Sarga 100

Verse 1

अध्यर्धयोजनं गत्वा नदीं पश्चान् मुखाश्रिताम् । सरयूं पुण्यसलिलां ददर्श रघुनन्दनः ॥

adhyardhayojanaṃ gatvā nadīṃ paścān mukhāśritām | sarayūṃ puṇyasalilāṃ dadarśa raghunandanaḥ

Having gone a yojana and a half, the delight of the Raghus beheld the river Sarayū of holy water, turned toward the west.

डेढ़ योजन जाकर रघुनन्दन राम ने पश्चिम की ओर मुख किए पुण्य जल वाली सरयू नदी देखी।

Verse 2

अथ तस्मिन् मुहूर्ते तु ब्रह्मा लोकपितामहः । सर्वैः परिवृतो देवैर् ऋषिभिश् च महात्मभिः ॥

atha tasmin muhūrte tu brahmā lokapitāmahaḥ | sarvaiḥ parivṛto devair ṛṣibhiś ca mahātmabhiḥ

Then at that moment Brahmā, the Grandfather of the worlds, surrounded by all the gods and by the great-souled sages,

फिर उसी मुहूर्त में लोकपितामह ब्रह्मा, समस्त देवताओं तथा महात्मा ऋषियों से घिरे हुए,

Verse 3

आययौ यत्र काकुत्स्थः स्वर्गाय समुपस्थितः । विमानशतकोटीभिर् दिव्याभिर् अभिसंवृतः ॥

āyayau yatra kākutsthaḥ svargāya samupasthitaḥ | vimānaśatakoṭībhir divyābhir abhisaṃvṛtaḥ

came to where Kākutstha stood ready for heaven, encompassed by a hundred crores of divine aerial cars.

वहाँ आए जहाँ काकुत्स्थ स्वर्ग के लिए तैयार खड़े थे; वे सौ करोड़ दिव्य विमानों से घिरे हुए थे।

Verse 4

पपात पुष्पवृष्टिश् च वायुमुक्ता महौघवत् ॥

papāta puṣpavṛṣṭiś ca vāyumuktā mahaughavat

And a rain of flowers, loosed by the wind, fell like a great flood.

और वायु द्वारा छोड़ी गई पुष्पवृष्टि महान् बाढ़ के समान गिरने लगी।

Verse 5

तस्मिंस् तूर्यशताकीर्णे गन्धर्वाप्सरसंकुले । सरयूसलिलं रामः पद्भ्यां समुपचक्रमे ॥

tasmiṃs tūryaśatākīrṇe gandharvāpsarasaṃkule | sarayūsalilaṃ rāmaḥ padbhyāṃ samupacakrame

In that [place], thronged with a hundred [kinds of] musical instruments, crowded with gandharvas and apsarases, Rāma set his feet toward the water of the Sarayū.

सैकड़ों वाद्यों से गूँजते, गन्धर्वों और अप्सराओं से भरे उस (स्थान) में राम ने सरयू के जल की ओर पैर बढ़ाए।

Verse 6

ततः पितामहो वाणीम् अन्तरिक्षाद् अभाषत । आगच्छ विष्णो भद्रं ते दिष्ट्या प्राप्तो ऽसि राघव ॥

tataḥ pitāmaho vāṇīm antarikṣād abhāṣata | āgaccha viṣṇo bhadraṃ te diṣṭyā prāpto 'si rāghava

Then the Grandfather spoke an utterance from the sky: "Come, O Viṣṇu; blessings upon you; by good fortune you have arrived, O Rāghava.

तब पितामह ने आकाश से वाणी कही—"हे विष्णो! आइए; आपका कल्याण हो; हे राघव! सौभाग्य से आप पधारे।

Verse 7

भ्रातृभिः सह देवाभैः प्रविशस्व स्वकां तनुम् । वैष्णवीं तां महातेजस् तद् आकाशं सनातनम् ॥

bhrātṛbhiḥ saha devābhaiḥ praviśasva svakāṃ tanum | vaiṣṇavīṃ tāṃ mahātejas tad ākāśaṃ sanātanam

Together with your god-resplendent brothers, enter into your own body, that Vaiṣṇava [form], O greatly radiant one — [or into] that eternal Sky.

हे महातेजस्वी! देवतुल्य कान्ति वाले अपने भाइयों सहित अपने उस वैष्णवी स्वरूप में प्रवेश कीजिए, अथवा उस सनातन आकाश (ब्रह्मस्वरूप) में।

Verse 8

त्वं हि लोकगतिर् देव न त्वां के चित् प्रजानते । ऋते मायां विशालाक्ष तव पूर्वपरिग्रहाम् ॥

tvaṃ hi lokagatir deva na tvāṃ ke cit prajānate | ṛte māyāṃ viśālākṣa tava pūrvaparigrahām

For you are the recourse of the worlds, O god; none know you, save by the māyā, O wide-eyed one, that is your possession of old.

हे देव! आप ही लोकों की गति हैं; हे विशालाक्ष! आपकी पूर्व से स्वीकृत माया के बिना आपको कोई नहीं जान पाता।

Verse 9

त्वम् अचिन्त्यं महद् भूतम् अक्षयं सर्वसंग्रहम् । याम् इच्छसि महातेजस् तां तनुं प्रविश स्वयम् ॥

tvam acintyaṃ mahad bhūtam akṣayaṃ sarvasaṃgraham | yām icchasi mahātejas tāṃ tanuṃ praviśa svayam

You are the inconceivable, great Being, imperishable, the all-comprehending; enter yourself, O greatly radiant one, into whichever body you desire."

आप अचिन्त्य, महान् भूत (सत्ता), अक्षय, सबके संग्रहकर्ता हैं; हे महातेजस्वी! जिस स्वरूप में चाहें, उसी शरीर में स्वयं प्रवेश कीजिए।"

Verse 10

पितामहवचः श्रुत्वा विनिश्चित्य महामतिः । विवेश वैष्णवं तेजः सशरीरः सहानुजः ॥

pitāmahavacaḥ śrutvā viniścitya mahāmatiḥ | viveśa vaiṣṇavaṃ tejaḥ saśarīraḥ sahānujaḥ

Hearing the Grandfather's word, having made his resolve, that one of great mind entered the Vaiṣṇava splendor, with his body, together with his younger brothers.

पितामह का वचन सुनकर, निश्चय करके, वे महामति सशरीर, अपने अनुजों सहित वैष्णवी तेज में प्रविष्ट हो गए।

Verse 11

ततो विष्णुगतं देवं पूजयन्ति स्म देवताः । साध्या मरुद्गणाश् चैव सेन्द्राः साग्निपुरोगमाः ॥

tato viṣṇugataṃ devaṃ pūjayanti sma devatāḥ | sādhyā marudgaṇāś caiva sendrāḥ sāgnipurogamāḥ

Then the deities worshipped the god gone into Viṣṇu — the Sādhyas and the hosts of Maruts, with Indra, led by Agni;

तब विष्णु में लीन हुए उस देव की देवताओं ने पूजा की—साध्यगण, मरुद्गण, इन्द्र सहित और अग्नि को आगे करके;

Verse 12

ये च दिव्या ऋषिगणा गन्धर्वाप्सरसश् च याः । सुपर्णनागयक्षाश् च दैत्यदानवराक्षसाः ॥

ye ca divyā ṛṣigaṇā gandharvāpsarasaś ca yāḥ | suparṇanāgayakṣāś ca daityadānavarākṣasāḥ

and the divine hosts of sages, and the gandharvas and those apsarases, and the Suparṇas, nāgas, and yakṣas, and the daityas, dānavas, and rākṣasas.

और दिव्य ऋषिगण, गन्धर्व तथा अप्सराएँ, सुपर्ण, नाग और यक्ष, तथा दैत्य, दानव और राक्षस (सभी ने पूजा की)।

Verse 13

सर्वं हृष्टं प्रमुदितं सर्वं पूर्णमनोरथम् । साधु साध्व् इति तत् सर्वं त्रिदिवं गतकल्मषम् ॥

sarvaṃ hṛṣṭaṃ pramuditaṃ sarvaṃ pūrṇamanoratham | sādhu sādhv iti tat sarvaṃ tridivaṃ gatakalmaṣam

All was glad and delighted, all with desires fulfilled; "Bravo, bravo!" — all that heaven became, its impurity gone.

सब हर्षित और आनन्दित, सब पूर्णमनोरथ हो गए; "धन्य, धन्य!" (की ध्वनि से) वह समूचा स्वर्ग निष्कलंक (पवित्र) हो गया।

Verse 14

अथ विष्णुर् महातेजाः पितामहम् उवाच ह । एषां लोकाञ् जनौघानां दातुम् अर्हसि सुव्रत ॥

atha viṣṇur mahātejāḥ pitāmaham uvāca ha | eṣāṃ lokāñ janaughānāṃ dātum arhasi suvrata

Then Viṣṇu of great splendor said to the Grandfather: "To these throngs of folk you ought to grant [heavenly] worlds, O one of good vows.

तब महातेजस्वी विष्णु ने पितामह से कहा—"हे सुव्रत! इन जनसमूहों को (दिव्य) लोक प्रदान करने की कृपा कीजिए।

Verse 15

इमे हि सर्वे स्नेहान् माम् अनुयाता मनस्विनः । भक्ता भाजयितव्याश् च त्यक्तात्मानश् च मत्कृते ॥

ime hi sarve snehān mām anuyātā manasvinaḥ | bhaktā bhājayitavyāś ca tyaktātmānaś ca matkṛte

For all these high-minded ones have followed me out of affection; devoted [to me], they are to be rewarded, and they have given up their very selves for my sake."

क्योंकि ये सब मनस्वी स्नेहवश मेरा अनुगमन करके आए हैं; ये भक्त हैं, पुरस्कार के योग्य हैं, और इन्होंने मेरे लिए अपने प्राणों को (आत्मा को) त्याग दिया है।"

Verse 16

तच् छ्रुत्वा विष्णुवचनं ब्रह्मा लोकगुरुः प्रभुः । लोकान् सान्तानिकान् नाम यास्यन्तीमे समागताः ॥

tac chrutvā viṣṇuvacanaṃ brahmā lokaguruḥ prabhuḥ | lokān sāntānikān nāma yāsyantīme samāgatāḥ

Hearing that word of Viṣṇu, Brahmā, the preceptor of the worlds, the lord [said]: "These assembled ones shall go to the worlds named Sāntānika.

विष्णु का वह वचन सुनकर लोकगुरु प्रभु ब्रह्मा (बोले)—"ये एकत्रित हुए (जन) सान्तानिक नामक लोकों को जाएँगे।

Verse 17

यच् च तिर्यग्गतं किं चिद् रामम् एवानुचिन्तयत् । प्राणांस् त्यक्ष्यति भक्त्या वै संताने तु निवत्स्यति । सर्वैर् एव गुणैर् युक्ते ब्रह्मलोकाद् अनन्तरे ॥

yac ca tiryaggataṃ kiṃ cid rāmam evānucintayat | prāṇāṃs tyakṣyati bhaktyā vai saṃtāne tu nivatsyati | sarvair eva guṇair yukte brahmalokād anantare

And whatever creature gone to the animal state has meditated upon Rāma alone, and out of devotion shall give up its life-breaths, shall dwell in Santāna, endowed with all virtues, [the world] next after the world of Brahmā."

और जो कोई तिर्यक् योनि (पशु-पक्षी आदि) का प्राणी राम का ही चिन्तन करके भक्ति से अपने प्राण त्यागेगा, वह समस्त गुणों से युक्त, ब्रह्मलोक के ठीक निकटवर्ती सन्तान (सान्तानिक) लोक में निवास करेगा।"

Verse 18

वानराश् च स्वकां योनिम् ऋक्षाश् चैव तथा ययुः । येभ्यो विनिःसृता ये ये सुरादिभ्यः सुसंभवाः ॥

vānarāś ca svakāṃ yonim ṛkṣāś caiva tathā yayuḥ | yebhyo viniḥsṛtā ye ye surādibhyaḥ susaṃbhavāḥ

And the vānaras went to their own source, and the bears likewise — [returning] to those from whom they had each issued, well-born from the gods and the rest.

और वानर तथा ऋक्ष अपनी-अपनी योनि (मूल स्रोत) को प्राप्त हुए—जिन-जिन देवादि से वे उत्तम रूप से उत्पन्न हुए और निकले थे, (उन्हीं में लौट गए)।

Verse 19

ऋषिभ्यो नागयक्षेभ्यस् तांस् तान् एव प्रपेदिरे । तथोक्तवति देवेशे गोप्रतारम् उपागताः ॥

ṛṣibhyo nāgayakṣebhyas tāṃs tān eva prapedire | tathoktavati deveśe gopratāram upāgatāḥ

To the sages, to the nāgas and yakṣas — [the vānaras and bears] attained those very [sources] from which [they had sprung]. When the lord of gods had thus spoken, they came to Gopratāra.

ऋषियों, नागों और यक्षों से (उत्पन्न हुए) वे उन्हीं-उन्हीं (स्रोतों) को प्राप्त हुए। देवेश्वर के इस प्रकार कहने पर वे गोप्रतार (तीर्थ) पर आ पहुँचे।

Verse 20

भेजिरे सरयूं सर्वे हर्षपूर्णाश्रुविक्लवाः । अवगाह्य जलं यो यः प्राणी ह्य् आसीत् प्रहृष्टवत् ॥

bhejire sarayūṃ sarve harṣapūrṇāśruviklavāḥ | avagāhya jalaṃ yo yaḥ prāṇī hy āsīt prahṛṣṭavat

All betook themselves to the Sarayū, overcome with tears full of joy; whichever living being plunged into the water was [thereby] made joyful.

हर्ष से भरे आँसुओं से विह्वल होकर वे सब सरयू में उतरे; जो-जो प्राणी जल में अवगाहन करता, वह हर्षित हो जाता।

Verse 21

मानुषं देहम् उत्सृज्य विमानं सो ऽध्यरोहत । तिर्यग्योनिगताश् चापि संप्राप्ताः सरयूजलम् ॥

mānuṣaṃ deham utsṛjya vimānaṃ so 'dhyarohata | tiryagyonigatāś cāpi saṃprāptāḥ sarayūjalam

Having cast off its human body, it ascended an aerial car; and those gone to the animal birth too, reaching the water of the Sarayū —

मानव-देह को त्यागकर वह विमान पर आरूढ़ हो जाता; और तिर्यक् योनि (पशु-पक्षी) में गए प्राणी भी सरयू के जल में पहुँचकर—

Verse 22

दिव्या दिव्येन वपुषा देवा दीप्ता इवाभवन् । गत्वा तु सरयूतोयं स्थावराणि चराणि च ॥

divyā divyena vapuṣā devā dīptā ivābhavan | gatvā tu sarayūtoyaṃ sthāvarāṇi carāṇi ca

divine, with a divine form, they became gods, as if blazing [with light]. And having gone to the water of the Sarayū, the immobile and moving [beings] —

दिव्य रूप धारण कर दिव्य, मानो प्रकाशमान देवता हो जाते। और सरयू के जल में जाकर स्थावर तथा जंगम (प्राणी)—

Verse 23

प्राप्य तत् तोयविक्लेदं देवलोकम् उपागमन् । देवानां यस्य या योनिर् वानरा ऋष्क राक्षसाः ॥

prāpya tat toyavikledaṃ devalokam upāgaman | devānāṃ yasya yā yonir vānarā ṛṣka rākṣasāḥ

reaching that immersion in the water, they came to the world of the gods. [To] whichever source among the gods each belonged — the vānaras, bears, and rākṣasas —

उस जल के स्पर्श को पाकर देवलोक को प्राप्त हुए। वानर, ऋक्ष और राक्षस—देवताओं में से जिसका जो स्रोत (योनि) था,

Verse 24

ताम् एव विविशुः सर्वे देवान् निक्षिप्य चाम्भसि । तथा स्वर्गगतं सर्वं कृत्वा लोकगुरुर् दिवम् ॥

tām eva viviśuḥ sarve devān nikṣipya cāmbhasi | tathā svargagataṃ sarvaṃ kṛtvā lokagurur divam

into that very [source] all entered, [their divine forms] being laid in the water. Thus, having made everything go to heaven, the preceptor of the worlds, to heaven,

अपने दिव्य रूप को जल में छोड़कर वे सब उसी (स्रोत) में प्रविष्ट हो गए। इस प्रकार सबको स्वर्गगत करके लोकगुरु (ब्रह्मा) स्वर्ग को—

Verse 25

जगाम त्रिदशैः सार्धं हृष्टैर् हृष्टो महामतिः ॥

jagāma tridaśaiḥ sārdhaṃ hṛṣṭair hṛṣṭo mahāmatiḥ

went, together with the thirty gods, joyful [himself] among the joyful — that one of great mind.

हर्षित देवताओं के साथ, स्वयं हर्षित होकर, वे महामति (ब्रह्मा) स्वर्ग को चले गए।