Sarga 18

Verse 1

स तां परिवृतां दीनां निरानन्दां तपस्विनीम् । साकारैर् मधुरैर् वाक्यैर् न्यदर्शयत रावणः ॥

sa tāṃ parivṛtāṃ dīnāṃ nirānandāṃ tapasvinīm | sākārair madhurair vākyair nyadarśayata rāvaṇaḥ

Rāvaṇa, in sweet words full of gestures, revealed his desire to her—encircled by the guards, wretched, joyless, and worn by her austere life.

रक्षों से घिरी हुई, दीन, आनन्दहीन और तपस्या से क्षीण उस सीता को रावण ने भाव-भरे मधुर वचनों द्वारा अपना अभिप्राय प्रकट किया।

Verse 2

मां दृष्ट्वा नागनासोरुगूहमाना स्तनोदरम् । अदर्शनम् इवात्मानं भयान् नेतुं त्वम् इच्छसि ॥

māṃ dṛṣṭvā nāganāsorugūhamānā stanodaram | adarśanam ivātmānaṃ bhayān netuṃ tvam icchasi

"Seeing me, O you whose thighs are like an elephant's trunk, you hide your breasts and belly and wish out of fear to make yourself, as it were, invisible."

"हे गजशुण्ड-सदृश ऊरुओं वाली! मुझे देखकर तुम अपने स्तनों और उदर को ढाँपती हुई भय के कारण मानो स्वयं को अदृश्य कर लेना चाहती हो।"

Verse 3

कामये त्वां विशालाक्षि बहुमन्यस्व मां प्रिये । सर्वाङ्गगुणसंपन्ने सर्वलोकमनोहरे ॥

kāmaye tvāṃ viśālākṣi bahumanyasva māṃ priye | sarvāṅgaguṇasaṃpanne sarvalokamanohare

"I desire you, O wide-eyed one; hold me in high regard, beloved—you who are endowed with every excellence of limb, enchanting to all the worlds."

"हे विशाल नेत्रों वाली! मैं तुम्हें चाहता हूँ; हे प्रिये, मुझे आदर दो। हे सर्वाङ्ग-गुणों से सम्पन्न, समस्त लोकों के मन को मोहने वाली!"

Verse 4

नेह के चिन् मनुष्या वा राक्षसाः कामरूपिणः । व्यपसर्पतु ते सीते भयं मत्तः समुत्थितम् ॥

neha ke cin manuṣyā vā rākṣasāḥ kāmarūpiṇaḥ | vyapasarpatu te sīte bhayaṃ mattaḥ samutthitam

"There are here no men, nor rākṣasas who can take any form at will. Let the fear that has risen in you on my account depart, O Sītā."

"हे सीते! यहाँ न कोई मनुष्य है और न इच्छानुसार रूप धारण करने वाले राक्षस। मेरे कारण तुम्हारे मन में जो भय उठा है, वह दूर हो जाए।"

Verse 5

स्वधर्मे रक्षसां भीरु सर्वथैष न संशयः । गमनं वा परस्त्रीणां हरणं संप्रमथ्य वा ॥

svadharme rakṣasāṃ bhīru sarvathaiṣa na saṃśayaḥ | gamanaṃ vā parastrīṇāṃ haraṇaṃ saṃpramathya vā

"For the rākṣasas it is by their own law entirely sanctioned, O timid one—of this there is no doubt—to go to the wives of others, or to carry them off by force."

"हे भीरु! राक्षसों के अपने धर्म में यह सर्वथा मान्य है, इसमें कोई सन्देह नहीं—कि वे पराई स्त्रियों के पास जाएँ अथवा उन्हें बलपूर्वक हर लें।"

Verse 6

एवं चैतद् अकामां च न त्वां स्प्रक्ष्यामि मैथिलि । कामं कामः शरीरे मे यथाकामं प्रवर्तताम् ॥

evaṃ caitad akāmāṃ ca na tvāṃ sprakṣyāmi maithili | kāmaṃ kāmaḥ śarīre me yathākāmaṃ pravartatām

"Yet even so, O Maithilī, I will not touch you against your will; let desire work in my body as it will."

Rāvaṇa claims he could seize her by right, but says he will not force himself upon her unwilling.

"फिर भी, हे मैथिलि! मैं तुम्हें तुम्हारी इच्छा के विरुद्ध नहीं छूऊँगा; भले ही मेरे शरीर में काम जैसे चाहे वैसे प्रवर्तित होता रहे।"

Verse 7

देवि नेह भयं कार्यं मयि विश्वसिहि प्रिये । प्रणयस्व च तत्त्वेन मैवं भूः शोकलालसा ॥

devi neha bhayaṃ kāryaṃ mayi viśvasihi priye | praṇayasva ca tattvena maivaṃ bhūḥ śokalālasā

"O lady, no fear need be felt here; trust in me, beloved. Love me truly, and be not thus given over to grief."

"हे देवि! यहाँ भय करने की आवश्यकता नहीं; हे प्रिये, मुझ पर विश्वास करो। सच्चे मन से मुझसे प्रेम करो और इस प्रकार शोक में डूबी हुई मत रहो।"

Verse 8

एकवेणी धराशय्या ध्यानं मलिनम् अम्बरम् । अस्थाने ऽप्य् उपवासश् च नैतान्य् औपयिकानि ते ॥

ekaveṇī dharāśayyā dhyānaṃ malinam ambaram | asthāne 'py upavāsaś ca naitāny aupayikāni te

"A single braid, a bed on the bare ground, brooding, soiled garments, and fasting out of season—these things do not befit you."

"एक ही वेणी में बँधे केश, धरती पर शयन, निरन्तर चिन्तन, मलिन वस्त्र और असमय का उपवास—ये सब तुम्हारे योग्य नहीं हैं।"

Verse 9

विचित्राणि च माल्यानि चन्दनान्य् अगरूणि च । विविधानि च वासांसि दिव्यान्य् आभरणानि च ॥

vicitrāṇi ca mālyāni candanāny agarūṇi ca | vividhāni ca vāsāṃsi divyāny ābharaṇāni ca

"Wondrous garlands, sandal-paste and aloewood, garments of many kinds, and heavenly ornaments,"

"विचित्र पुष्पमालाएँ, चन्दन और अगरु, नाना प्रकार के वस्त्र और दिव्य आभूषण,"

Verse 10

महार्हाणि च पानानि यानानि शयनानि च । गीतं नृत्तं च वाद्यं च लभ मां प्राप्य मैथिलि ॥

mahārhāṇi ca pānāni yānāni śayanāni ca | gītaṃ nṛttaṃ ca vādyaṃ ca labha māṃ prāpya maithili

"costly drinks, carriages and couches, song, dance and music—all these win for yourself, O Maithilī, by gaining me."

"बहुमूल्य पेय, वाहन और शय्याएँ, गीत, नृत्य और वाद्य—हे मैथिलि, मुझे प्राप्त करके इन सबको अपना लो।"

Verse 11

स्त्रीरत्नम् असि मैवं भूः कुरु गात्रेषु भूषणम् । मां प्राप्य तु कथं हि स्यास् त्वम् अनर्हा सुविग्रहे ॥

strīratnam asi maivaṃ bhūḥ kuru gātreṣu bhūṣaṇam | māṃ prāpya tu kathaṃ hi syās tvam anarhā suvigrahe

"You are a jewel among women; be not thus. Set ornaments upon your limbs. Having won me, how could you remain unadorned, O fair-formed one?"

"तुम स्त्रियों में रत्न हो; ऐसी मत बनी रहो। अपने अंगों पर आभूषण धारण करो। हे सुन्दर रूप वाली! मुझे पाकर भी तुम आभूषणहीन कैसे रह सकती हो?"

Verse 12

इदं ते चारुसंजातं यौवनं व्यतिवर्तते । यद् अतीतं पुनर् नैति स्रोतः शीघ्रम् अपाम् इव ॥

idaṃ te cārusaṃjātaṃ yauvanaṃ vyativartate | yad atītaṃ punar naiti srotaḥ śīghram apām iva

"This beautifully formed youth of yours is slipping away; what has passed does not come again, like the swift current of waters."

"तुम्हारा यह सुन्दर ढंग से खिला हुआ यौवन बीता जा रहा है; जो बीत जाता है वह जल की तीव्र धारा के समान फिर लौटकर नहीं आता।"

Verse 13

त्वां कृत्वोपरतो मन्ये रूपकर्ता स विश्वकृत् । न हि रूपोपमा त्व् अन्या तवास्ति शुभदर्शने ॥

tvāṃ kṛtvoparato manye rūpakartā sa viśvakṛt | na hi rūpopamā tv anyā tavāsti śubhadarśane

"I think that the Maker of forms, the fashioner of the universe, ceased his work when he had made you; for there is no other whose beauty can be likened to yours, O lovely to behold."

"मैं समझता हूँ कि उस विश्वरचयिता रूप-निर्माता ने तुम्हें रचकर अपना कार्य ही समाप्त कर दिया; क्योंकि हे शुभदर्शने, तुम्हारे रूप की उपमा देने योग्य दूसरी कोई है ही नहीं।"

Verse 14

त्वां समासाद्य वैदेहि रूपयौवनशालिनीम् । कः पुमान् अतिवर्तेत साक्षाद् अपि पितामहः ॥

tvāṃ samāsādya vaidehi rūpayauvanaśālinīm | kaḥ pumān ativarteta sākṣād api pitāmahaḥ

"Coming upon you, O Vaidehī, radiant with beauty and youth, what man could pass you by—even the Grandsire himself in person?"

"हे वैदेहि! रूप और यौवन से सुशोभित तुम्हें पाकर कौन पुरुष तुम्हें छोड़कर आगे बढ़ सकता है—साक्षात् ब्रह्मा भी नहीं।"

Verse 15

यद् यत् पश्यामि ते गात्रं शीतांशुसदृशानने । तस्मिंस् तस्मिन् पृथुश्रोणि चक्षुर् मम निबध्यते ॥

yad yat paśyāmi te gātraṃ śītāṃśusadṛśānane | tasmiṃs tasmin pṛthuśroṇi cakṣur mama nibadhyate

"Whatever limb of yours I behold, O you whose face is like the cool-rayed moon, upon that very one, O broad-hipped lady, my eye is held fast."

"हे शीतल किरणों वाले चन्द्रमा के समान मुख वाली! मैं तुम्हारे जिस-जिस अंग को देखता हूँ, हे पृथुल नितम्बों वाली, वहीं-वहीं मेरी दृष्टि बँध जाती है।"

Verse 16

भव मैथिलि भार्या मे मोहम् एनं विसर्जय । बह्वीनाम् उत्तमस्त्रीणां ममाग्रमहिषी भव ॥

bhava maithili bhāryā me moham enaṃ visarjaya | bahvīnām uttamastrīṇāṃ mamāgramahiṣī bhava

"Be my wife, O Maithilī; cast off this delusion. Among many excellent women become my chief queen."

"हे मैथिलि! मेरी भार्या बनो, इस मोह को त्याग दो। अनेक उत्तम स्त्रियों में मेरी पटरानी बनो।"

Verse 17

लोकेभ्यो यानि रत्नानि संप्रमथ्याहृतानि मे । तानि ते भीरु सर्वाणि राज्यं चैतद् अहं च ते ॥

lokebhyo yāni ratnāni saṃpramathyāhṛtāni me | tāni te bhīru sarvāṇi rājyaṃ caitad ahaṃ ca te

"The jewels that I have seized and carried off from all the worlds—all these are yours, O timid one, and this kingdom, and I myself."

"हे भीरु! समस्त लोकों से मथकर जो रत्न मैंने ले आया हूँ, वे सब तुम्हारे हैं, और यह राज्य भी, और मैं स्वयं भी तुम्हारा हूँ।"

Verse 18

विजित्य पृथिवीं सर्वां नानानगरमालिनीम् । जनकाय प्रदास्यामि तव हेतोर् विलासिनि ॥

vijitya pṛthivīṃ sarvāṃ nānānagaramālinīm | janakāya pradāsyāmi tava hetor vilāsini

"Conquering the whole earth, garlanded with its many cities, I will give it to Janaka for your sake, O charming one."

"हे विलासिनि! अनेक नगरों की माला से सुशोभित इस सारी पृथ्वी को जीतकर मैं तुम्हारे लिए जनक को दे दूँगा।"

Verse 19

नेह पश्यामि लोके ऽन्यं यो मे प्रतिबलो भवेत् । पश्य मे सुमहद् वीर्यम् अप्रतिद्वन्द्वम् आहवे ॥

neha paśyāmi loke 'nyaṃ yo me pratibalo bhavet | paśya me sumahad vīryam apratidvandvam āhave

"I see no other in this world who could be a match for me. Behold my vast prowess, unrivalled in battle."

"इस संसार में मैं ऐसा कोई दूसरा नहीं देखता जो मेरे समान बलवान हो। युद्ध में अप्रतिद्वन्द्व मेरे इस महान पराक्रम को देखो।"

Verse 20

असकृत् संयुगे भग्ना मया विमृदितध्वजाः । अशक्ताः प्रत्यनीकेषु स्थातुं मम सुरासुराः ॥

asakṛt saṃyuge bhagnā mayā vimṛditadhvajāḥ | aśaktāḥ pratyanīkeṣu sthātuṃ mama surāsurāḥ

"More than once in combat the gods and demons, routed by me, their banners crushed, have been unable to stand against my front."

"अनेक बार युद्ध में मेरे द्वारा पराजित होकर, अपनी ध्वजाएँ चूर्ण करवाकर, देवता और असुर मेरे सामने मोर्चे पर टिक नहीं सके।"

Verse 21

इच्छ मां क्रियताम् अद्य प्रतिकर्म तवोत्तमम् । सप्रभाण्य् अवसज्जन्तां तवाङ्गे भूषणानि च । साधु पश्यामि ते रूपं संयुक्तं प्रतिकर्मणा ॥

iccha māṃ kriyatām adya pratikarma tavottamam | saprabhāṇy avasajjantāṃ tavāṅge bhūṣaṇāni ca | sādhu paśyāmi te rūpaṃ saṃyuktaṃ pratikarmaṇā

"Desire me; let the finest adornment be made for you this day. Let shining ornaments be fastened upon your body. I long to see your beauty duly joined with such adornment."

"मुझे चाहो; आज तुम्हारा उत्तम शृंगार किया जाए। तुम्हारे अंगों पर चमकते हुए आभूषण सजाए जाएँ। शृंगार से युक्त तुम्हारे रूप को मैं भली-भाँति देखना चाहता हूँ।"

Verse 22

प्रतिकर्माभिसंयुक्ता दाक्षिण्येन वरानने । भुङ्क्ष्व भोगान् यथाकामं पिब भीरु रमस्व च । यथेष्टं च प्रयच्छ त्वं पृथिवीं वा धनानि च ॥

pratikarmābhisaṃyuktā dākṣiṇyena varānane | bhuṅkṣva bhogān yathākāmaṃ piba bhīru ramasva ca | yatheṣṭaṃ ca prayaccha tvaṃ pṛthivīṃ vā dhanāni ca

"Decked out and graced with charm, O fair-faced one, enjoy pleasures as you will, drink, O timid one, and take your delight; and bestow as you please the earth, or wealth."

"हे वरमुखी! शृंगार से सजी और माधुर्य से युक्त होकर, हे भीरु, इच्छानुसार भोगों को भोगो, पियो और आनन्द करो; और जैसा चाहो वैसे पृथ्वी अथवा धन दान करो।"

Verse 23

ललस्व मयि विस्रब्धा धृष्टम् आज्ञापयस्व च । मत्प्रभावाल् ललन्त्याश् च ललन्तां बान्धवास् तव ॥

lalasva mayi visrabdhā dhṛṣṭam ājñāpayasva ca | matprabhāvāl lalantyāś ca lalantāṃ bāndhavās tava

"Sport in confidence with me, and command boldly; and through my power, while you take your delight, let your kinsfolk take their delight as well."

"मुझ पर विश्वास कर निश्चिन्त होकर क्रीड़ा करो और निडरता से आज्ञा दो; और मेरे प्रभाव से, जब तुम आनन्द करोगी, तो तुम्हारे बन्धुजन भी आनन्द करें।"

Verse 24

ऋद्धिं ममानुपश्य त्वं श्रियं भद्रे यशश् च मे । किं करिष्यसि रामेण सुभगे चीरवाससा ॥

ṛddhiṃ mamānupaśya tvaṃ śriyaṃ bhadre yaśaś ca me | kiṃ kariṣyasi rāmeṇa subhage cīravāsasā

"Behold my prosperity, my splendor, O gracious one, and my fame. What will you do with Rāma, O fortunate one, clad in bark garments?"

"हे भद्रे! मेरी समृद्धि, मेरी श्री और मेरे यश को देखो। हे सौभाग्यवती! वल्कल पहने हुए राम को लेकर तुम क्या करोगी?"

Verse 25

निक्षिप्तविजयो रामो गतश्रीर् वनगोचरः । व्रती स्थण्डिलशायी च शङ्के जीवति वा न वा ॥

nikṣiptavijayo rāmo gataśrīr vanagocaraḥ | vratī sthaṇḍilaśāyī ca śaṅke jīvati vā na vā

"Rāma, his victory cast aside, his fortune gone, a wanderer in the forest, bound by vows and sleeping on the bare earth—I doubt whether he even lives or not."

"विजय को त्यागे हुए, श्रीहीन, वन में भटकते हुए, व्रती और भूमि पर शयन करने वाले राम के विषय में तो मुझे सन्देह है कि वह जीवित भी है या नहीं।"

Verse 26

न हि वैदेहि रामस् त्वां द्रष्टुं वाप्य् उपलप्स्यते । पुरो बलाकैर् असितैर् मेघैर् ज्योत्स्नाम् इवावृताम् ॥

na hi vaidehi rāmas tvāṃ draṣṭuṃ vāpy upalapsyate | puro balākair asitair meghair jyotsnām ivāvṛtām

"For Rāma, O Vaidehī, will not so much as succeed in seeing you—like the moonlight veiled before dark storm-clouds with their cranes."

"हे वैदेहि! राम तो तुम्हें देख भी नहीं पाएगा—जैसे बगुलों से युक्त काले मेघों से ढँकी हुई चाँदनी को कोई नहीं देख पाता।"

Verse 27

न चापि मम हस्तात् त्वां प्राप्तुम् अर्हति राघवः । हिरण्यकशिपुः कीर्तिम् इन्द्रहस्तगताम् इव ॥

na cāpi mama hastāt tvāṃ prāptum arhati rāghavaḥ | hiraṇyakaśipuḥ kīrtim indrahastagatām iva

"Nor is Rāghava fit to win you back from my hand, any more than Hiraṇyakaśipu could recover glory once it had passed into Indra's hand."

"और राघव मेरे हाथ से तुम्हें वापस पाने के योग्य भी नहीं है—जैसे हिरण्यकशिपु इन्द्र के हाथ में चली गई कीर्ति को फिर नहीं पा सका था।"

Verse 28

चारुस्मिते चारुदति चारुनेत्रे विलासिनि । मनो हरसि मे भीरु सुपर्णः पन्नगं यथा ॥

cārusmite cārudati cārunetre vilāsini | mano harasi me bhīru suparṇaḥ pannagaṃ yathā

"O you of lovely smile, lovely teeth, lovely eyes, O charming one, you steal my heart, O timid lady, as Garuḍa carries off a serpent."

"हे सुन्दर मुसकान वाली, सुन्दर दाँतों वाली, सुन्दर नेत्रों वाली विलासिनि! हे भीरु! तुम मेरा मन वैसे ही हर लेती हो जैसे गरुड़ सर्प को हर ले जाता है।"

Verse 29

क्लिष्टकौशेयवसनां तन्वीम् अप्य् अनलंकृताम् । तां दृष्ट्वा स्वेषु दारेषु रतिं नोपलभाम्य् अहम् ॥

kliṣṭakauśeyavasanāṃ tanvīm apy analaṃkṛtām | tāṃ dṛṣṭvā sveṣu dāreṣu ratiṃ nopalabhāmy aham

"Beholding you—slender, in a crumpled silken robe, unadorned though you are—I find no delight in my own wives."

"मुड़े-तुड़े रेशमी वस्त्र पहने, कृश और आभूषणहीन होने पर भी तुम्हें देखकर मुझे अपनी स्त्रियों में कोई प्रीति नहीं रह जाती।"

Verse 30

अन्तःपुरनिवासिन्यः स्त्रियः सर्वगुणान्विताः । यावन्त्यो मम सर्वासाम् ऐश्वर्यं कुरु जानकि ॥

antaḥpuranivāsinyaḥ striyaḥ sarvaguṇānvitāḥ | yāvantyo mama sarvāsām aiśvaryaṃ kuru jānaki

"The women who dwell in my inner apartments, endowed with every virtue, however many they be—over all of them, O Jānakī, take sovereignty."

"हे जानकि! मेरे अन्तःपुर में निवास करने वाली, समस्त गुणों से युक्त जितनी भी स्त्रियाँ हैं, उन सबकी स्वामिनी बन जाओ।"

Verse 31

मम ह्य् असितकेशान्ते त्रैलोक्यप्रवराः स्त्रियः । तास् त्वां परिचरिष्यन्ति श्रियम् अप्सरसो यथा ॥

mama hy asitakeśānte trailokyapravarāḥ striyaḥ | tās tvāṃ paricariṣyanti śriyam apsaraso yathā

"For the foremost women of the three worlds, O you with dark locks, shall wait upon you as the apsarases wait upon Śrī."

"हे काले केशों वाली! त्रिलोक की श्रेष्ठ स्त्रियाँ तुम्हारी वैसे ही सेवा करेंगी जैसे अप्सराएँ लक्ष्मी की सेवा करती हैं।"

Verse 32

यानि वैश्रवणे सुभ्रु रत्नानि च धनानि च । तानि लोकांश् च सुश्रोणि मां च भुङ्क्ष्व यथासुखम् ॥

yāni vaiśravaṇe subhru ratnāni ca dhanāni ca | tāni lokāṃś ca suśroṇi māṃ ca bhuṅkṣva yathāsukham

"The jewels and riches that are in Vaiśravaṇa's keeping, O lovely-browed one, and the worlds, and me as well, O fair-hipped lady, enjoy at your ease."

"हे सुन्दर भौंहों वाली! कुबेर के पास जो रत्न और धन हैं, और समस्त लोक, और मुझे भी, हे सुश्रोणि, सुखपूर्वक भोगो।"

Verse 33

न रामस् तपसा देवि न बलेन न विक्रमैः । न धनेन मया तुल्यस् तेजसा यशसापि वा ॥

na rāmas tapasā devi na balena na vikramaiḥ | na dhanena mayā tulyas tejasā yaśasāpi vā

"Rāma is no match for me, O lady, neither in austerity nor in strength nor in valor, nor in wealth, nor in splendor, nor even in fame."

"हे देवि! राम तपस्या में, बल में, पराक्रम में, धन में, तेज में अथवा यश में भी मेरे समान नहीं है।"

Verse 34

पिब विहर रमस्व भुङ्क्ष्व भोगान्; धननिचयं प्रदिशामि मेदिनीं च । मयि लल ललने यथासुखं त्वं; त्वयि च समेत्य ललन्तु बान्धवास् ते ॥

piba vihara ramasva bhuṅkṣva bhogān; dhananicayaṃ pradiśāmi medinīṃ ca | mayi lala lalane yathāsukhaṃ tvaṃ; tvayi ca sametya lalantu bāndhavās te

"Drink, roam, take your pleasure, enjoy delights; I bestow on you heaps of wealth and the earth. Sport with me at your ease, O graceful one, and, joined with you, let your kinsmen too take their delight."

"पियो, विचरो, आनन्द करो, भोगों को भोगो; मैं तुम्हें धन के ढेर और यह पृथ्वी प्रदान करता हूँ। हे ललने! मुझमें सुखपूर्वक रमण करो, और तुम्हारे साथ मिलकर तुम्हारे बन्धुजन भी आनन्दित हों।"

Verse 35

कुसुमिततरुजालसंततानि; भ्रमरयुतानि समुद्रतीरजानि । कनकविमलहारभूषिताङ्गी; विहर मया सह भीरु काननानि ॥

kusumitatarujālasaṃtatāni; bhramarayutāni samudratīrajāni | kanakavimalahārabhūṣitāṅgī; vihara mayā saha bhīru kānanāni

"Your limbs adorned with pure golden necklaces, roam with me, O timid one, through the groves born by the sea's shore, thick with networks of flowering trees and thronged with bees."

"हे भीरु! स्वर्णमय निर्मल हारों से सुशोभित अंगों वाली तुम मेरे साथ समुद्र-तट पर उगे हुए, फूलों से भरे वृक्षों की जाली से ढँके और भौंरों से गूँजते हुए उन वनों में विचरो।"