Adhyaya 89

Verse 1

धृतराष्ट्र उवाच एवं बहुविधं सैन्यम् एवं प्रविचितं वरम् व्यूढम् एवं यथान्यायम् एवं बहु च संजय

dhṛtarāṣṭra uvāca evaṃ bahuvidhaṃ sainyam evaṃ pravicitaṃ varam vyūḍham evaṃ yathānyāyam evaṃ bahu ca saṃjaya

Dhṛtarāṣṭra said: An army so manifold, so choicely picked and excellent, so arrayed according to rule, and so numerous, O Sañjaya —

धृतराष्ट्र ने कहा — हे संजय! इतनी बहुविध, इतनी चुनी हुई और श्रेष्ठ, इस प्रकार विधिपूर्वक व्यूह-रचना में सजी हुई और इतनी विशाल सेना —

Verse 2

नित्यं पूजितम् अस्माभिर् अभिकामं च नः सदा प्रौढम् अत्यद्भुताकारं पुरस्ताद् दृढविक्रमम्

nityaṃ pūjitam asmābhir abhikāmaṃ ca naḥ sadā prauḍham atyadbhutākāraṃ purastād dṛḍhavikramam

ever honoured by us and ever devoted to us, seasoned, of most wondrous form, of firm valour in the van,

जो हमारे द्वारा सदा सम्मानित और हमारी सदा अनुरक्त है, जो अनुभवी, अत्यंत अद्भुत आकार वाली और मोर्चे पर दृढ़ पराक्रम वाली है,

Verse 3

नातिवृद्धम् अबालं च न कृशं नातिपीवरम् लघुवृत्तायतप्राणं सारगात्रम् अनामयम्

nātivṛddham abālaṃ ca na kṛśaṃ nātipīvaram laghuvṛttāyataprāṇaṃ sāragātram anāmayam

neither too old nor too young, neither lean nor overly fat, agile, of well-rounded and long limbs, sturdy of frame and free from disease,

न अति वृद्ध न बालक, न दुबली न अति मोटी, फुर्तीली, सुगठित और लंबे अंगों वाली, सारगर्भित शरीर वाली और रोगरहित है,

Verse 4

आत्तसंनाहसंपन्नं बहुशस्त्रपरिच्छदम् शस्त्रग्रहणविद्यासु बह्वीषु परिनिष्ठितम्

āttasaṃnāhasaṃpannaṃ bahuśastraparicchadam śastragrahaṇavidyāsu bahvīṣu pariniṣṭhitam

accoutred with armour taken up, equipped with weapons of many kinds, and thoroughly versed in the many sciences of wielding arms,

जो धारण किए कवच से सम्पन्न, अनेक शस्त्रों से सुसज्जित और शस्त्र-ग्रहण की अनेक विद्याओं में भली-भाँति निष्णात है,

Verse 5

आरोहे पर्यवस्कन्दे सरणे सान्तरप्लुते सम्यक्प्रहरणे याने व्यपयाने च कोविदम्

ārohe paryavaskande saraṇe sāntaraplute samyakpraharaṇe yāne vyapayāne ca kovidam

skilled in mounting and in leaping down, in advancing and in leaping across intervals, in striking well, in charging and in retreating,

जो (वाहन पर) चढ़ने, कूदकर उतरने, आगे बढ़ने, अंतराल लाँघकर कूदने, भली-भाँति प्रहार करने, आक्रमण करने और पीछे हटने में कुशल है,

Verse 6

नागेष्व् अश्वेषु बहुशो रथेषु च परीक्षितम् परीक्ष्य च यथान्यायं वेतनेनोपपादितम्

nāgeṣv aśveṣu bahuśo ratheṣu ca parīkṣitam parīkṣya ca yathānyāyaṃ vetanenopapāditam

tested again and again on elephants, on horses and on chariots, and, having been duly tested, retained with wages —

जो हाथियों, घोड़ों और रथों पर बार-बार परीक्षित है, और विधिपूर्वक परीक्षा करके वेतन देकर रखी गई है —

Verse 7

न गोष्ठ्या नोपचारेण न संबन्धनिमित्ततः नानाहूतो न ह्य् अभृतो मम सैन्ये बभूव ह

na goṣṭhyā nopacāreṇa na saṃbandhanimittataḥ nānāhūto na hy abhṛto mama sainye babhūva ha

not through fellowship, nor through mere favour, nor by reason of kinship; none uninvited, none unpaid, was there in my army.

न मित्रता से, न केवल कृपा से, न संबंध के कारण; मेरी सेना में न कोई बिना बुलाया और न कोई बिना वेतन के रहा।

Verse 8

कुलीनार्यजनोपेतं तुष्टपुष्टम् अनुद्धतम् कृतमानोपकारं च यशस्वि च मनस्वि च

kulīnāryajanopetaṃ tuṣṭapuṣṭam anuddhatam kṛtamānopakāraṃ ca yaśasvi ca manasvi ca

comprising men noble-born and honourable, contented and well-nourished, free of arrogance, upon whom honours and favours had been bestowed, glorious and high-spirited;

जो कुलीन और आर्यजनों से युक्त, संतुष्ट-पुष्ट, घमंडरहित, जिन पर मान और उपकार किए गए थे, यशस्वी और मनस्वी थी;

Verse 9

सचिवैश् चापरैर् मुख्यैर् बहुभिर् मुख्यकर्मभिः लोकपालोपमैस् तात पालितं नरसत्तमैः

sacivaiś cāparair mukhyair bahubhir mukhyakarmabhiḥ lokapālopamais tāta pālitaṃ narasattamaiḥ

guarded too, my dear one, by many other chief counsellors of foremost deeds, the best of men, like the guardians of the world;

हे तात! जो श्रेष्ठ कर्म करने वाले अनेक अन्य प्रमुख सचिवों द्वारा भी, लोकपालों के समान नरश्रेष्ठों द्वारा पालित (संरक्षित) थी;

Verse 10

बहुभिः पार्थिवैर् गुप्तम् अस्मत्प्रियचिकीर्षुभिः अस्मान् अभिसृतैः कामात् सबलैः सपदानुगैः

bahubhiḥ pārthivair guptam asmatpriyacikīrṣubhiḥ asmān abhisṛtaiḥ kāmāt sabalaiḥ sapadānugaiḥ

protected by many kings, desirous of doing us pleasure, who had come to us of their own accord, with their forces and their followers —

जो हमारा प्रिय करने के इच्छुक बहुत-से राजाओं द्वारा सुरक्षित थी, जो अपनी इच्छा से सेना और अनुचरों सहित हमारे पास चले आए थे —

Verse 11

महोदधिम् इवापूर्णम् आपगाभिः समन्ततः अपक्षैः पक्षिसंकाशै रथैर् अश्वैश् च संवृतम्

mahodadhim ivāpūrṇam āpagābhiḥ samantataḥ apakṣaiḥ pakṣisaṃkāśai rathair aśvaiś ca saṃvṛtam

like the great ocean brimful with rivers on every side; thronged with chariots and horses that, though wingless, resembled birds;

जो चारों ओर नदियों से भरे महासागर के समान थी; पंखरहित होकर भी पक्षियों के समान (वेगवान) रथों और घोड़ों से भरी थी;

Verse 12

योधाक्षय्यजलं भीमं वाहनोर्मितरङ्गिणम् क्षेपण्यसिगदाशक्तिशरप्रासझषाकुलम्

yodhākṣayyajalaṃ bhīmaṃ vāhanormitaraṅgiṇam kṣepaṇyasigadāśaktiśaraprāsajhaṣākulam

that terrible [ocean] whose inexhaustible water was its warriors, whose waves and billows were its mounts, teeming with sling-stones, swords, maces, darts, arrows and javelins for its fishes;

वह भयानक (सागर-सी सेना), जिसका अक्षय जल योद्धा थे, जिसके वाहन लहरें और तरंगें थीं, जो क्षेपणी, तलवार, गदा, शक्ति, बाण और प्रास-रूपी मछलियों से भरी थी;

Verse 13

ध्वजभूषणसंबाधं रत्नपट्टेन संचितम् वाहनैर् अपि धावद्भिर् वायुवेगविकम्पितम्

dhvajabhūṣaṇasaṃbādhaṃ ratnapaṭṭena saṃcitam vāhanair api dhāvadbhir vāyuvegavikampitam

crowded with banners and ornaments, heaped with jewel-set cloth, and tossed as by the wind's force by its coursing mounts;

जो ध्वजाओं और आभूषणों से सघन, रत्नजटित वस्त्रों से भरी, और दौड़ते वाहनों से वायु-वेग से काँपती हुई थी;

Verse 14

द्रोणगम्भीरपातालं कृतवर्ममहाह्रदम् जलसंधमहाग्राहं कर्णचन्द्रोदयोद्धतम्

droṇagambhīrapātālaṃ kṛtavarmamahāhradam jalasaṃdhamahāgrāhaṃ karṇacandrodayoddhatam

with Droṇa for its deep abyss, Kṛtavarman for its great whirlpool, Jalasandha for its great crocodile, and Karṇa surging up like the moon that raises the tide —

जिसमें द्रोण गहरा पाताल थे, कृतवर्मा महान भँवर थे, जलसंध महान मगर थे, और कर्ण ज्वार उठाने वाले चंद्रोदय की भाँति उठे हुए थे —

Verse 15

गते सैन्यार्णवं भित्त्वा तरसा पाण्डवर्षभे संजयैकरथेनैव युयुधाने च मामकम्

gate sainyārṇavaṃ bhittvā tarasā pāṇḍavarṣabhe saṃjayaikarathenaiva yuyudhāne ca māmakam

when the bull of the Pāṇḍavas (Arjuna), having cloven that ocean of an army with speed, had gone with but a single chariot, O Sañjaya, and Yuyudhana too [had cloven] my host,

हे संजय! जब पाण्डवश्रेष्ठ (अर्जुन) उस सेना-सागर को वेग से चीरकर केवल एक रथ से चले गए, और युयुधान ने भी मेरी सेना को (चीर दिया),

Verse 16

तत्र शेषं न पश्यामि प्रविष्टे सव्यसाचिनि सात्वते च रथोदारे मम सैन्यस्य संजय

tatra śeṣaṃ na paśyāmi praviṣṭe savyasācini sātvate ca rathodāre mama sainyasya saṃjaya

I see no remnant there of my army, O Sañjaya, once Savyasācin (Arjuna) and the Sātvata (Sātyaki), that noble car-warrior, had entered it.

हे संजय! सव्यसाची (अर्जुन) और उदार रथी सात्वत (सात्यकि) के प्रवेश कर जाने पर मुझे मेरी सेना का वहाँ कोई शेष नहीं दिखाई देता।

Verse 17

तौ तत्र समतिक्रान्तौ दृष्ट्वाभीतौ तरस्विनौ सिन्धुराजं च संप्रेक्ष्य गाण्डीवस्येषुगोचरे

tau tatra samatikrāntau dṛṣṭvābhītau tarasvinau sindhurājaṃ ca saṃprekṣya gāṇḍīvasyeṣugocare

When those two swift ones had passed through there, seen to be fearless, and had beheld the king of the Sindhus within the range of Gāṇḍīva's arrows —

वे दोनों वेगवान वीर निर्भय होकर वहाँ से निकल गए, और गाण्डीव के बाणों की सीमा में सिंधुराज को देख लिया — ऐसा देखकर,

Verse 18

किं तदा कुरवः कृत्यं विदधुः कालचोदिताः दारुणैकायने काले कथं वा प्रतिपेदिरे

kiṃ tadā kuravaḥ kṛtyaṃ vidadhuḥ kālacoditāḥ dāruṇaikāyane kāle kathaṃ vā pratipedire

what task did the Kurus then perform, impelled by Fate? Or how did they bear themselves in that dire hour of extremity?

काल से प्रेरित कौरवों ने तब क्या कार्य किया? अथवा उस भयंकर संकट की घड़ी में उन्होंने अपने को कैसे सँभाला?

Verse 19

ग्रस्तान् हि कौरवान् मन्ये मृत्युना तात संगतान् विक्रमो हि रणे तेषां न तथा दृश्यते ऽद्य वै

grastān hi kauravān manye mṛtyunā tāta saṃgatān vikramo hi raṇe teṣāṃ na tathā dṛśyate 'dya vai

For I deem the Kauravas seized, my dear one, and joined with Death; for their valour in battle is not seen today as [once it was].

हे तात! मैं समझता हूँ कि कौरव मृत्यु के ग्रास बन गए, काल से जा मिले; क्योंकि आज रण में उनका पराक्रम वैसा नहीं दिखाई देता (जैसा पहले था)।

Verse 20

अक्षतौ संयुगे तत्र प्रविष्टौ कृष्णपाण्डवौ न च वारयिता कश् चित् तयोर् अस्तीह संजय

akṣatau saṃyuge tatra praviṣṭau kṛṣṇapāṇḍavau na ca vārayitā kaś cit tayor astīha saṃjaya

There, unwounded, those two — Kṛṣṇa and the Pāṇḍava (Arjuna) — had entered the battle, and there is none here, O Sañjaya, to check the two of them.

हे संजय! वहाँ वे दोनों — कृष्ण और पाण्डव (अर्जुन) — अक्षत (निर्बाध) होकर युद्ध में प्रविष्ट हो गए, और उन दोनों को रोकने वाला यहाँ कोई नहीं है।

Verse 21

भृताश् च बहवो योधाः परीक्ष्यैव महारथाः वेतनेन यथायोग्यं प्रियवादेन चापरे

bhṛtāś ca bahavo yodhāḥ parīkṣyaiva mahārathāḥ vetanena yathāyogyaṃ priyavādena cāpare

And many warriors, great car-warriors, were engaged only after being tested — with fitting wages, and others by kind words.

बहुत-से योद्धा और महारथी परीक्षा करके ही रखे गए थे — यथायोग्य वेतन देकर, और अन्य प्रिय वचनों से।

Verse 22

अकारणभृतस् तात मम सैन्ये न विद्यते कर्मणा ह्य् अनुरूपेण लभ्यते भक्तवेतनम्

akāraṇabhṛtas tāta mama sainye na vidyate karmaṇā hy anurūpeṇa labhyate bhaktavetanam

There is none in my army maintained without cause, my dear one; for support and wages are earned by deeds befitting them.

हे तात! मेरी सेना में बिना कारण रखा गया कोई नहीं है; क्योंकि उपयुक्त कर्म से ही भरण-पोषण और वेतन मिलता है।

Verse 23

न च योधो ऽभवत् कश् चिन् मम सैन्ये तु संजय अल्पदानभृतस् तात न कुप्यभृतको नरः

na ca yodho 'bhavat kaś cin mama sainye tu saṃjaya alpadānabhṛtas tāta na kupyabhṛtako naraḥ

And there was no warrior in my army, O Sañjaya, maintained on scanty pay, my dear one, nor any man paid in mere trifles.

हे संजय! हे तात! मेरी सेना में न कोई योद्धा अल्प वेतन पर रखा गया था, और न कोई मनुष्य तुच्छ (घटिया) वेतन पर।

Verse 24

पूजिता हि यथाशक्त्या दानमानासनैर् मया तथा पुत्रैश् च मे तात ज्ञातिभिश् च सबान्धवैः

pūjitā hi yathāśaktyā dānamānāsanair mayā tathā putraiś ca me tāta jñātibhiś ca sabāndhavaiḥ

For they were honoured according to their deserts by me, with gifts, respect and seats of honour, and likewise by my sons, my dear one, and by kinsmen with their relatives.

हे तात! क्योंकि मैंने यथाशक्ति दान, मान और आसन से उन्हें सम्मानित किया, और वैसे ही मेरे पुत्रों ने तथा बंधुओं सहित ज्ञातिजनों ने भी।

Verse 25

ते च प्राप्यैव संग्रामे निर्जिताः सव्यसाचिना शैनेयेन परामृष्टाः किम् अन्यद् भागधेयतः

te ca prāpyaiva saṃgrāme nirjitāḥ savyasācinā śaineyena parāmṛṣṭāḥ kim anyad bhāgadheyataḥ

And yet, having but reached him in battle, they were vanquished by Savyasācin, and mauled by the Śaineya (Sātyaki) — what is this, but the working of destiny?

फिर भी वे संग्राम में उनके पास पहुँचते ही सव्यसाची द्वारा जीत लिए गए और शैनेय (सात्यकि) द्वारा कुचल दिए गए — यह भाग्य के सिवा और क्या है?

Verse 26

रक्ष्यते यश् च संग्रामे ये च संजय रक्षिणः एकः साधारणः पन्था रक्ष्यस्य सह रक्षिभिः

rakṣyate yaś ca saṃgrāme ye ca saṃjaya rakṣiṇaḥ ekaḥ sādhāraṇaḥ panthā rakṣyasya saha rakṣibhiḥ

He who is guarded in battle, and they, O Sañjaya, who are his guardians — one common road [awaits] the guarded together with his guardians.

हे संजय! जो संग्राम में रक्षा किया जाता है और जो उसके रक्षक हैं — रक्ष्य (रक्षणीय) और रक्षकों, दोनों का एक ही समान मार्ग (परिणाम) होता है।

Verse 27

अर्जुनं समरे दृष्ट्वा सैन्धवस्याग्रतः स्थितम् पुत्रो मम भृशं मूढः किं कार्यं प्रत्यपद्यत

arjunaṃ samare dṛṣṭvā saindhavasyāgrataḥ sthitam putro mama bhṛśaṃ mūḍhaḥ kiṃ kāryaṃ pratyapadyata

Seeing Arjuna in battle stationed before the Saindhava, what course did my son, sorely bewildered, resolve upon?

समर में अर्जुन को सैंधव के सामने खड़ा देखकर, अत्यंत मूढ़ (विकल) हुए मेरे पुत्र ने क्या कर्तव्य निश्चित किया?

Verse 28

सात्यकिं च रणे दृष्ट्वा प्रविशन्तम् अभीतवत् किं नु दुर्योधनः कृत्यं प्राप्तकालम् अमन्यत

sātyakiṃ ca raṇe dṛṣṭvā praviśantam abhītavat kiṃ nu duryodhanaḥ kṛtyaṃ prāptakālam amanyata

And seeing Sātyaki entering the battle fearlessly, what did Duryodhana deem the deed befitting the moment?

और रण में सात्यकि को निर्भयतापूर्वक प्रवेश करते देखकर दुर्योधन ने उस समय के अनुरूप क्या कर्तव्य माना?

Verse 29

सर्वशस्त्रातिगौ सेनां प्रविष्टौ रथसत्तमौ दृष्ट्वा कां वै धृतिं युद्धे प्रत्यपद्यन्त मामकाः

sarvaśastrātigau senāṃ praviṣṭau rathasattamau dṛṣṭvā kāṃ vai dhṛtiṃ yuddhe pratyapadyanta māmakāḥ

Seeing those two best of car-warriors, who surpass all in weapons, enter the army, what steadfastness in battle did my men find?

सब शस्त्रधारियों से बढ़कर उन दोनों श्रेष्ठ रथियों को सेना में प्रविष्ट देखकर मेरे सैनिकों ने युद्ध में कौन-सा धैर्य पाया?

Verse 30

दृष्ट्वा कृष्णं तु दाशार्हम् अर्जुनार्थे व्यवस्थितम् शिनीनाम् ऋषभं चैव मन्ये शोचन्ति पुत्रकाः

dṛṣṭvā kṛṣṇaṃ tu dāśārham arjunārthe vyavasthitam śinīnām ṛṣabhaṃ caiva manye śocanti putrakāḥ

Seeing Kṛṣṇa the Dāśārha stationed for Arjuna's sake, and the bull of the Sinis (Sātyaki) too, I think my little sons grieve.

अर्जुन के लिए डटे हुए दाशार्ह कृष्ण को, तथा शिनियों के श्रेष्ठ (सात्यकि) को देखकर, मैं समझता हूँ कि मेरे पुत्र शोक कर रहे होंगे।

Verse 31

दृष्ट्वा सेनां व्यतिक्रान्तां सात्वतेनार्जुनेन च पलायमानांश् च कुरून् मन्ये शोचन्ति पुत्रकाः

dṛṣṭvā senāṃ vyatikrāntāṃ sātvatenārjunena ca palāyamānāṃś ca kurūn manye śocanti putrakāḥ

Seeing the army broken through by the Sātvata and by Arjuna, and the Kurus fleeing, I think my little sons grieve.

सात्वत और अर्जुन द्वारा सेना को भेदा हुआ देखकर, और कौरवों को भागते देखकर, मैं समझता हूँ कि मेरे पुत्र शोक कर रहे होंगे।

Verse 32

विद्रुतान् रथिनो दृष्ट्वा निरुत्साहान् द्विषज्जये पलायने कृतोत्साहान् मन्ये शोचन्ति पुत्रकाः

vidrutān rathino dṛṣṭvā nirutsāhān dviṣajjaye palāyane kṛtotsāhān manye śocanti putrakāḥ

Seeing the car-warriors routed, without zeal for victory over the foe, and bent upon flight, I think my little sons grieve.

शत्रु पर विजय के प्रति उत्साहहीन और पलायन में उत्साही रथियों को खदेड़ा हुआ देखकर, मैं समझता हूँ कि मेरे पुत्र शोक कर रहे होंगे।

Verse 33

शून्यान् कृतान् रथोपस्थान् सात्वतेनार्जुनेन च हतांश् च योधान् संदृश्य मन्ये शोचन्ति पुत्रकाः

śūnyān kṛtān rathopasthān sātvatenārjunena ca hatāṃś ca yodhān saṃdṛśya manye śocanti putrakāḥ

Seeing the chariot-platforms emptied by the Sātvata and Arjuna, and the warriors slain, I think my little sons grieve.

सात्वत और अर्जुन द्वारा सूने किए गए रथासनों को, और मारे गए योद्धाओं को देखकर, मैं समझता हूँ कि मेरे पुत्र शोक कर रहे होंगे।

Verse 34

व्यश्वनागरथान् दृष्ट्वा तत्र वीरान् सहस्रशः धावमानान् रणे व्यग्रान् मन्ये शोचन्ति पुत्रकाः

vyaśvanāgarathān dṛṣṭvā tatra vīrān sahasraśaḥ dhāvamānān raṇe vyagrān manye śocanti putrakāḥ

Seeing there heroes by the thousands, bereft of horses, elephants and chariots, running distraught in battle, I think my little sons grieve.

वहाँ घोड़े, हाथी और रथों से रहित सहस्रों वीरों को रण में व्याकुल होकर भागते देखकर, मैं समझता हूँ कि मेरे पुत्र शोक कर रहे होंगे।

Verse 35

विवीरांश् च कृतान् अश्वान् विरथांश् च कृतान् नरान् तत्र सात्यकिपार्थाभ्यां मन्ये शोचन्ति पुत्रकाः

vivīrāṃś ca kṛtān aśvān virathāṃś ca kṛtān narān tatra sātyakipārthābhyāṃ manye śocanti putrakāḥ

Seeing the horses made riderless and the men made carless there by Sātyaki and Pārtha, I think my little sons grieve.

वहाँ सात्यकि और पार्थ द्वारा घोड़ों को स्वाररहित और मनुष्यों को रथरहित किया हुआ देखकर, मैं समझता हूँ कि मेरे पुत्र शोक कर रहे होंगे।

Verse 36

पत्तिसंघान् रणे दृष्ट्वा धावमानांश् च सर्वशः निराशा विजये सर्वे मन्ये शोचन्ति पुत्रकाः

pattisaṃghān raṇe dṛṣṭvā dhāvamānāṃś ca sarvaśaḥ nirāśā vijaye sarve manye śocanti putrakāḥ

Seeing the bands of foot-soldiers running away on all sides in battle, all despairing of victory, I think my little sons grieve.

रण में पैदल सैनिकों के समूहों को सब ओर भागते देखकर, और सबको विजय से निराश देखकर, मैं समझता हूँ कि मेरे पुत्र शोक कर रहे होंगे।

Verse 37

द्रोणस्य समतिक्रान्ताव् अनीकम् अपराजितौ क्षणेन दृष्ट्वा तौ वीरौ मन्ये शोचन्ति पुत्रकाः

droṇasya samatikrāntāv anīkam aparājitau kṣaṇena dṛṣṭvā tau vīrau manye śocanti putrakāḥ

Having seen in a moment those two unconquered heroes pass beyond Droṇa's army, I think my little sons grieve.

क्षण-भर में द्रोण की सेना को लाँघ जाने वाले उन दोनों अपराजित वीरों को देखकर, मैं समझता हूँ कि मेरे पुत्र शोक कर रहे होंगे।

Verse 38

संमूढो ऽस्मि भृशं तात श्रुत्वा कृष्णधनंजयौ प्रविष्टौ मामकं सैन्यं सात्वतेन सहाच्युतौ

saṃmūḍho 'smi bhṛśaṃ tāta śrutvā kṛṣṇadhanaṃjayau praviṣṭau māmakaṃ sainyaṃ sātvatena sahācyutau

I am sorely bewildered, my dear one, hearing that the two Undecaying Ones, Kṛṣṇa and Dhanañjaya, together with the Sātvata (Sātyaki), have entered my army.

हे तात! यह सुनकर कि वे दोनों अच्युत — कृष्ण और धनंजय — सात्वत (सात्यकि) के साथ मेरी सेना में प्रवेश कर गए हैं, मैं अत्यंत विमूढ़ हो गया हूँ।

Verse 39

तस्मिन् प्रविष्टे पृतनां शिनीनां प्रवरे रथे भोजानीकं व्यतिक्रान्ते कथम् आसन् हि कौरवाः

tasmin praviṣṭe pṛtanāṃ śinīnāṃ pravare rathe bhojānīkaṃ vyatikrānte katham āsan hi kauravāḥ

When that foremost car-warrior of the Sinis had entered the host and passed through the Bhoja division, how fared the Kauravas?

शिनियों के उस श्रेष्ठ रथी के सेना में प्रवेश कर जाने और भोज की सेना को लाँघ जाने पर कौरव कैसे रहे?

Verse 40

तथा द्रोणेन समरे निगृहीतेषु पाण्डुषु कथं युद्धम् अभूत् तत्र तन् ममाचक्ष्व संजय

tathā droṇena samare nigṛhīteṣu pāṇḍuṣu kathaṃ yuddham abhūt tatra tan mamācakṣva saṃjaya

And when the Pāṇḍavas were being held in check in battle by Droṇa, how went the fight there? Tell me that, O Sañjaya.

हे संजय! इसी प्रकार द्रोण द्वारा समर में पाण्डवों के रोके जाने पर वहाँ युद्ध कैसा हुआ — वह मुझे बताओ।

Verse 41

द्रोणो हि बलवाञ् शूरः कृतास्त्रो दृढविक्रमः पाञ्चालास् तं महेष्वासं प्रत्ययुध्यन् कथं रणे

droṇo hi balavāñ śūraḥ kṛtāstro dṛḍhavikramaḥ pāñcālās taṃ maheṣvāsaṃ pratyayudhyan kathaṃ raṇe

For Droṇa is strong, heroic, accomplished in arms, and of firm valour; how did the Pāñcālas fight that mighty bowman in battle?

द्रोण तो बलवान, शूर, अस्त्रनिपुण और दृढ़ पराक्रमी हैं; पाञ्चालों ने रण में उस महाधनुर्धर से किस प्रकार युद्ध किया?

Verse 42

बद्धवैरास् तथा द्रोणे धर्मराजजयैषिणः भारद्वाजस् तथा तेषु कृतवैरो महारथः

baddhavairās tathā droṇe dharmarājajayaiṣiṇaḥ bhāradvājas tathā teṣu kṛtavairo mahārathaḥ

The Pāñcālas, bound in enmity with Droṇa and seeking the victory of Dharmarāja — and that great car-warrior, Bharadvāja's son, having made enmity with them —

पाञ्चाल द्रोण से बद्धवैर थे और धर्मराज की विजय चाहते थे; और वह महारथी भरद्वाजपुत्र भी उनसे वैरभाव रखता था —

Verse 43

अर्जुनश् चापि यच् चक्रे सिन्धुराजवधं प्रति तन् मे सर्वं समाचक्ष्व कुशलो ह्य् असि संजय

arjunaś cāpi yac cakre sindhurājavadhaṃ prati tan me sarvaṃ samācakṣva kuśalo hy asi saṃjaya

and what Arjuna too did toward the slaying of the king of the Sindhus — tell me all of that, for you are skilled, O Sañjaya.

और अर्जुन ने भी सिंधुराज के वध की ओर जो किया — वह सब मुझे बताओ, हे संजय, क्योंकि तुम कुशल हो।