Sukta 39

Rk 1

आ॒शुर॑र्ष बृहन्मते॒ परि॑ प्रि॒येण॒ धाम्ना॑ यत्र॑ दे॒वा इति॒ ब्रव॑न्

Rk 2

प॒रि॒ष्कृ॒ण्वन्ननि॑ष्कृतं॒ जना॑य या॒तय॒न्निषः॑ वृ॒ष्टिं दि॒वः परि॑ स्रव

Rk 3

सु॒त ए॑ति प॒वित्र॒ आ त्विषिं॒ दधा॑न॒ ओज॑सा वि॒चक्षा॑णो विरो॒चय॑न्

Rk 4

अ॒यं स यो दि॒वस्परि॑ रघु॒यामा॑ प॒वित्र॒ आ सिन्धो॑रू॒र्मा व्यक्ष॑रत्

Rk 5

आ॒विवा॑सन्परा॒वतो॒ अथो॑ अर्वा॒वतः॑ सु॒तः इन्द्रा॑य सिच्यते॒ मधु॑

Rk 6

स॒मी॒ची॒ना अ॑नूषत॒ हरिं॑ हिन्व॒न्त्यद्रि॑भिः योना॑वृ॒तस्य॑ सीदत