Adhyaya 91

Verse 1

संजय उवाच शृणुष्वैकमना राजन् यन् मां त्वं परिपृच्छसि द्राव्यमाणे बले तस्मिन् हार्दिक्येन महात्मना

saṃjaya uvāca śṛṇuṣvaikamanā rājan yan māṃ tvaṃ paripṛcchasi drāvyamāṇe bale tasmin hārdikyena mahātmanā

Sañjaya said: Listen with undivided mind, O king, to that which you ask of me. When that force was being routed by the great-souled son of Hṛdika (Kṛtavarman),

संजय ने कहा — हे राजन्! जो आप मुझसे पूछ रहे हैं उसे एकाग्रचित्त होकर सुनिए। जब महात्मा हार्दिक्य (कृतवर्मा) द्वारा वह सेना खदेड़ी जा रही थी,

Verse 2

लज्जयावनते चापि प्रहृष्टैश् चैव तावकैः द्वीपो य आसीत् पाण्डूनाम् अगाधे गाधम् इच्छताम्

lajjayāvanate cāpi prahṛṣṭaiś caiva tāvakaiḥ dvīpo ya āsīt pāṇḍūnām agādhe gādham icchatām

and [the Pāṇḍavas were] bowed down with shame while your men were filled with joy — he (Sātyaki), who had been an island to the Pāṇḍavas as they sought a foothold in the fathomless deep —

और (पाण्डव) लज्जा से झुक गए थे तथा आपके सैनिक हर्षित थे — तब वह (सात्यकि), जो अगाध (जल) में थाह चाहने वाले पाण्डवों के लिए द्वीप बना था —

Verse 3

श्रुत्वा तु निनदं भीमं तावकानां महाहवे शैनेयस् त्वरितो राजन् कृतवर्माणम् अभ्ययात्

śrutvā tu ninadaṃ bhīmaṃ tāvakānāṃ mahāhave śaineyas tvarito rājan kṛtavarmāṇam abhyayāt

hearing the terrible din of your men in that great battle, the Śaineya (Sātyaki), hastening, O king, advanced against Kṛtavarman.

हे राजन्! उस महायुद्ध में आपके सैनिकों का भयंकर गर्जन सुनकर शैनेय (सात्यकि) शीघ्रता से कृतवर्मा की ओर बढ़ा।

Verse 4

कृतवर्मा तु हार्दिक्यः शैनेयं निशितैः शरैः अवाकिरत् सुसंक्रुद्धस् ततो ऽक्रुध्यत सात्यकिः

kṛtavarmā tu hārdikyaḥ śaineyaṃ niśitaiḥ śaraiḥ avākirat susaṃkruddhas tato 'krudhyata sātyakiḥ

But Kṛtavarman the son of Hṛdika, greatly enraged, showered the Śaineya with sharp arrows; thereupon Sātyaki grew wroth.

किंतु अत्यंत क्रुद्ध होकर हार्दिक्य कृतवर्मा ने शैनेय को तीक्ष्ण बाणों से ढँक दिया; तब सात्यकि क्रुद्ध हो उठा।

Verse 5

ततः सुनिशितं भल्लं शैनेयः कृतवर्मणे प्रेषयाम् आस समरे शरांश् च चतुरो ऽपरान्

tataḥ suniśitaṃ bhallaṃ śaineyaḥ kṛtavarmaṇe preṣayām āsa samare śarāṃś ca caturo 'parān

Then the Śaineya sent at Kṛtavarman a well-whetted broad-headed arrow in battle, and four other shafts.

तब शैनेय ने समर में कृतवर्मा की ओर एक भली-भाँति तीक्ष्ण किया हुआ भल्ल और चार अन्य बाण फेंके।

Verse 6

ते तस्य जघ्निरे वाहान् भल्लेनास्याच्छिनद् धनुः पृष्ठरक्षं तथा सूतम् अविध्यन् निशितैः शरैः

te tasya jaghnire vāhān bhallenāsyācchinad dhanuḥ pṛṣṭharakṣaṃ tathā sūtam avidhyan niśitaiḥ śaraiḥ

These slew his horses; with a broad-headed arrow he cut his bow; and he pierced his rear-guard and his charioteer with sharp shafts.

इन्होंने उसके घोड़ों को मार डाला; भल्ल से उसका धनुष काट दिया; और तीक्ष्ण बाणों से उसके पृष्ठरक्षक तथा सारथि को बींध दिया।

Verse 7

ततस् तं विरथं कृत्वा सात्यकिः सत्यविक्रमः सेनाम् अस्यार्दयाम् आस शरैः संनतपर्वभिः

tatas taṃ virathaṃ kṛtvā sātyakiḥ satyavikramaḥ senām asyārdayām āsa śaraiḥ saṃnataparvabhiḥ

Then, having made him carless, Sātyaki of true valour afflicted his army with smooth-jointed arrows.

तब उसे रथहीन करके सत्यपराक्रमी सात्यकि ने सीधे जोड़ वाले बाणों से उसकी सेना को पीड़ित किया।

Verse 8

साभज्यताथ पृतना शैनेयशरपीडिता ततः प्रायाद् वै त्वरितः सात्यकिः सत्यविक्रमः

sābhajyatātha pṛtanā śaineyaśarapīḍitā tataḥ prāyād vai tvaritaḥ sātyakiḥ satyavikramaḥ

Then that host, tormented by the Śaineya's arrows, broke; and thereupon Sātyaki of true valour swiftly went on.

तब शैनेय के बाणों से पीड़ित होकर वह सेना टूट गई; और तब सत्यपराक्रमी सात्यकि शीघ्रता से आगे बढ़ा।

Verse 9

शृणु राजन् यद् अकरोत् तव सैन्येषु वीर्यवान् अतीत्य स महाराज द्रोणानीकमहार्णवम्

śṛṇu rājan yad akarot tava sainyeṣu vīryavān atītya sa mahārāja droṇānīkamahārṇavam

Hear, O king, what that valiant one did amid your troops. Having crossed, O great king, the great ocean of Droṇa's army,

हे राजन्! सुनिए, उस पराक्रमी ने आपकी सेनाओं के बीच क्या किया। हे महाराज! द्रोण की सेना-रूपी महासागर को पार करके,

Verse 10

पराजित्य च संहृष्टः कृतवर्माणम् आहवे यन्तारम् अब्रवीच् छूरः शनैर् याहीत्य् असंभ्रमम्

parājitya ca saṃhṛṣṭaḥ kṛtavarmāṇam āhave yantāram abravīc chūraḥ śanair yāhīty asaṃbhramam

and having vanquished Kṛtavarman in battle, the hero, glad, said to his charioteer without agitation: 'Go slowly.'

और युद्ध में कृतवर्मा को पराजित करके, हर्षित होकर उस शूर ने बिना किसी घबराहट के सारथि से कहा — 'धीरे-धीरे चलो।'

Verse 11

दृष्ट्वा तु तव तत् सैन्यं रथाश्वद्विपसंकुलम् पदातिजनसंपूर्णम् अब्रवीत् सारथिं पुनः

dṛṣṭvā tu tava tat sainyaṃ rathāśvadvipasaṃkulam padātijanasaṃpūrṇam abravīt sārathiṃ punaḥ

But seeing that army of yours, thronged with chariots, horses and elephants, and full of foot-soldiers, he spoke to his charioteer again:

किंतु रथ, घोड़े और हाथियों से भरी तथा पैदल सैनिकों से परिपूर्ण आपकी उस सेना को देखकर उसने सारथि से फिर कहा:

Verse 12

यद् एतन् मेघसंकाशं द्रोणानीकस्य सव्यतः सुमहत् कुञ्जरानीकं यस्य रुक्मरथो मुखम्

yad etan meghasaṃkāśaṃ droṇānīkasya savyataḥ sumahat kuñjarānīkaṃ yasya rukmaratho mukham

'That great cloud-like elephant-division to the left of Droṇa's army, whose vanguard is the Rukmaratha —

'द्रोण की सेना के बाईं ओर जो यह मेघ के समान विशाल गजसेना है, जिसका मुख (अग्रभाग) रुक्मरथ है —

Verse 13

एते हि बहवः सूत दुर्निवार्याश् च संयुगे दुर्योधनसमादिष्टा मदर्थे त्यक्तजीविताः राजपुत्रा महेष्वासाः सर्वे विक्रान्तयोधिनः

ete hi bahavaḥ sūta durnivāryāś ca saṃyuge duryodhanasamādiṣṭā madarthe tyaktajīvitāḥ rājaputrā maheṣvāsāḥ sarve vikrāntayodhinaḥ

these many warriors, O charioteer, hard to ward off in battle, commanded by Duryodhana, having renounced their lives for my sake — princes, mighty bowmen, all valiant fighters,

हे सूत! संग्राम में दुर्निवार्य ये बहुत-से, दुर्योधन से आदेश पाए, मेरे लिए प्राण त्यागने को उद्यत — राजकुमार, महाधनुर्धर, सब विक्रमी योद्धा —

Verse 14

त्रिगर्तानां रथोदाराः सुवर्णविकृतध्वजाः माम् एवाभिमुखा वीरा योत्स्यमाना व्यवस्थिताः

trigartānāṃ rathodārāḥ suvarṇavikṛtadhvajāḥ mām evābhimukhā vīrā yotsyamānā vyavasthitāḥ

the noble car-warriors of the Trigartas, with banners wrought of gold, those heroes stand arrayed facing me, ready to fight.

स्वर्णमय ध्वजाओं वाले त्रिगर्तों के उदार रथी, वे वीर मेरे ही सम्मुख युद्ध के लिए सन्नद्ध खड़े हैं।

Verse 15

अत्र मां प्रापय क्षिप्रम् अश्वांश् चोदय सारथे त्रिगर्तैः सह योत्स्यामि भारद्वाजस्य पश्यतः

atra māṃ prāpaya kṣipram aśvāṃś codaya sārathe trigartaiḥ saha yotsyāmi bhāradvājasya paśyataḥ

Bring me quickly there, urge on the horses, O charioteer; I will fight with the Trigartas before the very eyes of Bharadvāja's son (Droṇa).'

हे सारथे! मुझे शीघ्र वहाँ पहुँचाओ, घोड़ों को प्रेरित करो; भरद्वाजपुत्र (द्रोण) के देखते-देखते मैं त्रिगर्तों से युद्ध करूँगा।'

Verse 16

ततः प्रायाच् छनैः सूतः सात्वतस्य मते स्थितः रथेनादित्यवर्णेन भास्वरेण पताकिना

tataḥ prāyāc chanaiḥ sūtaḥ sātvatasya mate sthitaḥ rathenādityavarṇena bhāsvareṇa patākinā

Then the charioteer went slowly, abiding by the Sātvata's will, upon that chariot of sun-like hue, bright and banner-decked.

तब सात्वत के मत पर स्थित वह सारथि सूर्य के समान वर्णवाले, प्रकाशमान और पताकायुक्त रथ से धीरे-धीरे चला।

Verse 17

तम् ऊहुः सारथेर् वश्या वल्गमाना हयोत्तमाः वायुवेगसमाः संख्ये कुन्देन्दुरजतप्रभाः

tam ūhuḥ sārather vaśyā valgamānā hayottamāḥ vāyuvegasamāḥ saṃkhye kundendurajataprabhāḥ

Those excellent horses, obedient to the driver, curvetting, bore him — equal to the wind's speed in battle, of the sheen of jasmine, the moon, and silver.

सारथि के वश में कुलाँचें भरते वे उत्तम घोड़े, युद्ध में वायु के वेग के समान, कुंद, चंद्रमा और चाँदी की कांति वाले, उसे ले चले।

Verse 18

आपतन्तं रथं तं तु शङ्खवर्णैर् हयोत्तमैः परिवव्रुस् ततः शूरा गजानीकेन सर्वतः किरन्तो विविधांस् तीक्ष्णान् सायकांल् लघुवेधिनः

āpatantaṃ rathaṃ taṃ tu śaṅkhavarṇair hayottamaiḥ parivavrus tataḥ śūrā gajānīkena sarvataḥ kiranto vividhāṃs tīkṣṇān sāyakāṃl laghuvedhinaḥ

As that chariot came on with its excellent conch-hued horses, the heroes then surrounded it on all sides with their elephant-division, scattering sharp shafts of many kinds, those swift-piercing ones.

शंख के वर्ण वाले उत्तम घोड़ों से आते हुए उस रथ को तब शूरों ने गजसेना से चारों ओर घेर लिया, और अनेक प्रकार के तीक्ष्ण, शीघ्र भेदने वाले बाण बरसाने लगे।

Verse 19

सात्वतो ऽपि शितैर् बाणैर् गजानीकम् अयोधयत् पर्वतान् इव वर्षेण तपान्ते जलदो महान्

sātvato 'pi śitair bāṇair gajānīkam ayodhayat parvatān iva varṣeṇa tapānte jalado mahān

But the Sātvata too fought the elephant-division with sharp arrows, as a great cloud [pelts] the mountains with rain at the end of the hot season.

किंतु सात्वत ने भी तीक्ष्ण बाणों से गजसेना से युद्ध किया, जैसे ग्रीष्म के अंत में महान मेघ पर्वतों पर वर्षा करता है।

Verse 20

वज्राशनिसमस्पर्शैर् वध्यमानाः शरैर् गजाः प्राद्रवन् रणम् उत्सृज्य शिनिवीर्यसमीरितैः

vajrāśanisamasparśair vadhyamānāḥ śarair gajāḥ prādravan raṇam utsṛjya śinivīryasamīritaiḥ

Smitten by arrows of touch like the thunderbolt and lightning, loosed by the strength of the Sini hero, the elephants fled, abandoning the battle —

शिनिवीर (सात्यकि) के बल से छोड़े गए वज्र और अशनि के समान स्पर्श वाले बाणों से मारे जाते हुए हाथी युद्ध छोड़कर भाग निकले —

Verse 21

शीर्णदन्ता विरुधिरा भिन्नमस्तकपिण्डकाः विशीर्णकर्णास्यकरा विनियन्तृपताकिनः

śīrṇadantā virudhirā bhinnamastakapiṇḍakāḥ viśīrṇakarṇāsyakarā viniyantṛpatākinaḥ

their tusks broken, bloodied, the frontal globes of their heads split, their ears, mouths and trunks torn, their drivers and banners [gone],

जिनके दाँत टूट गए, जो रक्तरंजित हो गए, जिनके मस्तक के कुंभ फट गए, जिनके कान, मुख और सूँड़ फट गए, जिनके महावत और पताकाएँ (नष्ट हो गईं),

Verse 22

संभिन्नवर्मघण्टाश् च संनिकृत्तमहाध्वजाः हतारोहा दिशो राजन् भेजिरे भ्रष्टकम्बलाः

saṃbhinnavarmaghaṇṭāś ca saṃnikṛttamahādhvajāḥ hatārohā diśo rājan bhejire bhraṣṭakambalāḥ

their armour and bells shattered, their great standards cut down, their riders slain, O king, their housings fallen — they scattered to all the quarters,

हे राजन्! जिनके कवच और घंटे टूट गए, जिनके महाध्वज कट गए, जिनके सवार मारे गए और झूल गिर पड़े, वे दिशाओं में भाग निकले,

Verse 23

रुवन्तो विविधान् रावाञ् जलदोपमनिस्वनाः नाराचैर् वत्सदन्तैश् च सात्वतेन विदारिताः

ruvanto vividhān rāvāñ jaladopamanisvanāḥ nārācair vatsadantaiś ca sātvatena vidāritāḥ

bellowing cries of many kinds, roaring like clouds, rent asunder by the Sātvata with iron shafts and calf-toothed arrows.

अनेक प्रकार की चीत्कार करते, मेघ के समान गर्जना करते, सात्वत द्वारा नाराच और वत्सदन्त बाणों से विदीर्ण किए हुए।

Verse 24

तस्मिन् द्रुते गजानीके जलसंधो महारथः यत्तः संप्रापयन् नागं रजताश्वरथं प्रति

tasmin drute gajānīke jalasaṃdho mahārathaḥ yattaḥ saṃprāpayan nāgaṃ rajatāśvarathaṃ prati

When that elephant-division was routed, the great car-warrior Jalasandha, intent, brought his elephant against the chariot with silver horses.

उस गजसेना के भाग जाने पर महारथी जलसंध ने सावधान होकर अपने हाथी को चाँदी के घोड़ों वाले रथ की ओर बढ़ाया।

Verse 25

रुक्मवर्णकरः शूरस् तपनीयाङ्गदः शुचिः कुण्डली मुकुटी शङ्खी रक्तचन्दनरूषितः

rukmavarṇakaraḥ śūras tapanīyāṅgadaḥ śuciḥ kuṇḍalī mukuṭī śaṅkhī raktacandanarūṣitaḥ

A hero with gold-hued bracelets, with armlets of pure gold, pure, wearing earrings, a crown, and [carrying] a conch, smeared with red sandal,

स्वर्णवर्ण की चूड़ियों वाला, शुद्ध स्वर्ण के अंगद पहने, पवित्र वह शूर, कुण्डल, मुकुट और शंखधारी, लाल चंदन से लिप्त,

Verse 26

शिरसा धारयन् दीप्तां तपनीयमयीं स्रजम् उरसा धारयन् निष्कं कण्ठसूत्रं च भास्वरम्

śirasā dhārayan dīptāṃ tapanīyamayīṃ srajam urasā dhārayan niṣkaṃ kaṇṭhasūtraṃ ca bhāsvaram

bearing upon his head a blazing wreath of pure gold, and wearing upon his breast a golden ornament (niṣka) and a bright neck-chain,

सिर पर शुद्ध स्वर्ण की दीप्त माला धारण किए, वक्षःस्थल पर निष्क (स्वर्ण-आभूषण) और चमकता कण्ठसूत्र पहने,

Verse 27

चापं च रुक्मविकृतं विधुन्वन् गजमूर्धनि अशोभत महाराज सविद्युद् इव तोयदः

cāpaṃ ca rukmavikṛtaṃ vidhunvan gajamūrdhani aśobhata mahārāja savidyud iva toyadaḥ

and brandishing a gold-wrought bow upon the elephant's head, he shone, O great king, like a cloud lit with lightning.

और हाथी के मस्तक पर स्वर्ण-जटित धनुष को कँपाता हुआ, हे महाराज, वह बिजली से युक्त मेघ के समान सुशोभित हुआ।

Verse 28

तम् आपतन्तं सहसा मागधस्य गजोत्तमम् सात्यकिर् वारयाम् आस वेलेवोद्वृत्तम् अर्णवम्

tam āpatantaṃ sahasā māgadhasya gajottamam sātyakir vārayām āsa velevodvṛttam arṇavam

As the excellent elephant of the Magadha prince suddenly came on, Sātyaki checked it, as the shore [checks] the surging sea.

सहसा आते हुए मागध के उस उत्तम हाथी को सात्यकि ने वैसे ही रोक दिया जैसे तट उमड़ते सागर को।

Verse 29

नागं निवारितं दृष्ट्वा शैनेयस्य शरोत्तमैः अक्रुध्यत रणे राजञ् जलसंधो महाबलः

nāgaṃ nivāritaṃ dṛṣṭvā śaineyasya śarottamaiḥ akrudhyata raṇe rājañ jalasaṃdho mahābalaḥ

Seeing his elephant checked by the choice shafts of the Śaineya, Jalasandha of great strength grew wroth in battle, O king.

हे राजन्! शैनेय के श्रेष्ठ बाणों से अपने हाथी को रुका देखकर महाबली जलसंध रण में क्रुद्ध हो उठा।

Verse 30

ततः क्रुद्धो महेष्वासो मार्गणैर् भारसाधनैः अविध्यत शिनेः पौत्रं जलसंधो महोरसि

tataḥ kruddho maheṣvāso mārgaṇair bhārasādhanaiḥ avidhyata śineḥ pautraṃ jalasaṃdho mahorasi

Then the wrathful mighty bowman Jalasandha pierced the grandson of Sini in the broad breast with heavy, penetrating shafts.

तब क्रुद्ध महाधनुर्धर जलसंध ने भारी, भेदक बाणों से शिनि के पौत्र को उनके विशाल वक्षःस्थल में बींधा।

Verse 31

ततो ऽपरेण भल्लेन पीतेन निशितेन च अस्यतो वृष्णिवीरस्य निचकर्त शरासनम्

tato 'pareṇa bhallena pītena niśitena ca asyato vṛṣṇivīrasya nicakarta śarāsanam

Then, with another sharp, yellow arrow, he cut the bow of that Vṛṣṇi hero as he was shooting.

तब दूसरे तीक्ष्ण, पीले बाण से बाण छोड़ते हुए उस वृष्णिवीर (सात्यकि) का धनुष काट डाला।

Verse 32

सात्यकिं छिन्नधन्वानं प्रहसन्न् इव भारत अविध्यन् मागधो वीरः पञ्चभिर् निशितैः शरैः

sātyakiṃ chinnadhanvānaṃ prahasann iva bhārata avidhyan māgadho vīraḥ pañcabhir niśitaiḥ śaraiḥ

Jalasandha the hero, as if in sport, O Bhārata, pierced Sātyaki, whose bow was cut, with five sharp shafts.

हे भारत! धनुष कट जाने पर मागधवीर जलसंध ने, मानो हँसते हुए, सात्यकि को पाँच तीक्ष्ण बाणों से बींधा।

Verse 33

स विद्धो बहुभिर् बाणैर् जलसंधेन वीर्यवान् नाकम्पत महाबाहुस् तद् अद्भुतम् इवाभवत्

sa viddho bahubhir bāṇair jalasaṃdhena vīryavān nākampata mahābāhus tad adbhutam ivābhavat

Pierced by many arrows by Jalasandha, that valiant mighty-armed one did not waver; and that was like a marvel.

जलसंध द्वारा बहुत-से बाणों से बींधा गया वह पराक्रमी महाबाहु विचलित नहीं हुआ; यह मानो अद्भुत था।

Verse 34

अचिन्तयन् वै स शरान् नात्यर्थं संभ्रमाद् बली धनुर् अन्यत् समादाय तिष्ठ तिष्ठेत्य् उवाच ह

acintayan vai sa śarān nātyarthaṃ saṃbhramād balī dhanur anyat samādāya tiṣṭha tiṣṭhety uvāca ha

The strong one, heeding the arrows but little and without great agitation, took up another bow and said, 'Stand, stand!'

बाणों की तनिक भी चिंता न करते हुए, बिना अधिक घबराए उस बलवान ने दूसरा धनुष लेकर कहा — 'ठहरो, ठहरो!'

Verse 35

एतावद् उक्त्वा शैनेयो जलसंधं महोरसि विव्याध षष्ट्या सुभृशं शराणां प्रहसन्न् इव

etāvad uktvā śaineyo jalasaṃdhaṃ mahorasi vivyādha ṣaṣṭyā subhṛśaṃ śarāṇāṃ prahasann iva

Having said only this much, the Śaineya pierced Jalasandha very sorely in the broad breast with sixty arrows, as if in sport.

इतना कहकर शैनेय ने, मानो हँसते हुए, जलसंध को उसके विशाल वक्षःस्थल में साठ बाणों से अत्यंत गहराई तक बींध दिया।

Verse 36

क्षुरप्रेण च पीतेन मुष्टिदेशे महद् धनुः जलसंधस्य चिच्छेद विव्याध च त्रिभिः शरैः

kṣurapreṇa ca pītena muṣṭideśe mahad dhanuḥ jalasaṃdhasya ciccheda vivyādha ca tribhiḥ śaraiḥ

And with a sharp, yellow razor-arrow he cut Jalasandha's great bow at the grip, and pierced him with three shafts.

और तीक्ष्ण, पीले क्षुरप्र बाण से जलसंध के महान धनुष को मुट्ठी के स्थान पर काट डाला और उसे तीन बाणों से बींधा।

Verse 37

जलसंधस् तु तत् त्यक्त्वा सशरं वै शरासनम् तोमरं व्यसृजत् तूर्णं सात्यकिं प्रति मारिष

jalasaṃdhas tu tat tyaktvā saśaraṃ vai śarāsanam tomaraṃ vyasṛjat tūrṇaṃ sātyakiṃ prati māriṣa

But Jalasandha, casting aside that bow with its arrow, swiftly hurled a lance at Sātyaki, O revered one.

हे माननीय! किंतु जलसंध ने उस बाण सहित धनुष को त्यागकर शीघ्र ही सात्यकि की ओर एक तोमर फेंका।

Verse 38

स निर्भिद्य भुजं सव्यं माधवस्य महारणे अभ्यगाद् धरणीं घोरः श्वसन्न् इव महोरगः

sa nirbhidya bhujaṃ savyaṃ mādhavasya mahāraṇe abhyagād dharaṇīṃ ghoraḥ śvasann iva mahoragaḥ

Having pierced through the left arm of the Mādhava (Sātyaki) in that great battle, the terrible [lance] entered the earth, hissing like a great serpent.

वह भयंकर (तोमर) उस महायुद्ध में माधव (सात्यकि) की बाईं भुजा को भेदकर, महान सर्प के समान फुफकारता हुआ पृथ्वी में समा गया।

Verse 39

निर्भिन्ने तु भुजे सव्ये सात्यकिः सत्यविक्रमः त्रिंशद्भिर् विशिखैस् तीक्ष्णैर् जलसंधम् अताडयत्

nirbhinne tu bhuje savye sātyakiḥ satyavikramaḥ triṃśadbhir viśikhais tīkṣṇair jalasaṃdham atāḍayat

His left arm pierced through, Sātyaki of true valour smote Jalasandha with thirty sharp arrows.

बाईं भुजा भिद जाने पर सत्यपराक्रमी सात्यकि ने तीस तीक्ष्ण बाणों से जलसंध पर प्रहार किया।

Verse 40

प्रगृह्य तु ततः खड्गं जलसंधो महाबलः आर्षभं चर्म च महच् छतचन्द्रम् अलंकृतम् तत आविध्य तं खड्गं सात्वतायोत्ससर्ज ह

pragṛhya tu tataḥ khaḍgaṃ jalasaṃdho mahābalaḥ ārṣabhaṃ carma ca mahac chatacandram alaṃkṛtam tata āvidhya taṃ khaḍgaṃ sātvatāyotsasarja ha

Then Jalasandha of great strength, taking up a sword and a great bull-hide shield decked with a hundred moons, whirled that sword and hurled it at the Sātvata.

तब महाबली जलसंध ने तलवार और सौ चंद्रमाओं से अलंकृत एक विशाल वृषभचर्म की ढाल लेकर, उस तलवार को घुमाकर सात्वत की ओर फेंका।

Verse 41

शैनेयस्य धनुश् छित्त्वा स खड्गो न्यपतन् महीम् अलातचक्रवच् चैव व्यरोचत महीं गतः

śaineyasya dhanuś chittvā sa khaḍgo nyapatan mahīm alātacakravac caiva vyarocata mahīṃ gataḥ

Having cut the bow of the Śaineya, that sword fell to the ground; and, reaching the ground, it gleamed like a whirling firebrand.

शैनेय के धनुष को काटकर वह तलवार भूमि पर गिर पड़ी; और भूमि पर पहुँचकर घूमते अलातचक्र (जलती लकड़ी के चक्र) के समान चमक उठी।

Verse 42

अथान्यद् धनुर् आदाय सर्वकायावदारणम् शालस्कन्धप्रतीकाशम् इन्द्राशनिसमस्वनम् विस्फार्य विव्यधे क्रुद्धो जलसंधं शरेण ह

athānyad dhanur ādāya sarvakāyāvadāraṇam śālaskandhapratīkāśam indrāśanisamasvanam visphārya vivyadhe kruddho jalasaṃdhaṃ śareṇa ha

Then, taking up another bow, able to rend every body, resembling the trunk of a sāla tree and of sound like Indra's thunderbolt, and drawing it, the wrathful one pierced Jalasandha with an arrow.

तब सब शरीरों को चीर देने वाला, साल के तने के समान और इन्द्र के वज्र के समान शब्द वाला दूसरा धनुष लेकर, उसे खींचकर क्रुद्ध (सात्यकि) ने जलसंध को एक बाण से बींधा।

Verse 43

ततः साभरणौ बाहू क्षुराभ्यां माधवोत्तमः साङ्गदौ जलसंधस्य चिच्छेद प्रहसन्न् इव

tataḥ sābharaṇau bāhū kṣurābhyāṃ mādhavottamaḥ sāṅgadau jalasaṃdhasya ciccheda prahasann iva

Then the best of the Mādhavas, with two razor-arrows, cut off, as if in sport, the two arms of Jalasandha, adorned with ornaments and armlets.

तब माधवश्रेष्ठ ने दो क्षुर बाणों से, मानो हँसते हुए, आभूषणों और अंगदों से युक्त जलसंध की दोनों भुजाएँ काट डालीं।

Verse 44

तौ बाहू परिघप्रख्यौ पेततुर् गजसत्तमात् वसुंधरधराद् भ्रष्टौ पञ्चशीर्षाव् इवोरगौ

tau bāhū parighaprakhyau petatur gajasattamāt vasuṃdharadharād bhraṣṭau pañcaśīrṣāv ivoragau

Those two arms, like iron bludgeons, fell from that best of elephants, like two five-hooded serpents fallen from the earth-bearing mountain.

परिघ के समान वे दोनों भुजाएँ उस उत्तम हाथी से वैसे गिरीं जैसे पृथ्वीधर पर्वत से गिरे पाँच फनवाले दो सर्प।

Verse 45

ततः सुदंष्ट्रं सुहनु चारुकुण्डलम् उन्नसम् क्षुरेणास्य तृतीयेन शिरश् चिच्छेद सात्यकिः

tataḥ sudaṃṣṭraṃ suhanu cārukuṇḍalam unnasam kṣureṇāsya tṛtīyena śiraś ciccheda sātyakiḥ

Then, with a third razor-arrow, Sātyaki cut off his head, with its fine teeth, fair jaw, lovely earrings and high nose.

तब सात्यकि ने तीसरे क्षुर बाण से उसका सिर काट डाला, जो सुंदर दाँतों, सुंदर ठोड़ी, मनोहर कुण्डलों और ऊँची नासिका वाला था।

Verse 46

तत् पातितशिरोबाहुकबन्धं भीमदर्शनम् द्विरदं जलसंधस्य रुधिरेणाभ्यषिञ्चत

tat pātitaśirobāhukabandhaṃ bhīmadarśanam dviradaṃ jalasaṃdhasya rudhireṇābhyaṣiñcata

The elephant of Jalasandha, fearsome to behold, bearing [its rider's] felled head and arms and his headless trunk, Sātyaki drenched with blood.

जलसंध के उस देखने में भयंकर हाथी को, जो (सवार के) कटे सिर, भुजाओं और धड़ को लिए हुए था, सात्यकि ने रक्त से सींच दिया।

Verse 47

जलसंधं निहत्याजौ त्वरमाणस् तु सात्वतः नैषादिं पातयाम् आस गजस्कन्धाद् विशां पते

jalasaṃdhaṃ nihatyājau tvaramāṇas tu sātvataḥ naiṣādiṃ pātayām āsa gajaskandhād viśāṃ pate

Having slain Jalasandha in the fray, the Sātvata, hastening, cast down the Naiṣādi (the elephant-driver) from the elephant's shoulder, O lord of the people.

हे प्रजापते! रण में जलसंध को मारकर सात्वत ने शीघ्रता से नैषादि (महावत) को हाथी के कंधे से गिरा दिया।

Verse 48

रुधिरेणावसिक्ताङ्गो जलसंधस्य कुञ्जरः विलम्बमानम् अवहत् संश्लिष्टं परम् आसनम्

rudhireṇāvasiktāṅgo jalasaṃdhasya kuñjaraḥ vilambamānam avahat saṃśliṣṭaṃ param āsanam

Jalasandha's elephant, its body bathed in blood, bore off [the corpse] dangling and clinging to the lofty seat.

रक्त से सिंचित शरीर वाला जलसंध का हाथी उस लटकते, ऊँचे आसन से चिपके (शव) को लिए चलता रहा।

Verse 49

शरार्दितः सात्वतेन मर्दमानः स्ववाहिनीम् घोरम् आर्तस्वरं कृत्वा विदुद्राव महागजः

śarārditaḥ sātvatena mardamānaḥ svavāhinīm ghoram ārtasvaraṃ kṛtvā vidudrāva mahāgajaḥ

Tormented by the Sātvata's arrows, trampling its own army, uttering a terrible cry of distress, the great elephant fled.

सात्वत के बाणों से पीड़ित वह महान हाथी अपनी ही सेना को रौंदता हुआ, घोर आर्तनाद करके भाग निकला।

Verse 50

हाहाकारो महान् आसीत् तव सैन्यस्य मारिष जलसंधं हतं दृष्ट्वा वृष्णीनाम् ऋषभेण ह

hāhākāro mahān āsīt tava sainyasya māriṣa jalasaṃdhaṃ hataṃ dṛṣṭvā vṛṣṇīnām ṛṣabheṇa ha

A great cry of 'Alas! Alas!' arose from your army, O revered one, at the sight of Jalasandha slain by the bull of the Vṛṣṇis.

हे माननीय! वृष्णियों के श्रेष्ठ (सात्यकि) द्वारा जलसंध को मारा गया देखकर आपकी सेना में महान हाहाकार मच गया।

Verse 51

विमुखाश् चाभ्यधावन्त तव योधाः समन्ततः पलायने कृतोत्साहा निरुत्साहा द्विषज्जये

vimukhāś cābhyadhāvanta tava yodhāḥ samantataḥ palāyane kṛtotsāhā nirutsāhā dviṣajjaye

And your warriors, turning their faces away, ran on every side, resolved upon flight, without zeal for victory over the foe.

और आपके योद्धा मुख मोड़कर चारों ओर भाग निकले, पलायन में उत्साही और शत्रु पर विजय में उत्साहहीन।

Verse 52

एतस्मिन्न् अन्तरे राजन् द्रोणः शस्त्रभृतां वरः अभ्ययाज् जवनैर् अश्वैर् युयुधानं महारथम्

etasminn antare rājan droṇaḥ śastrabhṛtāṃ varaḥ abhyayāj javanair aśvair yuyudhānaṃ mahāratham

In this interval, O king, Droṇa, the best of weapon-bearers, advanced with swift horses against the great car-warrior Yuyudhana.

हे राजन्! इसी बीच शस्त्रधारियों में श्रेष्ठ द्रोण वेगवान घोड़ों से महारथी युयुधान की ओर बढ़े।

Verse 53

तम् उदीर्णं तथा दृष्ट्वा शैनेयं कुरुपुंगवाः द्रोणेनैव सह क्रुद्धाः सात्यकिं पर्यवारयन्

tam udīrṇaṃ tathā dṛṣṭvā śaineyaṃ kurupuṃgavāḥ droṇenaiva saha kruddhāḥ sātyakiṃ paryavārayan

Seeing the Śaineya thus risen up, the Kuru bulls, wrathful, together with Droṇa, surrounded Sātyaki.

शैनेय को इस प्रकार उद्धत देखकर कुरुश्रेष्ठों ने द्रोण के साथ क्रुद्ध होकर सात्यकि को घेर लिया।

Verse 54

ततः प्रववृते युद्धं कुरूणां सात्वतस्य च द्रोणस्य च रणे राजन् घोरं देवासुरोपमम्

tataḥ pravavṛte yuddhaṃ kurūṇāṃ sātvatasya ca droṇasya ca raṇe rājan ghoraṃ devāsuropamam

Then began the battle between the Kurus and the Sātvata, and Droṇa, in the fray, O king — terrible, like that of the gods and the Asuras.

हे राजन्! तब रण में कुरुओं, सात्वत और द्रोण के बीच देवासुर-संग्राम के समान घोर युद्ध छिड़ गया।