Sukta 145

Rk 1

इ॒मां ख॑ना॒म्योष॑धिं वी॒रुधं॒ बल॑वत्तमाम् यया॑ स॒पत्नीं॒ बाध॑ते॒ यया॑ संवि॒न्दते॒ पति॑म्

Rk 2

उत्ता॑नपर्णे॒ सुभ॑गे॒ देव॑जूते॒ सह॑स्वति स॒पत्नीं॑ मे॒ परा॑ धम॒ पतिं॑ मे॒ केव॑लं कुरु

Rk 3

उत्त॑रा॒हमु॑त्तर॒ उत्त॒रेदुत्त॑राभ्यः अथा॑ स॒पत्नी॒ या ममाध॑रा॒ साध॑राभ्यः

Rk 4

न॒ह्य॑स्या॒ नाम॑ गृ॒भ्णामि॒ नो अ॒स्मिन्र॑मते॒ जने॑ परा॑मे॒व प॑रा॒वतं॑ स॒पत्नीं॑ गमयामसि

Rk 5

अ॒हम॑स्मि॒ सह॑मा॒नाथ॒ त्वम॑सि सास॒हिः उ॒भे सह॑स्वती भू॒त्वी स॒पत्नीं॑ मे सहावहै

Rk 6

उप॑ तेऽधां॒ सह॑मानाम॒भि त्वा॑धां॒ सही॑यसा मामनु॒ प्र ते॒ मनो॑ व॒त्सं गौरि॑व धावतु प॒था वारि॑व धावतु