Adhyaya 80

Verse 1

सहदेवेन श्रीकृष्णंप्रति कुरूणां शमाभिसन्धावपि युद्धपक्षस्यैव स्थापनकथनम् ।। 1 ।। सात्यकिना सहदेवपक्षानुमोदने योधानां सर्षात्सिंहनादः ।। 2 ।। सहदेव उवाच। यदेतत्कथितं राज्ञा धर्म एष सनातनः। यथा च युद्धमेव स्यात्तथा कार्यमरिन्दम ।।

sahadevena śrīkṛṣṇaṃprati kurūṇāṃ śamābhisandhāvapi yuddhapakṣasyaiva sthāpanakathanam || 1 || sātyakinā sahadevapakṣānumodane yodhānāṃ sarṣātsiṃhanādaḥ || 2 || sahadeva uvāca| yadetatkathitaṃ rājñā dharma eṣa sanātanaḥ| yathā ca yuddhameva syāttathā kāryamarindama ||

Verse 2

यदि प्रसममिच्छेयुः कुरवः पाण्डवैः सह। तथापि युद्धं दाशार्ह योजयेथाः सहैव तैः ।।

yadi prasamamiccheyuḥ kuravaḥ pāṇḍavaiḥ saha| tathāpi yuddhaṃ dāśārha yojayethāḥ sahaiva taiḥ ||

Verse 3

कथं नु दृष्ट्वा पाञ्चालीं तथा कृष्ण सभागताम्। अवधेन प्रशाम्येत मम मन्युः सुयोधने ।।

kathaṃ nu dṛṣṭvā pāñcālīṃ tathā kṛṣṇa sabhāgatām| avadhena praśāmyeta mama manyuḥ suyodhane ||

Verse 4

यदि भीमार्जुनौ कृष्ण धर्मराजश्च धार्मिकः । धर्ममुत्सृज्य तेनाहं योद्धुमिच्छामि संयुगे ।। ।। इति श्रीमन्महाभारते उद्योगपर्वणि भगवद्यानपर्वणि अशीतितमोऽध्यायः ।।

yadi bhīmārjunau kṛṣṇa dharmarājaśca dhārmikaḥ | dharmamutsṛjya tenāhaṃ yoddhumicchāmi saṃyuge || || iti śrīmanmahābhārate udyogaparvaṇi bhagavadyānaparvaṇi aśītitamo'dhyāyaḥ ||

Verse 5

ब्रूहि मद्वचनं कृष्ण सुयोधनमपण्डितम्। कृच्छ्रे वने वा वस्तव्यं पुरे वा नागसाह्वये ।।

brūhi madvacanaṃ kṛṣṇa suyodhanamapaṇḍitam| kṛcchre vane vā vastavyaṃ pure vā nāgasāhvaye ||

Verse 6

सात्यकिरुवाच। सत्यमाह महाबाहो सहदेवो महामतिः। दुर्योधनवधे शान्तिस्तस्य कोपस्य मे भवेत् ।।

sātyakiruvāca| satyamāha mahābāho sahadevo mahāmatiḥ| duryodhanavadhe śāntistasya kopasya me bhavet ||

Verse 7

न जानासि यथा दृष्ट्वा चीराजिनधरान्वने। तवापि मन्युरुद्धूतो दुःखितान्प्रेक्ष्य पाण्डवान् ।।

na jānāsi yathā dṛṣṭvā cīrājinadharānvane| tavāpi manyuruddhūto duḥkhitānprekṣya pāṇḍavān ||

Verse 8

तस्मान्माद्रीसुतः शूरो यदाह रणकर्कशः। वचनं सर्वयोधानां तन्मतं पुरुषोत्तम ।।

tasmānmādrīsutaḥ śūro yadāha raṇakarkaśaḥ| vacanaṃ sarvayodhānāṃ tanmataṃ puruṣottama ||

Verse 9

वैशंपायन उवाच। एवं वदि वाक्यं तु युयुधाने महामतौ। सुभीमः सिंहनादोऽभूद्योधानां तत्र सर्वशः ।।

vaiśaṃpāyana uvāca| evaṃ vadi vākyaṃ tu yuyudhāne mahāmatau| subhīmaḥ siṃhanādo'bhūdyodhānāṃ tatra sarvaśaḥ ||

Verse 10

सर्वे हि सर्वशो वीरास्तद्वचः प्रत्यपूजयन्। साधुसाध्विति शैनेयं हर्षयन्तो युयुत्सवः ।।

sarve hi sarvaśo vīrāstadvacaḥ pratyapūjayan| sādhusādhviti śaineyaṃ harṣayanto yuyutsavaḥ ||