Sarga 69

Verse 1

तथैव क्रोशतस् तस्य भरतस्य महात्मनः । कौसल्या शब्दम् आज्ञाय सुमित्राम् इदम् अब्रवीत् ॥

tathaiva krośatas tasya bharatasya mahātmanaḥ | kausalyā śabdam ājñāya sumitrām idam abravīt

As the great-souled Bharata was crying out thus, Kausalya, marking the sound, spoke to Sumitra:

इस प्रकार चीखते हुए महात्मा भरत के शब्द को पहचानकर कौसल्या ने सुमित्रा से यह कहा—

Verse 2

आगतः क्रूरकार्यायाः कैकेय्या भरतः सुतः । तम् अहं द्रष्टुम् इच्छामि भरतं दीर्घदर्शिनम् ॥

āgataḥ krūrakāryāyāḥ kaikeyyā bharataḥ sutaḥ | tam ahaṃ draṣṭum icchāmi bharataṃ dīrghadarśinam

"Bharata, son of Kaikeyi of cruel deeds, is come. I wish to see him, that far-seeing Bharata."

"क्रूर कर्म करने वाली कैकेयी का पुत्र भरत आ गया है। मैं उस दूरदर्शी भरत को देखना चाहती हूँ।"

Verse 3

एवम् उक्त्वा सुमित्रां सा विवर्णा मलिनाम्बरा । प्रतस्थे भरतो यत्र वेपमाना विचेतना ॥

evam uktvā sumitrāṃ sā vivarṇā malināmbarā | pratasthe bharato yatra vepamānā vicetanā

So speaking to Sumitra, she, pale and in soiled garments, set out trembling and dazed to where Bharata was.

सुमित्रा से ऐसा कहकर वे विवर्ण, मैले वस्त्रों वाली, काँपती और विकल होकर वहाँ चल पड़ीं, जहाँ भरत थे।

Verse 4

स तु रामानुजश् चापि शत्रुघ्नसहितस् तदा । प्रतस्थे भरतो यत्र कौसल्याया निवेशनम् ॥

sa tu rāmānujaś cāpi śatrughnasahitas tadā | pratasthe bharato yatra kausalyāyā niveśanam

And he, the younger brother of Rama, together with Shatrughna, had set out at that time to where Kausalya's dwelling was.

और वे राम के अनुज भरत भी उस समय शत्रुघ्न के साथ वहाँ चल पड़े थे, जहाँ कौसल्या का भवन था।

Verse 5

ततः शत्रुघ्न भरतौ कौसल्यां प्रेक्ष्य दुःखितौ । पर्यष्वजेतां दुःखार्तां पतितां नष्टचेतनाम् ॥

tataḥ śatrughna bharatau kausalyāṃ prekṣya duḥkhitau | paryaṣvajetāṃ duḥkhārtāṃ patitāṃ naṣṭacetanām

Then Shatrughna and Bharata, beholding the grieving Kausalya, embraced her in her anguish as she lay fallen and senseless.

तब शत्रुघ्न और भरत दुःखी कौसल्या को देखकर, अचेत होकर गिरी हुई उस दुःखार्त को आलिंगन में भर लिया।

Verse 6

भरतं प्रत्युवाचेदं कौसल्या भृशदुःखिता । इदं ते राज्यकामस्य राज्यं प्राप्तम् अकण्टकम् । संप्राप्तं बत कैकेय्या शीघ्रं क्रूरेण कर्मणा ॥

bharataṃ pratyuvācedaṃ kausalyā bhṛśaduḥkhitā | idaṃ te rājyakāmasya rājyaṃ prāptam akaṇṭakam | saṃprāptaṃ bata kaikeyyā śīghraṃ krūreṇa karmaṇā

Kausalya, in bitter grief, said this to Bharata: "Here is the kingdom you craved, won free of thorns; alas, it has been gained for you by Kaikeyi swiftly, by a cruel deed."

अत्यंत दुःखी कौसल्या ने भरत से यह कहा—"राज्य की कामना करने वाले तुम्हें यह कंटकरहित राज्य मिल गया; हाय, कैकेयी ने क्रूर कर्म से इसे शीघ्र ही प्राप्त करा दिया।

Verse 7

प्रस्थाप्य चीरवसनं पुत्रं मे वनवासिनम् । कैकेयी कं गुणं तत्र पश्यति क्रूरदर्शिनी ॥

prasthāpya cīravasanaṃ putraṃ me vanavāsinam | kaikeyī kaṃ guṇaṃ tatra paśyati krūradarśinī

"Having sent my son away to dwell in the forest, clad in bark, what merit does Kaikeyi, of cruel aspect, see therein?"

वल्कल पहनाकर मेरे पुत्र को वनवासी बनाकर भेज देने में क्रूरदर्शिनी कैकेयी वहाँ क्या गुण देखती है?

Verse 8

क्षिप्रं माम् अपि कैकेयी प्रस्थापयितुम् अर्हति । हिरण्यनाभो यत्रास्ते सुतो मे सुमहायशाः ॥

kṣipraṃ mām api kaikeyī prasthāpayitum arhati | hiraṇyanābho yatrāste suto me sumahāyaśāḥ

"Kaikeyi ought swiftly to send me too away, to where dwells my son Hiranyanabha of great renown.

"Hiranyanabha" here is used as a term for Kausalya's son; some read it as an epithet of Rama.

कैकेयी को शीघ्र ही मुझे भी वहाँ भेज देना चाहिए, जहाँ मेरा महायशस्वी पुत्र हिरण्यनाभ (राम) रहता है।

Verse 9

अथ वा स्वयम् एवाहं सुमित्रानुचरा सुखम् । अग्निहोत्रं पुरस्कृत्य प्रस्थास्ये यत्र राघवः ॥

atha vā svayam evāhaṃ sumitrānucarā sukham | agnihotraṃ puraskṛtya prasthāsye yatra rāghavaḥ

"Or else I myself, with Sumitra as my companion, shall gladly set forth, with the sacred fire before me, to where Raghava is."

अथवा मैं स्वयं ही सुमित्रा को साथ लेकर, अग्निहोत्र को आगे करके, सुखपूर्वक वहाँ चल पड़ूँगी, जहाँ राघव हैं।

Verse 10

कामं वा स्वयम् एवाद्य तत्र मां नेतुम् अर्हसि । यत्रासौ पुरुषव्याघ्रस् तप्यते मे तपः सुतः ॥

kāmaṃ vā svayam evādya tatra māṃ netum arhasi | yatrāsau puruṣavyāghras tapyate me tapaḥ sutaḥ

"Or, if you will, you ought yourself today to lead me there, to where that tiger among men, my son, practises his austerities."

अथवा यदि इच्छा हो तो तुम्हीं आज मुझे वहाँ ले चलो, जहाँ वह पुरुषव्याघ्र मेरा पुत्र तप कर रहा है।

Verse 11

इदं हि तव विस्तीर्णं धनधान्यसमाचितम् । हस्त्यश्वरथसंपूर्णं राज्यं निर्यातितं तया ॥

idaṃ hi tava vistīrṇaṃ dhanadhānyasamācitam | hastyaśvarathasaṃpūrṇaṃ rājyaṃ niryātitaṃ tayā

"This wide kingdom of yours, heaped with wealth and grain, full of elephants, horses, and chariots, has been handed over to you by her."

धन-धान्य से भरा, हाथी-घोड़ों और रथों से परिपूर्ण यह विस्तृत राज्य उसने तुम्हें ही सौंप दिया है।"

Verse 12

एवं विलपमानां तां भरतः प्राञ्जलिस् तदा । कौसल्यां प्रत्युवाचेदं शोकैर् बहुभिर् आवृताम् ॥

evaṃ vilapamānāṃ tāṃ bharataḥ prāñjalis tadā | kausalyāṃ pratyuvācedaṃ śokair bahubhir āvṛtām

Then Bharata, with hands joined in reverence, said this to Kausalya, who was thus lamenting, wrapped in griefs manifold:

इस प्रकार अनेक शोकों से घिरी हुई, विलाप करती उस कौसल्या से भरत ने तब हाथ जोड़कर यह कहा—

Verse 13

आर्ये कस्माद् अजानन्तं गर्हसे माम् अकिल्बिषम् । विपुलां च मम प्रीतिं स्थिरां जानासि राघवे ॥

ārye kasmād ajānantaṃ garhase mām akilbiṣam | vipulāṃ ca mama prītiṃ sthirāṃ jānāsi rāghave

"Noble lady, why do you blame me, who am innocent and knew nothing? You know well how deep and steadfast is my love for Raghava."

"आर्ये! कुछ न जानने वाले, निर्दोष मुझ पर आप क्यों दोष लगाती हैं? राघव के प्रति मेरे विपुल और स्थिर प्रेम को आप जानती हैं।

Verse 14

कृता शास्त्रानुगा बुद्धिर् मा भूत् तस्य कदा चन । सत्यसंधः सतां श्रेष्ठो यस्यार्यो ऽनुमते गतः ॥

kṛtā śāstrānugā buddhir mā bhūt tasya kadā cana | satyasaṃdhaḥ satāṃ śreṣṭho yasyāryo 'numate gataḥ

"May his mind, formed after the scriptures, never turn to it — he who consented to the going of the noble one, true to his word, best of the good."

जिसकी सम्मति से वह आर्य, सत्यप्रतिज्ञ, सत्पुरुषों में श्रेष्ठ राम गए हों, उसकी शास्त्रानुगामी बुद्धि कभी भी (धर्म की ओर) न हो।

Verse 15

प्रैष्यं पापीयसां यातु सूर्यं च प्रति मेहतु । हन्तु पादेन गां सुप्तां यस्यार्यो ऽनुमते गतः ॥

praiṣyaṃ pāpīyasāṃ yātu sūryaṃ ca prati mehatu | hantu pādena gāṃ suptāṃ yasyāryo 'numate gataḥ

"May he go to the drudgery of the basest of men, and make water facing the sun, and kick a sleeping cow with his foot — he by whose consent the noble one went."

जिसकी सम्मति से वह आर्य गए हों, वह नीच पुरुषों की दासता को प्राप्त हो, सूर्य की ओर मुख करके मूत्र-त्याग करे और सोई हुई गौ को पैर से मारे।

Verse 16

कारयित्वा महत् कर्म भर्ता भृत्यम् अनर्थकम् । अधर्मो यो ऽस्य सो ऽस्यास् तु यस्यार्यो ऽनुमते गतः ॥

kārayitvā mahat karma bhartā bhṛtyam anarthakam | adharmo yo 'sya so 'syās tu yasyāryo 'numate gataḥ

"The sin of a master who, having had his servant perform some great task, defrauds him of his due — be that his, he by whose consent the noble one went."

जो स्वामी अपने सेवक से बड़ा कार्य कराकर उसे उसका पारिश्रमिक न दे—वह अधर्म जिसकी सम्मति से आर्य गए हों, उसे प्राप्त हो।

Verse 17

परिपालयमानस्य राज्ञो भूतानि पुत्रवत् । ततस् तु द्रुह्यतां पापं यस्यार्यो ऽनुमते गतः ॥

paripālayamānasya rājño bhūtāni putravat | tatas tu druhyatāṃ pāpaṃ yasyāryo 'numate gataḥ

"The sin of those who turn traitor to a king who protects his subjects as his own children — be that his, he by whose consent the noble one went."

प्रजा का पुत्र के समान पालन करने वाले राजा से द्रोह करने वालों का जो पाप है, वह जिसकी सम्मति से आर्य गए हों, उसे प्राप्त हो।

Verse 18

बलिषड्भागम् उद्धृत्य नृपस्यारक्षतः प्रजाः । अधर्मो यो ऽस्य सो ऽस्यास्तु यस्यार्यो ऽनुमते गतः ॥

baliṣaḍbhāgam uddhṛtya nṛpasyārakṣataḥ prajāḥ | adharmo yo 'sya so 'syāstu yasyāryo 'numate gataḥ

"The sin of a king who, having taken the sixth part of produce as tribute, does not protect his subjects — be that his, he by whose consent the noble one went."

प्रजा से उपज का छठा भाग कर लेकर भी उनकी रक्षा न करने वाले राजा का जो अधर्म है, वह जिसकी सम्मति से आर्य गए हों, उसे प्राप्त हो।

Verse 19

संश्रुत्य च तपस्विभ्यः सत्रे वै यज्ञदक्षिणाम् । तां विप्रलपतां पापं यस्यार्यो ऽनुमते गतः ॥

saṃśrutya ca tapasvibhyaḥ satre vai yajñadakṣiṇām | tāṃ vipralapatāṃ pāpaṃ yasyāryo 'numate gataḥ

"The sin of those who, having promised to ascetics the sacrificial fee at a session, go back upon their word — be that his, he by whose consent the noble one went."

यज्ञ-सत्र में तपस्वियों को यज्ञदक्षिणा देने की प्रतिज्ञा करके फिर मुकर जाने वालों का जो पाप है, वह जिसकी सम्मति से आर्य गए हों, उसे प्राप्त हो।

Verse 20

हस्त्यश्वरथसंबाधे युद्धे शस्त्रसमाकुले । मा स्म कार्षीत् सतां धर्मं यस्यार्यो ऽनुमते गतः ॥

hastyaśvarathasaṃbādhe yuddhe śastrasamākule | mā sma kārṣīt satāṃ dharmaṃ yasyāryo 'numate gataḥ

"In a battle crowded with elephants, horses, and chariots and thick with weapons, may he never do the duty of brave men — he by whose consent the noble one went."

हाथी, घोड़ों और रथों से भरे, शस्त्रों से व्याप्त युद्ध में जिसकी सम्मति से आर्य गए हों, वह सत्पुरुषों का धर्म (युद्ध में वीरता) कभी न निभाए।

Verse 21

उपदिष्टं सुसूक्ष्मार्थं शास्त्रं यत्नेन धीमता । स नाशयतु दुष्टात्मा यस्यार्यो ऽनुमते गतः ॥

upadiṣṭaṃ susūkṣmārthaṃ śāstraṃ yatnena dhīmatā | sa nāśayatu duṣṭātmā yasyāryo 'numate gataḥ

"May that evil soul destroy the lore of subtlest meaning carefully taught him by a wise teacher — he by whose consent the noble one went."

बुद्धिमान गुरु के द्वारा यत्नपूर्वक सिखाए गए सूक्ष्म अर्थ वाले शास्त्र को वह दुष्टात्मा नष्ट कर दे, जिसकी सम्मति से आर्य गए हों।

Verse 22

पायसं कृसरं छागं वृथा सो ऽश्नातु निर्घृणः । गुरूंश् चाप्य् अवजानातु यस्यार्यो ऽनुमते गतः ॥

pāyasaṃ kṛsaraṃ chāgaṃ vṛthā so 'śnātu nirghṛṇaḥ | gurūṃś cāpy avajānātu yasyāryo 'numate gataḥ

"May that pitiless one eat in vain the milk-rice, the sesame-and-rice, and the goat's flesh, and may he despise his elders — he by whose consent the noble one went."

वह निर्दय व्यक्ति खीर, तिल-मिश्रित भात और बकरे का मांस व्यर्थ ही खाए और अपने गुरुजनों का अनादर करे, जिसकी सम्मति से आर्य गए हों।

Verse 23

पुत्रैर् दारैश् च भृत्यैश् च स्वगृहे परिवारितः । स एको मृष्टम् अश्नातु यस्यार्यो ऽनुमते गतः ॥

putrair dāraiś ca bhṛtyaiś ca svagṛhe parivāritaḥ | sa eko mṛṣṭam aśnātu yasyāryo 'numate gataḥ

"Surrounded in his own house by sons and wives and servants, may he eat the dainties alone — he by whose consent the noble one went."

अपने घर में पुत्रों, स्त्रियों और सेवकों से घिरा हुआ वह अकेला ही सुस्वादु भोजन खाए, जिसकी सम्मति से आर्य गए हों।

Verse 24

राजस्त्रीबालवृद्धानां वधे यत् पापम् उच्यते । भृत्यत्यागे च यत् पापं तत् पापं प्रतिपद्यताम् ॥

rājastrībālavṛddhānāṃ vadhe yat pāpam ucyate | bhṛtyatyāge ca yat pāpaṃ tat pāpaṃ pratipadyatām

"The sin that is spoken of in the slaying of kings, women, children, and the aged, and the sin in forsaking one's dependents — may that sin be his."

राजा, स्त्री, बालक और वृद्धों के वध में जो पाप कहा जाता है, और आश्रितों को त्यागने में जो पाप है, वह पाप उसे प्राप्त हो।

Verse 25

उभे संध्ये शयानस्य यत् पापं परिकल्प्यते । तच् च पापं भवेत् तस्य यस्यार्यो ऽनुमते गतः ॥

ubhe saṃdhye śayānasya yat pāpaṃ parikalpyate | tac ca pāpaṃ bhavet tasya yasyāryo 'numate gataḥ

"The sin reckoned to one who sleeps through both the twilights — be that sin also his, he by whose consent the noble one went."

दोनों संध्याओं के समय सोते रहने वाले का जो पाप माना जाता है, वह पाप भी उसे हो, जिसकी सम्मति से आर्य गए हों।

Verse 26

यद् अग्निदायके पापं यत् पापं गुरुतल्पगे । मित्रद्रोहे च यत् पापं तत् पापं प्रतिपद्यताम् ॥

yad agnidāyake pāpaṃ yat pāpaṃ gurutalpage | mitradrohe ca yat pāpaṃ tat pāpaṃ pratipadyatām

"The sin of the incendiary, the sin of him who defiles his teacher's bed, and the sin of treachery to a friend — may that sin be his."

आग लगाने वाले का जो पाप है, गुरु की शय्या पर जाने वाले का जो पाप है, और मित्र से द्रोह करने का जो पाप है, वह पाप उसे प्राप्त हो।

Verse 27

देवतानां पितॄणां च माता पित्रोस् तथैव च । मा स्म कार्षीत् स शुश्रूषां यस्यार्यो ऽनुमते गतः ॥

devatānāṃ pitṝṇāṃ ca mātā pitros tathaiva ca | mā sma kārṣīt sa śuśrūṣāṃ yasyāryo 'numate gataḥ

"May he never render service to the gods and the ancestors, nor to mother and father — he by whose consent the noble one went."

देवताओं, पितरों और उसी प्रकार माता-पिता की वह सेवा कभी न करे, जिसकी सम्मति से आर्य गए हों।

Verse 28

सतां लोकात् सतां कीर्त्याः सज्जुष्टात् कर्मणस् तथा । भ्रश्यतु क्षिप्रम् अद्यैव यस्यार्यो ऽनुमते गतः ॥

satāṃ lokāt satāṃ kīrtyāḥ sajjuṣṭāt karmaṇas tathā | bhraśyatu kṣipram adyaiva yasyāryo 'numate gataḥ

"May he fall this very day, and swiftly, from the world of the good, from the renown of the good, and from the deeds that the good delight in — he by whose consent the noble one went."

सत्पुरुषों के लोक से, सत्पुरुषों की कीर्ति से और सत्पुरुषों के प्रिय कर्मों से वह आज ही शीघ्र भ्रष्ट हो जाए, जिसकी सम्मति से आर्य गए हों।"

Verse 29

विहीनां पतिपुत्राभ्यां कौसल्यां पार्थिवात्मजः । एवम् आश्वसयन्न् एव दुःखार्तो निपपात ह ॥

vihīnāṃ patiputrābhyāṃ kausalyāṃ pārthivātmajaḥ | evam āśvasayann eva duḥkhārto nipapāta ha

Thus consoling Kausalya, bereft of husband and son, the prince, in his anguish, fell down to the ground.

पति और पुत्र से रहित कौसल्या को इस प्रकार सांत्वना देते-देते ही राजकुमार दुःख से पीड़ित होकर भूमि पर गिर पड़े।

Verse 30

तथा तु शपथैः कष्टैः शपमानम् अचेतनम् । भरतं शोकसंतप्तं कौसल्या वाक्यम् अब्रवीत् ॥

tathā tu śapathaiḥ kaṣṭaiḥ śapamānam acetanam | bharataṃ śokasaṃtaptaṃ kausalyā vākyam abravīt

To Bharata, who thus swore with grievous oaths, senseless and consumed with grief, Kausalya spoke this word:

इस प्रकार कष्टदायक शपथों से शपथ खाते, अचेत, शोक से संतप्त भरत से कौसल्या ने यह वचन कहा—

Verse 31

मम दुःखम् इदं पुत्र भूयः समुपजायते । शपथैः शपमानो हि प्राणान् उपरुणत्सि मे ॥

mama duḥkham idaṃ putra bhūyaḥ samupajāyate | śapathaiḥ śapamāno hi prāṇān uparuṇatsi me

"My grief, my son, springs up anew; for by swearing with these oaths you choke the very life within me."

"पुत्र! मेरा यह दुःख फिर से उमड़ आता है; शपथों से शपथ खाते हुए तुम तो मेरे प्राण ही रोके दे रहे हो।

Verse 32

दिष्ट्या न चलितो धर्माद् आत्मा ते सहलक्ष्मणः । वत्स सत्यप्रतिज्ञो मे सतां लोकान् अवाप्स्यसि ॥

diṣṭyā na calito dharmād ātmā te sahalakṣmaṇaḥ | vatsa satyapratijño me satāṃ lokān avāpsyasi

"By good fortune your soul, and Lakshmana's, has not swerved from righteousness. True to your promise, my child, you shall win the worlds of the good."

सौभाग्य से लक्ष्मण सहित तुम्हारी आत्मा धर्म से विचलित नहीं हुई। वत्स! सत्यप्रतिज्ञ तुम मुझे सत्पुरुषों के लोक प्राप्त कराओगे।"

Verse 33

एवं विलपमानस्य दुःखार्तस्य महात्मनः । मोहाच् च शोकसंरोधाद् बभूव लुलितं मनः ॥

evaṃ vilapamānasya duḥkhārtasya mahātmanaḥ | mohāc ca śokasaṃrodhād babhūva lulitaṃ manaḥ

As that great soul lamented thus, anguished with grief, through swooning and the choking of sorrow his mind grew confused.

इस प्रकार दुःख से पीड़ित होकर विलाप करते उन महात्मा का मन मूर्छा और शोक के अवरोध से विकल हो गया।

Verse 34

लालप्यमानस्य विचेतनस्य; प्रनष्टबुद्धेः पतितस्य भूमौ । मुहुर् मुहुर् निःश्वसतश् च दीर्घं; सा तस्य शोकेन जगाम रात्रिः ॥

lālapyamānasya vicetanasya; pranaṣṭabuddheḥ patitasya bhūmau | muhur muhur niḥśvasataś ca dīrghaṃ; sā tasya śokena jagāma rātriḥ

As he lamented, bereft of sense, his reason lost, fallen upon the ground, sighing long again and again, that night passed for him in grief.

विलाप करते, अचेत, बुद्धि खोए हुए, भूमि पर गिरे हुए, बार-बार लंबी साँसें भरते हुए उनकी वह रात शोक में ही बीत गई।