Sarga 97

Verse 1

अथ संस्मारयाम् आस राघवं मातलिस् तदा । अजानन्न् इव किं वीर त्वम् एनम् अनुवर्तसे ॥

atha saṃsmārayām āsa rāghavaṃ mātalis tadā | ajānann iva kiṃ vīra tvam enam anuvartase

Then Mātali reminded Rāghava: "As though you knew it not, O hero — why do you contend with him thus?"

तब उस समय मातलि ने राघव को स्मरण कराया—"हे वीर! मानो न जानते हुए के समान तुम इसके साथ इस प्रकार क्यों जूझते जा रहे हो?

Verse 2

विसृजास्मै वधाय त्वम् अस्त्रं पैतामहं प्रभो । विनाशकालः कथितो यः सुरैः सो ऽद्य वर्तते ॥

visṛjāsmai vadhāya tvam astraṃ paitāmahaṃ prabho | vināśakālaḥ kathito yaḥ suraiḥ so 'dya vartate

"Loose upon him for his slaying, O lord, the weapon of the Grandsire (Brahmā); the hour of destruction foretold by the gods is now at hand."

हे प्रभु! इसके वध के लिए आप ब्रह्मा का दिया हुआ अस्त्र छोड़िए; देवताओं ने जिस विनाश-काल का वर्णन किया था, वह आज उपस्थित है।"

Verse 3

ततः संस्मारितो रामस् तेन वाक्येन मातलेः । जग्राह स शरं दीप्तं निश्वसन्तम् इवोरगम् ॥

tataḥ saṃsmārito rāmas tena vākyena mātaleḥ | jagrāha sa śaraṃ dīptaṃ niśvasantam ivoragam

Thus reminded by Mātali's words, Rāma took up a blazing arrow that hissed like a serpent.

तब मातलि के उस वचन से स्मरण कराए गए राम ने साँस छोड़ते सर्प के समान जलते हुए एक बाण को उठा लिया।

Verse 4

यम् अस्मै प्रथमं प्रादाद् अगस्त्यो भगवान् ऋषिः । ब्रह्मदत्तं महद् बाणम् अमोघं युधि वीर्यवान् ॥

yam asmai prathamaṃ prādād agastyo bhagavān ṛṣiḥ | brahmadattaṃ mahad bāṇam amoghaṃ yudhi vīryavān

It was the great, unerring shaft, bestowed by Brahmā, which the venerable sage Agastya had first given him, the valiant one, for the fight.

यह वही ब्रह्मा का दिया हुआ महान्, अमोघ बाण था, जिसे पराक्रमी राम को युद्ध के लिए पहले भगवान् ऋषि अगस्त्य ने दिया था।

Verse 5

ब्रह्मणा निर्मितं पूर्वम् इन्द्रार्थम् अमितौजसा । दत्तं सुरपतेः पूर्वं त्रिलोकजयकाङ्क्षिणः ॥

brahmaṇā nirmitaṃ pūrvam indrārtham amitaujasā | dattaṃ surapateḥ pūrvaṃ trilokajayakāṅkṣiṇaḥ

Fashioned of old by Brahmā of immeasurable might for Indra's sake, it had been given long ago to the lord of the gods when he sought to conquer the three worlds.

इसे अपरिमित तेजवाले ब्रह्मा ने पूर्वकाल में इन्द्र के लिए बनाया था, और तीनों लोकों पर विजय चाहने वाले देवराज को पहले दिया था।

Verse 6

यस्य वाजेषु पवनः फले पावकभास्करौ । शरीरम् आकाशमयं गौरवे मेरुमन्दरौ ॥

yasya vājeṣu pavanaḥ phale pāvakabhāskarau | śarīram ākāśamayaṃ gaurave merumandarau

In its feathers was the wind; in its point, fire and sun; its shaft was made of ether, and in weight it was as Meru and Mandara.

जिसके पंखों में वायु था, नोक में अग्नि और सूर्य, जिसका शरीर आकाशमय था, और भार में जो मेरु तथा मन्दर के समान था।

Verse 7

जाज्वल्यमानं वपुषा सुपुङ्खं हेमभूषितम् । तेजसा सर्वभूतानां कृतं भास्करवर्चसं ॥

jājvalyamānaṃ vapuṣā supuṅkhaṃ hemabhūṣitam | tejasā sarvabhūtānāṃ kṛtaṃ bhāskaravarcasaṃ

Blazing in its body, finely-feathered and adorned with gold, made with the energy of all beings and with the splendour of the sun,

जो शरीर से जाज्वल्यमान, सुन्दर पंखोंवाला, सोने से सजा हुआ था, समस्त प्राणियों के तेज से और सूर्य की कान्ति से बनाया गया था।

Verse 8

सधूमम् इव कालाग्निं दीप्तम् आशीविषं यथा । रथनागाश्ववृन्दानां भेदनं क्षिप्रकारिणम् ॥

sadhūmam iva kālāgniṃ dīptam āśīviṣaṃ yathā | rathanāgāśvavṛndānāṃ bhedanaṃ kṣiprakāriṇam

like the smoking fire of doom, flaming like a venomous serpent, swift to shatter hosts of chariots, elephants and horses,

जो धुएँ सहित कालाग्नि के समान, जलते विषधर सर्प के समान था, और रथ, हाथी तथा घोड़ों के समूहों को शीघ्र छेद डालने वाला था।

Verse 9

द्वाराणां परिघाणां च गिरीणाम् अपि भेदनम् । नानारुधिरसिक्ताङ्गं मेदोदिग्धं सुदारुणम् ॥

dvārāṇāṃ parighāṇāṃ ca girīṇām api bhedanam | nānārudhirasiktāṅgaṃ medodigdhaṃ sudāruṇam

a breaker of gates and iron bars and of very mountains, its body wet with manifold blood and smeared with marrow, most dreadful,

जो द्वारों, परिघों और पर्वतों तक को भेद डालने वाला, नाना प्रकार के रक्त से भीगे अंगवाला, चर्बी से लिपटा हुआ और अत्यन्त भयंकर था।

Verse 10

वज्रसारं महानादं नानासमितिदारुणम् । सर्ववित्रासनं भीमं श्वसन्तम् इव पन्नगम् ॥

vajrasāraṃ mahānādaṃ nānāsamitidāruṇam | sarvavitrāsanaṃ bhīmaṃ śvasantam iva pannagam

hard as adamant, loud-roaring, terrible in many a battle, striking terror into all, fearsome, hissing like a serpent,

जो वज्र के समान कठोर, महानाद करने वाला, अनेक युद्धों में भयंकर, सबको त्रास देने वाला, डरावना और साँस लेते सर्प के समान था।

Verse 11

कङ्कगृध्रबलानां च गोमायुगणरक्षसाम् । नित्यं भक्षप्रदं युद्धे यमरूपं भयावहम् ॥

kaṅkagṛdhrabalānāṃ ca gomāyugaṇarakṣasām | nityaṃ bhakṣapradaṃ yuddhe yamarūpaṃ bhayāvaham

ever a giver of food in war to herons, vultures, flocks of crows, packs of jackals and rākṣasas, fearful, in the very form of Yama,

जो युद्ध में कंकों, गीधों, कौओं के झुंडों, सियारों के समूहों और राक्षसों को सदा भोजन देने वाला, भयावह और साक्षात् यमरूप था।

Verse 12

नन्दनं वानरेन्द्राणां रक्षसाम् अवसादनम् । वाजितं विविधैर् वाजैश् चारुचित्रैर् गरुत्मतः ॥

nandanaṃ vānarendrāṇāṃ rakṣasām avasādanam | vājitaṃ vividhair vājaiś cārucitrair garutmataḥ

the delight of the lords of monkeys, the undoing of rākṣasas, winged with the various fair and bright plumes of Garuḍa —

जो वानरराजों को आनन्द देने वाला, राक्षसों का संहारक, और गरुड़ के नाना सुन्दर-चित्रित पंखों से युक्त था।

Verse 13

तम् उत्तमेषुं लोकानाम् इक्ष्वाकुभयनाशनम् । द्विषतां कीर्तिहरणं प्रहर्षकरम् आत्मनः ॥

tam uttameṣuṃ lokānām ikṣvākubhayanāśanam | dviṣatāṃ kīrtiharaṇaṃ praharṣakaram ātmanaḥ

that peerless shaft, the dispeller of the Ikṣvākus' fear for the worlds, the robber of the glory of foes, the bringer of joy to himself —

जो लोकों के लिए इक्ष्वाकुओं का भय दूर करने वाला, शत्रुओं की कीर्ति हरने वाला और स्वयं को हर्ष देने वाला वह उत्तम बाण था—

Verse 14

अभिमन्त्र्य ततो रामस् तं महेषुं महाबलः । वेदप्रोक्तेन विधिना संदधे कार्मुके बली ॥

abhimantrya tato rāmas taṃ maheṣuṃ mahābalaḥ | vedaproktena vidhinā saṃdadhe kārmuke balī

having consecrated that great arrow with mantras, the mighty Rāma then, by the rite ordained in the Vedas, fitted the strong one to his bow.

उस महान् बाण को मंत्रों से अभिमंत्रित करके, महाबली बलवान् राम ने वेद में कहे गए विधान से उसे धनुष पर सन्धान किया।

Verse 15

स रावणाय संक्रुद्धो भृशम् आयम्य कार्मुकम् । चिक्षेप परम् आयत्तस् तं शरं मर्मघातिनम् ॥

sa rāvaṇāya saṃkruddho bhṛśam āyamya kārmukam | cikṣepa param āyattas taṃ śaraṃ marmaghātinam

Enraged at Rāvaṇa, drawing the bow hard to its full, utterly intent, he loosed that shaft that strikes to the vitals.

रावण पर क्रुद्ध होकर, धनुष को पूरी तरह खींचकर, अत्यन्त एकाग्र होकर उन्होंने उस मर्मभेदी बाण को छोड़ा।

Verse 16

स वज्र इव दुर्धर्षो वज्रबाहुविसर्जितः । कृतान्त इव चावार्यो न्यपतद् रावणोरसि ॥

sa vajra iva durdharṣo vajrabāhuvisarjitaḥ | kṛtānta iva cāvāryo nyapatad rāvaṇorasi

Irresistible as the thunderbolt hurled by the thunderbolt-armed (Indra), unstoppable as Fate itself, it fell upon Rāvaṇa's breast.

वज्रबाहु (इन्द्र) के छोड़े वज्र के समान दुर्धर्ष, साक्षात् काल के समान अनिवार्य वह बाण रावण की छाती पर आ गिरा।

Verse 17

स विसृष्टो महावेगः शरीरान्तकरः शरः । बिभेद हृदयं तस्य रावणस्य दुरात्मनः ॥

sa visṛṣṭo mahāvegaḥ śarīrāntakaraḥ śaraḥ | bibheda hṛdayaṃ tasya rāvaṇasya durātmanaḥ

That arrow, loosed with great speed, the ender of the body, clove the heart of the evil-souled Rāvaṇa.

महावेग से छोड़ा गया, शरीर का अन्त कर देने वाला वह बाण उस दुरात्मा रावण के हृदय को चीर गया।

Verse 18

रुधिराक्तः स वेगेन जीवितान्तकरः शरः । रावणस्य हरन् प्राणान् विवेश धरणीतलम् ॥

rudhirāktaḥ sa vegena jīvitāntakaraḥ śaraḥ | rāvaṇasya haran prāṇān viveśa dharaṇītalam

Wet with blood, that life-ending shaft, bearing off the breath of Rāvaṇa, sped on and entered the earth.

रक्त से सना, जीवन का अन्त करने वाला वह बाण, रावण के प्राणों को हरते हुए, वेग से पृथ्वी-तल में समा गया।

Verse 19

स शरो रावणं हत्वा रुधिरार्द्रकृतच्छविः । कृतकर्मा निभृतवत् स्वतूणीं पुनर् आविशत् ॥

sa śaro rāvaṇaṃ hatvā rudhirārdrakṛtacchaviḥ | kṛtakarmā nibhṛtavat svatūṇīṃ punar āviśat

Having slain Rāvaṇa, its hue reddened with blood, the arrow, its work done, quietly returned again to its own quiver.

रावण को मारकर, रक्त से भीगे रंगवाला वह बाण, अपना कर्म पूरा करके, चुपचाप फिर अपने तरकश में लौट आया।

Verse 20

तस्य हस्ताद् धतस्याशु कार्मुकं तत् ससायकम् । निपपात सह प्राणैर् भ्रश्यमानस्य जीवितात् ॥

tasya hastād dhatasyāśu kārmukaṃ tat sasāyakam | nipapāta saha prāṇair bhraśyamānasya jīvitāt

From the hand of the stricken one, as his life was slipping away, the bow with its arrow fell, together with his breath.

मारे गए उसके हाथ से, जीवन से च्युत होते हुए उसके प्राणों के साथ ही वह बाण-सहित धनुष तुरन्त गिर पड़ा।

Verse 21

गतासुर् भीमवेगस् तु नैरृतेन्द्रो महाद्युतिः । पपात स्यन्दनाद् भूमौ वृत्रो वज्रहतो यथा ॥

gatāsur bhīmavegas tu nairṛtendro mahādyutiḥ | papāta syandanād bhūmau vṛtro vajrahato yathā

Life gone, the lord of the nairṛtas (rākṣasas) of dreadful speed and great lustre fell from his chariot to the earth, as Vṛtra fell smitten by the thunderbolt.

प्राण-रहित होकर भयंकर वेगवाला, महातेजस्वी निशाचरराज रथ से भूमि पर वैसे ही गिर पड़ा जैसे वज्र से मारा गया वृत्र।

Verse 22

तं दृष्ट्वा पतितं भूमौ हतशेषा निशाचराः । हतनाथा भयत्रस्ताः सर्वतः संप्रदुद्रुवुः ॥

taṃ dṛṣṭvā patitaṃ bhūmau hataśeṣā niśācarāḥ | hatanāthā bhayatrastāḥ sarvataḥ saṃpradudruvuḥ

Seeing him fallen to the ground, the surviving night-rangers, their lord slain and gripped by terror, fled in all directions.

उसे भूमि पर गिरा देखकर बचे हुए निशाचर, अपने स्वामी के मारे जाने से भय-त्रस्त होकर, चारों ओर भाग निकले।

Verse 23

नर्दन्तश् चाभिपेतुस् तान् वानरा द्रुमयोधिनः । दशग्रीववधं दृष्ट्वा विजयं राघवस्य च ॥

nardantaś cābhipetus tān vānarā drumayodhinaḥ | daśagrīvavadhaṃ dṛṣṭvā vijayaṃ rāghavasya ca

Roaring, the tree-wielding monkeys fell upon them, beholding the slaying of the Ten-necked one and the victory of Rāghava.

दशग्रीव का वध और राघव की विजय देखकर, गर्जते हुए वृक्षों से युद्ध करने वाले वानर उन पर टूट पड़े।

Verse 24

अर्दिता वानरैर् हृष्टैर् लङ्काम् अभ्यपतन् भयात् । हताश्रयत्वात् करुणैर् बाष्पप्रस्रवणैर् मुखैः ॥

arditā vānarair hṛṣṭair laṅkām abhyapatan bhayāt | hatāśrayatvāt karuṇair bāṣpaprasravaṇair mukhaiḥ

Harried by the exultant monkeys, they fled in fear toward Laṅkā, their lord gone, their faces piteous and streaming with tears.

हर्षित वानरों से पीड़ित होकर, स्वामी के चले जाने से करुण और आँसू बहाते मुखों से वे भय से लंका की ओर भाग चले।

Verse 25

ततो विनेदुः संहृष्टा वानरा जितकाशिनः । वदन्तो राघवजयं रावणस्य च तं वधम् ॥

tato vineduḥ saṃhṛṣṭā vānarā jitakāśinaḥ | vadanto rāghavajayaṃ rāvaṇasya ca taṃ vadham

Then the monkeys, radiant with victory, roared in exultation, proclaiming Rāghava's triumph and that slaying of Rāvaṇa.

तब विजय से उद्भासित वानर, राघव की विजय और रावण के उस वध की घोषणा करते हुए, हर्ष से गर्जना करने लगे।

Verse 26

अथान्तरिक्षे व्यनदत् सौम्यस् त्रिदशदुन्दुभिः । दिव्यगन्धवहस् तत्र मारुतः सुसुखो ववौ ॥

athāntarikṣe vyanadat saumyas tridaśadundubhiḥ | divyagandhavahas tatra mārutaḥ susukho vavau

Then in the sky the gentle drums of the gods resounded, and a wind bearing celestial fragrance blew there most sweetly.

तब अन्तरिक्ष में देवताओं की मधुर दुन्दुभियाँ बज उठीं, और वहाँ दिव्य सुगन्ध लिए हुए अत्यन्त सुखद वायु बहने लगी।

Verse 27

निपपातान्तरिक्षाच् च पुष्पवृष्टिस् तदा भुवि । किरन्ती राघवरथं दुरवापा मनोहराः ॥

nipapātāntarikṣāc ca puṣpavṛṣṭis tadā bhuvi | kirantī rāghavarathaṃ duravāpā manoharāḥ

And a rain of flowers fell then from the sky to earth, strewing Rāghava's chariot — lovely blossoms hard to obtain.

और उस समय अन्तरिक्ष से पृथ्वी पर पुष्पों की वर्षा हुई, जो राघव के रथ पर दुर्लभ और मनोहर फूल बिखेरने लगी।

Verse 28

राघवस् तव संयुक्ता गगने च विशुश्रुवे । साधु साध्व् इति वाग् अग्र्या देवतानां महात्मनाम् ॥

rāghavas tava saṃyuktā gagane ca viśuśruve | sādhu sādhv iti vāg agryā devatānāṃ mahātmanām

And in the sky there was heard, directed toward Rāghava, the foremost voice of the great-souled gods: "Well done! Well done!"

और आकाश में राघव के प्रति कही गई महात्मा देवताओं की श्रेष्ठ वाणी सुनाई पड़ी—"साधु! साधु!"

Verse 29

आविवेश महान् हर्षो देवानां चारणैः सह । रावणे निहते रौद्रे सर्वलोकभयंकरे ॥

āviveśa mahān harṣo devānāṃ cāraṇaiḥ saha | rāvaṇe nihate raudre sarvalokabhayaṃkare

A great joy possessed the gods together with the cāraṇas, now that the dreadful Rāvaṇa, terror of all the worlds, was slain.

समस्त लोकों को भय देने वाले भयंकर रावण के मारे जाने पर चारणों सहित देवताओं को महान् हर्ष हुआ।

Verse 30

ततः सकामं सुग्रीवम् अङ्गदं च महाबलम् । चकार राघवः प्रीतो हत्वा राक्षसपुंगवम् ॥

tataḥ sakāmaṃ sugrīvam aṅgadaṃ ca mahābalam | cakāra rāghavaḥ prīto hatvā rākṣasapuṃgavam

Then, gladdened, Rāghava fulfilled the wishes of Sugrīva and of the mighty Aṅgada, having slain that bull among rākṣasas.

तब उस राक्षसश्रेष्ठ को मारकर प्रसन्न हुए राघव ने सुग्रीव और महाबली अंगद की कामना पूर्ण की।

Verse 31

ततः प्रजग्मुः प्रशमं मरुद्गणा; दिशः प्रसेदुर् विमलं नभो ऽभवत् । मही चकम्पे न च मारुता ववुः; स्थिरप्रभश् चाप्य् अभवद् दिवाकरः ॥

tataḥ prajagmuḥ praśamaṃ marudgaṇā; diśaḥ prasedur vimalaṃ nabho 'bhavat | mahī cakampe na ca mārutā vavuḥ; sthiraprabhaś cāpy abhavad divākaraḥ

Then the hosts of the Maruts grew calm, the quarters became clear, the sky turned spotless; the earth ceased to quake, the winds ceased to blow, and the sun shone with a steady light.

तब मरुद्गण शान्त हो गए, दिशाएँ स्वच्छ हो गईं, आकाश निर्मल हो गया; पृथ्वी का काँपना रुक गया, वायु बहनी बन्द हो गई, और सूर्य स्थिर कान्ति से चमकने लगा।

Verse 32

ततस् तु सुग्रीवविभीषणादयः; सुहृद्विशेषाः सहलक्ष्मणास् तदा । समेत्य हृष्टा विजयेन राघवं; रणे ऽभिरामं विधिनाभ्यपूजयन् ॥

tatas tu sugrīvavibhīṣaṇādayaḥ; suhṛdviśeṣāḥ sahalakṣmaṇās tadā | sametya hṛṣṭā vijayena rāghavaṃ; raṇe 'bhirāmaṃ vidhinābhyapūjayan

Then Sugrīva, Vibhīṣaṇa and the other close friends, with Lakṣmaṇa, gathering joyfully, honoured as is fitting Rāghava, radiant with victory and beauteous in the fight.

तब सुग्रीव, विभीषण आदि विशेष सुहृद् लक्ष्मण सहित प्रसन्नतापूर्वक एकत्र होकर, विजय से उद्भासित और युद्ध में सुन्दर राघव का विधिपूर्वक सम्मान करने लगे।

Verse 33

स तु निहतरिपुः स्थिरप्रतिज्ञः; स्वजनबलाभिवृतो रणे रराज । रघुकुलनृपनन्दनो महौजास्; त्रिदशगणैर् अभिसंवृतो यथेन्द्रः ॥

sa tu nihataripuḥ sthirapratijñaḥ; svajanabalābhivṛto raṇe rarāja | raghukulanṛpanandano mahaujās; tridaśagaṇair abhisaṃvṛto yathendraḥ

His foe slain, his vow kept firm, surrounded in the battle by his own kin and host, the mighty delight of the Raghu line shone forth, encompassed by the throngs of the thirty gods as Indra is encompassed.

शत्रु को मारकर, अपनी प्रतिज्ञा को दृढ़तापूर्वक निभाकर, युद्ध में अपने स्वजनों और सेना से घिरे रघुकुल के राजनन्दन महातेजस्वी राम वैसे ही शोभा पाने लगे जैसे देवगणों से घिरे हुए इन्द्र।