Adhyaya 326

Verse 1

आसुरिणा कपिलं प्रति अव्यक्तादितत्वविषयकप्रश्नः।। 1।। * युधिष्ठिर उवाच। अव्यक्तव्यक्ततत्वानां निश्चयं भरतर्षभ। वक्तुमर्हसि कौरव्य देवस्याजस्य या कृतिः।।

āsuriṇā kapilaṃ prati avyaktāditatvaviṣayakapraśnaḥ|| 1|| * yudhiṣṭhira uvāca| avyaktavyaktatatvānāṃ niścayaṃ bharatarṣabha| vaktumarhasi kauravya devasyājasya yā kṛtiḥ||

Verse 2

भीष्म उवाच। अत्राप्युदाहरन्तीमं संवादं गुरुशिष्ययोः। कपिलस्यासुरेश्चैव सर्वदुःखविमोक्षणम्।।

bhīṣma uvāca| atrāpyudāharantīmaṃ saṃvādaṃ guruśiṣyayoḥ| kapilasyāsureścaiva sarvaduḥkhavimokṣaṇam||

Verse 3

असुरिरुवाच। अव्यक्तव्यक्ततत्वानां निश्चयं बुद्धिनिश्चयम्। भगवन्नमितप्रज्ञ वक्तुमर्हसि मेऽर्थितः।।

asuriruvāca| avyaktavyaktatatvānāṃ niścayaṃ buddhiniścayam| bhagavannamitaprajña vaktumarhasi me'rthitaḥ||

Verse 4

किं व्यक्तं किमव्यक्तं किं व्यक्ता व्यक्तं किमिति तत्वानि। किमाद्यं मध्यमं च तत्वानां किमध्यात्माधिभूतदैवतं च।।

kiṃ vyaktaṃ kimavyaktaṃ kiṃ vyaktā vyaktaṃ kimiti tatvāni| kimādyaṃ madhyamaṃ ca tatvānāṃ kimadhyātmādhibhūtadaivataṃ ca||

Verse 5

किंनु सर्गाप्ययं कति सर्गाः किं भूतं किं भविष्यं किं भव्यं च किं ज्ञानम्। को ज्ञाता किं बुद्धं किमप्रबुद्धं किं बुध्यमानं कति पर्वाणि।।

kiṃnu sargāpyayaṃ kati sargāḥ kiṃ bhūtaṃ kiṃ bhaviṣyaṃ kiṃ bhavyaṃ ca kiṃ jñānam| ko jñātā kiṃ buddhaṃ kimaprabuddhaṃ kiṃ budhyamānaṃ kati parvāṇi||

Verse 6

कति स्रोतांसि कति कर्मयोनयः किमेकत्वं नानात्वम्। किं सहवासं निवासं किं विद्याविद्यमिति।।

kati srotāṃsi kati karmayonayaḥ kimekatvaṃ nānātvam| kiṃ sahavāsaṃ nivāsaṃ kiṃ vidyāvidyamiti||