Adhyaya 17

Verse 1

भीष्मेण युधिष्ठिरंप्रति भक्तिश्रद्धादीनां भुक्तिसाधनताप्रतिपादकव्यासवाक्यानुवादः।। 1 ।। द्वैपायन उवाच। श्रद्दात्यागं निर्वृतिं चापि पूजां सत्यं धर्मं यः कृतं चाभ्युपैति। कामद्वेषौ त्यज्य सर्वेषु तुल्यः श्रद्धापूतः सर्वयज्ञेषु योग्यः।।

bhīṣmeṇa yudhiṣṭhiraṃprati bhaktiśraddhādīnāṃ bhuktisādhanatāpratipādakavyāsavākyānuvādaḥ|| 1 || dvaipāyana uvāca| śraddātyāgaṃ nirvṛtiṃ cāpi pūjāṃ satyaṃ dharmaṃ yaḥ kṛtaṃ cābhyupaiti| kāmadveṣau tyajya sarveṣu tulyaḥ śraddhāpūtaḥ sarvayajñeṣu yogyaḥ||

Verse 2

यस्मिन्यज्ञे सर्वभूताः प्रहृष्टाः सर्वे चारम्भाः शास्त्रदृष्टाः प्रवृत्ताः। धर्म्यैरर्थ्यैर्ये यजन्ते ध्रुवं ते पूतात्मानो धर्ममेकं भजन्ते।।

yasminyajñe sarvabhūtāḥ prahṛṣṭāḥ sarve cārambhāḥ śāstradṛṣṭāḥ pravṛttāḥ| dharmyairarthyairye yajante dhruvaṃ te pūtātmāno dharmamekaṃ bhajante||

Verse 3

एकाक्षरं द्व्यक्षरमेकमेव सदा यजन्ते नियताः प्रतीताः। दृष्ट्वा मनागर्चयित्वा स्म विप्राः सतां मार्गं तं ध्रुवं सम्भजन्ते।।

ekākṣaraṃ dvyakṣaramekameva sadā yajante niyatāḥ pratītāḥ| dṛṣṭvā manāgarcayitvā sma viprāḥ satāṃ mārgaṃ taṃ dhruvaṃ sambhajante||

Verse 4

पापात्मानः क्रोधरगाभिभूताः कृष्णे भक्ता नाम सङ्कीर्तयन्तः। पूतात्मानो यज्ञशीलाः सुमेधा यज्ञस्यान्ते कीर्तिलोकान्भजन्ते।।

pāpātmānaḥ krodharagābhibhūtāḥ kṛṣṇe bhaktā nāma saṅkīrtayantaḥ| pūtātmāno yajñaśīlāḥ sumedhā yajñasyānte kīrtilokānbhajante||

Verse 5

एको वेदो ब्राह्मणानां बभूव चतुष्पादस्त्रिगुणो ब्रह्मशीर्षः। पादंपादं ब्राह्मणा वेदमाहु- स्त्रेताकाले तं च तं विद्धि शीर्षम्।।

eko vedo brāhmaṇānāṃ babhūva catuṣpādastriguṇo brahmaśīrṣaḥ| pādaṃpādaṃ brāhmaṇā vedamāhu- stretākāle taṃ ca taṃ viddhi śīrṣam||