Adhyaya 235

Verse 1

द्रौपद्या सत्यभामांप्रति पतिवशीकरणोपायोपदेशव्याजेन पतिव्रताधर्मकथनम् ।। 1 ।। द्रौपद्युवाच। इमं तु ते मार्गमपेतदोषं वक्ष्यामि चित्तग्रहणाय भर्तुः। अस्मिन्यथावत्सखि वर्तमाना भर्तारमाच्छेत्स्यसि कामिनीभ्यः ।। ।। इति श्रीमनमहाभारते अरण्यपर्वणि द्रौपदीसत्यभामासंवादपर्वणि पञ्चत्रिंशततमोऽध्यायः ।। 235 ।।

draupadyā satyabhāmāṃprati pativaśīkaraṇopāyopadeśavyājena pativratādharmakathanam || 1 || draupadyuvāca| imaṃ tu te mārgamapetadoṣaṃ vakṣyāmi cittagrahaṇāya bhartuḥ| asminyathāvatsakhi vartamānā bhartāramācchetsyasi kāminībhyaḥ || || iti śrīmanamahābhārate araṇyaparvaṇi draupadīsatyabhāmāsaṃvādaparvaṇi pañcatriṃśatatamo'dhyāyaḥ || 235 ||

Verse 2

नैतादृशं दैवतमस्ति किंचि- त्सर्वेषुलोकेषु सदेवकेषु। यथा पतिस्तस्य तु सर्वकामा लभ्याः प्रसादे कुपितश् हन्यात् ।।

naitādṛśaṃ daivatamasti kiṃci- tsarveṣulokeṣu sadevakeṣu| yathā patistasya tu sarvakāmā labhyāḥ prasāde kupitaś hanyāt ||

Verse 3

तस्मादपत्यं विविधाश् भोगाः शय्यासनान्यद्भुतदर्शनानि। वस्त्राणि माल्यानि तथैव गन्धाः स्वर्गश्चलोको विपुला च कीर्तिः ।।

tasmādapatyaṃ vividhāś bhogāḥ śayyāsanānyadbhutadarśanāni| vastrāṇi mālyāni tathaiva gandhāḥ svargaścaloko vipulā ca kīrtiḥ ||

Verse 4

सुखं सुखनेह न जातु लभ्यं दुःखेन साध्वी लभते सुखानि। सा कृष्णमाराधय सौहृदेन प्रेम्णा च नित्यं प्रतिकर्मणा च ।। आच्छेत्स्यसि बलाद्धरिष्यसि। कामिनीभ्यः सपत्नीभ्यः। भर्तारमाकर्षसीति थ. पाठः ।।

sukhaṃ sukhaneha na jātu labhyaṃ duḥkhena sādhvī labhate sukhāni| sā kṛṣṇamārādhaya sauhṛdena premṇā ca nityaṃ pratikarmaṇā ca || ācchetsyasi balāddhariṣyasi| kāminībhyaḥ sapatnībhyaḥ| bhartāramākarṣasīti tha. pāṭhaḥ ||

Verse 5

स्नानासनैश्चारुभिरग्रमाल्यै- र्दाक्षिण्ययोगैर्विविधैश्च गन्धैः। अस्याः प्रियोस्मीति यथा विदित्वा त्वामेव संश्लिष्यति सर्वभावैः ।। प्रतिकर्मणा कायक्लेशेन ।।

snānāsanaiścārubhiragramālyai- rdākṣiṇyayogairvividhaiśca gandhaiḥ| asyāḥ priyosmīti yathā viditvā tvāmeva saṃśliṣyati sarvabhāvaiḥ || pratikarmaṇā kāyakleśena ||

Verse 6

श्रुत्वा स्वरं द्वारगतस् भर्तुः प्रत्युत्थिता तिष्ठ गृहस्य मध्ये। दृष्ट्वा प्रविष्टं त्वरिताऽसनेन पाद्येन चैनं प्रतिपूजयस्व ।।

śrutvā svaraṃ dvāragatas bhartuḥ pratyutthitā tiṣṭha gṛhasya madhye| dṛṣṭvā praviṣṭaṃ tvaritā'sanena pādyena cainaṃ pratipūjayasva ||

Verse 7

संप्रेषितायामथ चैव दास्या- मुत्थाय सर्वं स्वयमेव कार्यम्। जानातु कृष्णस्तव भावमेतं सर्वात्मना मां भजतीति सत्ये ।।

saṃpreṣitāyāmatha caiva dāsyā- mutthāya sarvaṃ svayameva kāryam| jānātu kṛṣṇastava bhāvametaṃ sarvātmanā māṃ bhajatīti satye ||

Verse 8

त्वत्संनिधौ यत्कथयेत्पतिस्ते यद्यप्यगुह्यं परिरक्षितव्यम्। काचित्सपत्नी तव वासुदेवं प्रत्यादिशेत्तेन भवेद्विरागः ।। संश्लिष्यति तद्विधत्स्वेति झ. पाठः ।।

tvatsaṃnidhau yatkathayetpatiste yadyapyaguhyaṃ parirakṣitavyam| kācitsapatnī tava vāsudevaṃ pratyādiśettena bhavedvirāgaḥ || saṃśliṣyati tadvidhatsveti jha. pāṭhaḥ ||

Verse 9

प्रियांश्च रम्यांश्च हितांश् भर्तु- स्तान्भोजयेथा रविविधैरुपायैः। द्वेष्यैरुपेक्ष्यैरहितैश् तस्य भिद्स्वनित्यं कुहकोद्धतैश्च ।।

priyāṃśca ramyāṃśca hitāṃś bhartu- stānbhojayethā ravividhairupāyaiḥ| dveṣyairupekṣyairahitaiś tasya bhidsvanityaṃ kuhakoddhataiśca ||

Verse 10

मदं प्रमादं पुरुषेषु हित्वा संयच्छ मानं प्रतिगृह् वाचम्। प्रद्युम्नसाम्बावपि ते कुमारौ नोपासितव्यौ रहिते कदाचित् ।। न भवेद्विकार इतिट. पाठः ।।

madaṃ pramādaṃ puruṣeṣu hitvā saṃyaccha mānaṃ pratigṛh vācam| pradyumnasāmbāvapi te kumārau nopāsitavyau rahite kadācit || na bhavedvikāra itiṭa. pāṭhaḥ ||

Verse 11

महाकुलीनाभिरपापिकाभिः स्त्रीभिः सतीभिस्तव सख्यमस्तु। चण्डाश् शौण्डाश्च महाशनाश्च चोराश्च दुष्टाश्चपलाश्च वर्ज्याः ।। तप्रमादं पुरुषेषु कृत्वेति ध.पाठः। नैवं प्रमाणं कुहकेषु कुर्या इति थ.पाठः। रहिते विजने ।।

mahākulīnābhirapāpikābhiḥ strībhiḥ satībhistava sakhyamastu| caṇḍāś śauṇḍāśca mahāśanāśca corāśca duṣṭāścapalāśca varjyāḥ || tapramādaṃ puruṣeṣu kṛtveti dha.pāṭhaḥ| naivaṃ pramāṇaṃ kuhakeṣu kuryā iti tha.pāṭhaḥ| rahite vijane ||

Verse 12

एतद्यशस्यं भगवेतनं च स्वार्थं तदा शत्रुनिबर्हणं च। महार्हमाल्याभरणाङ्गरागा भर्तारमाराधय पुण्यगन्धैः ।। चण्डाः क्रूराः। शौण्डाः पराभिभवसमर्थाः। महाशनाः बहुभुजः। दुष्टाः द्वेषाद्याक्रान्ताः। स्त्रियो वर्ज्या इति शेषः ।।

etadyaśasyaṃ bhagavetanaṃ ca svārthaṃ tadā śatrunibarhaṇaṃ ca| mahārhamālyābharaṇāṅgarāgā bhartāramārādhaya puṇyagandhaiḥ || caṇḍāḥ krūrāḥ| śauṇḍāḥ parābhibhavasamarthāḥ| mahāśanāḥ bahubhujaḥ| duṣṭāḥ dveṣādyākrāntāḥ| striyo varjyā iti śeṣaḥ ||