Sarga 28

Verse 1

खरं तु विरथं रामो गदापाणिम् अवस्थितम् । मृदुपूर्वं महातेजाः परुषं वाक्यम् अब्रवीत् ॥

kharaṃ tu virathaṃ rāmo gadāpāṇim avasthitam | mṛdupūrvaṃ mahātejāḥ paruṣaṃ vākyam abravīt

To Khara — chariotless and standing with mace in hand — the greatly radiant Rāma spoke, gently at first, a harsh word:

रथहीन होकर हाथ में गदा लिए खड़े खर से महातेजस्वी राम ने पहले कोमल और फिर कठोर वचन कहे:

Verse 2

गजाश्वरथसंबाधे बले महति तिष्ठता । कृतं सुदारुणं कर्म सर्वलोकजुगुप्सितम् ॥

gajāśvarathasaṃbādhe bale mahati tiṣṭhatā | kṛtaṃ sudāruṇaṃ karma sarvalokajugupsitam

'Standing in a great army thronged with elephants, horses, and chariots, you have done a most cruel deed, abhorred by all the world.'

'हाथी, घोड़ों और रथों से भरी विशाल सेना में खड़े रहकर तूने एक अत्यन्त क्रूर कर्म किया है, जो समस्त लोक के लिए घृणित है।'

Verse 3

उद्वेजनीयो भूतानां नृशंसः पापकर्मकृत् । त्रयाणाम् अपि लोकानाम् ईश्वरो ऽपि न तिष्ठति ॥

udvejanīyo bhūtānāṃ nṛśaṃsaḥ pāpakarmakṛt | trayāṇām api lokānām īśvaro 'pi na tiṣṭhati

'He who torments beings, cruel, a doer of sinful deeds — even the lord of the three worlds cannot stand (endure).'

'प्राणियों को उद्विग्न करने वाला, निर्दयी, पापकर्मी तो तीनों लोकों का स्वामी होकर भी टिक नहीं सकता।'

Verse 4

कर्म लोकविरुद्धं तु कुर्वाणं क्षणदाचर । तीक्ष्णं सर्वजनो हन्ति सर्पं दुष्टम् इवागतम् ॥

karma lokaviruddhaṃ tu kurvāṇaṃ kṣaṇadācara | tīkṣṇaṃ sarvajano hanti sarpaṃ duṣṭam ivāgatam

'When one does a deed opposed to the world, O night-ranger, every person, grown fierce, slays him, as they slay a wicked serpent that has come (among them).'

'हे निशाचर! लोक के विरुद्ध कर्म करने वाले उस क्रूर को समस्त जन वैसे ही मार डालते हैं, जैसे आए हुए किसी दुष्ट सर्प को।'

Verse 5

लोभात् पापानि कुर्वाणः कामाद् वा यो न बुध्यते । भ्रष्टः पश्यति तस्यान्तं ब्राह्मणी करकाद् इव ॥

lobhāt pāpāni kurvāṇaḥ kāmād vā yo na budhyate | bhraṣṭaḥ paśyati tasyāntaṃ brāhmaṇī karakād iva

'He who, out of greed or lust, does sins and awakes not to it, falls and beholds his own end, as the brāhmaṇī bird (perishes) from a hailstone.'

The simile (brāhmaṇī karakād iva) is obscure; rendered literally — a bird destroyed by a hailstone it mistakes for food.

'जो लोभ अथवा काम से पाप करता रहता है और सचेत नहीं होता, वह भ्रष्ट होकर अपना अन्त वैसे ही देखता है, जैसे ब्राह्मणी पक्षी ओले से नष्ट होता है।'

Verse 6

वसतो दण्डकारण्ये तापसान् धर्मचारिणः । किं नु हत्वा महाभागान् फलं प्राप्स्यसि राक्षस ॥

vasato daṇḍakāraṇye tāpasān dharmacāriṇaḥ | kiṃ nu hatvā mahābhāgān phalaṃ prāpsyasi rākṣasa

'Dwelling in the Daṇḍaka forest are ascetics, practisers of dharma; by slaying those illustrious ones, what fruit will you gain, O rākṣasa?'

'हे राक्षस! दण्डकारण्य में निवास करने वाले धर्माचरण करने वाले महाभाग तपस्वियों को मारकर तुझे भला क्या फल मिलेगा?'

Verse 7

न चिरं पापकर्माणः क्रूरा लोकजुगुप्सिताः । ऐश्वर्यं प्राप्य तिष्ठन्ति शीर्णमूला इव द्रुमाः ॥

na ciraṃ pāpakarmāṇaḥ krūrā lokajugupsitāḥ | aiśvaryaṃ prāpya tiṣṭhanti śīrṇamūlā iva drumāḥ

'Not for long do doers of sinful deeds, cruel and abhorred by the world, having gained lordship, endure — like trees with rotted roots.'

'पापकर्मी, क्रूर और लोक के द्वारा घृणित (प्राणी) ऐश्वर्य पाकर भी अधिक समय तक नहीं टिकते, जैसे सड़ी जड़ों वाले वृक्ष।'

Verse 8

अवश्यं लभते कर्ता फलं पापस्य कर्मणः । घोरं पर्यागते काले द्रुमः पुष्पम् इवार्तवम् ॥

avaśyaṃ labhate kartā phalaṃ pāpasya karmaṇaḥ | ghoraṃ paryāgate kāle drumaḥ puṣpam ivārtavam

'Inevitably the doer gains the fruit of a sinful deed — dreadful, when its time comes round, as a tree (bears) its seasonal blossom.'

'कर्ता पापकर्म का घोर फल अवश्य पाता है, समय आ जाने पर, जैसे वृक्ष ऋतु आने पर अपना पुष्प (देता है)।'

Verse 9

नचिरात् प्राप्यते लोके पापानां कर्मणां फलम् । सविषाणाम् इवान्नानां भुक्तानां क्षणदाचर ॥

nacirāt prāpyate loke pāpānāṃ karmaṇāṃ phalam | saviṣāṇām ivānnānāṃ bhuktānāṃ kṣaṇadācara

'Before long in this world the fruit of sinful deeds is gained, O night-ranger, like (the effect) of poisoned food that has been eaten.'

'हे निशाचर! इस लोक में पापकर्मों का फल शीघ्र ही प्राप्त होता है, जैसे खाए गए विषयुक्त अन्न का (परिणाम)।'

Verse 10

पापम् आच्चरतां घोरं लोकस्याप्रियम् इच्छताम् । अहम् आसादितो राजा प्राणान् हन्तुं निशाचर ॥

pāpam āccaratāṃ ghoraṃ lokasyāpriyam icchatām | aham āsādito rājā prāṇān hantuṃ niśācara

'Of those who commit dreadful sin and wish ill to the world, I am the king come to take their lives, O night-ranger.'

'हे निशाचर! घोर पाप करने वाले और लोक का अहित चाहने वालों के प्राण हरने के लिए मैं राजा (के रूप में) आ पहुँचा हूँ।'

Verse 11

अद्य हि त्वां मया मुक्ताः शराः काञ्चनभूषणाः । विदार्य निपतिष्यन्ति वल्मीकम् इव पन्नगाः ॥

adya hi tvāṃ mayā muktāḥ śarāḥ kāñcanabhūṣaṇāḥ | vidārya nipatiṣyanti valmīkam iva pannagāḥ

'Today my arrows adorned with gold, loosed, having torn you open, will sink into you as serpents (sink into) an anthill.'

'आज मेरे द्वारा छोड़े हुए स्वर्ण-भूषित बाण तुझे चीरकर तुझ में वैसे ही समा जाएँगे, जैसे सर्प बाँबी में समा जाते हैं।'

Verse 12

ये त्वया दण्डकारण्ये भक्षिता धर्मचारिणः । तान् अद्य निहतः संख्ये ससैन्यो ऽनुगमिष्यसि ॥

ye tvayā daṇḍakāraṇye bhakṣitā dharmacāriṇaḥ | tān adya nihataḥ saṃkhye sasainyo 'nugamiṣyasi

'Those practisers of dharma whom you devoured in the Daṇḍaka forest — today, slain in battle together with your army, you shall follow them.'

'दण्डकारण्य में तूने जिन धर्माचारी (मुनियों) को खा डाला, उनके पीछे-पीछे आज सेना सहित युद्ध में मारा जाकर तू जाएगा।'

Verse 13

अद्य त्वां निहतं बाणैः पश्यन्तु परमर्षयः । निरयस्थं विमानस्था ये त्वया हिंसिताः पुरा ॥

adya tvāṃ nihataṃ bāṇaiḥ paśyantu paramarṣayaḥ | nirayasthaṃ vimānasthā ye tvayā hiṃsitāḥ purā

'Today let the supreme sages, stationed in their aerial cars, whom you formerly harmed, behold you slain by arrows, lying in hell.'

'जिन परम ऋषियों को तूने पहले सताया था, वे विमानों पर स्थित होकर आज तुझे बाणों से मारा गया और नरक में पड़ा हुआ देखें।'

Verse 14

प्रहर त्वं यथाकामं कुरु यत्नं कुलाधम । अद्य ते पातयिष्यामि शिरस् तालफलं यथा ॥

prahara tvaṃ yathākāmaṃ kuru yatnaṃ kulādhama | adya te pātayiṣyāmi śiras tālaphalaṃ yathā

'Strike as you please, make your utmost effort, O basest of your line; today I shall fell your head like a palm-fruit.'

'हे कुलाधम! तू इच्छानुसार प्रहार कर, पूरा प्रयत्न कर; आज मैं तेरे सिर को ताड़ के फल के समान गिरा दूँगा।'

Verse 15

एवम् उक्तस् तु रामेण क्रुद्धः संरक्तलोचनः । प्रत्युवाच ततो रामं प्रहसन् क्रोधमूर्छितः ॥

evam uktas tu rāmeṇa kruddhaḥ saṃraktalocanaḥ | pratyuvāca tato rāmaṃ prahasan krodhamūrchitaḥ

Thus addressed by Rāma, (Khara,) enraged, his eyes blood-red, then answered Rāma, laughing, stupefied with wrath:

राम के इस प्रकार कहने पर क्रोध से लाल आँखों वाला खर क्रोध में मूर्छित-सा होकर हँसते हुए राम को उत्तर देने लगा:

Verse 16

प्राकृतान् राक्षसान् हत्वा युद्धे दशरथात्मज । आत्मना कथम् आत्मानम् अप्रशस्यं प्रशंससि ॥

prākṛtān rākṣasān hatvā yuddhe daśarathātmaja | ātmanā katham ātmānam apraśasyaṃ praśaṃsasi

'Having slain common rākṣasas in battle, O son of Daśaratha, how do you, by yourself, praise your own self in unpraiseworthy fashion?'

'हे दशरथनन्दन! युद्ध में साधारण राक्षसों को मारकर तू स्वयं ही अपनी अप्रशंसनीय प्रशंसा कैसे कर रहा है?'

Verse 17

विक्रान्ता बलवन्तो वा ये भवन्ति नरर्षभाः । कथयन्ति न ते किं चित् तेजसा स्वेन गर्विताः ॥

vikrāntā balavanto vā ye bhavanti nararṣabhāḥ | kathayanti na te kiṃ cit tejasā svena garvitāḥ

'Those bulls among men who are valiant or strong say nothing at all, though proud of their own might.'

'जो पराक्रमी अथवा बलवान नरश्रेष्ठ होते हैं, वे अपने तेज पर गर्व रखते हुए भी कुछ नहीं कहते।'

Verse 18

प्राकृतास् त्व् अकृतात्मानो लोके क्षत्रियपांसनाः । निरर्थकं विकत्थन्ते यथा राम विकत्थसे ॥

prākṛtās tv akṛtātmāno loke kṣatriyapāṃsanāḥ | nirarthakaṃ vikatthante yathā rāma vikatthase

'But the base, the uncultivated of soul, the disgracers of the kṣatriya race in the world, boast to no purpose, as you, Rāma, boast.'

'किन्तु लोक में जो नीच, अनगढ़ आत्मा वाले और क्षत्रिय-कुल को कलंकित करने वाले होते हैं, वे ही व्यर्थ ही डींग हाँकते हैं, जैसे हे राम! तू डींग हाँक रहा है।'

Verse 19

कुलं व्यपदिशन् वीरः समरे को ऽभिधास्यति । मृत्युकाले हि संप्राप्ते स्वयम् अप्रस्तवे स्तवम् ॥

kulaṃ vyapadiśan vīraḥ samare ko 'bhidhāsyati | mṛtyukāle hi saṃprāpte svayam aprastave stavam

'What hero, in battle, at the arrived hour of death, will proclaim his lineage — uttering unprompted self-praise?'

'मृत्यु का समय आ जाने पर कौन वीर युद्ध में अपने कुल का बखान करता हुआ बिना प्रसंग के स्वयं अपनी प्रशंसा करेगा?'

Verse 20

सर्वथा तु लघुत्वं ते कत्थनेन विदर्शितम् । सुवर्णप्रतिरूपेण तप्तेनेव कुशाग्निना ॥

sarvathā tu laghutvaṃ te katthanena vidarśitam | suvarṇapratirūpeṇa tapteneva kuśāgninā

'In every way your littleness is laid bare by your boasting, as counterfeit gold (is exposed) by fire heated with kuśa (at the touchstone).'

'तेरी यह ओछाई तेरी डींग से सब प्रकार से प्रकट हो गई है, जैसे कुश-अग्नि से तपाकर कसौटी पर नकली सोने की (परख हो जाती है)।'

Verse 21

न तु माम् इह तिष्ठन्तं पश्यसि त्वं गदाधरम् । धराधरम् इवाकम्प्यं पर्वतं धातुभिश् चितम् ॥

na tu mām iha tiṣṭhantaṃ paśyasi tvaṃ gadādharam | dharādharam ivākampyaṃ parvataṃ dhātubhiś citam

'But you do not see me standing here, mace in hand, immovable as the earth-bearing mountain heaped with minerals.'

'किन्तु हाथ में गदा लिए यहाँ खड़े मुझे तू नहीं देखता — मैं धातुओं से भरे अचल पर्वत के समान अकम्प हूँ, जो पृथ्वी को धारण करता है।'

Verse 22

पर्याप्तो ऽहं गदापाणिर् हन्तुं प्राणान् रणे तव । त्रयाणाम् अपि लोकानां पाशहस्त इवान्तकः ॥

paryāpto 'haṃ gadāpāṇir hantuṃ prāṇān raṇe tava | trayāṇām api lokānāṃ pāśahasta ivāntakaḥ

'I, mace in hand, am able to take your life in battle, as Death with noose in hand (is able to take the life) even of the three worlds.'

'हाथ में गदा लिए मैं युद्ध में तेरे प्राण हरने में समर्थ हूँ, जैसे हाथ में पाश लिए यमराज तीनों लोकों के (प्राण हरने में समर्थ है)।'

Verse 23

कामं बह्व् अपि वक्तव्यं त्वयि वक्ष्यामि न त्व् अहम् । अस्तं गच्छेद् धि सविता युद्धविघ्रस् ततो भवेत् ॥

kāmaṃ bahv api vaktavyaṃ tvayi vakṣyāmi na tv aham | astaṃ gacched dhi savitā yuddhavighras tato bhavet

'Though much might be said to you, I will not say it; for the sun would set, and then there would be hindrance to the battle.'

'यद्यपि तुझसे बहुत कुछ कहने योग्य है, पर मैं नहीं कहूँगा; क्योंकि सूर्य अस्त हो जाएगा और तब युद्ध में विघ्न पड़ जाएगा।'

Verse 24

चतुर्दश सहस्राणि राक्षसानां हतानि ते । त्वद्विनाशात् करोम्य् अद्य तेषाम् अश्रुप्रमार्जनम् ॥

caturdaśa sahasrāṇi rākṣasānāṃ hatāni te | tvadvināśāt karomy adya teṣām aśrupramārjanam

'Fourteen thousand rākṣasas of yours have been slain; by your destruction I shall today wipe away their tears.'

'तेरे (हाथों) चौदह हजार राक्षस मारे गए हैं; तेरे विनाश से आज मैं उनके आँसू पोंछूँगा।'

Verse 25

इत्य् उक्त्वा परमक्रुद्धस् तां गदां परमाङ्गदाम् । खरश् चिक्षेप रामाय प्रदीप्ताम् अशनिं यथा ॥

ity uktvā paramakruddhas tāṃ gadāṃ paramāṅgadām | kharaś cikṣepa rāmāya pradīptām aśaniṃ yathā

So saying, in supreme wrath Khara hurled at Rāma that mace set with splendid armlets (paramāṅgada), like a blazing thunderbolt.

ऐसा कहकर परम क्रुद्ध खर ने सुन्दर बाजूबन्दों (अंगदों) से सजी उस गदा को राम पर वैसे ही फेंका, जैसे प्रज्वलित अशनि (वज्र)।

Verse 26

खरबाहुप्रमुक्ता सा प्रदीप्ता महती गदा । भस्मवृक्षांश् च गुल्मांश् च कृत्वागात् तत्समीपतः ॥

kharabāhupramuktā sā pradīptā mahatī gadā | bhasmavṛkṣāṃś ca gulmāṃś ca kṛtvāgāt tatsamīpataḥ

That great, blazing mace, loosed from Khara's arm, reducing trees and thickets to ashes, came near to him (Rāma).

खर की भुजा से छूटी वह विशाल प्रज्वलित गदा वृक्षों और झाड़ियों को भस्म करती हुई राम के समीप आ पहुँची।

Verse 27

ताम् आपतन्तीं ज्वलितां मृत्युपाशोपमां गदा । अन्तरिक्षगतां रामश् चिच्छेद बहुधा शरैः ॥

tām āpatantīṃ jvalitāṃ mṛtyupāśopamāṃ gadā | antarikṣagatāṃ rāmaś ciccheda bahudhā śaraiḥ

That mace, falling, blazing, like the noose of death, as it coursed through the air Rāma cut to pieces with his arrows.

आकाश में उड़कर आती हुई, प्रज्वलित, मृत्यु के पाश के समान उस गदा को राम ने बाणों से टुकड़े-टुकड़े कर डाला।

Verse 28

सा विशीर्णा शरैर् भिन्ना पपात धरणीतले । गदामन्त्रौषधिबलैर् व्यालीव विनिपातिता ॥

sā viśīrṇā śarair bhinnā papāta dharaṇītale | gadāmantrauṣadhibalair vyālīva vinipātitā

Shattered, split by the arrows, it fell upon the surface of the earth, like a she-serpent felled by the force of spells and herbs (set against) the mace.

बाणों से छिन्न-भिन्न होकर वह चूर-चूर हुई गदा पृथ्वी पर वैसे ही गिर पड़ी, जैसे मन्त्र और औषधि के बल से कोई नागिन गिरा दी गई हो।