood;

उसके भी घोड़े तीव्र, हाथी के समान शरीरवाले, गधे के समान स्वरवाले, सौ की संख्या में जुते हुए, विशालकाय, माँस और रक्त का भोजन करनेवाले थे;

Verse 16

तस्यापि रथनिर्घोषो महामेघरवोपमः तस्यापि सुमहच् चापं दृढज्यं बलवत्तरम्

tasyāpi rathanirghoṣo mahāmegharavopamaḥ tasyāpi sumahac cāpaṃ dṛḍhajyaṃ balavattaram

the rattle of his chariot too was like the roar of a great cloud; his bow too was very great, firm-stringed, most mighty;

उसके रथ का घोष भी महान मेघ की गर्जना के समान था; उसका भी अत्यन्त विशाल, दृढ़ प्रत्यञ्चावाला, अत्यन्त बलवान धनुष था;

Verse 17

तस्याप्य् अक्षसमा बाणा रुक्मपुङ्खाः शिलाशिताः सो ऽपि वीरो महाबाहुर् यथैव स घटोत्कचः

tasyāpy akṣasamā bāṇā rukmapuṅkhāḥ śilāśitāḥ so 'pi vīro mahābāhur yathaiva sa ghaṭotkacaḥ

his arrows too were as large as axles, gold-nocked, stone-whetted; and he too was a hero, mighty-armed, even as that Ghaṭotkaca.

उसके भी बाण धुरी के बराबर, सोने के पंखवाले, पत्थर पर तेज किए हुए थे; और वह भी वीर, महाबाहु, ठीक उसी घटोत्कच के समान था।

Verse 18

तस्यापि गोमायुबडाभिगुप्तो; बभूव केतुर् ज्वलनार्कतुल्यः स चापि रूपेण घटोत्कचस्य; श्रीमत्तमो व्याकुलदीपितास्यः

tasyāpi gomāyubaḍābhigupto; babhūva ketur jvalanārkatulyaḥ sa cāpi rūpeṇa ghaṭotkacasya; śrīmattamo vyākuladīpitāsyaḥ

His banner too, guarded by (devices of) jackals and cranes, blazed like fire or the sun; and he too, in form, was most resplendent, like Ghaṭotkaca, with an agitated, blazing face,

उसकी भी ध्वजा गीदड़ों और बगुलों (के चिह्नों) से रक्षित, अग्नि या सूर्य के समान जलती हुई थी; और वह भी रूप में घटोत्कच के समान अत्यन्त श्रीमान, व्याकुल और जलते मुखवाला था।

Verse 19

दीप्ताङ्गदो दीप्तकिरीटमाली; बद्धस्रगुष्णीषनिबद्धखड्गः गदी भुशुण्डी मुसली हली च; शरासनी वारणतुल्यवर्ष्मा

dīptāṅgado dīptakirīṭamālī; baddhasraguṣṇīṣanibaddhakhaḍgaḥ gadī bhuśuṇḍī musalī halī ca; śarāsanī vāraṇatulyavarṣmā

with blazing armlets, garlanded with a blazing crown, bound with garlands and a turban, with sword fastened, bearing mace, bhuśuṇḍi, club and plough, and bow, of stature like an elephant —

जलते बाजूबन्दोंवाला, जलते किरीट की माला पहने, मालाओं और उष्णीष से बँधा, कमर में खड्ग बाँधे, गदा, भुशुण्डी, मूसल और हल तथा धनुष धारण किए, हाथी के समान डीलवाला —

Verse 20

रथेन तेनानलवर्चसा च; विद्रावयन् पाण्डववाहिनीं ताम् रराज संख्ये परिवर्तमानो; विद्युन्माली मेघ इवान्तरिक्षे

rathena tenānalavarcasā ca; vidrāvayan pāṇḍavavāhinīṃ tām rarāja saṃkhye parivartamāno; vidyunmālī megha ivāntarikṣe

with that chariot of the splendour of fire, putting to flight that host of the Pāṇḍavas, he shone in the battle, wheeling about, like a lightning-garlanded cloud in the sky.

अग्नि की कान्तिवाले उस रथ से पाण्डवों की उस सेना को भगाते हुए वह समर में इधर-उधर घूमता हुआ आकाश में बिजली की मालावाले मेघ के समान शोभा पा रहा था।

Verse 21

ते चापि सर्वे प्रवरा नरेन्द्रा; महाबला वर्मिणश् चर्मिणश् च हर्षान्विता युयुधुस् तत्र राजन्; समन्ततः पाण्डवयोधवीराः

te cāpi sarve pravarā narendrā; mahābalā varmiṇaś carmiṇaś ca harṣānvitā yuyudhus tatra rājan; samantataḥ pāṇḍavayodhavīrāḥ

And all those foremost lords of men (of the Pāṇḍava side), mighty, mailed and shield-bearing, filled with joy, fought there, O king, on every side — the heroic warriors of the Pāṇḍavas.

हे राजन्! और वे समस्त श्रेष्ठ नरेन्द्र, महाबली, कवचधारी और ढालधारी, हर्ष से युक्त होकर वहाँ चारों ओर युद्ध करने लगे — वे पाण्डवों के वीर योद्धा।