Sarga 1

Verse 1

कस्य चित् त्व् अथ कालस्य राजा दशरथः सुतम् । भरतं केकयीपुत्रम् अब्रवीद् रघुनन्दनः ॥

kasya cit tv atha kālasya rājā daśarathaḥ sutam | bharataṃ kekayīputram abravīd raghunandanaḥ

After some time, King Daśaratha, delight of the Raghus, spoke to his son Bharata, son of Kaikeyī.

कुछ समय बीत जाने पर रघुकुलनन्दन राजा दशरथ ने कैकेयी के पुत्र भरत से कहा —

Verse 2

अयं केकयराजस्य पुत्रो वसति पुत्रक । त्वां नेतुम् आगतो वीर युधाजिन् मातुलस् तव ॥

ayaṃ kekayarājasya putro vasati putraka | tvāṃ netum āgato vīra yudhājin mātulas tava

"My boy, here dwells the son of the Kekaya king; your maternal uncle Yudhājit, O hero, has come to take you away."

"हे पुत्र! यह केकयराज का पुत्र — तुम्हारा मामा युधाजित् — यहाँ ठहरा हुआ है; हे वीर, वह तुम्हें अपने साथ ले जाने के लिए आया है।"

Verse 3

श्रुत्वा दशरथस्यैतद् भरतः केकयीसुतः । गमनायाभिचक्राम शत्रुघ्नसहितस् तदा ॥

śrutvā daśarathasyaitad bharataḥ kekayīsutaḥ | gamanāyābhicakrāma śatrughnasahitas tadā

Hearing this of Daśaratha, Bharata, son of Kaikeyī, then set out to go, together with Śatrughna.

दशरथ का यह वचन सुनकर कैकेयीपुत्र भरत उस समय शत्रुघ्न के साथ जाने के लिए तैयार हो गए।

Verse 4

आपृच्छ्य पितरं शूरो रामं चाक्लिष्टकारिणम् । मातॄंश् चापि नरश्रेष्ठः शत्रुघ्नसहितो ययौ ॥

āpṛcchya pitaraṃ śūro rāmaṃ cākliṣṭakāriṇam | mātṝṃś cāpi naraśreṣṭhaḥ śatrughnasahito yayau

Having taken leave of his father and of Rāma of untroubled deeds, and of his mothers as well, that best of men departed together with Śatrughna.

पिता से तथा अनायास ही महान कर्म करने वाले राम से और अपनी माताओं से भी विदा लेकर वह शूरवीर नरश्रेष्ठ शत्रुघ्न के साथ चल पड़े।

Verse 5

युधाजित् प्राप्य भरतं सशत्रुघ्नं प्रहर्षितः । स्वपुरं प्राविशद् वीरः पिता तस्य तुतोष ह ॥

yudhājit prāpya bharataṃ saśatrughnaṃ praharṣitaḥ | svapuraṃ prāviśad vīraḥ pitā tasya tutoṣa ha

Yudhājit, having gained Bharata together with Śatrughna, was delighted; the hero entered his own city, and his father rejoiced.

युधाजित् भरत को शत्रुघ्न सहित पाकर अत्यन्त हर्षित हुए; वह वीर अपने नगर में प्रविष्ट हुए, और उनके पिता (अश्वपति) संतुष्ट हुए।

Verse 6

स तत्र न्यवसद् भ्रात्रा सह सत्कारसत्कृतः । मातुलेनाश्वपतिना पुत्रस्नेहेन लालितः ॥

sa tatra nyavasad bhrātrā saha satkārasatkṛtaḥ | mātulenāśvapatinā putrasnehena lālitaḥ

There he dwelt with his brother, honored with every hospitality, cherished with a father's love by his maternal uncle Aśvapati.

वहाँ वे अपने भाई के साथ आदर-सत्कार से सम्मानित होकर रहने लगे; मामा अश्वपति ने पुत्र के समान स्नेह से उनका लालन-पालन किया।

Verse 7

तत्रापि निवसन्तौ तौ तर्प्यमाणौ च कामतः । भ्रातरौ स्मरतां वीरौ वृद्धं दशरथं नृपम् ॥

tatrāpi nivasantau tau tarpyamāṇau ca kāmataḥ | bhrātarau smaratāṃ vīrau vṛddhaṃ daśarathaṃ nṛpam

Even while dwelling there, gratified to their heart's content, the two heroic brothers kept remembering the aged king Daśaratha.

वहाँ रहते हुए और इच्छानुसार सब भोग पाते हुए भी वे दोनों वीर भाई वृद्ध राजा दशरथ का स्मरण करते रहते थे।

Verse 8

राजापि तौ महातेजाः सस्मार प्रोषितौ सुतौ । उभौ भरतशत्रुघ्नौ महेन्द्रवरुणोपमौ ॥

rājāpi tau mahātejāḥ sasmāra proṣitau sutau | ubhau bharataśatrughnau mahendravaruṇopamau

The king too, of great splendor, remembered his two absent sons, both Bharata and Śatrughna, who were like great Indra and Varuṇa.

महातेजस्वी राजा भी अपने परदेश गए हुए दोनों पुत्रों — महेन्द्र और वरुण के समान भरत और शत्रुघ्न — का स्मरण करते थे।

Verse 9

सर्व एव तु तस्येष्टाश् चत्वारः पुरुषर्षभाः । स्वशरीराद् विनिर्वृत्ताश् चत्वार इव बाहवः ॥

sarva eva tu tasyeṣṭāś catvāraḥ puruṣarṣabhāḥ | svaśarīrād vinirvṛttāś catvāra iva bāhavaḥ

All four of those bulls among men were dear to him, like four arms issuing from his own body.

वे चारों पुरुषश्रेष्ठ पुत्र उन्हें समान रूप से प्रिय थे, मानो अपने ही शरीर से निकली हुई चार भुजाएँ हों।

Verse 10

तेषाम् अपि महातेजा रामो रतिकरः पितुः । स्वयम्भूर् इव भूतानां बभूव गुणवत्तरः ॥

teṣām api mahātejā rāmo ratikaraḥ pituḥ | svayambhūr iva bhūtānāṃ babhūva guṇavattaraḥ

Among them Rāma, of great splendor, was the one who gave his father joy, and, like the Self-existent One (Brahmā) among beings, he grew the more endowed with virtues.

उन सब में भी महातेजस्वी राम पिता के आनन्द के दाता थे; प्राणियों में जैसे स्वयम्भू ब्रह्मा श्रेष्ठ हैं, वैसे ही वे गुणों में सबसे बढ़कर थे।

Verse 11

गते च भरते रामो लक्ष्मणश् च महाबलः । पितरं देवसंकाशं पूजयाम् आसतुस् तदा ॥

gate ca bharate rāmo lakṣmaṇaś ca mahābalaḥ | pitaraṃ devasaṃkāśaṃ pūjayām āsatus tadā

When Bharata had gone, Rāma and the mighty Lakṣmaṇa then paid homage to their father, who resembled a god.

भरत के चले जाने पर राम और महाबली लक्ष्मण उस समय देवतुल्य अपने पिता की सेवा-उपासना करते थे।

Verse 12

पितुर् आज्ञां पुरस्कृत्य पौरकार्याणि सर्वशः । चकार रामो धर्मात्मा प्रियाणि च हितानि च ॥

pitur ājñāṃ puraskṛtya paurakāryāṇi sarvaśaḥ | cakāra rāmo dharmātmā priyāṇi ca hitāni ca

Putting his father's command foremost, the righteous Rāma did for the citizens, in every way, all that was pleasing and beneficial.

पिता की आज्ञा को सर्वोपरि मानकर धर्मात्मा राम नगरवासियों के समस्त कार्यों में प्रिय और हितकारी काम करते थे।

Verse 13

मातृभ्यो मातृकार्याणि कृत्वा परमयन्त्रितः । गुरूणां गुरुकार्याणि काले काले ऽन्ववैक्षत ॥

mātṛbhyo mātṛkāryāṇi kṛtvā paramayantritaḥ | gurūṇāṃ gurukāryāṇi kāle kāle 'nvavaikṣata

Most self-controlled, he performed toward his mothers the duties owed to his mothers, and toward his elders the duties owed to his elders, attending to them from time to time.

माताओं के प्रति माताओं के योग्य कर्तव्यों को पूर्ण संयम के साथ निभाकर, वे समय-समय पर गुरुजनों के प्रति गुरुजनोचित कर्तव्यों का भी ध्यान रखते थे।

Verse 14

एवं दशरथः प्रीतो ब्राह्मणा नैगमास् तथा । रामस्य शीलवृत्तेन सर्वे विषयवासिनः ॥

evaṃ daśarathaḥ prīto brāhmaṇā naigamās tathā | rāmasya śīlavṛttena sarve viṣayavāsinaḥ

Thus was Daśaratha pleased, and so too the brāhmaṇas, the townsfolk, and all the dwellers of the realm, by Rāma's character and conduct.

इस प्रकार राम के शील और आचरण से दशरथ प्रसन्न रहते थे, और वैसे ही ब्राह्मण, व्यापारीगण तथा समस्त देशवासी भी प्रसन्न थे।

Verse 15

स हि नित्यं प्रशान्तात्मा मृदुपूर्वं च भाषते । उच्यमानो ऽपि परुषं नोत्तरं प्रतिपद्यते ॥

sa hi nityaṃ praśāntātmā mṛdupūrvaṃ ca bhāṣate | ucyamāno 'pi paruṣaṃ nottaraṃ pratipadyate

For he was ever serene of spirit and spoke gently from the first; even when addressed harshly, he returned no harsh reply.

वे सदा शान्तचित्त रहते और पहले मधुर वचन ही बोलते थे; कठोर वचन कहे जाने पर भी वे उसका कोई कटु उत्तर नहीं देते थे।

Verse 16

कथं चिद् उपकारेण कृतेनैकेन तुष्यति । न स्मरत्य् अपकाराणां शतम् अप्य् आत्मवत्तया ॥

kathaṃ cid upakāreṇa kṛtenaikena tuṣyati | na smaraty apakārāṇāṃ śatam apy ātmavattayā

By a single kindness, somehow done, he was satisfied; through his self-possession he did not call to mind even a hundred injuries.

किसी प्रकार किए गए एक ही उपकार से वे संतुष्ट हो जाते, और अपनी महानता के कारण सैकड़ों अपकारों को भी स्मरण में नहीं रखते थे।

Verse 17

शीलवृद्धैर् ज्ञानवृद्धैर् वयोवृद्धैश् च सज्जनैः । कथयन्न् आस्त वै नित्यम् अस्त्रयोग्यान्तरेष्व् अपि ॥

śīlavṛddhair jñānavṛddhair vayovṛddhaiś ca sajjanaiḥ | kathayann āsta vai nityam astrayogyāntareṣv api

He would ever converse with the good — those grown old in virtue, in knowledge, and in years — even in the intervals of his weapons-practice.

शील में वृद्ध, ज्ञान में वृद्ध तथा अवस्था में वृद्ध सज्जनों के साथ वे अस्त्र-अभ्यास के अवकाश के समय में भी सदा वार्तालाप करते रहते थे।

Verse 18

कल्याणाभिजनः साधुर् अदीनः सत्यवाग् ऋजुः । वृद्धैर् अभिविनीतश् च द्विजैर् धर्मार्थदर्शिभिः ॥

kalyāṇābhijanaḥ sādhur adīnaḥ satyavāg ṛjuḥ | vṛddhair abhivinītaś ca dvijair dharmārthadarśibhiḥ

Of noble birth, virtuous, free of meanness, truthful in speech and upright, and well-trained by elders, by the twice-born who perceive dharma and artha;

वे उत्तम कुल में उत्पन्न, साधु स्वभाव के, कभी दीन न होने वाले, सत्यवादी और सरल थे; धर्म और अर्थ के द्रष्टा वृद्ध ब्राह्मणों द्वारा भली-भाँति शिक्षित थे।

Verse 19

धर्मार्थकामतत्त्वज्ञः स्मृतिमान् प्रतिभावनान् । लौकिके समयाचरे कृतकल्पो विशारदः ॥

dharmārthakāmatattvajñaḥ smṛtimān pratibhāvanān | laukike samayācare kṛtakalpo viśāradaḥ

knowing the truth of dharma, artha, and kāma, possessed of sound memory and ready wit, skilled and accomplished in worldly custom and convention;

वे धर्म, अर्थ और काम के तत्त्व के ज्ञाता, स्मरणशक्ति से सम्पन्न और प्रतिभाशाली थे; लौकिक व्यवहार और रीति-रिवाज में निपुण और कुशल थे।

Verse 20

शास्त्रज्ञश् च कृतज्ञश् च पुरुषान्तरकोविदः । यः प्रग्रहानुग्रहयोर् यथान्यायं विचक्षणः ॥

śāstrajñaś ca kṛtajñaś ca puruṣāntarakovidaḥ | yaḥ pragrahānugrahayor yathānyāyaṃ vicakṣaṇaḥ

learned in the śāstras, grateful, expert in the ways of other men, and discerning, according to justice, in matters of restraint and of favor;

वे शास्त्रज्ञ, कृतज्ञ और मनुष्यों के परस्पर अन्तर को परखने में निपुण थे; निग्रह और अनुग्रह (दण्ड और कृपा) के विषय में न्यायानुसार विवेक रखने वाले थे।

Verse 21

आयकर्मण्य् उपायज्ञः संदृष्टव्ययकर्मवित् । श्रैष्ठ्यं शास्त्रसमूहेषु प्राप्तो व्यामिश्रकेष्व् अपि ॥

āyakarmaṇy upāyajñaḥ saṃdṛṣṭavyayakarmavit | śraiṣṭhyaṃ śāstrasamūheṣu prāpto vyāmiśrakeṣv api

knowing the means in the business of revenue, versed in well-apportioned expenditure, he had attained pre-eminence among the whole body of sciences, and in the mixed ones too;

वे आय के कार्यों के उपाय जानते और उचित व्यय-कर्म के ज्ञाता थे; समस्त शास्त्रसमूहों में, यहाँ तक कि मिश्रित (जटिल) विषयों में भी, उन्होंने श्रेष्ठता प्राप्त कर ली थी।

Verse 22

अर्थधर्मौ च संगृह्य सुखतन्त्रो न चालसः । वैहारिकाणां शिल्पानां विज्ञातार्थविभागवित् ॥

arthadharmau ca saṃgṛhya sukhatantro na cālasaḥ | vaihārikāṇāṃ śilpānāṃ vijñātārthavibhāgavit

having grasped both artha and dharma, devoted to proper pleasure yet not slothful, and knowing the division of worth among the arts of recreation;

अर्थ और धर्म का भली-भाँति संग्रह करके वे नियमित सुख-भोग में लगे रहते, पर आलसी नहीं थे; मनोरंजन की कलाओं और शिल्पों के प्रयोजन-विभाग के भी ज्ञाता थे।

Verse 23

आरोहे विनये चैव युक्तो वारणवाजिनाम् । धनुर्वेदविदां श्रेष्ठो लोके ऽतिरथसंमतः ॥

ārohe vinaye caiva yukto vāraṇavājinām | dhanurvedavidāṃ śreṣṭho loke 'tirathasaṃmataḥ

skilled in the mounting and management of elephants and horses, foremost among knowers of the science of archery, esteemed in the world as a mighty car-warrior (atiratha);

वे हाथियों और घोड़ों पर सवारी तथा उनके प्रशिक्षण में निपुण थे; धनुर्वेद के ज्ञाताओं में श्रेष्ठ और संसार में अतिरथी माने जाते थे।

Verse 24

अभियाता प्रहर्ता च सेनानयविशारदः । अप्रधृष्यश् च संग्रामे क्रुद्धैर् अपि सुरासुरैः ॥

abhiyātā prahartā ca senānayaviśāradaḥ | apradhṛṣyaś ca saṃgrāme kruddhair api surāsuraiḥ

an assailant and a striker, skilled in the leading of armies, and unassailable in battle even by enraged gods and asuras;

वे आक्रमण करने और शत्रुओं का संहार करने वाले तथा सेना-संचालन की नीति में कुशल थे; युद्ध में क्रुद्ध देवताओं और असुरों के द्वारा भी वे अजेय थे।

Verse 25

अनसूयो जितक्रोधो न दृप्तो न च मत्सरी । न चावमन्ता भूतानां न च कालवशानुगः ॥

anasūyo jitakrodho na dṛpto na ca matsarī | na cāvamantā bhūtānāṃ na ca kālavaśānugaḥ

free of spite, conqueror of anger, neither arrogant nor jealous, neither contemptuous of beings nor swayed by time into injustice.

वे ईर्ष्यारहित, क्रोध को जीतने वाले, न अहंकारी थे न मत्सरी; न किसी प्राणी का अपमान करते थे, न काल (परिस्थिति) के वश में होते थे।

Verse 26

एवं श्रैष्ठैर् गुणैर् युक्तः प्रजानां पार्थिवात्मजः । संमतस् त्रिषु लोकेषु वसुधायाः क्षमागुणैः । बुद्ध्या बृहस्पतेस् तुल्यो वीर्येणापि शचीपतेः ॥

evaṃ śraiṣṭhair guṇair yuktaḥ prajānāṃ pārthivātmajaḥ | saṃmatas triṣu lokeṣu vasudhāyāḥ kṣamāguṇaiḥ | buddhyā bṛhaspates tulyo vīryeṇāpi śacīpateḥ

Endowed with such excellent virtues, the prince was esteemed by the people throughout the three worlds — matching the earth in the virtue of forbearance, equal to Bṛhaspati in intellect, and to the lord of Śacī (Indra) in valor.

इस प्रकार श्रेष्ठ गुणों से युक्त वह राजकुमार तीनों लोकों में प्रजा के द्वारा सम्मानित था; पृथ्वी के समान क्षमाशील, बुद्धि में बृहस्पति के तुल्य और पराक्रम में इन्द्र के समान था।

Verse 27

तथा सर्वप्रजाकान्तैः प्रीतिसंजननैः पितुः । गुणैर् विरुरुचे रामो दीप्तः सूर्य इवांशुभिः ॥

tathā sarvaprajākāntaiḥ prītisaṃjananaiḥ pituḥ | guṇair viruruce rāmo dīptaḥ sūrya ivāṃśubhiḥ

Thus with virtues dear to all the people and begetting his father's love, Rāma shone resplendent, like the sun with its rays.

इस प्रकार समस्त प्रजा को प्रिय लगने वाले और पिता के हर्ष को बढ़ाने वाले गुणों से राम वैसे ही सुशोभित होते थे जैसे अपनी किरणों से देदीप्यमान सूर्य।

Verse 28

तम् एवंवृत्तसंपन्नम् अप्रधृष्य पराक्रमम् । लोकपालोपमं नाथम् अकामयत मेदिनी ॥

tam evaṃvṛttasaṃpannam apradhṛṣya parākramam | lokapālopamaṃ nātham akāmayata medinī

Him, endowed with such conduct, of unassailable prowess, like a guardian of the world — the Earth herself desired as her lord.

ऐसे सदाचार-सम्पन्न, अजेय पराक्रमी और लोकपालों के समान उन राम को पृथ्वी अपना स्वामी बनाना चाहती थी।

Verse 29

एतैस् तु बहुभिर् युक्तं गुणैर् अनुपमैः सुतम् । दृष्ट्वा दशरथो राजा चक्रे चिन्तां परंतपः ॥

etais tu bahubhir yuktaṃ guṇair anupamaiḥ sutam | dṛṣṭvā daśaratho rājā cakre cintāṃ paraṃtapaḥ

Seeing his son endowed with these many peerless virtues, King Daśaratha, scorcher of foes, fell to pondering.

इन अनेक अनुपम गुणों से युक्त अपने पुत्र को देखकर शत्रुओं को संतप्त करने वाले राजा दशरथ चिन्ता करने लगे।

Verse 30

एषा ह्य् अस्य परा प्रीतिर् हृदि संपरिवर्तते । कदा नाम सुतं द्रक्ष्याम्य् अभिषिक्तम् अहं प्रियम् ॥

eṣā hy asya parā prītir hṛdi saṃparivartate | kadā nāma sutaṃ drakṣyāmy abhiṣiktam ahaṃ priyam

For this supreme joy was turning over in his heart: "When indeed shall I behold my dear son consecrated as heir?"

"यही परम आनन्द की भावना मेरे हृदय में बार-बार घूमती रहती है — मैं अपने प्रिय पुत्र को राज्याभिषिक्त हुआ कब देखूँगा?"

Verse 31

वृद्धिकामो हि लोकस्य सर्वभूतानुकम्पनः । मत्तः प्रियतरो लोके पर्जन्य इव वृष्टिमान् ॥

vṛddhikāmo hi lokasya sarvabhūtānukampanaḥ | mattaḥ priyataro loke parjanya iva vṛṣṭimān

"For he desires the growth of the world and is compassionate to all beings, dearer to the world than I am, like the rain-laden cloud."

"वह लोक की वृद्धि चाहने वाला और समस्त प्राणियों पर दयालु है; जल बरसाने वाले मेघ के समान वह संसार में मुझसे भी अधिक प्रिय है।"

Verse 32

यमशक्रसमो वीर्ये बृहस्पतिसमो मतौ । महीधरसमो धृत्यां मत्तश् च गुणवत्तरः ॥

yamaśakrasamo vīrye bṛhaspatisamo matau | mahīdharasamo dhṛtyāṃ mattaś ca guṇavattaraḥ

"Equal to Yama and Śakra in valor, equal to Bṛhaspati in judgment, firm as a mountain in steadfastness, and more endowed with virtues than I —"

"वह पराक्रम में यम और इन्द्र के समान, बुद्धि में बृहस्पति के तुल्य, धैर्य में पर्वत के समान और गुणों में मुझसे भी बढ़कर है।"

Verse 33

महीम् अहम् इमां कृत्स्नाम् अधितिष्ठन्तम् आत्मजम् । अनेन वयसा दृष्ट्वा यथा स्वर्गम् अवाप्नुयाम् ॥

mahīm aham imāṃ kṛtsnām adhitiṣṭhantam ātmajam | anena vayasā dṛṣṭvā yathā svargam avāpnuyām

"having, at this my age, seen my son established over this whole earth, may I thereby attain heaven."

"इस समस्त पृथ्वी पर शासन करते हुए अपने पुत्र को इस अवस्था में देखकर मैं मानो स्वर्ग को प्राप्त कर लूँगा।"

Verse 34

तं समीक्ष्य महाराजो युक्तं समुदितैर् गुणैः । निश्चित्य सचिवैः सार्धं युवराजम् अमन्यत ॥

taṃ samīkṣya mahārājo yuktaṃ samuditair guṇaiḥ | niścitya sacivaiḥ sārdhaṃ yuvarājam amanyata

Observing him endowed with these gathered virtues, the great king, resolving together with his ministers, deemed him fit for the heir-apparency.

इन समुदित गुणों से युक्त उन्हें देखकर महाराज ने मन्त्रियों के साथ विचार करके उन्हें युवराज बनाने का निश्चय किया।

Verse 35

नानानगरवास्तव्यान् पृथग्जानपदान् अपि । समानिनाय मेदिन्याः प्रधानान् पृथिवीपतिः ॥

nānānagaravāstavyān pṛthagjānapadān api | samānināya medinyāḥ pradhānān pṛthivīpatiḥ

The lord of the earth summoned the chief men dwelling in the various cities, and the separate country-folk of the land as well.

पृथ्वीपति ने विभिन्न नगरों में बसने वाले तथा अलग-अलग जनपदों के भी प्रमुख व्यक्तियों को पृथ्वी भर से बुलवा भेजा।

Verse 36

अथ राजवितीर्णेषु विविधेष्व् आसनेषु च । राजानम् एवाभिमुखा निषेदुर् नियता नृपाः ॥

atha rājavitīrṇeṣu vividheṣv āsaneṣu ca | rājānam evābhimukhā niṣedur niyatā nṛpāḥ

Then, upon the various seats bestowed by the king, the assembled rulers, self-controlled, sat down facing the king.

तदनन्तर राजा द्वारा दिए गए विविध आसनों पर वे नरेश संयमपूर्वक राजा की ओर मुख करके बैठ गए।

Verse 37

स लब्धमानैर् विनयान्वितैर् नृपैः; पुरालयैर् जानपदैश् च मानवैः । उपोपविष्टैर् नृपतिर् वृतो बभौ; सहस्रचक्षुर् भगवान् इवामरैः ॥

sa labdhamānair vinayānvitair nṛpaiḥ; purālayair jānapadaiś ca mānavaiḥ | upopaviṣṭair nṛpatir vṛto babhau; sahasracakṣur bhagavān ivāmaraiḥ

Surrounded by those honored and modest rulers, and by the townsfolk and country people seated near, the king shone like the blessed thousand-eyed one (Indra) encircled by the immortals.

सम्मान पाए हुए और विनयशील राजाओं से तथा निकट बैठे हुए नगरवासी और जनपदवासी मनुष्यों से घिरे हुए वह राजा वैसे ही सुशोभित हो रहे थे जैसे देवताओं से घिरे हुए सहस्र नेत्रों वाले भगवान इन्द्र।