Adhyaya 7

Verse 1

द्रौणिना शिवस्तुतिः।। 1 ।। द्रौणेः पुरतः काञ्चनवेद्यामग्न्युद्भवः।। 2 ।। द्रौणेः समीपे नानाविधभीषणभूतगणानामागमनम्।। 3 ।। शिवेन आत्मनो हविष्ट्वकल्पनपूर्वकमग्नौ प्रविष्टाय द्रौणये खङ्गदानपूर्वकं तच्छरीरप्रवेशः।। 4 ।। पुनरश्वत्थाम्नः शिबिरगमनम्।। 5 ।। सञ्जय उवाच। एवं सञ्चिन्तयित्वा तु द्रोणपुत्रो विशाम्पते। अवतीर्य रथोपस्थाद्दध्यौ स प्रयतः स्थितः।। ।। इति श्रीमन्महाभारते सौप्तिकपर्वणि सप्तमोऽध्यायः।। 7 ।।

drauṇinā śivastutiḥ|| 1 || drauṇeḥ purataḥ kāñcanavedyāmagnyudbhavaḥ|| 2 || drauṇeḥ samīpe nānāvidhabhīṣaṇabhūtagaṇānāmāgamanam|| 3 || śivena ātmano haviṣṭvakalpanapūrvakamagnau praviṣṭāya drauṇaye khaṅgadānapūrvakaṃ taccharīrapraveśaḥ|| 4 || punaraśvatthāmnaḥ śibiragamanam|| 5 || sañjaya uvāca| evaṃ sañcintayitvā tu droṇaputro viśāmpate| avatīrya rathopasthāddadhyau sa prayataḥ sthitaḥ|| || iti śrīmanmahābhārate sauptikaparvaṇi saptamo'dhyāyaḥ|| 7 ||

Verse 2

द्रौणिरुवाच। उग्रं स्थाणुं शिवं रुद्रं शर्वमीशानमीश्वरम्। गिरिशं वरदं देवं भवभावनमव्ययम्।।

drauṇiruvāca| ugraṃ sthāṇuṃ śivaṃ rudraṃ śarvamīśānamīśvaram| giriśaṃ varadaṃ devaṃ bhavabhāvanamavyayam||

Verse 3

शितिकण्ठमजं रुद्रं दक्षक्रतुहरं हरम्। विश्वरूपं विरूपाक्षं बहुरूपमुमापतिम्।।

śitikaṇṭhamajaṃ rudraṃ dakṣakratuharaṃ haram| viśvarūpaṃ virūpākṣaṃ bahurūpamumāpatim||

Verse 4

श्मशानवासिनं दृप्तं महागणपतिं विभुम्। खट्वाङ्गधारिणं मुण्डं जटिलं ब्रह्मचारिणम्।।

śmaśānavāsinaṃ dṛptaṃ mahāgaṇapatiṃ vibhum| khaṭvāṅgadhāriṇaṃ muṇḍaṃ jaṭilaṃ brahmacāriṇam||

Verse 5

मनसा ह्यनुचिन्त्यैनं दुष्करेणाल्पचेतसा। अद्य भूतोपहारेण यक्ष्ये त्रिपुराघातिनम्।। रथोपस्थाद्दध्यौ स प्रयतः स्थितः इति क.पाठः।।

manasā hyanucintyainaṃ duṣkareṇālpacetasā| adya bhūtopahāreṇa yakṣye tripurāghātinam|| rathopasthāddadhyau sa prayataḥ sthitaḥ iti ka.pāṭhaḥ||

Verse 6

xxतुतं स्तुत्यं स्तूयमानममोघं कृत्तिवाससम्। विलोहितं नीलकण्ठमसह्यं दुर्निवारणम्।।

xxtutaṃ stutyaṃ stūyamānamamoghaṃ kṛttivāsasam| vilohitaṃ nīlakaṇṭhamasahyaṃ durnivāraṇam||

Verse 7

शुक्रं विश्वसृजं ब्रह्म ब्रह्मचारिणमेव च। व्रतवन्तं तपोनिष्ठमनन्तं तपतां गतिम्।। सौम्येन सोमदैवत्येन मन्त्रेण।।

śukraṃ viśvasṛjaṃ brahma brahmacāriṇameva ca| vratavantaṃ taponiṣṭhamanantaṃ tapatāṃ gatim|| saumyena somadaivatyena mantreṇa||

Verse 8

बहुरूपं गणाध्यक्षं त्र्यक्षं पारिषदप्रियम्। धनाध्यक्षप्रियसखं गौरीहृदयवल्लभम्।।

bahurūpaṃ gaṇādhyakṣaṃ tryakṣaṃ pāriṣadapriyam| dhanādhyakṣapriyasakhaṃ gaurīhṛdayavallabham||

Verse 9

कुमारपितरं पिङ्गं गोवृषोत्तमवाहनम्। कुत्तिवाससमत्युग्रमातोषणतत्परम्।। सोऽहमात्मोपहारेणेति झ.पाठः।।

kumārapitaraṃ piṅgaṃ govṛṣottamavāhanam| kuttivāsasamatyugramātoṣaṇatatparam|| so'hamātmopahāreṇeti jha.pāṭhaḥ||

Verse 10

परं परेभ्यः परमं परं यस्मान्न विद्यते। इष्वस्त्रोत्तमभर्तारं दिगन्तं देशरक्षिणम्।।

paraṃ parebhyaḥ paramaṃ paraṃ yasmānna vidyate| iṣvastrottamabhartāraṃ digantaṃ deśarakṣiṇam||

Verse 11

हिरण्यकवचं देवं चन्द्रमौलिविभूषणम्। प्रपद्ये शरणं देवं परमेण समाधिना।। उमाभूषणतत्परमिति झ.पाठः।।

hiraṇyakavacaṃ devaṃ candramaulivibhūṣaṇam| prapadye śaraṇaṃ devaṃ parameṇa samādhinā|| umābhūṣaṇatatparamiti jha.pāṭhaḥ||

Verse 12

इमां चेदापदं घोरां तराम्यद्य सुदुस्तराम्। सर्वभूतोपहारेण यक्ष्येऽहं शुचिना शुचिम्।।

imāṃ cedāpadaṃ ghorāṃ tarāmyadya sudustarām| sarvabhūtopahāreṇa yakṣye'haṃ śucinā śucim||

Verse 13

इति तस्य व्यवसितं ज्ञात्वा योगात्सुकर्मणः। पुरस्तात्काञ्चनी वेदी प्रादुरासीन्महात्मनः।।

iti tasya vyavasitaṃ jñātvā yogātsukarmaṇaḥ| purastātkāñcanī vedī prādurāsīnmahātmanaḥ||

Verse 14

तस्यां वेद्यां तदा राजंश्चित्रभानुरजायत। स दिशो विदिशः खं च ज्वालाभिरिव पूरयन्।।

tasyāṃ vedyāṃ tadā rājaṃścitrabhānurajāyata| sa diśo vidiśaḥ khaṃ ca jvālābhiriva pūrayan||

Verse 15

दीप्तास्यनयनाश्चात्र नैकपादशिरोधराः। [रत्नचित्राङ्गदधराः समुद्यतकरास्तथाः।।]

dīptāsyanayanāścātra naikapādaśirodharāḥ| [ratnacitrāṅgadadharāḥ samudyatakarāstathāḥ||]

Verse 16

द्विपाः शैलप्रतीकाशाः प्रादुरासन्महागणाः। श्ववराहोष्ट्ररूपाश्च हयगोमायुगोमुखाः।।

dvipāḥ śailapratīkāśāḥ prādurāsanmahāgaṇāḥ| śvavarāhoṣṭrarūpāśca hayagomāyugomukhāḥ||

Verse 17

ऋक्षमार्जारवदना व्याघ्रद्वीपिमुखास्तथा। काकवक्त्राः प्लुवमुखाः शुकवक्त्रास्तथैव च।। हिरण्यदण्डकवचं चारुमौलिविभूषणमिति क.पाठः।।

ṛkṣamārjāravadanā vyāghradvīpimukhāstathā| kākavaktrāḥ pluvamukhāḥ śukavaktrāstathaiva ca|| hiraṇyadaṇḍakavacaṃ cārumaulivibhūṣaṇamiti ka.pāṭhaḥ||

Verse 18

महाजगरवक्त्राश्च हंसवक्त्राः शितप्रभाः। दार्वाघाटमुखाश्चापि चाषवक्त्राश्च भारत।। प्लुवमुखाः मण्डूकवक्ताः।।

mahājagaravaktrāśca haṃsavaktrāḥ śitaprabhāḥ| dārvāghāṭamukhāścāpi cāṣavaktrāśca bhārata|| pluvamukhāḥ maṇḍūkavaktāḥ||

Verse 19

कूर्मनक्रमुखाश्चैव शिंशुमारमुखास्तथा। महामकरवक्त्राश्च तिमिवक्त्रास्तथैव च।।

kūrmanakramukhāścaiva śiṃśumāramukhāstathā| mahāmakaravaktrāśca timivaktrāstathaiva ca||

Verse 20

हरिवक्त्राः क्रौञ्चमुखाः कपोताभमुखास्तथा। पारावतमुखाश्चैव मद्गुवक्त्रास्तथैव च।।

harivaktrāḥ krauñcamukhāḥ kapotābhamukhāstathā| pārāvatamukhāścaiva madguvaktrāstathaiva ca||

Verse 21

पाणिकर्णाः सहस्राक्षास्तथैव च महोदराः। निर्मांसाः काकवक्त्राश्च श्येनवक्त्राश्च भारत।।

pāṇikarṇāḥ sahasrākṣāstathaiva ca mahodarāḥ| nirmāṃsāḥ kākavaktrāśca śyenavaktrāśca bhārata||

Verse 22

तथैवाशिरसो राजन्नृक्षवक्त्राश्च भीषणाः। प्रदीप्तनेत्रजिह्वाश्च ज्वालावर्णास्तथैव च।।

tathaivāśiraso rājannṛkṣavaktrāśca bhīṣaṇāḥ| pradīptanetrajihvāśca jvālāvarṇāstathaiva ca||

Verse 23

ज्वालाकेशाश्च राजेन्द्र ज्वलद्रोमचतुर्भुजाः। मेषवक्त्रास्तथैवान्ये तथा छागमुखा नृप।।

jvālākeśāśca rājendra jvaladromacaturbhujāḥ| meṣavaktrāstathaivānye tathā chāgamukhā nṛpa||

Verse 24

शङ्खाभाः शङ्खवक्त्राश्च शङ्खवर्णास्तथैव च। शङ्खमालापरिकराः शह्खध्वनिसमस्वनाः।।

śaṅkhābhāḥ śaṅkhavaktrāśca śaṅkhavarṇāstathaiva ca| śaṅkhamālāparikarāḥ śahkhadhvanisamasvanāḥ||

Verse 25

जटाधराः प़ञ्चशिखास्तथा मुण्डाः कृशोदराः। चतुर्दंष्ट्राश्चतुर्जिह्वाः शङ्कुकर्णाः किरीटिनः।।

jaṭādharāḥ pa़ñcaśikhāstathā muṇḍāḥ kṛśodarāḥ| caturdaṃṣṭrāścaturjihvāḥ śaṅkukarṇāḥ kirīṭinaḥ||

Verse 26

मौञ्जीधराश्च राजेन्द्र तथा कुञ्चितमूर्धजाः। उष्णीषिणः कुण्डलिनश्चारुवक्त्राः स्वलङ्कृताः।।

mauñjīdharāśca rājendra tathā kuñcitamūrdhajāḥ| uṣṇīṣiṇaḥ kuṇḍalinaścāruvaktrāḥ svalaṅkṛtāḥ||

Verse 27

पद्मोत्पलापीडधरास्तथा मुकुटधारिणः। महात्म्येन च संयुक्ताः शतशोऽथ सहस्रशः।।

padmotpalāpīḍadharāstathā mukuṭadhāriṇaḥ| mahātmyena ca saṃyuktāḥ śataśo'tha sahasraśaḥ||

Verse 28

शतघ्नीचक्रहस्ताश्च तथा मुसलपाणयः। भुशुण्डीपाशहस्ताश्च दण्‍डहस्ताश्च भारत।।

śataghnīcakrahastāśca tathā musalapāṇayaḥ| bhuśuṇḍīpāśahastāśca daṇ‍ḍahastāśca bhārata||

Verse 29

पृष्ठेषु बद्धेषुधयश्चित्रबाणोत्कटास्तथा। सध्वजाः सपताकाश्च सघण्टाः सपरश्वथाः।।

pṛṣṭheṣu baddheṣudhayaścitrabāṇotkaṭāstathā| sadhvajāḥ sapatākāśca saghaṇṭāḥ saparaśvathāḥ||

Verse 30

महापाशोद्यतकरास्तथा लगुडपाणयः। स्थूणाहस्ताः खङ्गहस्ताः सर्पोच्छ्रितकिरीटिनः।।

mahāpāśodyatakarāstathā laguḍapāṇayaḥ| sthūṇāhastāḥ khaṅgahastāḥ sarpocchritakirīṭinaḥ||

Verse 31

महासर्पाङ्गदधराश्चित्राभरणधारिणः। रजोध्वजाः पङ्कदिग्धाः सर्वे चित्राम्बरस्रजः। नीलाङ्गाः पिङ्गलाङ्गाश्च मुण्डवक्तास्तथैव च।।

mahāsarpāṅgadadharāścitrābharaṇadhāriṇaḥ| rajodhvajāḥ paṅkadigdhāḥ sarve citrāmbarasrajaḥ| nīlāṅgāḥ piṅgalāṅgāśca muṇḍavaktāstathaiva ca||

Verse 32

भेरीशङ्खमृदङ्गांश्च झर्झरानकगोमुखान्। अवादयन्पारिषदाः प्रहृष्टाः कनकप्रभाः।।

bherīśaṅkhamṛdaṅgāṃśca jharjharānakagomukhān| avādayanpāriṣadāḥ prahṛṣṭāḥ kanakaprabhāḥ||

Verse 33

गायमानास्तथैवान्ये संहृष्टाः पुरुषर्षभाः। लङ्घयन्तः प्लुवन्तश्च वल्गन्तश्च महारथाः।।

gāyamānāstathaivānye saṃhṛṣṭāḥ puruṣarṣabhāḥ| laṅghayantaḥ pluvantaśca valgantaśca mahārathāḥ||

Verse 34

धावन्तो जवनाश्चण्डाः पावकोद्वूतमूर्धजाः। मत्ता इव महानागा विनदन्तो मुहुर्मुहुः।।

dhāvanto javanāścaṇḍāḥ pāvakodvūtamūrdhajāḥ| mattā iva mahānāgā vinadanto muhurmuhuḥ||

Verse 35

सुभीमा घोररूपाश्च शूलपट्टसपाणयः। नानाविरागवसनाश्चित्रमाल्यानुलेपनाः।।

subhīmā ghorarūpāśca śūlapaṭṭasapāṇayaḥ| nānāvirāgavasanāścitramālyānulepanāḥ||

Verse 36

रत्नचित्राङ्गदधराः समुद्यतकरास्तथा। हन्तारो द्विषतां शूराः प्रसह्यासह्यविक्रमाः।।

ratnacitrāṅgadadharāḥ samudyatakarāstathā| hantāro dviṣatāṃ śūrāḥ prasahyāsahyavikramāḥ||

Verse 37

पातारोऽसृग्वसाज्यानां मांसान्त्रकृतभोजनाः। चूडालाः कर्णिकाराश्च प्रहृष्टाः पिठरोदराः।।

pātāro'sṛgvasājyānāṃ māṃsāntrakṛtabhojanāḥ| cūḍālāḥ karṇikārāśca prahṛṣṭāḥ piṭharodarāḥ||

Verse 38

अतिहस्वातिदीर्घाश्च प्रलम्बाश्चातिभैरवाः। विकटाः काललंबोष्ठा बृहच्छेफाण्डपिण्डिकाः।। दार्वाघाटः पक्षिविशेषः। महागजसवकाश्चेति क.पाठः।।

atihasvātidīrghāśca pralambāścātibhairavāḥ| vikaṭāḥ kālalaṃboṣṭhā bṛhacchephāṇḍapiṇḍikāḥ|| dārvāghāṭaḥ pakṣiviśeṣaḥ| mahāgajasavakāśceti ka.pāṭhaḥ||

Verse 39

महार्हनानाविकटा मुण्डाश्च जटिलाः परे। सार्केन्दुग्रहनक्षत्रां द्यां कुर्युस्ते महीतले।।

mahārhanānāvikaṭā muṇḍāśca jaṭilāḥ pare| sārkendugrahanakṣatrāṃ dyāṃ kuryuste mahītale||

Verse 40

उत्सहेरंश्च ये हन्तुं भूतग्रामं चतुर्विधम्। ये च वीतभया नित्यं हरस्य भ्रुकुटीसहाः।।

utsaheraṃśca ye hantuṃ bhūtagrāmaṃ caturvidham| ye ca vītabhayā nityaṃ harasya bhrukuṭīsahāḥ||

Verse 41

कामकारकरा नित्यं त्रैलोक्यस्येश्वरेश्वराः। नित्यानन्दप्रमुदिता वागीशा वीतमत्सराः।।

kāmakārakarā nityaṃ trailokyasyeśvareśvarāḥ| nityānandapramuditā vāgīśā vītamatsarāḥ||

Verse 42

प्राप्याष्टगुणमैश्वर्यं ये न यास्यन्ति वै स्मयम्। येषां विस्मयते नित्यं भगवान्कर्मभिर्हरः।।

prāpyāṣṭaguṇamaiśvaryaṃ ye na yāsyanti vai smayam| yeṣāṃ vismayate nityaṃ bhagavānkarmabhirharaḥ||

Verse 43

मनोवाक्कर्मभिर्युक्तैर्नित्यमाराधितश्च यैः। मनोवाक्कर्मभिर्भक्तान्पाति पुत्रानिवौरसान्।।

manovākkarmabhiryuktairnityamārādhitaśca yaiḥ| manovākkarmabhirbhaktānpāti putrānivaurasān||

Verse 44

पिबन्तोऽसृग्वसाश्चान्ये क्रुद्धा ब्रह्मद्विषां सदा। चतुर्विधात्मकं सोमं ये पिबन्ति च सर्वदा।।

pibanto'sṛgvasāścānye kruddhā brahmadviṣāṃ sadā| caturvidhātmakaṃ somaṃ ye pibanti ca sarvadā||

Verse 45

श्रुतेन ब्रह्मचर्येण तपसा च दमेन च। ये समाराध्य शूलाङ्कं भवसायुज्यमागताः।।

śrutena brahmacaryeṇa tapasā ca damena ca| ye samārādhya śūlāṅkaṃ bhavasāyujyamāgatāḥ||

Verse 46

यैरात्मभूतैर्भगवान्पार्वत्या च महेश्वरः। महाभूतगणैर्भुङ्क्ते भूतभव्यभवत्प्रभुः।।

yairātmabhūtairbhagavānpārvatyā ca maheśvaraḥ| mahābhūtagaṇairbhuṅkte bhūtabhavyabhavatprabhuḥ||

Verse 47

नानावादित्रहसितक्ष्वेडितोत्कृष्टगर्जितैः। सन्त्रासयन्तस्ते विश्वमश्वत्थामानमभ्ययुः।।

nānāvāditrahasitakṣveḍitotkṛṣṭagarjitaiḥ| santrāsayantaste viśvamaśvatthāmānamabhyayuḥ||

Verse 48

संस्तुवन्तो महादेवं भाः कुर्वाणाः सुवर्चसः। विवर्धयिषवो द्रौणेर्महिमानं महात्मनः।।

saṃstuvanto mahādevaṃ bhāḥ kurvāṇāḥ suvarcasaḥ| vivardhayiṣavo drauṇermahimānaṃ mahātmanaḥ||

Verse 49

जिज्ञासमानास्तत्तेजः सौप्तिकं च दिदृक्षवः। भीमोग्रपरिघालातशूलपट्टसपाणयः। घोररूपाः समाजग्मुर्भूतसङ्घाः सहस्रशः।।

jijñāsamānāstattejaḥ sauptikaṃ ca didṛkṣavaḥ| bhīmograparighālātaśūlapaṭṭasapāṇayaḥ| ghorarūpāḥ samājagmurbhūtasaṅghāḥ sahasraśaḥ||

Verse 50

जनयेयुर्भयं ये स्म त्रैलोक्यस्यापि दर्शनात्। न च तान्प्रेक्षमाणोऽपि व्यथामुपजगाम ह।।

janayeyurbhayaṃ ye sma trailokyasyāpi darśanāt| na ca tānprekṣamāṇo'pi vyathāmupajagāma ha||

Verse 51

अथ द्रौणिर्धनुष्पाणिर्बद्धगोधाङ्गुलित्रवान्। स्वयमेवात्मनात्मानमुपहारमुपाहरत्।।

atha drauṇirdhanuṣpāṇirbaddhagodhāṅgulitravān| svayamevātmanātmānamupahāramupāharat||

Verse 52

धनूंषि समिधस्तत्र पवित्राणि सिताः शराः। हविरात्मवतश्चात्मा तस्मिन्भारत कर्मणि।।

dhanūṃṣi samidhastatra pavitrāṇi sitāḥ śarāḥ| havirātmavataścātmā tasminbhārata karmaṇi||

Verse 53

ततः सौम्येन मन्त्रेण द्रोणपुत्रः प्रतापवान्। उपहारं महामन्युरथात्मानमुपाहरत्।। पिण्डिका जानुनोरधः---पश्चाद्भागः।।

tataḥ saumyena mantreṇa droṇaputraḥ pratāpavān| upahāraṃ mahāmanyurathātmānamupāharat|| piṇḍikā jānunoradhaḥ---paścādbhāgaḥ||

Verse 54

तं रुद्रं रौद्रकर्माणं रौद्रैः कर्मभिरच्युतम्। अभिष्टुत्य महात्मानमित्युवाच कृताञ्जलिः।।

taṃ rudraṃ raudrakarmāṇaṃ raudraiḥ karmabhiracyutam| abhiṣṭutya mahātmānamityuvāca kṛtāñjaliḥ||

Verse 55

द्रौणिरुवाच। इममात्मानमद्याहं जातमाङ्गिरसे कुले। स्वग्नौ जुहोमि भगवन्प्रतिगृह्णीष्व मां बलिम्।।

drauṇiruvāca| imamātmānamadyāhaṃ jātamāṅgirase kule| svagnau juhomi bhagavanpratigṛhṇīṣva māṃ balim||

Verse 56

भवद्भक्त्या महादेव पस्मेण समाधिना। अस्यामापदि विश्वात्मन्नुपाकुर्मी तवाग्रतः।।

bhavadbhaktyā mahādeva pasmeṇa samādhinā| asyāmāpadi viśvātmannupākurmī tavāgrataḥ||

Verse 57

त्वयि सर्वाणि भूतानि सर्वभूतेषु चासि वै। गुणानां हि प्रधानानां कैवल्यं त्वयि तिष्ठति।।

tvayi sarvāṇi bhūtāni sarvabhūteṣu cāsi vai| guṇānāṃ hi pradhānānāṃ kaivalyaṃ tvayi tiṣṭhati||

Verse 58

सर्वभूताश्रय विभो हविर्भूतमवस्थितम्। प्रतिगृहाण मां देव यद्यशक्याः परे मया।।

sarvabhūtāśraya vibho havirbhūtamavasthitam| pratigṛhāṇa māṃ deva yadyaśakyāḥ pare mayā||

Verse 59

इत्युक्त्वा द्रौणिरास्थाय तां देवीं दीप्तपावकाम्। सन्त्यज्यात्मानमारुह्य कृष्णवर्त्मन्युपाविशत्।।

ityuktvā drauṇirāsthāya tāṃ devīṃ dīptapāvakām| santyajyātmānamāruhya kṛṣṇavartmanyupāviśat||

Verse 60

तमूर्ध्वबाहुं निश्चेष्टं दृष्ट्वा हविरुपस्थितम्। अब्रवीद्भगवान्साक्षान्महादेवो हसन्निव।।

tamūrdhvabāhuṃ niśceṣṭaṃ dṛṣṭvā havirupasthitam| abravīdbhagavānsākṣānmahādevo hasanniva||

Verse 61

सत्यशौचार्जवत्यागैस्तपसा नियमेन च। क्षान्त्या भक्त्या च धृत्या च कर्मणा मनसा गिरा।।

satyaśaucārjavatyāgaistapasā niyamena ca| kṣāntyā bhaktyā ca dhṛtyā ca karmaṇā manasā girā||

Verse 62

यथावदहमाराद्वः कृष्णेनाक्लिष्टकर्मणा। तस्मादिष्टतमः कृष्णादन्यो मम न विद्यते।।

yathāvadahamārādvaḥ kṛṣṇenākliṣṭakarmaṇā| tasmādiṣṭatamaḥ kṛṣṇādanyo mama na vidyate||

Verse 63

कुर्वता तात सम्मानं त्वां च जिज्ञासता मया। पाञ्चालाः सर्वदा गुप्ता मायाश्च बहुशः कृताः।।

kurvatā tāta sammānaṃ tvāṃ ca jijñāsatā mayā| pāñcālāḥ sarvadā guptā māyāśca bahuśaḥ kṛtāḥ||

Verse 64

कृतस्तस्यैव सम्मानं पाञ्चालान्रक्षता मया। अभिभूतास्तु कालेन नैषामद्यास्ति जीवितम्।।

kṛtastasyaiva sammānaṃ pāñcālānrakṣatā mayā| abhibhūtāstu kālena naiṣāmadyāsti jīvitam||

Verse 65

एवमुक्त्वा महात्मानं भगवानात्मनस्तनुम्। आविवेश ददौ चास्मै विमलं खङ्गमुत्तमम्।।

evamuktvā mahātmānaṃ bhagavānātmanastanum| āviveśa dadau cāsmai vimalaṃ khaṅgamuttamam||

Verse 66

अथाविष्टो भगवता भूयो जज्वाल तेजसा। वेगवांश्चाभवद्युद्धे देवसृष्टेन तेजसा।।

athāviṣṭo bhagavatā bhūyo jajvāla tejasā| vegavāṃścābhavadyuddhe devasṛṣṭena tejasā||

Verse 67

तं दृष्ट्वा तानि भूतानि रक्षांसि च समाद्रवन्। अभितः शिबिरं यान्तं द्रोणपुत्रं महारथम्। देवदेवं हरं स्थाउं यान्तं साक्षादिवेश्वरम्।।

taṃ dṛṣṭvā tāni bhūtāni rakṣāṃsi ca samādravan| abhitaḥ śibiraṃ yāntaṃ droṇaputraṃ mahāratham| devadevaṃ haraṃ sthāuṃ yāntaṃ sākṣādiveśvaram||